فیصل آباد، حکومت پنجاب کے احکامات اور ڈویژنل کمشنر محمود جاوید بھٹی کی ہدایات پر پبلک ٹرانسپورٹس سٹینڈ میں مسافروں کے لئے ضروری سہولیات کی فراہمی کویقینی بنانے کے لئے مانیٹرنگ کا عمل جاری ہے۔سیکرٹری آرٹی اے ضمیر حسین نے مختلف ٹرانسپورٹ اڈوں کا دورہ کیا اور نمایاں جگہوں پر کرایہ نامے آویزاں،صاف ستھرے پبلک ٹائلٹس،بزرگ ومعذورافراد کیلئے ریمپس اور دیگر سہولیات کو چیک کیا۔انہوں نے ٹرانسپورٹرز سے کہا کہ وہ مسافروں کی سہولیات کاخیال رکھیں جس میں کوتاہی کی کوئی گنجائش نہیں۔انہوں نے بتایا کہ چیکنگ کا عمل روزانہ کی بنیاد پر جاری رہے گا اور عدم تعمیل کی صورت میں کارروائی کی جائے گی۔انہوں نے مسافروں سے بھی ملاقات کی اور ان سے کرایوں پر عملدرآمد اور دیگر سہولیات کے بارے میں دریافت کرتے ہوئے کہا کہ وزیر اعلیٰ پنجاب سردار عثمان بزدار نے پبلک ٹرانسپورٹ اڈوں میں مسافروں کے بیٹھنے،پینے کے صاف پانی،کرایہ نامے آویزاں،صاف پبلک ٹائلٹس سمیت دیگر سہولیات کی فراہمی کویقینی بنانے کا حکم دیا ہے جس پر سو فیصد عملدرآمد کرایاجارہا ہے۔
Blog
-
کون سے سیاستدان وزیر ہوتے ہوئے بیرون ممالک بھی نوکریاں کرتے رہے؟ اہم خبر
وفاقی وزیر تعلیم شفقت محمود نے کہا ہے کہ پچھلے ادوار میں عجیب چیزیں دیکھیں ، وزرا یہاں کے علاوہ باہر بھی نوکریاں کررہے تھے، خواجہ آصف وزیر دفاع ، وزیر خارجہ ، پانی وبجلی اور پیٹرولیم کے وزیر بھی رہے، خواجہ آصف اقامے کے ذریعے ایک کمپنی کو ایڈوائزر شپ دے رہے تھے ، ان کا کہنا تھا کہ کابینہ کمیٹی اجلاس میں ڈاکٹر عشرت کی سربراہی میں سول سروس ریفارمز پر بریفنگ دی گئی ،کمیٹی بنانے کافیصلہ ہوا ہے جس میں تین چار وزرا ہوں گے،کمیٹی میں پرویز خٹک ، ارباب شہزاد ، شفقت محمود ،ڈاکٹر عشرت بھی ہوں گے،
باغی ٹی وی کی رپورٹ کے مطابق خواجہ آصف اقامے پر اس غیرملکی کمپنی سے پندرہ لاکھ روپے لے رہے تھے،یوسف گیلانی،راجاپرویزاشرف ،شاہد خاقان کےبیرون ملک دروں کی تفصیلات جلدپیش کرینگے، آئین کےتحت آپ قومی مفاد پرکسی ذاتی یا بیرونی مفاد کو ترجیح نہیں دے سکتے، یہ تو پبلک آفس ہولڈر تھے تو پرائیویٹ بزنس کو بھی چلاتے رہے، تو آپ یہاں وزیر بھی تھے اور بیرون ملک کمپنی کے ایڈوائزر بھی تھے،
انہوں نے کہاکہ تحقیقات کی ضرورت ہے کس کی کمپنی اور کس ملک کا کون ملازم رہا، حلف کے تحت آپ ایسا نہیں کر سکتے تھے، ٹرمپ صدر بنا تو وہ اپنی کمپنی سے الگ ہوگیا ، ہماری جمہوریت کا حال دیکھ لیں،ایک صاحب جن پر کرپشن کا الزام ہے ، عہدے کا ناجائز فائدہ اٹھا کر اربوں کمائے ، یہ ملزم جب پیشی پر آتا ہے تو گل پاشی کراتا ہے ، انٹرویوز بھی دے رہا ہوتا ہے،
-
چیئرمین نیب کی زیر صدارت اہم اجلاس، اعلیٰ عہدیداران کی شرکت
