Author: +9251

اسپیکر قومی اسمبلی قومی اسمبلی کا کہنا ہے کہ جمہوری نظام کا تسلسل اور جمہوریت میں نوجوانوں کی بھرپور شرکت ملک کی ترقی، خوشحالی اور روشن مستقبل کی ضمانت ہے، پاکستان میں جمہوریت شہید ذوالفقار علی بھٹو اور شہید محترمہ بے نظیر بھٹو کی عظیم قربانیوں کی مرہون منت ہے. اسپیکر قومی اسمبلی اور سابق وزیراعظم پاکستان راجہ پرویز اشرف نے کہا ہے کہ دنیا بھر میں جمہوریت نے خود کو بہترین طرز حکومت کے طور پر پیش کیا ہے۔ انہوں نے کہا کہ جمہوری اقدار کی پاسداری اور ان پر عمل درآمد کرنے والے ممالک خوشحالی اور ترقی کی بلندیوں کو چھو چکے ہیں۔ انہوں نے مزید کہا کہ اللّه تعالی نے پاکستان کو باصلاحیت نوجوانوں سے نوازا ہے جو پاکستان کو ترقی اور خوشحالی کی راہ پر گامزن کرنے کی بھرپور صلاحیت رکھتے ہیں۔ان خیالات کا اظہار انہوں نے جمہوریت کے عالمی دن کے موقع پر اپنے پیغام میں کیا۔

اسپیکر نے کہا کہ پاکستان میں جمہوریت کے تسلسل کے لیے قوم شہید ذوالفقار علی بھٹو اور شہید محترمہ بینظیر بھٹو کی پاکستانی عوام جمہوری نظام کے بقاء کیلئے دی جانے والی قربانیوں کو ہمیشہ یاد رکھے گی۔ انہوں نے کہا کہ وہ اس بات پر پختہ یقین رکھتے ہیں کہ قوم کی تقدیر کا تعین کرنے کے تمام اختیارات عوام کے پاس ہیں۔ انہوں نے کہا کہ شہید ذوالفقار علی بھٹو وہ واحد سیاسی لیڈر تھے جنہوں نے ملک کو پہلا جمہوری اور متفقہ آئین دیا۔ انہوں نے دختر مشرق شہید محترمہ بے نظیر بھٹو کا ذکر کرتے ہوئے کہا کہ شہید بی بی ہمیشہ جمہوریت کے تسلسل اور آئین کی بالادستی کی بات کرتی تھیں۔انہوں نے اس سال کے یوم جمہوریت کے موقع پر نوجوانوں کو بااختیار بنانے پر بات کرتے ہوئے کہا کہ پاکستان کی خوش قسمتی ہے پاکستان کی نصف سے زیادہ آبادی نوجوانوں پر مشتمل ہے۔انہوں نے کہا کہ سیاسی میدان میں بلاول بھٹو زرداری جیسے نوجوان اور متحرک رہنما موجود ہیں جو ملک کی ترقی، خوشحالی اور جمہوری مستقبل کی امید ہیں۔انہوں نے کہا کہ بلاول بھٹو زرداری اپنے آباؤ اجداد کی طرح پر امن، ترقی پسند اور جمہوری پاکستان کا داعی ہیں۔

اسپیکر نے اس بات پر بھی زور دیا کہ ملک میں جمہوری عمل کے تسلسل کو یقینی بنانے کے لیے انتخابات کلیدی اہمیت رکھتے ہیں۔ آئین میں انتخابات کے حوالے سے واضح رہنما اصول موجود ہیں اور ہر ادارے کا فرض ہے کہ وہ ان پر مکمل طور پر عمل کرے۔ انہوں نے مزید کہا کہ پارلیمان جمہوری نظام کا سب سے بڑا علمبردار ہے۔انہوں نے پارلیمانی نظام کے تسلسل پر زور دیا۔انہوں نے کہا کہ جمہوریت کے فروغ کے ذریعے ملک کو ترقی اور خوشحالی کی راہ پر گامزن کیا جا سکتا۔

