مذاکرات آج صبح 11 بجے کے بجائے رات 9 بجے دوبارہ شروع ہوں گے. چیئرمین سینیٹ
حکومت اور تحریک انصاف کے درمیان جاری ایک ہی روز الیکشن کرانے سے متعلق مذاکرات کے فائنل رائونڈ کا وقت تبدیل کر دیا گیا ، جس کے مطابق مذاکرات کل صبح 11 بجے کے بجائے رات 9 بجے دوبارہ شروع ہوں گے۔ خیال رہے کہ حکومت اور پاکستان تحریک انصاف کی کمیٹیوں کے درمیان ملک بھر میں ایک ہی روزالیکشن کرانے سے متعلق اتفاق رائے کیلئے مذاکرات کا سلسلہ جاری ہے ، جس کے 2 ادوارہوچکے ہیں۔حکومت کی جانب سے مذاکرات کرنے والی کمیٹی میں وزیر خزانہ اسحاق ڈار، وزیر قانون اعظم نذیر تارڑ، وزیر ریلوے سعد رفیق اور وفاقی وزیر ایازصادق جبکہ پاکستان پیپلز پارٹی سے یوسف رضا گیلانی، سیّد نوید قمر، ایم کیو ایم سے کشور زہرہ مذاکراتی عمل میں شامل ہیں،جبکہ تحریک انصاف کی مذاکراتی کمیٹی میں شاہ محمود قریشی،فواد چودھری اور سینیٹر علی ظفر شامل ہیں۔
یہاں یہ بات قابل ذکر ہے حکومت کی جانب سے تشکیل دی جانے والی 7 رکنی کمیٹی میں جمعیت علما اسلام کا کوئی نمائندہ شریک نہیں ہے، جبکہ جمعیت علمائے اسلام ف کے امیر مولانا فضل الرحمان متعدد بار کہہ چکے ہیں کہ تحریک انصاف کے ساتھ ہونے والے مذاکرات میں کسی بھی جگہ حصہ نہیں بنیں گے۔ دوسری طرف چیئرمین سینیٹ صادق سنجرانی جانب سے جاری بیان کے مطابق حکومت اور تحریک انصاف کے مذاکراتی کمیٹی کے اراکین کے مصروفیات کے باعث کل ہونے والے مذاکرات کا وقت تبدیل کردیا گیا۔ صادق سنجرانی کے مطابق حکومت اور تحریک انصاف کے باہمی رضامندی کے بعد مذاکرات کل صبح 11 بجے کے بجائے رات 9 بجے سینیٹ سیکرٹریٹ میں دوبارہ شروع ہوں گے۔
پہلا رائونڈ:۔
مذاکرات کے پہلے رائونڈ میں دونوں جانب سے مذاکرات جاری رکھنے پر اتفاق کیا گیا تھا، اس دوران دونوں فریقین نے ایک دوسرے کو اپنی اپنی تجاویز دیں۔مذاکرات ختم ہونے کے بعداسحاق ڈار نے کہا تھا کہ ٹی و آر پر بات ہوئی جس کے لیے کل پھر دوبارہ بیٹھیں گے۔ اصولی فیصلہ ہے آئین کے اندر رہ کر معاملے کو ہینڈل کرنا ہے،یوسف رضا گیلانی نے کہا کہ پی ٹی آئی کل اپنے مطالبات حکومت کی مذاکراتی کمیٹی کے سامنے رکھے گی، آج بہت اچھے ماحول میں بات ہوئی اور امید ہے یہ سلسلہ جاری رہے گا۔
شاہ محمود قریشی نے کہا تھا ملک میں ہیجانی کیفیت کا خاتمہ چاہتے ہیں، قوم کواس کیفیت سے آزاد کروانا چاہتے ہیں، ہم نے اپنا نقطہ نظرحکمرانوں کے سامنے رکھ دیا ہے، حکومت نے بھی اپنا مطالبہ ہمارے سامنے رکھا ہے۔
دوسرا رائونڈ:۔ حکومت اورتحریک انصاف کے درمیان ایک ہی روزالیکشن کرانے پرہونے والے مذاکرات کے دوسرے دورمیں پی ٹی آئی نےحکومت سےاسمبلیوں کی تحلیل کاٹائم فریم مانگ رکھا ہے،،حکومت کی جانب سےتتحریک انصاف سےمؤقف میں لچک دکھانے پرزوردیا گیا، جبکہ قیادت سےمشاورت کے بعد دونوں ٹیمیں منگل 2 مئی کو دوبارہ مل بیٹھنے پراتفاق کیا گیا تھا۔
دوسرے دور کے مذاکرات کے بعد حکومتی ٹیم کے رہنما اور وزیر خزانہ اسحاق ڈار نے کہا کہ ایک تجویزہماری اورایک تجویزپی ٹی آئی کی طرف سےہے،ہم تجاویزکوحکومت کےسامنےرکھیں گے، بات چیت میں دونوں طرف سےپیش رفت ہوئی ہے،منگل کودوبارہ فائنل مذاکرات ہوں گے۔ تحریک انصاف کے رہنما شاہ محمود قریشی نے فوادچودھری اورعلی ظفر کے ہمراہ میڈیا سے گفتگوکرتے ہوئے کہا کہ مناسب پیشرفت حاصل کی ہے۔ تحریک انصاف نے اپنا نقطہ نظر پیش کر دیاہے، اورانہوں نے اپنا نقطہ نظر پیش کیا۔شاہ محمود نے کہا کہ وقفہ کیا ہے کہ ہم اپنی لیڈر شپ سے مشاورت کریں، پوری کمیٹی کل عمران خان سے ملنے لاہور جائے گی، اگلی نشست منگل کودن 11 بجے دوبارہ ہوگی۔
جس کے بعد آج یکم مئی کو چیئرمین سینیٹ صادق سنجرانی جانب سے جاری بیان میں بتایا گیا ہے کہ حکومت اور تحریک انصاف کے مذاکراتی کمیٹی کے اراکین کے مصروفیات کے باعث کل ہونے والے مذاکرات کا وقت تبدیل کردیا گیا۔اور اب فریقن کی باہمی رضامندی کے بعد مذاکرات کل صبح 11 بجے کے بجائے رات 9 بجے سینیٹ سیکرٹریٹ میں دوبارہ شروع ہوں گے۔
خیال رہے کہ گزشتہ روز چیئر مین سینیٹ صادق سنجرانی نے بھی رابطہ کر کے دونوں فریقین کو ایک میز پر لانے کی کوشش کی تھی۔ اس سے قبل قومی اسمبلی میں خطاب کرتے ہوئے وزیراعظم شہباز شریف نے کہا تھا کہ ہمیں مذاکرات کا کہا گیا، ہمارے پاس تو سوٹی بھی نہیں، ہم تو بات چیت کرتے ہیں، تحریک انصاف کو مشورہ کر کے مذاکرات کی دعوت دی، ہمارے اتحاد میں ایسی جماعتیں ہیں جو جائز سخت مؤقف رکھتے ہیں ان کو قائل کیا۔ بات چیت کا ایجنڈا پورے ملک میں ایک دن اور شفاف انتخابات ہوں گے۔
واضح رہے کہ سپریم کورٹ میں جاری سماعت کے دوران چیف جسٹس آف پاکستان جسٹس عمرعطاء بندیال نے کہا تھا کہ اگر سیاستدان مل بیٹھ کر کوئی حل نکال لیتے ہیں تو بہترین بصورت دیگر سپریم کورٹ پنجاب میں الیکشن کے حوالے سے اپنے 14 مئی کے فیصلے سے پیچھے نہیں ہٹ سکتی۔
