Baaghi TV

Author: +9251

  • لاہو ر قائداعظم انڈسٹریل ایریا کے علاقہ میں زہریلی شراب بیچنے والوں کے خلاف پولیس کی کاروائی

    لاہو ر قائداعظم انڈسٹریل ایریا کے علاقہ میں زہریلی شراب بیچنے والوں کے خلاف پولیس کی کاروائی

    لاہو رقائداعظم انڈسٹریل ایریا کے علاقہ سے دیسی ساخت کی زہریلی شراب بیچنے والے تین شراب فروش گرفتار ،

    باغی ٹی وی کی رپورٹ کے مطا بق پولیس نے ملزمان کو حراست میں لے کر ان سے 65لیٹر شراب برآمد کرتے ہوئے مقدمہ درج کرلیا۔تفصیلات کے مطابق ڈی آئی جی آپریشن اشفاق خان کی ہدایات پر عمل پیرا ہوتے ہوئے ایس پی صدر ڈویژن احسن سیف اللہ کی طرف سے منشیات فروشوں کے خلاف کاروائی کرنے کے احکامات جاری ہونے کے بعد ایس ڈی پی او ملک اعجاز اور ایس ایچ او قائداعظم انڈسٹریل ایریا ذوالفقار علی بھٹہ نے علاقے میں منشیات فروشوں کے خلاف کریک ڈاﺅن جاری رکھتے ہوئے تین شراب فروشوں عامر عرف بلا،عمران عرف چھری اور حیدر عرف ڈون کو گرفتار کرکے ان کے قبضہ سے 65لیٹر دیسی ساخت کی زہریلی شراب برآمد کرتے ہوئے مقدمہ درج کرلیا ۔

  • بورس جانسن برطانیہ کے نئے وزیراعظم مقرر

    بورس جانسن برطانیہ کے نئے وزیراعظم مقرر

    لندن: کنزرویٹو پارٹی نے بورس جانسن کو برطانیہ کا نیا وزیراعظم نامزد کردیا۔تفصیلات کے مطابق بورس جانسن حکومتی پارٹی کے سربراہ کے ساتھ برطانیہ کے نئے وزیراعظم بھی ہوں گے۔برطانوی میڈیا کے مطابق بورس جانسن کل برطانیہ کے نئے وزیراعظم منتخب ہوجائیں گے۔

    سابق وزیراعظم تھیریسا مے نے بورس جانسن کو پارٹی سربراہ مقرر ہونے پر مبارکباددی ہے۔بورس جانسن کے وزیراعظم بننے کے بعد ملک میں بریگزٹ کے حوالے سے نئی بحث چھڑنے کا اندیشہ ہے.

  • کراچی، سینٹرل جیل توڑ کر فرار ہونے والے دہشت گردوں کا کیا ہوا انجام؟ جانیے تفصیل میں‌

    کراچی، سینٹرل جیل توڑ کر فرار ہونے والے دہشت گردوں کا کیا ہوا انجام؟ جانیے تفصیل میں‌

    کراچی سینٹرل جیل سے فرار دہشت گرد شیخ ممتاز کوئٹہ میں آپریشن کے دوران مارا گیا ہے،

    باغی ٹی وی کی رپورٹ‌ کے مطابق دہشت گردشیخ ممتاز دیگرساتھیوں کےہمراہ سنٹرل جیل توڑکرفرارہوگیاتھا، کراچی آپریشن میں دہشت گردکےدیگرساتھی بھی مارےگئے ہیں،

    دہشت گردکراچی میں پولیس اہلکاروں کی ٹارگٹ کلنگ اورسنگین نوعیت کےجرائم میں پولیس کو مطلوب تھا، ہلاک دہشت گردکی گرفتاری کےلئےسی ٹی ڈی کی مختلف علاقوں میں کارروائیاں جاری تھیں،

  • اسپیکراسد قیصر اور اخترمینگل کابلوچستان کے مسائل کے حل کیلئےخصوصی کمیٹی تشکیل دینےپراتفاق

    اسپیکراسد قیصر اور اخترمینگل کابلوچستان کے مسائل کے حل کیلئےخصوصی کمیٹی تشکیل دینےپراتفاق

    اسلام آباد: بلوچستان کے مسائل کے حل کے لیے اسپیکر قومی اسمبلی اسد قیصر سے بی این پی کے سربراہ سردار اختر جان مینگل کے درمیان ملاقات ۔ ملاقات میں بلوچستان کے مسائل کے حل کیلئے پارلیمنٹ کی خصوصی کمیٹی تشکیل دینے پر اتفاق کیا گیا۔

