Baaghi TV

Author: +9251

  • اعجازچودھری کی ویڈیو میں موجودگی، فرانزک رپورٹ جاری

    اعجازچودھری کی ویڈیو میں موجودگی، فرانزک رپورٹ جاری

    <strong نومئی کو جلاؤ گھیرائوکے واقعات کی فرانزک رپورٹ منظرعام پرآگئی ہے جبکہ نومئی کے واقعہ میں گرفتارتمام ملزمان ویڈیوزمیں کارروائیاں کرتے نظرآئے ہیں جس میں اعجازچودھری کی موجودگی بھی ثابت ہوگئی اور اب واضح ہوگیا ہے جس سے وہ انکار بھی نہیں کرسکتے ہیں.

    لاہور میں 9 مئی کو پی ٹی آئی کارکنوں کے جلاؤ گھیراؤ کے واقعات کے دوران ہجوم کی سیف سٹی کیمروں کی فرانزک رپورٹ منظرعام پر آگئی ہے جس کے مطابق پرتشدد ہجوم کا لبرٹی سے گرجا چوک تک مارچ کا ثبوت مل گیا، گرفتار تمام ملزمان وڈیوز میں کارروائیاں کرتے نظر آئے اورملزم اعجاز چوہدری کی ویڈیو میں موجودگی بھی پائی گئی ہے۔ علاوہ ازیں اس رپورٹ کے مطابق 9 مئی کو 4 بج کر57 منٹ پر ہجوم میں شامل افراد ڈنڈے اور جھنڈوں کے ساتھ شیرپاؤ پل پر پیدل آئے، 5 بج کر 10 منٹ پر موٹرسائیکل سواروں کا ہجوم بھی گرجا چوک میں اکٹھا ہوا، 5 بج کر16 منٹ پر طفیل روڈ اور اسد جان روڈ پر بھی ہجوم کے شواہد ملے
    مزید یہ بھی پڑھیں؛
    علی محمد خان پھر دوبارہ گرفتار کرلیئے گئے
    آئی سی سی ورلڈ کپ کا شیڈول جاری،پی سی بی کا بیان سامنے آگیا
    ڈالر کی قیمت مزید نیچے آنے کا امکان
    مہک ملک کی اداکاری میں اینٹری
    استاد صحافت ڈاکٹر مہدی حسن سویلین کا فوجی ٹرائل، چیف جسٹس کیس پر فل کورٹ بینچ بنائیں، جسٹس یحییٰ آفریدی
    پاکستانیوں اورامت مسلمہ کو حج 1444ھ کی مبارک باد دیتا ہوں. وزیر اعظم
    فرانزک رپورٹ کے مطابق 5 بج کر 25 منٹ پر ہجوم مال آف لاہور کے باہر پہنچا، 5 بج کر 35 منٹ سے 6 بج کر 45 منٹ تک ہجوم افشاں چوک، فورٹریس اسٹیڈیم چوک میں موجود رہا، 8 بج کر 40 منٹ پر سی ایس ڈی میں داخل ہونے کے ویڈیو ثبوت ملے ہیں ۔ جبکہ خیال رہےکہ انویسٹی گیشن ونگ کی جانب سےپی ایف ایس اے کو مختلف ویڈیوز بھجوائی گئی تھیں۔ پولیس حکام کا کہنا ہے کہ تمام ویڈیوزکی تجزیاتی رپورٹ عدالت میں پیش کی جائے گی،تاکہ فرانزک رپورٹ کی مدد سے ان ملزمان کو سزائیں مل سکیں۔

    دوسری جانب گورنربلوچستان ملک عبدالولی خان کاکڑ نے کہا ہے کہ افراتفری پھیلانے اور شرپسندی کو ہوا دینے والوں کے ساتھ سختی سے نمٹنے کی ضرورت ہے۔ مانگی کے علاقے میں کوئلے سے بھرے متعدد ٹرکوں کو نذرآتش کرنا بزدلانہ فعل ہے ۔ گورنر بلوچستان نے کہا کہ عوام کے جان ومال کی حفاظت حکومت کی آولین ذمہ داری ہے. غریب عوام کے املاک کو نذر آتش کرنا یا نقصان پہنچانا ایک سفاکانہ فعل ہے۔ ہرنائی اور اس سے متصل علاقوں میں پچھلے ایک دو مہینوں کے دوران ایسے کئی واقعات رونما ہو چکے ہیں.

