Baaghi TV

Author: +9251

  • بھارت کوجیت لیے 274 رنز کا ہدف

    بھارت کوجیت لیے 274 رنز کا ہدف

    ون ڈے ورلڈکپ میں بھارت نے ویرات کوہلی کی شاندار بیٹنگ کی بدولت نیوزی لینڈ کو 4 وکٹوں سے شکست دے کر ایونٹ میں مسلسل پانچویں کامیابی حاصل کرلی ہے جبکہ بھارت نے نیوزی لینڈ کا 274 رنز کا ہدف48اوورز میں 6 وکٹوں کے نقصان پر پورا کرلیا اور ویرات کوہلی 95 رنز بناکر نمایاں رہے۔

    تاہم دھرم شالہ میں ہماچل پردیش کرکٹ اسٹیڈیم میں کھیلے گئے میچ میں بھارت نے ٹاس جیت کر نیوزی لینڈ کو بیٹنگ کی دعوت دی تھی اور نیوزی لینڈ کی پوری ٹیم مقررہ 50 اوورز میں 273 رنز بناکر آؤٹ ہوگئی، ڈیرل مچل 130 رنز بناکر نمایاں رہے۔

    تاہم پوائنٹس ٹیبل کی بات کریں تو اس وقت دونوں ٹیمیں ٹاپ ٹو پوزیشنز پر ہیں، کیویز 1 جب کہ بھارت کی دوسری پوزیشن ہے، دونوں ٹیمیں اب تک کوئی میچ نہیں ہاریں، شائقین پر امید ہیں کہ یہ میچ یکطرفہ ہونے کے بجائے کانٹے کا ہوگا اور ایک اچھا مقابلہ دیکھنے کو ملے گا۔ اور بھارت کے خلاف نیوزی لینڈ کی اننگز کا آغاز اچھا نہ تھا، 9 کے مجموعی اسکور پر ڈیون کونوے صفر پر محمد سراج کی گیند پر آؤٹ ہوئے۔ بعد ازاں ٹیم کا مجموعی اسکور 19 رنز پر پہنچا تو محمد شامی نے وِل ینگ کو 17 رنز پر پویلین بھیجا۔

    2 وکٹیں گرنے کے بعد ڈیرل مچل اور نوجوان بیٹر رچن رویندرا کے درمیان شاندار 159 رنز کی شراکت داری قائم ہوئی جس نے ٹیم کا اسکور 178 رنز تک پہنچایا، دونوں بیٹرز نے گراؤنڈ کے چاروں اطراف دلکش شاٹس لگائے، لیکن پھر رچن 87 گیندوں پر 75 رنز بناکر آؤٹ ہوگئے، اس کے بعد ٹام لیتھم 5، گلین فلپس 23، مارک چیپمین 6 اور سینٹنر ایک رن بناکر پویلین لوٹے۔ جہاں ایک جانب سے وکٹیں گرر ہی تھیں وہیں دوسری طرف ڈیرل مچل نے شاندار بیٹنگ کرتے ہوئے سنچری اسکور کی، وہ بھی 127 گیندوں پر 130 رنز بناکر آؤٹ ہوگئے، ان کی اننگز میں 9 چوکے اور 5 چھکے شامل تھے۔
    مزید یہ بھی پڑھیں؛
    نواز شریف کو ہی نہیں بلکہ عمران خان کو بھی سیکورٹی دی گئی . محسن نقوی
    پولیس نے پی ٹی آئی کارکنوں کو حراست میں لے لیا
    عون چودھری کی نواز شریف کے استقبال کرنے پر وضاحت
    ایوارڈ شوز میں‌ریما ریشم نرگس سے گانوں پر پرفارم کروانا چاہیے یاسر حسین
    اس کے علاوہ میٹ ہینری صفر، فرگوسن ایک رن بناسکے، یوں کیویز کی پوری ٹیم 50 اوورز میں 273 رنز بناکر آؤٹ ہوگئی۔ بھارت کی جانب سے محمد شامی نے شاندار بولنگ کرتے ہوئے 5 وکٹیں حاصل کیں، کلدیپ یادیو نے 2 کھلاڑیوں کو آؤٹ کیا جبکہ محمد سراج اور بمراہ نے ایک، ایک وکٹ لی۔