    اسپیکر قومی اسمبلی اسد قیصر نے کہا کہ بلوچستان کی پسماندگی کا خاتمہ موجودہ حکومت کی اوالین ترجیح ہے۔ مسائل کے خاتمے کیلئے قومی یکجہتی اور اتفاق رائے انتہائی ضروری ہے۔ ہم سب کو مل کر بلوچستان کی تعمیر و ترقی کیلئے کام کرنا ہوگا۔ ملاقات کے دوران بلوچستان کے عوام کو درپیش مسائل سمیت ملک کی مجموعی سیاسی و معاشی صورتحال پر بھی تبادلہ خیال کیا گیا۔

    سردار اختر مینگل سے ملاقات کے دوران انہوں نے کہا کہ میں یقین دلا تاہوں کہ بلو چستان کے مسائل کو ترجیحی بنیا دوں پرحل کیا جائے گا۔ موجودہ حکومت بلو چستان کے عوام کی ترقی و خوشحالی کیلئے ضروری اقدامات کیے جائیں گے

  • خواتین کے ذریعے بلیک میل کرکے بھتہ وصول کرنے والا گرفتار

    خواتین کے ذریعے بلیک میل کرکے بھتہ وصول کرنے والا گرفتار

    سرگودھا(نمائندہ باغی ٹی وی)عدالت عالیہ لاہور ہائیکورٹ کے ججز شہرام سرور چوہدری اور وحید خان پر مشتمل دو رکنی بینچ نے سرگودھا کے تھانہ سیٹلائٹ ٹاﺅن کے بھتہ خوری کے دو مقدمات میں ملوث ملزم یوٹیلٹی سٹور کارپوریشن کے آفیسر وسیم الرسول کی عبوری درخواست ضمانت خارج کر دی، جس پر پولیس نے احاطہ عدالت کے باہر سے ملزم کو گرفتار کر کے تھانہ سیٹلائٹ ٹاﺅن سرگودھا کی حوالات منتقل کر دیا ہے۔ ملزم کو آج انسداد دہشتگردی سرگودھا کی عدالت میں جسمانی ریمانڈ حاصل کرنے کےلئے پیش کیا جائے گا۔ تفصیلات کے مطابق ایک عرصہ سے سرگودھا کے علاقہ نیو سیٹلائٹ ٹاﺅن میں سادہ لوح شہریوںکو اپنے دام میں پھانس کر قابل اعتراض ویڈیو بنا کر ان سے بھتہ طلب کرنے والا خواتین اور مردوں پر مشتمل گینگ کےخلاف تھانہ سیٹلائٹ ٹاﺅن میں بھتہ خوری اور دہشتگردی کی دفعات کے تحت دودہ کے رہائشی تنویر احمد اور 91 شمالی کے رہائشی امجد قریشی کی مدعیت میں دو مقدمات درج کیے گئے۔ ان مقدمات میں رمضان چدھڑ، خرم شہزاد اور ابرار دو خواتین بہنیں شاہدہ پروین اور صائمہ پروین پہلے ہی گرفتار ہو کر جوڈیشل ریمانڈ پر جیل میں ہیں۔ جن میں سے خرم شہزاد اور ابرار کی بعد از گرفتاری درخواست ضمانتیں انسداد دہشتگردی کی عدالت سے خارج ہو چکی ہیں جبکہ ملزم وسیم الرسول نے ہائیکورٹ سے عبوری ضمانت کروا رکھی تھی۔ گزشتہ روز ملزم کی طرف سے مظہر للہ ایڈووکیٹ اور مدعیان کی طرف سے شاہد نذیر خان ایڈووکیٹ نے عدالت عالیہ ہائیکورٹ کے ڈبل بینچ کے روبرو دلائل دیئے، عدالت نے میرٹ پر وسیم الرسول کی دونوں مقدمات میں درخواست ضمانتیں خارج کر دیں۔ جس پر سیٹلائٹ ٹاﺅن کے ایس ایچ او شہزاد فیض اور انسپکٹر انویسٹی گیشن عبدالرزاق نے ملزم کو احاطہ عدالت سے باہر گرفتار کر کے تھانہ سیٹلائٹ ٹاﺅن کی حوالات منتقل کر دیا ہے۔ پولیس ذرائع کا کہنا ہے کہ ملزم وسیم الرسول کو آج انسداد دہشتگردی کی عدالت میں پیش کر کے بھتہ کی رقم اور وقوعہ میں استعمال ہونے والی گاڑی کی برآمدگی کےلئے ریمانڈ حاصل کیا جائے گا۔ یاد رہے کہ وسیم الرسول نے ایک بار ایڈیشنل سیشن جج، دو بار انسداد دہشتگردی عدالت اور دوسری بار عدالت عالیہ لاہور ہائیکورٹ سے عبوری ضمانتیں کروائی تھیں۔ ہر بار ضمانت کروا کر ملزم سماعت کے روز غیر حاضر ہو جاتا تھا۔

