Baaghi TV

Author: +9251

  • سونم کپور بھی فلسطینیوں کے حق میں کھڑی ہو گئیں

    سونم کپور بھی فلسطینیوں کے حق میں کھڑی ہو گئیں

    پاکستانی فنکاروں کے ساتھ ساتھ بالی وڈ‌فنکار بھی فلسطینیوں کے حق میں آواز بلند کررہے ہیں. کچھ روز پہلے اداکارہ گوہر خان نے اسرائیل کو آڑھے ہاتھوں لیا. اب سونم کپور بھی آ گئی ہیں میدان میں انہوں نے فلسطینیوں کے حق میں‌آواز بلند کی ہے. انہوں نے انسٹاگرام اکائونٹ پر دو سٹوریز شئیر کیں . پہلی اسٹوری میں چھ مرتبہ ایک ہی جملہ دہرایا گیا ہے کہ غزہ کی آدھی آبادی بچوں پر مشتمل ہے۔ سونم کپور نے دوسری اسٹوری میں اسرائیل کی حمایت کرنے اور فلسطین کی مخالفت کرنے والوں پر تنقید کرتے ہوئے لکھا کہ اگر اسرائیل کے بچوں کی زندگی کے لیے آواز اٹھانا ہماری اخلاقی ذمہ داری ہے تو فلسطین کے بچوں کی جانوں کیلئے بھی آواز بلند کرنا ہم پر فرض ہے، دونوں کی ہی زندگیوں کی قیمت ایک جیسی ہے۔

    انہوں نے لکھا کہ ”مجھے سمجھ نہیں آتی کہ اسرائیل کی حمایت کس لئے کی جا ر ہی ہے وہ فلسطینیوں پر ظلم کے پہاڑ توڑ رہے ہیں،” لیکن پھر بھی ان کی حمایت کرنا اور فلسطین کے حق میں آواز نہ اٹھانے سے زیادہ بے حسی کوئی نہیں‌ہو سکتی. یاد رہے کہ سونم کپور کا شمار ان اداکارائوں میں ہوتا ہے جو ڈنکے کی چوٹ پر اپنی بات کہتی ہیں. فلسطینیوں کے حق سونم کا بولنا سوشل میڈیا صارفین کو بھا گیا ہے.

    غنا علی کی اپنے بیٹے کےساتھ وڈیو وائرل

    جوہی چاولہ مجھے اپنی ماں سمجھتی ہے میرا کی والدہ شفقت کا انکشاف

    مجھے والد پر کیس کرنے پر کوئی شرمندگی نہیں امیشا پاٹیل

  • کمرشل تھیٹرز کی کڑی نگرانی جاری رہے گی ایگزیکٹو ڈائریکٹر پنجاب آرٹس کونسل بلال حیدر

    کمرشل تھیٹرز کی کڑی نگرانی جاری رہے گی ایگزیکٹو ڈائریکٹر پنجاب آرٹس کونسل بلال حیدر

    آج پنجاب آرٹس کونسل (پکار) کے ہیڈآفس میں ایگزیکٹو ڈائریکٹر بلال حیدر نے کلچرل رپورٹرز کے ساتھ ایک بیٹھک کا اہتمام کیا جس میں انہوں نے بتایا کہ پنجاب آرٹس کونسل وزیراعلی پنجاب محسن نقوی اور وزیر اطلاعات و ثقافت عامر میر کی ہدایات کے مطابق کلچر اور آرٹ کی پروموشن میں اپنا قلیدی کردار ادا کر رہی ہے یہی وجہ ہے کہ آرٹس کونسل کو پنجاب کے تمام اضلاع تک ایکسٹینڈ کیا جا رہا ہے۔ اس کے علاوہ آرٹس کونسل کے ریجنل دفاتر میں آرٹس اور کلچر سے متعلقہ کلاسوں کا خصوصی اہتمام بھی کیا جا رہا ہے جس میں شرکت کرنے والوں چھ ہفتوں سے چھ ماہ تک کا ڈپلومہ و سرٹیفیکٹ دیا جائے گا.

