Baaghi TV

Author: +9251

  • نئی ڈرامہ سیریل تمہارے حسن کے نام کا ٹریلر جاری

    نئی ڈرامہ سیریل تمہارے حسن کے نام کا ٹریلر جاری

    صبا قمر اور عمران عباس کی ڈرامہ سیریل تیرے حسن کے نام کا ٹریلر جاری کر دیا گیا ہے. کہانی کو عمیرہ احمد اور سارا قیوم نے لکھا ہے جبکہ ڈائریکشن ثاقب خان کی ہے. کہانی محبت، پرانی یادوں اور اداسی پر مبنی ہے. یہ سیریز ایک محبت کے سفر کی کہانی ہے جو سماجی فرسودہ خیالات، جیسے اٹل بندھن کے ثبوت کیلئے انسان کے بیک گراؤنڈاور ذات پات کے خلاف لڑائی پر مبنی ہے۔کہانی میں واضح کیا گیا ہے کہ محبت وقت اور

    جگہ سے ماوراء ہوتی ہے، تمام چیلنجز اور رکاوٹوں سے لڑجاتی ہے اور محبت کرنے والوں میں ایک دوسرے کی عزت واحترام اور وفاداری کے اٹوٹ بندھن کو ثابت کرنے میں بھرپور کوشش کرتی ہے۔ صبا قمر اور عمران عباس کافی سال کے بعد ایک دوسرے کے ساتھ دکھائی دے رہے ہیں. شائقین ان کو ایک ساتھ دیکھنے کےلئے بےتاب ہیں. اس ڈرامے کے حوالے سے صبا قمر کہتی ہیں کہ مجھے بہت خوشی ہے کہ ثاقب خان کے ساتھ فلم گھبرانا نہیں ہے کہ بعد ڈرامہ سیریل تیرے حسن کے نام میں‌کام کرنے کا موقع میسر آرہا ہے اور مجھے امید ہے کہ شائقین ڈرامے کو بہت پسند کریں گے.

  • رنبیر کپور کی یہ جوانی ہے دیوانی کا سیکوئل بنے گا ؟

    رنبیر کپور کی یہ جوانی ہے دیوانی کا سیکوئل بنے گا ؟

    بالی وڈ اداکار رنبیر کپور جنہوں نے سنجے لیلا بھنسالی کی فلم سانوریا سے کیرئیر کا آغاز کیا اس کے بعد انہوں نے مختلف فلموں میں کام کرکے اپنی صلاحیتوں کا لوہا منوایا ۔ رنبیر کپور کا شمارآج بالی وڈ کے بہترین اداکاروں میں ہوتا ہے انہوں نے کم عرصے میں اپنی الگ پہچان بنائی ۔ رنبیر کپور نے آج سے ٹھیک دس سال قبل ایک فلم کی تھی جس کا نام تھا یہ جوانی ہے دیوانی اس فلم کو شائقین نے بے حد سراہا اور فلم سپر ہٹ ہو گئی ۔ اس فلم میں رنبیر کپور کے ساتھ اداکارہ دیپیکا پڈوکون نظر آئیں ۔ حال ہی میں رنبیر کپور سے میڈیا نے پوچھا کہ کیا فلم یہ جوانی ہے دیوانی

    کا کبھی سیکوئل بنے گا تو انہوں نے کہا کہ جی ہاں ایسا ہو بھی سکتا ہے بلکہ فلم کے ڈائریکٹر آیان مکھر جی اس فلم کا سیکول بنانے کا ارادہ رکھتے ہیں بلکہ اس حوالے سے ان کے پاس ایک اچھی کہانی بھی ہے۔ لیکن وہ براہمسٹرا میں مصروف ہو گئے ، فلم کا سیکول یقینا بنے گا اور اس بار جو کہانی ہو گی اس میں کردار تو وہی ہوں گے لیکن انکی زندگیاں دس سال آگے چلی گئیں یہ دکھایا جائیگا اور یہ دکھایا جائیگا کہ دس سال کے بعد کیا ہوا اور کردار وں کی زندگیاں کس طرح سے بدلیں ۔ رنبیر کپور نے یہ تو بتا دیا کہ فلم کا سیکیوئل بنے گا لیکن یہ نہیں بتایا کہ اس میں بطور ہیروئین کونسی اداکارہ کام کریں گی۔

