Baaghi TV

Author: +9251

  • سنی دیول اور امیشا پٹیل کی غدر ٹو کا ٹریلر 27 جولائی کو ریلیز ہو گا

    سنی دیول اور امیشا پٹیل کی غدر ٹو کا ٹریلر 27 جولائی کو ریلیز ہو گا

    فلم غدر جو کہ 2001 میں ریلیز ہوئی تھی فلم بلاک بسٹر تھی ، سنی دیول اور امیشا پاٹیل نے اس میں مرکزی کردار ادا کئے تھے ، بائیس سال کے بعد اس فلم کا سیکول بنایا گیا ہے ، فلم کا ٹریلر اسی ماہ 27 جولائی کو ریلیز کیا جائیگا. فلم اگلے ماہ یعنی اگست کے مہینے میں ریلیز کی جا رہی ہے. غدر ٹو میں بھی سنی دیول، امیشا پٹیل اور اتکرش شرما مرکزی کردار ادا کر رہے ہیں اور انیل شرما نے ڈائریکٹ اور پروڈیوس کیا ہے۔فلم کی تشہیر زوروں شوروں سے کی جا رہی ہے اس سلسلے میں سنی دیول اور امیشا پاٹیل کافی متحرک دکھائی دے رہے ہیں.

    ”فلم کے ہدایت کار پروڈیوسر انیل شرما نے اپنے ٹوئٹر ہینڈل پر فلم کی ریلیز کی تاریخ کی تصدیق بھی کر دی ہے” اور انہوں نے امید کا اظہار کیا ہے کہ لوگ غدر ٹو کو بھی بہت پسند کریں گے. دوسری طرف سنی دیول کا کہنا ہےکہ یہ فلم بھی شائقین کی توقعات کا اسی طرح پورا اترے گی جیسے کہ 2001 میں‌اتری تھی ، امیشا پاٹیل نے کہا کہ مجھے بہت خوشی ہے کہ شائقین آج بھی ہمیں دیکھنا چاہتے ہیں . انہوں نے کہا کہ غدر 2 اسی محنت سے بنائی گئی یے جیسے پہلی فلم بنائی گئی تھی . یاد رہےکہ غدر 2 12 اگست کو ریلیز کی جائیگی.

    کس اداکارہ کو اپنی ذات پر اعتماد نہیں ندیم بیگ نے بتا دیا

    سیلابی صورتحال کے باعث جھانوی کپور پریشان

    آغا نے کس بیماری میں مبتلا ہیں اداکار نے بتا دیا

  • عالمگیر ترین کی موت بارے فرانزک رپورٹ جاری

    عالمگیر ترین کی موت بارے فرانزک رپورٹ جاری

    معروف کاروباری شخصیت اور نئی قائم ہونے والی جماعت استحکام پاکستان پارٹی کے سربراہ جہانگیرترین کے بھائی عالمگیر ترین کی موت فرانزک رپورٹ میں خودکشی ثابت ہوگئی ہے جبکہ پستول اور تحریر بھی عالمگیر ترین کی تھی جس میں انہوں نے اپنی موت بارے لکھا تھا، فرانزک رپورٹ میں ثابت ہوگیا ہے کہ عالمگیر ترین نے خود کشی کی تھی۔

    فرانزک رپورٹ کے مطابق عالمگیر ترین کے گھر سے برآمد ہونے والی پستول پر انگلیوں کے نشانات عالمگیر ترین کے ہی ہیں جبکہ خودکشی سے قبل لکھی گئی تحریر بھی عالمگیر ترین کی ہے۔ تاہم یاد رہے کہ 6 جولائی کو جہانگیر ترین کے بھائی عالمگیر ترین نے پستول سے اپنے سر میں گولی مار کر خودکشی کرلی تھی۔ عالمگیر ترین کی پوسٹ مارٹم رپورٹ میں بتایا گیا تھا کہ عالمگیر ترین کی دائیں کنپٹی پر ایک گولی لگی تھی، کنپٹی پر لگنےوالی گولی آرپار ہوئی جس سے ان کی موت سرزد ہوئی تھی۔

