Baaghi TV

Author: +9251

  • میں جب درزی تھا تب بھی خوش تھا آج آرٹسٹ ہوں تو آج بھی خوش ہوں ظفری خان

    میں جب درزی تھا تب بھی خوش تھا آج آرٹسٹ ہوں تو آج بھی خوش ہوں ظفری خان

    سٹیج کے معروف اداکار ظفری خان نے اپنے حالیہ انٹرویو میں انکشاف کیا ہےکہ اداکاری میں آنے سے قبل میں درزی تھا اور کپڑے سلائی کیا کرتا تھا، میں تب بھی ایک خوشگوار زندگی گزار رہا تھا، اور اپنی زندگی سے بے حد مطمئن تھا. میں آج اگر دیکھوں کہ آج میں اداکار ہوں تو آج بھی بہت خوش ہوں، میں نے زندگی میں ہر حال میں خوش رہنا ہی سیکھا ہے. ظفری خان نے کہا کہ انسان کو ہر حال میں خدا کا شکر ادا کرنا چاہیے ، کیونکہ انسان کو اللہ آزماتا بھی ہے. اس آزمائش میں پورا اترنا ہی انسان کی کامیابی ہوتی ہے. انہوں نے کہا کہ اللہ تعالی نے طے کر رکھا ہوتا ہےکہ کس انسان نے کتنا اور کیسے سفر طے کرنا ہے.

    ظفری خان نے یہ بھی کہا کہ میں صاف ستھری کامیڈی کو ترجیح دیتا ہوں، میں نے آج تک سٹیج پر ایسا جملہ نہیں بولا جس کو سن کر فیملیز شرما جائیں. انہوں نے کہا کہ میری کوشش ہوتی ہے کہ ایسا کام کروں کہ جس کو دیکھ کر شائقین کہیں کہ مزہ آگیا ، وہ یہ نہ کہیں کہ وقت اور پیسہ دونوں کا ضیاع کیا ہے. یاد رہے کہ ظفری خان سٹیج کے ایک بڑے فنکار ہیں اور اپنی ایک بڑی فین فالونگ رکھتے ہیں.

    کسی کو پانے کا ٹھان لوں تو پا لیتا ہوں حسن احمد

    شان کے ساتھ کبھی کام نہیں کروں گا معمر رانا

    شاہد آفریدی کو ولن کا کردار دوں گا خلیل الرحمان قمر

  • راج کندرا اپنی جیل میں گزری زندگی پر فلم بنائیں گے

    راج کندرا اپنی جیل میں گزری زندگی پر فلم بنائیں گے

    بالی وڈ اداکارہ شلپا شیٹی جن کا اکشے کمار کے ساتھ افئیر رہا لیکن ان دونوں کی شادی نہ ہو سکی ، اور اکشے کمار نے ٹونکل کھنہ کے ساتھ کی جبکہ شلپا شیٹی نے بزنس مین راج کندرا کے ساتھ شادی کی لیکن راج کندرا دو سال قبل فحش فلموں کے کیس میں گرفتار ہو گئے لیکن بعد ازاں انہیں ضمانت پر رہائی بھی مل گئی. راج کندرا کے حوالے سے تازہ ترین خبر یہ ہے کہ وہ اپنی زندگی پر فلم بنائیں گے اور اس میں خود ہیرو کے طور پر کام کریں گے. راج کندرا کا کہنا ہے کہ میں اپنی گرفتاری، رہائی اور جیل میں گزارے دنوں سے متعلق کہانی میں بیان کروں گا۔

    ”دیکھنے والوں کو پتہ چلے گا کہ میں کن مشکلات سے گزرا ”اور کس طرح سے مجھے جھوٹے کیس میں پھنسایا گیا. یاد رہے کہ راج کندرا اداکارہ شلپا شیٹی کے شوہر ہونے کے ساتھ ساتھ بھارت کے معروف بزنس مین بھی ہیں ، جنہیں فحش فلمیں بنانے اور ان کی تشہیر کے الزام میں گرفتار کیا گیا تھا۔ 63 روز جیل میں قید رہنے کے بعد انہیں ضمانت پر رہائی ملی۔ راج کندرا بہت جلد اس فلم کے بنائے جانے اور شوٹنگ کا اعلان کریں گے اور دیگر کاسٹ میں کون ہو گا اس حوالے سے بھی میڈیا کے ساتھ تفصیل شئیر کریں گے.