چیئرمین نیب جاویداقبال کی زیرصدارت نیب ہیڈ کوارٹرمیں اجلاس ہو اہے جس میں ڈپٹی چیئرمین نیب اورپراسیکیوٹر جنرل نیب سمیت دیگرافسران نے شرکت کی. اجلاس میں نیب کےکام کےطریقہ کار کاجائزہ لیاگیا،
باغی ٹی وی کی رپورٹ کے مطابق چیئرمین نیب نے اجلاس کے دوران گفتگو کرتے ہوئے بتایا کہ نیب کی آپریشنل حکمت عملی کےباعث کرپٹ عناصرکوقانون کی گرفت میں لایاگیا، نیب کرپشن کی اصل شکایات کی حوصلہ افزائی کرتاہے، نیب کی کسی شخص،گرویاجماعت سےکوئی وابستگی نہیں،کرپشن کی نشاندہی کرنے والے نیب کےمعاون ہیں،
چیئرمین نیب نے کہاکہ کرپٹ عناصرسےلوٹی گئی دولت ریکورکرناہمارااولین فریضہ ہے، ملک سےکرپشن کاخاتمہ ہماراایجنڈاہے
-
نواز شریف اور زرداری نے بیرونی دوروں پر کتنے ارب روپے خرچ کئے، ہوشربا انکشافات
وفاقی وزیر تعلیم شفقت محمود نے کہا ہے کہ نواز شریف چار سال میں 262 دن بیرون ملک دوروں پر رہے ، آصف زرداری نے دورہ صدارت میں 134 غیر ملکی دورے کیے ، زرداری کےصرف دبئی کے 51دورےتھے جن پر 10کروڑ روپےخرچ ہوئے،
وفاقی کابینہ اجلاس سے متعلق پریس کانفرنس کے دوران انہوں نے بتایا کہ آصف زرداری کے 48 دورے ذاتی نوعیت کے تھے، لندن برطانیہ کے 17 دوروں پر 32 کروڑ روپے خرچ ہوئے ، آصف زرداری مجموعی طورپر 257 دن ملک سےباہر رہے آصف زرداری سوا تین ہزار لوگوں کو اپنے ساتھ باہر لے کر گئے ،زرداری کےبطور صدر غیر ملکی دوروں پر ایک ارب 42 کروڑ روپے خرچ ہوئے ، 55 کروڑ روپے ان کے ہوٹل میں قیام پر خرچ ہوئے،
شفقت محمود نے بتایا کہ نواز شریف نے چار سال میں ایک ارب 84 کروڑ روپے بیرون ملک دوروں پر خرچ کیے ، غریب ملک کے صدر نے دو کروڑ کی ٹپس دیں ، 5کروڑ کے گفٹ دے دیے، جب قرضے بڑھ رہےتھے تو شاہ خرچیوں کوسن کر رونگھٹےکھڑے ہوجاتے ہیں. انہوں نے کہاکہ نواز شریف کے لندن کے بیس دورے ذاتی تھے جن پر سرکاری خرچ ہوا،نواز شریف نے لندن کے دوروں پر 22 کروڑ روپے سے زائد خرچ کیے ، ان کے اخراجات میں پی آئی اے کا طیارہ استعمال کرنے کا نقصان شامل نہيں ہے ،
-
بھارت، ہندوانتہاپسندوں کیخلاف کاروائی کی بجائے مظاہرہ میں شریک مسلم نوجوان گرفتار
بھارت میں ہندوانتہاپسندوں کی جانب سے مسلم نوجوان کو شہید کئے جانے کیخلاف احتجاجی مظاہروں میں شریک کم عمر نوجوانوں کو گرفتار کر لیا گیا ہے جس پر مقامی مسلمانوں نے شدید احتجاج کیا ہے.
باغی ٹی وی کی رپورٹ کے مطابق میرٹھ کے بعد اب الہ آباد میں بھی مسلمانوں نے احتجاجی مظاہرے شروع کر دیے ہیں. آج الہ آباد میں ہونے والے مظاہرہ میں جن نوجوانوں کو پولیس نے گرفتار کیا ہے ان کی عمر اٹھارہ سال سے بھی کم ہے. مسلم نوجوانوں کی گرفتاری کے خلاف مقامی مسلمانوں میں غم وغصہ بڑھتا جا رہا ہے اور بھارتی پولیس کی زیادتیوں کے خلاف مقامی لوگوں نے سڑکوں پر احتجاج کرنا شروع کردیا ہے.
