Blog

نمائندہ باغی ٹی وی)تفصیلات کے مطابق ڈاکٹر سخاوت علی رندھاوا چیف ایگزیکٹیو آفیسر ڈسٹرکٹ ہیلتھ اتھارٹی رحیم یار خان نے پنجاب ہیپاٹائٹس ایکٹ 2018 کے تحت ہیئر ڈریسرز اور بیوٹی پارلرز کی رجسٹریشن اور لائسنس لازمی قرار دے دیا ہے ۔
رجسٹریشن کے لئے حجام اور بیوٹیشنز فوری طور پر متعلقہ ڈپٹی ڈسٹرکٹ ہیلتھ آفیسر سے رجوع کریں۔
ابتدائی رجسٹریشن کے بعد ڈپٹی ڈی ایچ او کے دفتر سے فارم حاصل کریں اورتمام باربرز اور بیوٹییشنز ضروری ٹیسٹ کروائیں اور جلد از جلد میڈیکل فٹنس سرٹیفکیٹ حاصل کریں.
حکومت پنجاب رجسٹریشن اور لائسنس کی سہولت مفت فراہم کر رہی ہے.رجسٹریشن کی آ خری تاریخ 31 جولائی 2019 تک بڑھا دی گئی ہے.ہیپاٹائیٹس اور ایڈز سے محفوظ پنجاب بنانے کے لئے اپنی زمہ داری نبھائیں.

خواجہ فرید آئی ٹی یورنیورسٹی انتظامیہ نے انٹری ٹیسٹ کے موقع پر آنے والے طلباء اوران کے والدین کے لیے کرفیونافذکردیا‘ انٹری ٹیسٹ کے لیے آنے والے طلبا اور والدین سے گارڈز کی بدتمیزی‘ سواری یونیورسٹی سے باہر کھڑی کرنے اور شدید گرمی مین دو کلو میٹر پیدل چل کر جانے پر مجبور طالبات اور خصوصاً بوڑھے والدین کو شدید پریشانی کا سامنا کرنا پڑا‘طلباء اوران کے والدین سراپااحتجاج‘ حکومت پنجاب سے نوٹس لینے کامطالبہ۔تفصیل کے مطابق خواجہ فریدآئی ٹی یورنیورسٹی کے حوالے سے آئے روزشکایات زورپکڑرہی ہیں جبکہ انتظامیہ نے یورنیورسٹی کودرسگاہ کی بجائے ذاتی جاگیربنارکھاہے‘ گذشتہ روزانٹری ٹیسٹ کے موقع پرخواجہ فریدآئی ٹی یورنیورسٹی انتظامیہ نے کرفیوکاسماں بنائے رکھااوردوردرازسے انٹری ٹیسٹ کے لیے آئے طلباء وطالبات اوران کے والدین کوبدتمیزی سے پیش آنے کے ساتھ ساتھ پارکنگ میں موٹرسائیکل کاریں کھڑی کرانے کی بجائے یورنیورسٹی سے باہردوکلومیٹرباہردھوپ میں کھڑی کرنے اورگرمی میں ذلیل وخوار کراتے رہے جبکہ گرمی کے ستائے عوام کی اپیل پرسیکورٹی گارڈزہاتھاپائی اوردھکے دینے پراترآتے‘ کئی سو ایکڑ پر محیط یونیورسٹی کے خالی اسٹینڈز پر چند گاڑیاں اور مو ٹر سائیکلیں کھڑی کرنے کی بھی اجازت نہیں دی جا رہی جبکہ یونیورسٹی کی ایڈمن اور دیگر ڈیپارٹمنٹ کی موٹرسائیکلیں وگاڑیاں اندرکھڑی رہیں‘ طلباء وطالبات اوران کے بوڑھے والدین نے آئی ٹی یورنیورسٹی حکام کی بدمعاشی پراحتجاج کرتے ہوئے حکومت پنجاب سے مطالبہ کیاہے کہ یورنیورسٹی حکام کے اس ظالمانہ اقدام کانوٹس لے کرکارروائی عمل میں لائی جائے جبکہ رابطہ کرنے پریورنیورسٹی انتظامیہ نے مؤقف دینے سے انکار کردیا۔

نمائندہ باغی)کبھی ایک دور تھا کہ شیخ زید ہسپتال رحیم یارخان کو ایک مثالی ہسپتال مانا جاتا تھا اور جدید سے جدید مشینری یہاں موجود تھی اور رحیم یارخان کے علاوہ اندرون سندھ سے بھی لوگ یہاں علاج کروانے آتے تھے بلکہ یہ سلسلہ اب بھی جاری ہے لیکن جوں جوں اس ہاسپیٹل نے ترقی کی ہے اسی رفتار سے یہاں سہولتوں کا فقدان ہوتا جا رہا ہے۔ اس کی تازہ مثال یہ ہے کہ شیخ زید ہسپتال کی سٹی سکین مشینیں پچھلے 6ماہ سے خراب ہے ۔ ہسپتال کے باہر پرائیویٹ سٹی سکین سینٹروں نے ریٹ بڑھا کر مریضوں کو لوٹنا شروع کر رکھا ہے,مقامی ایم پی ایز اور ہسپتال انتظامیہ کی طرف سٹی سکین مشین ٹھیک کرانے کے دعوے دھرے کے دھرے رہ گئے, مہنگے علاج کی سہولت نہ رکھنے والے دماغی چوٹ اعصاب و دیگر بیماریوں میں مبتلا مریض ایڑیاں رگڑنے پر مجبور ہیں ۔ شیخ زید ہسپتال رحیم یارخان میں آنیوالے مریضوں کے لواحقین نے میڈیا سے گفتگو کرتے ہوئے بتایاکہ غریب مریض دور دراز علاقوں سے علاج معالجہ کے لئے شیخ زید ہسپتال آتے ہیں جہاں پر انہیں مشینوں کی خرابی کاکہہ کر پرائیویٹ ہسپتالوں کی طرف بھیج دیا جاتا ہے ۔سٹی سکین مشین ماہ فروری سے اب تک خراب پڑی ہے ,اس صورتحال کا فائدہ اٹھاتے ہوئے پرائیویٹ سٹی سکین سینٹروں بے ٹیسٹ فیس بڑھا دی ہے جو متوسط اور کم آمدنی کے حامل مریضوں کی پہنچ سے باہر ہے, وزیر صحت کے دورہ رحیم یار خان کے موقع پر تحریک انصاف کے ورکرز کی طرف سے سٹی سکین مشین کی خرابی کا مدعا اٹھایا لیکن سٹی سکین مشین کو ٹھیک اور مزید نئی مشین فراہم کرنے کے وعدے اور دعوے کے باوجود تاحال کچھ نہیں ہو سکا,رحیم یارخان کے بڑے صنعتی یونٹوں, تاجر تنظیموں اور فلاحی اداروں کی طرف سے بھی سٹی سکین مشین کی فراہمی ممکن نہیں ہو سکی ہے, مریضوں اور ان کے لواحقین نے وزیراعلیٰ پنجاب اور انتظامیہ سے امطالبہ کیا ہے کہ سٹی سکین مشین کو ٹھیک کرایا جائے اور مریضوں کی تعداد کے لحاظ سے مزید سٹی سکین مشینوں کی تنصیب لازمی بنائی جائے