Author: +9251

پاکستان اسٹیٹ آئل نے پاکستان انٹرنیشنل ائرلائن کو ایندھن کی فراہمی معطل کردی

پاکستان اسٹیٹ آئل نے پاکستان انٹرنیشنل ائرلائن کو ایندھن کی فراہمی معطل کردی ہے، جس کے باعث پی آئی اے کا اندرون ملک فلائٹ آپریشن متاثر ہوگیا ہے اور پی آئی اے کی اندرون ملک دو پروازیں متاثر ہونے کے معاملے پر بیان جری کرتے ہوئے قومی ائرلائن کے ترجمان نے بتایا کہ پی ایس او نے پی آئی اے کو ایندھن فراہم نہیں کیا، جس کے باعث پروازیں متاثر ہوئیں۔

جبکہ اس حوالے سے مسافروں کا کہنا ہے کہ اس بارے میں حکومت کو سوچنا چاہئے کہ اگر آپ پی آئی اے کو نہیں چلانا چاہئے ہیں تو پرائیویٹ کردیں تاکہ مسافر تو کم از کم ذلیل و خوار نہ ہوں اور انہیں تکلیف کا سامنا نہ کرنا پڑے
مزید یہ بھی پڑھیں؛
پریکٹس اینڈ پروسیجر ایکٹ فیصلے کا نواز شریف پر کوئی اثر نہیں ہوگا. شہباز شریف
سرفرانگا ریلی؛ عادل نعیم کی جیت
نواز شریف کو ریلیف نہ ملا تو وہ واپس نہیں آئیں گے . فیصل کریم کنڈی
پاکستانی ہائی کمیشن ڈاکٹر فیصل کی نواز شریف سے الودعی ملاقات، ویڈیو لیک
الیکشن کمشین؛ بلوچستان میں تعینات افسران کے تبادلوں کے احکامات جاری
چیئرپرسن بینظیر انکم سپورٹ پروگرام کا اسلام آباد میں بینظیر ون ونڈو سینٹر کا دورہ
روپےکے مقابلے میں ڈالر کی قدر میں کمی
جبکہ ترجمان پی آئی اے نے بتایا کہ اسی وجہ سے فیصل آباد سے کراچی کی پرواز میں تاخیر ہوئی اور اسلام آباد سے سکھر کی پرواز منسوخ کردی گئی ہے اور ترجمان کا کہنا ہے کہ بیرون ملک پروازیں شیڈول کے مطابق روانہ ہورہی ہیں۔

پریکٹس اینڈ پروسیجر ایکٹ کیس فیصلہ بارے پاکستان مسلم لیگ نواز کے رہنما ملک احمد خان کا کہنا ہے کہ یہ درست سمت میں ایک قدم ہے، یہ فیصلہ پارلیمنٹ کی بالادستی کیلئے اہم ہے، پارلیمنٹ کا کام قانون سازی کرنا ہے اور پارلیمان کے اس حق کو تسلیم کرنا خوش آئند بات ہے، جہاں تک تشریح کی بات ہے تو سپریم کورٹ بالادست ہے وہ تشریح کرے۔ جبکہ انہوں نے مزید کہا کہ بادی النظر میں دیکھا جائے تو اپیل کا حق نہ ہونا بہت بڑی ناانصافی ہے۔ سپریم کورٹ نے بہت سی چیزوں میں سمت کو درست کرنا ہے۔