    انہوں نے متعلقہ ضلعی انتظامیہ اور دیگر ذمہ دار اداروں سے ایسے تخریبی اور دہشت گردانہ واقعات کی فوری طور رپورٹ طلب کر لی. افراتفری پھیلانے اور شرپسندی کو ہوا دینے والوں کے ساتھ سختی سے نمٹنے کی ضرورت ہے۔ انہوں نے تمام قانون نافذ کرنے والے اداروں پر زور دیا کہ ایسے افسوسناک واقعات کی روک تھام اور موجودہ واقعہ میں ملوث تمام عناصر کو جلد از جلد گرفتار کر کے انصاف کے کٹہرے میں کھڑا کیا جائے۔

  • سبزیوں کی برآمد میں 1.72ارب روپے کا اضافہ ریکارڈ

    سبزیوں کی برآمد میں 1.72ارب روپے کا اضافہ ریکارڈ

    ملک میں سبزیوں کی برآمدات میں مئی 2023کے دوران38.7 فیصد اضافہ ریکارڈ کیا گیا ہے جبکہ ادارہ برائے شماریات پاکستان(پی بی ایس) کے جاری کردہ اعدادوشمارکے مطابق گزشتہ سال مئی کے مقابلے میں رواں سال مئی میں سبزیوں کی برآمدات میں 38.7فیصد کا اضافہ ریکارڈ کیا گیا ہے۔

    مئی 2022میں مجموعی طورپر 4.5ارب روپے کی سبزیوں کی برآمدات ریکارڈ کی گئی تھیں جو مئی 2023 میں بڑھ کر6.22ارب روپے ہوگئیں۔ جبکہ اس طرح مئی 2022کے مقابلے میں رواں سال مئی میں سبزیوں کی برآمدات میں 1.72ارب روپے کا اضافہ ریکارڈ کیا گیا ہے۔

    مزید یہ بھی پڑھیں؛
    علی محمد خان پھر دوبارہ گرفتار کرلیئے گئے
    آئی سی سی ورلڈ کپ کا شیڈول جاری،پی سی بی کا بیان سامنے آگیا
    ڈالر کی قیمت مزید نیچے آنے کا امکان
    مہک ملک کی اداکاری میں اینٹری
    استاد صحافت ڈاکٹر مہدی حسن سویلین کا فوجی ٹرائل، چیف جسٹس کیس پر فل کورٹ بینچ بنائیں، جسٹس یحییٰ آفریدی
    پاکستانیوں اورامت مسلمہ کو حج 1444ھ کی مبارک باد دیتا ہوں. وزیر اعظم
    خیال رہے کہ تمام سبز کھانےصحت کے فوائد سے بھرپور ہوتے ہیں اس میں سرفہرست چمکتی جلد بھی شامل ہے۔ سبز پتوں والی سبزیاں بیٹا کیروٹین سے بھری ہوتی ہیں، جو آپ کی جلد کے پرانے خلیات کو ختم کرنے اور نئے بنانے میں مدد کرتی ہے۔ تازہ سبزیاں جوانی کی چمک کو بڑھادیتی ہیں۔

    رواں سال کوئٹہ میں مرغی کے گوشت کی فی کلو قیمت میں 30 روپے کی کمی کی گئی تھی جبکہ مختلف سبزیوں کی قیمت میں اضافہ ہو گیا تھا جبکہ مارکیٹ ذرائع کے مطابق مرغی کے گوشت کی فی کلو قیمت 520 روپے پر آ گئی، رمضان کے آغاز میں مرغی کا گوشت 550 روپے فی کلو میں فروخت کیا جا رہا تھا، تاہم ذرائع کے مطابق شہر میں بکرے اور گائے کے گوشت کی فی کلو قیمت میں کمی نہ آ سکی تھیی۔

