Baaghi TV

Author: +9251

  • آئی سی سی نے نئی رینکنگ جاری کردی

    آئی سی سی نے نئی رینکنگ جاری کردی

    ون ڈے ورلڈ کپ کے دوران انٹرنیشنل کرکٹ کونسل نے ون ڈے پلیئرز رینکنگ جاری کردی ہے اور جس میں پاکستان کرکٹ ٹیم کے کپتان بابراعظم کی بادشاہت برقرار ہے جبکہ آئی سی سی کی جانب سے ون ڈے پلیئرز کی نئی رینکنگ کے مطابق پاکستانی ٹیم کے کپتان بابر اعظم کی پہلی اور بھارت کے شبمن گِل کی رینکنگ میں دوسری پوزیشن بتائی گئی ہے.

    آئی سی سی کے مطابق بابر اعظم کے 836 جبکہ شبمن گل کے رینکنگ پوائنٹس 818 ہیں جبکہ ورلڈ کپ میں دو سنچریاں بنانے والے جنوبی افریقا کے اوپنر کوئنٹن ڈی کوک کی رینکنگ میں ایک درجہ بہتری ہوئی ہے اور انہوں نے اپنے ساتھی کھلاڑی رسی وین ڈر ڈوسن کو پیچھے چھوڑ دیا ہے لیکن کوئنٹن ڈی کاک 742 پوائنٹس کے ساتھ تیسرے اور راسی وین ڈیر ڈوسن 732 پوائنٹس کے ساتھ چوتھے نمبر پر ہیں۔

    آئی سی سی نے بتایا کہ آئرش کھلاڑی ہیری ٹیکٹر پانچویں، بھارتی کپتان روہت شرما چھٹے، آسٹریلوی اوپنر ڈیوڈ وارنر ساتویں، انگلش بیٹر ڈیوڈ میلان آٹھویں اور بھارتی کھلاڑی ویرات کوہلی نویں نمبر پر موجود ہیں تاہم علاوہ ازیں پاکستان کی اوپننگ جوڑی امام الحق اور فخر زمان جو پہلے ٹاپ 10 بلے بازوں میں شامل تھی اب بالترتیب 10 ویں اور 13 ویں نمبر پر موجود ہیں اور فخر زمان مسلسل خراب فارم کی وجہ سے ٹاپ 10 کی فہرست سے باہر ہوگئے، انہوں نے اپنے گزشتہ 8 میچز میں کسی بھی اننگز میں 30 رنز سے زیادہ اسکور نہیں کیا۔

    جبکہ بابر اعظم واحد بلے باز ہیں جو ون ڈے، ٹی 20 اور ٹیسٹ کرکٹ کے ٹاپ فائیو میں شامل ہیں، وہ ٹی 20 بیٹرز میں چوتھے جبکہ ٹیسٹ فارمیٹ میں بھی چوتھے نمبر پر ہیں اور ٹی 20 اور ون ڈے میں پاکستان کا کوئی بولر ٹاپ 10 میں جگہ نہ بنا سکا البتہ شاہین آفریدی ٹیسٹ رینکنگ کے ٹاپ 10 میں شامل ہیں جبکہ ون ڈے بولرز کی رینکنگ میں آسٹریلیا کے جوش ہیزل ووڈ کا پہلا اور نیوزی لینڈ کے ٹرینٹ بولٹ کا دوسرا نمبر ہے جبکہ بھارت کے محمد سراج تیسری پوزیشن پر براجمان ہیں لیکن ون ڈے آل راؤنڈرز میں بنگلا دیش کے شکیب الحسن سرفہرست موجود ہیں۔

  • اسرائیلی ظلم و جبر پر وزرائے خارجہ؛ او آئی سی ایگزیکٹو کمیٹی کا اجلاس

    اسرائیلی ظلم و جبر پر وزرائے خارجہ؛ او آئی سی ایگزیکٹو کمیٹی کا اجلاس

    فلسطینی عوام کے خلاف وحشیانہ اسرائیلی فوجی جارحیت پر وزرائے خارجہ کی سطح پر او آئی سی ایگزیکٹو کمیٹی کے غیر معمولی اوپن اینڈڈ اجلاس کا حتمی اعلامیہ جاری کردیا گیا ہے.

