جھل مگسی،باغی ٹی وی(نامہ نگاررحمت اللہ بلوچ)زمین کاتنازعہ،فائرنگ،جنگ بندی کے لیے جانے والا شخص جاں بحق
لیویز فورس کے مطابق جھل مگسی کے علاقے موضع کرمانی سب تحصیل میر پور جویہ اور چاندرامہ قبائل میں زمین کے تنازع پر فائرنگ جاری ہے
دو نوں گروہوں کی جنگ بندی کے لیے جانے والا شخص محمد حیات ولد دوست محمد وزدانی مگسی سکنہ گوٹھ مولوی سب تحصیل میر پور جاں بحق ہو گیا ہے
لیویز فورس موقع پر پہنچ گئی تاہم آخری اطلاع آنے تک کوئی گرفتاری عمل میں نہیں لائی جسکی
گوجرخان باغی ٹی وی (نامہ نگارشیخ ساجد قیوم ) اعتکاف میں بیٹھا نوجوان دل کا دورہ پڑنے سے جاں بحق
تفصیل کے مطابق ستائسویں شب اعتکاف میں بیٹھا 27سالہ نوجوان جامع مسجد القاسم جھنڈا گوجرخان میں حرکت قلب بند ہو جانے کے باعث خالق حقیقی سے جا ملا
نوجوان معتکف زاہد خان حیات سر روڈ گوجرخان میں نان بائی کا کام کرتا تھا، متوفی جھنڈا گوجرخان کارہائشی تھا،
سیالکوٹ، باغی ٹی وی (بیوروچیف شاہد ریاض سے)ریسکیو1122نے عید الفطر کی تعطیلات کے حوالے سے ایمرجنسی کوریج پلان ترتیب دے دیا۔ عید تعطیلات کے دوران تمام ریسکیورز کو ہائی الرٹ رہنے کے احکامات جاری، چھٹیاں منسوخ۔ انجینئر نوید اقبال
ریسکیو ترجمان سیالکوٹ کے مطابق ڈسٹرکٹ ایمرجنسی آفیسر انجینئر نوید اقبال کی سربراہی میں سینٹرل ریسکیو اسٹیشن کچہری روڈ پر اجلاس منعقد ہوا، جس میں کنٹرول روم، انچارج عرفان یعقوب کے علاوہ ریسکیو سیفٹی آفیسرز تحصیل انچارج پسرور محمد احسان، سمیع اللہ گوندل، ٹرانسپورٹ انچارج محمد عثمان اورتمام اسٹیشن انچارجز نے شرکت کی۔
اجلاس کے دوران عید الفطر کے حوالے سے ایمرجنسی کوریج پلان مرتب کیا گیا۔ ریسکیو1122تمام اہم مقامات، مساجد و عید گاہوں پر میڈیکل کوریج مہیا کرے گا۔ چاند رات کو بھی ایمرجنسی گاڑیوں کے اہم اور رش والے مقامات پر ریسکیو کی پوائنٹس بنائیں جائیں گے تا کہ کسی بھی ہنگامی صورتحال میں بروقت امدادی کاروائیوں کا آغاز ہو سکے۔
ریسکیو محافظین بھی ڈسٹرکٹ وارڈن جمیل جنجعوہ کی قیادت مین ہائی الرٹ رہیں گئے۔ ڈسٹرکٹ ایمرجنسی آفیسر نے تمام ریسکیورز کی چھٹیاں منسوخ کرتے ہوئے کہا کہ تمام ریسکیورز عید تعطیلات کے دوران کسی بھی ہنگامی صورت حال سے نمٹنے کے لیے ہائی الرٹ رہیں گے۔
مزید براں انہوں نے تمام انچارجز کو ہدایات جاری کرتے ہوئے کہا کے تمام ایمرجنسی گاڑیاں کسی بھی قسم کی ایمرجنسی میں رسپانس کے لیے تیار رہنی چاہیے گاڑیوں کے اندر اداویات وافر مقدار میں موجود ہوں اور اگر کسی بھی قسم کا کوئی بھی مسلۂ درپیش ہو تو تو فورا آگاہ کریں۔
لاہور: ایس ایس جی کی شرٹ پہن کر گھومنے والے موٹر سائیکل سوار کو گرفتار کرلیا گیا۔
باغی ٹی وی : پرانی انار کلی کے علاقے میں پیٹرولنگ آفیسر محمد ذیشان نے ٹریفک کی خلاف ورزی پر موٹرسائیکل سوار کو روکا اور کارروائی کے لیے کاغذات طلب کیے، جس پر موٹرسائیکل سوار طیش میں آگیا، حساس ادارے کی ٹی شرٹ پہنے موٹر سائیکل سوار نے خود کو اہل کار ظاہر کیا ، تاہم اپنی شناخت نہیں کروا سکا، بعد ازاں ملزم عادل کو موٹرسائیکل سمیت تھانہ پرانی انارکلی میں بند کردیا گیا۔