    انہوں نے مزید بتایا کہ ”آرٹس اور کلچر سے تعلق رکھنے والے جتنے بھی شعبہ جات ہیں ان میں مختلف یونیورسٹیز اور کالجز سے فارغ التحصیل ہونے والے بچوں کو اپنے ہنر کو آگے بڑھانے کے لیے 10 لاکھ روپے تک آسان اقساط پر قرضہ دیا جائے گا۔ اس کے علاوہ جو دستکار، میوزیشنز یا آرٹسٹس بیروزگار ہیں ان کو اپنے پاؤں پر کھڑا کرنے کے لیے بھی 10 لاکھ تک کا قرضہ دیا جائے گا ”تاکہ وہ متعلقہ شعبے میں اپنا کوئی مناسب سیٹ اپ لگا کر اپنے لیے روزگار کے پیدا کر سکیں۔انہوں نے مزید کہا کہ معدوم ہوتی ہوئی دستکاری (ہینڈی کرافٹس) کے شعبے پر بھی خصوصی توجہ دی جا رہی ہے اور نومبر میں پنجاب آرٹس کونسل لارنس گارڈن میں ایک فیسٹیول اور ایکسپو کا اہتمام کرے گی جس میں پنجاب کے تمام اضلاع کی ثقافت، آرٹس اور دستکاری کو پروموٹ کیا جائے گا ۔ اس ایکسپو میں پنجاب کے مختلف علاقوں سے اسپورٹس مین، دستکار اور آرٹسٹس حصہ لیں گے۔اپنی گفتگو میں بلال حیدر نے مزید بتایا کہ نگران وزیر اطلاعات و ثقافت عامر میر صاحب کی ہدایت کی روشنی میں 1875 کے ڈرامہ ایکٹ میں ترمیم کے لیے مسلسل کام کیا جا رہا ہے جس کی کابینہ سے منظوری لے کر اس کو پنجاب بھر میں نافذ العمل کیا جائے گا جس کے تحت آرٹس کونسلز کے پاس تھیٹرز کو ریگولیٹ کرنے کے تمام اختیارات ہوں گے۔ اس موقع پر انہوں نے صحافیوں سے یہ بھی کہا کہ اگر وہ ان چیزوں میں اپنی کنٹریبیوشن یا کوئی آراء دینا چاہیں تو اس کے لیے ان کو ویلکم کیا جائیگا۔اپنی گفتگو میں انہوں نے یہ بھی کہا کہ کمرشل تھیٹرز کی کڑی نگرانی جاری رہے گی اور جو لوگ رولز اور ریگولیشنز کی خلاف ورزی کریں گے ان کے خلاف سخت کاروائی کی جائے گی.

     

    غنا علی کی اپنے بیٹے کےساتھ وڈیو وائرل

    جوہی چاولہ مجھے اپنی ماں سمجھتی ہے میرا کی والدہ شفقت کا انکشاف

    مجھے والد پر کیس کرنے پر کوئی شرمندگی نہیں امیشا پاٹیل

  • 15 سال تک والد کو نہیں دیکھا اذان سمیع خان

    15 سال تک والد کو نہیں دیکھا اذان سمیع خان

    زیبا بختیار اورعدنان سمیع خان کے بیٹے ازان سمیع خان نے اپنے حالیہ انٹرویو میں‌کہا ہے کہ میں نے 15 سال تک اپنے والدکی شکل ہی نہیں دیکھی تھی . میں ان کی عادات سے اچھے سے واقف نہیں تھا ، مجھے ان کے بارے میں‌کچھ نہیں پتہ تھا ، اگر میرا ان سے رشتہ جڑا تو وہ میوزک کی وجہ سے جڑا، میں جب بھی میوزک بناتا ہوں تو ایسا لگتا ہے کہ جیسے میرے والد میرے اردگرد ہیں. انہوں نے کہا کہ میوزک ایک ایسی چیز ہے جو میلوں بیٹھے لوگوں کو قریبب کرتی ہے. ایک سوال کے جواب میں اذان سمیع خان نے کہا کہ

    ”میری والدہ نے میری بہت اچھی تربیت کی ہے میں‌بہت خوش ہوں” کہ میں اپنی والدہ کے ساتھ رہتا ہوں. انہوں نے کہا کہ میں 22 سال کا تھا جب میرے گھر بیٹی کی پیدائش ہوئی. اس وقت میرے صحت کے مسائل چل رہے تھے ، بیٹی کی پیدائش کے بعد میں‌نے سوچا کہ مجھے خود پر توجہ دینی چاہیے ، میں نے اپنا وزن کم کرنا شروع کیا اور کھانے میں‌احتیاط کی . میں بہت خوش ہوں کہ میں اس امتحان میں‌کامیاب ہوا کیونکہ میں‌نے اسکو ایک چیلنج کے طور پر لیا تھا. اذان سمیع خان نے کہا کہ میں میوزک کی دنیا میں اپنے والد کے میوز اور ان کی گائیکی سے بے حد متاثر ہوں .

