مظفرگڑھ میں بیل گاڑی دریائے چناب میں ڈوبنے سے اس میں سوار 4 خواتین سمیت 5 افرادڈوب گئے ،مقامی افراد نے اپنی مدد آپ کے تحت 2 خواتین کی لاشیں اور 3 افراد کو زندہ دریا سے نکال لیا.مظفرگڑھ کے علاقے خانگڑھ میں بیل گاڑی اور اس پر سوار 5 افراد دریائے چناب میں ڈوب گئے.پولیس کیمطابق بیل گاڑی پر سوار 4 خواتین اور ایک مرد گھاس کاٹ کر واپس گھر کی جانب جارہے تھے،بیل گاڑی سلپ ہونے کے باعث تمام افراد بیل گاڑی سمیت دریائے چناب میں ڈوب گئے.پولیس کیمطابق مقامی افراد نے 2 خواتین کی لاشیں اور 3 افراد کو زندہ حالت میں دریا سے نکال لیا.دریا سے زندہ نکالے جانے والے 3 افراد کو طبی امداد کے لیے ڈی ایچ کیو ہسپتال منتقل کردیا گیا.پولیس کیمطابق معاملے کی تحقیقات شروع کردی گئی ہیں.
Blog
-
مسلم ٹک ٹاک اسٹارز کی حمایت پر بھارتی اداکار اعجاز خان کو گرفتار کر لیا گیا
ممبئی: بھارت کے پانچ معروف مسلم ٹک ٹاک اسٹارز پر پابندی کے خلاف آواز اٹھانے پر ممبئی پولیس نے بالی ووڈ اداکار اعجاز خان کو گرفتار کرلیا گیا۔
ممبئی پولیس کا کہنا ہے کہ اعجاز خان نے فلم کے ڈائیلوگ کے ذریعے پولیس کا مزاق اڑایا ہے. یہ ہے وہ نوٹس جس کے تحت اعجاز کو گرفتار کیا گیا.
ٹک ٹاک پر "team 07” مقبول ترین مسلم ٹیم ہے اور بھارت کے ساتھ پاکستانیوں کے دلوں پہ بھی راج کر رہی ہے لیکن تبریز انصاری کے واقعہ کے بعد جب ٹک ٹاک سٹار فیصل شیخ نے تبریز کے حق کے لیے ویڈیو بنائی تو بھارتی حکومت نے فیصل شیخ کا اکاؤنٹ سسپینڈ کر دیا. Team 07 میں سے فیصل اور حسنین کا اکاؤنٹ سسپینڈ کیا گیا.
بھارت میں مسلمانوں پر تشدد اور ظلم و جبر کے واقعات آئے روز دیکھے جاتے ہیں لیکن خود کو سیکولر ملک قرار دینے والے بھارت میں ظلم کے خلاف آواز ابلند کرنا بھی جرم ہے۔ ظلم کے ہاتھوں چڑھنے والے تبریز انصاری نے اپنی جان گواہ دی اور اس کے حق کے لیے مقبول ٹک ٹاک اسٹارز کو آواز اٹھانا مہنگا پڑ گیا. بھارتی حکومت نے نہ صرف ان پر پابندی عائد کردی بلکہ اُن کے خلاف قانونی کارروائی بھی شروع کردی ہے.
مسلم ٹک ٹاک سٹارز کی حمایت کے لیے بالی ووڈ اداکارہ اعجاز خان نے آواز اٹھائی تو انہیں بھی قانونی شکنجے میں جکڑ لیا گیا اور ان کے خلاف بھی آیف آئی آر درج کرلی گئی ہے.
اعجاز خان نے پریس کانفرنس میں کہا کہ ٹیم 07‘ نے ٹک ٹاک پر دوسرے کی آواز میں ویڈیو بنائی جسے پہلے ہی 171 ملین لوگوں بنا چکے ہیں لیکن صرف پانچ لوگوں کو ٹارگٹ کیا جارہا ہے اور یہ نا انصافی ہے. اعجاز خان نے کہا کہ "ٹیم 07” کی ویڈیوز پر بالی ووڈ اسٹارز "شاہ رخ خان اور سلمان خان” کی اپڈیٹس سے کئی زیادہ ویوز آتے ہیں اور یہ ان کی محنت کا صلہ ہے.
