Baaghi TV

Author: +9251

  • جب بھی تھوڑی سی گروتھ ہوتی ہے ہم کرنٹ اکاؤنٹ خسارے میں پھنس جاتے ہیں،مفتاح اسماعیل

    جب بھی تھوڑی سی گروتھ ہوتی ہے ہم کرنٹ اکاؤنٹ خسارے میں پھنس جاتے ہیں،مفتاح اسماعیل

    مفتاح اسماعیل نے کہا کہ جب بھی تھوڑی سی گروتھ ہوتی ہے ہم کرنٹ اکاؤنٹ خسارے میں پھنس جاتے ہیں، ملک کا تجارتی خسارہ 45ارب ڈالر تک پہنچ گیا ہے، اس سال ہماری درآمدات 76 ارب ڈالر تک پہنچ جائیں گی۔

    وفاقی وزیر خزانہ مفتاح اسماعیل نے کہا ہے کہ سخت فیصلوں کے نتیجے میں ملک دیوالیہ ہونے سے بچ کر استحکام کے رستے پر گامزن ہوا ہے.اسلام آباد میں پریس کانفرنس میں اقتصادی سروے پیش کرتے ہوئے مفتاح اسماعیل نے کہا کہ پیر منگل تک زرمبادلہ کے ذخائر بڑھ کر 12 ارب ڈالر سے تجاوز کرجائیں گےجبکہ چین سے 2.4 ارب ڈالر ہمیں دو تین روز میں مل جائیں گے،حکومت نے مشکل وقت میں سخت فیصلے کیے، جس کے نتیجے میں پاکستان فوری ڈیفالٹ کے خطرات سے نکل آیا.

    وزیر خزانہ نے کہا کہ سابق وزیراعظم عمران خان نے جاتے جاتے سیاسی فیصلہ کرتے ہوئے قیمت خرید سے بھی پٹرولیم مصنوعات کی قیمتوں میں کمی کردی۔ انہوں نے چیک لکھ دیا تھا جسے مارکیٹ میں لے کرگئے تو پیسے نہیں تھے۔

    پریس کانفرنس کرتے ہوئے وزیر خزانہ نے مزید کہا کہ شرح نمو 5.97 فیصد ہوگئی لیکن کرنٹ اکاؤنٹ خسارہ آپے سے باہر ہوگیا ہے۔ برآمدات سمیت درآمدات میں بھی اضافہ ہوا۔ تجارتی خسارہ 45 ارب ڈالر کا ہوگیا ہے اور برآمدات درآمدات کا 40 فیصد ہے، جس کی وجہ سے ہمارا ملک کو بیلنس آف پیمنٹ بحران کا سامنا رہا۔ آئیندہ ہفتے چین سے 2.5 ارب ڈالر کی رقم آنی گی جس سے مالی ذخائر میں اضافہ ہوگا، خام تیل کی بڑھتی ہوئی قیمتوں کی وجہ سے ہمیں تیل کی قیمتوں میں اضافہ کرنا پڑا۔

    انہوں نے کہا کہ پائیدار شرح نمو ہوگی جس میں جاری خسارہ اور بیلنس آف پیمنٹ کا مسئلہ نہ ہو، ملک میں توانائی بہت مہنگی ہوگئی ہے جس کی وجہ سے یہاں کچھ عرصے کے لیے انڈسٹری بند بھی ہوجاتی ہے۔ پچھلی حکومت نے کچھ عرصہ انڈسٹری کو گیس کی سپلائی بند کی، جس کی وجہ سے انڈسٹری بند ہوگئی۔ موجودہ حکومت نے اب وہ تمام انڈسٹری کھول دی ہے۔ وزیر خزانہ نے کہا کہ طویل المعیاد سودے کیے جائیں گے۔