    رپورٹ میں یہ بھی بتایا گیا تھا کہ عالمگیر ترین کے جسم کے اندرونی تمام حصے تندرست ہیں، گولی لگنے سے کھوپڑی فریکچر ہوئی جو موت کا سبب بنی، جسم پر تشدد کے کوئی نشانات موجود نہیں تھے۔ رپورٹ کے مطابق موت زیادہ خون بہہ جانے کے باعث واقع ہوئی، گولی لگنے سے دماغ کے ٹشو بری طرح متاثر ہوئے اور گولی دائیں جانب لگ کر بائیں جانب سے پار ہوئی۔
    مزید یہ بھی پڑھیں؛
    بھارت،خواتین کی برہنہ پریڈ کروانے والا گرفتار،سپریم کورٹ کا نوٹس
    روپے کی قدر میں 0.47 فیصد کی تنزلی ریکارڈ
    عمران خان کی مشکلات میں کمی نہ ہو سکی، ایک اور جے آئی ٹی نے 21 جولائی کو طلب کر لیا۔
    پولیس ذرائع کا کہنا تھا کہ عالمگیر ترین لاہور کے علاقے گلبرگ میں واقع اپنے اپارٹمنٹ میں موجود تھے، وہاں سے اطلاع ملنے پر پولیس پہنچی۔ ابتدائی تفتیش کے مطابق کمرے سے گولی کا ایک خول ملا ہے، سر کے دائیں طرف گولی کا نشان موجود ہے۔ تفتیش میں معلوم ہوا کہ عالمگیر ترین نے صبح 6 سے 7 بجے کے درمیان خودکشی کی، پولیس ذرائع کے مطابق عالمگیر ترین کی لاش فلیٹ کے کمرہ نمبر 3 سے ملی ہے، لاش کے پاس پستول موجود تھا اور ان کے 2 ملازم فلیٹ میں موجود نہیں تھے۔

  • فیروز خان نے سابقہ اہلیہ کے حوالے سے اپنے مداحوں سے کیا ریکوسیٹ کر دی ؟‌

    فیروز خان نے سابقہ اہلیہ کے حوالے سے اپنے مداحوں سے کیا ریکوسیٹ کر دی ؟‌

    اداکار فیروز خان نے اپنی ایک سوشل میڈیا پوسٹ کے زریعے اپنے مداحوں سے درخواست کی ہے کہ علیزے سلطان کو اکیلا چھوڑ دیں ، ہم دونوں کے درمیان جو کچھ بھی ہوا وہ ہو چکا وقت گزر چکا ، اب پلیز علیزے کےلئے آسانیاں پیدا کریں. اس سے کسی قسم کی بات نہ کہیں نہ کریں اسکو آسانی سے اپنی زندگی جینے دیں. انہوں نے یہ بھی کہا کہ میرے مخالف جو بھی کھڑا ہوا میں اسکو معاف کرنے کےلئے تیار ہوں. میں سمجھتا ہوں معاف کر دینے میں بڑائی ہوتی ہے.

    فیروز خان نے اپنی پوسٹ میں اس بات پر زیادہ زور دیا کہ علیزے سے کوئی کچھ نہ کہے اب، اس سے قبل فیروز خان کی بہن ”عمائمہ ملک نے بھی کسی صارف کو سوشل میڈیا پر جواب دیتے ہوئے کہا تھا کہ علیزے سلطان میرے بھائی کے بچوں کی ماں‌ہے ، اس کے لئے میرے دل میں بہت عزت ہے”، اور آپ سب کو بھی اسکی عزت کرنی چاہیے اور ہر بات میں‌علیزے سلطان کو نہیں گھسیٹنا چاہیے. یاد رہے کہ عمائمہ ملک علیزے اور فیروز خان کے معاملے میں ایک لفظ بھی نہیں بولیں تھیں لیکن اب انہوں نے علیزے کی حمایت میں لکھا ہے کہ اس کے حوالے سے بات نہ کی جائے اسکی عزت کریں.

    کس اداکارہ کو اپنی ذات پر اعتماد نہیں ندیم بیگ نے بتا دیا

    سیلابی صورتحال کے باعث جھانوی کپور پریشان

    آغا نے کس بیماری میں مبتلا ہیں اداکار نے بتا دیا

  • کراچی لاہور سے دو سو سال پیچھے ہے آغا علی

    کراچی لاہور سے دو سو سال پیچھے ہے آغا علی

    اداکار آغا علی نے اپنے حالیہ انٹرویو میں کہا ہے کہ کراچی میں سارا کام ہے ہم کراچی جا کر کام کرتے ہیں ، میں کراچی شہر کا کراچی والوں کا شکر گزار ہوں جو مجھے کام دیتے ہیں اور شہر نے مجھے نام مقام دیا لیکن کراچی شہر آج بھی لاہور سے کچھ نہیں تو دو سو سال پیچیھے ہے. انہوں نے کہا کہ میری ماں آج بھی رات کو 11بجے گاڑی چلا کر خود باہر چلی جاتی ہیں مجھے کوئی ٹینشن نہیں ہوتی کہ امی کو کوئی روک لے گا ، یا کوئی نا خوشگوار واقعہ پیش آئیگا. آغا علی نے کہا کہ میں آج بھی اپنے گھر کے باہر کھڑے ہو کر فون سن لیتا ہوں.