    کسی کو پانے کا ٹھان لوں تو پا لیتا ہوں حسن احمد

    شان کے ساتھ کبھی کام نہیں کروں گا معمر رانا

    شاہد آفریدی کو ولن کا کردار دوں گا خلیل الرحمان قمر

  • سارا خان اور عمران اشرف ایک بار پھر ساتھ

    سارا خان اور عمران اشرف ایک بار پھر ساتھ

    ڈرامہ سیریل رقص بسمل جس میں مرکزی کردار عمران اشرف اور سارا خان نے ادا کئے تھے ، اس ڈرامے اور ان دونوں کی جوڑی کو بے حد سراہا گیا. شائقین عمران اشرف اور سارا خان کو ایک ساتھ دیکھنے کےلئے بے تاب رہتے ہیں، ان کے لئے خوشخبری ہے کہ وہ اب اپنے پسندیدہ سٹارز کو ایک بار پھر ایک ساتھ دیکھ سکیں گے. مومنہ درید کی پروڈکشن نے اعلان کر دیا ہے کہ وہ عمران اشرف اور سارا خان کے ساتھ ڈرامہ بنانے جا رہے ہیں ، اس ڈرامے کی دیگر کاسٹ میں کون ہو گا، اور ڈرامے کا نام کیا ہوگا کہانی کیسی ہو گی اسکے بارے میں ابھی کچھ بھی نہیں سامنے لایا گیا.

    ”عمران اشرف نے اس حوالے سے ایک سوشل میڈیا پوسٹ شئیر کی ہے جس سے انہوں نے بھی اپنے مداحوں کو آگاہی دی ہے کہ میں اور سارا خان ایک بار پھر رقص بسمل کے بعد ایک ساتھ بہت جلد آرہے ہیں”. یاد رہےکہ رقص بسمل میں عمران اشرف نے ایک ایسے عاشق کا کردار ادا کیا تھا جو اپنی محبت پانے کےلئے کسی بھی حد سے گزر جاتا ہے اپنی پرواہ نہیں کرتا نہ ہی اپنے خاندان کی پرواہ کرتاہے، اس کا جنون رنگ لاتا ہے اور اسکی محبت یعنی سارا خان اسے مل جاتی ہے.

    کسی کو پانے کا ٹھان لوں تو پا لیتا ہوں حسن احمد

    شان کے ساتھ کبھی کام نہیں کروں گا معمر رانا

    شاہد آفریدی کو ولن کا کردار دوں گا خلیل الرحمان قمر

  • نگراں وزیراعظم غیر جانبدار ہوگا. وفاقی وزیر

    نگراں وزیراعظم غیر جانبدار ہوگا. وفاقی وزیر

    وفاقی وزیر توانائی خرم دستگیر کا کہنا ہے کہ 12 اگست یا اس سے پہلے قومی اسمبلی تحلیل ہوجائے گی، سیکشن 230 میں الیکشن ایکٹ کہتا ہے کہ نگراں وزیراعظم کیا کیا کرسکتا ہے، ترمیم کا فائنل مسودہ ابھی آنا ہے، پہلے کابینہ میں آئے گا، پھر پارلیمان میں۔ نجی ٹی وی گفتگو کرتے ہوئے مسلم لیگ (ن) کے رہنما خرم دستگیر نے کہا کہ مشرق وسطی میں مسلمان ممالک نے سرمایہ کاری کا عندیہ دیا ہے، ان ممالک کی مائننگ، آئی ٹی، زراعت اور انرجی میں دلچسپی ہے، انہوں نے کہا کہ بڑے منصوبے لائیں۔