  • پاکستان اور برطانیہ کے وفود میں اہم امور پر مذاکرات، کیا ہیں‌ تفصیلات؟ جانیے اس رپورٹ‌ میں

    پاکستان اور برطانیہ کے وفود میں اہم امور پر مذاکرات، کیا ہیں‌ تفصیلات؟ جانیے اس رپورٹ‌ میں

    پاک برطانیہ آرمزکنٹرول،عدم پھیلاؤ اورتخفیف اسلحہ سے متعلق اسلام آباد میں اجلاس ہوا ہے جس میں پاکستانی وفدکی قیادت ڈی جی دفترخارجہ محمد کامران نےکی،

    باغی ٹی وی کی رپورٹ کے مطابق اجلاس میں برطانوی وفدکی قیادت ڈائریکٹرڈیفنس وانٹرنیشنل سیکیورٹی سمانتھا جوب نے کی، پاکستانی دفتر خارجہ کے ترجمان نے اجلاس سے متعلق گفتگو کرتے ہوئے کہا ہے کہ مذاکرات تعمیری اورکھلےماحول میں ہوئے، پاک برطانیہ مذاکرات میں بین الاقوامی آرمزکنٹرول وعدم پھیلاؤپربات ہوئی،

    ترجمان دفتر خارجہ نے کہاکہ دونوں وفود نےعالمی اورعلاقائی سلامتی واستحکام پرتبادلہ خیال کیا، مذاکرات کاپانچواں دوراگلےسال لندن میں ہوگا، ان کا کہنا تھا کہ دونوں ممالک نےآرمزکنٹرول،عدم پھیلاؤاورتخفیف اسلحہ کےروابط کواہم قراردیا،

  • ڈمپر کی زد میں آ کر مو ٹرسائیکل نوجوا ن جاں بحق

    ڈمپر کی زد میں آ کر مو ٹرسائیکل نوجوا ن جاں بحق

    سرگودہا۔ 23 جولائی (اے پی پی) ٹرک کی زد میں آ کر مو ٹرسائیکل نوجوا ن جاں بحق تفصیلا ت کے مطا بق پل 111جنو بی کے قر یب تیز رفتار ڈمپر ٹر ک کی زد میں آ ک مو ٹر سائیکل سوار نوجوا ن لقمہ اجل بن گیا متوفی کی شناخت محمد عا مر کے نا م سے ہو ئی جو 103جنو بی کا رہائشی ہے وہ ضرور ی کا م کے سلسلہ میں پل 111جنو بی کی طر ف جا ر ہاتھا کہ تیز رفتار ڈمپر ٹرک نے اسے کچل د یا محمد عا مر زخموں کی تا ب نہ لا تے ہو ئے مو قع پر ہی دم توڑ گیا پو لیس نے ضرور ی کا روا ئی کے بعد میت ورثہ کے حوا لے کر د ی نوجوا ن کو 103جنوبی کے آبا ئی قبرستا ن میں سپر دخا ک کر دیا گیا۔

  • کاروباری ہفتے کا دوسرا دن : پاکستان اسٹاک ایکسچینج 131 پوائنٹس کے اضافے کے ساتھ بند

    کاروباری ہفتے کا دوسرا دن : پاکستان اسٹاک ایکسچینج 131 پوائنٹس کے اضافے کے ساتھ بند

    کراچی: پاکستان کی معیشت کے لیے اچھا دن ،پاکستان اسٹاک ایکسچینج 131 پوائنٹس اضافہ کے ساتھ 32 ہزار 715 پوائنٹس پر بند ہوئی۔آج کا دن کاروبارکے حوالے سے اچھا رہا کاروباری ہفتہ کے دوسرے روز بھی اسٹاک مارکیٹ کا آغاز مثبت زون میں ہوا۔ کاروبار کے آغاز پر کے ایس ای 100 انڈیکس 32 ہزار 584 پوائنٹس پر موجود تھا تاہم ابتدا میں ہی 100 انڈیکس میں 172 پوائنٹس کا اضافہ ریکارڈ کیا گیا اور انڈیکس 32 ہزار 756 پوائنٹس پر ٹریڈ کرنے لگا۔