  • سلمان رفیق اچانک ڈی ایچ کیو ہسپتال قصورپہنچ گئے،ڈاکٹرزکی غیرحاضری پر برہم

    سلمان رفیق اچانک ڈی ایچ کیو ہسپتال قصورپہنچ گئے،ڈاکٹرزکی غیرحاضری پر برہم

    صوبائی وزیر خواجہ سلمان رفیق طبی سہولیات کاجائزہ لینے اچانک ڈسٹرکٹ ہیڈ کوارٹرز ہسپتال قصورپہنچ گئے۔ صوبائی وزیر نے ڈی ایچ کیوہسپتال قصورمیں ایمرجنسی اور آپریشن تھیٹرزسمیت دیگرشعبہ جات کا دورہ کرکے مریضوں کی عیادت کی۔ خواجہ سلمان رفیق نے صفائی ستھرائی سمیت ادویات کی فراہمی کا جائزہ لیا۔

    ایم ایس ڈی ایچ کیوہسپتال قصور ڈاکٹرنیازاحمدنے صوبائی وزیر خواجہ سلمان رفیق کو مریضوں کو دی جانے والی طبی سہولیات کی تفصیلات سے آگاہ کیا۔ صوبائی وزیر ڈاکٹرزکی غیرحاضری پر برہم ہوگئے۔ خواجہ سلمان رفیق نے ڈاکٹرزکی حاضری سمیت دیگرمسائل حل کرنے کیلئے وارننگ دے دی۔ خواجہ سلمان رفیق نے ڈی ایچ کیوہسپتال قصور میں بجلی کی فراہمی کو یقینی بنانے اور منصوبوں کی تکمیل کیلئے لیسکواور سی اینڈڈبلیوکے افسران کو ہدایات بھی جاری کیں۔

    صوبائی وزیر خواجہ سلمان رفیق کا کہنا تھا کہ ڈی ایچ کیوہسپتال قصور میں کسی مریض کو پریشانی نہیں ہونی چاہئے۔ پنجاب کے سرکاری ہسپتالوں میں صفائی ستھرائی کے انتظامات میں کسی قسم کی کوتاہی برداشت نہیں ہوگی۔ پنجاب کے سرکاری ہسپتالوں کے ایم ایس حضرات مریضوں کے بہترعلاج معالجہ کو یقینی بنائیں۔ وزیراعلی پنجاب حمزہ شہباز کی ہدایت پر صوبہ کے سرکاری ہسپتالوں میں مریضوں کو صحت کی بہترسہولیات فراہم کریں گے۔

    خوا جہ سلمان رفیق نے کہا کہ پنجاب کے سرکاری ہسپتالوں میں آنے والے مریضوں کیلئے آسانیاں پیداکی جائیں۔ پنجاب کے مختلف سرکاری ہسپتالوں کے سرپرائز دورے جاری رہیں گے۔

    قبل ازیں صوبائی وزیر خواجہ سلمان رفیق نے کنگ ایڈورڈمیڈیکل یونیورسٹی میں ”نرسزڈے“سیمینارمیں بطورمہمان خصوصی شرکت کی۔وائس چانسلر کنگ ایڈورڈمیڈیکل یونیورسٹی پروفیسرڈاکٹرخالدمسعود گوندل اور فیکلٹی ممبران نے صوبائی وزیر کا پھولوں کے گلدستے پیش کرکے خوش آمدید کہا۔

    صوبائی وزیر خواجہ سلمان رفیق نے کنگ ایڈورڈمیڈیکل یونیورسٹی میں خواتین کیلئے خصوصی طورپربنائی گئی مسجد کادورہ بھی کیا۔اس موقع پر پرووائس چانسلر پروفیسرڈاکٹر اعجازحسین،ڈی جی نرسنگ،ایڈیشنل سیکرٹری نرسنگ ڈاکٹرقرۃ العین،رجسٹرار ڈاکٹرریاست علی،پروفیسربلقیس شبیر،پروفیسرسائرہ افضل،پروفیسرثاقب سعید،ایم ایس مئیوہسپتال ڈاکٹرمنیراحمد ملک، پروفیسرابراراشرف ودیگرتمام فیکلٹی ممبران نے بھی شرکت کی۔

    صوبائی وزیر خواجہ سلمان رفیق نے کہاکہ وزیراعظم شہبازشریف اور وزیراعلی پنجاب حمزہ شہباز دن رات ملک و قوم کی خدمت کررہے ہیں۔ مثبت پالیسیوں کے تسلسل کے ثمرات عوام تک ضرورپہنچتے ہیں۔ مہذب معاشرے نفرت نہیں بلکہ یگانگت کی بنیاد پرچلتے ہیں۔ کنگ ایڈورڈ میڈیکل یونیورسٹی میں ٹیلی میڈیسن کا شعبہ بہترین خدمت کررہاہے۔