    غنا علی کی اپنے بیٹے کےساتھ وڈیو وائرل

    جوہی چاولہ مجھے اپنی ماں سمجھتی ہے میرا کی والدہ شفقت کا انکشاف

    مجھے والد پر کیس کرنے پر کوئی شرمندگی نہیں امیشا پاٹیل

  • مفاد پرست سیاستدانوں نے کراچی کو تباہی کے سوا کچھ نہیں دیا . احمد ندیم

    مفاد پرست سیاستدانوں نے کراچی کو تباہی کے سوا کچھ نہیں دیا . احمد ندیم

    پی ایم ایم ایل کراچی کے صدر احمدندیم اعوان نے کہا ہے کہ مفاد پرست سیاستدانوں نے کراچی کو تباہی وبربادی کے سوا کچھ نہیں دیا ہے۔ملک میں مہنگائی اوربے روزگاری کاراج ہے۔ پاکستان کو معاشی، سیاسی اور آئینی بحران سے عوامی حکومت ہی نکال سکتی ہے۔ عوام اور مختلف سیاسی کارکنوں کی مرکزی مسلم لیگ میں شمولیت مرکزی مسلم لیگ کی قیادت پر اعتماد کا اظہار ہے ۔

    مرکزی مسلم لیگ کے دروازے تمام مکاتب فکر اور سیاسی پارٹیوں کے کارکنان کے لیے کھلے ہوئے ہیں۔ان خیالات کااظہارانہوں نے نیوکراچی ٹاؤن میں تنظیمی اجلاس سے خطاب کرتے ہوئے کیا۔تنظیمی اجلاس کے موقع پر نیوکراچی ٹاؤن کے نئے عہدے داران میں سرٹیفیکٹ بھی تقسیم کیے گئے۔اجلاس سے خطاب کرتے ہوئے احمد ندیم اعوان کا کہنا تھا کہ نااہل حکمرانوں نےپاکستان کو ایک خطرناک دلدل میں لاکھڑا کیا ہے۔
    مزید یہ بھی پڑھیں:
    امریکہ اسرائیل کی حمایت میں اندھا ہوچکا۔ ماہرین
    جناح ہائوس حملہ کیس، خدیجہ شاہ سمیت 6 ملزمان کی ضمانت منظور
    کسان، مزدور اور قوم پیپلزپارٹی سے امیدیں لگائے بیٹھی ہے۔ بلاول بھٹو زرداری
    انٹر بینک؛ روپے کے مقابلے میں ڈالر کی قدر میں پھر اضافہ
    کراچی شہر کے وسائل دونوں ہاتھوں سے لوٹے گئے ہیں۔ لسانی سیاست نے کراچی کو تباہی وبربادی کے سوا کچھ نہیں دیا ہے۔ لسانی سیاست کو کراچی کے عوام نے اب مسترد کردیا ہے۔ مرکزی مسلم لیگ کی خدمات کسی سے ڈھکی چھپی نہیں ۔مرکزی مسلم لیگ عوام کی نمائندہ سیاسی جماعت ہے۔ جس کے دروازے تمام مکاتب فکر اور سیاسی پارٹیوں کے کارکنان کے لیے کھلے ہوئے ہیں۔آئے روز عوام اور مختلف سیاسی کارکنوں کی مرکزی مسلم لیگ میں شمولیت مرکزی مسلم لیگ کی قیادت پر اعتماد کا اظہار ہے ۔انہوں نے کارکنان اور ذمہ داران کو ہدایت کی کہ کارکنان انتخابات کی بھرپور مہم چلائیں۔مرکزی مسلم لیگ کی دعوت گھر گھر گلی محلہ میں پہنچیں۔

  • بائیڈن نے اسپتال حملہ کا ملبہ حماس پر ڈال دیا

    بائیڈن نے اسپتال حملہ کا ملبہ حماس پر ڈال دیا

    فلسطینی مزاحمتی تنظیم حماس نے غزہ کے الاہلی اسپتال پر اسرائیلی فوج کے حملے کے حوالے سے امریکی صدر جو بائیڈن کے بیان پر ردعمل میں کہا ہے کہ امریکی صدر جوبائیڈن اسرائیل کی حمایت میں اندھی جانبداری کا مظاہرہ کر رہے ہیں، اور حقائق کو تہس نہس کررہے ہیں علاوہ ازیں ماہرین کا بھی کہنا ہے کہ بائیڈن کو ایسا بیان نہیں دینا چاہئے تھا اور ایسے بیانات سے عالمی رہنماؤں کو اجتناب کرنا چاہئے. جبکہ عالمی ادارے کے ایک صحافی نے کہا کہ امریکہ اسرائیل کی حمایت میں اندھا ہوچکا ہے.