مجلس اتحاد المسلمین کی طرف سے مسلم نوجوانوں پر ہندوانتہاپسندوں کے حملوں اور قتل کے واقعات کے خلاف احتجاجی مظاہرے کئے جارہے ہیں. مظاہرہ میں شامل کئی نوجوانوں کو ان کے گھروں پر چھاپے مارکر اٹھا لیا گیا اور تھانوں میں بند کر دیا گیا ہے. مقامی مسلمانوں کا کہنا ہے کہ بھارتی پولیس انہیں گرفتار نوجوانوں سے متعلق کچھ آگاہ نہیں کر رہی. مجلس اتحادالمسلمین کا کہنا ہے کہ اگر گرفتار نوجوانوں کو فوری طور پر رہا نہ کیا گیا تو تنظیم سڑکوں پر نکل کر احتجاج کرے گی۔
-
احتساب کا عمل ختم ہو چکا، انصاف خریدا جارہا ہے، شاہد خاقان عباسی
مسلم لیگ ن کے رہنما اور سابق وزیر اعظم شاہد خاقان عباسی نے کہا ہے کہ ہم نے چالیس منٹ کی ویڈیوپیش کردی اب اس پرایکشن کی ضرورت ہے،
باغی ٹی وی کی رپورٹ کے مطابق انہوں نے کہاکہ جب آپ انصاف خریدنا شروع کردیں گے توکیا رہ جائے گا، ہم توسیاستدان ہیں جتنے مقدمات بناؤ کوئی فرق نہیں پڑتا، احتسابی عمل کا ایک ہی بینیفیشری عمران خان ہے،آج انھیں عدالت میں جوابدہی کیلیے ہونا چاہیے، اس احتسابی عمل کے ذریعے الیکشن کے دوران میڈیا ٹرائل کیا گیا اورالیکشن کے بعد بھی، آج اس احتسابی عمل کا کوئی وجود نہیں رہا، کوئی حقیقت نہیں رہی، یہ ختم ہوچکا ہے،
انہوں نے کہاکہ پھر وزیر اعظم کہتےہیں کہ اس احتساب سےحکومت کا کوئی تعلق نہیں، مختلف یوٹرن لینے والے وزیراعظم کہتےہیں کہ یہ ہم احتساب کررہےہیں ،
-
بھارت … ذرا سوچ سمجھ کر …
ویسے تو بھارت خطے میں ایشین ٹائیگر بن کر نہ صرف پاکستان بلکہ چین کو بھی ناکوں چنے چبوانے کا خواہشمند ہے مگر زمینی حقیقت پر غور کیا جائے تو حقائق اس کے بلکل برعکس ہیں۔ بھارتی الیکشن ہوں یا پاکستان کسی سیاسی بحران کا شکار۔ بھارت نے ہمیشہ بمبئی حملے، سمجھوتہ ایکسپریس اور پلوامہ جیسے گھناونے کھیل کھیلے اور اس کے فورا بعد بھارتی میڈیا اپنے ٹوپی ڈرامے شروع کر دیتا ہے۔ بھارتی میڈیا بھارت کو دنیا کی ہیبت ناک جنگی طاقت اور تیسری بڑی فوجی قوت قرار دیتا ہے۔ مگر حقائق اس کے برعکس ہیں۔
1948 کی کشمیر جنگ ہو ۔ 1965 کی جنگ ہو۔ کارگل ہو۔ سرحدی جھڑپیں ہوں یا حالیہ فلاپ ایئر سڑائکس بھارتی فوج کو ہمیشہ منہ کی کھانا پڑی ہے ۔ یہاں تک کہ جنگ کے محاذ پر بھی مار کھائی اور انفارمیشن وار فیر میں بھی مار کھائی۔ بھارتی فوج کے پاس موجود اسلحہ نہ صرف میوزیم میں رکھنے کے قابل ہے بلکہ بھارتی فوجی خود بھی بدحالی کا شکار ہے. یہی وجہ ہے کہ بھارتی فوج میں اوسطا سالانہ 113 اور ماہانہ 9 اہلکاراپنی زندگی کا خاتمہ کررہے ہیں ۔ جس کی وجہ ان کی کسمپرسی اور مورال کا فقدان ہے۔ اکثر بھارتی فوجیوں کو جنگی محاذ پر کھانے کے لیے دو وقت کی روٹی تک نہیں مل پاتی ۔ بھارتی ہواباز پاکستانی ایف 16 اور جے ایف 17 تھنڈر کا سامنا کرنے سے ایسے گھبراتے ہیں جیسے کوا غلیل سے ۔ کبھی انکا سربجیت پکڑا جاتا ہے تو کبھی ابھی نندن چائے پینے یہاں چلا آتاہے۔کیونکہ