  • دلیپ تاہل کو دو ماہ کی قید ہو گئی

    دلیپ تاہل کو دو ماہ کی قید ہو گئی

    بالی وڈ‌ اداکار دلیپ تاہل کو دو ماہ کی قید ہو گئی ہے. تازہ ترین رپورٹس کے مطابق اداکار کو مجسٹریٹ کی عدالت نے 2 ماہ کی قید کی سزا سنادی ہے. دلیپ تاہل پانچ سال پہلے شراب کے نشے میں چور ہو کر گاڑی چلا رہے تھے ، اسی نشے میں‌انہوں نے ایک رکشہ کو ٹکر مار دی ، رکشے میں‌ایک خاتون اور ایک لڑکا موجود تھے جو کہ بری طرح زخمی ہوئے تھے ، پولیس نے اداکار کو گرفتار کر لیا تھا ، لیکن انکو بعد ازاں ضمانت پر رہا کر دیا گیا تھا. تاہم مقدمہ چل رہا تھا.

    اور اب اداکار کو دو ماہ کی قید سنائی گئی ہے.” جس وقت نشے میں دھت دلیپ تاہل نے رکشے کو اپنی گاڑی سے ٹکر ماری تھی اس کے بعد ڈاکٹروں نے دلیپ تاہل کا چیک اپ کیا ”اور عدالت میں جا کر بیان دیا کہ دلیپ تاہل کی گاڑی سے شراب کی بدبو آرہی تھی اور اداکار بھی نشے کی حالت تھے۔یاد رہے کہ دلیپ تاہل بالی وڈ کے سینئر اداکار ہیں انہوں نے منفی اور مثبت ہر طرح‌کے کردار کرکے شائقین کے دل جیتے.

    آج فلسطین تو کل ہم بھی ظلم کا شکار ہو سکتے ہیں زارا نور عباس

    میں‌نے کراچی میں‌اپنا ریسٹورانٹ شروع کیا ہے فاطمہ آفندی

    اداکارائوں کو امیر مرد سے محبت ہوتی ہے سلیم معراج

  • نواز شریف کو ہی نہیں بلکہ عمران خان کو بھی سیکورٹی دی گئی . محسن نقوی

    نواز شریف کو ہی نہیں بلکہ عمران خان کو بھی سیکورٹی دی گئی . محسن نقوی

    مسلم لیگ (نواز) کے قائد اور سابق وزیر اعظم نواز شریف گزشتہ روز بیرون ملک سے وطن واپسی کے بعد سخت سکیورٹی میں پہلے مینار پاکستان پہنچ تھے اور پھر اس کے بعد جاتی امراء گئ تھے جبکہ اس حوالے سے نگراں وزیر اعلیٰ پنجاب محسن نقوی نے وضاحت پیش کرتے ہوئے کہا ہے کہ صرف نوازشریف کو ہی سکیورٹی نہیں دی جارہی جبکہ اس سے قبل چیئرمین پی ٹی آئی کو بھی مکمل سکیورٹی دی گئی تھی اور جب ضرور پڑتی انہیں بھی دی جاتی ہے۔

    خیال رہے کہ پنجاب میں ترقیاتی کاموں پر بات کرتے ہوئے انہوں نے کہا کہ صوبے بھر میں اسپتالوں کی اپ گریڈیشن کا کام جاری ہے اور چلڈرن اسپتال ملتان کا کام بھی جلد مکمل ہو جائے گا جبکہ ان کا مزید کہنا تھا کہ ترقیاتی منصوبوں پر تیزی سے کام جاری ہے، اب لبرٹی سے 15منٹ میں ڈیفنس پہنچا جا سکتا ہے۔
    مزید یہ بھی پڑھیں؛
    پولیس نے پی ٹی آئی کارکنوں کو حراست میں لے لیا
    عون چودھری کی نواز شریف کے استقبال کرنے پر وضاحت
    ایوارڈ شوز میں‌ریما ریشم نرگس سے گانوں پر پرفارم کروانا چاہیے یاسر حسین
    واضح رہے کہ محسن نقوی نے کہا کہ عوام کی فلاح و بہبود ہماری ترجیح ہے، 750 تھانوں کی بہتری کیلئے بھی کام جاری ہے۔

