بابری مسجد کی برسی، بھارت میں مسلمان ایک بار پھر مشکل میں

باغی ٹی وی کی رپورٹ کے مطابق بابری مسجد کی شہادت کی 28ویں برسی کے موقع پر بھارت کے حساس علاقوں میں سکیورٹی کے سخت انتظامات کیے گئے ہیں۔ مغربی بنگال کی وزیراعلی ممتا بنرجی نے بابری مسجد کے یوم شہادت چھ دسمبر کے موقع پر ریاست میں امن وامان کے قیام کیلئے پولس افسران کو سخت سیکورٹی انتظامات کرنے کی ہدایت دی ہے۔

اترپردیش کے ایودھیا میں چھ دسمبر1992 کو ہزاروں ہندو شرپسندوں نے مغلیہ دور میں تعمیر کی گئی تاریخی بابری مسجد کو شہید کردیا تھا۔ ریاست کے تمام اضلاع کے پولس افسران ایس پی، پولس سپرنڈنٹ،آئی جی اور ڈی آئی جی کے ساتھ ویڈیو کانفرنس کے دوران وزیرا علی نے کہا کہ اس دن کوئی بھی ایسا پروگرام منعقد کرنے کی اجازت نہ دیں جس سے ریاست میں لا اینڈ آرڈر کا مسئلہ پیدا ہو۔

بابری مسجد کی شہادت کی 28 ویں برسی کے موقع پر "یوم سیاہ” منانے کے اعلان کے تناظر میں کمشنر پولیس حیدرآباد شہر انجنی کمار نے حیدرآباد شہر میں احکامات جاری کئے ہیں کہ جلسے جلوس ، احتجاجی جلسے اور موٹرسائیکل ریلیوں پر پابندی ہے، یہ پابندی چھ دسمبر کی شام چھ بجے تک رہے گی.

۔اترپردیش کے حساس مقامات پر سخت سکیورٹی انتظامات کیے گئے ہیں جب کہ ایک درجن سے زائد افراد کو احتیاطی طور پر گرفتار بھی کیا گیا ہے،سلم پرسنل لا بورڈ نے انفرادی طور پر یوم غم منانے کا اعلان کیا ہے .

بابری مسجد فیصلہ،سنی وقف بورڈ کے وکیل نے کیا اہم اعلان

سکھوں کی خوشیوں میں آج رنگ میں بھنگ ڈالی گئی،شاہ محمود قریشی

بابری مسجد،ہندوؤں کے خلاف فیصلہ جاتا تو ہندو دہشت گرد سپریم کورٹ میں گھس جاتے

بھارتی سپریم کورٹ نے بابری مسجد کے حوالہ سے فیصلہ سناتے ہوئے کہا کہ سنی وقف بورڈ کو5 ایکڑمتبادل زمین دی جائے ،مسجد کےلیےمسلمانوں کو متبادل زمین دی جائے گی،ہندووَں کوبھی متبادل مشروط زمین دی جائےگی،

بھارتی سپریم کورٹ کا کہنا تھا کہ ایودھیا زمین کسی بھی فریق کو نہیں دی گئی،بھارتی سپریم کورٹ نے مسلمانوں کو متبادل زمین دینے کا حکم دیا،متنازع زمین کا صحن ہندوَں کو دینے کا حکم دیا،متنازع زمین رام بھومی نیاس کو دے دی گئی،متنازعہ علاقے میں مندر تعمیر کیا جائے گا،

بابری مسجد فیصلہ، گورنر پنجاب کا ردعمل بھی سامنے آ گیا

خواتین کی حفاظت کے لئے لگائے جائیں گے بسوں میں کیمرے

باغی ٹی وی کی رپورٹ کے مطابق خواتین کی حفاظت کے لئے بسوں میں کیمرے اور پنک بٹن لگائے جائیں گے،اس بات کا اعلان دہلی کے وزیر اعلی اروند کیجریوال نے کیا، اروند کیجروال کا کہنا تھا کہ ان کی حکومت خواتین کی حفاظت کے سلسلے میں سنجیدہ ہے اسی لئے دہلی ٹرانسپورٹ کارپوریشن اور کلسٹر بسوں میں ساڑھے پانچ ہزار سی سی ٹی وی کیمرے، پینك بٹن اور جی پی ایس لگانے کا فیصلہ کیا ہے

انہوں نے تفصیلات سے آگاہ کرتے ہوئے کہا کہ ہر بس میں تین کیمرے لگائے جائیں گے۔ ہر بس میں 10 پینک بٹن بھی لگائے جائیں گے۔ پینک بٹن لگنے سے خواتین کی حفاظت میں کافی مدد ملے گی۔ بس کے شیڈول کے حوالہ سے ایک ایپ بھی تیار کی جا رہی ہے، اس سارے کام کے لئے الگ دفتر بنایا جائے گا جس میں کیمروں کا ریکارڈ ہو گا.

