Author: +9251

سابق وزیر اعظم میاں محمد نواز شریف جدہ سے دبئی پہنچ گئے ہیں لیکن ان کا شیڈول تاخیر کا شکار رہا ہے جبکہ اب اس حوالے سے کہا جارہا ہے کہ ان کی سعودی عرب سے رخصتی کچھ اہم ملاقاتوں کے باعث تاخیر کا شکار ہوئی تھی اور اس حوالے سے نجی ٹی وی پر گفتگو کرتے ہوئے سینیٹر عرفان صدیقی نے کہا کہ تاخیر کی وجہ نواز شریف کی ایک آدھ میٹنگ تھی، جو ہوچکی ہے جبکہ میٹنگ اہم ہو یا غیر اہم ہو، میٹنگ اگر ہونی ہے تو فلائٹ ڈیلے ہوگی اور میں اس کی تفصیلات جانتا بھی نہیں ہوں بتا بھی نہیں سکتا، کوئی اہم میٹنگ تھی یقیناً جس کی وجہ سے انہیں تھوڑی تاخیر کرنا پڑی، لیکن اتنی زیادہ تاخیر نہیں ہے۔

خٰیال رہے کہ عرفان صدیقی نواز شریف کی تقاریر بھی لکھتے رہے ہیں تو ان سے پوچھا گیا کہ نواز شریف وطن واپسی پر کیا تقریر کریں گے، کیا اس میں کوئی غیر متوقع بات ہوگی؟ اس سوال کے جواب میں عرفان صدیقی نے کہا کہ کوئی غیر متوقع باتیں نہیں ہیں اور میاں صاحب کا وژن بڑا واضح رہا ہے، وہ تین دفعہ وزیراعظم رہے ہیں، ان کے ادوار کا جائزہ لیا جائے اور ان کی نفسیاتی فلاسفی کو مد نظر رکھا جائے تو ان کا جو بنیادی ہدف ہوتا ہے وہ ملک کی تعمیر اور ترقی ہے، ملک کے عوام ہیں، ملک کو آگے لے جانا ہے، جمہوریت کا استحکام ہے، یہ ان کے نظریات بڑے واضح ہیں، یہ ان کی تقریر میں بھی آپ کو ملیں گے اور یہی ان کا بنیادی بیانیہ ہوگا۔
مزید یہ بھی پڑھیں؛

مزید یہ بھی پڑھیں؛
توہین الیکشن کمیشن کیس میں چیئرمین پی ٹی ائی عمران خان کے پروڈکشن آرڈر جاری
نواز شریف کی آمد،چار افراد ایئر پورٹ پر پھول پھینک سکتے،ایوی ایشن کی اجازت
سابق وزیر قانون اور سینیٹر ایس ایم ظفر وفات پاگئے
انہوں نے کہا کہ 2017 میں پاکستان جس ٹیک آف پر آگیا تھا س کے بعد جو زوال ہوا اس کے ملک کو نکالنے کیلئے ان کے پاس یقیناً کوئی فارمولہ اور سوچ ہوگی، اور وہ اسی پر فوکس کریں گے، تو کیا وہ اپنی تقریر میں جنرل باجوہ اور فیض کے احتساب کی بات نہیں کریں گے؟ اس سوال کے جواب میں ان کا کہنا تھا کہ میاں صاحب کا ایک نظریہ رہا ہے اور میاں صاحب اس نظریے سے کبھی پیچھے بھی نہیں ہٹے، اور وہ نظریہ یہی ہے کہ جن لوگوں نے جمہوریت کو نقصان پہنچایا، خاص طور پر پچھلے پانچ چھ سالوں میں ایک شخص کو منصوبہ بندی کرکے سازش کرکے،،،، میاں صاحب اور ان کے خاندان پر جو بیتی سو بیتی، پاکستان اور اس کے عوام پر جو بیت رہی ہے اس کو وہ یقیناً اپنا جو سیاسی نظریہ ہے اس میں بڑا عزیز رکھتے ہیں‘۔

الیکشن کمیشن آف پاکستان نے پاکستان تحریک انصاف کے چیئرمین عمران خان کو پارٹی عہدے سے ہٹانے کی درخواست سماعت کے لیے مقرر کردی جبکہ توہین الیکشن کمیشن کیس میں پی ٹی آئی رہنماوں کو ذاتی حیثیت میں پیش ہونے کا حکم دے دیا گیا جبکہ الیکشن کمیشن نے آئندہ ہفتے کی کاز لسٹ جاری کردی جس کے مطابق چیئرمین تحریک انصاف کو عہدے سے ہٹانے کی درخواست سماعت کے لیے منظور کرلی گئی ہے۔