    کسی کو راستہ سمجھا دیتا ہوں ، گھر کے باہر کھڑا ہوں تو مجھے یہ ڈر نہیں ہوتا کہ کوئی آکر مار جائیگا، یا موبائل چھین کر لے جائیگا. انہوں نے کہا کہ سسٹم ہونا بہت ضروری ہے ، یہاں تک کہ لاہور اور کراچی کا موازنہ کیا جائے تو لاہور میں زیادہ صفائی ستھرائی ہے، انہوں نے کہا کہ لاہور میں اندرون شہر دیکھیں انار کلی دیکھیں وہ علاقے دیکھنے سے تعلق رکھتے ہیں. انہوں نے کہا کہ میں کشتیاں جلا کر بالکل کراچی نہیں آیا میرا گھر لاہور میں ہے، میرا بھائی میری ماں وہاں‌رہتی ہے میں جب بھی وقت ملتا ہے لاہور جاتا ہوں .

    کس اداکارہ کو اپنی ذات پر اعتماد نہیں ندیم بیگ نے بتا دیا

    سیلابی صورتحال کے باعث جھانوی کپور پریشان

    آغا نے کس بیماری میں مبتلا ہیں اداکار نے بتا دیا

  • بچوں کی سمگلنگ اور چائلڈ لیبر کیخلاف نیشنل ڈائیلاگ

    بچوں کی سمگلنگ اور چائلڈ لیبر کیخلاف نیشنل ڈائیلاگ

    غیر سرکاری تنظیم ایس ایس ڈی او کے زیراہتمام امریکی سٹیٹ ڈیپارٹمنٹ کے اشتراک سے بچوں کی سمگلنگ اور چائلڈ لیبر کے خاتمے کے حوالے سے نیشنل ڈائیلاگ کا انعقاد

    نیشنل ڈائیلاگ میں امریکی دفتر خارجہ کے نمائندوں، پارلیمنٹیرینز، ایف آئی اے، پولیس اور لیبر ڈیپارٹمنٹ کے اعلی افسران، صحافیوں اور سول سوسائٹی کے نمائندوں کا اظہار خیال جبکہ بچوں کی سمگلنگ کی روک تھام کے لئے نیشنل ڈائیلاگ میں مستقبل کا لائحہ عمل طے، بچوں کی سمگلنگ اور چائلڈ لیبر کے خاتمے کے حوالے سے حکومتی اور غیر سرکاری سطح پر کئے جانے والے اقدامات کا جائزہ لینے اور تجاویز کے تبادلہ خیال کے لئے غیرسرکاری تنظیم (ایس ایس ڈی او) نے امریکی سٹیٹ ڈیپارٹمنٹ کے اشتراک سے نیشنل ڈائیلاگ کا اہتمام کیا۔
    نیشنل ڈائیلاگ کے شرکاء نے بچوں کی سمگلنگ روکنے کے لئے سٹیک ہولڈرز کے درمیان رابطے کو مضبوط بنانے اور سمگلنگ کے شکار بچوں کے تحفظ اور ان کی بحالی کے لئے موثر اقدامات اٹھانے کی ضرورت پر زور دیا۔

    واضح رہے کہ جون 2023 میں امریکا کے سیکرٹری آف سٹیٹ نے انسانی سمگلنگ کے خاتمے کے لئے پاکستان بھرمیں نمایاں کارکردگی دکھانے والے افسر ظہیر احمد کو ٹی آئی پی رپورٹ ہیرو ایوارڈ سے نوازا۔ بطور ڈائریکٹر ایف آئی اے اینٹی ہیومن سمگلنگ یونٹ ظہیر احمد کے شاندار اقدامات کی بدولت 2022 میں پاکستان کی ٹی آئی پی ٹائیر واچ لسٹ میں نمایاں بہتری آئی۔ سیکرٹری بلنکن نے 2023 میں ٹی آئی پی رپورٹ لانچ کرنے کی تقریب کے موقع پر ظہیر احمد کو انعام سے نوازا۔