زیادتی کے بعد خاتون کو جلانے والے ملزم گرفتار

کیجروال کا مزید کہنا تھا کہ دہلی سرکار کے اس منصوبہ پر 150 کروڑ خرچ ہوں گے اور سات ماہ کا وقت لگے گا،حکومت نے جو نئی بسیں خریدی ہیں ان میں سی ٹی وی کیمرے، پینک بٹن اور جی پی ایس پہلے ہی نصب ہیں۔

واضح رہے کہ حیدرآباد میں ویٹرنری ڈاکٹر کے ساتھ زیادتی کے بعد جلانے کے واقعہ پر بھارت میں احتجاج جاری ہے۔

زیادتی کے بعد خاتون کو جلانے والے ملزم گرفتار

باغی ٹی وی کی رپورٹ کے مطابق بھارتی ریاست حیدرآباد میں ویٹرنری خاتون ڈاکٹر کی عصمت دری و بہیمانہ قتل کے ایک ہفتے بعد اترپردیش میں مجرموں کو گرفتار کر لیا گیا ہے جنہوں نے خاتون پر پٹرول چھڑک کر زیادتی کے بعد آگ لگانے کی کوشش کی تھی، متاثرہ خاتون مقامی ہسپتال میں زیر علاج ہے جس کا جسم نوے فیصد جھلس چکا ہے،

بھارتی میڈیا کے مطابق پولیس نے مرکزی ملزم شیوم اور اس کے چار ساتھیوں کو گرفتار کر لیا ہے.

اجتماعی زیادتی کی متاثرہ خاتون کو اسوقت جلانے کی کوشش کی گئی جب وہ رائے بریلی میں اپنے وکیل سے ملنے کے لئے گھر سے نکلی تھی کہ راستے میں اس کے گھر سے ایک کلومیٹر کے فاصلے پر ملزموں نے اس پر پٹرول ڈال کر آگ لگا دی تھی.

انناو کے بہار تھانہ علاقہ کے گاؤں ہندو نگر کی خاتون کے ساتھ اجتماعی زیادتی کی گئی تھی،واقعہ کے بعد دو نامزد ملزمان کو گرفتار کرکے جیل بھیج دیا گیا تھا۔ خاتون اسی مقدمہ کی پیروی کے لئے رائے بریلی جا رہی تھی۔ جب گرفتار ملزمان کے ساتھیوں نے اسے آگ لگائی.

دوسری طرف سیکورٹی کے مدنظر اجتماعی عصمت دری و قتل کے ملزموں کو چیراپلّی کے سنٹرل جیل میں رکھا گیا ہے۔ تمام ملزموں کو ایک الگ سیل میں منتقل کر دیا گیا ہے تاکہ جیل کے اندر کسی طرح کے ہنگامے سے بچا جا سکے۔ جیل انتظامیہ کا کہنا ہے کہ ان ملزموں پر باقی قیدی حملہ کر سکتے ہیں اس لیے انھیں علیحدہ رکھا گیا ہے۔ جیل کی سیکورٹی بھی کافی بڑھا دی گئی ہے .

زیادتی کی شکار خاتون کو جلائے جانے کے واقعہ کے بعد حیدر آباد میں احتجاج جاری ہے، جس کی وجہ سے دفع 144 نافذ کر دی گئی ہے،حیدر آباد پولس کی جانب سے کہا گیا ہے کہ آئندہ دو دنوں تک شہر میں دفعہ 144 نافذ رہے گی۔ حیدر آباد پولس کمشنر انجنی کمار کا کہنا ہے کہ شہر میں 5 دسمبر کی صبح 6 بجے سے لے کر 7 دسمبر کی صبح 6 بجے تک یہ پابندی رہے گی۔

بھارتی ریاست اترپردیش میں اپوزیشن جماعت کانگریس کے صدر اجے کمار للو متاثرہ خاتون سے ملاقات کے لئے ہسپتال پہنچے لیکن انہیں ملاقات کی اجازت نہیں دی گئی اس موقع پر کانگریس صدر کا کہنا تھا کہ ہر طرف جنگل راج نظر آتا ہے۔ بھارت کے مرکزی وزیر داخلہ امت شاہ اور ریاست کے وزیر اعلی یوگی آدتیہ ناتھ جرائم کم ہونے کا جھوٹا دعوی کر کے عوام کو بے وقوف بنا رہے ہیں۔ یوپی کے ڈائریکٹر جنرل آف پولس بھی اعداد و شمار کی بازیگری کر کے یہ کہتے ہیں ہے کہ جرائم میں کمی آئی ہے لیکن حقیقت یہ ہے کہ اتر پردیش میں قتل اور عصمت دری کے واقعات میں روز بروز اضافہ ہوتا جا رہا ہے۔ اتنا ہی نہیں، این سی آر بی (نیشنل کرائم ریکارڈ بیورو) کی رپورٹ کے مطابق یوپی خواتین کے لئے جرائم کے معاملہ میں بھارت میں سر فہرست آ چکا ہے اور یہ شرمناک بات ہے۔

دوسری جانب سماج وادی پارٹی کے سربراہ اکھلیش یادو نے مطالبہ کیا ہے کہ یوگی حکومت کو اس معاملے میں اخلاقی ذمہ داری لیتے ہوئے وزیر اعلی کے عہدے سے استعفی دے دینا چاہئے۔ انہوں نے عدالت سے اپیل کی کہ وہ اس حادثے کی سنگینی کو دیکھتے ہوئے متأثرہ خاتون کی سیکورٹی اور علاج کے لئے ہدایات دے.

واضح رہے کہ حکومت کی حالیہ عرصے کے دوران کوششوں کے باجود بھارت میں پیچیدہ قوانین کی وجہ سے مقدمات کے فیصلے ہونے میں برسوں لگ جاتے ہیں۔بھارت میں اجتماعی زیادتی کے بعد خواتین کو قتل کرنے کے واقعات آئے روز پیش آتے رہتے ہیں اور اس حوالے سے بھارت کا شمار بدترین ممالک میں ہوتا ہے۔بھارتی حکام کی اپنی رپورٹ کے مطابق صرف 2017 میں 33 ہزار سے زائد خواتین کو زیادتی کا نشانہ بنایا گیا۔