اعجاز خان نے مزید کہا کہ بھارت میں جو ریپ کرتا ہے اسکے خلاف کوئی ایکشن نہیں لیا جاتا اور بالی ووڈ فلموں میں بھی کئی اداکاروں نے دہشت گرد کا کردار ادا کیا ہے. ٹیم 07 نے اپنی محنت سے اپنی جگہ بنائی ہے اور اپنا گھر چلا رہی ہے. ان کے خلاف ایکشن لینا سیاست ہے. بھارت نے اعجاز خان کے خلاف بھی مقدمہ درج کر دیا ہے.
-
پنجاب میں بھی وزارتوں کی تبدیلی،اہم خبر
وفاق کے بعد پنجاب کا بھی نمبر آ گیا، وزارتوں میں ردوبدل کر دی گئی
وزیراعظم امریکا کس طیارے پر جائیں گے؟ ایسا فیصلہ کہ پاکستانی حیران ہو جائیں
باغی ٹی وی کی رپورٹ کے مطابق وزیراعلیٰ پنجاب نے متعدد وزرا کے قلمدان تبدیل کر دئیے، صوبائی وزیر اطلاعات صمصام بخاری کا محکمہ بھی تبدیل کر دیا گیا، صمصام بخاری کومحکمہ کنسولیڈیشن کی وزارت دیدی گئی ،میاں اسلم کو اطلاعات کا چارج دے دیا گیا، یاسر ہمایوں سے سیاحت کا محکمہ واپس لے لیا گیا. راجہ بشارت کو سوشل ویلفیر اور بیت المال کا اضافی چارج دے دیا گیا .
وزیراعظم سے ممکنہ این آر او کیلیے بلاول امریکا پہنچ گئے
ہائر ایجوکیشن کے وزیر ہمایوں یاسر سے سیاحت کااضافی قلمدان واپس لے لیا جس کا اضافی قلمدان یوتھ آفیئرز کے وزیر تیمور خان کو دیا گیا ہے۔ محکمہ بلدیات کی وزارت وزیراعلی پنجاب عثمان بزدار نے اپنے پاس رکھی ہے، محمد اجمل سے سوشل ویلفیئر اینڈ بیت المال کی وزارت واپس لے لی گئی، راجہ بشارت کو یہ قلمدان دئیے گئے ہیں، محمد اجمل کو چیف منسٹر انسپکشن ٹیم کی وزارت دی گئی ہے۔
وزیراعظم کے دورہ امریکا سے قبل بلاول زرداری اچانک امریکا روانہ
عمران خان کے دورہ امریکا کو سبوتاژ کرنیکا بھارتی منصوبہ،حسین حقانی بھی متحرک
واضح رہے کہ وزیراعظم عمران خان نے گزشتہ روز لاہور کا دورہ کیا تھا جس میں وزارتوں میں تبدیلی کی منظوری عمران خان نے دی تھی.
قبل ازیں عمران خان نے وفاقی کابینہ میں بھی تبدیلی کی تھی اور کہا تھا جو کام کرے گا وہ ساتھ چلے گا.وزیراعظم عمران خان نے وزیراعلیٰ پنجاب اور وزیر اعلیٰ خیبر پختونخواہ کو اپنے کھلاڑیوںکی کارکردگی کا جائزہ لینے کا بھی کہا تھا.
