Author: +9251

الیکشن کمیشن کی عالمی مبصرین کو سہولیات کی فراہمی سے متعلق ایکشن کمیٹی قائم کردی گئی ہے اور سیکرٹری الیکشن کمیشن کے مطابق مبصرین کو پاکستان میں انتخابات کی اوپن ڈور پالیسی کے تحت خوش آمدید کہا جائے گا اور انتخابات میں شفافیت کے لیے جس حد تک ممکن ہوا ہے اور مبصرین کو انتخابی عمل کے جائزے تک رسائی دی جائے گی۔

جبکہ اسلام آباد میں عالمی مبصرین کو انتخابات کے دوران مدعو کرنے بارے الیکشن کمیشن میں اجلاس ہوا ہے اور جس میں وزارت داخلہ، وزارت خارجہ، ایف بی آر، الیکشن کمیشن کے افسران اور چاروں صوبائی الیکشن کمشنرز نے بھی بطور فوکل پرسنز عالمی مبصرین شرکت کی ہے۔
مزید یہ بھی پڑھیں؛
کیا آئین کی خلاف ورزی پر ججز کا احتساب ہوناچاہیے؟
الیکشن کی تاریخ کا اعلان بہت جلد ہوجائے گا. نگراں وزیراعظم انوار الحق کاکڑ
جعلی پاسپورٹس تحقیقات؛ حکام کی ملی بھگت کا انکشاف
تاہم سیکرٹری الیکشن کمیشن کے مطابق انتخابات میں شفافیت کے لیے جس حد تک ممکن ہوا، مبصرین کو انتخابی عمل کے جائزے تک رسائی دی جائے گی، وزارت خارجہ نے عالمی مبصرین کو انتخابات میں شرکت کے لیے دعوت نامے بھجوائے دیے ہیں، الیکشن کمیشن دنیا بھرمیں فارن مشنز کے ذریعے یہ کام ایک ہفتے کے اندر مکمل کرے اور عالمی مبصرین کو ویزوں کی فراہمی کا عمل بھی جلد مکمل کی جائے، ایف بی آرعالمی مبصرین کے تمام الات اور سامان کو کسٹم ڈیوٹی سے مستثنیٰ قراردے۔ عالمی مبصرین کو سہولیات کی فراہمی سے متعلق الیکشن کمیشن نے ایکشن کمیٹی قائم کردی۔ ایکشن کمیٹی ہر 15 روز بعد ملے گی اورانتظامات کا جائزہ لے گی۔

پیپلز پارٹی کے رہنما خورشید شاہ نے کہا ہے کہ ن لیگ والے بھی سمجھ رہے ہیں کہ ہم جو کچھ کر رہے ہیں غلط کر رہے ہیں اور نواز شریف کی واپسی پر اتحادیوں کو اعتماد میں لینا چاہیے تھا لیکن نواز شریف کی واپسی کیلئے جلسے کیے گئے، ن لیگ نے دیگر جماعتوں کو دعوت نہیں دی، کیونکہ وہ خود شرمندگی محسوس کر رہے تھے کہ کسی نے پوچھ لیا تو کیا جواب دیں گے کہ کیوں واپس آئے، مناکر لائے گئے منواکر آگئے۔

ان کا کہنا تھا کہ میں بڑے وثوق سے کہتا ہوں کہ عوام سمجھتے ہیں عمران خان اور نواز شریف میں زیرو پرسنٹ فرق نہیں رہا کیونکہ شاہ محمود قریشی نے کہا کہ نوازشریف وہی پرانی غلطیاں دہرا رہے ہیں، مجھے ذاتی طور پر نواز شریف سے اس طرح کی امید نہ تھی، ایک اور ہائبرڈ رجیم کی تیاری کی جارہی ہے جبکہ ان کا کہنا تھا کہ انتخابات کے التوا کا الزام اس پر آئے گا جو اس سے فائدہ اٹھائے گا، الیکشن کو ڈی ریل کرانے کا ایک ہی راستہ ہے مارشل لاء لگا دیا جائے.
مزید یہ بھی پڑھیں؛
الیکشن کی تاریخ کا اعلان بہت جلد ہوجائے گا. نگراں وزیراعظم انوار الحق کاکڑ
جعلی پاسپورٹس تحقیقات؛ حکام کی ملی بھگت کا انکشاف
راولپنڈی پشاور کےدرمیان ریلوے کے کرائے روڈ ٹرانسپورٹ سے بھی زیادہ
تاہم نجی ٹی وی کے مطابق ایک سوال کے جواب میں ان کا کہنا تھا کہ انتخابات میں پیپلز پارٹی پر اگر لوگوں نے اعتماد نہیں کیا، مطلوبہ سیٹیں نہ لے سکے تو ہم اپوزیشن میں بیٹھنا پسند کریں گے، اپوزیشن کا ایک بہت اچھا کردار ادا کریں گے، تو کیا آپ ن لیگ کے حکومت نہیں بنائیں گے؟ اس سوال کے جواب میں انہوں نے جواب دیا بالکل۔ ہمارے اور ن لیگ کیلئے یہی مناسب ہے کہ پیپلز پارٹی ان کی اپوزیشن جماعت ہو، جو ان کو سکھائے بھی دھکا بھی دے اور آگے چلائے بھی۔

