Author: +9251

اسلام آباد:عمران خان نے بنی گالا کی سڑک کیلئےکتنےلاکھ روپے اپنی جیب سےادا کیئےتھے:سابق میئراسلام آباد نے سب حقیقت کھول کرسب کے سامنے رکھ دی ،اطلاعات کے مطابق وفاقی دارالحکومت اسلام آباد کے سابق میئر شیخ انصر عزیز نے کہا ہے کہ عمران خان نے بنی گالا کی سڑک بنوانے کیلئے محض 30 لاکھ روپے ادائیگی کی تھی ۔

ذرائع کے مطابق اس حوالے سے اسلام آباد کے سابق میئرشیخ انصرعزیز کا کہنا تھاکہ عمران خان نے بنی گالا کی سڑک بنوائی تو میں میئر اسلام آباد تھا، انہوں نے سڑک بنانے کیلئے سی ڈی اے کو 30 لاکھ روپے دیے تھے۔

ان کا کہنا تھاکہ ’2019 میں وزیراعظم ہاؤس سے ہدایات آئیں کہ وزیراعظم کے گھر کی طرف جو سڑک ہے اور یہ مین روڈ سے ان کے گھر کی طرف جاتی ہے، اسکی مینٹینس کروا کر دی اور اس کیلئے انہوں نے صرف 30 لاکھ ادا کیے جس کا ریکارڈ موجود ہے‘۔

شیخ انصر عزیز کا کہنا تھاکہ عمران خان کا دیاگیا پے آرڈر ریکارڈ میں موجود ہے، انہوں نے صرف ایک بار ادائیگی کی، اس کے بعد کوئی ادائیگی نہیں کی۔ان کا کہنا تھاکہ بنی گالا کی باقی سڑک میاں نواز شریف نے وزارت عظمیٰ سنبھالنے کے بعد بنوائی تھی۔

خیال رہے کہ گزشتہ روز لاہور جلسے میں عمران خان نےکہا تھا کہ توشہ خانہ کے تحائف بیچ کر بنی گالا گھر کے باہر کی سڑک بنوائی تھی۔

زبانی نکاح،پھر حق زوجیت ادا،پھر شادی سے انکار،خاتون پولیس اہلکار بھی ہوئی زیادتی کا شکار

10 سالہ بچے کے ساتھ مسجد کے حجرے میں برہنہ حالت میں امام مسجد گرفتار

بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

ڈیجیٹل میڈیا ونگ ختم،ملک میں جاری انتشار اب بند ہونا چاہیے،وفاقی وزیر اطلاعات

پارلیمنٹ لاجز میں صفائی کرنے والے لڑکے کو مؤذن بنا دیا گیا تھا،شگفتہ جمانی

اسلام آباد: پاکستان تحریک انصاف (پی ٹی آئی) نے قومی سلامتی کمیٹی کے اعلامیہ پر ردعمل دیتے ہوئے سوالات کئے، بااختیار عدالتی کمیشن بنانے کا مطالبہ کیا اور پوچھا کہ کیا یہ حقیقت نہیں کہ دھمکی آمیز مراسلہ دوسرے ملک میں متعین نمائندے کے پیغام پر مشتمل ہے؟ کیا اس میں تحریک عدم اعتماد کا ذکر نہیں؟ کیا قومی سلامتی کمیٹی نے اسے پاکستان کے داخلی معاملات میں مداخلت قرار نہیں دیا؟۔

قومی سلامتی کمیٹی کے اجلاس و اعلامیے پر گفتگو کے اہم نکات پر تحریک انصاف کی جانب سے سوالات کئے گئے اور کہا گیا کہ اجلاس کے اعلامیے نے ہمارے مؤقف پر مہر تصدیق ثبت کر دی ہے، مراسلہ ایک حقیقت ہے اور اس حوالے سے چیئرمین پاکستان تحریک انصاف عمران خان کا ایک ایک حرف سچ تھا، قومی سلامتی کمیٹی کے اعلامیے نے ثابت کر دیا کہ پاکستان کے اندرونی معاملات میں مداخلت کی گئی۔