  • شہر کے مسائل کو مل کر حل کرنا چاہتے ہیں. میئر کراچی

    شہر کے مسائل کو مل کر حل کرنا چاہتے ہیں. میئر کراچی

    میئر کراچی مرتضٰی و ہاب نے جماعت اسلامی کے ٹاون چیئرمینز کو عید الاضحی کی تیاری کے حوالے سے مدعو کیا اور مل کر کام کرنے پر زور دیا ہے جبکہ سماجی رابطے کی ویب سائٹ ٹویٹر پر اپنی ٹویٹ میں میئر کراچی مرتضیٰ وہاب نے بتایا کہ انہوں ںے ڈپٹی میئر کراچی اور جماعت اسلامی کے ٹاؤن چیئر پرسن صاحبان کو عید الاضحی کی تیاری کے حوالے سے مدعو کیا اور مل کر کام کرنے پر زور دیا ہے۔


    میئر کراچی مرتضیٰ وہاب کا کہنا تھا کہ ہماری کوشش ہے کہ سب کی مشاورت سے شہر کے مسائل کو حل کیا جائے۔ خیال رہے کہ اس سے قبل ایک تقریب سے خطاب کرتے ہوئے مرتضیٰ وہاب کا کہنا تھا کہ کراچی میں پانی کا مسئلہ حل کرنے کا کسی نے نہیں سوچا، کے فور منصوبے کی لاگت اس وقت 125 ارب ہے، جب کہ اس منصوبے میں صرف 15 ارب روپے رکھے گئے، وفاق سے کہیں گے کراچی کے پانی میں اضافہ کیا جائے۔
    مزید یہ بھی پڑھیں؛
    علی محمد خان پھر دوبارہ گرفتار کرلیئے گئے
    آئی سی سی ورلڈ کپ کا شیڈول جاری،پی سی بی کا بیان سامنے آگیا
    ڈالر کی قیمت مزید نیچے آنے کا امکان
    مہک ملک کی اداکاری میں اینٹری
    استاد صحافت ڈاکٹر مہدی حسن سویلین کا فوجی ٹرائل، چیف جسٹس کیس پر فل کورٹ بینچ بنائیں، جسٹس یحییٰ آفریدی
    پاکستانیوں اورامت مسلمہ کو حج 1444ھ کی مبارک باد دیتا ہوں. وزیر اعظم

    مرتضیٰ وہاب نے کہا کہ کراچی کے بیشتر علاقوں میں پانی نہیں ہے، ہم پانی کے مسئلے کوحل کریں گے، ہم ان چیزوں پرکام کررہے ہیں جس سے وفاق کا کوئی لینا دینا نہیں ہے اور صرف اور صرف عوامی مسائل پر توجہ دینا چاہتے ہیں تاکہ لوگوں کے مسائل ختم نہیں تو کم از کم کم ضرور ہوجائیں.

  • پاکستانیوں اورامت مسلمہ کو حج 1444ھ کی مبارک باد دیتا ہوں. وزیر اعظم

    پاکستانیوں اورامت مسلمہ کو حج 1444ھ کی مبارک باد دیتا ہوں. وزیر اعظم

    وزیراعظم شہباز شریف نےلاکھوں عازمین حج، تمام پاکستانیوں اورامت مسلمہ کو حج 1444ھ کی مبارک باد دی ہے جبکہ مکہ مکرمہ میں فریضہ حج کی ادائیگی کرتے لاکھوں عازمینِ حج، تمام پاکستانیوں اور امت مسلمہ کو میری طرف سے حج 1444ھ بہت بہت مبارک ہو۔


    سماجی رابطوں کی ویب سائٹ ٹویٹر پر ایک پیغام میں وزیر اعظم نے کہا کہ حج کے موقع پر میری بارگاہِ ربِ جلیل میں یہ دعا ہے کہ پاکستان کی تمام معاشی مشکلات دور ہوں اور پاکستان ترقی، امن اور خوشحالی کا گہوارہ بنے