-
قدرتی اجزاء سے چہرہ حسین بنائیں
بیسن پاؤڈر شہد اور تھوڑی سی ہلدی کوفریش دودھ میں ملا کر پیسٹ بنا لیں 15 سے 20 منٹ چہرے پر لگائیں بعد میں ٹھنڈے پانی سے چہرہ دھو لیں بہت اچھا رزلٹ آتا ہے ہفتے میں دو بار استعمال کریں
چہرے کی چمک کے لئے شہد میں لیموں کا رس ملا کر 5 منٹ مساج کرنے ک بعد 15 منٹ کے لئے چھوڑ دیں بعد میں منہ دھو لیں-
شہد میں عرق گلاب ملا کر استعمال کرنے سے جلد نرم و ملائم ہو جاتی ہے اور شہد میں دودھ ملا کر 10 سے 15 منٹ کلینزگ کرنے سے چہرے کی رنگت میں نکھار پیدا ہوتا ہے-
چہرے پرٹماٹر کےگوُدے کا20 منٹ تک مساج کرنے سے بھی چہرے کا رنگ نکھرتا ہے
پسے ہوئے میتھی کے پتوں میں لیموں کا رس مکس کر کے لگانے سے دانے اور کیل مہاسے ختم ہو جاتے ہیں
کھیرے کا رس نکال کے اس میں روئی بھگو کر چہرے پر لگانے سے رنگ صاف ہو جاتا ہے-
ملتانی مٹی انڈا شہد اور عرق گلاب یا پانی کا مکسچر بنا کر چہرے پر 20 منٹ تک لگائیں بعد میں منہ دھو لیں رنگت صاف اور پر کشش ہو جائیگی-
-
پنجاب کا نیا بلدیاتی نظام ، الیکشن کمیشن نےا عتراضات لگا دئیے
الیکشن کمیشن آف پاکستان نے پنجاب کے نئے بلدیاتی نظام کو الیکشن ایکٹ کے متصاد م قرار دیتے ہوئے کہا کہ اس نظام کے تحت الیکشن نہیں ہو سکتے
لوکل گورنمنٹ بل پنجاب اسمبلی سے منظور،مسلم لیگ ن ناکام
باغی ٹی وی کی رپورٹ کے مطابق پنجاب کانیابلدیاتی قانون الیکشن ایکٹ کےمتصادم قراردیا گیا ہے، بلدیاتی قانون کی کئی شقیں الیکشن ایکٹ سے متصادم ہیں،الیکشن کمیشن نے موجودہ بلدیاتی قانون پرپنجاب میں انتخابات کرانےسےمعذرت کی لی ہے. الیکشن کمیشن کا کہنا ہے کہ الیکشن ایکٹ کےمطابق بلدیاتی قانون تک انتخاب نہیں ہوسکتا،بلدیاتی قانون کی حلقہ بندیوں پرابہام ہے،ووٹرزلسٹوں،الیکشن کےطریقہ کارسےمتعلق شقوں میں ابہام ہے،
پنجاب میں نیا بلدیاتی نظام، لاہور ہائیکورٹ نے بڑا حکم دے دیا
الیکشن کمیشن نے پنجاب کے نئےبلدیاتی قانون پراعتراض کرتے ہوئے کہا کہ الیکشن ایکٹ کے مطابق ایک ہی ووٹرزلسٹ لازم ہے،بلدیاتی قانون میں مسلم،غیرمسلم کی الگ ووٹرزلسٹ بنانے کا کہا گیا ہے
واضح رہے کہ نیا بلدیاتی نظام پنجاب اسمبلی سے منطور ہو چکا ہے، مسلم لیگ ن نے بل پیش کرنے کے موقع پر ایجنڈےکی کاپیاں پھاڑ دی تھیں اور بھر پور احتجاج کیا تھا، تحریک انصاف اس بل کے پاس ہونے کو بہت بڑی کامیابی قرار دے رہی ہے . نئے ترمیمی بل کے تحت ناظمین اب چئیرمین کہلائیں گے، تمام ڈویژنل ہیڈکوارٹرز میں سٹی لوکل گورنمنٹس بنائی جائیں گی۔تحصیل کونسل چیئرمین اور میئر سٹی لوکل گورنمنٹ کے انتخابات جماعتی بنیاد پر جبکہ ویلیج و نیبر ہوڈ کونسل کے انتخابات غیر جماعتی بنیادوں پر ہوں گے
مسلم لیگ ق کے رہنما سپیکر پنجاب اسمبلی چودھری پرویز الہیٰ کے بیٹے مونس الہی نے سماجی رابطے کی ویب سائٹ ٹویٹر پراسمبلی سے منظور کردہ بلدیاتی نظام کوخیبر پختونخواکے نظام کا کاپی پیسٹ قراردے دیا .مونس الہیٰ کا کہنا تھا کہ پنجاب اور کے پی کے کا موازنہ نہیں کیا جاسکتا،دونوں صوبوں کی آبادی اوررقبے میں واضح فرق ہے،نئے بلدیاتی نظام میں ماضی کی طرح کئی نقائص ہیں،چارہزاریونین کونسل کی جگہ 24 ہزارولیج اور پنچایت کونسلزبہت زیادہ ہیں ،ایسے نظام سے انتظامی ڈھانچے اور مالی اخراجات میں چھ گنا اضافی ہوگا ،کم ازکم آٹھ ارب روپے سالانہ اور دیگر اخراجات ضائع ہوں گے ،
-
بوڑھا دیکھانے والی "فیس ایپ” کتنی خطرناک،جان لیں تو ہوش اڑ جائیں
فیس ایپ کی کارستانی جان کر آپ کے ہوش اڑ جائیں اور اسکو انسٹال کرنے سے توبہ کر لیں اورکبھی انسٹال نہ کریں.