    بچوں کی سمگلنگ روکنے اور چائلڈ لیبر کے خاتمہ کے لئے منعقدہ نیشنل ڈائیلاگ کے شرکاء سے خطاب کرتے ہوئے وزیراعظم کے خصوصی مشیر فیصل کریم کنڈی نے کہا کہ بچوں کی سمگلنگ روکنے کے لئے پسماندہ اضلاع میں غربت کا خاتمہ کیا جانا ضروری ہے کیونکہ بیشتر والدین غربت سے تنگ آکر خود ہی اپنے چھوٹے بچوں سے مزدوری کراتے ہیں، فیصل کریم کنڈی نے کہا کہ بچوں کی سمگلنگ اور چائلڈ لیبر کے خاتمے کے ایس ایس ڈی او کی طرف سے نیشنل ڈائیلاگ کا انعقاد قابل تعریف ہے۔ فیصل کریم کنڈی نے اس عزم کا اظہار کیا کہ حکومتی سطح پر تمام وسائل بروئے کار لاکر بچوں کی سمگلنگ، چائلد لیبر کے خاتمے اور ان کے حقوق کا تحفظ یقینی بنایا جائے گا۔

    نیشنل ڈائیلاگ کے شرکاء سے خطاب کرتے ہوئے( ایس ایس ڈی او) کے ایگزیکٹیو ڈائریکٹر سید کوثر عباس نے کہا کہ پاکستان سے چائلڈ لیبر اور بچوں کی سمگلنگ کا خاتمہ یقینی بنانے کے لئے ضروری ہے کہ تمام ذمہ دار ادارے مشترکہ طور پر کوشش کریں اور اس نیشنل ڈائیلاگ کے انعقاد کا مقصد اس سلسلے میں تمام سٹیک ہولڈرز کو باہمی تبادلہ خیال کے لئے موقع فراہم کرنا ہے۔ سید کوثر عباس نے کہا کہ بچوں کی سمگلنگ اس وقت پاکستان میں انسانی حقوق کی خلاف ورذیوں کی سب سے بدتر مثال ہے۔ انہوں نے کہا کہ نیشنل ڈائیلاگ کا مقصد ہے کہ ہم شرکاء کے تجربات اور تجاویز کی روشنی میں سائنسی اور تحقیقی بنیادوں پر ایسا ڈیٹا اکٹھا کرکے پالیسی مرتب کرسکیں جو بچوں کی سمگلنگ کی روک تھام میں معاون ثابت ہو۔

    مزید یہ بھی پڑھیں؛
    بھارت،خواتین کی برہنہ پریڈ کروانے والا گرفتار،سپریم کورٹ کا نوٹس
    روپے کی قدر میں 0.47 فیصد کی تنزلی ریکارڈ
    عمران خان کی مشکلات میں کمی نہ ہو سکی، ایک اور جے آئی ٹی نے 21 جولائی کو طلب کر لیا۔
    نیشنل ڈائیلاگ کے شرکاء سے خطاب کرتے ہوئے چیئرپرسن پنجاب چائلڈ پروٹیکشن بیورو، چیئرپرسن نیشنل کمیشن چلڈرن رائٹس، ایڈیشنل ڈائریکٹر جنرل ایف آئی اے، ڈائریکٹر جنرل نیشنل پولیس بیورو، امریکی سٹیٹ ڈیپارٹمنٹ کے نمائندہ مسٹر براڈ پارکر نے بھی بچوں کی سمگلنگ اور چائلڈ لیبر کے خاتمے کے حوالے سے گفتگو کی۔

    نیشنل ڈائیلاگ کے شرکاء کو چار گروپس میں تقسیم کرکے ان سے تجاویز لی گئیں۔ قانون نافذ کرنے والے اداروں کے نمائندوں پر مشتمل گروپ نے تجویز پیش کی کہ بچوں کی سمگلنگ کے کیسز کی شفاف رپورٹنگ، سائبر کرائم کنٹرول کرنے کے لئے وسائل کو بہتر بنانے اور ٹریفکنگ میں ملوث بنیادی کرداروں کی نشاندہی ضروری ہے۔ بچوں کے حقوق کے لئے کام کرنے والی تنظیموں کے نمائندوں پر مشتمل گروپ نے تجویز پیش کی کہ بچوں کے تعلیمی نصاب اور ٹی وی کے ذریعے بچوں کو سمگلنگ کے حوالے سے آگاہی فراہم کرنے کی ضرورت ہے۔ پالیسی میکرز اور قانون سازوں پر مشتمل گروپ نے تمام صوبوں میں بچوں کے حقوق کے تحفظ کے لئے الگ عدالتیں بنانے کی ضرورت پر زور دیا۔ میڈیا اور سول سوسائٹی کے نمائندوں پر مشتمل گروپ کے نمائندوں نے تجویز پیش کی کہ انسانی سمگلنگ کے حوالے سے بچوں کو آگاہی فراہم کرنے کی ضرورت ہے جبکہ مدارس کی نگرانی سے بھی اس مسئلے پر قابو پانے میں مدد مل سکتی ہے۔