    خرم دستگیر نے کہا کہ آئین کے مطابق نگراں وزیراعظم غیر جانبدار ہوگا، 12 اگست یا اس سے پہلے قومی اسمبلی تحلیل ہوجائے گی، سیکشن 230 میں الیکشن ایکٹ کہتا ہے کہ نگراں وزیراعظم کیا کیا کرسکتا ہے۔ انہوں نے مزید کہا کہ ترمیم کا فائنل مسودہ ابھی آنا ہے، پہلے کابینہ میں آئے گا اور پھر پارلیمان میں، نگراں وزیراعظم کوئی نئے فیصلے نہیں کرسکتے جو چیزیں پہلے ہی پائپ لائن میں ہیں ان پر اپنا فیصلہ کرسکتے ہیں۔ جبکہ خرم دستگیر نے کہا کہ اسحاق ڈار کا نام معاشی پالیسی کے تسلسل کے طور پر سامنے آیا۔
    مزید یہ بھی پڑھیں؛
    ڈالر کے مقابلے میں روپے کی قدر میں 0.39 فیصد تنزلی ریکارڈ
    اسلامیہ یونیورسٹی بہاولپو رمیں منشیات کی مبینہ خرید و فروخت،انکوائری کمیٹی تشکیل
    عمران خان کی بہنوں سمیت تحریک انصاف کے رہنما اشتہاری قرار

    علاوہ ازیں پاکستان پیپلزپارٹی کے رہنما مصطفی نواز کھوکھر نے کہا کہ اسحاق ڈار کی تقرری سے یہ اسپرٹ مجروح ہوگی، اسحاق ڈار کی نوازشریف سے رشتہ داری ہے، آپ نے تہیہ کر رکھا ہے ہر قرعہ خاندان سے ہی نکلے گا۔ مصطفی نواز کھوکھر نے کہا کہ آئی ایم ایف نے 9 ماہ اسی لیے دیے کہ نئی حکومت سے پروگرام پر بات کرنا ہے، الیکشن میں تاخیر کی سرگوشیاں جاری ہیں، مارچ میں سینیٹ کے الیکشن بھی ہیں، ستمبر میں صدر کی ٹرم بھی ختم ہورہی ہے۔

  • پاکستان میں زرعی انقلاب آکر رہے گا. آرمی چیف

    پاکستان میں زرعی انقلاب آکر رہے گا. آرمی چیف

    خانیوال ماڈل ایگریکلچر فارم کی افتتاحی تقریب کے موقع پر پاک فوج کے سپاہ سالار نے شرکاءِ تقریب سے اہم گفتگو کرتے ہوئے کہا کہ پاک فوج کو اپنی قوم کی خدمت کرنے پر فخر ہے کیونکہ فوج عوام سے ہے اور عوام فوج سے ہے، آرمی چیف سید عاصم منیر نے مزید کہا کہ ہم نے فیصلہ کیا ہے کہ پاکستان کو موجودہ بحران سے نکال کر دم لیا جائے گا.

    فوج کے سپہ سالار کا کہنا تھا کہ پاکستانی غیرت مند ، غیور اور باصلاحیت قوم ہے لہذا تمام پاکستانیوں نے بھکاری کا کشکول باہر اُٹھاکر پھینکنا ہے کیونکہ اللہ تعالٰی نے پاکستان کو تمام نعمتوں سے نوازا ہے اور ہمیں دنیا کی کوئی طاقت ترقی کرنے سے نہیں روک سکتی جبکہ انشاءاللہ پاکستان میں زرعی انقلاب آکر رہے گا.

    آرمی چیف کا یہ بھی کہنا تھا کہ ہم اس ماڈل فارم کی طرز کے جدید فارم بنائیں گے جس سے چھوٹے کسان کو فائدہ ہوگا اور گرین انیشیٹووکا یہ دائرہ کار پورے پاکستان میں پھیلایا جائے گا ، ریاست ماں کی طرح ہوتی ہے ، عوام اور ریاست کا رشتہ محبت اور احترام کا ہے ، سیکیورٹی اور معیشت کا چولی دامن کا ساتھ ہے ،
    مزید یہ بھی پڑھیں؛
    ڈالر کے مقابلے میں روپے کی قدر میں 0.39 فیصد تنزلی ریکارڈ
    اسلامیہ یونیورسٹی بہاولپو رمیں منشیات کی مبینہ خرید و فروخت،انکوائری کمیٹی تشکیل
    عمران خان کی بہنوں سمیت تحریک انصاف کے رہنما اشتہاری قرار
    ان کے مطابق سیکیورٹی کے بغیر معیشت اور معیشت کے بغیر سیکیورٹی نا گزیر ہے خیال رہے کہ آرمی چیف نے شرکاءِ تقریب کو مخاطب کرتے ہوئے علامہ اقبال کا شعر پڑھ کر ملک و ملت کے ہر فرد کی ملکی ترقی میں اہمیت پر زور دیا جبکہ آرمی چیف نے علامہ اقبال کا یہ شعر پڑھا کہ :
    افراد کے ہاتھوں میں ہے اقوام کی تقدیر
    ہر فرد ہے ملت کے مقدر کا ستارہ