    خیال رہے کہ امریکی صدر جو بائیڈن حماس کیخلاف جنگ میں یکجہتی کا اظہار کرتے ہوئے اسرائیل پہنچے اور کہا کہ غزہ کے ایک ہسپتال میں ہونے والے دھماکے میں بڑی تعداد میں فلسطینی ہلاک ہوئے ہیں اور ایسا لگتا ہے کہ یہ اسرائیل کی وجہ سے نہیں بلکہ اس کے دشمنوں کی وجہ سے ہوا ہے۔ منگل کی شام الاہلی العربی ہسپتال میں آگ لگنے سے وائٹ ہاؤس میں مشرق وسطیٰ کے لیے بائیڈن کے ہنگامی سفارتی مشن کے منصوبوں کو نقصان پہنچا اور عرب رہنماؤں نے ان کے ساتھ طے شدہ ملاقات منسوخ کر دی۔

    روئیٹرز کے مطابق فلسطینی حکام نے اس دھماکے کا ذمہ دار اسرائیلی فضائی حملے کو قرار دیا ہے جس کے بارے میں ان کا کہنا تھا کہ اس حملے میں کم از کم 500 افراد ہلاک ہوئے تھے۔ اسرائیل کا کہنا ہے کہ یہ دھماکہ فلسطینی شدت پسند گروپ اسلامک جہاد کی جانب سے ناکام راکٹ داغے جانے کی وجہ سے ہوا۔ اسرائیلی وزیر اعظم بینجمن نیتن یاہو کے ہمراہ گفتگو کرتے ہوئے جو بائیڈن نے کہا کہ ‘میں گزشتہ روز غزہ کے اسپتال میں ہونے والے دھماکے سے بہت افسردہ اور مشتعل تھا اور جو کچھ میں نے دیکھا ہے اس کی بنیاد پر ایسا لگتا ہے کہ یہ آپ نے نہیں بلکہ دوسری ٹیم نے کیا تھا۔
    مزید یہ بھی پڑھیں:
    جناح ہائوس حملہ کیس، خدیجہ شاہ سمیت 6 ملزمان کی ضمانت منظور
    کسان، مزدور اور قوم پیپلزپارٹی سے امیدیں لگائے بیٹھی ہے۔ بلاول بھٹو زرداری
    انٹر بینک؛ روپے کے مقابلے میں ڈالر کی قدر میں پھر اضافہ
    جبکہ بائیڈن نے مزید کہا کہ لیکن بہت سے لوگوں کو یقین نہیں ہے، لہذا ہمارے پاس بہت کچھ ہے، ہمیں بہت سی چیزوں پر قابو پانا ہوگا۔’ "دنیا دیکھ رہی ہے. امریکہ اور دیگر جمہوریتوں کی طرح اسرائیل کی بھی قدر و قیمت ہے اور وہ دیکھنا چاہتے ہیں کہ ہم کیا کرنے جا رہے ہیں۔ بائیڈن کا مشرق وسطیٰ کا دورہ خطے کو پرسکون کرنے کے لیے کیا گیا تھا، یہاں تک کہ انہوں نے اپنے اتحادی اسرائیل کے لیے امریکی حمایت کا مظاہرہ کیا، جس نے حماس تحریک کو ختم کرنے کا عہد کیا ہے، جس کے جنگجوؤں نے 7 اکتوبر کو ایک ہنگامہ آرائی میں 1،400 اسرائیلیوں کو ہلاک کیا تھا۔

  • خدیجہ شاہ ؛ ضمانتیں منظور کرنے کا تحریری فیصلہ جاری کردیا گیا

    خدیجہ شاہ ؛ ضمانتیں منظور کرنے کا تحریری فیصلہ جاری کردیا گیا

    لاہور ہائیکورٹ نے معروف ڈیزائنر خدیجہ شاہ کی دو مقدمات میں ضمانتیں منظور کرنے کا تحریری فیصلہ جاری کردیا ہے جبکہ اس فیصلے میں کہا گیا ہے کہ جناح ہاؤس کے اندر ملزمہ کے آگ لگانے کے کوئی ثبوت موجود نہیں ہیں اور جسٹس عالیہ نیلم کی سربراہی میں لاہور ہائیکورٹ کے دو رکنی بینچ نے خدیجہ شاہ کی جناح ہاؤس اور عسکری ٹاور جلاؤ گھیراؤ کے مقدمات میں ضمانتیں منظور کرنے کا تحریری فیصلہ جاری کردیا ہے.

    جبکہ اس تحریری فیصلے میں کہا گیا ہے کہ خدیجہ شاہ نے متنازع ٹویٹ کیا تھا اور بعد میں ڈیلیٹ کردیا، خدیجہ شاہ نے متنازع ٹویٹ پر معافی بھی مانگی، ریاست ماں جیسی ہوتی ہے، معافی مانگنے پر شہری کو موقع دینا چاہیئے جبکہ عدالتی فیصلے میں کہا گیا کہ پراسکیوشن کے مطابق خدیجہ شاہ جناح ہاؤس کے باہر نعرے لگاتی پائی گئی تھی اور جناح ہاؤس کے اندر ملزمہ کے آگ لگانے کے کوئی ثبوت موجود نہیں اور ملزمہ 25 مئی سے گرفتار ہے تاحال ٹرائل شروع نہیں ہوا اور عدالت جناح ہاؤس مقدمے میں ضمانتیں منظور کرنے کا حکم دیتی ہے، عدالت عسکری ٹاور مقدمے میں ضمانت منظور کرنے کا حکم دیتی ہے۔
    مزید یہ بھی پڑھیں:
    کسان، مزدور اور قوم پیپلزپارٹی سے امیدیں لگائے بیٹھی ہے۔ بلاول بھٹو زرداری
    جناح ہائوس حملہ کیس، خدیجہ شاہ سمیت 6 ملزمان کی ضمانت منظور
    انٹر بینک؛ روپے کے مقابلے میں ڈالر کی قدر میں پھر اضافہ