    اسلامی تعاون تنظیم کی ویب سائٹ کے مطابق ایگزیکٹو کمیٹی نے مملکت سعودی عرب کی مشترکہ دعوت پر 3 ربیع الثانی 1445 بمطابق 18 اکتوبر 2023 ء کو وزرائے خارجہ کی سطح پر منعقد ہونے والے اپنے غیر معمولی اوپن اینڈڈ اجلاس میں اسلامی سربراہی اجلاس کے موجودہ اجلاس کے چیئرمین اور ایگزیکٹو کمیٹی کے چیئرمین، اور اسلامی جمہوریہ پاکستان فلسطینی عوام کے خلاف جاری اسرائیلی فوجی جارحیت پر تبادلہ خیال کیا ، اسلامی تعاون تنظیم کے چارٹر میں شامل اصولوں اور مقاصد کو یاد کرتے ہوئے مسئلہ فلسطین اور شہر القدس الشریف کے حوالے سے اسلامی تعاون تنظیم کی طرف سے جاری کردہ تمام قراردادوں پر زور دیتا ہے۔


    جبکہ مزید کہا کہ پوری امت مسلمہ کے لئے مسئلہ فلسطین کی مرکزیت پر زور دینے کا اعادہ کرنا ہے۔ اور فلسطینی عوام کے ناقابل تنسیخ حقوق کی حمایت، خاص طور پر ان کے حق خودارادیت اور فلسطینی پناہ گزینوں کی واپسی، ان کا حق آزادی، اور 4 جون 1967 کو اس کے دارالحکومت القدس الشریف کی سرحدوں پر فلسطین کی آزاد اور خودمختار ریاست کے مجسمے کے ساتھ ساتھ ان کی زندگیوں کو نشانہ بنانے والی اسرائیلی جارحیت کا مقابلہ کرنے کے لئے ان کے جائز حق خود ارادیت کی حمایت، ان کے تقدس اور ان کی خصوصیات مقبوضہ فلسطینی علاقے میں کھلم کھلا اور بے مثال اسرائیلی جارحیت اور اسرائیلی قابض افواج کی جانب سے غزہ کی پٹی میں شہریوں کے بہیمانہ قتل عام کی روشنی میں، جس کے نتیجے میں سیکڑوں بے گناہ شہری ہلاک، ہزاروں زخمی اور ان کے گھروں کو مسمار کرکے لاکھوں بے گھر ہوئے ہیں.

    اعلامیہ کے مطابق فلسطینی عوام کے خلاف اسرائیلی قابض افواج کی وحشیانہ جارحیت کے فوری خاتمے اور غزہ پٹی کا محاصرہ فوری طور پر ختم کرنے کا مطالبہ کیا گیا ہے۔ محصور غزہ پٹی اور پورے مقبوضہ فلسطینی علاقے میں شہریوں کے خلاف بے مثال جارحیت کی شدید مذمت کرتے ہوئے ان پر بمباری، جان بوجھ کر انفراسٹرکچر کو تباہ کرنے، مظالم ڈھانے اور انہیں ختم کرنے کی دھمکیاں دینے کے ساتھ ساتھ کسی بھی بہانے سے شہریوں کو نشانہ بنانے یا انہیں ان کے گھروں سے بے دخل کرنے، یا بھوک سے محروم کرنے اور تمام بین الاقوامی اصولوں کی خلاف ورزی کرتے ہوئے انہیں انسانی امداد تک محفوظ رسائی سے محروم کرنے کی شدید مذمت کرتا ہے۔