پی ٹی آئی کی جانب سے سوال کئے گئے کہ گزشتہ اجلاس کی فیصلے کے نتیجے میں امریکہ کو دیا جانے والا احتجاجی مراسلہ باکل ٹھیک اور درست قدم تھا، معاملے کی تہہ تک پہنچنے کیلئے ایک بااختیار عدالتی کمیشن بلا تاخیر مقرر کیا جائے، مندرجہ ذیل پہلوؤں سے معاملے کی تحقیق کرے اور حقیقت قوم کے سامنے لائے، کیا یہ حقیقت نہیں کہ مذکورہ دستاویز ریاستِ پاکستان کے ایک دوسرے ملک میں متعین نمائندے کے پیغام پر مشتمل ہے؟، کیا یہ حقیقت نہیں اس ملاقات میں تحریک عدم اعتماد کا ذکر اور پاکستان کی معافی کو عمران خان کے ہٹائے جانے کی ایک شرط کے طور پر بطور خاص کیا گیا؟، کیا قومی سلامتی کمیٹی نے اسے پاکستان کے داخلی معاملات میں مداخلت قرار نہیں دیا؟، سفیر کے مشورے کی روشنی میں مذکورہ ملک کو احتجاجی مراسلہ دینے کا فیصلہ نہیں کیا؟، کیا قومی سلامتی کمیٹی نے اسے اس قدر اہم نہ جانا کہ اسے قومی پارلیمان کی قومی سلامتی کمیٹی میں زیربحث لایا جائے؟۔

پاکستان تحریک انصاف نے پوچھا کہ مندرجہ بالا نکات کی صحت و حقیقت کے تعین کیلئے تحقیقات کی جائیں، مراسلے کی روشنی میں مذکورہ ملاقات میں دی گئی دھمکی اور مقامی کرداروں کے مابین حقیقی گٹھ جوڑ کا سراغ لگایا جائے، اس مقصد کیلئے ایک مخصوص ملک کے سفارتکاروں کی خصوصی طور پر حزب اختلاف (موجودہ حزب اقتدار) کے رہنماؤں اور پاکستان تحریک انصاف کے منحرف اراکین کے مابین ملاقاتوں کی تفصیلات کی چھان بین کرکے کڑیاں ملانا ہوں گی، تحقیق کار قومی سلامتی کمیٹی کے اجلاس میں موجود شرکاء میں سے ہر ایک کے خیالات کی چھان بین کے بعد اپنی رائے دیں گے جب ہی مختلف کرداروں کے حقیقی عزائم اور ان کے باہم تعلقات کی نوعیت واضح ہوگی۔

یاد رہے کہ عدالتی کمیشن کی کارروائی مکمل طور پر اوپن ہونی چاہئیے اس ضمن میں کسی بند کمرہ/ خفیہ کارروائی کی گنجائش ہے نہ اسے قبول کیا جائے گا۔

دبئی:پاکستان کرکٹ بورڈ (پی سی بی ) کے سابق چیف ایگزیکٹو وسیم خان کو انٹرنیشنل کرکٹ کونسل (آئی سی سی) کا جنرل مینجر مقرر کردیا گیا ہے۔

اس حوالے سے وسیم خان کا کہنا تھا کہ مجھے آئی سی سی میں شامل ہونے پر فخر ہے، میں اپنے کھیل کو مضبوط کرنے اور بڑھانے کے لیے اپنے اراکین کے ساتھ شراکت داری شروع کرنے اور کام کرنے کا انتظار نہیں کر سکتا، میں خواتین کی ترقی کے لیے آئی سی سی کے عزم سے خاصا پرجوش ہوں۔

وسیم خان اگلے ماہ سے جنرل مینجر کے عہدے کا چارج سنبھالیں گے، رمیز راجہ کے چیئرمین بننے کے بعد وسیم خان نے چیف ایگزیکٹو پی سی بی کے عہدے سے استعفیٰ دیا تھا۔

سابق چیف ایگزیکٹو پی سی بی انٹرنیشنل کرکٹ کونسل میں جیف آلڈرائس کی جگہ لیں گے، جیف آلدرائس اب چیف ایگزیکٹو آئی سی سی کے عہدے پر فائز ہیں۔