  • رنبیر کپور عالیہ بھٹ کی کس عادت سے ہیں تنگ ؟

    رنبیر کپور عالیہ بھٹ کی کس عادت سے ہیں تنگ ؟

    بالی وڈ اداکارہ عالیہ بھٹ جو کہ ایک معروف اداکارہ ہیں لیکن جب سے ان کی شادی رنبیر کپور کے ساتھ ہوئی ہے وہ ہیں بہت زیادہ خبروں میں۔ یہ تو سب جانتے ہیں کہ رنبیر کپور عالیہ بھٹ کی دیوانہ وار تعریفیں کرتے ہیں لیکن عالیہ نے اپنے حالیہ انٹرویو میں بتایا ہے کہ رنبیر کپور ان کی ایک عادت سے بہت تنگ ہیں اور وہ ہے شور شرابہ کرنا۔ انہوں نے کہا کہ مجھے بہت جلدی غصہ آجاتا ہے اور میں اپنے غصے پر کنٹرول نہیں کر پاتی ، اور رنبیر کپور کو میری اسی عادت پر بہت زیادہ غصہ آتا ہے۔ انہوں نے کہا کہ اپنے شوہر کو خوش رکھنے کےلئے میں پوری کوشش کرتی ہوں کہ ان کے سامنے غصہ نہ کروں ۔ اور اپنی اس عادت پر قابو پانے کےلئے میں نے بہت کوشش کی ہے اور مسلسل اسی کوشش میں رہتی ہوں کہ میرے شوہر کو

    مجھ سے کوئی شکایت نہ ہو۔ عالیہ بھٹ نے رنبیر کپور کی تعریف کرتے ہوئے کہا کہ رنبیر کپور ایک بہترین انسان اور بہترین باپ و شوہر ہیں۔ وہ دھیمے مزاج کے انسان ہیں ان کو بہت جلدی غصہ نہیں آتا۔ بلکہ وہ مجھ کو سمجھاتے ہیں کہ غصہ نہ کیا کرولیکن میں کیا کروں غصے پر کنٹرول ہی نہیں ہوتا ، رنبیر کپور کو ڈر لگتا ہے کہ کہیں یہ عادت ان کی بیٹی راہا میںنہ آجائے۔ اس لئے وہ مجھے بہت سمجھاتے ہیں کہ میں کسی نہ کسی طرح اس عادت پر قابو پالوں۔

  • خالد عباس ڈار کی ٹی وی پر واپسی

    خالد عباس ڈار کی ٹی وی پر واپسی

    سینئر اداکار خالد عباس ڈار نے کئی برس کے بعد ٹی وی کا رخ کر لیا ہے اور اس بار وہ پاکستان ٹیلی ویژن سے اداکاری میں واپسی کررہے ہیں، جی ہاں خالد عباس ڈار نے پی ٹی وی پر اپنی واپسی کر لی ہے اور لاہور سٹیشن سے وہ ڈار اور ڈارلنگ کے نام سے ایک شو کررہے ہیں ، پروگرام کو بہت زیادہ پذیرائی مل رہی ہے جس پر اداکار کافی خوش ہیں۔ انہوں نے اس پروگرام کے حوالے سے بات کرتے ہوئے اپنے حالیہ انٹرویو میں کہا ہے کہ میں بہت خوش ہوں کہ میری ٹی وی پر واپسی ہوئی ہے اور پی ٹی وی جہاں کام کرکے میں نے شہرت حاصل کی آج کئی برسوں کے بعد وہیں دوبارہ کام