The tea is fantastic
بھارت کے زیر قبضہ کشمیر سے روز اطلاعات آتی رہتی ہیں کہ اتنے فوجی فلاں نہتے نوجوان نے مار دیے ۔ توکبھی فوج کے کمیپوں میں گھس کر مجاہدین نے قیامت برپا کر دی۔ جوکہ بزدل بھارتی فوج کی پیشہ ورانہ مہارت کے حوالے سے ذلت آمیز سوالیہ نشان ہے۔ بھارت کے چالیس فیصد میزائل تجربات کی ناکامیاں ان کی نا اہلیوں کا واضح ثبوت ہیں۔
مزید پڑھیئے: تحریک انصاف کا بجٹ بم ۔۔۔ کپتان اجازت دے تو تھوڑا سا گھبرا لیں … نوید شیخ
کاش ۔۔۔ پاکستان کو عبرتناک سبق کی دھمکیاں دینے والا بھارتی میڈیا خواب خرگوش سے باہر آ کر پاکستان کی میزائل ٹیکنالوجی کے کرشمات دیکھے تو ان کے ہوش ٹھکانے آجائیں گےاور یہی میزائل ایٹمی وارہیڈ لے جانے کی صلاحیت بھی رکھتے ہیں۔دہلی،کولکتہ ، مدراس ، ممبئی سمیت شاید ہی بھارت کا کوئی شہر۔ قصبہ ۔ ٹکڑا یا جزیرہ ہو جو پاکستانی میزائلوں کی زد میں نہ ہو۔ بھارت کی
Cold start doctrine کو پہلے ہی پاکستانیtactical nuclear arms کی بدولت
old start doctrine بن چکی ہے ۔ جس کا اعتراف بھارتی فوج کے چیف وی کے سنگھ پہلے ہی کر چکے ہیں ۔ پاکستانی مسلح افواج کو جن چیلنجز کا سامنا ہے وہ کوئی راز نہیں ۔ پاکستانی فوج کے اخراجات بھارتی فوج کے مقابلے میں تقریباً ایک چوتھائی سے بھی کم ہیں۔ مگر دہشتگردی کے خلاف جنگ ہو یا روایتی دشمن بھارت کی جانب سے جارحیت کا مظاہرہ پاک فوج ہمیشہ سرخرو ہوئی ہے۔ جس طرح پاک فوج نے سوات۔ شمالی اور جنوبی وزیر ستان سے دہشتگردوں کا خاتمہ کیا ہے پوری دنیا اس بات کو تسلیم کرتی ہے کہ پاک افواج ایک battle hardened فوج ہے۔
مزید پڑھیے : عثمان بزدار کے کارنامے ۔۔۔نوید شیخ
ماہرین کے مطابق اگر بڑی جنگ چھڑ جائے تو بھارت جنگ میں مصروف اپنی فوج کو زیادہ سے زیادہ 10 روز تک اسلحہ اور گولہ بارود فراہم کرسکتا ہے۔ بھارتی فوج کے پاس موجود 68 فیصد اسلحہ اور آلات بہت پرانے ہیں۔ بھارتی ایئر فورس کے جہاز اڑتے تابوت ہیں جواکثر اپنے وزن سے آپ ہی گرتے رہتے ہیں . یہ جہاز کسی بھی لحاظ سے ایف سولہ تو ایک طرف جے ایف 17تھنڈر کا ہی مقابلہ نہیں کر سکتے جبکہ پاکستان کے پاس دنیا کے بہترین پائیلٹ موجود ہیں۔ ہیومن ریسورس اور ٹریننگ کے لحاظ سے پاکستان اور بھارت کی فوج کا کوئی مقابلہ بنتا ہی نہیں ہے۔
مزید بڑھیے: عمران خان پر چارج شیٹ ۔۔۔ نوید شیخ
اگر بھارتی نیوی پر نظر ڈالی جائے تو آپ کو آئے روز خبریں ملیں گی کہ وہ اپنے ہی جہاز اور آبدوزوں کو اُڑانے میں مصروف ہیں۔ کبھی بھارتی نیوی کے شرمناک اسکینڈل سامنے آتے ہیں تو کبھی انکی کھڑی نیوکلیئر آبدوز چھوٹی سی غلطی کے سبب سمندر برد ہو جاتی ہے ۔ مگر اس سب کے باوجود بھارت اپنی ہٹ دھرمی سے باز نہیں آتااور پاکستان کو نقصان پہنچانے کا کوئی موقع ہاتھ سے نہیں جانے دیتا ۔ بلوچستان میں دہشتگردی ہو یا عالمی سطح پر پاکستان کو بدنام کروانے کی سازش ہر معاملے کے پیچھے بھارت ہی نظر آتا ہے ۔ ان تمام محاذوں پر بھی بھارت کے مقدر میں سبکی ہی ہے ۔ اس سال کے آغاز میں بھارتی دھمکیوں کے جواب میں ڈی جی آئی ایس پی آر میجر جنرل آصف غفور نے کہا تھا کہ