    واضح رہے کہ فیصلے کے مطابق عسکری ٹاور میں خدیجہ شاہ کے اندر داخل ہونے سے متعلق گواہوں کے بیانات میں تضاد ہے، عسکری ٹاور کے مقدمے میں مزید انکوائری درکار ہے، عدالت خدیجہ شاہ کی 5 لاکھ روپے مچلکوں کے عوض عسکری ٹاور مقدمے میں ضمانت منظور کرنے کا حکم دیتی ہے، عدالت عالیہ نے فیصلے میں مزید لکھا ہے کہ درخواست گزار نے عسکری ٹاور کے مقدمے میں بھی متنازع ٹویٹ کو ڈیلیٹ کیا اور معافی مانگی یاد رہے کہ خدیجہ شاہ سابق آرمی چیف آصف نواز جنجوعہ کی نواسی اور سابق وزیر خزانہ سلمان شاہ کی بیٹی ہیں۔ اور وہ مشہور فیشن برانڈ ایلان کی کریٹو ڈائریکٹر بھی ہیں۔

  • ہم سبز انقلاب لائیں گے. بلاول بھٹو زرداری

    ہم سبز انقلاب لائیں گے. بلاول بھٹو زرداری

    پاکستان پیپلزپارٹی کے چیئرمین اور سابق وزیر خارجہ بلاول بھٹو زرداری نے کہا ہے کہ ہم دنیا کو اکٹھا کریں گے اور کہیں گے جس ملک میں بھی موسمیاتی تبدیلیوں کا مسئلہ ہے آئیں ملک کر اس کا حل نکالیں اور جسیے کہ ہمارا پیارا ملک پاکستان سیلاب کا شکار ہوتا اسے محفوظ بنائیں گے، جبکہ ہم پاکستان میں اپنا وینڈ پاور بنائیں گے جبکہ پاکستان نوجوان نسل کا مطالبہ ہے کہ یہ جو پرانی سیاست سے اسے رد کرتے ہیں جبکہ ایسے پرانی سیاست سے کوئی دل چسپی نہیں رکھتے.

    جبکہ کراچی میں بلاول ہاؤس کے باہر سانحہ کارساز کی تقریب سے خطاب کرتے ہوئے بلاول بھٹو نے کہا کہ فلسطین کے معاملے پر پورا پاکستان متحدہ ہے اور اس کے علاوہ ہمارے اندر تقسیم ہے، جب تک ہمارے اندر قومی اتحاد قائم نہیں ہوگا اور نفرت تقسیم و گالی کی سیاست نہیں چھوڑیں گے تو ملکی مسائل حل نہیں ہوں گے لیکن فلسطین کے لوگوں نے مشکل وقت میں پیپلزپارٹی کی مدد کی، ہم ہر مشکل میں اُن کے شانہ بشانہ کھڑے ہیں اور انہیں یقین دلاتے ہیں کہ ہم کسی صورت آپ کا ساتھ نہیں چھوڑیں گے۔

    بلاول بھٹو نے کہا کہ آج کے پاکستان کے لیے نئی سوچ، نئی سیاست اور نئے دور میں نئی قیادت کے ہمراہ داخل ہونے کی ضرورت ہے، اور ایسی قیادت جو ماضی میں نہ پھنسی ہوئی ہو جبکہ ہمیں 1990 یا 2017 کا پاکستان نہیں چاہیے بلکہ ہمیں 2023 کے مطابق جدید تقاضوں پر پاکستان کو چلانا ہوگا، جس کے لیے ہمیں شہید ذوالفقار علی بھٹو کے فلسفے نہ میرا، نہ تیرا بلکہ ہم سب کا پاکستان کے تحت چلانا ہوگا۔

    جلسہ عام سے خطاب میں بلاول بھٹو نے کہا کہ پاکستان آج بہت سے مسائل سے گزر رہا ہے جبکہ سلیکشن کی سیاست نے ملک کا بیڑہ غرق کردیا ہے، ان سب سے آگے بڑھ کر ہمیں پارلیمنٹ، جمہوریت اور سیاست کو جگہ دینا ہوگی اور پارلیمنٹ میں سب کی رائے سننے کے بعد مسئلے کا حل نکالا جاتا ہے، علاوہ ازیں چیئرمین پیپلزپارٹی نے کہا کہ ہم نے 2013 سے 2018 کے دور میں خدمت کی سیاست کی اور ثابت کیا کہ اٹھارہویں ترمیم، بے نظیر انکم سپورٹ پروگرام جیسے منصوبے شروع کیے جاسکتے ہیں۔ ہمیں عوام پر بھروسہ کر کے آئین و قانون کی سیاست کو موقع دینا ہوگا، عوام اس ملک کے وارث اور مالک ہیں، صرف ان کے ہی پاس حق ہے کہ ملک کا فیصلہ کریں۔