    شروع کرکے مجھے بہر اچھا لگ رہا ہے میں سمجھتا ہوں کہ پی ٹی وی کی رونقیں بحال ہو سکتی ہیں لیکن اس کے لئے یہاں سینئرز کو واپسی کرنی ہو گی ، انہوں نے کہا کہ مجھے انداہ نہیں تھا کہ میرے پروگرام کو اتنی پذیرائی ملے گی۔ میرے پروگرام کے پرڈیوسر آغا قیصر ہیں ان کے ساتھ کام کرکے بہت اچھا لگ رہا ہے۔ خالد عباس ڈارنے کہا کہ میں نے معیار پر کبھی بھی سمجھوتہ نہیں کیا ، میں ڈار اور ڈارلنگ پروگرام کے لئے مطمئن ہوا تو میں نے اسکو کرنے کےلئے حامی بھری اور میں سمجھتا ہوں کہ میرا یہ فیصلہ اچھا ہے۔

  • سلطان راہی جیسا کوئی دوسرا نہیں ہو سکتاحیدر سلطان

    سلطان راہی جیسا کوئی دوسرا نہیں ہو سکتاحیدر سلطان

    اداکار حیدر سلطان جو کہ سلطان راہی کے صاحبزادے ہیں انہوں نے اپنے حالیہ انٹرویو میں کہا ہے کہ میرے والد نے جو کام کیا وہ کوئی اور آج تک نہیں کر سکا ۔ یہاں تک کہ میں بھی ان کے کام کے قریب نہیں پہنچ سکتا۔ میں نے ہمیشہ کوشش کی ہے کہ میں ایسا کام کروں کہ جس سے میرے مداھوں کے دل میں میری عزت مزید بڑھے، انہوں نے کہا کہ میں نے کبھی کوئی ایسا کام نہیں کیا جس سے میرے والد کے نام پر حرف آئے۔ انہوں نے یہ بھی کہا کہ جس سے بھی پوچھیں وہ یہی کہے گا کہ سلطان راہی ایک ہی تھا اس کے جیسا کوئی دوسر ا آسکتا ہے۔ حیدر سلطان نے کہا کہ

    میرے والد کی کاپی بہت سارے اداکاروں نے کی لیکن جو مقام سلطان راہی کے پاس تھا وہ انہیں نہ ملا نہ مل سکتا ہے۔ سلطان راہی ایک انسٹیٹیوٹ کی حیثیت رکھتے تھے ، ان کا کام نئے آنے والوں کے لئے مشعل راہ ہے۔ حیدر سلطان نے کہا کہ میں عید الاضحی پر ایک فلم ریلیز کرنے جا رہا ہوں امید ہے کہ شائقین مجھے اس فلم میں ضرور پسند کریں گے۔ انہوں نے کہا کہ پنجابی فلموں کا دور ایک بار پھر شروع ہوا ہے ہم سب کو چاہیے کہ لاہور سے پنجابی انڈسٹری کو ایک بار پھر زندہ کریں اور اسکے لئے ہمیں اچھی اچھی فلمیں بنانا ہوں گی۔

  • پی ٹی آئی پنجاب میں ٹکٹوں کی تقسیم پر اختلافات شدت اختیارکرگئے

    پی ٹی آئی پنجاب میں ٹکٹوں کی تقسیم پر اختلافات شدت اختیارکرگئے

    پاکستان تحریک انصاف میں پنجاب اسمبلی کے انتخابات کیلئے ٹکٹوں کی تقسیم پر اختلافات شدت اختیارکرگئے۔