    خواجہ سلمان رفیق نے کہاکہ پنجاب کے سرکاری ہسپتالوں کادورہ کرکے مریضوں کیلئے صحت کی بہتر سہولیات کو یقینی بنایاجارہاہے۔ صوبہ کے تمام نرسنگ کالجزکے معیارکو مزید بہتربنایاجائے گا۔ پنجاب کے نرسنگ کالجزمیں جدیدطرزکے آڈیٹوریم اور تھیٹرزبنائے جائیں گے۔ نرسوں کی محکمانہ تربیت کیلئے آغاخان یونیورسٹی کے ماسٹرٹرینرزسے بات ہوئی ہے۔ صوبائی وزیر خواجہ سلمان رفیق ہمیں ہسپتالوں میں مریضوں کی دن رات خدمت کرنے والی نرسوں کی عزت کرنی چاہئے۔

    وزیراعلی پنجاب حمزہ شہباز صحت کے شعبہ میں بہتری لانے کیلئے تعمیری اقدامات اٹھارہے ہیں۔ صوبائی وزیر نے کہاکہ حکومت پنجاب عوام دوست بجٹ پیش کرے گی۔ ہمیں خط غربت سے نیچے زندگی بسرکرنے والے طبقے کو سہولت دینی ہے۔ محکمہ صحت نرسوں کی بہتری کیلئے دن رات محنت کررہاہے۔ خواجہ سلمان رفیق نے کہاکہ کوروناکے دوران اپنی جانوں کو نذرانہ پیش کرنے والے ڈاکٹرز،رسزاور پیرامیڈیکل سٹاف نے سنہری تاریخ رقم کی ہے۔

    صوبائی وزیر نے کورونا کے دوران اپنی جان کا نذرانہ پیش کرنے والے ڈاکٹرز،نرسزاور پیرامیڈیکل سٹاف کو خراج تحسین پیش کیا۔انہوں نے کہاکہ سابق وائس چانسلر نشترمیڈیکل یونیورسٹی مرحوم پروفیسرڈاکٹرمصطفی کمال نے فرائض منصبی انجام دیتے ہوئے اپنی جان کا نذرانہ پیش کیا۔ صوبائی وزیرخواجہ سلمان رفیق نے کنگ ایڈورڈمیڈیکل یونیورسٹی کالوہا عالمی سطح پر منوانے پر وائس چانسلر پروفیسر ڈاکٹر خالد مسعود گوندل اورنرسوں کی بہتری کا سوچنے پر سابق وزیر صحت ڈاکٹریاسمین راشد کو خراج تحسین پیش کیا۔

    صوبائی وزیر خواجہ سلمان رفیق نے نمایاں کارکردگی کی حامل نرسوں کواعزازی شیلڈزبھی تقسیم کیں۔وائس چانسلر کنگ ایڈورڈمیڈیکل یونیورسٹی پروفیسرڈاکٹر خالدمسعودگوندل نے کہاکہ کنگ ایڈورڈ میڈیکل یونیورسٹی سے ملحقہ سرکاری ہسپتالوں کی کارکردگی انتہائی عمدہ ہے۔ کورونا کے دوران نرسوں نے مثالی کرداراداکیا۔

    پروفیسرڈاکٹرخالدمسعودگوندل نے کہاکہ کنگ ایڈیورڈمیڈیکل یونیورسٹی میں پی ایچ ڈی نرسنگ کا آغازکیاجارہاہے۔مستقبل قریب میں کنگ ایڈورڈمیڈیکل یونیورسٹی کے کیمپس میں پوسٹ گریجوایٹ نرسنگ کالج کا قیام عمل میں لایاجائے گا۔ ایڈیشنل سیکرٹری نرسنگ ڈاکٹر قرۃ العین نے کہاکہ محکمہ نرسنگ شعبہ کی بہتری کیلئے مثبت پالیسیاں لارہاہے۔ آئندہ بجٹ میں نرسنگ شعبہ کی بہتری کیلئے فنڈز میں اضافہ کی استدعاکی گئی ہے۔ ڈی جی نرسنگ نے کہاکہ محکمہ نے نرسنگ شعبہ کے مسائل ترجیحی بنیادوں پر حل کئے ہیں۔