سی ٹی او لاہور عمارہ اطہر نے پیٹرولنگ آفیسر ذیشان کو شاباش دیتے ہوئے تعریفی سند دینے کا اعلان کیا، انہوں نے کہا کہ وارڈنز ٹریفک کی روانی کےساتھ ساتھ مشکوک افراد پر بھی کڑی نظر رکھے ہوئے ہیں۔
شاہدرہ ٹاؤن جادہ گھاٹی بند روڈ کے قریب پولیس اور ڈاکووں کے مابین مقابلہ ہواہے
شاہدرہ ٹاون پولیس نے چار مشکوک افراد کو روکنے کی کوشش کی،موٹر سائیکل سوار ڈاکوؤں نے پولیس پر سیدھی فائرنگ کر دی،پولیس کی جانب سے حفاظت خود اختیاری اپنائی گئی،فائرنگ رکنے پر دو ڈاکو اپنے ساتھیوں کی فائرنگ سے ہلاک ہو گئے،دو ڈاکو موقع سے فرار تلاش کے لیے علاقہ میں سرچ آپرشن جاری ہے،ہلاک ڈاکووں کی شناخت عباس اور علی حیدر کے نام سے ہوئی
ملزمان نے شاہدرہ ٹاؤن کے ایریا میں ہیڈ کانسٹیبل کو شہید ،ایک کانسٹیبل کو زخمی کیا اور رائفل چھین لی،ملزمان نے دو ماہ قبل راہ گیروں سے موٹر سائیکل چھینی اور دو لڑکوں کو فائرنگ سے زخمی کیا،ہلاک ڈاکووں نے کنسٹیبل محمود علی کو زخمی کر کے سرکاری رائفل چھین کی،ہلاک ملزمان نے گوگے بٹ نامی شہری کو قتل جبکہ ملک شاپ پر رابری کی،ملزمان نے چند روز قبل گورمے بیکری کے قریب شہری سے 20 ہزار نقد رقم چھین اور فائر مار کر زخمی کر دیا،ہلاک ملزمان نے کل دوران واردات باپ کے سامنے 18 سالہ بیٹی انیقہ کو قتل اور باپ کو زخمی کر دیا،ملزمان نے اس روز گلی میں کھڑے 24 سالہ نوجوان شہروز کو مخبری کے شبہ میں فائرنگ کر کے قتل کر دیا،
ملزمان کے قبضہ سے چھینی ہوئی سرکاری رائفل، اور موٹر سائیکل پسٹل برآمد کر لی گئی،فرار ڈاکوؤں کی تلاش کے لیے علاقہ میں سرچ آپرشن کیا جا رہا ہے
خطرناک ملزمان کی ہلاکت پر علاقہ مکینوں نے پولیس سے اظہار تشکر کیا،شاہدرہ ٹاؤن کے علاقہ مکینوں کی طرف سے پولیس کے حق میں نعرہ بازی اور گل باشی کی گئی،مقابلہ میں شامل شاہدرہ سرکل کی پوری ٹیم کے لے تعریفی سرٹیفکیٹ اور نقد انعام کا اعلان کیا گیا،ایس پی سٹی کا کہنا ہے کہ مزید تحقیقات و کاروائی عمل میں لائی جا رہی ہے،قانون کی بالا دستی کو یقینی بنایا جائے گا،عوام الناس کے جان و مال کی حفاظت ہماری اولین زمہ داری ہے،
سیالکوٹ، باغی ٹی وی( بیوروچیف شاہد ریاض سے)شہر گردونواح میں ڈاکو راج برقرار ،پولیس بے بس ہوگئی
سیالکوٹ شہر اور گردونواح ڈاکووں کے نرغے یی عید کے قریب أتے ہی وارداتوں میں نان سٹاپ أضافہ ہوگیا ہے ،سٹی سرکل پولیس تھانہ کوتوالی کے گنجان آباد علاقے پیرس روڈ سے دن دیہاڑے ڈکیتی کی ہیٹ ٹرک ہوگئی،
پہلی ڈکیتی میں ہنڈا 125 پر سوار دو مسلح ڈاکوؤں نے حماد سے 4,35200,دوسری ڈکیتی میں حامد سے 384000 دو آئی فون اور ایک اوپو موبائل،تیسری واردات میں سعد سے 80 ہزار روپے اور ویوو موبائل لیکر آسانی سے فرار،شہریوں کی ڈی پی او سے تحفظ کی اپیل ہے
سیالکوٹ،باغی ٹی وی (بیوروچیف شاہدریاض) پولیس نے ڈکیتی، راہزنی اور چوری کی درجنوں وارداتوں میں ملوث 3 رکنی گینگ سرغنہ سمیت گرفتار کر لیا، لاکھوں روپے مالیتی مال مسروقہ، 4 موٹر سائیکلیں، 1 رکشہ، رقم نقدی 1 لاکھ روپے، 3 قیمتی موبائل فونز اور اسلحہ ناجائز برآمد۔