    جبکہ انہوں نے تمام ممالک پر زور دیا کہ وہ فوری طور پر انسانی، طبی اور امدادی امداد، پانی اور بجلی فراہم کریں اور فوری طور پر انسانی راہداریاں کھولیں تاکہ غزہ کی پٹی تک فوری امداد بشمول اقوام متحدہ کے اداروں بالخصوص مشرق قریب میں فلسطینی پناہ گزینوں کے لیے اقوام متحدہ کے ریلیف اینڈ ورک ایجنسی (یو این آر ڈبلیو اے) کے ذریعے فوری طور پر فوری امداد پہنچائی جا سکے اور اس سلسلے میں اس کی کوششوں کی حمایت کی جا سکے۔ شہریوں کو جان بوجھ کر نشانہ بنانے اور اجتماعی سزا دینے کی پالیسی کو جاری رکھنے اور بھوک، پانی کی کمی اور ایندھن تک رسائی کی روک تھام کی وجہ سے غزہ کی پٹی میں بجلی پیدا کرنے والے واحد اسٹیشن کو بند کرنے، بین الاقوامی انسانی قوانین کی خلاف ورزی اور بین الاقوامی جرائم کے ارتکاب کے مترادف تمام صحت اور انسانی خدمات کے لئے ایک حقیقی تباہی کا باعث بننے کے خطرے کے بارے میں خبردار کیا۔ جس میں انسانیت کے خلاف جرم بھی شامل ہے۔
    مزید یہ بھی پڑھیں:
    بچوں کو قتل کرنے والا ملزم پولیس مقابلے میں ہلاک
    جناح ہائوس حملہ کیس، خدیجہ شاہ سمیت 6 ملزمان کی ضمانت منظور
    کسان، مزدور اور قوم پیپلزپارٹی سے امیدیں لگائے بیٹھی ہے۔ بلاول بھٹو زرداری
    انٹر بینک؛ روپے کے مقابلے میں ڈالر کی قدر میں پھر اضافہ
    واضح رہےکہ پاکستان کی وزارت خارجہ کے ایک بیان کے مطابق وزیر خارجہ جلیل عباس جیلانی جدہ میں منعقد ہونے والے او آئی سی ایگزیکٹو کمیٹی کے وزارتی اجلاس میں شرکت کر رہے ہیں اور اس وزارتی اجلاس میں اپنے خطاب میں وزیر خارجہ جیلانی غزہ میں سنگین انسانی صورت حال کے بارے میں پاکستان کے سنگین خدشات اور جنگ بندی، محاصرہ ختم کرنے اور غزہ کے عوام کو امدادی امداد کی فراہمی کی فوری ضرورت پر زور دیا۔ اس موقع پر وزیر خارجہ او آئی سی کے دیگر رکن ممالک کے اپنے ہم منصبوں سے بھی ملاقاتیں ہیں۔

  • کنگنا رناوت کی فلم ایمرجنسی ٹائیگر تھری کے ساتھ ریلیز نہیں‌کی جائیگی

    کنگنا رناوت کی فلم ایمرجنسی ٹائیگر تھری کے ساتھ ریلیز نہیں‌کی جائیگی

    بالی وڈ اداکارہ کنگنا رناوت جو کہ اپنی نئی آنے والی فلم ایمرجنسی کو لیکر کافی پرجوش ہیں اس میں وہ اندراگاندھی کا کردار ادا کررہی ہیں ، اس کریکٹر کی تصاویر سوشل میڈیا پر موجود ہیں جنہیں بہت زیاد ہ پسند کیا گیا ہے۔ اس فلم کو ریلیز کرنے کےلئے پہلے 24نومبر کی تاریخ رکھی گئی تھی لیکن کہا جا رہا ہے کہ ٹائیگر تھری ریلیز ہونے جا رہی ہے جس کی وجہ سے ایمرجنسی فلم کے فلم میکرز نے فیصلہ کیا ہے کہ ہم اب اس تاریخ کو فلم ریلیز نہیں کریں گے

    کیونکہ سلمان خان کی فلم ٹائیگر تھری کی وجہ سے ہماری فلم کو نقصان ہو سکتا ہے۔ ”ایمرجنسی‘ ایک تاریخی ڈراما ہے جسے اداکارہ نے خود ہی ڈائریکٹ کیا ہے ”۔ فلم ’ایمرجنسی‘ کے اسکرپٹ میں بھی اداکارہ نے کردار ادا کیا ہے جبکہ اسے ابتدائی طور رتیش شاہ نے لکھا ہے۔تھرلر فلم کی کہانی انڈیا کی تیسری وزیراعظم اندرا گاندھی کے سیاسی کیریئر کے گرد گھومتی ہے جن کی پالیسیوں نے انڈیا کی تاریخ کو تبدیل کیا تھا۔’ایمرجنسی‘ میں کنگنا رناوت کے ساتھ انوپم کھیر، شریاس تالپاڑے اور ماہیما چوہدری نے اہم کردار ادا کیے ہیں۔دوسری طرف ٹائیگر تھری میں سلمان خان کے ساتھ کترینہ کیف دکھائی دیں گی ۔