  • امریکا:میں امریکی فوجی طیارہ گر کر تباہ، 4 میرین اہلکار ہلاک

    امریکا:میں امریکی فوجی طیارہ گر کر تباہ، 4 میرین اہلکار ہلاک

    ایک امریکی فوجی طیارہ جس میں پانچ میرین (بحریہ) اہلکار سوار تھے، آج جنوبی کیلیفورنیا میں گر کر تباہ ہو گیا۔ حادثے میں چار اہلکاروں کے ہلاک ہونے کی اطلاعات ہیں۔

     

    فرانسیسی خبر رساں ایجنسی اے ایف پی کے مطابق طیارہ میکسیکو کی سرحد سے صرف 20 میل (35 کلومیٹر) کے فاصلے پر گلیمس کے قریب گرا۔ امریکی فوجی حکام نے ان خبروں کی تردید کی ہے کہ جہاز میں جوہری مواد موجود تھا۔

     

    اے ایف پی نے ایک ترجمان کے حوالے سے بتایا ہے کہ وہ اس بات کی تصدیق کر سکتے ہیں کہ تھرڈ میرین ایئر کرافٹ ونگ کا ایک طیارہ گلیمس کے قریب گر کر تباہ ہوا جس میں بحریہ کے پانچ فوجی سوار تھے۔ انہوں نے کہا کہ سوشل میڈیا پر پھیلائی گئی افواہوں کے برعکس طیارے میں کوئی جوہری مواد موجود نہیں تھا۔

    طیارے کی شناخت ایم وی 22 بی اوسپرے کے نام سے ہوئی ہے۔ اوسپرے ہیلی کاپٹر کی طرح عمودی ٹیک آف اور لینڈنگ کرنے والا ہوائی جہاز ہے جس کے روٹری ونگز اسے ہیلی کاپٹر کی طرح اڑنے میں مدد دیتے ہیں۔

    امریکہ کا یوکرین کیلئے مزید 80 کروڑ ڈالر،طیارہ شکن ہتھیار،ڈرون اور1 کروڑگولیاں…

    فضا میں طیارہ اور ہیلی کاپٹر آپس میں ٹکرا گئے

    رواں سال مارچ میں ناروے میں بھی ایک فضائی حادثے میں امریکی بحریہ کے چار فوجی ہلاک ہو گئے تھے۔

    ادھر ابھی تھوڑی دیر پہلے چین سے آنے والی خبروں کے مطابق چین کے سرکاری نشریاتی ادارے سی سی ٹی وی کا کہنا ہے کہ چینی فضائیہ کا یہ جنگی طیارہ پیپلز لبریشن آرمی ایئر فورس کا J-7 طیارہ صوبہ ہوبی میں تربیتی مشن پر تھا جوگر کر تباہ ہو گیا، جس سے کئی مکانات کو نقصان پہنچا۔،اس حادثے کے بارے میں سرکاری ٹیلی ویژن کی طرف سے یہ خبرجاری کی گئی تھی کہ اس حادثے میں ایک رہائشی ہلاک اور دو دیگر زخمی ہوئے۔

  • چینی فضائیہ کا جدید طیارہ گرکرتباہ ہوگیا

    چینی فضائیہ کا جدید طیارہ گرکرتباہ ہوگیا

    بیجنگ :چینی فضائیہ کا جدید طیارہ گرکرتباہ ہوگیا،اطلاعات کے مطابق چین کے سرکاری نشریاتی ادارے سی سی ٹی وی نے بتایا کہ جمعرات کو وسطی چین کے ایک رہائشی علاقے میں ایک چینی فوجی طیارہ گر کر تباہ ہو گیا، جس میں کم از کم ایک شخص ہلاک ہو گیا۔جبکہ دوافراد شدید زخمی ہوگئے ہیں