  • روپے کی قدر میں 0.47 فیصد کی تنزلی ریکارڈ

    روپے کی قدر میں 0.47 فیصد کی تنزلی ریکارڈ

    دن بدن ڈالر بڑھتا چلا جارہا ہے جبکہ روپے کی قدر میں تنزلی دیکھنے میں نظر آرہی ہے، اسٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے چوتھے کاروباری روز کے دوران انٹر بینک میں روپے کے مقابلے میں امریکی ڈالر کی قیمت میں ایک روپیہ 35 پیسے کا اضافہ دیکھا گیا۔


    اعداد و شمار کے مطابق انٹر بینک میں روپے کے مقابلے میں امریکی ڈالر کی قیمت 283 روپے 80 پیسے سے بڑھ کر 285 روپے 15 پیسے ہو گئی ہے۔ جبکہ مرکزی بینک کے مطابق امریکی ڈالر کے مقابلے میں روپے کی قدر میں 0.47 فیصد کی تنزلی دیکھی گئی۔

    ادھر دوسری جانب اوپن مارکیٹ میں روپے کے مقابلے میں امریکی ڈالر کی قیمت ایک روپیہ اضافے کے بعد 289 روپے ہو گئی ہے۔ تاہم عالمی مالیاتی ادارے کے ساتھ ہونے والے معاہدے کے بعد ماہرین خدشات کا اظہار کر رہے ہیں کہ روپے کے مقابلے میں امریکی ڈالر کی قیمت 300 روپے کی سطح عبور کر جائے گی۔

    علاوہ ازیں اسٹیٹ بینک کے مطابق یورو کی قیمت 319 روپے، برطانوی پاؤنڈ 368 روپے، کینیڈین ڈالر 217 روپے، سعودی ریال 76 روپے، ملائیشین رنگٹ 62 روپے، بھارتی کرنسی 3.4 روپے، قطری ریال 78 روپے اور کویتی دینار 930 روپے ہو گئی ہے۔ دوسری جانب سونے کی تیزی سے بڑھنے والی قیمت کو بریک لگ گئی، بالآخر قیمتوں میں ہزاروں روپے کی کمی دیکھی گئی۔ جبکہ بین الاقوامی مارکیٹ میں فی اونس سونے کا بھاؤ 5 امریکی ڈالر اضافے کے بعد 1978 امریکی ڈالر ہو گیا ہے۔
    مزید یہ بھی پڑھیں؛
    بھارت،خواتین کی برہنہ پریڈ کروانے والا گرفتار،سپریم کورٹ کا نوٹس
    روپے کی قدر میں 0.47 فیصد کی تنزلی ریکارڈ
    عمران خان کی مشکلات میں کمی نہ ہو سکی، ایک اور جے آئی ٹی نے 21 جولائی کو طلب کر لیا۔
    عالمی مارکیٹ میں قیمتیں بڑھنے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، فیصل آباد، راولپنڈی سمیت دیگر جگہوں پر فی تولہ سونے کی قیمت میں 5300 روپے کی بڑی کمی دیکھی گئی اور نئی قدر 221100 روپے ہو گئی ہے۔ اُدھر دس گرام سونا 4544 روپے سستا ہونے کے بعد 189558 روپے ہو گیا ہے۔ تاہم چاندی کی فی تولہ اور دس گرام قیمتوں میں استحکام دیکھا گیا اور قیمتیں بالترتیب 2900 روپے اور 2486.28 روپے ہو گئی ہے۔ جبکہ خیال رہے کہ گزشتہ تین کاروباری روز کے دوران فی تولہ سونے کی قیمت میں 13200 روپے کا اضافہ دیکھا گیا تھا۔

    ادھر ایک ہفتے کے دوران غیرملکی زرمبادلہ ذخائر میں 4 ارب 20 کروڑ ڈالر اضافہ دیکھا گیا ہے۔ اسٹیٹ بینک کے مطابق ملکی زرمبادلہ ذخائر 14 ارب 6 کروڑ ڈالر پر پہنچ گئے ہیں جبکہ اسٹیٹ بینک کے پاس 8 ارب 72 کروڑ مالیت کے ذخائر ہیں۔ کمرشل بینکس کے پاس زرمبادلہ ذخائرکی مالیت 5 ارب 33 کروڑ ڈالرہوگئی ہے۔ بین الاقوامی مالیاتی فنڈ (آئی ایم ایف) کا کہنا ہے کہ پاکستان کا کشیدہ سیاسی ماحول اور پالیسی میں اتار چڑھاؤ پروگرام پر عمل درآمد کو متاثر کر سکتا ہے۔آئی ایم ایف نے کہا کہ کشیدہ سیاسی صورتحال سے سے ملک کا میکرو مالیاتی اور بیرونی استحکام خطرے میں پڑ سکتا ہے۔