    شہبازشریف نے کہا کہ میری حج کے اس پاک موقع پر یہ بھی دعا ہے کہ خدائے بزرگ و برتر امت مسلمہ بالخصوص ہمارے کشمیری اورفلسطینی بہن بھائیوں کی تمام مشکلات دورکریں، آمین! واضح رہے کہ دوسری جانب امام کعبہ شیخ ڈاکٹریوسف بن محمد نے خطبہ حج میں مسلمانوں کو دین کو مضبوطی سے تھامنے اور امت کو یکجا ہونے کا پیغام دیا ہے۔ ڈاکٹر یوسف نے کہا کہ امت ایک ہے، نبی ایک ہے، اللہ ایک ہے، دین ایک ہے، تم نے بھی ایک ہو کر رہنا ہے، شریعت کی خلاف ورزی کرنے والے نے اپنا نقصان کیا ہے۔
    مزید یہ بھی پڑھیں؛
    پشاورایل آر ایچ کا طبی اور انتظامی عملہ عید کی چھٹیوں میں بھی ڈیوٹی پر مامور رہے گا
    پشاور انسداد کرپشن عدالت میں سابق صوبائی وزیر کی ضمانت درخواست پر سماعت
    آئی سی سی ورلڈ کپ کا شیڈول جاری،پی سی بی کا بیان سامنے آگیا
    ڈالر کی قیمت مزید نیچے آنے کا امکان
    مہک ملک کی اداکاری میں اینٹری
    استاد صحافت ڈاکٹر مہدی حسن سویلین کا فوجی ٹرائل، چیف جسٹس کیس پر فل کورٹ بینچ بنائیں، جسٹس یحییٰ آفریدی
    میدان عرفات کی مسجد نمرہ سے خطبہ حج دیتے ہوئے امام کعبہ شیخ ڈاکٹریوسف بن محمد نے کہا کہ اللہ تعالیٰ نے نبی پاکﷺ کو اپنا رسول بنا کر بھیجا، رسول اللہﷺ جو کچھ لے کر آئے وہ رہنمائی کیلئے ہے، نماز قائم کرو اور زکوٰۃ ادا کرتے رہو، رمضان کے روزے فرض ہیں، جس کے پاس پیسا ہے کہ اللہ کے گھرکی زیارت کیلئے مکہ آئے تو اسے ضرور حج کا فریضہ ادا کرنا چاہیے۔

  • علی محمد خان پھر دوبارہ گرفتار کرلیئے گئے

    علی محمد خان پھر دوبارہ گرفتار کرلیئے گئے

    تحریک انصاف کے رہنما علی محمد خان کو رہائی کے بعد دوبارہ گرفتار کرلیا گیا ہے جبکہ محکمہ اینٹی کرپشن خیبر پختونخواکے مطابق علی محمد خان کے خلاف کرپشن کا ایک اور مقدمہ درج ہے۔ تاہم محکمہ اینٹی کرپشن نے بتایاکہ علی محمد خان کے خلاف مختلف ٹھیکوں میں خورد برد کا الزام ہے۔

    جبکہ واضح رہے آج ہی پشاور کی اینٹی کرپشن عدالت نے سابق وزیرمملکت علی محمد خان کی ضمانت منظور کی تھی، عدالت نے علی محمد خان کو 80 ہزار روپے کے مچلکے جمع کرانے کا حکم دیا تھا، ان پر غیرقانونی بھرتیوں اور خزانے کو 23 لاکھ روپے نقصان پہنچانے کا الزام ہے، پی ٹی آئی رہنما جوڈیشل ریمانڈ پر مردان جیل میں قید تھے۔
    مزید یہ بھی پڑھیں؛
    آئی سی سی ورلڈ کپ کا شیڈول جاری،پی سی بی کا بیان سامنے آگیا
    ڈالر کی قیمت مزید نیچے آنے کا امکان
    مہک ملک کی اداکاری میں اینٹری
    استاد صحافت ڈاکٹر مہدی حسن سویلین کا فوجی ٹرائل، چیف جسٹس کیس پر فل کورٹ بینچ بنائیں، جسٹس یحییٰ آفریدی
    خیال رہے کہ 9 جون کو علی محمد خان کو مردان کی انسداد دہشت گردی کی عدالت سے رہائی کے بعد اینٹی کرپشن کیس میں گرفتار کیا گیا تھا۔ یاد رہے کہ علی محمد خان پر غیر قانونی بھرتیوں اور خزانےکو 23 لاکھ روپے نقصان پہنچانےکا الزام ہے۔ تحریک انصاف کے رہنما علی محمد خان کی یہ گرفتاری پانچویں مرتبہ عمل میں لائی گئی تھی، اس سے ایک روز قبل ہی پشاور جیل سے رہائی کے بعد مردان پولیس نےانہیں گرفتار کیا تھا۔