انہوں نے نام نہاد جمہوریت کا پرچار کرنے والے ملک بھارت کا ذکر کرتے ہوئے کہا کہ بدقسمتی کی بات ہے کہ دنیا کی نام نہاد سب سے بڑی جمہوریت کے دعویدار بھارت غیر قانونی طور پر مقبوضہ جموں و کشمیر پر اپنا قبضہ جمائے ہوئے ہے اور مقبوضہ جموں کشمیر میں لوگوں کے جمہوری حق خود ارادیت کو صلب کر رہا ہے۔ انہوں نے کہا کہ دنیا کو کشمیری عوام کی حالت زار کا نوٹس لینا چاہیے اور بھارتی جارحیت اور ظلم کو روکنے کے لیے آواز اٹھانی چاہیے۔انہوں نے کہا کہ مقبوضہ کشمیر میں جاری بھارتی حکومت کی ہٹ دھرمی اور انسانی حقوق کی سنگین خلاف ورزیاں دنیا کے جدید اصولوں کے منافی ہیں۔
مزید یہ بھی پڑھیں؛
انتخابی عمل کو پاکستان کے قوانین کے مطابق آگے بڑھایا جائے،امریکا
پوری قوم دہشت گردی کے خلاف جنگ میں متحد ہے،نگران وزیر داخلہ
ڈیفالٹرز سے ریکوری مہم ،لیسکو نے دوسرے روز21.26ملین کی وصولی کرلی
اسٹیٹ بینک نے مانیٹری پالیسی کا اعلان کر دیا
انہوں نے کہا کہ یہ بات قابل ذکر ہے کہ پاکستان کی قومی اسمبلی نوجوانوں کو جمہوری نظام میں شامل کرنے کے لیے پروگرام شروع کرنے میں سب سے آگے رہی ہے ۔انہوں نے کہا کہ یہ پہلا پارلیمنٹ ہے جس نے آئین کی گولڈن جوبلی کی تقریبات کے موقع پر بچوں، خواتین، اقلیتوں، نوجوانوں، خواجہ سراؤں اور ملک کے پسماندہ طبقات سے تعلق رکھنے والے عوام کے لیے قومی اسمبلی کے ایوان کے دروازے کھولے۔انہوں نے کہا کہ پاکستان کی قومی اسمبلی نے بچوں کے حقوق پر پہلی پارلیمانی کاکس کا قیام عمل میں لایا اور چھوٹے بچوں کے لیے پہلی سمر انٹرن شپ کا اجراء کیا جس میں موک پارلیمنٹ کا انعقاد کیا گیا اور بچوں کی اسمبلی کا پہلا اجلاس منعقد ہوا۔انہوں نے کہا کہ یونیورسٹی کے طلبہ کے لیے انٹرن شپ پروگرام شروع کیے گئے ہیں جس کا مقصد نوجوانوں میں آئین اور پارلیمان سے متعلق آگاہی فراہم کرنا تھی۔اسپیکر قومی اسمبلی نے کہا کہ نوجوانوں کو جمہوری اور پارلیمانی عمل میں شامل کرنے کے لیے آئین پاکستان کی گولڈن جوبلی کے موقع پر آئینی یادگار کا افتتاح، باغِ دستور، ڈاک ٹکٹ، آئینی کتاب کے اصل رسم الخط کی نمائش، آئینی ایپ کا اجراء بھی کیا گیا ہے تاکہ نوجوانوں کو آئین پاکستان کا مطالعہ کرنے میں دشواری کا سامنا نا کرنا پڑے۔

اسلام آباد میں ایس ڈی جی اکیڈمی ، یو این ڈی پی کومسیٹ یونیورسٹی اور ہیومن رائٹس کمیشن کے اشتراک سے ماحولیاتی تبدیلی کی آگاہی مہم میں شریک ہونے والے بچوں اور نوجوانوں کو ان کے بہترین کام اور آئیڈیاز کے لیے ایوارڈ تقسیم کیے گئے، تقریب میں اسکول اور کالجز کے بچوں نے اپنے ڈیزائن کردہ پراجیکٹ بھی شرکاء کے ساتھ شیئر کیے جبکہ ماحولیاتی تبدیلی اور موسمیاتی شدت ایک ایسا مسئلہ ہے، جو ہماری زندگی پر براہِ راست اثر انداز ہو رہا ہے ۔ پچھلے دنوں پاکستان میں آئے تباہ کن سیلاب اور اس سے پہلے سندھ میں ہیٹ ویو سے مرنے والوں کی تعداد نے اس مسئلے کو فرنٹ لائن اشو بنا دیا۔