    چینی جنگی طیاروں نے تائیوان کی سرحدوں کے اندرجاکرامریکہ،جاپان اوربھارت کوپیغام…

    چین کے سرکاری نشریاتی ادارے سی سی ٹی وی کا کہنا ہے کہ چینی فضائیہ کا یہ جنگی طیارہ پیپلز لبریشن آرمی ایئر فورس کا J-7 طیارہ صوبہ ہوبی میں تربیتی مشن پر تھا جوگر کر تباہ ہو گیا، جس سے کئی مکانات کو نقصان پہنچا۔،اس حادثے کے بارے میں سرکاری ٹیلی ویژن کی طرف سے یہ خبرجاری کی گئی تھی کہ اس حادثے میں ایک رہائشی ہلاک اور دو دیگر زخمی ہوئے۔

    بھارت پر ممکنہ حملے کی تیاری،چین نے بھارتی سرحد پر جنگی طیاروں کی تعداد دگنی کر دی

    سرکاری میڈیا ایجنسی سنہوانے بھی اس حوالے سے رپورٹ کرے ہوئے کہا ہے کہ پائلٹ، جسے معمولی چوٹیں آئی تھیں، کامیابی کے ساتھ طیارے سے باہر نکل گیا اور گرنے سے پہلے زمین پر پیراشوٹ کے ذریعے چھلانگ لگا دی تھی ۔ دونوں پائلٹ اور زخمی شہریوں کو ہسپتال منتقل کر دیا گیا۔

    یوکرین میں بھارتی طلبا کے ساتھ بدسلوکی،ویڈیو وائرل،مودی پر اپوزیشن کی تنقید

    سوشل میڈیا پرگردش کرنےوالی ویڈیوزمیں کچھ گھروں میں آگ لگی ہوئی دکھائی دیتی ہے،جن کے بارے میں خیال کیا جاتا ہے کہ یہ حادثے کی وجہ سے ہوا، جو کہ ہوبی صوبے کے Xiangyang میں Laohekou ہوائی اڈے کے قریب پیش آیا۔سرکاری میڈیا نے بتایا کہ حادثے کی وجہ اور متعلقہ ہلاکتوں کی تحقیقات جاری ہیں،

  • جب تک درست فیصلے نہیں کریں گے مقدمات التوا میں رہیں گے، اعظم نذیر تارڑ

    جب تک درست فیصلے نہیں کریں گے مقدمات التوا میں رہیں گے، اعظم نذیر تارڑ

    سینیٹ میں قائد ایوان و وزیر قانون سینیٹر اعظم نذیر تارڑ نے کہا ہے کہ جج صاحبان کی تقرری کے لئے پارلیمانی کمیٹی اپنا کام کر رہی ہے، فوجداری اور دیوانی نظام انصاف کو بہتر بنانے کی بہت گنجائش ہے ۔

    ایوان بالا کے اجلاس میں وقفہ سوالات کے دوران سینیٹر مشتاق احمد اور سینیٹر اعجاز چوہدری کے سوالات کے جواب میں انہوں نے کہا کہ نظام انصاف میں خامیوں سے پورے معاشرے میں خرابیاں پیدا ہوتی ہیں، اٹھارویں اور انیسویں ترمیم میں بدقسمتی سے وہ نتائج حاصل نہیں کئے جا سکے جو حاصل ہونے چاہیے تھے، پوری پارلیمان کو یہ سوچنا چاہیے کہ جب تک آئین میں ترمیم اور قانون سازی نہیں کریں گے اس وقت تک شکایات رہیں گی۔

    عدلیہ میں شفاف طریقے سے میرٹ پر تقرریاں نظام انصاف میں بہتری کے لئے بہت اہمیت رکھتی ہیں۔ عدلیہ کو ایک حد تک تجویز دی جا سکتی ہے، مقدمات زیر التوا ضرور ہیں، فوجداری اور دیوانی نظام انصاف کو بہتر بنانے کی بہت گنجائش ہے جب تک سول ججز اور مجسٹریٹس درست فیصلے نہیں کریں گے مقدمات میں التوا آتا رہے گا، ارکان پارلیمنٹ کو قانونی اصلاحات میں تعاون کرنا چاہیے۔