    محکمہ اینٹی کرپشن کے مطابق علی محمد کی گرفتاری ترقیاتی سکیموں میں مبینہ خردبرد کے مقدمے میں کی گئی ہے جبکہ ایف آئی ار سال 2018 اور 2019 میں لوکل گورنمنٹ کے ٹھیکوں میں مبینہ خرد برد کے الزام میں درج کیا گیا ہے، ایف آئی ار میں سابق صوبائی وزیرعاطف خان اور سابق ایم پی اے طفیل انجم کو بھی نامزد کیا گیا ہے، محکمہ اینٹی کرپشن کا یہ بھی کہنا تھا دفتر لوکل گورنمنٹ اور اے ڈی لوکل گورنمنٹ فضل اللہ سمیت متعدد ٹھیکداروں بھی ایف آئی ار میں نامزد ہیں.

  • پشاور پولیس نے عید الاضحیٰ کیلئے سیکورٹی پلان ترتیب دے دیا

    پشاور پولیس نے عید الاضحیٰ کیلئے سیکورٹی پلان ترتیب دے دیا

    کیپٹل سٹی پولیس پشاور نے عید الاضحی کےلئے خصوصی سکیورٹی پلان کو حتمی شکل دے دی ہے جبکہ جاری ہونے والے سکیورٹی پلان کے مطابق عید الااضحی کے دوران چار ہزار سے زائد پولیس افسران واہلکار سکیورٹی کے فرائض سرانجام دیں گے، شہر میں امن وامان کے قیام کو یقینی بنانے کی خاطر اہلکاروں کی چھٹیاں بھی منسوخ کردی گئیں ہیں

    ترجمان محمد عالم نے بتایا کہ شہر میں ابابیل سکواڈ، سٹی پٹرولنگ اور پولیس موبائل گشت میں اضافہ کرنے کے ساتھ ساتھ شہر کے تمام داخلی و خارجی راستوں کی نگرانی بھی مزید سخت کردی گئی ہے، شہر کے تمام اہم بازاروں اور شاہراہوں پر اضافی پولیس نفری تعینات کرنے کے ساتھ ساتھ مویشی منڈیوں اور شہر میں مشتبہ اور مشکوک افراد پر کڑی نظر رکھنے کی خاطر سادہ کپڑوں میں بھی پولیس اہلکاروں کو تعینات کردیا گیا ہے، اعلامیہ کے مطابق شہر کے گنجان آباد بازاروں میں سنیفرڈاگز، لیڈیز پولیس اہلکار اور بم ڈسپوزل سکواڈ کے علاوہ سٹی پٹرولنگ فورس اور پولیس بکتربند گاڑیاں بھی گشت کریں گی، مویشی منڈیوں میں بھی امن وامان برقرار رکھنے اور مسایل فوری حل کرنے کی خاطر پولیس ہیلپ ڈیسک قائم کردیئے گئے ہیں، کسی بھی ناخوشگوار واقعہ سے نمٹنے اور سکیورٹی کو جامع بنانے کی خاطر تمام ڈویژنل ایس پیز کی نگرانی میں پولیس کو سرائے اور ہوٹلوں میں قیام پذیر افراد پر بھی کڑی نظر رکھنے کی ہدایت کی گئی ہے جبکہ اس ضمن میں عید سے قبل شہر کے اطراف میں انفارمیشن بیسڈ خصوصی ٹارگٹڈ سرچ اینڈ سٹرائیک آپریشنز کرانے کی بھی ہدایت کی گئی ہے، نماز عید کے بڑے بڑے اجتماعات سمیت عید گاہوں اور شہر کے تمام حساس مساجد کو بھی فول پروف سکیورٹی فراہم کرتے ہوئے سادہ کپڑوں میں بھی پولیس اہلکاروں کو تعینات کیا جائے گا
    مزید یہ بھی پڑھیں؛
    ڈالر کی قیمت مزید نیچے آنے کا امکان
    مہک ملک کی اداکاری میں اینٹری
    استاد صحافت ڈاکٹر مہدی حسن سویلین کا فوجی ٹرائل، چیف جسٹس کیس پر فل کورٹ بینچ بنائیں، جسٹس یحییٰ آفریدی