خیال رہے اس وقت آئی سی سی میں جنرل منیجر کا عہدہ جیوف ایلارڈائس کو آئی سی سی کے سی ای او کے عہدے پر ترقی دیے جانے کے بعد خالی ہے، ترقی پانے سے پہلے انہوں نے اپنے عہدے پر 8 سال گزارے تھے۔

اس حوالے سے پاکستان کرکٹ بورڈ کے سابق چیف ایگزیکٹو وسیم خان نے کہا کہ آئی سی سی میں شمولیت اختیار کرنا اعزاز کی بات ہے۔

واضح رہے کہ وسیم خان پاکستان کرکٹ بورڈ میں چیف ایگزیکٹو کی ذمہ داریاں نبھا چکے ہیں اور سابق وزیراعظم عمران خان کی جانب سے قومی ٹیم کے سابق کھلاڑی رمیز راجہ کو پی سی بی کا چیئرمین بنایا گیا اور ان کے عہدہ سنبھالنے کے بعد وسیم خان کو چیف ایگزیکٹو کے عہدے سے الگ ہونا پڑا۔

وسیم خان نے گزشتہ سال پی سی بی میں اپنے عہدے سے استعفیٰ دے دیا تھا جب نیوزی لینڈ اور انگلینڈ نے سیکیورٹی خدشات کے باعث ملک میں دورے ترک کردیے تھے۔

اسلام آباد:وزیر اعظم محمد شہباز شریف کی آج یورپی کمیشن کی صدر ارسلا وان ڈیر لیین سے ٹیلی فون پر گفتگو ہوئی۔اس گفتگو میں یورپ اور پاکستان کے درمیان تعلقات کی بہتری کے لیے تجاویز بھی سامنے آئیں

یورپی کمیشن کی صدر نے وزیر اعظم شہباز شریف کو وزارت عظمیٰ کا عہدہ سنبھالنے پر مبارکباد دی اور کمیشن کی پاکستان کے ساتھ اپنے دوطرفہ تعلقات کو مزید مستحکم بنانے کی خواہش پر زور دیا۔

وزیراعظم نے مبارکباد پر شکریہ ادا کیا اور کہا کہ پاکستان یورپی یونین کے ساتھ اپنے تعلقات کو بہت اہمیت دیتا ہے جو مشترکہ اقدار اور امن، خوشحالی اور ترقی کے مشترکہ مقاصد پر مبنی ہیں۔

وزیراعظم نے پاکستان اور یورپی یونین کے مابین تجارتی اور سرمایہ کاری تعلقات کی اہمیت کو اجاگر کیا۔ انہوں نے جی ایس پی پلس انتظامات کو سراہا اور اس بات پر زور دیا کہ ایک باہمی فائدہ مند سکیم ہونے کے ناطے اس نے پاکستان اور یورپی یونین کی تجارت کو بڑھانے میں اہم کردار ادا کیا ہے۔

وزیر اعظم نے ارسلا وان ڈیر لیین کی EU کمیشن کی خدمات کو سراہا اور باہمی روابط کو مزید گہرا کرنے کے عزم پر زور دیا۔ وزیر اعظم شہباز شریف نے یورپی کمیشن کے صدر کو دورہ کی دعوت دی۔

دونوں رہنماؤں نے پاکستان اور یورپی یونین کے تعلقات کو وسعت دینے، سرمایہ کاری اور تجارتی تعاون کو تیز کرنے اور مختلف شعبوں میں دونوں فریقوں کے درمیان باہمی تعاون کو بڑھانے کے لیے رابطے میں رہنے اور مل کر کام کرنے پر اتفاق کیا۔

زبانی نکاح،پھر حق زوجیت ادا،پھر شادی سے انکار،خاتون پولیس اہلکار بھی ہوئی زیادتی کا شکار