  • الیکشن کمیشن کا اسلام آباد پولیس کو کل چئیرمین پی ٹی آئی کو گرفتار کر نے کا حکم

    الیکشن کمیشن کا اسلام آباد پولیس کو کل چئیرمین پی ٹی آئی کو گرفتار کر نے کا حکم

    ایس ایچ او تھانہ بنی گالہ چئیرمین پی ٹی آئی عمران خان کی رہائش گاہ پہنچ گئے ہیں جبکہ زرائع کے مطابق وکیل کی جانب سے وارنٹ موصول کر لیا گیا ہے واضح رہے کہ اس سے قبل توہین الیکشن کمیشن کیس کے حوالے سے الیکشن کمیشن آف پاکستان نے اسلام آباد پولیس کو کل چئیرمین پی ٹی آئی عمران خان کو گرفتار کر نے کا حکم دیا ہے اور الیکشن کمیشن نے اسلام آباد بنی گالہ کا پتہ اور لاہور زمان پارک کا پتہ درج کرتے ہوئے کہا کہ عمران احمد نیازی کو کل گرفتار کیا جائے.


    ایک دستاویز میں کہا گیا ہے کہ کہ عمران احمد نیازی کے ناقابل ضمانت گرفتاری کے وارنٹ جاری کرتے ہیں جبکہ انہیں کل یعنی 25 جولائی دیئے گئے پتہ سے گرفتار کرکے الیکشن کمیشن کے سامنے پیش کیا جائے. تاہم خیال رہے کہ اس سے قبل بھی الیکشن کمیشن آف پاکستان نے توہین الیکشن کمیشن کیس میں سابق وزیر اعظم اور پاکستان تحریک انصاف کے چیئرمین عمران خان ناقابل ضمانت وارنٹ گرفتاری جاری کیئے تھے۔
    مزید یہ بھی پڑھیں؛
    ڈالر کے مقابلے میں روپے کی قدر میں 0.39 فیصد تنزلی ریکارڈ
    اسلامیہ یونیورسٹی بہاولپو رمیں منشیات کی مبینہ خرید و فروخت،انکوائری کمیٹی تشکیل
    عمران خان کی بہنوں سمیت تحریک انصاف کے رہنما اشتہاری قرار
    جبکہ الیکشن کمیشن آف پاکستان نے چیئرمین پی ٹی آئی عمران خان اور فواد چوہدری کے ناقابل ضمانت وارنٹ جاری کرتے ہوئے توہین الیکشن کمیشن کے اس کیس کی سماعت 25 جولائی تک ملتوی کردی تھی، تاہم یاد رہے کہ 17 مئی کی سماعت میں الیکشن کمیشن نے سابق وزیر اعظم عمران خان کو کمیشن اور اس کے سربراہ کی توہین سے متعلق کیس میں 23 مئی کو ذاتی حیثیت میں طلب بھی کیا تھا، تاہم عمران خان پیش نہیں ہوئے تھے جس پر برہمی کا اظہار کرتے ہوئے الیکشن کمیشن نے انہیں اگلی سماعت پر ذاتی طور پر پیش ہونے کی ہدایت کی تھی۔


    علاوہ ازیں مئی کی سماعت میں بلوچستان سے الیکشن کمیشن آف پاکستان کے رکن نے کہا تھا کہ عمران خان کو گزشتہ سماعت پر کمیشن کے سامنے پیش ہونے کا آخری موقع دیا گیا تھا لیکن وہ اس کے بعد بھی پیش نہیں ہوئے۔ انہوں نے یاد دلایاتھا کہ عمران خان کو سمن جاری کیا گیا تھا، تو توہین کی کارروائی میں کمیشن کے سامنے پیش نہ ہونے پر پارٹی چیئرمین کے قابل ضمانت وارنٹ گرفتاری جاری کیوں نہ کریں۔