  • سائفر کیس کو آئین و قانون کے مطابق منطقی انجام تک پہنچایا جائے گا. اعظم نذیر تارڑ

    سائفر کیس کو آئین و قانون کے مطابق منطقی انجام تک پہنچایا جائے گا. اعظم نذیر تارڑ

    اعظم نذیر تارڑ کا کہنا ہے کہ سائفر کیس کو آئین و قانون کے مطابق منطقی انجام تک پہنچایا جائے گا اور یہ سب کچھ میرٹ پر ہوگا کیونکہ اب اعظم خان کا بیان بھی اب واضح ہوگیا ہے اور انہوں نے بے نقاب کردیا ہے کہ عمران خان نے کیسے قوم کو بے وقوف بنایا، اور اس وقت کے وزیر قانون نے ہاؤس میں جس طرح غلط بیانی کی وہ بھی جلد بازی میں تھی.

    انہوں نے دعویٰ کیا کہ سابق وزیر اعظم عمران خان نے اس سائفر کو اپنی تحویل میں لے لیا، جبکہ بعد میں ایک پرچی لہرائی جو کہ قانون کی کھلم کھلا خلاف ورزی ہے، جبکہ عمران خان نے صدر عارف علوی کو مشورہ دیا اور سب سے بڑے ایوان کو تحلیل کردیا گیا، اس آئین شکنی کے خلاف اس وقت کی حزب اختلاف نے عدالت عظمیٰ سے رجوع کیا اور عدالت نے سماعت مقرر کردی.

    ان کا کہنا تھا کہ اور پھر اسپیکر کی رولنگ غیر قانونی قرار پائی اور قومی اسمبلی بحال کردی گئی جبکہ اس کے بعد قانونی طریقہ سے جو کچھ بعد میں ہوا وہ آپ کے سامنے ہے، جبکہ اب حکومت یہ معاملہ جس بحث ہورہی ہے مجاز ادارے کو بھیجا اور ابھی معاملہ زیر تفتیش ہے اور عمران خان کو بھی بلایا گیا ہے.
    مزید یہ بھی پڑھیں؛
    بھارت،خواتین کی برہنہ پریڈ کروانے والا گرفتار،سپریم کورٹ کا نوٹس
    روپے کی قدر میں 0.47 فیصد کی تنزلی ریکارڈ
    عمران خان کی مشکلات میں کمی نہ ہو سکی، ایک اور جے آئی ٹی نے 21 جولائی کو طلب کر لیا۔

    وزیر قانون کا کہنا تھا کہ اب ایک گواہ یعنی اعظم خان سامنے آچکے ہیں جس کے مندرجات سب کے سامنے ہیں اور اس کی تصدیق 164 میں بھی ہوگئی ہے، لہذا اب اس بیان اور جو جواب عمران خان جمع کروائیں گے اس کے بعد جو سیکرٹ ایکٹ کی شکیں ہیں اس کے مطابق ایف ائی اے یہ معاملہ طے کرے گی اس معاملہ کرمنل قرار دیتے ہوئے آگے لے کر چلے گی.

    ان کا یہ بھی کہنا تھا کہ اب یہ سب معاملہ میرٹ پر ہوگا اور اس کی سزا کا فیصلہ تو عدالت کرے گی، ایک سوال کے جواب میں کہا کہ اب اگر اس میں جان بوجھ کر کوتاہی کی گئی ہے تو اس کی سزا کم از کم 14 سال ہوسکتی ہے لیکن اگر جان بوجھ کر ایسا نہ کیا گیا ہو تو پھر دو سال کی سزا ہے.

  • سکھر موٹروے میگا کرپشن کیس، احتساب عدالت میں ریفرنس دائر

    سکھر موٹروے میگا کرپشن کیس، احتساب عدالت میں ریفرنس دائر

    حیدرآباد سکھر موٹروے میگا کرپشن کیس میں قومی احتساب بیورو نے احتساب عدالت حیدرآباد میں ریفرنس دائر کردیا ہے جبکہ ایم سکس موٹروے میگا کرپشن اسکینڈل میں اہم پیشرفت ہوئی ہے، نیب نے میگا کرپشن کیس میں ریفرنس دائر کردیا۔ ریفرنس صرف مٹیاری سیکشن میں کرپشن پر دائر کیا گیا۔

