مقبوضہ جموں‌ کشمیر میں کشمیریوں‌ کی بڑی تعداد نے سری نگر کی پریس انکلیو میں‌ احتجاجی دھرنا دیا اور زبردست احتجاجی مظاہرہ کیا. یہ احتجاجی دھرنا امرناتھ یاترا کے دوران سری نگر جموں شاہرہ پر سویلین نقل و حرکت پر پابندی اور قاضی گنڈ تا بانہال ریل سروس کی بند ش کے خلاف دیا گیا۔ مظاہرین نے لاپتہ افراد کی بازیابی کا بھی مطالبہ کیا.

باغی ٹی وی کی رپورٹ کے مطابق احتجاجی مظاہرہ کے دوران کشمیریوں‌ کی طرف سے بھارتی حکومت اور کٹھ پتلی سرکار کے خلاف شدید نعرے بازی کی گئی۔ دھرنے میں‌ شریک کشمیریوں‌ نے ہاتھوں میں کتبے اٹھا رکھے تھے جن پر ہائی وے اور یل سروس پر پابندی کے خلاف نعرے درج تھے۔ احتجاجی مظاہرین کا کہنا تھا کہ سری نگر جموں شاہرہ اور ریل سروس کو بند کرنے سے عا م لوگوں‌کو بہت زیادہ مشکلات کا سامنا کرنا پڑ رہا ہے جبکہ مقبوضہ کشمیر کی معیثت پر بھی منفی اثرات پڑتے ہیں۔ مظاہرین نے یہ پابندی فوری طور پر ہٹانے کا مطالبہ کیاہے۔

واضح‌ رہے کہ سری نگر جموں‌ شاہراہ پر سویلین پر پابندی کے خلاف پہلے بھی مظاہرے کئے جاتے رہے ہیں.

آل پارٹیز حریت کانفرنس جموں کشمیر کے چیئرمین سید علی گیلانی کی طبیعت مسلسل نظربندی کے سبب سخت خراب ہو گئی ہے۔ بزرگ لیڈر پچھلے دس سال سے زائد عرصہ سے اپنی رہائش گاہ پر نظر بندہیں اور انہیں نماز جمعہ اور عیدین کی نمازوں‌ تک کی ادائیگی کی اجازت نہیں دی جاتی۔

باغی ٹی وی کی رپورٹ کے مطابق حریت قائد سید علی گیلانی پچھلے چند دن سے علیل ہیں اور طویل عرصہ سے جاری مسلسل نظربندی سے ان کی صحت بری طرح متاثر ہوئی ہے۔ حریت کانفرنس کے ترجمان نے پارٹی چیئرمین کی گرتی ہوئی صحت پر سخت تشویش کا اظہا رکیا ہے۔

باغی ٹی وی کی رپورٹ کے مطابق سید علی گیلانی نہ تو سیاسی سرگرمیوں میں حصہ لے سکتے ہیں اور نہ ہی وہ اپنے رشتہ داروں اور خیر خواہوں کی خوشی، غمی میں شریک ہوپاتے ہیں۔ حریت کانفرنس نے ان کی غیر قانونی نظربند ی کی شدیدمذمت کی ہے اور ان کی فی الفور رہائی کا مطالبہ کیا ہے۔ سید علی گیلانی کی طرح بھارت نے دیگر حریت لیڈروں‌ کی سیاسی سرگرمیاں بھی محدود کر رکھی ہیں اور انہیں بھی مسلسل نظربندیوں‌ اور گرفتاریوں‌ کا سامنا ہے.