سرگودھا(آن لائن )محکمہ داخلہ پنجاب نےکالعدم تنظیموں کو عید الضحیٰ کے موقع پر قربانی کی کھالیں جمع کرنے سے روک دیا۔ذرائع کے مطابق کالعدم تنظیموں پر قربانی کی کھالیں جمع کرنے پر پابندی لگا دی گئی، محکمہ داخلہ پنجاب نے سرگودھا سمیت تمام اضلاع کے ڈی سی اوز اور تمام اضلاع کے ڈی پی اوز کو مراسلہ اور ہدایات جاری کی ہیں کہ عید کے موقع پر کسی بھی کالعدم تنظیم کو چندہ یا قربانی کی کھال اکٹھی نہ کرنے دی جائے اور ان تمام کالعدم تنظیموں کے خلاف کارروائی کی جائے جو چندہ یا کھال اکٹھی کریں۔
Author: +9251
-
مشترکہ سرحدی تنازعات کو ختم کرنے اور مضبوط بنانے کے لیے پاکستان اور ایران کے درمیان مذاکرات
ا سلام آباد :ایران و پاکستان کے مابین مشترکہ سرحدی تعاون کو مضبوط بنانے پر تاکید،ایران اور پاکستان کے درمیان سرحدی تنازعات کے حل کے لیے دونوں ممالک کے اعلیٰ وفود کی بات چیت، اسلامی جمہوریہ ایران اور پاکستان کے درمیان سرحدی نشست کا انعقاد کیا گیا جس میں مشترکہ تعاون کو مضبوط بنانے، انسداد دہشتگردی اور غیرقانونی نقل و حرکت کو روکنے پر اتفاق کیا گیا.
اسلام آباد سے ذرائع کےمطابق اس سلسلے میں پاکستان کے صوبہ بلوچستان کے علاقے چاغی کے ڈپٹی کمشنر فتح خان خجک کی قیادت میں پاکستانی وفد نے میرجاوہ کے علاقے میں ایرانی حکام سے ملاقات کی.اس موقع پر فریقین نے ایران و پاکستان سرحد پر اٹھائے جانے والے سیکورٹی اقدامات کا جائزہ لیا.انہوں نے انسداد دہشتگردی، انسانی اسمگلنگ اور منشیات کی روک تھام کے لئے مشترکہ تعاون کو مزید بڑھانے پر اتفاق کیا۔
-
13ہزار این جی اوز کی رجسٹریشن منسوخ
سرگودھا(نمائندہ باغی ٹی وی) حکومت پنجاب نے سرگودھا سمیت صوبہ بھر میں 13 ہزار این جی اوز کی رجسٹریشن منسوخ کردی اور انہیں
کام کرنے سے بھی روک دیا ہے،،زرائع کے مطابق محکمہ داخلہ پنجاب سے سرگودھا سمیت صوبہ بھر میں 13ہزار این جی اوز کو نان فنکشنل و دیگر سرگرمیاں میں ملوث ہونے پر ان کی رجسٹریشن فوری طور پر منسوخ کردی ہے جبکہ اب بھی صوبے میں 8ہزار این جی اوز کام کررہی جن کی نگرانی بھی کی جائے رھی ہے -
ہالی ووڈ فلم میں سپر ہیرواور بالی ووڈ فلم میں ایک بہادر پولیس افسر بننا چاہتی ہوں،تاپسی پنو
تاپسی پنوان دنوں اپنی نئی آنے والی فلم ”مشن منگل ”کی شوٹنگ میں مصروف ہیں.لیکن جلد ریلیز ہونے والی فلم”سانڈکی آنکھ”میں ایکشن میں دکھائی دیں گی-
تاپسی پنونے جگرن فلم فیسٹیول میں فلموں میں کردار کے حوالے سے اپنی خواشات کا اظہار کرتے ہوئے کہا کہ وہ ہالی ووڈ کی سائنس فکشن سیریز”اوینجرز”کی کسی فلم میں سپر ہیرو کا کردار ادا کرنا چاہتی ہیں –
فیسٹیول کے ابتدائی سیشنزمیں بات کرتے ہوئے تاپسی پنو نے بتایا کہ وہ ”اوینجزز”میں کسی سپر ہیرو کا کرداراداکرنے والے کسی اداکار کی جگہ لینا نہیں چاہتیں بلکہ وہ چاہتی ہیں کہ اس سیریز میں ایک بھارتی سپر ہیروکا کردار بھی رکھا جائے جسے وہ نبھائیں –
تاپسی پنوکے مطابق اب تک ان کے کیریئر میں سپر ہیروکا ہی وہ کردار رہ گیا ہے جو انہوں نے ابھی تک نہیں نبھایا.ان کا مزید کہنا تھا کہ وہ بالی ووڈ فلموں میں ایک بہادراور ایماندار پولیس افسر کا کرارنبھانا چاہتی ہیں- -
مظفرگڑھ کے وہیل چیئر کرکٹر نے تاریخ رقم کردی