    کیپٹل سٹی پولیس کی جانب سے جاری ہونے والے سکیورٹی پلان کے تحت عید الاضحی کے دوران ٹریفک کو رواں دواں رکھنے کی خاطر مختلف شاہراہوں، بازاروں اور مویشی منڈیوں کے اطراف میں اضافی ٹریفک پولیس اہلکار بھی تعینات کئے گئے ہیں جبکہ ٹریفک پولیس کی جانب سے بھی خصوصی ٹریفک پلان تشکیل دیا گیا ہے جس کے تحت ایک ہزار سے زائد ٹریفک پولیس افسران واہلکار شہر میں ٹریفک کو رواں دواں رکھنے کی خاطر ڈیوٹی پر موجود رہیں گے

  • جرار رضوی کن ڈائریکٹرز کے کام سے متاثر ہیں؟ بتا دیا

    جرار رضوی کن ڈائریکٹرز کے کام سے متاثر ہیں؟ بتا دیا

    معروف اور سینر فلم میکر جرار رضوی نے کہا ہے کہ میں دیکھ رہا ہوں کہ آج بہت اچھا کام ہو رہا ہے، ماہرہ خان ، فواد خان و دیگر سب ہی ایکٹرز بہت اچھے ہیں، ندیم بیگ ، نبیل قریشی اور بلال لاشاری بہت اچھا کام کررہے ہیں انہیں چاہیے کہ یہ زیادہ سے زیادہ فلمیں بنائیں . لاہور سے حسن عسکری اور سید نور جیسے ڈائریکٹرز بہترین کام کررہے ہیں. میں سمجھتا ہوں کہ لاہور اور کراچی والے چکر سے نکلنا چاہیے اور اب ہمیں‌مل جل کر کام کرنا چاہیے.

    اگر ہم سب مل کر کام کریں گے تو یقینا بہترین نتائج سامنے آئیں گے. انہوں نے کہا کہ پنجابی فلم دا لیجنڈ آف مولا جٹ نے جیسا بزنس کر لیا ہے اور پنجابی فلموں کا جو معیار سیٹ کر دیا ہے، اس کے بعد” ہم تسلسل سے بہترین پنجابی فلمیں بناتے رہیں گے تو ہی پنجابی فلموں پر شائقین کا اعتماد بندھا رہے گا”. انہوں نے کہا کہ میری جو خدمات چاہیں میں وہ دینے کےلئے تیار ہوں. لیکن کام اچھا ہونا چاہیے ، میں نے اپنے وقتوں میں جتنا ہو سکا بہترین کام کیا ، اب بھی کرنے کو تیار ہوں ، ہم سب کو مل کر کام صرف فلم انڈسٹری کی بہتری کے لئے کرنا چاہیے.