    انہوں نے کہا کہ جج صاحبان کی تقرری کے لئے پارلیمانی کمیٹی اپنا کام کر رہی ہے، اب یہ مطالبہ کیا جا رہا ہے کہ ججز کی تقرری جس حد تک بھی ممکن ہو، شفاف طریقے سے اتفاق رائے سے ہونی چاہیے، اس سلسلے میں حکومت اپنی ذمہ داری پوری کرے گی۔

    انہوں نے کہا کہ جھتے بندی کا الزام صرف وکلا کو نہیں دیا جا سکتا، ملک میں ایک لاکھ 73 ہزار وکلا ہیں، ہزار دو ہزار افراد کی وجہ سے پوری وکلا برادری کو الزام نہیں دیا جا سکتا، ہم نے قانون کی تعلیم کا ڈائریکٹوریٹ قائم کیا ہے جو اس سے پہلے نہیں تھا۔

  • ڈاکوؤں کی فائرنگ پولیس اہلكار جان کی بازی ہار گیا ۔

    ڈاکوؤں کی فائرنگ پولیس اہلكار جان کی بازی ہار گیا ۔

    ڈاکوؤں کی فائرنگ پولیس اہلكار جان کی بازی ہار گیا ۔
    باغی ٹی وی کی رپورٹ کے مطابق کراچی کے شہر قائد کے قریب ڈاکوؤں نے فائرنگ کی جس کی وجہ سے پولیس اہلکار جان کی بازی ہار گیا۔
    مزید یہ کہ علاقہ منگھوپیر تھانے کی حدود اورنگی ٹاؤن سیکٹر ساڑھے گیارہ پاکستان بازار تھانے کے قریب جب پولیس اہلكار جس کا نام عبد اللہ تھا اور اس کی عمر 30 سال تھی ۔اس زخمی پولیس اہلكار کو جب خان جناح ہسپتال میں لے کر جایا گیا تو ہسپتال میں علاج کے دوران ہی جان کی بازی ہار گیا ۔

    مقتول اہلکار عبداللہ خان بکل نمبر 31471 سیکیورٹی زون ون میں تعینات تھا۔ مقتول شادی شدہ تھا اس کے ہاں ابھی گزشتہ دن قبل جڑواں بیٹیوں کی ولادت بھی ہوئی تھی۔ جس پر یہ بے حد خوش تھا ۔

    یہ سارا واقعہ تب پیش آیا جب مقتول اپنے دوستوں کے قریب بیٹھا ہوا تھا ۔اس وقت 2 ڈاکو آۓ انہوں نے مقتول سے موبائل اور دیگر اشیا لوٹنے کی جب کوشیش کی تو مقتول نے ان کو ایسا کرنے سے روکا تو ان ڈاکوؤں نے فوری طور پر فائرنگ شروع کر دی۔ اس سارے واقعے کے بعد مقتول سمیت 3 افراد مزید زخمی ہوۓ جس پر ان کو فوری طور پر ہسپتال لے کر جایا گیا ۔

    مقتول کو گولی گردن پر لگی تھی جس کی وجہ سے مقتول کو جناح ہسپتال منتقل کر دیا گیا ۔
    جب گھر والوں سے پوچھا گیا تو ان کا کہنا تھا کہ ڈاکٹر نے کچھ دن کافی کوشیش کی لیکن عبد الله کے زخم بہت زیادہ تھے ۔جس کی وجہ سے وه دوران علاج ہی جان کی بازی ہار گیا ۔

  • صبا قمر شوہر کے ساتھ حج کی ادائیگی کی خواہاں

    صبا قمر شوہر کے ساتھ حج کی ادائیگی کی خواہاں

    صبا قمر اپنی شاندار پرفارمنس کی وجہ سے کافی خبروں میں رہتی ہیں ہر کوئی ان کی فنکارانہ صلاحیتوں کا معترف نظر آتا ہے ۔حال ہی میںان کی فلم ”کملی‘ ‘ ریلیز ہوئی ہے اس میںان کی اداکاری کو ان کے کیرئیر کی بہترین اداکاری قرار دیا جا رہا ہے۔ حال ہی میں صبا ایک ٹی وی شو میں شریک تھیں وہاں انٹرویو کے دوران ان کی شادی کے متعلق سوال ہوا تو انہوں نے کہا کہ مجھے میرا جیون ساتھی مل چکا ہے میں اسکے ساتھ ایک اچھی زندگی دیکھ رہی ہوں،لیکن ہماری شادی کب ہو گی اسکے بارے میں ابھی کچھ طے نہیں ہوا۔انہوں نے مزید کہا کہ میں بتانا چاہتی ہوں کہ میرا ہونے والا جیون ساتھی بیرون ملک رہتا ہے اور مسلمان ہے میں ان کو پا کر کافی خوش ہوں ۔