  • ریچا چڈھا کا نام علی ظفر کے ساتھ کیسے جڑا ؟‌

    ریچا چڈھا کا نام علی ظفر کے ساتھ کیسے جڑا ؟‌

    بالی وڈ‌اداکارہ ریچا چڈھا نے اپنے حالیہ انٹرویو میں‌کہا ہےکہ جب میں‌نے شادی کا فیصلہ کیا تو میرے حوالے سے ساری جھوٹی خبریں‌پھیلائی گئیں. پہلی خبر تو یہ پھیلا دی گئی میں کہ پاکستانی گلوکار علی ظفر کے ساتھ شادی کرنے جا رہی ہوں. جبکہ ایسا نہیں تھا میں تو اپنے کوسٹار علی فضل کے ساتھ شادی کررہی تھی . میری والدہ نے بھی مجھے کہا کہ ریچا میں‌کیا سن رہی ہوں کہ تم علی ظفر کے ساتھ شادی کرنے جا رہی ہو؟‌ وہ تو دو بچوں‌کا باپ ہے ، بہت مشکل ہو جائیگی تمہارے لئے اس شادی کے بعد

    تو میں‌نے اپنی والدہ سے کہا کہ” میں علی ظفر کے ساتھ نہیں علی فضل کے ساتھ شادی کررہی ہوں‌، ”یہ وہی علی فضل ہے جس کے ساتھ میں‌نے فلم فقرے میں‌کام کیا تھا . ریچا چڈھا نے کہاکہ میڈیا نے علی ظفر اور علی فضل کی کنفوژن پھیلا دی جس پر میری فیملی بھی پریشان ہو گئی. انہوں نے کہاکہ جب میں‌نے اداکاری شروع کی تو رشتے دار آنٹیاں ہر وقت آکرمجھ سے پوچھتیں تھیں کہ میں شادی کب کر رہی ہوں.

    آج فلسطین تو کل ہم بھی ظلم کا شکار ہو سکتے ہیں زارا نور عباس

    میں‌نے کراچی میں‌اپنا ریسٹورانٹ شروع کیا ہے فاطمہ آفندی

    اداکارائوں کو امیر مرد سے محبت ہوتی ہے سلیم معراج

  • پولیس نے پی ٹی آئی کارکنوں کو حراست میں لے لیا

    پولیس نے پی ٹی آئی کارکنوں کو حراست میں لے لیا

    لاہور کے علاقے کاہنہ میں پولیس نے پاکستان تحریک انصاف کے کنونشن پر دھاوا بول دیا اور متعدد کارکنوں کو حراست میں لے لیا ہے جبکہ پی ٹی آئی ذرائع نے دعویٰ کیا ہے کہ پولیس نے کریک ڈاؤن کرکے کنونشن کیلئے جمع ہونے والے پی ٹی آئی کے 40 سے 50 افراد کو حراست میں لے لیا۔


    پولیس نے کنونشن منعقد کرنے والے رہنما کے فیروزپور روڈ پر نجی پاؤسنگ سوسائٹی میں واقع دفتر پر بھی چھاپہ مارا ہے جبکہ واضح رہے کہ ضلعی انتظامیہ نے پاکستان تحریک انصاف کو حلقہ این اے 123 کاہنہ میں 22 اکتوبر کو جلسے کی اجازت دے چکی ہے۔

    مزید یہ بھی پڑھیں؛
    عون چودھری کی نواز شریف کے استقبال کرنے پر وضاحت
    ایوارڈ شوز میں‌ریما ریشم نرگس سے گانوں پر پرفارم کروانا چاہیے یاسر حسین