    غنا علی کی اپنے بیٹے کےساتھ وڈیو وائرل

    جوہی چاولہ مجھے اپنی ماں سمجھتی ہے میرا کی والدہ شفقت کا انکشاف

    مجھے والد پر کیس کرنے پر کوئی شرمندگی نہیں امیشا پاٹیل

  • سلمان خان کی ٹائیگر 3 دیوالی پر ریلیز کی جائیگی

    سلمان خان کی ٹائیگر 3 دیوالی پر ریلیز کی جائیگی

    بالی وڈ کے دبنگ سلمان خان کی فلم ٹائیگر 3 کا ٹریلر جاری کر دیا گیا ہے ، ٹریلر جاری ہوتے ہی اس کی دھوم مچ گئی ہے . فلم کو دیوالی پر ریلیز کرنے کا فیصلہ کیا گیا ہے. اس فلم میں‌سلمان خان ایک جاسوس ایجنٹ کے طور پر جلوہ گر ہوں گے،منیش شرما کی ہدایت کاری میں بنی اس فلم کی ریلیز کا اعلان سلمان خان کے مداحوں کے لئے کسی خوشخبری سے کم نہیں ہے.
    سلمان خان کے ساتھ مرکزی کردار میں کترینہ کیف جلوہ گر ہورہی ہیں. سلمان خان اور کترینہ کیف کی جوڑی ایک بار پھر دھوم مچانے کو تیار ہے.

    ”ٹریلر میں سلمان خان اور کترینہ کی اپنے دشمنوں کے ساتھ لڑائی سے لیکر ان کی شادی کا منظر بھی دِکھایا گیا ہے۔ایکشن اور تھرلر فلم میں سپر اسٹار سلمان خان، کترینہ کیف اور عمران ہاشمی نظر آئیں گے ”۔ٹائیگر فرنچائز کی یہ تیسری فلم ہے اور اس سے قبل 2012 میں ’ایک تھا ٹائیگر‘ اور 2017 میں ’ٹائیگر زندہ ہے‘ ریلیز کی جاچکی ہے،اس بار بھی توقع کی جارہی کہ ٹائیگر3 بھی ریکارڈ بزنس کرے گی۔یاد رہے کہ سلمان خان بالی وڈ‌کے وہ فنکار ہیں جن کےنام پر ہی ریلیز سے پہلے فلم ہٹ ہوجاتی ہے. سلمان خان ان دنوں‌بگ باس 17 کی میزبانی کے فرائض بھی انجام دے رہے ہیں.

    غنا علی کی اپنے بیٹے کےساتھ وڈیو وائرل

    جوہی چاولہ مجھے اپنی ماں سمجھتی ہے میرا کی والدہ شفقت کا انکشاف

    مجھے والد پر کیس کرنے پر کوئی شرمندگی نہیں امیشا پاٹیل

  • بچوں کو قتل کرنے والا ملزم پولیس مقابلے میں ہلاک

    بچوں کو قتل کرنے والا ملزم پولیس مقابلے میں ہلاک

    لاہور میں بچوں کو نہر میں پھینک کر قتل کرنے والا ملزم مبینہ پولیس مقابلے میں ہلاک ہوگیا ہے اور پولیس کے مطابق پانڈو نہر کے قریب ملزم محمد عظیم کو5 سالہ بچی کی لاش کی نشاندہی کے لیے لے جایا جارہا تھا اور ملزم کے دو موٹر سائیکل سوار ساتھیوں نے پولیس پر فائرنگ کردی جبکہ ساتھیوں کی فائرنگ سے ملزم موقع پر ہلاک ہوگیا ہے۔

    خیال رہے کہ پولیس کے مطابق فائرنگ کے باعث پولیس کی گاڑی کو بھی نقصان پہنچا تھا اور ملزم محمد عظیم نے یکم اکتوبر کو اپنے چار بچوں کو نہر میں پھینک کر قتل کردیا تھا اور بارہ سالہ غلام صابر، 9 سالہ سمعیا، 5 سالہ نبیہ اور 2 سالہ عائشہ کو نہر میں پھینکا گیا تھا جبکہ ملزم عظیم کی لاش پوسٹ مارٹم کے لیے مردہ خانے منتقل کردی گئی تھی ۔
    مزید یہ بھی پڑھیں:
    چار ضلاع کے ماحولیاتی نمونوں میں پولیو وائرس کی تصدیق
    جناح ہائوس حملہ کیس، خدیجہ شاہ سمیت 6 ملزمان کی ضمانت منظور
    کسان، مزدور اور قوم پیپلزپارٹی سے امیدیں لگائے بیٹھی ہے۔ بلاول بھٹو زرداری
    انٹر بینک؛ روپے کے مقابلے میں ڈالر کی قدر میں پھر اضافہ
    واضح رہے کہ اس سے قبل؛ ملزم کو پولیس گرفتار کیا تھا اور ملزم سے تفتیش جاری تھی اور