    اس انٹرویو میں صبا نے ایک خواہش کااظہار بھی کیا اور وہ خواہش ہے حج کرنے کی ،انہوں نے کہا کہ ان کی خواہش ہے کہ اپنے ہونے والے شوہر کے ساتھ حج کی ادائیگی کریں ۔انہوں نے مزید یہ بھی کہا کہ اگر مجھے اپنی بہتر زندگی کے لئے اداکاری کو چھوڑنا پڑا تو چھوڑ دوں گی اور اس کیرئیر سے الگ ہو جاﺅں گی ۔
    یاد رہے کہ صبا قمر کافی عرصے سے انسٹاگرام پر روزانہ ایک پھول کی تصویر شئیر کررہی ہیں لوگوں کو بہت تجسس تھا کہ وہ پھول بھیجنے والا آخر کون ہے ایک ٹی وی پروگرام میں جب صبا قمر سے سوال ہوا کہ وہ پھول بھیجنے والا کون ہے تو انہوں نے کہا کہ وہ میرا قریبی دوست ہے اور مجھ سے پیار کرتا ہے ۔

  • مہنگائی کی وجہ مردایک سے زائد شادی افورڈ نہیں کر سکتا:درفشاں

    مہنگائی کی وجہ مردایک سے زائد شادی افورڈ نہیں کر سکتا:درفشاں

    اداکارہ در فشاں نے حال ہی میںاپنے ایک انٹرویو میں کہا ہے کہ وہ وقت گئے جب مرد ایک سے زائد شادیاں کرکے نبھا لیتے تھے اور اخراجات افورڈ کر لیتے تھے لیکن اب ایسا کرنا ممکن نہیں ہے کیونکہ اب مہنگائی اس قدر بڑھ چکی ہے کہ مرد ایک گھر ہی چلا لے بڑی بات ہے ،آج پٹرول کی قیمت دو سو روپے سے زیادہ کو جا پہنچی ہے مہنگائی کا دور دورہ ایسے میں ایک گھر کو چلا لینا ہی بہادری کہلائے گی ۔درفشاں نے مزید یہ بھی کہا کہ میں چاہتی ہوں کہ جس سے شادی ہو اس کے ساتھ ڈیٹ نہ کروںبلکہ سیدھا نکاح کروں اور میں شادی سے قبل ملنے ملانے پر یقین نہیں رکھتی میںکہتی ہوں کہ اگر کوئی پسند آجائے تو آپ اسے اپنے گھر والوں سے ملائیں اور معاملات آگے لیکر چلیں ۔

    انہوں نے مزید یہ بھی کہا کہ میں دھوم دھام سے شور مچا کر شاد ی کرنے کی قائل نہیں ہوں میں چاہتی ہوں کہ میری شادی بھی بھارتی خوبصورت اداکارہ کترینہ کیف کی طرح ہو جیسے انہوں نے تقریبات کو محدود رکھا اور آخری وقت تک کسی کو نہیں پتہ تھا کہ ان دونوں کی شادی ہونے جا رہی ہے ۔
    یاد رہے کہ درفشاں بہت ہی باصلاحیت اداکارہ ہیں ان کے ہر پراجیکٹ میں وہ الگ کرداروں میں نظر آتی ہیں اور ان کی فین فالونگ بھی بہت زیادہ ہے۔