    تحریک انصاف میں پنجاب اسمبلی کے انتخابات کیلئے ٹکٹوں کی تقسیم پر اختلافات شدت اختیارکرگئے ہیں، اور پی ٹی کے چودہ ناراض سابق ٹکٹ ہولڈر اکٹھے ہو گئےہیں،اور ان کے آپس میں رابطے بھی شروع ہوگئے ہیں. ذرائع کے مطابق سابق ٹکٹ ہولڈرز ناراض اراکین میں بلال اسلم بھٹی،سلمان شعیب ،خالد گھرکی،ارشاد ڈوگر، طارق ثناء باجوہ ،طارق سعادت ،میجر (ر)ضمیر،علی محمد خان ،جاوید انور،امین ذکی،اعجازاحمد یوسفزئی شامل ہیں۔
    مزید یہ بھی پڑھیں؛
    آئین کا تحفظ ہمارے بنیادی فرائض میں شامل ہے۔ چیف جسٹس
    100 واں ڈے،پی سی بی نے بابر اعظم کی فتوحات کی فہرست جاری کر دی
    لندن میں نواز شریف کے نام پرنامعلوم افراد نے تین گاڑیاں رجسٹرکرالیں،لندن پولیس کی تحقیقات جاری
    بینگ سرچ انجن تمام صارفین کیلئے کھول دیا گیا
    انٹربینک میں ڈالر سستا ہوگیا
    ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
    سعیدہ امتیاز کے دوست اورقانونی مشیرنے اداکارہ کی موت کی تردید کردی
    جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا
    یورپی خلائی یونین کا نیا مشن مشتری اور اس کے تین بڑے چاندوں پر تحقیق کرے گا
    ذرائع کا کہنا ہے کہ تحریک انصاف کے ناراض ارکان نےاجلاس بھی طلب کرلیا ہے، جسمیں لاہورکی ٹکٹ کے لیے ریویو اپیلوں کو نہ سننے پرحکمت عملی بنانے پرغورکیا جائے گا۔ ذرائع کے مطابق ٹکٹوں کی تقسیم میں 2018 میں بڑے مارجن سے شکست کھانے والے امیدواروں کو دوبارہ ٹکٹ دیا گیا،سابق ٹکٹ ہولڈرزبہت ہی کم مارجن سےہارنےوالوں اورحلقے کی سیاست میں مسلسل محترک رہنے والوں کو ٹکٹ سے محروم رکھا گیا۔

  • کسی پر بھروسہ نہیں جنت مرزا نے ایسا کیوں کہا؟

    کسی پر بھروسہ نہیں جنت مرزا نے ایسا کیوں کہا؟

    معروف ٹک ٹاکر جنت مرزا جو کہ انسٹاگرام پر ایک بہت بڑی فین فالونگ رکھتی ہے، انہوں نے ٹک ٹاک کے زریعے دنیا بھر میں شہرت پائی ہے ان کی شہرت کو دیکھتے ہوئے معروف ہدایتکار سید نور نے اپنی فلم تیرے باجرے دی راکھی میں بھی کاسٹ کیا ۔ لیکن فلم میں جنت مرزاشائقین کو زیادہ متاثر نہ کر سکیں ۔ جنت مرزاکی جب سے منگنی ٹوٹی ہے تب سے وہ خاصی ڈسٹرب دکھائی دیتی ہیں۔ اس کا اظہار وہ بلواستہ کرتی بھی رہتی ہیں۔انہوں نے حال ہی میں اپنی کچھ تصاویر انسٹاگرام پر شئیر کی ہیں جن میں دیکھا جا سکتا ہے کہ وہ گاﺅں کی ہریالی سے لطف اندوز ہو