جبکہ ملک احمد خاں کا کہنا تھا کہ اگر سپریم کورٹ میں تقسیم ایسے ہی چلتی رہتی ہے تو یہ بڑا نقصان ہے، سپریم کورٹ میں تقسیم سے نقصان ہوتا ہے، ماضی میں بینچ سے پتا چل جاتا تھا کہ فیصلہ کیا ہوگا، یہ ایک بڑا غلط تشخص تھا یہ نہیں ہونا چاہیے تھا، پسند اور ناپسند کی بنیاد پر فیصلے نہیں ہونے چاہئیں علاوہ ازیں ملک احمد خان نے کہا کہ نواز شریف صاحب کی 5 سال کی نااہلیت والی سزا کا تعین پارلیمان کرچکی ہے، سزا معطلی پر وکلاء دیکھیں گے کہ اس پر کوئی صورت ہوئی اور میاں صاحب کو ریلیف درکار ہوا اور ضرورت پوئی کہ نظر ثانی میں لے کر جائیں تو ضرور لے کر جائیں گے۔
مزید یہ بھی پڑھیں؛
پاکستانی ہائی کمیشن ڈاکٹر فیصل کی نواز شریف سے الودعی ملاقات، ویڈیو لیک
الیکشن کمشین؛ بلوچستان میں تعینات افسران کے تبادلوں کے احکامات جاری
چیئرپرسن بینظیر انکم سپورٹ پروگرام کا اسلام آباد میں بینظیر ون ونڈو سینٹر کا دورہ
روپےکے مقابلے میں ڈالر کی قدر میں کمی

علاوہ ازیں نجی ٹی وی سے گفتگو کرتے ہوئے پاکستان پیپلز پارٹی کے رہنما فیصل کریم کنڈی نے کہا کہ سپریم کورٹ نے پارلیمنٹ کی بالادستی کی توثیق کی ہے، ہم چاہتے ہیں کہ سارے ادارے اسی طرح اپنے اپنے کام کریں تو ملک ترقی کی طرف جاسکتا ہے، انہوں نے کہا کہ سپریم کورٹ میں ون مین شو ختم ہوگیا ہے، اب فرمائشی پروگرام نہیں چل سکے گا۔ اب ایک مشترکہ سوچ بیٹھ کر فیصلہ کرے گی۔ جبکہ ایک سوال کے جواب میں فیصل کریم کنڈی کا کہنا تھا کہ نواز شریف کو ریلیف نہ ملا تو شاید وہ واپس نہیں آئیں گے اور یہ عدلیہ کیلئے بہت بڑا امتحان ہوگا۔ اگر عدالت کہتی ہے کہ پہلے وہ گرفتار ہوں، پھر ضمانت لیں اور پھر جلسہ ہوگا تو پھر 21 کو جلسہ تو نہیں ہوگا۔

عام انتخابات سے پہلے صوبوں میں افسران کی تبدیلی کے معاملے پر الیکشن کمیشن آف پاکستان نے چیف سیکرٹری بلوچستان کو صوبے بھر میں تعینات افسران کے تبادلوں کے احکامات جاری کردیے ہیں جبکہ سیکرٹری الیکشن کمیشن عمر حمید خان نے چیف سکریٹری بلوچستان کو مراسلہ بھی ارسال کردیا ہے، جس میں لکھا ہے کہ آئین کے آرٹیکل 218 کے تحت انتخابات کا انعقاد الیکشن کمیشن کی آئینی ذمہ داری ہے، صاف شفاف اور غیر جانبدار انتخابات کا انعقاد بھی الیکشن کمیشن کی ذمّہ داری ہے۔

علاوہ جاری مراسلہ کے مطابق چیف سیکرٹری سے ملاقات کے دوران صوبے میں افسران کے تبادلے کا معاملہ زیر بحث آیا تھا اور نگران حکومت کے اقتدار سنبھالنے کے بعد جن صوبائی سیکرٹریز سمیت اہم افسران کے تبادلے نہیں ہوئے تھے، انہیں فوری طور پر تبدیل کیا جائے، ان احکاماتِ پر قانون کے مطابق عملدرآمد یقینی بنایا جائے اور پھر محکمہ کو رپورٹ کیا جائے۔
مزید یہ بھی پڑھیں؛
روپےکے مقابلے میں ڈالر کی قدر میں کمی
چیئرپرسن بینظیر انکم سپورٹ پروگرام کا اسلام آباد میں بینظیر ون ونڈو سینٹر کا دورہ
ورلڈ کپ 2023: بھارت نے افغانستا ن کو 8 وکٹوں سے شکست دے دی
جبکہ مراسلے میں واضح کیا گیا ہے ان احکامات پرعملدرآمد کرکے 3 دن میں رپورٹ الیکشن کمیشن کو جمع کروائی جائے ۔