جبکہ اس مسلئے سے نمٹنے کے لیے اب سرکاری اور غیر سرکاری ادارے متحرک ہیں۔اس کے ساتھ ماحول کو محفوظ کرنے کے لیے بچوں اور نوجوانوں میں آگاہی پیدا کی جا رہی ہے نجی ٹی وی کے مطابق اسلام آباد کے میریٹ ہوٹل میں ایس ڈی جی اکیڈمی ، یواین ڈی پی کومسیٹ یونیورسٹی اور ہیومن رائٹس کمیشن کے اشتراک سے ماحولیاتی تبدیلی کی آگاہی مہم( نیشنل یوتھ پالیسی ڈائیلاگ آن کلائیمٹ چینج) میں بچوں اور نوجوانوں نے ماحول کو صاف اور محفوظ بنانے کے لیے مختلف تخلیقی ، آسان اور قابل عمل آئیڈیاز دیے۔

انیقہ بشیر بھی ان نوجوانوں میں سے ہیں، انہوں نے گرین ہیریٹیج کے شعبے میں اپنا کردار ادا کیا اور اس تقریب میں ایوارڈ حاصل کیا، بارہویں جماعت کی طالبہ انیقہ بشیر نے گرین ہیرٹیج یعنی سو یا پچاس سال پرانے درختوں کو محفوظ بنانے کے لیے ان کی منظم ڈاکیومیٹشن کی، انہوں نے خصوصاً برگد کے سو سال پرانے درختوں کی نشاندہی کر کے انہیں متعلقہ اداروں کو آگاہ کیا تا کہ صدیوں پرانے خوبصورت درختوں کو کٹائی سے محفوظ رکھا جا سکے اور انہیں قومی ہرے ورثے کا درجہ دیا جا سکے۔ وہ اس سلسلے میں اپنی ویب سائٹ Agreenerpakistan.org اور projectbanyantrees.com بھی چلا رہی ہیں۔ اس کے علاوہ وہ اپنے آئندہ پراجیکٹ میں ایک مقامی بینک کے تعاون سے آبی آلودگی کو روکنے اور آبی وسائل کو محفوظ بنانے کے لیے کام کر رہی ہیں ۔

پچھلے دنوں یونیورسٹی آف شکاگو کی ایک تحقیقاتی ایجنسی ” اے کیو ایل آئی” ائیر کوالٹی لائف انڈیکس کی رپورٹ کے مطابق پاکستان کے 98 فیصد شہری زہر آلود ہوا میں سانس لے رہے ہیں اور فضا میں موجود زراتی آلودگی ہماری تقریباً 4 سال عمر کو مختصر کر رہی ہے اور دل کی بیماریوں کے بعد یہ زراتی آلودگی جان لیوا عوامل میں دوسرے نمبر پر ہے۔ یعنی کے گلے ناک اور پھپھڑوں کی بیماریاں جو کہ زراتی آلودگی سے منسلک ہیں روز بہ روز بڑھتی جا رہی ہیں۔
مزید یہ بھی پڑھیں؛
سیاسی جماعتوں میں میر جعفر۔ تجزیہ، شہزاد قریشی
مولانا فضل الرحمان کا فیس بک پیج ہیک
مریم نواز شریف سے پاکستان میں آسٹریلیا کے ہائی کمشنر نیل ہاکنز کی ملاقات
شیخ رشید نے ایک بار پھر 20 ستمبر تک سیاست میں بڑی ہلچل کا دعوی کردیا/
ماہرین کہتے ہیں کہ ہمیں ماحولیاتی آلودگی کو سنجیدگی سے لینا ہوگا اور اس سلسلے میں کی گئی قانون سازی پر سختی سے عمل کرنا ہو گا۔ ناقص گاڑیوں کا دھواں، زرعی اور صنعتی فضلا اور تیزی سے بڑھتی آبادی کی رہائشی ضروریات کو پورا کرنے کے لیے زرعی، جنگلاتی اور پہاڑی زمین پر تعمیرات ان سب عوامل کو سخت قانون سازی کے ساتھ روکنا پڑے گا۔ پاکستان جیسے ملک میں جہاں صحت کے وسائل پہلے ہی کم ہیں اس شعبے میں بوجھ کم کرنے کے لیے ہمیں اپنے شہریوں کو آلودہ ماحول سے لازمی محفوظ رکھنا ہو گا اور اس کوشش میں ہر سطح پر آگاہی پہلی ضرورت ہے۔

