Author: +9251

آبنائے ہرمز میں ایران کی طرف سے برطانوی جہاز کو قبضہ میں لیےجانےپرسعودی وزیر خارجہ نے ایرانی اقدام کو کھلے بندوں مسترد کر دیا ہے

باغی ٹی وی رپورٹ کےمطابق سعودی عرب کے وزیر مملکت برائے خارجہ امور عادل الجبیر نے باور کرایا ہے کہ بین الاقوامی بحری جہاز رانی کی آزادی کو پہنچنے والا کوئی بھی نقصان بین الاقوامی قانون کی خلاف ورزی ہے۔

اپنی ٹویٹ میں الجبیر نے مزید کہا کہ ایران پر لازم ہے کہ وہ اپنی حرکتوں اور بین الاقوامی قانون کی پامالی کی حقیقت کو جانے۔ ان میں خلیج عربی میں برطانوی بحری جہاز کو تحویل میں لینے سمیت شہری جہازوں کا راستہ روکا جانا شامل ہے۔ یہ تمام امور یکسر طور پر مسترد کیے جاتے ہیں۔ عالمی برادری پر لازم ہے کہ وہ اس طرح کی کارروائیوں کا منہ توڑ جواب دے۔

یاد رہے کہ ایران نے جمعے کی شام برطانوی پرچم بردار بحری جہاز اسٹینا امپیرو کو قبضے میں لے لیا تھا۔ جہاز پر 23 افراد سوار تھے اور وہ الفجیرہ کی بندرگاہ سے سعودی عرب جا رہا تھا.
ایران کی جانب سے آبنائے ہرمز میں برطانوی تیل بردار بحری جہاز کو تحویل میں لینے کے بعد دونوں ممالک کے درمیان کشیدگی پائی جاتی ہے اور اس سلسلےمیں امریکا اور سعودی عرب بھی برطانوی موقف کے حامی ہیں، اس سلسلےمیں ایران اور سعودیہ و اس کے اتحادیوں کےدرمیان کافی کشیدگی پائی جاتی ہے.

اسرئیلی فوج نے فلسطین کے مقبوضہ مغربی کنارے کے جنوبی شہر الخلیل میں کریک ڈاؤن کے دوران 102 فلسطینی محنت کش گرفتار کر لیے ہیں۔اسرائیلی فوج کے مطابق فلسطینی محنت کش جنوبی الخلیل میں الظاھریہ چیک پوسٹ سے بغیر اجازت گذرنے کی کوشش کررہی تھے۔
فلسطینی خاتون سماجی کارکن اسرائیلی جیل سے 13 ماہ بعد رہا

رپورٹ کے مطابق گرفتار فلسطینی الظاھریہ چیک پوسٹ سے گذر کرفلسطین کے دوسرے علاقوں میں جانے کی کوشش کررہے تھے۔انہیں گرفتار کرنے کے بعد تفتیش کے لیے متعلقہ حکام کے حوالے کردیا گیا ہے۔
واضح رہے کہ صہیونی حکام کی طرف سے فلسطینی مزدرو پیشہ شہریوں کو گرفتار کرنے کا پہلا موقع نہیں۔

تفصیلات کے مطابق فلسطینی وزارت خارجہ نے کہا ہے کہ وہ عالمی فوج داری عدالت میں فلسطین میں اسرائیلی فوج کے ہاتھوں مکانات کی مسماری کے ظالمانہ اقدامات کی عالمی تحقیقات کے لیے کوششیں کررہی ہے۔

فلسطینی وزارتِ خارجہ کی طرف سے جاری ایک بیان میں کہا گیا ہےکہ جنوب مشرقی بیت المقدس کے علاقے صور باھر میں فلسطینیوں کے گھروں کی مسماری کے اسرائیلی فیصلے پرعمل درآمد روکنے کے لیے تل ابیب پرمختلف اطراف سے دبائو ڈالا جا رہا ہے۔ اس ضمن میں فلسطین نے عالمی عدالت انصاف سے بھی رابطہ کیا ہے۔

بیان میں بتایا گیا ہے کہ صور باھر کے متاثرہ فلسطینیوں اور گھروں کی مسماری کے خطرے کاسامنا کرنے والے شہریوں‌ نے اسرائیلی سپریم کورٹ میں اپیل کی تھی جسے مسترد کردیا گیا ہے۔ صہیونی ریاست کی عدالت کی طرف سے صور باھر کی وادی الحمص کالونی میں فلسطینیوں کے 16 گھروں کی مسماری روکنے کی درخواست دی گئی تھی۔ اس کالونی میں فلسطینی گھروں کی تعداد ایک سو سے زاید ہے.

خیال رہے کہ اسرائیلی حکام نے بیت المقدس میں صور باھر کے مقام پرفلسطینیوں کے 16 مکانات کو غیرقانونی قرار دے کر انہیں مسمار کرنے کا حکم دیا ہے۔ فلسطینیوں‌نے مکانات مسماری روکنے کے لیےاسرائیلی سپریم کورٹ سے رجوع کیا تھا مگر عدالت نے بھی ان کی درخواست مسترد کردی ہے۔ عدالتی فیصلہ آنے کےبعد اسرائیلی فوج کی بھاری نفری نے کل اتوار کو وادی حمص کالونی کا گھیرا کیا۔

مغربی افریقہ کے ملک نائیجیریا میں مزید 4 ترک شہریوں کو نامعلوم افراد کی طرف سے اغوا کر لیا گیا ہے۔

تفصیلات کے مطابق خبر رساں ایجنسی سے موصول معلومات کے مطابق نائیجیریا کے مغربی صوبے الورین میں جمعہ کی رات 4 ترک شہریوں کو اغوا کر لیا گیا۔

اطلاع کے مطابق مذکورہ ترک شہریوں کو تاوان کے لئے اغوا کیا گیا ہے اور مغوی افراد کی رہائی کے لئے کاروائیاں جاری ہیں۔

واضح رہے کہ گذشتہ ہفتے بھی نائیجیریا کے کھلے سمندر میں مسلح افراد نے 18 ترک شہریوں پر مشتمل ایک بحری جہاز پر حملہ کر کے 10 ترکوں کو اغوا کر لیا تھا۔

حالیہ واقعے کے بعد ملک میں اغوا کئے جانے والے ترکوں کی تعداد 14 تک پہنچ گئی ہے۔