باغی ٹی وی رپورٹ کے مطابق سوشل میڈیا پر نئی ایپ نے تہلکہ مچا رکھا ہے ، روسی انجینئرز کی تیار کردہ نئی ایپلی کیشن مشہور ہونے کے ساتھ متنازع بھی ہوگئ ہے یہ اہپلی کیشن کتنی خطرناک ہے اگر آپ جان لیں تو شاید کبھی اس کو استعمال نہ کریں.اس ایپلی کیشن میں آپ کا تمام ڈیٹا ایپلی کیشن کے منتظمین چرا لیتے ہیں.آپ کی ہر حرکت اور ایکٹیوٹی کی جاسوسی ہوتی ہیں.ایپلی کیشن کے قوائد و ضوابط میں واضح لکھا ہے کہ ۔اس ایپلی کیشن کے انسٹال کرنے کے بعد آپ اس ایپ کو اجازت دے دیں گے کہ وہ آپ کی پسند نا پسند، شخصیت کا میلان ،آواز ، کونٹیکٹ نمبرز اور اس ڈیٹا پر رسائی حاصل کر لیں گے جو آپ کے موبائل فون میں ہے.
اس ایپ کو امریکا میں بھی خطرناک قرار دے دیا گیا ہے امریکی جریدے کے مطابق ایپ کو گوگل پلے سے 10 کروڑ سے زیادہ لوگ ڈاؤن لوڈ کرچکے ہیں جبکہ دنیا کے 121 ممالک میں یہ ٹاپ رینکنگ ایپ بن چکی ہے۔امریکی بزنس جریدے نے خبردار کیا ہے کہ ایپ کے ذریعے کمپنی کو دنیا میں تقریباً 15 کروڑ لوگوں کی تصاویر کے ڈیٹا تک رسائی حاصل ہوگئی ہے
یہ ایپ اسے استعمال کرنے والے صارفین کی تصاویر اپنے کلاؤڈ میں اپ لوڈ کرتی ہے اور صارفین سے ان کی نجی تصاویر اور ڈیٹا تک مکمل اور ناقابل تنسیخ رسائی کا تقاضہ کرتی ہے۔ماہرین نے خبردار کیا ہے کہ کمپنی اپنی یادداشت میں محفوظ ان تصاویر کو جب چاہے جس مقصد کیلئے چاہے استعمال کرسکتی ہے۔
ماہرین کا کہنا ہے کہ ایپ میں محفوظ ڈیٹا کے ذریعے مصنوعی ذہانت کے کمپیوٹر پروگرام کو چہرہ کی شناخت کی تربیت دینے کیلئے استعمال کیا جاسکتا ہے۔
-
وزیراعظم امریکا کس طیارے پر جائیں گے؟ ایسا فیصلہ کہ پاکستانی حیران ہو جائیں
وزیراعظم عمران خان کل امریکا کے لئے روانہ ہوں گے، وزیراعظم امریکا خصوصی طیارہ استعمال کرنے کی بجائے قطر ائیر ویز پر جائیں گے.