10 سالہ بچے کے ساتھ مسجد کے حجرے میں برہنہ حالت میں امام مسجد گرفتار

بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

ڈیجیٹل میڈیا ونگ ختم،ملک میں جاری انتشار اب بند ہونا چاہیے،وفاقی وزیر اطلاعات

پارلیمنٹ لاجز میں صفائی کرنے والے لڑکے کو مؤذن بنا دیا گیا تھا،شگفتہ جمانی

اسلام آباد:سی ڈی اے مزدور یونین (سی بی اے) کے انتظامیہ کے ساتھ طے شدہ معاہدے کے مطابق سی ڈی اے میں کام کرنے والے ملازمین کے لیے سال 2022کے حج کی قرعہ اندازی کر دی گئی،قرعہ اندازی کے مطابق 48مرد اور 02خواتین حج کی سعادت حاصل کریں گے،

حج کی قرعہ اندازی کے لیے تقریب سی ڈی اے چیئرمین آفس میں منعقد ہوئی جس میں سی ڈی اے چیئرمین عامر علی احمد،سی ڈی اے مزدور یونین (سی بی اے) کے جنرل سیکرٹری چوہدری محمد یٰسین،ممبرفنانس رانا شکیل اصغر،ممبر ایڈمنسٹریشن عامر عباس خان،ممبر اسٹیٹ اینڈ پلاننگ نوید الہیٰ،ڈائریکٹر لیبر ریلیشن،ڈائریکٹر پبلک ریلیشن سمیت سی ڈی اے مزدور یونین کے عہدیداران و نمائندگان نے کثیر تعداد میں شرکت کی،

اس موقع پر سی ڈی اے مزدور یونین کے جنرل سیکرٹری چوہدری محمد یٰسین نے چیئرمین سی ڈی اے اور بورڈ ممبران کا شکریہ اداکرتے ہوئے کہا کہ رمضان المبارک جیسے مقدس مہینے میں حج کی قرعہ اندازی کاانعقاد پر مبارکباد پیش کرتے ہیں اور چیئرمین سی ڈی اے سے مطالبہ کرتے ہیں کہ اگلے سا ل کے لیے ملازمین کے حج کوٹہ میں اضافہ کیا جائے،اس موقع پرانھوں نے کہا کہ چیئرمین سی ڈی اے اور بورڈ ممبران نے تمام ملازمین کے لیے ایک ایک بنیادی تنخواہ اور الاؤنسز میں اضافہ کر کے مزدوروں کے دل جیت لیے ہیں،

سی ڈی اے مزدور یونین مزدوروں کی نمائندہ جماعت ہے اور مزدوروں کے مسائل کے حل کے لیے مذاکرات پر یقین رکھتی ہے اور ہم سمجھتے ہیں کہ موجودہ انتظامیہ سی بی اے کے ساتھ مل کر باقی ماندہ مسائل کو فوری طور پر حل کرے گی،اس موقع پر انھوں نے چیئرمین سی ڈی اے سے مطالبہ کیا کہ ملازمین کی ترقیوں پر فوری عمل درآمد کروایا جائے اور سی ڈی اے مزدور یونین کی ڈیمانڈ کے مطابق ٹائم سکیل پروموشن کی منظوری دی جائے اور اسکے ساتھ ساتھ معاہدے کے مطابق ملازمین کے لیے پلاٹوں کی فوری قرعہ اندازی کی جائے،

تقریب سے خطاب کرتے ہوئے چیئرمین سی ڈی اے عامر علی احمد نے کہا کہ ادارے کی ترقی میں مزدوروں کا کردار ریڑھ کی ہڈی کی حیثیت رکھتا ہے اور ہمیں فخر ہے کہ سی ڈی اے کے ملازمین و افسران دن رات محنت کر کے ادارے کو مزید خوشحال اور مضبوط بنا رہے ہیں جس سے شہریوں میں یقینا سی ڈی اے کی نیک نامی میں اضافہ ہو رہا ہے،انھوں نے سی ڈی اے مزدور یونین سی بی اے کے جنرل سیکرٹری چوہدری محمد یٰسین کے مطالبات کو منظور کرتے ہوئے کہا کہ حج کوٹہ میں 10ملازمین کا اضافہ کر دیا گیا اور اگلے سال انشاء اللہ 60ملازمین حج کی سعادت حاصل کریں گے،

