ستر سالہ خاتون کے ساتھ زیادتی کا واقعہ

باغی ٹی وی کی رپورٹ کے مطابق ستر سالہ خاتون کے ساتھ زیادتی کا واقعہ پیش آیا ہے، بھارتی ریاست اترپردیش کے ضلع سوانگ بھدرا میں ستر سالہ خاتون کے ساتھ اس کے پڑوسی نے زیادتی کی ہے ،پولیس کے مطابق خاتون کے پڑوسی نے شراب کے نشے میں دھت ہو کر خاتون کے ساتھ زیادتی کی

پولیس کے مطابق ملزم نے شراب زیادہ پی لی اور خاتون کے گھر میں اسوقت گھسا جب وہ اکیلی تھی، پولیس نے 27 سالہ ملزم کو گرفتار کر لیا ہے اور اسکے خلاف مقدمہ درج کر لیا ہے.

پولیس کے مطابق زیادتی کرنے والا مجرم شادی شدہ ہے اور اس کے دو بچے بھی ہیں.خاتون کو طبی امداد کے لئے ہسپتال منتقل کر دیا گیا ہے جہاں علاج جاری ہے.

ایک رپورٹ کے مطابق بھارت میں جنسی زیادتی کے اکثر واقعات کے بارے میں رپورٹس درج نہیں کروائی جاتی ہیں لیکن 2016 میں 40 ہزار زیادتی کے مقدمات درج ہوئے تھے۔بھارت میں جنسی زیادتیوں‌کے بڑھتے ہوئے واقعات کی دنیا بھر میں پھیلنےوالی خبروں کے بعد خواتین اورانسانی حقوق کی تنظیموں نے عالمی برادری سے بھارت کے خلاف تحقیقات کرنے اورپابندیاں لگانے کا مطالبہ کیا ہے

مودی سرکار کی ایک اور اسلام دشمنی، مغل گارڈن کا نام بھی برداشت نہ ہو سکا

باغی ٹی وی کی رپورٹ کے مطابق بھارت کی ہندو انتہا پسند جماعتیں شدید بوکھلاہٹ کا شکار ہیں وہ مسلمانوں کے خلاف میدان میں آ چکی ہیں، انہیں بھارت میں مسلمانوں کے نام بھی برداشت نہیں، مسلم دشمنی میں ہندو نے تمام حدیں عبور کر لیں. بھارت میں شہروں، ریلوے اسٹیشنوں اور سڑکوں کے مسلم نام بدلے جانے کا سلسلہ تو ایک طرف چل ہی رہا تھا کہ تاریخی مغل گارڈن کا بھی نام بدلنے کی آواز بلند ہونی شروع ہو گئی ہے۔ ہندو مہا سبھا کے سربراہ سوامی چکرپانی نے اس کا نام بدل کر ’راجندر پرساد اُدیان‘ رکھنے کا مطالبہ کیا ہے۔

بھارتی میڈیا سے بات چیت کرتے ہوئے سوامی چکرپانی کا کہنا تھا کہ وہ جلد ہی مغل گارڈن کا نام بدلنے کے بارے میں بھارتی وزیر اعظم نریندر مودی سے ملاقات کر کے بات کریں گے۔ وہ اس سلسلے میں مرکزی وزیر داخلہ امت شاہ سے بھی جلد ملاقات کریں گے۔

سوامی چکریانی کا مزید کہنا تھا کہ ہم سبھی جانتے ہیں کہ میہم کو مغلوں نے اپنے دور میں بنایا تھا۔ آج یہ راشٹرپتی بھون کا باغ ہے اور مغلوں کے نام پر ہی اس کا نام رکھا ہوا ہے، جو کہ ناقابل قبول ہے۔ اسی لیے میں نے اس باغ کا نام ملک کے پہلے صدر جمہوریہ ڈاکٹر راجندر پرساد کے نام پر کرنے کا مطالبہ کیا ہے.

واضح رہے کہ چند روز قبل دہلی کے اورنگ زیب روڈ کا نام بدل کر سابق صدر جمہوریہ اے پی جے عبدالکلام کے نام پر رکھ دیا گیا گیا۔ اتر پردیش واقع مغل سرائے اسٹیشن اور الٰہ آباد جیسے تاریخی شہروں کا نام بھی بدل دیا گیا، اورنگ آباد شہر کے نام کی جگہ سمبھاجی نگرکا پوسٹرنصب کیا گیا.