علاوہ ازیں الیکشن کمیشن نے عمران خان کو نوٹس جاری کردیا ہے اور 26 اکتوبر کو عمران خان کو عہدے سے ہٹانے کی درخواست پر باضابطہ سماعت کی جائے گی اور چیف الیکشن کمشنر سکندر سلطان راجہ کی سربراہی میں 5 رکنی بینچ عمران خان کے خلاف سماعت کرے گا اور الیکشن کمیشن نے درخواست گزار خالد محمود کو بھی نوٹس جاری کردیا، توشہ خانہ کیس میں سزا کے بعد چیئرمین پی ٹی آئی کو عہدے سے ہٹانے کی درخواست کی گئی تھی۔
مزید یہ بھی پڑھیں؛

یوٹیلٹی اسٹورز کارپوریشن کے بینک اکاؤنٹس منجمد
نواز شریف کی آمد،چار افراد ایئر پورٹ پر پھول پھینک سکتے،ایوی ایشن کی اجازت
سابق وزیر قانون اور سینیٹر ایس ایم ظفر وفات پاگئے
واضح رہے کہ اسی طرح چیئرمین پی ٹی آئی عمران خان ، اسد عمر اور فواد چوہدری کے خلاف توہین الیکشن کمیشن کیسز بھی سماعت کے لیے مقرر کردیے گئے ہیں اور الیکشن کمیشن کا 4 رکنی بینچ 24 اکتوبر کو توہین الیکشن کمیشن کیسز پر سماعت کرے گا جبکہ عمران خان، اسد عمر اور فواد چوہدری پر توہین الیکشن کمیشن کیسز میں فرد جرم عائد کی جائے گی اور الیکشن کمیشن نے عمران خان، اسد عمر اور فواد چوہدری کو ذاتی حیثیت میں پیش ہونے کی ہدایت کردی۔

جبکہ الیکشن کمیشن نے توہین الیکشن کمیشن کیس میں چیئرمین پی ٹی ائی عمران خان کے پروڈکشن ارڈر جاری کر دیے اور الیکشن کمیشن کی سپرنٹینڈنٹ اڈیالہ جیل کو چیئرمین پی ٹی ائی کو 24 اکتوبر کو پیش کرنے کی ہدایت کی گئی ہے، اور الیکشن کمیشن کا چیئرمین پی ٹی ائی کی پیشی کے موقع پر سیکیورٹی کے لیے ائی جی اسلام اباد اور ائی جی پنجاب کو مراسلہ بھیج دیا گیا جبکہ توہین الیکشن کمیشن کے اس میں 24 اکتوبر کو چیئرمین پی ٹی ائی پر فرد جرم عائد کی جائے گی اور الیکشن کمیشن نے گزشتہ سماعت کا تحریری ارڈر بھی جاری کر دیا

فیڈرل بورڈ آف ریونیو نے 8 ارب سے زائد کے ٹیکس واجبات کی ریکوری کے لیے یوٹیلٹی اسٹورز کارپوریشن کے پاکستان میں تمام بینک اکاؤنٹس منجمد کردیے ہیں اور یوٹیلیٹی اسٹورز کارپوریشن ایف بی آر کی 8 ارب روپے سے زائد کی نادہندہ نکلی ہے اور ٹیکس ادا نہ کرنے پر ایف بی آر نے یوٹیلٹی اسٹورز کے اکاؤنٹس منجمند کردیے ہیں جبکہ ذرائع کے مطابق یوٹیلٹی اسٹورز کے ذمہ 8 ارب 19 کروڑ سے زیادہ کا ٹیکس واجب الادا ہے۔

جبکہ اس بارے میں ترجمان یوٹیلٹی اسٹورز کا بینک اکاؤنٹس منجمد ہونے کی تصدیق کرتے ہوئے نجی میڈیا کو بتایا کہ فیڈرل بورڈ آف ریونیو نے 2دن قبل یوٹیلٹی اسٹورز کے بینک اکاونٹس منجمد کیے، البتہ دوسرے معاملات پر اپ ڈیٹ نہیں جبکہ ایم ڈی یوٹیلٹی اسٹورز کارپوریشن محمد علی عامر سے رابطہ نہیں ہوسکا ہے، حکام ایف بی آر نے یوٹیلٹی اسٹورز کارپوریشن کے 10 اکاؤنٹس منجمد کیے ہیں۔
مزید یہ بھی پڑھیں؛
نواز شریف کی آمد،چار افراد ایئر پورٹ پر پھول پھینک سکتے،ایوی ایشن کی اجازت
سابق وزیر قانون اور سینیٹر ایس ایم ظفر وفات پاگئے
جبکہ یوٹیلیٹی اسٹورز کے اکاؤنٹس میں موجود تمام رقوم سرکاری خزانے میں جمع کرانے کی ہدایت کردی گئی، یوٹیلٹی اسٹورز انتظامیہ نے فیلڈ فارمشنز کو بینکوں میں رقوم جمع کروانے سے روک دیا ہے۔