مظفرگڑھ کے وہیل چیئر کرکٹر محمد فیاض نے اپنی تباہ کن باولنگ سے وہیل چیئر ایشیاء کپ ٹی ٹونٹی کرکٹ ٹورنامنٹ میں بھارت سمیت تمام ٹیموں کی بیٹنگ لائن کو نیست ونابود کر کے رکھ دیا ۔محمد فیاض کے مطابق حکومت اگر توجہ دے تو عالمی سطح کے ٹورنامنٹ بھی جیت کر لا سکتے ہیں۔ مظفرگڑھ کی تحصیل علی پور سے تعلق رکھنے والے محمد فیاض جو ٹانگوں سے تو معذور ہے لیکن اس نے اپنے بلند ارادوں سے وہ کر دکھایا جو ہماری قومی کرکٹ ٹیم کے مشہور ومقبول کھلاڑی بھی نہ کر سکےمحمد فیاض نے نیپال میں کھیلے جانے والے وہیل چیئر ایشیاء کپ ٹی ٹونٹی کرکٹ ٹورنامنٹ میں مخالف ٹیموں کی بیٹنگ لائن کو پچھاڑ کر رکھ دیا.محمدفیاض نے اپنی شاندار بالنگ سے فائنل میں روائتی حریف بھارت کے خلاف کامیابی میں بنیادی کردار ادا کیا.محمد فیاض کی کامیابی پر اس کے دوست احباب کی خوشی قابل دید ہے.محمد فیاض کا کہناہے کہ اگر حکومتی سطح پر ہماری حوصلہ افزائی کی جائے تو ملک کا نام مزید روشن کرسکتے ہیں.
-
کسٹم کروائی کروٹوں کا مال قبضے میں۔
پاکستان کسٹمز کی سرانان کے قریب اسمگلروں کےخلاف کامیاب کاروائی کرتے ہوۓ کروڑوں روپے کا غیر ملکی سامان قبضے میں لیا ہے افغان بارڈر سے اندرون ملک جانے والے 3 ٹرکوں کو روکنے کے کوشش کی گئی تو کسٹمز حکام کو دیکھ کر اسمگلروں نے راہ فرار اختیار کی تو کسٹم حکام نے کروائی کرتے ہوۓ ٹرکوں سے چھالیہ پان پراک کپڑا ٹائرز ، کمبلز اور دیگر سامان برآمد کر لیا اور ٹرکوں کو قبضے میں لیکر کسٹمز گودام منتقل کردیا گیا کسٹم کی کاروائی میں ایف سی نے بھی بھرپور تعاون کیا برآمد کئے گئے غیر ملکی سامان کی مالیت تقریبا 5 کروڑ روپے بنتی ہے، کسٹم حکام۔
-
بادشاہی مسجد مناسب دیکھ بھال نہ ہونے کی وجہ سے اپنا قیمتی حسن کھو رہی ہے
چنیوٹ
چنیوٹ کے وسط میں چار سو سال قبل مغلیہ دور کے وزیراعظم نواب سعد اللہ خان کے دور میں تعمیر ہونے والی بادشاہی مسجد مناسب دیکھ بھال نہ ہونے کی وجہ سے اپنا قیمتی حسن کھو رہی ہے جس پر حکومت وقت کی توجہ کی اشد ضرورت ہے
چنیوٹ کے وسط میں چار سو سال قبل مغلیہ خاندان کے دور میں وزیراعظم سعد اللہ خان نے چنیوٹ میں مسجد کو تعمیر کروایا جسے بادشاہی مسجد کا نام دیا گیا یہ مسجد مکمل طور پر پتھر سے تراشیدہ خوبصورت انداز سے نقش و نگار کے ساتھ تعمیر کی گئی پتھر کے محراب و منبر اور خوبصورت برامدہ جبکہ مسجد کے صحن میں وضو خانہ انتہائی نفاست سے تعمیر کیا گیا ہے مسجد کا ایک مینار سنگ لرزاں کی وجہ سے عالمگیر شہرت رکھتا ہے جبکہ تاریخی بادشاہی مسجد کا مرکزی دروازہ سیاحوں کیلئے خصوصی توجہ کا مرکز ہے جبکہ بادشاہی مسجد کے سامنے خوبصورت باغ اس مسجد کو چار چاند لگائے ہوئے ہے مگر گزشتہ دس سال سے محکمہ اوقاف محکمہ آثار قدیمہ اور دیگر متعلقہ حکام کی عدم توجہی کے باعث چنیوٹ کی یہ تاریخی بادشاہی مسجد اپنے قیمتی اور انمول حسن سے محروم ہوتی چلی جارہی ہے جس پر سیاحت کی دعویدار پاکستان تحریک انصاف کی حکومت نے بھی توجہ نہیں کی جو بہت بڑا سوالیہ نشان ہے
مغلیہ دور میں خوبصورت نقش و نگار سے مکمل طور پر پتھر سے تعمیر کی گئی بادشاہی مسجد سیاحت کو فروغ دینے کی دعویدار حکومت کی توجہ کی منتظر ہے -
میلسی : خودکشی کرنے کی کوشش
میلسی (نمائندہ باغی ٹی وی) ٹهینگی سدهنائی میلسی لنک نہر میں عورت نے خود کشی کرنے کے لیے چهلانگ لگا دی لیکن اہل علاقہ نے اپنی جان پر کهیل کر اسے بچا لیا.