وزیراعظم سے ممکنہ این آر او کیلیے بلاول امریکا پہنچ گئے
باغی ٹی وی کی رپورٹ کے مطابق وزیراعظم کے معاون خصوصی نعیم الحق نے سماجی رابطے کی ویب سائٹ ٹویٹر پر کہا ہے کہ وزیر اعظم عمران خان نے دورۂ امریکا کے لیے خصوصی طیارہ استعمال نہیں کریں گے بلکہ قطر ائیر ویز کے ذریعے روانہ ہوں گے.
PM Imran Khan will fly to Washington by Qatar Airways.
— Naeem ul Haque (@naeemul_haque) July 18, 2019
واضح رہے کہ وزیر اعظم کے دورۂ امریکا کے لیے خصوصی طیارہ استعمال کیا جانا تھا، تاہم کفایت شعاری مہم کے تحت خصوصی طیارہ استعمال نہ کرنے کا فیصلہ کیا گیا ہے۔ وزیراعظم کے دورہ امریکا سے قبل پاکستان کے وزیر خارجہ شاہ محمود قریشی امریکا پہنچ چکے ہیں. وزیراعظم نے اس سے قبل کیے گئے تمام بیرونی وروں کے دوران خصوصی جہاز استعمال کیا تھا تاہم امریکا کے طویل سفر کے دوران وزیراعظم نے خصوصی جہاز کے بجائے کمرشل فلائٹ پر سفر کرنے کو ترجیح دی ہے۔
وزیراعظم کے دورہ امریکا سے قبل بلاول زرداری اچانک امریکا روانہ
عمران خان کے دورہ امریکا کو سبوتاژ کرنیکا بھارتی منصوبہ،حسین حقانی بھی متحرک
دوسری جانب وزیر اعظم عمران خان کے 5 روزہ دورہ امریکا کا شیڈول طے ہو چکا ہے، وزیر اعظم کا امریکا میں قیام، پاکستان ہاؤس میں ہوگا۔ وزیراعظم امریکی صدر سے بھی ملاقات کریں گے .
دوسری جانب امریکہ میں مقیم ایک کالم نگار کا کہنا ہے کہ عمران خان بحیثیت وزیراعظم پہلی مرتبہ امریکہ آرہے ہیں۔ بطور پی ٹی آئی اپوزیشن لیڈر 2013 کو نیویارک آئے تھے۔ اسوقت بہت مقبول تھے۔ 20 جولائی کو واشنگٹن آرہے ہیں تو اب بھی اپنی پارٹی میں مقبول ہیں۔ بیس ہزار بندوں کا ہال بھرنے کے لئے ملک بھر سے ورکرز اور مداح جہازوں، بسوں اور گاڑیوں میں آ رہے ہیں۔ وزیراعظم کا کمیونٹی خطاب کے علاوہ کسی اور میٹنگ یا پروگرام کی ابھی تک کوئی اطلاع نہیں۔ امریکہ میں مقیم پاکستانی میڈیا وزیراعظم کے شیڈول سے متعلق واشنگٹن پاکستانی سفارتخانے سے رابطے میں ہیں مگر سفارتخانہ بھی لاعلمی کا اظہار کر دیتا ہے۔
وزیراعظم کے دورہ امریکا پر کتنے ہزار ڈالر خرچ ہوں گے؟ مراد سعید نے بتا دیا
واضح رہے کہ وزیراعظم عمران خان نے بیس جولائی کو امریکا کا دورہ کرنا ہے، وزیراعظم عمران خان کے دورے کی امریکا نے بھی تصدیق کی، وزیراعظم عمران خان کی دورے میں امریکی صدر ڈونلڈ ٹرمپ سے بھی ملاقات ہو گی. اس موقع پر وزیر خارجہ شاہ محمود قریشی بھی ان کے ہمراہ ہوں گے.