انھوں نے کہا کہ میٹروبس پروجیکٹ پر دن رات کام کرنے پر ملازمین کو خراج تحسین پیش کرتا ہوں اور ان کے لیے سی بی اے کی ڈیمانڈ پر ایک بنیادی تنخواہ بطور اعزازیہ منظور کرتا ہوں،انھوں نے کہا کہ بہت جلد سی ڈی اے بورڈ سے ملازمین کی ترقیوں اور ٹائم سکیل پروموشن کی سمری کو منظور کرواکر ترقیوں اور ٹائم سکیل پروموشن کو یقینی بنایا جائے گا اسی طرح سی بی اے کی ڈیمانڈ کے مطابق ملازمین کے لیے پلاٹوں کی قرعہ اندازی جلد کی جائے گی اور ملازمین کے لیے 200رہائشی فلیٹ دیے جائیں گے تاکہ مہنگائی کے اس دور میں ملازمین کی رہائش کی مشکلات میں کمی آسکے،انھوں نے کہا کہ انتظامیہ اور سی بی اے یونین مل کر مزدوروں کے مسائل کے حل اور ادارے کی ترقی کے لیے کام کریں گے اور سی ڈی اے انتظامیہ سی بی اے کے ساتھ مکمل تعاون کا یقین دلاتی ہے۔

زبانی نکاح،پھر حق زوجیت ادا،پھر شادی سے انکار،خاتون پولیس اہلکار بھی ہوئی زیادتی کا شکار

10 سالہ بچے کے ساتھ مسجد کے حجرے میں برہنہ حالت میں امام مسجد گرفتار

بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

ڈیجیٹل میڈیا ونگ ختم،ملک میں جاری انتشار اب بند ہونا چاہیے،وفاقی وزیر اطلاعات

پارلیمنٹ لاجز میں صفائی کرنے والے لڑکے کو مؤذن بنا دیا گیا تھا،شگفتہ جمانی

اسلام آباد:اعلیٰ سطحی اجلاس کی صدارت کرتےہوئے وفاقی وزیر صحت عبدالقادر پٹیل نے کہا ہے کہ پولیو کے خاتمے کے لیے حکومت پرعزم ہے اور بچوں کی بہترین صحت کے لیے تمام سہولیات بروئے کار لائیں گے۔پولیو کا خاتمہ ہمارا مزہبی اور اخلاقی فریضہ ہے پولیو کے خاتمے کیلئے ہمیں اپنی کوششوں کو ڈبل کرنا ہو گا پولیو کے خاتمے کیلئے میڈیا سول سوسائٹی علماء اور والدین کو کلیدی رول ادا کرنا ہو گا پولیو کے خاتمے کیلئے موثر اور مربوط حکمت عملی کے تحت کام کرنا ہو گا

اجلاس میں سیکرٹری ہیلتھ سروسز عامر اشرف، ڈائریکٹر جنرل ہیلتھ ڈاکٹر رانا محمد صفدر، کورآڈینیٹر پاکستان پولیو پروگرام ڈاکٹر شہزاد بیگ نے شرکت کی۔ اس موقع پر وفاقی وزیر صحت عبدالقادر پٹیل کو پولیو پروگرام کے بارے میں ڈاکٹر شہزاد بیگ نے تفصیلی بریفنگ دی۔ انہوں نے کہا کہ پولیو کیسز میں تاریخی کمی ہوئی ہے۔

ڈاکٹر شہزاد بیگ نے مزید کہا کہ گزشتہ سال ملک بھر سے پولیو کا صرف ایک کیس رپورٹ ہوا۔ ہماری جدوجہد پولیو کے مکمل خاتمے تک جاری رہے گی۔ کوآرڈینیٹر نے شرکاء کو آگاہ کرتے ہوئے بتایا کہ حکومت کی بھرپور حمایت، شراکت داروں کے تعاون، صوبائی حکومتوں اور سیکیورٹی و قانون نافذ کرنے والے اداروں کے تعاون سے کیسز میں تاریخی کمی ہوئی ہے۔ وفاقی وزیر صحت نے اس موقع پر کہا کہ ملک سے پولیو کے مکمل خاتمے میں کسی قسم کی کوتاہی کو برداشت نہیں کیا جائے گا۔

