Baaghi TV

Author: +9251

  • ملک میں داخلی انتشار کو ختم ہونا چاہئے. جاوید لطیف

    ملک میں داخلی انتشار کو ختم ہونا چاہئے. جاوید لطیف

    ملک میں داخلی انتشار ہے اگر اس کے باوجود کوئی ضد کر رہا ہے کہ الیکشن ہونا چاہیے تو الیکشن ہوجانا چاہیے۔

    قومی اسمبلی کا اجلاس اسپیکر راجہ پرویز اشرف کی سربراہی میں ہوا۔ وفاقی وزیر جاوید لطیف نے کہا کہ ملک میں داخلی انتشار ہے اگر اس کے باوجود کوئی ضد کر رہا ہے کہ الیکشن ہونا چاہیے تو الیکشن ہوجانا چاہیے۔وفاقی وزیر جاوید لطیف نے کہا ہے کہ سابق وزیراعظم نواز شریف کو باہر رکھ کر الیکشن کروائے گئے تو ایک خونی لیکر کھینچ لی جائے گی جو کوئی مٹا نہیں سکے گا۔

    وفاقی وزیر کا کہنا تھا کہ جسٹس سجاد علی شاہ کے حوالے سے کہا جاتا ہے کہ مسلم لیگ نے سپریم کورٹ پر حملہ کیا لیکن اگر دو گملوں کا ٹوٹنا حملہ ہے تو سپریم کورٹ ،ہائی کورٹ اور دیگر عدالتوں پر زمان پارک کے غنڈوں نے حملہ کیا ہے اس پر مقدمہ کیوں نہیں بنتا ہے۔ جاوید لطیف کا مزید کہنا تھا کہ ذولفقار علی بھٹو کو پھانسی دینے والوں کو جج نہیں قاتل کہتے ہیں، نواز شریف کو تاحیات نااہل کرنے والے کو آج کوئی جج نہیں کہتا ہے
    مزید یہ بھی پڑھیں؛
    انٹربینک میں ڈالر سستا ہوگیا
    ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
    سعیدہ امتیاز کے دوست اورقانونی مشیرنے اداکارہ کی موت کی تردید کردی
    جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا
    یورپی خلائی یونین کا نیا مشن مشتری اور اس کے تین بڑے چاندوں پر تحقیق کرے گا
    برطانوی وزیرداخلہ کا پاکستانیوں کو جنسی زیادتی کا مجرم کہنا حقیقت کے خلاف ہے،برٹش جج
    جماعت اسلامی سےمذاکرات،عمران خان کی ہدایات پر پی ٹی آئی کی تین رکنی کمیٹی قائم
    بھارتی مسلمان رکن اسمبلی کوبھائی سمیت پولیس حراست میں ٹی وی کیمروں کے سامنے گولیاں ماردی گئیں
    انہوں نے مزید کہا کہ وزیر قانون اعظم نذیر نے اعتراف کیا کہ سپریم کورٹ کے دو ججوں کو سپریم کورٹ لانے کے لیے دباؤ ڈالا گیا، سابقہ سربراہ نے کس وجہ سے نام دیئے عوام کو اس کا پتہ چلنا چاہیے، جسٹس سجاد علی شاہ نے بھی جونیئر ججوں کو لانے کے لیے دباؤ ڈالا تھا، وہ 58 ٹو بی کو ختم کرنا نہیں چاہتے تھے، جسٹس شوکت صدیقی کا کیا گناہ ہے، فائز عیسیٰ کے خلاف ریفرنس لایا گیا.