  • 14 سالہ گھریلو ملازمہ پر تشدد ، اسپتال منتقل

    14 سالہ گھریلو ملازمہ پر تشدد ، اسپتال منتقل

    اسلام آباد جوڈیشل اکیڈمی کے افسر کے گھر پر مبینہ طور پر 14 سالہ گھریلو ملازمہ زخمی ہو گئی جبکہ اے ایس پی سٹی عثمان کے مطابق ملازمہ کو کئی ماہ تک تشدد کا نشانہ بنایا گیا اور متاثرہ لڑکی کے چہرے اور سر پر زخموں کے نشانات ہیں۔ طبیعت زیادہ خراب ہونے پر اسے ڈی ایچ کیو ہسپتال سرگودھا لایا گیا۔ تاہم اس کے بعد حالت بگڑنے پر اسے اس کی والدہ کے حوالے کر دیا گیا ۔

    متاثرہ لڑکی کے اہل خانہ نے فیڈرل جوڈیشل اکیڈمی کے ایڈمنسٹریٹو آفیسر عاصم حفیظ کی اہلیہ پر تشدد کرنے کا الزام عائد کیا جبکہ جج کی اہلیہ نے گھر سے زیورات چوری کرنے کے الزام میں مبینہ طور پر بلے سے تشدد کا نشانہ بنایا ہے لیکن پولیس نے لڑکی کو کام پر بھیجنے والے شخص کو حراست میں لے لیا ہے۔
    مزید یہ بھی پڑھیں؛
    ڈالر کے مقابلے میں روپے کی قدر میں 0.39 فیصد تنزلی ریکارڈ
    اسلامیہ یونیورسٹی بہاولپو رمیں منشیات کی مبینہ خرید و فروخت،انکوائری کمیٹی تشکیل
    عمران خان کی بہنوں سمیت تحریک انصاف کے رہنما اشتہاری قرار
    بچی کی حالت تشویشناک ہے اور ڈاکٹروں نے اسے سرگودھا سے لاہور ریفر کر دیا ہے۔ متاثرہ لڑکی کو لاہور کے جنرل ہسپتال منتقل کر دیا گیا ہے۔ جنرل ہسپتال کے ایم ایس کا کہنا تھا کہ زخم بظاہر دنوں پرانے ہیں اور مریض کو طبی سہولیات فراہم کر دی گئی ہیں۔ اور اب لڑکی خطرے سے باہر ہے جبکہ ڈاکٹر کا کہنا تھا کہ اللہ نے چاہا تو ہم اسے بالکل ٹھیک کرلیں گے.

    علاوہ ازیں حکام نے بھی نوٹس لے لیا ہے اور ان کا کہنا ہے بہت جلد اس میں ملوث افراد کو کیفرکردار تک پہنچایا جائے گا اور انہیں قرار واقعی سزا دی جائے تاکہ آئندہ کوئی ایسی حرکت نہ کرسکے.

  • زراعت کا شعبہ ٹھیک کرلیا تو پاکستان ٹھیک ہوجائے گی. محسن نقوی

    زراعت کا شعبہ ٹھیک کرلیا تو پاکستان ٹھیک ہوجائے گی. محسن نقوی

    نگراں وزیراعلیٰ پنجاب محسن نقوی کا کہنا ہے کہ پاک فوج کے ساتھ مل کر لاکھوں ایکڑ زمین کاشت کریں گے۔ جبکہ محسن نقوی نے ایک تقریب سے خطاب کرتے ہوئے کہا کہ پاک فوج کے ساتھ مل کر لاکھوں ایکڑ زمین کاشت کریں گے، اسپتالوں اور سڑکوں کو بہتر کرنے پر بھی بھرپور توجہ دی جارہی ہے۔

    نگراں وزیراعلیٰ پنجاب نے کہا کہ زراعت کا شعبہ ٹھیک کرلیا تو پاکستان کی ہر چیز ٹھیک ہوجائے گی، پاک فوج کے ساتھ مل کر خوردنی تیل کے حصول کے لیے بھی کام کیا جائے گا۔ ان کا مزید کہنا تھا کہ اگلے 4 ماہ 100 ارب روپے زراعت کے شعبے پر خرچ کرنے کا منصوبہ بنایا گیا ہے، کارپوریٹ فارمنگ ہماری اولین ترجیح ہے۔