    جبکہ انہوں نے کہا کہ عوام کو یہ حق صرف ووٹ کی صورت میں ہی مل سکتا، جس پر وہ اپنے نمائندے کو منتخب کریں گے۔ اور ہم ملک میں ذاتی پسند اور تقسیم کو ختم کر کے جمہوریت اور مفاہمت کی سیاست کر کے قومی، معاشی مسائل اور بدامنی سمیت تمام مسائل کو مل کر حل کرسکیں گے علاوہ ازیں بلاول بھٹو نے کہا کہ ’معاشی ترقی کے لیے سیاسی استحکام کے ساتھ معیشت کو عوام کے مفاد پر چلانا بہت ضروری ہے، جب عوام معیشت کا مرکز بن جاتے ہیں تو پورا ملک ترقی کرتا ہے لہذا جب تک ایک مخصوص طبقہ معیشت سے فائدہ اٹھائے گا تو عوام غریب ہوتے اور امیر ، مزید امیر ہوتے رہیں گے۔

    انہوں نے دعویٰ کیا کہ تاریخی مہنگائی اور غربت کا توڑ پاکستان پیپلزپارٹی کا راج ہے، آج بھی کسان، مزدور اور قوم کو پیپلزپارٹی سے ہی امیدیں لگائے بیٹھی ہے اور وہ جانتے ہیں کہ ایک ہی جماعت سارے مسائل کو حل کرسکتی ہے اور حکومت میں آکر ایک اور معاشی اقتصادی راہداری کا آغاز کریں گے، اس سے پسماندہ علاقوں میں ترقی اور روزگار کے مواقع فراہم کیے جائیں گے کیونکہ پاکستان کو موسمیاتی تبدیلیوں کا سامنا کرنا ہے، جس کے لیے سبز انقلاب لانا ہوگا۔

  • جھوٹی تعریف سے لگتا ہے بہت ڈر ” مونا”

    جھوٹی تعریف سے لگتا ہے بہت ڈر ” مونا”

    جھوٹی تعریف سے لگتا ہے بہت ڈر ” مونا”
    میٹھی باتوں نے ہی شیشے میں اتارا ہے بہت

    ایلزبتھ کورین مونا

    اصل نام : ایلزبتھ
    تخلص: مونا
    تاریخ پیدائش :18 اکتوبر 1949ء
    جائے ولادت:حیدر آباد، تلنگانہ
    پتا:93, Methodist Colony
    ۔ Opp.Kunwar Rani Flats
    ۔ Begumpet,Hyderabad-500016

    مونا کی مادری زبان ملیا لم ہے۔ ہندی، اردو، تیلگو اورانگریزی پر عبور ہے۔ انگریزی اوراردو میں شاعری کرتی ہیں اور نثر بھی لکھتی ہیں۔ انھوں نے جامعہ ملیہ اسلامیہ دہلی سے فاصلاتی کورس کے ذریعہ اردو لکھنا اور پڑھنا سیکھی۔ مولانا آزاد اردو یونیورسٹی حیدر آباد سے تحسین غزل کا کورس کیا۔ غزل کہنے کی بنیادی تعلیم کمل پرساد کمل سے لی۔ علم عروض بمبئ میں آرپی شرما مہرش سے سیکھا۔ انھوں نے 2019 میں بہ زبان انگریزی غزل کی تفہیم اورعروض سے متعلق ایک کتاب شائع کی۔ ”The Art and Science of Ghazal“ جس کا اجراء جشن ریختہ میں ہوا تھا اور جشن کے خواتین کے مشاعرے میں بھی مونا شامل تھیں۔

    اردو مطبوعات: کہکشاں، غزل انتھالوجی (یوپی اور آندھرا پردیس اردو اکادمی سے انعام یافتہ)۔ محبت کے سائے (تلنگانہ اردو اکادمی سے انعام یافتہ)۔ ذوق جستجو اور قوس قزح۔ دیگر زبانوں کی مطبوعات : Beyond Images(انگریزی شاعری)۔ سپنے مروشتل میں (ہندی شاعری)۔ حسن غزل (منتخب غزلیں دیوناگری اور رومن خط میں بمع انگریزی ترجمہ) اور ایک کتاب ملیالم زبان میں ہے۔