قبل ازیں بھارتی ریاست اترپردیش کے وزیراعلیٰ‌یوگی ناتھ نے ایک بارپھر اعلان کیا ہےکہ ریاست میں مسلمان دورحکومت کے دوران جتنے بھی نام رکھے گئے ہیں ان کو فی الفورتبدیل کیا جائے،وزیراعلیٰ‌نے ریاست کے ضلع آگرہ کا نام تبدیل کرکے اگروان رکھنےکا فیصلہ کیا ہے،

اس سے قبل بھارت میں اسی یوگی ناتھ کےدور میں بہت سے تاریخی مقامات کے نام تبدیل کرکے ان کو نام ہندومذہب کے مطابق رکھے گئے ہیں،اس کے باوجود بھارتی انتہا پسندوں کیطرف سے یہ مطالبہ کیا جارہا ہےکہ پورے بھارت میں‌ اسلام اورمسلمانوں سے وابستہ مقامات کے نام تبدیل کردیئے جائیں

آن لائن گیم پب جی پر پابندی کا مطالبہ پارلیمنٹ میں سامنے آ گیا

باغی ٹی وی کی رپورٹ کے مطابق آن لائن گیم پب جی پر پابندی کا مطالبہ سامنے آ گیا، بھارتی لوک سبھا میں میں آن لائن گیم پب جی ، بلیو وہیل اور دیگر کمپیوٹر گیمز کو بچوں کے لئے خطرناک بتاتے ہوئے ان پر پابندی عائد کرنے کا مطالبہ کیا گیا ہے۔اپوزیشن جماعت کانگریس کے وسنت کمار نے وقفہ صفر میں کہا کہ پب جي، بلیو وہیل اور دیگر کو آن لائن کمپیوٹر گیمز بچوں کے لئے مہلک ہیں تو ان پر پابندی عائد ہونی چاہئے ان کی وجہ سے چھوٹے بچوں کا ذہن متاثر ہو رہا ہے اور وہ جارح بنتے جا رہے ہیں اور ان کی ذہنی سوچ میں بھی تبدیلی آ رہی ہے۔

انہوں نے موبائل اور کمپیوٹر پر ان کھیلوں کو تباہ کن قرار دیتے ہوئے کہا کہ بھارتی حکومت کو ان پر پابندی لگانے پر سنجیدگی سے غور کرنا چاہئے کیونکہ نوجوانوں پر ان کھیلوں سے منفی اثر پڑ رہا ہے.

بھارت میں پب جی گیم بہت زیادہ معروف ہوچکی ہے جس پر پابندی کا آج مطالبہ کیا گیا ہے، رواں برس چند ماہ قبل بھارتی ریاست گجرات میں یہ گیم کھیلنے کی عادی ایک خاتون نے پب جی کی خاطر خاوند سے طلاق کا مطالبہ کردیا۔ 19 سالہ خاتون نے ویمن ہیلپ لائن پر کال کرکے اپنے شوہر سے علیحدگی میں مدد کا کہا اور بتایا کہ وہ وہ پب جی میں ملنے والے اپنے نئے گیمنگ پارٹنر کے ساتھ شادی کرنا چاہتی ہے۔

ہیلپ لائن ابھیام کے سربراہ بریندراسن گوہل کے مطابق یہ فون کال اپنی نوعیت کی پہلی کال تھی کیونکہ عام طور سے خواتین ہمیں فون کرکے کہتی ہیں کہ ان کے بچے پب جی کے عادی ہیں۔ہیلپ لائن کی جانب سے بھیجی جانے والی مشاورتی ٹیم نے خاتون کے گھر جا کر اہلخانہ سے اس مسئلے پر بات چیت کی تو علم ہوا کہ موبائل فون کو بہت زیادہ وقت دینے کی وجہ سے خاتون کے گھر والوں سے اس کا جھگڑا ہوا۔

مشاورتی ٹیم نے خاتون کو اس فیصلے پر نظر ثانی کرنے کیلئے سمجھایا اوربحالی کے مرکز میں رہنے کا مشورہ دیا جہاں موبائل فون کے استعمال کی اجازت نہیں ہے۔ خاتون کا کہنا ہے کہ اسےسوچنے کیلئے کچھ وقت چاہیے، اگر اس نے اپنا فیصلہ تبدیل کیا تو وہ کال کرکے بتا دے .

انڈونیشیا کے عالم دین نے پب جی گیم پر فتوی دیتے ہوئے اسے مکمل حرام قرار دیا انڈونیشیا کے مذہبی سکالر کا کہنا ہے کہ قیامت برپا ہونے سے پہلے انسانی تاریخ کی سب سے بڑی جنگ ہو گی جس کا نام الملحة الکبری ہے یہ جنگ اتنی خوفناک ہوگی کہ ننانوے ہارے گے اور صرف ایک جیتے گا۔ اس گیم میں بھی بلکل ایسا دیکھایا گیا ہے.