  • اشنا شاہ بنی فلسطینیوں کے حق میں‌ریلی کا حصہ

    اشنا شاہ بنی فلسطینیوں کے حق میں‌ریلی کا حصہ

    کراچی میں‌فلسطینیوں کے حق میں سول سوسائٹی نے ایک ریلی نکالی جس میں‌ اداکارہ اشنا شاہ بھی شریک ہوئیں. اس ریلی میں موجود شرکاء نے جہاں فلسطین کے حق میں‌پلے کارڈز اٹھا رکھے تھے وہیں اشنا شاہ نے بھی فلسطین کے حق میں پلے کارڈ اٹھا رکھے تھے، انہوں نے اس موقع پر کہا کہ میں یہاں پر اس لیے ہوں کیونکہ میں سمجھتی ہوں کہ ہر پاکستانی کو اس ریلی کا حصہ بننا چاہیے، 1948 فلسطین پر ظلم ہورہا ہے، یہ جنگ نہیں بلکہ نسل کشی ہے، یہ غیر قانونی ہے.اسرائیل، ہسپتالوں پر بمباری کر رہا ہے اور دنیا صرف دیکھ رہی ہے، دنیا کے سپر پاور ممالک کے ہاتھوں پر معصوم فلسطینیوں کا خون ہے، مغربی میڈیا فلسطین پر غلط رپورٹنگ کر رہا ہے۔

    انہوں نے کہا کہ ”جب تک فلسطین کو انصاف نہیں ملتا وہ آزاد نہیں ہوجاتا ہم اس وقت تک چین سے نہیں بیٹھیں گے، ”ہم ان کے حق میں‌ریلیاں‌بھی نکالیں گے اور اپنی آواز دنیا کے ہر فورم پر بلند کریں گے. اشنا شاہ نے کہا کہ ہم سب کا فرض‌ہے کہ ہم اپنے مشکل میں پھنسے بہن بھائیوں کے حق میں آواز اٹھائیں اور دنیا پر پریشر ڈالیں کہ وہ مسئلہ فلسطین حل کروائے .

    آج فلسطین تو کل ہم بھی ظلم کا شکار ہو سکتے ہیں زارا نور عباس

    میں‌نے کراچی میں‌اپنا ریسٹورانٹ شروع کیا ہے فاطمہ آفندی

    اداکارائوں کو امیر مرد سے محبت ہوتی ہے سلیم معراج

  • عون چودھری کی نواز شریف کے استقبال کرنے پر وضاحت

    عون چودھری کی نواز شریف کے استقبال کرنے پر وضاحت

    عون چوہدری نے نجی ٹی وی سے گفتگو کرتے ہوئے کہا ہے کہ سابق وزیر اعظم میاں نواز شریف سے ذاتی حیثیت میں ملنے گیا تھا کیونکہ ان کے ساتھ ایک زاتی تعلق ہے جبکہ انہوں نے کہا کہ میں شہباز شریف کابینہ کا ڈیڑھ سال حصہ رہا ہوں، سیاست سے ہٹ کر انسانی رشتے بھی ہوتے ہیں لہذا اس بارے میں پارٹی لیڈر شپ کو اپنی وضاحت پیش کردی ہے۔

    جبکہ اس سے قبل سوشل میڈیا پر کہا جا رہا تھا کہ نواز شریف نے جہانگیر ترین کا ہیلی کاپٹر استعمال کیا، اسلئے عون چودھری ایئر پورٹ پر تھے، عون چودھری نہ صرف نواز شریف سے ملے بلکہ انتہائی ادب و احترام کے ساتھ ہیلی کاپٹر پر بٹھایا، ویڈیو وائرل ہوئی تو سوشل میڈیا پر شور برپا ہوا،تا ہم استحکام پاکستان نےعون چوہدری کے نواز شریف سے ائرپورٹ پر ملنے پر پارٹی موقف دیا تھا،استحکام پاکستان پارٹی نے عون چوہدری سے تحریری وضاحت طلب کی تھی.
    مزید یہ بھی پڑھیں؛
    ایوارڈ شوز میں‌ریما ریشم نرگس سے گانوں پر پرفارم کروانا چاہیے یاسر حسین

    ترجمان کی جانب سے کہا گیا تھا کہ اگر عون چوہدری ذاتی حیثیت میں گئے ہیں تو اس کی فوری وضاحت کریں،پارٹی نے عون چوہدری کو شوکاز نوٹس جاری کرنے کا فیصلہ کیا گیا تھا،عون چوہدری کی نواز شریف سے ملاقات کا پارٹی سے کوئی تعلق نہیں ہے۔ اگر عون چوہدری ذاتی حیثیت میں گئے ہیں تو اس کی فوری وضاحت کریں.

