اپوزیشن کے سینیٹ کے چیئرمین کے امیدوار حاصل بزنجو نے کہا ہے کہ شاہد خاقان عباسی کی گرفتاری کے بعد مزید گرفتاریاں بھی متوقع ہیں، سینیٹ کا اجلاس بلایا جائے اور ووٹنگ کی جائے.

چیئرمین سینیٹ کیخلاف اپوزیشن جماعتوں کے اجلاس میں کتنے سینیٹرز شریک ہوئے؟ اہم خبر

باغی ٹی وی کی رپورٹ کے مطابق حاصل بزنجو نے کہا کہ پاکستان کے عوام کو میڈیا کے ذریعے ہم اپنا موقف بتائیں، چیئرمین سینیٹ کی جانب سے ایک خط آیا تھا ،تما پارلیمانی لیڈر شریک ہوئے تھے، فاٹا کے دوست بھی شریک تھے،کل کے اجلاس میں ہماری تعداد پوری تھی، منگل کو ہماری دوبارہ میٹنگ ہو گی، اپوزیشن اپنی تحریک میں کامیاب ہو گئی ہے، اگر کوئی حربہ اختیار کیا جائے گا تو وہ پاکستان کے آئین کی خلاف ورزی ہو گی ،سینیٹ کا اجلاس فوری بلایا جائے اور ووٹنگ کی جائے.

چیئرمین سینیٹ کے خلاف عدم اعتماد کی تحریک، بلاول نے ایسا فیصلہ کیا کہ پی پی والے پریشان

امیدوار چیئرمین سینیٹ نے کہا کہ شاہد خاقان عباسی کو کل گرفتار کیا گیا شاید اور بھی گرفتاریاں ہوں، ہم مذمت کرتے ہیں اور کہتے ہیں کہ اپوزیشن کسی صورت نہیں جھکے گی، ہم سمجھتے ہیں کہ ہم کامیاب ہو گئے ہیں.

شیری رحمان نے کہا کہ آئین کے مطابق رولز کے مطابق سینیٹ کا اجلاس بلایا جانا چاہئے لیکن نہیں بلایا جا رہا، ہم نے تمام قوانین کی شقیں لیٹر میں لکھی ہیں اور ہر وہ شق ڈال دی ہے جس کے مطابق آئینی طور پر سینیٹ کا اجلاس ہو گا، چودہ دن 9 جولائی سے لاگو ہوتے ہیں .

شیری رحمان نے مزید کہا کہ ہم آئین کے مطابق چل رہے ہیں،

واضح رہے کہ اپوزیشن جماعتیں چیئرمین سینیٹ کے خلاف تحریک سینیٹ سیکرٹریٹ میں جمع کروا چکی ہیں، اپوزیشن نے چیئرمین سینیٹ کے لئے حاصل بزنجو کو امیدوار نامزد کیا ہے، اب تحریک انصاف نے ڈپٹی چئرمین سینیٹ کو ہٹانے کے لئے تحریک جمع کروا لی ہے . اس سلسلہ میں حکومت کی اتحادی جماعتوں سے مشاورت کا سلسلہ جاری ہے .

دوسری جانب وزیر اعظم عمران خان نے پی ٹی آئی سینیٹرز سے واضح طور پر کہا ہے کہ ہم نے چیئرمین سینیٹ کے خلاف پیش کی گئی تحریک عدم اعتماد کو ہر صورت ناکام بنانا ہے اور جس طرح بجٹ‌ منظوری کے حوالہ سے اپوزیشن جماعتوں‌ کو کامیاب نہیں‌ ہونے دیا گیا اسی طرح سینیٹ چیئرمین کے خلاف ان کی تحریک عدم اعتماد بھی کسی صورت کامیاب نہیں‌ ہونے دی جائے گی.

