Author: +9251

راجھستان : بھارتی پولیس نے اٹاری گاوں کے ایک غریب شخص پر پاکستان کے لیے جاسوسی کا الزام لگا کر گرفتار کر لیا ،بھارتی پولیس نے الزام لگایا ہے کہ مذکورہ شخص پاکستانی خفیہ ادارے کو اہم بھارتی معلومات فراہم کرتا تھا ،

بھارتی وزارت دفاع کے مطابق سیکورٹی اداروں نے اس شخص کو پاکستان کے سرحد سے 3 کلومیٹر دور ایک بھارتی گاوں اٹاری سے گرفتار کیا ہے. پولیس حکام کے مطابق اس شخص کے کیمرے سے بارڈر سیکورٹی اہلکاروں کی تصویریں برآمد ہوئی ہیں. حکام کے مطابق اس شخص کے پاس سے کچھ ایسی ویڈیوز بھی برآمد ہوئی ہیں جن میں سرحدی علاقوں میں بارڈر سیکورٹی اہلکاروں کی نقل و حرکت کو محفوظ کیا گیا ہے.

امرتسر سے بھارتی پولیس ترجمان کا کہنا ہے کہ یہ شخص پاکستان کی خفیہ ایجنسی آئی ایس آئی کے لیے کام کرتا تھا . بھارتی وزارت دفاع نے بھی اس واقعہ کی تصدیق کرتے ہوئے کہا ہے کہ مذکورہ شخص کے پاس سے ایسی دستاویزات ملی ہیں جس سے معلوم ہوتا ہے کہ یہ پاکستان کی خفی ایجنسی کے لیے کام کررہا تھا

موگادیشو: خودکش دھماکوں کا سلسلسہ صومالیہ میں نہ رک سکا.صومالیہ کے دارالحکومت میں ایئر پورٹ کے قریب خود کش بم دھماکا ہوا جس کے نتیجے میں 17 افراد ہلاک ہو گئے ہیں۔غیر ملکی خبر رساں ادارے کے مطابق صومالیہ کے دارالحکومت کے ایئر پورٹ کے قریب کار بم دھماکا ہوا، دھماکے کے نتیجے میں 17 افراد ہلاک ہو گئے جبکہ اس دوران 28 زخمی بھی ہوئے۔

عالی ذرائع ابلاغ کے مطابق زخمی ہونے والے 12 افراد کی حالت انتہائی تشویشناک ہے، دھماکے سے قریبی عمارتوں اور گاڑیوں کو نقصان پہنچا ہے۔ حملے کی ذمہ داری دہشتگرد گروہ الشباب نے قبول کی ہے۔پولیس نے دعویٰ کیا ہے کہ یہ خود کش حملہ کار کے ذریعے کیا گیا، کار نے چیک پوائنٹس کو ٹکر ماری جس کے نتیجے میں ہلاکتیں ہوئیں۔ ہلاک ہونے والوں کی لاشیں اکٹھے کر رہے ہیں، اس میں خود کش حملے کی لاشیں بھی شامل ہے۔

ایک عینی شاہد کا کہنا تھا کہ جس جگہ دھماکا ہوا میں اس سے دور نہیں تھا، میں نے دیکھا کہ دھماکا کے بعد بہت سارے لوگ زخمی ہوئے، یہ بہت بڑا دھماکا تھا، ہر طرف خون ہی خون تھا۔پچھلے کئی دنوں سے صومالیہ پھر دہشت گردی کی لپیٹ میں ہے اور سیکڑوں کی تعداد میں لو گ مارے گئے ہیں.