  • ایوارڈ شوز میں‌ریما ریشم نرگس سے گانوں پر پرفارم کروانا چاہیے یاسر حسین

    ایوارڈ شوز میں‌ریما ریشم نرگس سے گانوں پر پرفارم کروانا چاہیے یاسر حسین

    معروف اداکار و میزبان یاسر حسین نے حال ہی میں ایک پوڈ کاسٹ میں شرکت کی ہے جس میں‌ انہوں نے آئٹم سانگ کے حق میں‌بات کی ہے انہوں نے کہا ہے کہ آئٹم سانگ آج سے نہیں ہیں بلکہ جب سے ہماری فلمیں بن رہی ہیں تب سے ہیں، ہماری پرانی فلموں میں‌جن میں‌نور جہاں کے گانے ہوتےتھے ان میں آئٹم سانگ ہوتے تھے. انہوں نے کہا کہ میں‌تو بلکہ یہاں تک کہوں گا کہ ایوارڈز شوز میں گانوں‌پر پرفارمنس ریشم ، ریما اور نرگس وغیرہ سے کروانی چاہیں ، انہوں نے کہا کہ میں کسی بھی طور پر آئٹم سانگ کے خلاف نہیں‌ہوں،

    انہوں نے ایک سوال کے جواب میں‌کہا کہ” میاں بیوی کے عمر میں‌تھوڑا بہت فرق ہونا چاہیے،” یہ بہت ضروری ہوتا ہے اور میری اور قراء کی عمر میں‌فرق ضرور ہے لیکن وہ اپنی عمر سے زیادہ میچور ہیں. انہوں نے کہاکہ اقراء اچھی اداکارہ بھی ہیں اور ایک اچھی ماں اور بیوی بھی ہیں، وہ مجھ سے مشورہ مانگتی ہیں تو میں ان کو بہترین اور اپنے تجربے کی بنیاد پر مشورہ دیتا ہوں . انہوں نے مزید یہ بھی کہا کہ میرے حوالے سے بہت غلط خبریں سوشل میڈیا پر پھیلائی جاتی ہیں ، مجھے ان سے فرق نہیں پڑتا. کیونکہ مجھے اور میرے قریبی دوستوں کو معولم ہے کہ میں کیسا ہوں.

    آج فلسطین تو کل ہم بھی ظلم کا شکار ہو سکتے ہیں زارا نور عباس

    میں‌نے کراچی میں‌اپنا ریسٹورانٹ شروع کیا ہے فاطمہ آفندی

    اداکارائوں کو امیر مرد سے محبت ہوتی ہے سلیم معراج

  • جواد احمد برس پڑے نواز شریف اور عمران خان پر

    جواد احمد برس پڑے نواز شریف اور عمران خان پر

    مسلم لیگ ن کے سربراہ نواز شریف گزشتہ روز وطن واپس پہنچ چکے ہیں انہوں نے آتے ہی مینار پاکستان پر ایک بڑے اجتماع کے ساتھ جلسہ کیا. برابری پارٹی کے چئیرمین جواد احمد برس پڑے ہیں نواز شریف پر ، انہوں نے ایک ٹویٹ میں‌لکھا ہے کہ ”نوازشریف اورعمران خان دونوں نیولبرل سرمایہ داری نظام کےمحافظ اورامیراشرافیہ کےلالچی ایجنٹ ہیں جوشہرت،دولت اورعہدوں کےلۓعوام سےہر طرح کےصاف جھوٹ نہایت بےشرمی کےساتھ بولتےہیں۔PMLN اور PTI دونوں بوٹ پالش کرکےاقتدارمیں آتےہیں۔بعدمیں کبھی ایک احسان فراموش جیل میں ہوتاہےاورکبھی دوسرا۔”اپنے ایک دوسرے ٹویٹ میں جواد احمد برس پڑے عوام پر انہوں نے لکھا کہ ” پہلے یہ لوگ امیر حکمران اشرافیہ کے ایک نمائندے عمران خان کے پیچھے لگے ہوۓ تھے اور اب یہ اسی امیر اشرافیہ کے دوسرے نمائندے نواز شریف کے پیچھے لگ گئے ہیں۔ یہ قوم ابھی تک نہیں سدھری۔ جب تک اس کے اپنے کرتوت ٹھیک نہیں ہوں گے اس کی قسمت میں مزید بربادی لکھی ہے۔”

