یمن کے دارالحکومت صنعاء کے شمال میں واقع صوبے عمران میں 2 حوثی گروپوں کے درمیان جھڑپ میں 11 افراد ہلاک اور 6 زخمی ہو گئے ہیں۔

مقامی ذرائع سے موصول معلومات کے مطابق کل شام، حوثی کمانڈروں میں سے محمد الشتوی اور مجاہد کشیرا سے منسلک، مسلح گروپوں کے درمیان جھڑپ ہوئی جس کے نتیجے میں 11 افراد ہلاک اور 6 زخمی ہو گئے ہیں۔

حوثیوں کی طرف سے جھڑپ کے بارے میں کوئی بیان جاری نہیں کیا گیا تاہم مقامی ذرائع کے مطابق مذکورہ جھڑپ، حوثیوں کے درمیان اِب، قعطبہ اور الضالع کے راستے پر، مسافروں سے وصول کردہ لگان کے معاملے میں عدم مفاہمت کی وجہ سے ہوئی ہے۔

واضح رہے کہ یمن میں ایک طویل عرصے سے عدم استحکام کا سامنا ہے اور ایک تواتر سے ایرانی حمایت کے حامل حوثیوں اور سعودی عرب اور متحدہ عرب امارات کی حمایت کی حامل حکومتی فورسز کے درمیان جھڑپیں ہوتی رہتی ہیں۔

بھارتی ریاست جھارکھنڈ کے علاقے گملا میں نامعلوم افراد نے چار عمررسیدہ افراد کو لاٹھی اور ڈنڈوں سے مار مار کر قتل کر دیا گیا۔
مرنے والوں میں دو خواتین اور دو مرد شامل ہیں۔ چامپا اوراؤں (62) اور ان کی اہلیہ پھیری اوراؤں (60) کے علاوہ سنا اوراؤں (65) اور پھگنی دیوی (62) کا قتل کیا گیا ہے۔ اطلاعات کے مطابق ڈائن کے شبہ میں گزشتہ رات تقریبا ایک بجے 10 سے 12 لوگوں نے چامپا کے گھر پر حملہ بول دیا اور ایک ایک کرکے چاروں کو گاوں باہر لے جا کر قتل کردیا۔
واقعہ کی اطلاع ملتے ہی جھارکھنڈ پولیس کے ایس پی انجنی کمار جھا، انسپیکٹر بیجو اوراوں، ایس ڈی پی او دیپک کمار، سسائی تھانہ انچارج سدھیر پرساد ساہو جائے واقعہ پر پہنچے۔
واضح رہے کہ مقتولین اوجھا تھے اور جھاڑپھونک کا کام کرتے تھے۔ اسی کی بنیاد پر انہیں ڈائن بتاکر موت کے گھاٹ اتار دیاگیا۔ واردات کے بعد صبح جائے واقعہ کے پاس پٹاخے پھوڑے جانے کی بھی آوازیں سنے جانے کی اطلاعات ہیں۔

یمنی فوج نے حوثی باغیوں کے گڑھ صعدہ سمیت اہم علاقوں میں فتح کا جھنڈا لہرا دیا

باغی ٹی وی رپورٹ کے مطابق یمن کی سرکاری فوج نے اتوارکے روز ایک بیان میں کہا ہے کہ سیکیورٹی فورسز حوثی ملیشیا کے گڑھ سمجھے جانے والے شمالی علاقے صعدہ میں میدان جنگ میں اہم کامیابیاں‌حاصل کرتے ہوئے غیرمعمولی پیش قدمی کی ہے۔

یمنی فوج کے بریگیڈ 3 کے سربراہ کرنل ائل القشائی نے بتایا کہ سرکاری فوج نے شمالی صعدہ میں باقام ڈاریکٹوریٹ کے اطراف میں‌پھیلے تزویراتی اہمیت کے حامل جبل النار کے بیشتر مقامات باغیوں سے چھین لیے ہیں۔

انہوں‌نے کہا کہ جبل النارمیں سرکاری فوج کی پیش قدمی صعدہ کے دیگر علاقوں تک رسائی کے لیے انتہائی اہمیت کی حامل ہے۔ اس کامیابی کے بعد باقم ڈاریکٹوریٹ کے مرکز تک پہنچنا کافی آسان ہوجائے گا۔

بریگیڈیئرالقشائی کا کہنا تھا کہ صعدہ میں ایران نواز حوثی ملیشیا کے خلاف جاری آپریشن میں عرب اتحادی فوج کے توپ خانے کی مدد حاصل تھی۔ انہوں‌ نے بتایا کہ لڑائی کےدوران حوثی باغیوں کو بھاری جانی اور مالی نقصان اٹھانا پڑا ہے اور اس نے اسلحہ کے متعدد ذخائر بھی تباہ کردیے گئے ہیں۔

یمن کی سرکاری فوج نے صعدہ کے جبل النار، جبال رمدان، النعمان اور دیگر مقامات کو باغیوں سے آزاد کرانے کےبعد ان پر جمہوریہ یمن کا پرچم لہرا دیا۔

پاکستان تحریک انصاف کے رہنما اور سینیڑ فیصل جاوید نے کہا ہے کہ وزیراعظم عمران خان کیپٹل ون ایرینامیں پاکستانی کمیونٹی سےخطاب کریں گے،

عمران خان کا خطاب، کیپیٹل ون ارینا میں میلہ سج گیا، پاکستانیوں میں جوش و خروش دیکھ کر امریکی حیرت زدہ

باغی ٹی وی کی رپورٹ‌ کے مطابق انہوں‌ نے بتایا کہ وزیراعظم کی پاکستان کےلیےکاوشوں سے متعلق ویڈیوپیکج دکھایاجائےگا، وزیراعظم مقامی وقت کےمطابق4بجے ہم وطنوں سےخطاب کریں گے، پاکستانی اپنےقائدکوسننےکےلیےکیپٹل اریناپہنچ رہےہیں،

انہوں‌ نے کہاکہ کیپٹل ارینا میں پاکستانیوں کا جوش و خروش بڑھ رہا ہے، ہزاروں‌ پاکستانی جمع ہو چکے ہیں اور ملی نغمے گائے جارہے ہیں، ان کا کہنا تھا کہ عمران خان دورہ امریکہ کے دوران ایک نئی تاریخ رقم کرنے جارہے ہیں،