چیئرپرسن بینظیر انکم سپورٹ پروگرام (BISP) ڈاکٹر محمد امجد ثاقب نے آج اسلام آباد میں بینظیر ون ونڈو سینٹر کا دورہ کیا۔ اس دورے میں ان کے ہمراہ ڈائریکٹر جنرل قومی سماجی و معاشی رجسٹری (NSER) جناب نوید اکبر بھی تھے جبکہ بینظیر ون ونڈو سینٹر دورے کا مقصد وہاں آپریشنز کا معائنہ کرنا اور مستحق خواتین سے بات چیت کرنا تھا۔ ڈاکٹر امجد ثاقب کو عملے نے ون ونڈو سنٹر کے آپریشنز کے بارے میں ایک جامع بریفنگ دی۔

جبکہ بینظیر ون ونڈو سینٹر ایک منفرد اقدام ہے جس کے تحت بی آئی ایس پی، نادرا، پی پی اے ایف، پاکستان بیت المال، اخوت اور ایچ بی ایل سمیت متعدد اداروں کے نمائندگان ایک چھت کے نیچے بی آئی ایس پی مستحقین کو انکے مسائل کے حل کیلئے رہنمائی فراہم کرتے ہیں۔ ون ونڈو سینٹر میں، مستحقین بی آئی ایس پی میں رجسٹریشن، اہلیت کی تشخیص، بینظیر تعلیمی وظائف پروگرام میں اپنے بچوں کے اندراج، اور بینظیر نشوونما پروگرام کے فوائد حاصل کر سکتے ہیں۔ یہ مرکز روزانہ تقریباً 200 سے 500 خواتین کو خدمات فراہم کرتا ہے۔

ڈاکٹر امجد ثاقب نے بینظیر کفالت پروگرام کے تحت رجسٹریشن کے لیے وہاں موجود مستحقین سے بات چیت بھی کی۔ انہوں نے استفادہ کنندگان کو درپیش چیلنجوں اور مسائل کو سمجھنے میں گہری دلچسپی کا اظہار کیا اور دریافت کیا کہ BISP کی مالی معاونت نے ان کی زندگیوں اور ان کے خاندانوں پر کس طرح مثبت اثر ڈالا ہے، ڈاکٹر امجد ثاقب نے مرکز میں موجود سہولیات اور انتظامات جیسے صفائی ستھرائی، پینے کے پانی تک رسائی اور اپنی باری کے انتظار میں مستحقین کے لیے مناسب سایہ دار جگہوں کا بھی معائنہ کیا۔ انہوں نے مستحق خواتین کے ساتھ احترام اور شائستگی کے ساتھ پیش آنے کے ساتھ ساتھ ان کے مسائل و شکایات کے حل کو یقینی بنانے پر زور دیا۔ مزید برآں، انہوں نے عملے کو نصیحت کی کہ وہ صفائی ستھرائی، درخت لگانے اور پانی کے استعمال کے حوالے سے مستحق خواتین میں شعور اجاگر کریں۔
مزید یہ بھی پڑھیں؛
روپےکے مقابلے میں ڈالر کی قدر میں کمی
شعیب ملک اور رمیز راجہ کا شاہین شاہ کے حوالے سے تشویش کا اظہار

علاوہ ازیں مانیٹرنگ کی اہمیت پر روشنی ڈالتے ہوئے ڈاکٹر امجد ثاقب نے مستحقین تک خدمات کی فراہمی میں مسلسل بہتری کی ضرورت پر زور دیا۔ انہوں نے مرکز میں اضافی بینک ایجنٹس کی موجودگی کو یقینی بنانے پر بھی زور دیا تاکہ مستحقین کو رقوم کی بغیر کسی رکاوٹ کے تقسیم کی سہولت فراہم کی جاسکے۔ انہوں نے بینظیر ون ونڈو سینٹر جیسے مراکز کو ملک بھر کے دیگر صوبوں تک پھیلانے کے لیے اپنے عزم کا اظہار کیا۔