    چیئرمین نیب کی منظوری سے ڈی جی نیب کراچی نے ریفرنس احتساب عدالت حیدرآباد میں دائر کیا۔ ریفرنس میں مٹیاری ۔ نوشہرو فیروز سیکشن کے منصوبے میں 5 ارب 80 کروڑ روپے کی خرد برد کا الزام عائد کیا گیا ہے۔ ریفرنس میں سابق ڈپٹی کمشنر مٹیاری عدنان رشید، لینڈ ایکویزیشن افسر منصور عباسی اور بینک افسران سمیت 19 ملزمان کو نامزد کیا گیا۔
    مزید یہ بھی پڑھیں؛
    اعظم خان نےعمران خان پرقیامت برپا کردی ،سارے راز اگل دیئے،خان کا بچنا مشکل
    سیما جسم فروش خواتین کی طرح بھارت آئی،تحقیقاتی اداروں کا دعویٰ
    چیف سیکرٹری کا جعلی زرعی ادویات کیخلاف کریک ڈاؤن تیز کرنے کا حکم
    عدالت کو بتایا گیا کہ کیس میں 12 ملزمان گرفتار ہیں، جبکہ 5 مفرور اور 2 ضمانت پر ہیں۔ احتساب عدالت میں جمع کرائے گئے ریفرنس میں بتایا گیا کہ ملزمان سابق ڈی سی مٹیاری، لینڈ ایکویزیشن افسر عاشق کلیری اور اسلم پیرزادہ کی نشاندہی پر مجموعی طور پر ایک ارب 80 کروڑ روپے برآمد کئے گئے ہیں۔ ملزم عاشق کلیری اور اخلاق شاہ نے ایک ارب 30 کروڑ 10 لاکھ روپے پلی بارگین کی درخواست دی ہے۔ عدالت نے مزید کارروائی کے لئے سماعت 7 اگست تک ملتوی کر دی۔

  • مینگل قبیلہ کے درمیان جنگ؟

    مینگل قبیلہ کے درمیان جنگ؟

    باغی ٹی وی کو ذرائع سے ملنے والی اطلاعات کے مطابق مینگل قبیلہ کے درمیان جنگ شروع ہوگئی ہے اس لڑائی میں بھاری ہتھیاروں کا استعمال کیا جا رکا یے جبکہ تمام ٹرانسپورٹ حضرات اور چھوٹی بڑے گاڑیوں والے حضرات سے گزارش کی گئی ہے کہ وڈھ میں انتہائی گھمسان کی جنگ شروع ہے لہذا اس علاقہ میں سفر سے گریز کریں تاکہ کوئٹہ سے کراچی سفر کرنے والے کوئی مسافر پریشانی نہ ہو یا پھر کوئی جانی نقصان نہ ہو.

    جے یو آئی سربراہ مولانا فضل الرحمان نے بلوچستان میں مینگل قبائل میں تصادم پر تشویش کا اظہار کیا اور کہا کہ آزادانہ بھاری اسلحے کا استعمال کسی بڑے نقصان کا سب بن سکتا ہے ۔بلوچستان حکومت اور ریاستی ادارے فوری طور جنگ بندی کرائیں امن وامان نافذ کرنے والے ادارے اپنے فرائض منصبی کی ادائیگی میں کوتاہی سمجھ سے بالاتر ہے ۔مولانا فضل الرحمان نے وفاقی وزراء کے وفد سے ملاقات میں جنگ بندی کے لئے فوری اقدامات کرنے کی اپیل کی اور کہا کہ وفاقی وزیر داخلہ اور ریاستی ادارے فوری طور پر امن وامان کے لئے تمام تر وسائل بروئے کار لائیں ۔ملاقات میں مولانا قمر الدین ،سنیٹر مولانا فیض محمد اور اسلم غوری بھی موجود تھے

    https://twitter.com/HamidMirPAK/status/1681716455862308864
    ادھر سینئر صحافی حامد میر نے گولہ باری اور فائرنگ کی ویڈیو شیئر کرتے ہوئے لکھا کہ "خضدار کے علاقے وڈھ میں حالات بہت کشیدہ ہو چکے ہیں وزیراعلیٰ بلوچستان اور دیگر اداروں کو یہاں سیز فائر کے لئے فریقین سے خود بات کرنی چاہئیے”