  • اداکار پرابھاس نے اپنا آفیشل انسٹاگرام اکاﺅنٹ ڈیلیٹ کردیا

    اداکار پرابھاس نے اپنا آفیشل انسٹاگرام اکاﺅنٹ ڈیلیٹ کردیا

    فلموں کی ریلیز سے قبل بہت سارے فنکار اور فلمساز ایسی حرکات کرتے ہیں کہ جس نے نہ صرف ان کو ڈسکس کیا جائے بلکہ ان کے آنے والے پراجیکٹ کو بھی ڈسکس کیاجائے. اس وقت بھارتی اداکار پرابھاس ہیں چرچا میں‌، اور چرچا میں‌بھی وہ اس لئے ہیں کیونکہ انہوں نے اپنی فلم کی ریلیز سے قبل اپنا آفیشل انسٹاگرام اکاﺅنٹ ڈیلیٹ کردیا ہے۔ بھارتی میڈیا کے مطابق، پرابھاس کی آنے والی فلم سالار کے خوب چرچے ہورہے ہیں، پرشانت نیل کی ہدایت کاری میں بننے والی یہ فلم بالی ووڈ کنگ شاہ رخ خان کی فلم ڈنکی کے ساتھ ریلیز ہوگی، دونوں بڑی فلمیں 22 دسمبر کو سینما گھروں میں ریلیز ہوں گی۔

    رپورٹ میں کہا گیا کہ” سالار اور ڈنکی کی ریلیز پر بھارتی فلم انڈسٹری میں بڑا تصادم ہوگا” کیونکہ دونوں فلموں کی ریلیز کے لیے مداح بےحد پرجوش ہیں۔ اب، بھارتی میڈیا کی جانب سے یہ خبر سامنے آئی ہے کہ اداکار پرابھاس نے اپنا آفیشل انسٹاگرام اکاﺅنٹ ڈیلیٹ کردیا ہے۔ اس خبر کے وائرل ہونے کے بعد مداحوں کی جانب سے مختلف قیاس آرائیاں کی جارہی ہیں. کہا جا رہا ہے کہ اداکار نے جان بوجھ کر توجہ حاصل کرنے اور فلم کی پبلسٹی کے لئے اپنا انسٹاگرام اکائونٹ ڈیلیٹ کیا ہے. سوشل میڈیا صارفین کا کہنا ہےکہ اداکار نے عین فلم کی ریلیز کے قریب یہ حرکت کی ہے. یہ پبلسٹی سٹنٹ کے علاوہ کچھ نہیں ہو سکتا. دوسری طرف فلم ڈنکی ریلیز سے قبل ہی بے حڈ چرچا میں‌ہے اگر یہ فلم بھی سپر ہٹ ہوتی ہے تو پھر شاہ رخ خان ہٹ فلموں‌کی ہیٹرک کر لیں گے.

    غنا علی کی اپنے بیٹے کےساتھ وڈیو وائرل

    جوہی چاولہ مجھے اپنی ماں سمجھتی ہے میرا کی والدہ شفقت کا انکشاف

    مجھے والد پر کیس کرنے پر کوئی شرمندگی نہیں امیشا پاٹیل

  • شلپا شیٹی اور ان کا شوہر راج کندرا انوکھے انداز میں‌ آئے میڈیا کے سامنے

    شلپا شیٹی اور ان کا شوہر راج کندرا انوکھے انداز میں‌ آئے میڈیا کے سامنے

    بالی وڈ کی معروف اداکارہ شلپا شیٹھی جنہوں نے راج کندرا کے ساتھ شادی کی ہے، جب سے راج کندرا پولیس کیس میں‌پھنسے ہیں اس کے بعد وہ سے وہ اب جب بھی میڈیا کے سامنے آتے ہیں‌اس میں‌ نوے فیصد انہوں نے اپنے چہرے کو ماسک سے ڈھانپا ہوتا ہے. لیکن اس بار تو شلپا شیٹی نے بھی اپنے چہرے کو چھپا لیا. رپورٹس کے مطابق شلپا شیٹی کی اپنے شوہر راج کندرا کے ساتھ منفرد انداز میں گھومنے کی ویڈیو وائرل ہوگئی ہے۔دونوں میاں بیوی ویڈیو میں سیاہ رنگ کا لباس زیب تن کیے ہوئے ہیں اور ان لوگوں نے اپنے چہروں کو ماسک سے ڈھانپا ہوا ہے،شلپا شیٹھی اور ان کے شوہر کی ویڈیو میں فوٹو گرافراز دونوں میاں بیوی کو پاور رینجرز کپل پکارتے نظر آرہے ہیں، اور شلپا شیٹھی سے ماسک ہٹانے کی درخواست بھی کررہے ہیں،