جمیعت علمائے اسلام (ف) کے ترجمان کا کہنا ہے کہ مولانا فضل الرحمان کا آفیشل فیس بک پیج ہیک ہوگیا ہے، فلپائن سے مولانا فضل الرحمان کا آفیشل پیج ہیک کیا گیا ہے جبکہ ترجمان نے بتایا کہ مولانا فضل الرحمان کے آفیشل پیج پر ایک ملین سے زائد فالورز تھے، پیج کی ریکوری کیلئے ایف آئی اے سائبر کرائم سے رجوع کرلیا ہے۔

جمیعت علمائے اسلام کے میڈیا سیل نے ہیک شدہ پیج سے ہوئی کسی بھی غیر متعلقہ پوسٹ سے اظہار لاتعلقی کیا ہے جبکہ دوسری جانب خیال رہے کہ اسلام آباد میں میڈیا سے گفتگو کرتے ہوئے مولانا فضل الرحمان کا کہنا تھا کہ کافی دنوں سے سن رہے تھے صدر کچھ احکامات صادر کرنے جا رہے ہیں۔ انہوں نے کہا کہ صدر عارف علوی جانب دار صدر ہیں، وہ پاکستان تحریک انصاف (پی ٹی آئی) اور اس کے چیئرمین کی نمائندگی کر رہے ہیں۔
صدر عارف علوی نے 6 نومبر کو عام انتخابات کی تجویز دے دی

ان کا کہنا تھا کہ الیکشن کمیشن کو کام کرنے دیں یا پھر ختم کردیں۔ صدر نے ایسی عدالت سے رجوع کا مشورہ دیا جو جانب دار ہے۔ انہوں نے کہا کہ عارف علوی نے خوامخواہ بھونچال پیدا کرنے کی کوشش کی، عبوری صدر کی لاحاصل مشق سیاسی، انتخابی نظام میں مداخلت ہے۔ سربراہ پی ڈی ایم کا کہنا تھا کہ عبوری صدر نے ان قوتوں کو خوش کرنے کی کوشش کی جو عدم استحکام چاہتی ہیں۔ عبوری صدر حد میں رہیں۔

انہوں نے کہا کہ مسلم لیگ (ن) کے قائد نواز شریف کا اپنا ملک ہے، واپس آتے ہیں تو خوش آمدید کہیں گے۔ نواز شریف کو برے طریقے سے نکال کر ترقی کا سفر روکا گیا۔ انکا کہنا تھا کہ جب الیکشن کمیشن فیصلہ کرے گا تو ہم میدان میں ہوں گے، انتخابات سے بھاگ نہیں رہے، سربراہ پی ڈی ایم نے کہا کہ اگر صدر کا اختیار ہے بھی تو اس کا استعمال بدنیتی پر مبنی ہے۔ الیکشن کمیشن صدر کے کسی حکم یا تجویز کو ماننے کا پابند نہیں۔
مزید یہ بھی پڑھیں؛
قاضی فائز عیسیٰ کیلئے سکیورٹی مقرر کردی گئی
ایشین کرکٹ کونسل کے صدر جے شاہ شدید تنقید کے زد میں
مریم نواز شریف سے پاکستان میں آسٹریلیا کے ہائی کمشنر نیل ہاکنز کی ملاقات
شیخ رشید نے ایک بار پھر 20 ستمبر تک سیاست میں بڑی ہلچل کا دعوی کردیا/
انکا کہنا تھا کہ صدر نے گیند عدلیہ کی طرف پھینکی ہے، عدلیہ نے صدر کی طرف۔ ایک دوسرے کی طرف گیند پھینکتے پھینکتے ناظرین کہتے ہیں گول نہیں ہوا، انہوں نے یہ بھی کہا کہ انتخابات کی تاریخ کا اختیار الیکشن کمیشن کا ہے، آئندہ انتخابات میں اتحاد کے سوال پر سربراہ پی ڈی ایم نے کہا کہ سندھ میں ابھی تک کسی بھی جماعت کا اتحاد نہیں ہوا، سندھ میں کچھ جماعتوں کے ساتھ رابطے چل رہے ہیں، انکا کہنا تھا کہ پیپلز پارٹی کے ساتھ کوئی رابطہ نہیں ہے۔ محمد میاں سومرو ملاقات کے لیے آئے تھے۔ محمد میاں سومرو کی جے یو آئی میں شمولیت پر کوئی بات نہیں ہوئی۔