    محسن نقوی نے کہا کہ لائیو اسٹاک کے لیے بھی منصوبہ بندی کی جارہی ہے، چھوٹے کسانوں کو ہرممکن سہولیات فراہم کی جائیں گی۔
    نگراں وزیراعلیٰ پنجاب کا بارش کے دوران ملتان شہر کا دورہ دوسری جانب نگراں وزیراعلیٰ پنجاب محسن نقوی نے بارش کے دوران ملتان شہر کا دورہ کیا اور گھنٹہ گھر، مچھلی مارکیٹ، عید گاہ، کینٹ ایریا، شجاع آباد روڈ اور دیگر علاقوں میں نکاسی آب کی صورتحال کا جائزہ لیا۔
    مزید یہ بھی پڑھیں؛
    ڈالر کے مقابلے میں روپے کی قدر میں 0.39 فیصد تنزلی ریکارڈ
    اسلامیہ یونیورسٹی بہاولپو رمیں منشیات کی مبینہ خرید و فروخت،انکوائری کمیٹی تشکیل
    عمران خان کی بہنوں سمیت تحریک انصاف کے رہنما اشتہاری قرار
    محسن نقوی نے ملتان کے مختلف علاقوں میں بارش کا پانی جمع ہونے کا نوٹس لیتے ہوئے فوری نکاس کا حکم دے دیا۔ نگراں وزیراعلیٰ پنجاب نے واسا ملتان کو تمام تر مشینری اور وسائل کے ساتھ متحرک ہونے کی ہدایت کردی۔ محسن نقوی نے کہا کہ ڈپٹی کمشنر بارش کے پانی کے نکاس کی ذاتی طور پرنگرانی کریں۔ اس موقع پر چیف سیکرٹری، آئی جی پولیس، ایڈیشنل چیف سیکرٹری جنوبی پنجاب اور ایڈیشنل آئی جی جنوبی پنجاب بھی محسن نقوی کے ہمراہ تھے۔

  • اسحاق ڈار کے نام پرقانونی اعتراضات شروع ہوگئے

    اسحاق ڈار کے نام پرقانونی اعتراضات شروع ہوگئے

    وفاقی وزیر دفاع خواجہ آصف نے کہا ہے کہ نگران وزیراعظم کیلئےاسحاق ڈار کے نام پرقانونی اعتراضات شروع ہوگئے ہیں۔ پارلیمنٹ ہاؤس کےباہرمیڈیاسےگفتگو کرتے ہوئےخواجہ آصف نے کہا کہ اسحاق ڈارکو نگران وزیراعظم بنانے کے حوالے سےحکومت کی طرف کوئی اشارہ نہیں ہے،ایک معتبر صحافی نےخبرلیک کی ہے،اس کےعلاوہ ابھی کچھ نہیں۔

    انہوں نے کہا اس حوالےسے ابھی کام بھی شروع نہیں ہوااور میرےعلم میں نہیں ہے،وہ میرے بھائی ہیں،میرے دوست ہیں،میرا کئی سال کا تعلق ہے جومجھے عزیزہے،اکٹھےمشرف کی قید کاٹی ہے۔ وزیردفاع نے کہا کہ میری خواہش بھی ہے اگراسحاق ڈار نگران وزیر اعظم بن سکتے ہیں تو اچھی بات ہے،تاہم اسحاق ڈار کے نام پرقانونی اعتراضات شروع ہوگئے ہیں،حکمران پارٹی سےکوئی نگران وزیراعظم آئےگا تو لوگ اعتراض کریں گے۔
    مزید یہ بھی پڑھیں؛
    ڈالر کے مقابلے میں روپے کی قدر میں 0.39 فیصد تنزلی ریکارڈ
    اسلامیہ یونیورسٹی بہاولپو رمیں منشیات کی مبینہ خرید و فروخت،انکوائری کمیٹی تشکیل
    عمران خان کی بہنوں سمیت تحریک انصاف کے رہنما اشتہاری قرار
    پارٹی قائد نواز شریف کی وطن واپسی کے حوالے سے خواجہ آصف نے کہا کہ نوازشریف ضرور وطن واپس آئیں گے،اس میں کوئی شک نہیں۔