    مونا نے اردو اور ہندی سے انگریزی میں کچھ شاعروں کے تراجم بھی کیے ہیں۔ مریم غزالہ کی ہندی اور اردو نظموں کا ترجمہ”mirror of soul“ ڈاکٹر رام برایا کی ہندی نظمیں ”Termor“۔ نصرت محی الدین کی نظمیں”waiting a new season“اور ڈاکٹر اہلیہ مسرا کی نظمیں’ شوس سے شبد تک‘۔
    ان کی انگریزی نظموں کی کتاب کا فرنچ زبان میں ترجمہ سپرتک سین نے اور تامل میں این وی سبرامنیم نے کیا ہے اور اس کتاب میں پن اور انک سے اسکیچز کھٹمنڈو نیپال کے سوشیل تھاپا نے بنائے ہیں۔ ملیالم کے مصنف آر کے پراکاداو کے افسانچوں کا اردو ترجمہ اور کرامت علی کرامت کی اردو شاعری کا انگریزی ترجمہ زیر ترتیب ہے۔
    مونا نے ریزرو بینک آف انڈیا، بمبئ کی منیجر کی ملازمت سے قبل از وقت ریٹائر منٹ لے کر خود کو علم و ادب کے لیے وقف کردیا ہے۔ حیدر آباد میں سکونت پذیر ہیں۔ ان کی شاعری اور مضامین رسائل اور الٹرونک میڈیا میں شائع ہوتے رہتے ہیں۔ مختلف زباانوں کی ادبی انجمنوں میں سرگرم رہتی ہیں۔ ادبی فیسٹیولز اور مشاعروں میں حصہ لیتی ہیں۔ ملٹی لینگول ادبی گروپ ساہتیہ سنگم انٹرنیشنل کی سکریڑی ہیں۔

    غزل
    ۔۔۔۔۔
    ڈوبنے والے کو تنکے کا سہارا ہے بہت
    رات تاریک سہی ایک ستارا ہے بہت
    درد اٹھتا ہے جگر میں کسی طوفاں کی طرح
    تب تری یادوں کے دامن کا کنارہ ہے بہت
    ظلم جس نے کئے وہ شخص بنا ہے منصف
    ظلم پر ظلم نے مظلوم کو مارا ہے بہت
    راہ دشوار ہے پگ پگ پہ ہیں کانٹے لیکن
    راہ رو کے لئے منزل کا اشارہ ہے بہت
    اس کو پانے کی تمنا ہی رہی جیون بھر
    دور سے ہم نے مسرت کو نہارا ہے بہت
    فاصلے بڑھتے گئے عمر بھی ڈھلتی ہی گئی
    وصل کا خواب لئے وقت گزارا ہے بہت
    ہونٹ خاموش تھے اک آہ بھی ہم بھر نہ سکے
    بارہا دل نے مگر تم کو پکارا ہے بہت
    جھوٹی تعریف سے لگتا ہے بہت ڈر موناؔ
    میٹھی باتوں نے ہی شیشے میں اتارا ہے بہت

    غزل
    ۔۔۔۔۔
    اے غم دل یہ ماجرا کیا ہے
    درد الفت سے واسطہ کیا ہے
    رہنے دو ان حسین وعدوں کو
    جھوٹے وعدے ہیں سب نیا کیا ہے
    جام و مینا کو چھوڑ کر دیکھو
    چشم ساقی کا یہ نشہ کیا ہے
    شعلۂ غم کو اور بھڑکائے
    کون سمجھے کہ یہ ہوا کیا ہے
    چھن گیا ہے سکون بھی میرا
    عاشقی نے مجھے دیا کیا ہے
    چارہ گر کوئی بھی نہ جان سکا
    موت اور عشق کی دوا کیا ہے
    کیا بھروسہ ہے زندگانی کا
    جانے تقدیر میں لکھا کیا ہے
    چشم پر نم مگر لبوں پہ ہنسی
    دل میں موناؔ ترے چھپا کیا ہے

  • انٹر بینک؛ روپے کے مقابلے میں ڈالر کی قدر میں پھر اضافہ

    انٹر بینک؛ روپے کے مقابلے میں ڈالر کی قدر میں پھر اضافہ

    انٹر بینک میں روپے کے مقابلے میں ڈالر کی قدر میں آج پھر اضافہ ہوا ہے اور 28 روز مسلسل کمی کے بعد اب پھر انٹربینک میں ڈالر مہنگا ہونے لگا ہے جبکہ گزشتہ روز انٹر بینک میں ڈالر 20 پیسے مہنگا ہو کر 277 روپے 3 پیسے پر بند ہوا تھا اور گزشتہ روز انٹربینک میں ڈالر کے بھاؤ میں 20 پیسے اضافے سے کمی کی لہر 29 ویں روز ٹوٹ گئی تھی۔