    جبکہ اس حوالے سے ذولقرنین نامی صارف نے سینئر صحافی سے شکوہ کیا کہ میں تو کب سے اس مسئلہ پر بول رہا تھا لیکن آپ نے اس وقت بات نہ کی حالانکہ میں آپ کو ٹیگ بھی کررہا تھا. خیال رہے کہ یہ جنگ دراصل دو مینگل خاندانوں کے درمیان کی ہے جس میں ایک طرف سردار اختر مینگل جبکہ دوسری طرف سردار شفیق مینگل گروپ ہے.
    مزید یہ بھی پڑھیں؛
    اعظم خان نےعمران خان پرقیامت برپا کردی ،سارے راز اگل دیئے،خان کا بچنا مشکل
    سیما جسم فروش خواتین کی طرح بھارت آئی،تحقیقاتی اداروں کا دعویٰ
    چیف سیکرٹری کا جعلی زرعی ادویات کیخلاف کریک ڈاؤن تیز کرنے کا حکم
    تاہم اس بارے میں ایک صارف نے دعویٰ کیا ہے بتایا جارہا ہے کہ حامد میر نے جو ویڈیو اپلوڈ کی ہے وہ بلوچستان نہیں بلکہ شمالی وزیرستان کی ہے لیکن وڈھ بلوچستان میں بھی حالات خراب ہیں اور کچھ قبائل آپس میں لڑ رہے ہیں، صارف کے مطابق بلوچستان میں ہمیشہ بلوچ لیڈرز کو بلوچ ہی سے لڑا کر نقصان پہنچایا گیا آج بلوچستان میں لیڈر شپ کا فقدان ہے ہر نواب ،سردار اپنی اپنی تحصیلوں تک محدود ہوچکے ہیں اور زاتی مفاد کا دفاع کررہے ہیں بلوچستان سے زیادہ اب وہ اپنی ہی نشست کی جنگ لڑ رہے ہیں تاکہ کہیں آنے والے الیکشن میں ہماری کرسی نہ چلا جائے.

  • مجسٹریٹ بیان تنہائی میں لیتا پھر اعظم خان کے پاس دباؤ کا عزر کیسا؟ حسن رضا پاشا

    مجسٹریٹ بیان تنہائی میں لیتا پھر اعظم خان کے پاس دباؤ کا عزر کیسا؟ حسن رضا پاشا

    پاکستان بار کونسل کی ایگزیکٹو کمیٹی کے چیئرمین حسن رضا پاشا کا کہنا ہے کہ 164 کا بیان ریکارڈ کرنے کا طریقہ کار مختلف ہے، مجسٹریٹ ملزم کی ہتھکڑی کھلواکر پولیس کو باہر بھیج دیتا ہے، مجسٹریٹ تنہائی میں ملزم کا بیان ریکارڈ کرتا ہے، مجسٹریٹ کہتا ہے کہ بیان آپ کے خلاف بھی استعمال ہوسکتا ہے۔

    حسن رضا پاشا نے مزید کہا کہ آفیشل سیکریٹ ایکٹ کی خلاف ورزی پر سزائے موت ہوسکتی ہے، آفیشل سیکریٹ ایکٹ میں 7 سے 14 سال قید کی سزا ہوسکتی ہے، کوئی دستاویز غائب ہونے کی سزا 3 سال قید ہے، سائفر کو عوام میں لہرانا آفیشل سیکریٹ ایکٹ کی خلاف ورزی ہے۔

    مصدق ملک نے کہا کہ آفیشل سیکریٹ ایکٹ کی خلاف ورزی تو ہوئی ہے، سائفر کو جلسوں میں لہرایا گیا، سائفر سے ایک ملک سے تعلقات متاثر ہوئے، سائفر کے گم ہونے پر بھی آفیشل سیکریٹ ایکٹ لگتا ہے۔ ان کا کہنا تھا کہ بہت سے امور پر سفیروں کو ڈیمارش کیا جاتا ہے، خفیہ دستاویز کو پبلک کرنا قانون کی خلاف ورزی ہے، وعدہ معاف گواہ بنانا تفتیشی ٹیم کی صوابدید ہے۔
    مزید یہ بھی پڑھیں؛
    اعظم خان نےعمران خان پرقیامت برپا کردی ،سارے راز اگل دیئے،خان کا بچنا مشکل
    سیما جسم فروش خواتین کی طرح بھارت آئی،تحقیقاتی اداروں کا دعویٰ
    چیف سیکرٹری کا جعلی زرعی ادویات کیخلاف کریک ڈاؤن تیز کرنے کا حکم
    مصدق ملک نے مزید کہا کہ اعظم خان اپنے بیان سے مکر جائیں تو بھی فرق نہیں پڑتا، سائفر خفیہ کوڈ میں وزارت خارجہ آتا ہے، سائفر تک رسائی چند اعلیٰ افسران تک ہوتی ہے۔