تفصیلات کے مطابق ڈی پی او سیالکوٹ محمد حسن اقبال کی ہدایت پر سیالکوٹ پولیس نے جرائم پیشہ عناصر کے خلاف کریک ڈاؤن جاری کر رکھا ہے اس سلسلہ میں ڈی ایس پی صدر سرکل کی زیر نگرانی ایس ایچ او تھانہ کوٹلی لوہاراں سب انسپکٹر صہیب ارشد نے ٹیم کے ہمراہ کاروائی عمل میں لاتے ہوئے ڈکیتی، راہزانی اور چوری کی درجنوں وارداتوں میں ملوث خطرناک 3 رکنی تیرو گینگ کو سرغنہ سمیت گرفتار کر لیا ہے۔
دوران تفتیش ملزمان کے قبضہ سے لاکھوں روپے مالیت مال مسروقہ 4 عدد موٹر سائیکلیں، 1 رکشہ، ,نقدی 1 لاکھ روپے، 3 عدد قیمتی موبائل فونز اور وارداتوں میں استعمال ہونے والا اسلحہ 3 عدد پسٹلز 30بور معہ متعدد گولیاں برآمد ہوئی ہیں۔
گرفتار ملزمان کی شناخت تنویر ولد نذیر سکنہ گوہد پور، حال مقیم کوٹلی لوہاراں مشرقی ،سلمان ولد سلیم سکنہ ضلع چارسدہ، عبداللہ ولد آزاد خان سکنہ شیخ احمد بابا ضلع چارسدہ کے ناموں سے ہوئی ہے
گرفتار ملزمان سے مزید تفتیش جاری ہے. جن سے مزید برآمدگی عمل میں لائی جائے گی۔
کندھ کوٹ،باغی ٹی وی (نامہ نگارمختیاراعوان ) پولیس کی کامیاب کارروائی، اغوا ہونے سے دو افراد کو بچا لیا گیا ہے
پولیس ترجمان کے مطابق پولیس نے بروقت کارروائی کرتے ہوئے دوستی کرنے کے جھانسے میں کرمپور کے کچے میں جانے والے دو افراد کو اغواء ہونے سے بچالیا،
نوابشاہ، کے رہائشی گل بہار ولد حیدر بخش چانڈیو اور خادم حسین ولد فقیر محمد چانڈیو کو اغوا ہونے سے بچا لیا گیا ہے، دوستی کرنے کے جھانسے میں دو افراد کرمپور کچے کی طرف جا رہے تھے جن کو ٹیکنیکل اطلاع پر کارروائی کر کے بچا لیا گیا ہے
ایس ایس پی کشمور کے مطاب ق ٹیکنیکل اطلاع پر پولیس نے کارروائی کر کے تھانہ کرمپور کی حدود کچے میں جانے والے راستے میں بروقت پہنچ کر اغوا ہونے سے دو افراد کو بچا لیا، اغوا سے بچ جانے والے افراد کو باحفاظت اپنے ورثاء کے حوالے کردیا گیا ہے،
جھل مگسی،باغی ٹی وی (نامہ نگاررحمت اللہ بلوچ)صلاح الدین مگسی پرفائرنگ کرنے والے چور گرفتار
تفصیل کے مطابق گزشتہ روز قبل نوابزادہ میر محمد اکبر خان مگسی کے نائب صلاح الدین مگسی پر اکبر خان مگسی لانڈھی کے مقام پر گاڑی پر چوروں نے فائرنگ کردی تھی, جس کے بعد صلاح الدین مگسی کی مدعیت میں لیویز تھانہ جھل مگسی میں ایف آئی آر درج کی گئی
بعد ازاں ڈپٹی کمشنر جھل مگسی محمد اعجاز سرور اور اسسٹنٹ کمشنر جھل مگسی فہد شاہ راشدی کے احکامات پر عمل کرتے ہوئے ایس ایچ او لیویز تھانہ جھل مگسی صوبہ خان چنجنی, حوالدار علی گوہر مگسی بمعہ لیویز پارٹی کے ہمراہ کارروائی کرتے ہوئے دو ملزمان محمد ملوک ولد غوث بخش قوم محمدانی کاتر مگسی اور غلام محمد ولد علی محمد قوم کٹوہر مگسی کو 337H, 109, 42 دفعات میں گرفتار کرکے لاک اپ کردیا ہے۔
لیویز فورس نے تحقیقات کا آغازکردیا ہے
جھل مگسی ،باغی ٹی وی (نامہ نگاررحمت اللہ بلوچ)گنداواہ نوتال روڈ پر جنگلی چوکی کے علاقے میں ڈکیتی کا واقعہ رونما ہوا ہے
تفصیل کے مطابق گنداواہ سے جیکب آباد جانے والی ویگن کو مُسلح افراد نے گن پوائنٹ پر روک لیااور مسافر ویگن میں سوار افراد سے موبائل فون نقدی چھین کر فرار ہوگئے.
واضع رہے گنداواہ نواتال روڈ پر ایسے واقعات روزانہ کا معمول بن چکے ہیں۔
قانون نافذ کرنے والے خاموش تماشائی بنے ہوئے ہیں راہزنوں کے خلاف کوئی مؤثر کارروائی نہیں کی جارہی ،عوامی و سماجی حلقوں نے ارباب اختیار سے نوٹس لینے کا مطالبہ کیا ہے