اسپیکر قومی اسمبلی راجہ پرویز اشرف نے کہا کہ پولیو ایک موذی مرض ہے جو بچوں کی معذوری کا سبب بنتا ہے، پولیو جیسے موذی مرض سے بچاؤ کیلئے ہمیں اپنے بچوں کو پانچ سال تک پولیو ویکسینیشن کا کورس مکمل کرنا چاہیے۔انہوں نے کہا کہ بچے ہمارا مستقبل ہیں اور انکو پولیو وائرس سے بچانا ہم سب کی مشترکہ ذمہ داری ہے۔ اسپیکر نے مزید کہا کہ دنیا میں اس وقت صرف چار ممالک میں پولیو وائرس باقی رہ گیا ہے، جس میں پاکستان بھی شامل ہے۔ اسپیکر نے کہا کہ معاشرے کے تمام طبقات کو مل کر اس عزم کا اعادہ کرنا ہوگا کہ پاکستان کو پولیو فری بنانے کیلئے تمام وسائل کو بروۓ کار لایا جائے گا اور ملک کا ہر طبقہ اس مشن میں اپنا بھرپور کردار ادا کرے گا۔ ان خیالات کا اظہار اسپیکر قومی اسمبلی نے انسداد پولیو کے عالمی دن کے موقع پر کیا جو ہر سال 24 اکتوبر کو منایا جاتا ہے۔

جبکہ اسپیکر قومی اسمبلی نے ہر گھر تک پولیو ویکسین پہنچانے والے اور عوام الناس میں ویکسین کو لے کر شک و شبہات کو دور کرنے والے فرنٹ لائن ہیلتھ ورکرز کو خراج تحسین پیش کیا۔ اسپیکر نے پولیو ویکسینیشن کو بچوں کے لئےانتہائی اہم قرار دیتے ہوئے کہا کہ "یہ بچوں کو عمر بھر کی معذوری سے محفوظ بناتی ہے”۔ انہوں نے اس موقع پر پولیو ویکسینیشن مہم کے دوران شہید ہونے والے ہیلتھ کیئر ورکرز کو خراج عقیدت پیش کیا۔ اسپیکر قومی اسمبلی نے کہا کہ ہمارے ہیلتھ کیئر ورکرز انسانی تاریخ کی دوسری بڑی بیماری کے خاتمے کیلئے کام کر رہیں ہیں۔

علاوہ ازیں اسپیکر نے انسداد پولیو کے حوالے سے آگاہی مہم میں میڈیا کے کردار کو قابل ستائش قرار دیا۔ انہوں نے اس موقع پر پوری قوم سے پرزور اپیل کی کہ قوم کے نونہالوں کو پولیو جیسے موذی مرض سے محفوظ رکھنے اور انہیں مستقل معذوری سے بچانے کیلئے پانچ سال تک کی عمر کے تمام بچوں کو انسداد پولیو ویکسین کے قطروں کو یقینی بنائیں ۔
مزید یہ بھی پڑھیں؛
فری لانسرز بینک اکاؤنٹس بارے نیا فریم ورک تشکیل
الیکشن کی تاریخ کا اعلان بہت جلد ہوجائے گا. نگراں وزیراعظم انوار الحق کاکڑ
جعلی پاسپورٹس تحقیقات؛ حکام کی ملی بھگت کا انکشاف
راولپنڈی پشاور کےدرمیان ریلوے کے کرائے روڈ ٹرانسپورٹ سے بھی زیادہ
واضح رہے کہ ے کہ پاکستان میں حالیہ سالوں میں پولیو وائرس پر ہونے والی تحقیق کے نتیجے میں جو شواہد سامنے آے ہیں انکے مطابق اس وائرس کا تعلق افغانستان سے پایا گیا ہے کیونکہ اس خطے میں جنگوں کے نتیجے میں لاکھوں لوگوں نے نقل مکانی کی ہے اور بڑی تعداد میں افغان باشندوں نے پاکستان میں قیام کیا ہے جن میں سے زیادہ تر غیر قانونی طور پر ملک میں داخل ہوئے اور ان کے ساتھ پولیو وائرس بھی پاکستان میں منتقل ہوا ہے پاکستان کو اس کی بہت بھاری قیمت ادا کرنی پڑی ہے ۔ اس لیے دنیا کو پاکستان کی قربانیوں کو مدنظر رکھتے ہوئے پاکستان کی بھرپور مدد کرنی چاہیے کہ اس محلق وائرس سے چھٹکارا حاصل کرکے پاکستان سمیت دنیا بھر سے پولیو وائرس کا مکمل خاتمہ کیا جا سکے ۔