    اپنے ایک اور ٹویٹ میں‌انہوں نے لکھا کہ ”عمران خان اور نواز شریف کی حرص کا یہ عالم تھا کہ ان دونوں ارب/کھرب پتیوں نے وزیراعظم بننے کے بعد پاکستان کا توشہ خانہ بھی نہ چھوڑا اور اس میں موجود قیمتی تحفے نہایت سستے داموں لے لۓ۔ یہ دونوں لالچی لوگ اس ملک کے عام لوگوں کے لۓکبھی کچھ نہیں کریں گے جن کی بھاری اکثریت اس وقت اچھے کھانے، کپڑے، علاج، تعلیم اور اپنے گھر تک سےمحروم ہے۔” یوں‌جواد احمد نے نوازشریف اور عمران خان کو ایک ہی صف میں‌لا کھڑا کیا .

     

    آج فلسطین تو کل ہم بھی ظلم کا شکار ہو سکتے ہیں زارا نور عباس

    میں‌نے کراچی میں‌اپنا ریسٹورانٹ شروع کیا ہے فاطمہ آفندی

    اداکارائوں کو امیر مرد سے محبت ہوتی ہے سلیم معراج

  • سوشل میڈیا انفلوئینسر، ماڈل و اداکارہ والیہ نجیب کے ہاں بیٹے کی پیدائش

    سوشل میڈیا انفلوئینسر، ماڈل و اداکارہ والیہ نجیب کے ہاں بیٹے کی پیدائش

    پاکستان کی معروف سوشل میڈیا انفلوئینسر، ماڈل و اداکارہ والیہ نجیب کے ہاں بیٹے کی پیدائش ہوئی ہے، اس خوشخبری کو انہوں نے اپنے مداحوں کے ساتھ اپنے سوشل میڈیا اکائونٹس پر شئیر کیا . انہوں نے اپنے بیٹے کی تصویر بھی جاری کی . والیہ نے اپنے بیٹے کا نام زیدان فیضان ملک رکھا ہے۔ والیہ نجیب بے حد خوشی کا اظہار کرتے ہوئے اپنی سوشل میڈیا پوسٹ‌میں‌لکھا کہ ” ہم والدین بن گئے” اور اب احساس ہورہا ہے کہ اولاد کی محبت کتنی خوبصورت ہوتی ہے۔انہوں نے اس نعمت پر اظہارِ تشکر کرتے ہوئے کہا کہ ‘الحمدللہ! میں اس نعمت اور ہر چیز کے لیے اپنے رب کی ہزاروں بار شکرگزار ہوں۔والیہ نجیب نے اپنے مداحوں سے مخاطب ہوتے ہوئے کہا کہ ‘ہمیں اپنی دعائوں میں یاد رکھیں۔

    ”جیسے ہی والیہ نے یہ خبر سوشل میڈیا اکاوئںٹس پر شئیر کی تو ان کو مبارکباد ملنے کا سلسلہ شروع ہو گیا ان کے مداحوں سمیت ساتھیوں نے بھی ان کو مبارکباد دی ”. واضح رہے کہ والیہ نجیب نے معروف اداکارہ فیروز خان کے ہمراہ شارٹ فلم ’روڈ ٹرپ‘ میں مرکزی کردار ادا کیا تھا، والیہ نجیب اور ان کے شوہر فیضان سمیر سوشل میڈیا پر اپنی کامیڈی ویڈیوز کی وجہ سے کافی مقبول ہیں۔والیہ خود بھی ایک بڑی فین فالونگ رکھتی ہیں.

    آج فلسطین تو کل ہم بھی ظلم کا شکار ہو سکتے ہیں زارا نور عباس

    میں‌نے کراچی میں‌اپنا ریسٹورانٹ شروع کیا ہے فاطمہ آفندی

    اداکارائوں کو امیر مرد سے محبت ہوتی ہے سلیم معراج