چیئرمین سینیٹ کی تبدیلی بنی درد سر، اپوزیشن جماعتوں کا اجلاس پھر طلب

چیئرمین سینیٹ کی تبدیلی، ن اور پیپلزپارٹی کے اندر بغاوت کا خدشہ؟ اہم خبر

چیئرمین سینیٹ کو ہٹانے کی مہم اپوزیشن کو الٹی پڑ گئی، حکومت کا بڑا فیصلہ

اپوزیشن نے صادق سنجرانی کو ہٹانے کی قرارداد اور سینیٹ کا اجلاس بلانے کی ریکوزیشن جمع کرائی۔ صادق سنجرانی کے خلاف تحریک عدم اعتماد کامیاب ہوئی تو نئے چیئرمین سینیٹ کے انتخاب کے لئے انتخاب خفیہ رائے شماری سے ہوگا۔ سینیٹ کا اجلاس 14 روز کے اندر بلایا جائے گا۔

حاصل بزنجو، چیئرمین سینیٹ کے اپوزیشن کے متقفہ امیدوار،سینیٹر کب بنے؟

چیئرمین سینیٹ کے امیدوار پر اپوزیشن کا ہو گیا اتفاق،کون ہو گا نیا چیئرمین سینیٹ؟

واضح رہے اے پی سی کے بعد اپوزیشن رہنماﺅں کے ساتھ مشترکہ پریس کانفرنس کرتے ہوئے مولانا فضل الرحمان نے 25جولائی کو یوم سیاہ منائے جانے اور عوامی رابطہ مہم شروع کرنے کا اعلان کیا تھا جبکہ چیئرمین سینیٹ کو ہٹانے کا فیصلہ کیا گیا اور اے پی سی کے فیصلوں پر عمل در آمد کیلئے رہبر کمیٹی تشکیل دیدی گئی تھی۔ بعد ازاں 5 جولائی کو متحدہ اپوزیشن کی رہبر کمیٹی نے چئیرمین سینیٹ صادق سنجرانی کو عہدے سے ہٹانے کا حتمی فیصلہ کرتے ہوئے اس سلسلے میں چئیرمین سینیٹ کے خلاف تحریک عدم اعتماد کی قرارداد جمع کرانے کا اعلان کیا تھا۔

سابق وزیراعظم ،مسلم لیگ ن کے رہنما شاہد خاقان عباسی نے کہا ہے کہ عمران خان ایک بزدل وزیراعظم ہے

باغی ٹی وی کی رپورٹ کے مطابق احتساب عدالت میں پیشی کے موقع پر گفتگو کرتے ہوئے شاہد خاقان عباسی نے کہا کہ یہ کیس نیب کا نہیں ہے، جو بھی گواہی دے کوئی بات نہیں،یہ جعلی کیس ہے اس کا حقیقت سے کوئی تعلق نہیں، عباسی کا مزید کہنا تھا کہ عمران خان ایک بزدل وزیراعظم ہے، وعدہ معاف گواہوں کی وجہ سے کیس نہیں بنتے، نیب کو اس کیس سے کچھ نہیں ملے گا،

واضح رہے کہ احتساب عدالت نے شاہد خاقان عباسی کا آج 13 روزہ ریمانڈ دیا ہے .

سابق وزیراعظم مسلم لیگ ن کے سینئر نائب‌ صدر شاہد خاقان عباسی کو نیب نے احتساب عدالت میں پیش کر دیا ،. اس موقع پر سیکورٹی کے سخت انتظامات کئے گئے ہیں.

وزیراعظم کو شاہد خاقان عباسی کی گرفتاری کا بتایا گیا تو انہوں نے کیا کہا؟ اہم خبر

شاہد خاقان عباسی نے پیشی کے موقع پر کہا کہ میرا کوئی وکیل نہیں، میں خود اپنا وکیل ہوں۔ مجھے علم ہے مجھے کیوں گرفتار کیا گیا اسکی تفصیل میں نہیں جاتا۔جسمانی ریمانڈ 90 دن کا مانگتے ہیں وہ بھی دے دیں۔ یہ خوش ہو جائیں کوئی اعتراض نہیں۔

عدالت نے شاہد خاقان عباسی کو 13 روزہ جسمانی ریمانڈ پر نیب کے حوالے کر دیا اور حکم دیا کہ یکم اگست کو عباسی کو دوبارہ عدالت میں پیش کیا جائے .

واضح رہے کہ شاہد خاقان عباسی کو نیب نے ایل این جی کیس میں گرفتار کیا تھا، نیب نے عباسی کو ایل این جی کیس میں گرفتار کیا ہوا ہے. شاہد خاقان عباسی کو لاہور سے گرفتار کر کے پنڈی منتقل کیا گیا تھا.

منتخب وزیراعظم کی گرفتاریاں سلیکٹڈ کے کہنے پر ہورہی ہیں:مریم اورنگزیب

شاہد خاقان عباسی کی گرفتاری پر مسلم لیگ ن نے احتجاج کیا ہے ،پیپلز پارٹی نے بھی گرفتاری کی مذمت کی ہے