عورت نے ٹھینگی پل پر نہر میں چھلانگ لگا دی
لوگوں نے عورت کو ڈوبتے دیکھا تم تو لوگوں نے اپنی مدد آپ کے تحت عورت کو ڈوبنے سے بچالیا
ریسکیو ٹیم نے عورت کو ڈی ایچ کیو ہسپتال وہاڑی میں شفٹ کر دیا.
تاحال عورت کی شناخت نہ ہو سکی. -
مکہ میں ‘زمزمی صغیر’ کے نام سے حجاج کا استقبال، ننھے منے پھول پیش کرتے رہے
اس سال حجاج کےلیے سعودی حکومت خاص اہتمام کر رہی ہے اس کی ایک جھلک مکہ میں ‘زمزمی صغیر’ کے نام سے حجاج کا استقبال کی صورت دیکھی جا سکتی ہے جب ننھے منے پھول پیش کرتے رہے
تفصیلات کے مطابق سعودی عرب میں عازمین حج کی خدمت اور ان کے استقبال کے لیے کام کرنے والے ‘زمازمہ کنسولی ڈیڈٹ مرکز’ کی طرف سے عازمین حج کے استقبال کی ایک نئی مہم شروع کی گئی ہے۔ ‘زمزمی صغیر’ کے عنوان سے جاری اس مہم میں مکہ اور مدینہ منورہ کوملانے والی مرکزیشاہراہ پر بچے پھول اور زمزم کی بوتلیں لیے عازمین حج کا استقبال کرتےہیں۔ بچے یہ پھول اور زمزم اللہ کے مہمانوں میں تقسیم کرکےان سے داد تحسین وصول کرتے ہیں۔
زما زمہ’ مرکز کے چیئرمین کے ڈپٹی ڈائریکٹرامیر عبید نے کہا کہ مہم کی سرپرستی رابطہ واطلاعات شعبے کی جانب سے کی جا رہی ہے۔ اس مہم کا مقصد عازمین حج اور ان کے اہل وعیال کی خوشیاں دوبالا کرنا اور انہیں یہ احساس دلانا کہ ان میں اپنائیت کا احساس پیدا کرنا ہے۔
عبید کا کہنا تھا کہ اس مہم کا ایک دوسرا مقصد عوام میں اللہ کے مہمانوں کی خدمت کا جذبہ پیدا کرتے ہوئے عازمین حج کے لیے ہرطرح کی سہولت اور خدمت کے جذبے کوآگے بڑھانا ہے۔ انہوں نے کہا کہ ‘زمزمی صغیر’ مہم کو سوشل میڈیا اور عوام الناس میں غیرمعمولی پذیرائی ملی اور اسے سراہا گیا ہے۔
-
لودھراں : ڈسٹرکٹ کورٹ میں تقریب
لودھراں (نمائندہ باغی ٹی وی) صدر اور جنرل سیکرٹری ڈسٹرکٹ بار کی جانب سے ڈسٹرکٹ کورٹ لودھراں میں تقریب منعقد کی گئی جس میں ڈی سی لوھراں راو امتیاز علی اور رانا ارسلان خاں نے شرکت کی ۔تقریب میں ڈی سی لودھراں کی خصوصی کاوش سے رانا ارسلان خاں نے اپنی خصوصی گرانٹ سے ڈسٹرکٹ بار کے صدر اور جنرل سیکرٹری کیلئے دفتر بنانے کا اعلان کیا۔