    تاہم آج کاروبار کے آغاز سے ہی ڈالر کی قدر میں اضافہ دیکھنے میں آیا اور کاروبار کے دوران ڈالر کی قیمت میں 2 روپے97 پیسے مزید اضافہ ہوا جس سے انٹربینک میں ڈالر 280 روپے کا ہوگیا اور انٹربینک میں کاروبار کے اختتام پر ڈالر 3 روپے 26 پیسے مہنگا ہوکر 280 روپے 29 پیسے پر بند ہوا تاہم دوسری جانب اوپن مارکیٹ میں بھی ڈالر 3 روپے مہنگا ہوکر 280 روپے کا ہوگیا ہے۔

    دوسری جانب عالمی مارکیٹ کے ساتھ ساتھ پاکستان میں بھی سونے کی قیمتوں میں اضافہ ہورہا ہے اور آل پاکستان جیمز اینڈ جیولرز ایسوسی ایشن کے مطابق آج بدھ کے روز ایک تولہ سونا 6 ہزار 400 روپے مہنگا ہوا جس کے بعد ملک میں ایک تولہ سونےکی قیمت 2 لاکھ 6 ہزار500 روپے ہوگئی جبکہ اس کے علاوہ 10گرام سونےکا بھاؤ5487 روپے اضافے سے ایک لاکھ 77ہزار 40 روپے ہے۔

    خیال رہے کہ عالمی مارکیٹ میں سونےکا بھاؤ 36 ڈالر اضافے سے 1959 ڈالر فی اونس ہوگیا ہے، واضح رہے کہ دو دن قبل عالمی مارکیٹ کے ساتھ ساتھ پاکستان میں بھی سونے کی قیمتوں میں کمی ہوئی تھی اور ایک تولہ سونےکا بھاؤ ایک ہزار 900 روپےکم ہوا تھا جس کے بعد 10 گرام سونےکی قیمت ایک ہزار 629 روپےکم ہوکر ایک لاکھ 71 ہزار 553 روپے ہوگئی تھی۔

  • اشیاء ضروریہ کی قیمتوں میں کمی

    اشیاء ضروریہ کی قیمتوں میں کمی

    ملک بھر کے تمام یوٹیلیٹی اسٹورز پر گھی اور کوکنگ آئل کی قیمتوں میں کمی کردی گئی ہے جبکہ ترجمان یوٹیلیٹی اسٹورز کے مطابق ملک بھر کے تمام یوٹیلیٹی اسٹورز پر گھی اور کوکنگ آئل کی قیمتوں میں کمی کردی گئی، گھی میں 23 روپے فی کلو سے لے کر 38 روپے تک کی کمی کی گئی اور اس کے علاوہ کوکنگ آئل کی قیمت میں 13 روپے فی لیٹر سے لے کر 36 روپے فی لیٹر تک کی کمی کی گئی۔

    تاہم ترجمان یوٹیلیٹی اسٹورز کا کہنا ہے کہ نئی قیمتوں کا اطلاق فوری طور پر کر دیا گیا ہے، کمی عام صارفین کی سہولت کے لیے کی گئی ہے۔ جبکہ اس سے قبل خوردنی تیل سے لدے جہازوں کو کلیئرنس نہ ملنے کے باعث ملک میں گھی اور تیل کی قیمت میں بڑا اضافہ ہوگیا تھا اور خوردنی تیل سے لدے 10 سے زائد جہاز کلیئرنس نہ ملنے پر کراچی اور گوادر پورٹ پر کھڑے رہے تھے
    اسرائیل کا وجود دنیا کیلئے کینسر کی مانند ہے. ایران
    ورلڈ کپ 2023: 256 رنز کے تعاقب میں جنوبی افریقہ کے 8 کھلاڑی آؤٹ
    سولہ سالہ لڑکی سے مبینہ زیادتی اور زہریلی اشیاء کھلانے کے واقعہ میں اہم ہیشرفت
    کورکمانڈر کانفرنس: دشمن عناصر کیخلاف پوری قوت سے نمٹنے کا عزم
    نگران وزیراعظم کی چین کے صدر کی جانب سے دیئے گئے عشائیے میں شرکت
    یاد رہے کہ بینکوں کی جانب سے لیٹر آف کریڈٹ نہ کھولنے اور پورٹ پرکلیئرنس کے لیے ریٹائرنگ دستاویزات جاری نہ کرنے کے باعث خدشہ ہوا تھا اور پاکستان وناسپتی مینوفیکچر ایسوسی ایشن (پی وی ایم اے) کے سیکریٹری جنرل عمراسلم خان اس بات کی نشاندہی کی تھی کہ لیٹر آف کریڈٹ کی ریٹائرمنٹ تاخیرکا شکار ہوئی تو صارفین کوگھی اورتیل کی فی کلوگرام/لیٹر کی قیمتوں میں ایک بار پھر 15 سے 20 فیصد اضافے کا سامنا کرنا پڑے گا.