    رہی ہیں ۔ اس کا کیپشن انہوں نے کچھ یوں لکھا ” اب میں کسی پر بھروسہ نہیں کرتی “ ۔ جنت مرزا کی اس پوسٹ کو دیکھ کر سوشل میڈیا صارفین کا کہنا ہے کہ جنت مرزا نے اپنے سابقہ منگیتر عمر بٹ کے ھوالے سے ایسی بات لکھی ہے۔ شاید وہ ابھی بھی ان کو مس کرتی ہیں، اس لئے بلواسطہ اپنی پوسٹوں میں ایسی باتیں لکھتی رہتی ہیں۔ یاد رہے کہ جنت مرزا کا اس سال کے آغاز میں عمر بٹ کے ساتھ بریک اپ ہو گیا تھا ، انہوں نے باضابطہ طور پر اعلان کیا تھا کہ میرا اور عمر بٹ کا اب کوئی تعلق نہیں ہے لہذا ان کے ساتھ اب میرا نام نہ جوڑا جائے۔

  • پی اے سی نے جسٹس مظاہر کی آمدن اور اثاثوں کی تفصیلات 15 دنوں میں طلب کر لیں

    پی اے سی نے جسٹس مظاہر کی آمدن اور اثاثوں کی تفصیلات 15 دنوں میں طلب کر لیں

    پی اے سی نے جسٹس مظاہر کی آمدن اور اثاثوں کی تفصیلات 15 دنوں میں طلب کر لیں.

    پارلیمنٹ کی پبلک اکاؤنٹس کمیٹی (پی اے سی) نے سپریم کورٹ کے جسٹس مظاہر نقوی کی آمدن اور اثاثوں کی تفصیلات 15 دنوں میں طلب کر لیں۔ چیئرمین نورعالم خان کی زیر صدارت پبلک اکاؤنٹس کمیٹی کا اجلاس ہوا جس میں کمیٹی کے 14 میں سے 13 ارکان نے جسٹس مظاہرنقوی کے اثاثوں کی چھان بین کی اجازت دی تاہم صرف پی ٹی آئی کے سینیٹر محسن عزیز نے جج کے اثاثوں کی چھان بین کرنے کی مخالفت کی۔

    اس موقع پر نور عالم خان نے کہا کہ یہ جسٹس مظاہر یا کسی ایکس وائی کا ایشو نہیں، یہ کرپشن کا مسئلہ ہے، اس لیے نہیں چھوڑوں گا، اگرمیری بہن، بیٹی اور بچوں کے بھی اثاثے آمدن سے زائد ہیں توپیچھاکروں گا۔ پی اے سی نے جسٹس مظاہر نقوی کی آمدن اور اثاثوں کی تفصیلات 15 دنوں میں طلب کر لیں، جسٹس مظاہرنقوی کے ٹیکس ریٹرن اور ویلتھ اسٹیٹمنٹ کا ریکارڈ بھی مانگ لیا۔

    پبلک اکاؤنٹس کمیٹی نے وزارت ہاؤسنگ سے جسٹس مظاہرنقوی کو دیے گئے پلاٹس کی تفصیلات اوربیچی گئی زمینوں یاپلاٹس کاریکارڈاور بیرون ملک سفر کی ہسٹری بھی طلب کرلی۔ چیئرمین کمیٹی نے ہدایت کی کہ آڈیٹر جنرل مظاہرعلی نقوی کے پلاٹس کی کیٹگریز کی تحقیقات کرکے رپورٹ جمع کرائیں اور نادرا جسٹس مظاہرعلی نقوی کےخاندان میں شامل افرادکےنام کی لسٹ فراہم کرے۔
    مزید یہ بھی پڑھیں؛
    آئین کا تحفظ ہمارے بنیادی فرائض میں شامل ہے۔ چیف جسٹس
    100 واں ڈے،پی سی بی نے بابر اعظم کی فتوحات کی فہرست جاری کر دی
    لندن میں نواز شریف کے نام پرنامعلوم افراد نے تین گاڑیاں رجسٹرکرالیں،لندن پولیس کی تحقیقات جاری
    بینگ سرچ انجن تمام صارفین کیلئے کھول دیا گیا
    انٹربینک میں ڈالر سستا ہوگیا
    ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
    سعیدہ امتیاز کے دوست اورقانونی مشیرنے اداکارہ کی موت کی تردید کردی
    جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا
    یورپی خلائی یونین کا نیا مشن مشتری اور اس کے تین بڑے چاندوں پر تحقیق کرے گا
    ان کا مزید کہنا تھا کہ آئندہ پی اے سی اجلاس میں چیف سیکرٹریز نہ آئے تو وارنٹ جاری کروں گا۔ پبلک اکاؤنٹس کمیٹی کے اجلاس میں سیکرٹری خزانہ، سیکرٹری داخلہ، چاروں صوبوں کے چیف سیکرٹریز نہیں آئے جبکہ چیئرمین نیب اورچیئرمین نادرا بھی غیرحاضر رہے۔ چیئرمین پی اے سی نورعالم نے سیکرٹریز کی شرکت نہ کرنے پر برہمی کا اظہار کیا اور کہاکہ آئندہ اجلاس میں چیف سیکرٹریز نہ آئے تو وارنٹ جاری کریں گے. میرے کے پاس کافی شواہد ہیں دیکھنا چاہتا ہوں افسران کتنے مخلص ہیں۔ یاد رہے کہ قومی اسمبلی نے جسٹس مظاہرنقوی کی آمدن اور اثاثوں کی جانچ پڑتال کا معاملہ پی اے سی کے سپرد کررکھا ہے۔