    کچھ دیر بعد اداکارہ اپنے چہرے سے ماسک ہٹا دیتی ہیں اور مسکراتی ہوئی چلی جاتی ہیں۔”شلپا شیٹی اور راج کندرا کو اس وڈیو کے بعد شدید تنقید کا سامنا ہے” ، سوشل میڈیا صارفین کا کہنا ہے کہ راج کندرا اور شلپا کا یہ انداز بالکل بھی اچھا نہیں ہے اور راج کندرا تو اب اپنا چہرہ کسی کو دکھاتے ہی نہیں ہیں.

    غنا علی کی اپنے بیٹے کےساتھ وڈیو وائرل

    جوہی چاولہ مجھے اپنی ماں سمجھتی ہے میرا کی والدہ شفقت کا انکشاف

    مجھے والد پر کیس کرنے پر کوئی شرمندگی نہیں امیشا پاٹیل

  • چار ضلاع کے ماحولیاتی نمونوں میں پولیو وائرس کی تصدیق

    چار ضلاع کے ماحولیاتی نمونوں میں پولیو وائرس کی تصدیق

    پاکستان کے 4 اضلاع کے ماحولیاتی نمونوں میں پولیو وائرس کی تصدیق ہوئی ہے اور ترجمان وزارتِ صحت کا بتانا ہے کہ تمام نمونوں میں ملے وائرس کا تعلق افغانستان میں پولیو وائرس کلسٹر سے ہے جبکہ نگران وزیر صحت ندیم جان کا کہنا ہے کہ اب پاکستان میں 43 مثبت ماحولیاتی نمونے رپورٹ ہوئے ہیں جو بہت ہی خطرناک ہے۔

    واضح رہے کہ نگران وزیر صحت نے کہا کہ پاکستان میں دنیا کا حساس ترین پولیو سرویلنس نظام قائم ہے، نمونوں میں وائرس کی تصدیق ظاہر کرتی ہے کہ یہ نظام مؤثر انداز میں کام کر رہا ہے
    مزید یہ بھی پڑھیں:
    بنگلورو میں دھماکہ؛ کیا اب ورلڈ کپ کا شیڈولڈ میچ ہوپائے گا
    جناح ہائوس حملہ کیس، خدیجہ شاہ سمیت 6 ملزمان کی ضمانت منظور
    کسان، مزدور اور قوم پیپلزپارٹی سے امیدیں لگائے بیٹھی ہے۔ بلاول بھٹو زرداری
    انٹر بینک؛ روپے کے مقابلے میں ڈالر کی قدر میں پھر اضافہ
    خیال رہے کہ ندیم جان کا کہنا تھا کہ ماحول میں وائرس کی موجودگی ہر بچے کے لیے خطرناک ہے اور پولیو لا علاج ہے جو صرف ویکسین ہی بچوں کو تحفظ فراہم کرتی ہے لہذا ہم نے رواں سال کئی پولیو مہمات کا انعقاد کیا ہے، نومبر میں جن علاقوں میں وائرس ہوگا وہاں انسداد پولیو مہم میں ویکسین دیں گے۔

    یاد رہے کہ اس سال گزشتہ اکتوبر میں پولیو کا تیسرا کیس سامنے آیا تھا، جبکہ وفاقی حکام کے مطابق خیبر پختونخواکے ضلع بنوں کی یونین کونسل گھوڑا بکا خیل میں ایک ڈیڑھ سالہ بچی پولیو وائرس کے نتیجے میں معذور ہوگئی تھی۔