” انڈیا کو جو چیز روک رہی ہے وہ ہماری قابل بھروسہ جوہری صلاحیت ہے تاہم وہ ہمارا عزم آزمانا چاہتا ہے تو آزما لے لیکن اس کا نتیجہ وہ خود دیکھے گا”
بے شک اس فوج کی وجہ سے ہی یہ ملک محفوظ اور قائم ودائم ہے ۔
پاک فوج زندہ باد
پاکستان پائندہ باد
اپنی رائے دینے کے لیے ای میل کریں
naveedsheikh123@hotmail.comٹویٹر پر فالو کریں
-
چوہدری پرویز الہیٰ کی دوست محمد مزاری سے ملاقات، کہا ن لیگ اللہ کی پکڑ میں ہے
قائم مقام گورنرپنجاب چوہدری پرویزالہٰی سے دوست محمد مزاری نے ملاقات کی ہے.
باغی ٹی وی کی رپورٹ کے مطابق ملاقات کے دوران دونوں رہنماؤں نے اس امر پر اتفاق کیا کہ ن لیگ اللہ کی پکڑمیں ہےعوام سےکئےگئے فراڈ آج ان کے سامنےآ رہے ہیں. اس موقع پر ملک کی اندرونی سیاسی صورتحال پر تفصیل سے گفتگو کی گئی.
قائمقام گورنر پنجاب چوہدری پرویز الہٰی نے کہاکہ پنجاب میں اپوزیشن کےاحتجاج کابھرپورجواب دیں گے، ان کا یہ بھی کہنا تھا کہ پنجاب کی سیاسی صورتحال اطمینان بخش ہے.
-
شناختی کارڈز،موبائل سم اوربینک اکاونٹ کیلیے بائیو میٹرک کی شرط ختم
وزیراعظم عمران خان نے بزرگ شہری کی شکایت کا نوٹس لیتے ہوئے نادرہ کو حکم دیا کہ انگوٹھےکےنشانات مٹ جانیوالے شہریوں کیلیےبائیومیٹرک کی شرط ختم کی جائے
ایک ایک پیسے کا حساب لیا جائے گا،کابینہ اجلاس میں وزیراعظم کا دبنگ اعلان
وزیراعظم کے خلاف حکومتی جماعت کے رہنما جاوید بدر نے سٹیزن پورٹل میںشکایت درج کروا دی
باغی ٹی وی کی رپورٹ کے مطابق بزرگ شہری کی شکایت پر وزیراعظم عمران خان نے نوٹس لیا ہے، حکومت نے انگوٹھے کے نشانات مٹ جانیوالےشہریوں کیلیے بائیومیٹرک شرط ختم کرنےکا فیصلہ کیا ہے، اس ضمن مٰیں شناختی کارڈز،موبائل سم اوربینک اکاونٹ کھلوانے کیلیے بائیومیٹرک کی شرط لاگونہیں ہوگی.
سائبر کرائم، حکومتی رکن نے درخواست دی تو کیا جواب ملا؟ کمیٹی میں انکشاف
وزیراعظم آفس نے نادرا کو 30 روز کے اندر کام مکمل کرنے کی ہدایت کردی ہے، وزیراعظم آفس،وزارت داخلہ اور نادرا کے درمیان ٹاسک مینجمنٹ سسٹم قائم کیا گیا ہے، وزیراعظم نے نادرا کوانگوٹھےکے نشانات مٹ جانے والے شہریوں کیلیے فوری اقدامات کا ٹاسک دیا ہے،
تحریک انصاف کے ارکان اپنی ہی حکومت کی کارکردگی پربرس پڑے
وزیراعظم آفس کا کہنا ہے کہ پاکستان میں بہت بڑی تعدادایسےافرادکی ہےجن کےانگوٹھوں کےنشانات مٹ چکے ہیں ،ایسے افراد کو سرکاری دفاتر اور بینکوں میں مشکلات کا سامنا پڑتا ہے،جن شہریوں کےانگوٹھےکے نشانات مٹ چکے ان کے لیے الگ میکنزم تیار کیا جائے