  • ڈالر کے مقابلے میں روپے کی قدر میں 0.39 فیصد تنزلی ریکارڈ

    ڈالر کے مقابلے میں روپے کی قدر میں 0.39 فیصد تنزلی ریکارڈ

    امریکی ڈالر کے مقابلہ میں روپے کی قدر میں 0.39 فیصد تنزلی ریکارڈ ہوئی ہے جبکہ عالمی مالیاتی ادارے سے کئی ڈالرز ملنے کے باوجود بھی ملک بھر میں امریکی ڈالر کے مقابلے میں روپیہ مسلسل تنزلی کا شکار ہے. اسٹیٹ بینک آف پاکستان کے ٹویٹر اکاؤنٹ پر جاری کردہ اعداد و شمار کے مطابق رواں ہفتے کے پہلے کاروباری دن کے دوران انٹر بینک میں روپیہ کے مقابلے میں امریکی ڈالر کی قیمت میں 1 روپے 11 پیسے کا اضافہ دیکھا گیا ہے.


    جبکہ اعداد و شمار کے مطابق انٹر بینک میں روپے کے مقابلے میں امریکی ڈالر کا بھاؤ 286 روپے 81 پیسے سے بڑھ کر 287 روپے 92 پیسے ہو گیا۔ علاوہ ازیں مرکزی بینک کے مطابق امریکی ڈالر کے مقابلے میں روپے کی قدر میں 0.39 فیصد کی تنزلی دیکھی گئی ادھر کرنسی ڈیلرز کے مطابق اوپن مارکیٹ میں بھی امریکی ڈالر کی قیمت 2 روپے اضافے کے بعد 293 روپے ہو گئی ہے۔

    دوسری طرف یورو کی قیمت 319 روپے، جاپانی ین 2 روپے، برطانوی پاؤنڈ 370 روپے، آسٹریلوی ڈالر 194 روپے، کینیڈین ڈالر 218 روپے، سعودی ریال 76 روپے، ملائیشین رنگٹ 62 روپے، کویتی دینار 937 روپے، بھارتی کرنسی کی قیمت 3.5 روپے ہو گئی ہے۔ تاہم واضح رہے کہ پاکستان سٹاک مارکیٹ میں اُتار چڑھاؤ کے بعد ایک مرتبہ پھر 134.08 پوائنٹس کی تیزی ریکارڈ کی گئی ہے۔

    جبکہ حصص مارکیٹ میں کاروبار کے آغاز پر ہی مثبت انداز ریکارڈ کیا گیا اور صبح دس بجے کے قریب انڈیکس میں 200 پوائنٹس سے زائد کی بڑھوتری دیکھی گئی، تاہم اس دوران غیر یقینی کے باعث اُتار چڑھاؤ غالب آ گیا، دوپہر بارہ بجے کے قریب انڈیکس میں تیزی کی سطح 70 پوائنٹس کی سطح پر پہنچ گئی تھی۔

    جبکہ کاروبار کے اختتام پر 100 انڈیکس 134.08 پوائنٹس کی تیزی کے بعد 46054.81 پوائنٹس کی سطح پر پہنچ کر بند ہوا۔ اور پورے کاروباری روز کے دوران کاروبار میں 0.29 فیصد کی بہتری دیکھی گئی علاوہ ازیں 15 کروڑ 4 لاکھ 95 ہزار 51 شیئرز کا لین دین ہوا۔ جس کے باعث سرمایہ کاروں کو اربوں روپے کا فائدہ ہوا۔

    دوسری جانب ملک بھر میں ایک مرتبہ پھر فی تولہ سونے کی قیمت میں ہزاروں روپے کا اضافہ دیکھا گیا ہے جبکہ بین الاقوامی مارکیٹ میں فی اونس سونے کا بھاؤ 3 ڈالر اضافے کے بعد 1965 امریکی ڈالر ہو گیا ہے۔ عالمی مارکیٹ میں قیمتیں بڑھنے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، فیصل آباد، راولپنڈی ، ملتان سمیت دیگر جگہوں پر فی تولہ سونے کی قیمت میں 2800 روپے کی بڑھوتری دیکھی گئی اور نئی قدر 225300 روپے ہو گئی ہے۔

    اُدھر دس گرام سونے کی قدر 2143 روپے اضافے کے بعد 193158 روپے ہو گئی ہے۔ مزید برآں فی تولہ اور دس گرام چاندی کی قیمتوں میں استحکام دیکھا گیا اور قدریں بالترتیب 2750 روپے اور 2357.68 روپے کی سطح پر برقرار ہے۔