وزیراعظم عمران خان سعودی عرب، ایران ،ترکی و دیگر ممالک کے دوروں کے بعد اب امریکہ جانے کا فیصلہ کیا. چند دن قبل وزیراعظم عمران خان سے پاکستان تحریک انصاف امریکہ کے سینئر رہنما سجاد برکی اور عاطف خان نے وزیراعظم چیمبر پارلیمنٹ ہاوس میں ملاقات کی تھی جس میں وزیراعظم عمران خان کے آئندہ دورہ امریکہ سے متعلق تبادلہ خیال ہوا تھا.
-
جاپان پاکستانی کسانوں کی مدد کو تیار
اسلام آباد: جاپان یو این کے ایگرو فوڈ پروجیکٹ کے تحت پاکستان میں زراعت اورصنعتی ترقی کیلئے 5.2 میلن ڈالر کی سرمایہ کرے گا، پاکستان میں یواین کی نمائندہ برائے صنعتی ترقی نادیہ آفتاب نے وفاقی وزیر برائے فوڈ سکیورٹی اینڈ ریسرچ صاحبزادہ محبوب سلطان سے ملاقات کی اور جاپان کی طرف سے شروع کیے جانے والے میگا پروجیکٹ کے بارے میں آگاہ کیا،
اس پروجیکٹ کے تحت پاکستان میں حلال گوشت اور پھلوں کی جدید ٹیکنالوجی کے استعمال سے پروڈکشن اور پیکنگ کے پروجیکٹ شامل ہیں ، ماہرین کے مطابق پاکستان کے کسانوں کی زندگیاں بدلنے میں یہ پروجیکٹ اہم کردار ادا کرے گا -
فلسطین، چار جڑواں حافظ قرآن بہنوں کا میٹرک میں شاندار نتیجہ
فلسطین کے علاقے ام طوبا سے تعلق رکھنے والی چار حافظ قرآن جڑواں بہنوں نے میٹرک کے سالانہ امتحانات میں شاندار کامیابی حاصل کی ہے۔
جڑواں بہنوں کے والد 55 سالہ الشنیطی ایک سال قبل ذیابیطس اور گردوں کے مرض میں مبتلا ہوگئے تھے۔چاروں بہنوں نے سائنس کے مضامین میں 91 سے 94 فی صد تک نمبر حاصل کیے۔ دینا نے 94، سوزان نے 92، رزان نے 91 اور دیما نے 91 نمبر لے کربہترین پوزیشن حاصل کی۔
کامیاب بہنوں کی ماں کا کہنا ہے کہ ان کی بیٹیوں کی محنت رنگ لائی ہے
یاد رہے کہ چاروں جڑواں بہنیں چاروں ایک سال پیشتر حفظ قرآن کریم میں پہلی پوزیشن حاصل کرنے کا اعزاز بھی حاصل کرچکی ہیں۔ -
شلپا سیٹھی کے مداحوں کے لیےخوشخبری…
ناموربا لی ووڈاداکارہ شلپا سیٹھی 12 سال بعد بھارتی فلموں میں اداکاری کے جوہر دکھا ئیں گی-
رپورٹ کے مطابق شلپاسیٹھی 12 سال قبل بھارتی فلم ”اپنے” میں دھرمیندر،سنی دیول ،بوبی دیول اور کترینہ کے ساتھ نظر آئیں تھیں اس کے بعد انہوں نے بطور اداکارکسی فلم میں کام نہیں کیا-
شلپا سیٹھی نے2007 میں اداکاری کے بعد 2014 میں ریلیزہونے والی بھارتی فلم ڈھشکیاؤں پروڈیوس کی تھی جبکہ اس فلم میں شلپا نے آئٹم سانگ بھی پرفام کیا تھا.اس کے علاہ شلپا سیٹھی مختلف ڈانس شوز کی میزبانی کرتی نظرآئیں –
شلپا سیٹھی 12 سال بعد پروڈیوسررمیش تو رانی کی فلم میں بطور اداکار نظرآئیں گی فلم کے نام کا اعلان تاحال نہیں کیا گیا .فلم میں شلپا رائٹر کا کردار نبھائیں گی .ان کے ساتھ اداکار دلجیت دوسانجھ نظر آئیں گے …..