    بزنس رپورٹر کے مطابق کاروبار کے دوران کے ایس ای 100 انڈیکس میں ملا جلا رجحان موجود رہا، اسٹاک مارکیٹ میں 129 پوائنٹس کی کمی بھی دیکھنے میں آئی اور انڈیکس 32 ہزار 455 پوائنٹس پر ٹریڈ کرتا نظر آیا۔ کاروبار کے دوران کے ایس ای 100 انڈیکس میں 79,621,900 شیئرز کا لین دین ہوا جس کی مالیت پاکستانی روپوں میں 3,337,458,87 6 بنتی ہے۔

    ایک طرف پاکستانی معیشت تو سنبھلنے لگی لیکن دوسری طرف سونے کی قیمیتں رکنے کا نام ہی نہیں لے رہیں. آل سندھ صرافہ بازار کے مطابق سونے کی قیمت میں فی تولہ 600 روپے اضافہ ہوگیا ہے۔ اضافے کے بعد سونے کی فی تولہ قیمت 83900 روپے پر پہنچ گئی ہے۔ اسی طرح دس گرام سونا 514 روپے اضافے سے 71914 روپے کا ہوگیا ہے۔ آل سندھ صرافہ بازار کے مطابق عالمی بازار میں سونا ایک ڈالر اضافے سے 1426 ڈالر فی اونس کا ہوگیا ہے

  • پرجوش استقبال اور وائٹ ہاؤس کا دورہ کرنے پر ٹرمپ کا شکریہ، وزیر اعظم عمران خان

    پرجوش استقبال اور وائٹ ہاؤس کا دورہ کرنے پر ٹرمپ کا شکریہ، وزیر اعظم عمران خان

    پاکستان وزیر اعظم عمران خان نے پرجوش استقبال پر امریکی صدر ڈونلڈ ٹرمپ کا شکریہ ادا کیا ہے،


    باغی ٹی وی کی رپورٹ کے مطابق وزیر اعظم عمران خان نے سوشل میڈیا سائٹ ٹویٹر پر اپنے پیغام میں وزیراعظم عمران خان نےامریکی صدرکی طرف سے وائٹ ہاؤس کادورہ کرانے پربھی شکریہ اداکیا، ان کا کہنا تھا کہ پاکستان افغان مفاہمتی عمل کوکامیاب بنانے کے لیے ہرممکن تعاون کرے گا،


    وزیر اعظم عمران خان نے کہاکہ امریکی صدر ڈونلڈ ٹرمپ نے پاکستان کا نکتہ نظر بہتر طریقے سے سمجھا، وزیراعظم عمران خان نےجلسےمیں بڑی تعدادمیں شرکت پرپاکستانی کمیونٹی کا بھی شکریہ ادا کیا،

  • قائداعظم انڈسٹریل ایریا : زہریلی شراب بیچنے والے تین شراب فروش گرفتار

    قائداعظم انڈسٹریل ایریا : زہریلی شراب بیچنے والے تین شراب فروش گرفتار

    لاہو ر :قائداعظم انڈسٹریل ایریا کے علاقہ سے دیسی ساخت کی زہریلی شراب بیچنے والے تین شراب فروش گرفتار ،پولیس نے ملزمان کو حراست میں لے کر ان سے 65لیٹر شراب برآمد کرتے ہوئے مقدمہ درج کرلیا۔پولیس حکام کو اطلاع ملی تھی کہ کچھ جرائم پیشہ افراد شراب بیچ رہے ہیں

    تفصیلات کے مطابق ڈی آئی جی آپریشن اشفاق خان کی ہدایات پر عمل پیرا ہوتے ہوئے ایس پی صدر ڈویژن احسن سیف اللہ کی طرف سے منشیات فروشوں کے خلاف کاروائی کرنے کے احکامات جاری ہونے کے بعد ایس ڈی پی او ملک اعجاز اور ایس ایچ او قائداعظم انڈسٹریل ایریا ذوالفقار علی بھٹہ نے علاقے میں منشیات فروشوں کے خلاف کریک ڈاﺅن جاری رکھتے ہوئے تین شراب فروشوں عامر عرف بلا،عمران عرف چھری اور حیدر عرف ڈون کو گرفتار کرکے ان کے قبضہ سے 65لیٹر دیسی ساخت کی زہریلی شراب برآمد کرتے ہوئے مقدمہ درج کرلیا ۔