     

    مہک ملک کی اداکاری میں اینٹری

    فلم آر پار کی لاہور یں پریس کانفرنس

    عید سو کر گزارتا ہوں معمر رانا

     

  • ڈالر کی قیمت مزید نیچے آنے کا امکان

    ڈالر کی قیمت مزید نیچے آنے کا امکان

    چیئرمین فاریکس ڈیلرزایسوسی ایشن ملک بوستان کا کہنا ہے کہ روپے کے اچھے اور ڈالر کے برے دن آنے والے ہیں، ڈالر کی “ بلیک مارکیٹ “ دم توڑ رہی ہے۔ نجی ٹی وی سے گفتگو کرتے ہویئ ان کا کہنا تھا کہ سرکاری اور اوپن مارکیٹ میں ڈالر کی قیمت میں غیر معمولی گیپ ختم ہو گیا ہے، قیمت میں بڑا فرق ختم ہونے سے ہنڈی حوالہ کی بلیک مارکیٹ پر ضرب لگی۔

    علاوہ ازیں ملک بوستان نے کہا کہ پشاور میں گرے مارکیٹ میں ڈالر 291 اور دبئی میں 294 روپے پر آ گیا، آئی ایم ایف سے ڈیل کی صورت میں ڈالر بتدریج گر کر 270 روپے پر آ سکتا ہے۔ کرنسی ڈیلرز کے مطابق ایک ماہ پہلے بلیک مارکیٹ میں ڈالر 320 روپے پر جا پہنچا تھا،ایک ماہ پہلے اوپن، انٹر بینک میں ڈالر کی قیمت کا فرق 25 روپے تک پہنچ گیا تھا، ڈالر قانونی راستوں سے آنے سے ڈالر کی سپلائی میں اضافہ اور قیمت کم ہو گی۔ انٹر بینک میں ڈالر 286.50روپے اور اوپن مارکیٹ میں289روپے پرآگیا۔
    مزید یہ بھی پڑھیں؛
    مہک ملک کی اداکاری میں اینٹری
    استاد صحافت ڈاکٹر مہدی حسن سویلین کا فوجی ٹرائل، چیف جسٹس کیس پر فل کورٹ بینچ بنائیں، جسٹس یحییٰ آفریدی

    واضح رہے کہ گزشتہ روز ملک میں پاکستانی روپے کے مقابلے میں امریکی ڈالر کی قدر میں کمی آئی تھی جبکہ اسٹیٹ بینک آف پاکستان کے مطابق انٹربینک میں ڈالر کا بھاؤ 3 پیسے کم ہوا ہے۔ انٹر بینک میں کاروبار کے اختتام پر ڈالر کا بھاؤ 286 روپے 71 پیسے ہے۔ انٹربینک میں جمعے کے روز ڈالر 286 روپے 74 پیسے پر بند ہوا تھا۔ دوسری جانب اوپن مارکیٹ میں ڈالرکا بھاؤ 290 روپے پر برقرار ہے۔

    ادھر ملک بھر میں ایک مرتبہ پھر فی تولہ سونے کی قیمت میں ایک ہزار روپے سے زائد کی بڑی کمی ریکارڈ کی گئی جبکہ مطابق بین الاقوامی مارکیٹ میں فی اونس سونے کی قیمت میں 9 امریکی ڈالر کی گراوٹ دیکھی گئی اور نئی قدر 1922 امریکی کرنسی ہو گئی ہے۔ عالمی مارکیٹ میں قیمتیں کم ہونے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد ، سکھر، گوجرانوالا، فیصل آباد سمیت دیگر جگہوں پر فی تولہ سونے کی قیمت 1100 روپے کی تنزلی کے بعد 214200 روپے ہو گئی ہے۔

    اُدھر دس گرام سونے کی قیمت بھی 943 روپے کم ہو کر 183642 روپے ہو گئی ہے۔ تاہم فی تولہ اور دس گرام چاندی کی قیمتوں میں استحکام ریکارڈ کیا گیا اور قدریں بالترتیب 2550 روپے اور 2186.21 روپے ہو گئی ہیں۔