اجلاس میں بتایا گیا کہ شمالی وزیرستان سے 15 ماہ بعد پولیو کا کیس رپورٹ ہوا ہے۔ سال 2022ء میں دنیا بھر سے 3 پولیو کیسز رپورٹ ہوئے ہیں۔ سال 2020ء میں خیبرپختونخوا سے پولیو کے 22 کیسز رپورٹ ہوئے تھے جبکہ گزشتہ سال صوبہ خیبرپختونخوا سے پولیو کا کوئی بھی کیس رپورٹ نہیں ہوا تھا۔

وزیر صحت نے پولیو کے فرنٹ لائن ورکرز کے کردار کی تعریف کی۔ یہ ہمارے ہیرو ہیں وزیر صحت نے اس بات پر زور دیا کہ مہمات میں 100 فیصد کارکردگی کو یقینی بنایا جائے۔ انہوں نے اس موقع پر وفاقی حکومت کی جانب سے بھرپور تعاون فراہم کرنے کی یقین دہانی بھی کرائی۔

لاہور: ‘گورنرپنجاب کوئی درباری اوتھ کمشنرنہیں’:کسی دباوپرغیرآئینی کام نہیں‌ کرسکتا:اطلاعات کے مطابق گورنر پنجاب عمر سرفراز چیمہ کا کہنا ہے کہ آئین کسی کو اختیار نہیں دیتا کہ کوئی مجھ پر غیرآ ئینی کام کیلئےدباؤ ڈالے۔

تفصیلات کے مطابق سماجی رابطے کی ویب سائٹ ٹوئٹر پر جاری بیان میں گورنر پنجاب عمر سرفراز چیمہ نے دو ٹوک انداز میں کہا کہ آج گورنر پنجاب کوئی درباری اوتھ کمشنر نہیں ہے، اپنے حلف کی پاسداری اور ذمہ داری سے بخوبی واقف ہوں۔

انہوں نے کہا کہ آئین کسی کو اختیار نہیں دیتا کوئی مجھ پر غیر آئینی کام کیلئےدباؤ ڈالے۔

آج گورنر پنجاب کوئی درباری اوتھ کمشنر نہیں

اپنے حلف کی پاسداری اور ذمہ داری سے بخوبی واقف ہوں

آئین کی کوئی شک یا قانون کسی کو یہ اختیار نہیں دیتا کہ وہ ممجھے زبردستی غیر آئینی کام کرنے کے لئے دباؤ ڈالے

— Omar Sarfraz Cheema (@OmarCheemaPTI) April 22, 2022

واضح رہے کہ لاہورہائی کورٹ نے صدر مملکت کو نومنتخب وزیر اعلیٰ پنجاب حمزہ شہباز سے حلف لینے کیلئے دوسرے فرد کو مقرر کرنے کا حکم دیا گیا ہے۔

چیف جسٹس لاہور ہائی کورٹ نے چار صفحات پرمشتمل تحریری فیصلہ جاری کیا، تحریری فیصلے میں کہا گیا کہ آئین کے تحت گورنر نو منتخب وزیر اعلیٰ سے فوری حلف لینے کا پابند ہے، آئین کے آرٹیکل 130 کے تحت گورنر کو نومنتخب وزیر اعلیٰ کو بلانے کے علاوہ کوئی چارا نہیں ہے۔

تحریری فیصلے میں کہا گیا کہ امید ہے صدر مملکت گورنر کے خط کا انتظار نہیں کریں گے۔

زبانی نکاح،پھر حق زوجیت ادا،پھر شادی سے انکار،خاتون پولیس اہلکار بھی ہوئی زیادتی کا شکار

10 سالہ بچے کے ساتھ مسجد کے حجرے میں برہنہ حالت میں امام مسجد گرفتار

بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

ڈیجیٹل میڈیا ونگ ختم،ملک میں جاری انتشار اب بند ہونا چاہیے،وفاقی وزیر اطلاعات

پارلیمنٹ لاجز میں صفائی کرنے والے لڑکے کو مؤذن بنا دیا گیا تھا،شگفتہ جمانی