  • ورون دھون عام خاتون کی آواز بن گئے

    ورون دھون عام خاتون کی آواز بن گئے

    آج کل سوشل میڈیا کا دور ہے اور اپنے پسندیدہ فنکاروں سے بات کرنا اتنا مشکل نہیں رہا ایک پوسٹ میں اپنے پسندیدہ فنکار کو ٹیگ کریں تو آپ کی آواز اور پسند اس فنکار تک پہنچ جاتی ہے ایسا ہی ہوا ورون دھون کی پرستار کے ساتھ ۔گزشتہ دنوں ورون دھون کو ان کی مداح نے ایک ٹویٹ کیا جس میںانہوں نے اپنے حالات بیان کئے اور لکھا کہ مجھے اور میری والدہ کو میرے والد بہت زیادہ مارتے پیٹتے ہیں ۔گالیاں دیتے ہیں کھانا تک نہیں دیتے اور دھمکیاں بھی دیتے ہیں میں اور میری والدہ نہایت ہی مشکل حالات میں ہیں ۔میرے والد مجھے اور میری والدہ کو تواتر سے مارتے ہیں ۔

    اس پر ورون دھون نے ٹویٹ کا جواب لکھا اور اپنی پرستار کو حوصلہ دیتے ہوئے کہا کہ اگر آپ کی بات میں سچائی ہے تو میں جس حد تک ہو سکے آپ کی مدد کروں گا اور اس سلسلے میں اعلی حکام کو بھی انوالو کروں گا ۔ورون دھون نے اس معاملے کو حل کرنے کے لئے لڑکی اور اس کی والدہ کو انصاف دلانے ان کی زندگی کو آسان بنانے کےلئے متعلقہ حکام سے بات چیت کی اور کہا کہ لڑکی اور اسکی والدہ کو انصاف دیا جائے اور جو ان پر ظلم ڈھا رہا ہے اسکو کٹہرے میں کھڑا کیا جائے۔ورون دھون کے اس روپ کو لوگوں نے بےحد سراہا اور کہا کہ کسی بھی اداکار کی طرف سے اتنی سنجیدگی دکھائے جانا یقینا اس کی عاجزی اور مخلوق خدا کی محبت کو ظاہر کرتی ہے ۔

  • پیکا آرڈیننس کے سیکشن 20 کیخلاف میشا شفیع کی درخواست سماعت کیلئے منظور

    پیکا آرڈیننس کے سیکشن 20 کیخلاف میشا شفیع کی درخواست سماعت کیلئے منظور

    مشیا شفیع جن کا علی ظفر کے خلاف ہراسانی کا کیس چل رہا ہے ابھی تک یہ الزام کسی حتمی نتیجے پر نہیں پہنچا یعنی عدالتی کاروائی ابھی تک کی جتنی بھی ہوئی ہے اس میں دونوں فریقین میں سے کسی ایک کو سچا یا جھوٹا قرار نہیں دیا گیا ۔تاہم میشا اور علی ظفر دونوں کے پرستار ان کو سوشل میڈیا پر کافی سپورٹ کرتے ہیں لیکن جب سے کیس عدالت میں چل رہا ہے ان فریقین کی طرف سے ایک دوسرے پرالزامات لگانے کا سلسلہ تھم چکا ہے ۔اب حال ہی میں میشا شفیع کے وکیل نے پیکا آرڈیننس کے سیکشن 20کے خلاف درخواست سپریم کورٹ میں دی جسے سپریم کورٹ نے سماعت کے لئے منظور کر لیا ہے ۔

    جسٹس قاضی فائز عیسیٰ کی سربراہی میں دو رکنی بنچ نے کیس کی سماعت کی، سپریم کورٹ نے میشا شفیع کے خلاف فوجداری کارروائی سے روکتے ہوئے گلوکارہ کی درخواست حکم امتناع جاری کر دیا۔اس حوالے سے سپریم کورٹ کی جانب سے حکم جاری کیا گیا کہ اگلی سماعت تک ہتک عزت پر میشا شفیع کے خلاف فوجداری کارروائی روک دی جائے، گلوکارہ کے خلاف سول مقدمہ جاری رہے گا۔سپریم کورٹ نے اٹارنی جنرل اور ایڈووکیٹ جنرل پنجاب کو نوٹس جاری کرتے ہوئے کیس کی سماعت غیر معینہ مدت کے لیے ملتوی کردی
    یاد رہے کہ میشا شفیع نے علی ظفر پر ہراسمنٹ کے الزمات لگائے ہیں اور کیس کا فیصلہ تاحال نہیں آسکا۔
    ۔۔۔۔