  • مہک ملک کی اداکاری میں اینٹری

    مہک ملک کی اداکاری میں اینٹری

    عید پر سٹیج ڈرامے شائقین خصوصی طور پر بہت شوق سے دیکھتے ہیں ، تماثیل تھیٹر میں عید کے موقع پر خصوصی عید پلے دکھایا جائیگا. اس حوالے سے ریہرسلز زوروں سے جاری ہیں. اس ڈرامے کی خاص بات یہ ہے کہ اس میں مہک ملک اداکاری کررہی ہیں. مہک ملک پرفارمنس کے حوالے سے مشہور ہیں ان کے ڈانس شوق سے دیکھے جاتے ہی. تماثیل تھیٹر میں گزشتہ روز ایک پریس کانفرنس کا اہتمام کیا گیا. اس میں قیصر پیا اور مہک ملک بھی موجود تھے . قیصر پیا نے کہا کہ مہک ملک پر خدا کی خاص مہربانی ہے کہ وہ لڑکیوں اور لڑکوں سے زیادہ کماتی ہیں.

    مہک ملک نے کہا کہ میں نے اداکاری شروع کی ہے بہت خوش ہوں، کہ مجھ پر اعتماد کیا گیا. ایک سوال کے جواب میں انہوں نے کہا کہ مجھے کسی قسم کا پریشر نہیں ہے. مجھے بہت امید ہے کہ ”ڈانس کے بعد میری اداکاری کو بھی بہت زیادہ پسند کیا جائیگا”. مہک ملک نے کہا کہ میرے سینئرز میرے لئے انسپریشن ہیں.، میں سب سے کچھ نہ کچھ سیکھتی ہوں.ہم ریہرسلز کررہے ہیں اور ان میں‌بہت مزا آرہا ہے.یاد رہے کہ مہک ملک ٹرانسجینڈر ہیں اور ان کے ڈانسز کو بہت زیادہ پسند کیا جاتا ہے.

     

    معمر رانا کی بیٹی رانیا نے فلموں میں اینٹری دیدی

    فلم آر پار کی لاہور یں پریس کانفرنس

    عید سو کر گزارتا ہوں معمر رانا

  • اورسیز پاکستانی اگر معاف نہ کرتے تو تکلیف ہوتی قیصر پیا

    اورسیز پاکستانی اگر معاف نہ کرتے تو تکلیف ہوتی قیصر پیا

    سٹیج کے اداکار قیصر پیا نے اپنےحالیہ انٹرویو میں‌ کہا ہے کہ میں نے اورسیز پاکستانیوں کا انجانے میں دل دکھا دیا تھا، میں نے ان سے بہت معافی مانگی اور دل سے معافی مانگی انہوں نے مجھے معاف بھی کر دیا. اگر وہ مجھے معاف نہ کرتے تو شاید میری عید اچھی نہ گزرتی. قیصر پیا نے کہا کہ میرے اورسیز پاکستانی بہن بھائی اب مجھے پہلے سے بھی زیادہ پیار کرتے ہیں. انہوں نے کہا کہ جو بھی ہوا وہ میں کرنا نہیں چاہتا تھا. ہمارا شو سکرپٹڈ نہیں ہوتا س لئے بس ہماری ساتھی نے ایک بات کی اور میں نے اسکو مزید بڑھا دیا جو کہ بہت ہی غلط بات تھی ایسا نہیں ہونا چاہیے،

    ”ہمارے اورسیز بہن بھائی قابل احترام ہیں”. جن دنوں میں‌مجھ سے میرے اورسیز بہن بھائی خفا تھے ان دنوں میں مجھے سب نے کہا کہ آپ باہر نہ جائیں نہ ہی لوگوں کے بیٹھیں لوگ بہت بھڑکے ہوئے ہیں کچھ بھی ہو سکتا ہے تو میں نے کہا کہ کچھ نہیں ہوا ، میں نے غلطی کی ہے مجھے اس کی سزا ملنی چاہیے. قیصر پیا نے کہا کہ میں‌سب ساتھیوں سے کہوں گا کہ کبھی منہ سے مذاق میں‌بھی ایسی بات نہ نکالیں کہ جس سے دوسروں کی دل آزاری ہو.

     

    معمر رانا کی بیٹی رانیا نے فلموں میں اینٹری دیدی

    فلم آر پار کی لاہور یں پریس کانفرنس

    عید سو کر گزارتا ہوں معمر رانا