  • برج فیڈریشن آف ایشیا اینڈ مڈل ایسٹ چیمپئن شپ، کھلاڑیوں میں تحائف تقسیم، طلبا کا دورہ

    برج فیڈریشن آف ایشیا اینڈ مڈل ایسٹ چیمپئن شپ، کھلاڑیوں میں تحائف تقسیم، طلبا کا دورہ

    برج فیڈریشن آف ایشیا اینڈ مڈل ایسٹ چیمپئن شپ، کھلاڑیوں میں تحائف تقسیم، طلبا کا دورہ

    پاکستان برج فیڈریشن کے زیر اہتمام برج فیڈریشن آف ایشیا اینڈ مڈل ایسٹ چیمپئن شپ لاہور میں جاری ہے جس میں پاکستان ، بھارت، متحدہ عرب امارات، فلسطین، اردن ، بنگلہ دیش کی ٹیمیں چیمپئن شپ میں شریک ہیں ، روزانہ تمام ٹیموں کے تین تین میچز ہو رہے ہیں، پی سی ہوٹل لاہور میں میچز کا آغاز صبح دس بجے ہوتا ہے اور شام سات بجے تک جاری رہتا ہے.


    جبکہ پاکستان برج فیڈریشن کے صدر مبشر لقمان ، سیکرٹری جنرل احسان قادر و دیگر بھی میچز کے دوران موجود ہوتے ہیں، برج فیڈریشن آف ایشیا اینڈ مڈل ایسٹ کے صدر بحجت ماجالی بھی چیمپئن شپ کے لیے آئے ہوئے ہیں۔ آج پیر کو کھیل کا تیسرا روز ہے، پہلے میچ کے بعد بھارت سمیت تمام ٹیموں کے کھلاڑیوں کو پاکستان برج فیڈریشن کے صدر مبشر لقمان کی جانب سے تحائف میں کچھ کتابیں پی بی ایف کی جانب سے بطور تحفہ دی گئیں جنہیں بینک آف پنجاب نے خصوصی طور پر تیار کروایا اور پی بی ایف کے لیے پرنٹ بھی کروایا تاکہ تمام آئے ہوئے مہمان کھلاڑیوں کو بطور تحفہ یہ کتابیں پیش کی جاسکیں۔ جبکہ تمام کھلاڑیوں بالخصوص بھارتیوں نے اس دلچسپ تحفے کو بہت پسند کیا جس کا عنوان "پنجاب کا ورثہ تھا۔ جبکہ اس موقع پر تمام ٹیموں نے مبشر لقمان کا شکریہ ادا کیا اور کہا کہ پاکستان برج فیڈریشن کے صدر مبشر لقمان نے میزبانی کا حق ادا کر دیا ہے