  • بنگلورو میں دھماکہ؛ کیا اب ورلڈ کپ کا شیڈولڈ میچ ہوپائے گا

    بنگلورو میں دھماکہ؛ کیا اب ورلڈ کپ کا شیڈولڈ میچ ہوپائے گا

    ورلڈ کپ 2023 کے لیئے 20 اکتوبر کو شیڈول میچ کو پاکستان اور آسٹریلیا کے درمیان ہونا ہے میں دو روز قبل بھارت کے شہر بنگلورو کے تجارتی مرکز میں ایک دھماکہ ہوا ہے اور پاکستان کی قومی کرکٹ ٹیم بھی ان دنوں بنگلورو میں موجود ہے تاہم پانچ اکتوبر کو پاکستان اور بھارت کے درمیان احمد آباد میں کھیلے گئے میچ سے قبل بھارتی میڈیا نے دہشت گردی کا الرٹ جاری ہونے کی اطلاعات دی تھیں، جس کے بعد احمد آباد اسٹیڈیم اور اس کے اطراف میں سیکیورٹی بڑھا دی گئی تھی۔


    جبکہ بھارتی میڈیا کے مطابق دھماکہ بنگلورو کی ایک 4 منزلہ عمارت میں ہوا اور اس کے نتیجے میں عمارت میں آگ بھڑک اٹھی اور دیکھتے ہی دیکھتے پوری عمارت کو اپنی لپیٹ میں لے لیا۔

    مزید یہ بھی پڑھیں:
    مفاد پرست سیاستدانوں نے کراچی کو تباہی کے سوا کچھ نہیں دیا . احمد ندیم
    جناح ہائوس حملہ کیس، خدیجہ شاہ سمیت 6 ملزمان کی ضمانت منظور
    کسان، مزدور اور قوم پیپلزپارٹی سے امیدیں لگائے بیٹھی ہے۔ بلاول بھٹو زرداری
    انٹر بینک؛ روپے کے مقابلے میں ڈالر کی قدر میں پھر اضافہ
    جبکہ ابتدائی رپورٹس میں کہا گیا ہے کہ دھماکہ عمارت کی چھت پر واقع مڈ پائپ نامی ایک کیفے میں گیس سلنڈر پھٹنے کے باعث ہوا ہے اور دھماکے کے نتیجے میں 2 افراد بھی زخمی ہوئے ہیں۔

  • میری پریانکا چوپڑا کے ساتھ کبھی ہاتھا پائی نہٰیں‌ہوئی کرینہ کپور

    میری پریانکا چوپڑا کے ساتھ کبھی ہاتھا پائی نہٰیں‌ہوئی کرینہ کپور

    بالی وڈ کی خوبصورت اداکارہ کرینہ کپور نے اپنے حالیہ انٹرویو میں کہا ہے کہ میری اور پریانکا چوپڑا کی کبھی ہاتھا پائی نہیں‌ہوئی ، مجھے نہیں سمجھ آتی کہ لوگ کہاں سے باتیں نکال لاتے ہیں، ہماری شادی ویسے کوئی نوک جھوک ہو گئی ہو گی لیکن کبھی بھی ہاتھا پائی تک نوبت نہیں‌پہنچی . انہوں نے کہاکہ کچھ بھی بول دیتا ہے کوئی بھی یہ بہت ہی غلط بات ہے. انہوں نے مزید یہ بھی کہا کہ ہم نے ے فلم اعتراض میں ایک ساتھ کام کیا تھا یہ فلم 2004 میں‌ریلیز ہوئی تھی اس فلم کا ہمیں بہت اچھا ریسپانس ملا تھا.

    کرینہ کپور نے کہا کہ ”میں نے نوے کی دہائی میں کم عمر تھی جب انڈسٹری میں‌آئی تو اپنے کیرئیر کے لئے جدوجہد کرنا اور اپنا نام بنانا بہت چیلنجنگ تھا میں‌نے بہت محنت کی ، اس دوران اگر کبھی کسی سے تکرار ہوئی تو اس کے جھگڑے کا نام دے دیا گیا . ”انہوں نے کہا کہ میں نے بہت فوکسڈ ہو کر کام کیا ہے. نام اور مقا م ایک دن میں‌نہیں مل جاتا اس کے لئے سال ہا سال محنت کرنی پڑتی ہے. میرا اپنی تمام کو سٹارز کے ساتھ بہت اچھا تعلق رہا ہے.

    غنا علی کی اپنے بیٹے کےساتھ وڈیو وائرل

    جوہی چاولہ مجھے اپنی ماں سمجھتی ہے میرا کی والدہ شفقت کا انکشاف

    مجھے والد پر کیس کرنے پر کوئی شرمندگی نہیں امیشا پاٹیل