    مزید یہ بھی پڑھیں؛
    آئین کا تحفظ ہمارے بنیادی فرائض میں شامل ہے۔ چیف جسٹس
    100 واں ڈے،پی سی بی نے بابر اعظم کی فتوحات کی فہرست جاری کر دی
    لندن میں نواز شریف کے نام پرنامعلوم افراد نے تین گاڑیاں رجسٹرکرالیں،لندن پولیس کی تحقیقات جاری
    بینگ سرچ انجن تمام صارفین کیلئے کھول دیا گیا
    انٹربینک میں ڈالر سستا ہوگیا
    ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
    سعیدہ امتیاز کے دوست اورقانونی مشیرنے اداکارہ کی موت کی تردید کردی
    جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا
    یورپی خلائی یونین کا نیا مشن مشتری اور اس کے تین بڑے چاندوں پر تحقیق کرے گا
    برج فیڈریشن آف ایشیا اینڈ مڈل ایسٹ چیمپئن شپ کے میچز کے دوران آج تعلیمی اداروں کے طلبا نے دورہ کیا اور برج کے بارے میں آگاہی حاصل کی اس موقع پر طلبا و طالبات کی بین الاقوامی کھلاڑیوں سے بھی ملاقات ہوئی، طلبا کو برج کے بارے میں بریفنگ دیتے ہوئے بتایا گیا کہ برج ایک گیم ہے لاہور میں ہونیوالے ٹورنامنٹ کا فائنل 13 مئی کو ہو گا اور فائنل میں پہنچنے والی ٹیمیں ورلڈ برج چیمپئن میں رواں برس شریک ہوں گی.

  • عورت کو ہی ولن اور ہیرو دکھایا جا رہا ہے نبیل قریشی

    عورت کو ہی ولن اور ہیرو دکھایا جا رہا ہے نبیل قریشی

    سینئر اداکار نبیل نے ڈراموں کی موجودہ صورتحال پر بات کرتے ہوئے کہا ہے کہ موجود ہ دور کے ڈراموں کا کینونس بہت چھوٹا ہو گیا ہے اب ڈراموں میں عورت کو ہی ہیرو اور عورت کو ہی ولن دکھایا جا رہا ہے۔ جو کہ مناسب بات نہیں ہے، ہر طرح کا کردار ہر ایکٹر کو ملنا چاہیے۔ انہوں نے کہا کہ تکنیکی اعتبار سے ڈرامہ اچھا ہو گیا ہے لیکن ویسے ڈرامے کا معیار تھوڑا نیچے آیا ہے۔ ریٹنگ کے چکر نے ڈرامے کو برباد کردیا ہے۔ ریٹنگ کی خاطر خواتین کو رلایا جاتا ہے، ڈرامہ بنانے والوں کو لگتا ہے کہ عورت کو رلائیں گے تو ہی ریٹنگ آئیگی لہذا عورت کو رلایا جاتا

    ہے اور کہانی کو کامیاب بنانے کی کوشش کی جاتی ہے۔ نبیل قریشی نے کہا کہ ہم نے جس دور میں کام کیا تب کہانیوں کے مضبوط ہونے پر فوکس کیا جاتا تھا صرف عورت کو رلانا ہے اس پر زور نہیں رکھاجاتا تھا۔ نبیل نے کہا کہ اس کے باوجود پاکستان میں ڈرامہ آج بھی اچھا بن رہا ہے اور پوری دنیا میں اسکو پسند کیا جاتا ہے۔نبیل نے مزید کہا کہ ہمارے ہاں فنکار بہت زیادہ باصلاحیت ہیں، مشکل سے مشکل کردار بھی زبردست انداز میں نبھاتے ہیں۔جونئیر فنکاروں کی فنکارانہ صلاحیتیں دیکھ کر میں حیران رہ جاتا ہوں۔