  • سلمان خان کی تعریف ، کارتک پھولے نہیں سما رہے

    سلمان خان کی تعریف ، کارتک پھولے نہیں سما رہے

    بالی وڈ کے دبنگ سلمان خان نے حال ہی میں کی ہیں نئے اداکار کارتک آریان کی تعریفیں. سلمان خان کی تعریف کے بعد کارتک آریان پھولے نہیں سما رہے. تفصیلات کے مطابق کارتک آریان نے اپنے حالیہ انٹرویو میں کہا ہے کہ سلمان خان نے مجھے کہا کہ جب ہر کوئی فلاپ فلمیں دے رہا تھا ، صرف تم وہ واحد اداکار تھے جو سپر ہٹ فلمیں دے رہا تھا، جب سلمان خان نے ایسا کہا تو میری خوشی کی انتہا نہ رہی ، کیونکہ سلمان خان جیسے بڑے اداکار کا اپنے سے جونئیر کی تعریف بہت زیادہ معنی رکھتی ہے. کورونا کے بعد جب دوبارہ سے سینما گھر کھلے تو بالی وڈ

    کو بہت زیادہ مایوسی کا سامنا کرنا پڑا ، کیونکہ دو تین سال تک جتنی بھی فلمیں ریلیز ہوئیں وہ سب فلاپ ہوگئیں ، عامر خان ، سلمان خان جیسے اداکاروں کی بھی چھٹی ہو گئی ان کی فلموں نے بھی سینما گھروں میں زیرو بزنس کیا. لیکن اکرتک آریان واحد آرٹست‌ رہے جن کی فلموں نے کمال بزنس کیا ، بھول بھلیاں ٹو اسکی بڑی مثال ہے. کارتک آریان کا شمار بالی وڈ کے آج نمبر ون اداکاروں میں ہوتا ہے.

  • فلم کے ٹریلر لانچ پر گئے اور شہناز کی تعریف کرنے بیٹھ گئے راکھی ساونت

    فلم کے ٹریلر لانچ پر گئے اور شہناز کی تعریف کرنے بیٹھ گئے راکھی ساونت

    راکھی ساونت نے حال ہی میں کہا ہے کہ سلمان خان اپنی فلم کو پرموٹ نہیں‌کررہے وہ فلم کے ٹریلر لانچ پر گئے تو شہناز کی تعریفیں کرنے بیٹھ گئے ، اور دوسروں کی تعریفیں کرنے بیٹھ گئے ، حالانکہ خود کی تعریف بھی کرنی چاہیے. اس سے ان کی فلم کو فائدہ ہو گا. مجھے لگ رہا ہے کہ بھائی اپنی فلم کو سپورٹ نہیں کررہے ، میں ان کی فلم کو سپورٹ کروں گی . انہوں نے کہا کہ بھائی دل کے بہت اچھے ہیں ہر کسی کی تعریف کرتےہیں، اور شہناز اس قابل ہے کہ اسکی تعریف کی جائے ، اس نے بہت محنت کرکے اپنا نام اور مقام بنایا ہے. جس طرح سے سلمان خان

    نے سپورٹ کیا ہے شہناز کو اور اس کے سر پر ہاتھ رکھا ہے یہ بہت اچھی بات ہے . سلمان خان نے بہت ساروں کے کیرئیر کو بنایا ہے. ایسے لوگ دنیا میں‌کم پائے جاتے ہیں ، جو اپنا نہیں دوسروں کا ہر دم خیال رکھتے ہیں، انہوں نے یہ بھی کہا کہ میری ماں جب سے گئی ہے میں بہت اداس ہوں اور میرا دل روتا ہے. آج بھی فلائٹ میں تھی دبئی سے ممبئی آرہی تھی تو ماں کی یاد راستے میں بہت ستائی اور میں رونا شروع ہو گئی. آخر ماں نے پالا پوسا ہوتا ہے ، تو کیسے وہ دل سے نکل سکتی ہے بہت کوشش کرتی ہوں لیکن ماں کی یادیں دل سے نہیں جاتی .

  • نیب نے چوہدری مونس الہیٰ کے خلاف تحقیقات کا دائرہ وسیع کردیا

    نیب نے چوہدری مونس الہیٰ کے خلاف تحقیقات کا دائرہ وسیع کردیا

    اسپین میں جائیداد، مونس الہیٰ کے خلاف تحقیقات کا دائرہ وسیع

    اسپین میں جائیدادیں بنانے کے معاملے پر قومی احتساب بیورو (نیب) لاہور نے چوہدری مونس الہیٰ کے خلاف تحقیقات کا دائرہ وسیع کردیا۔ اسپین حکام کی جانب سے تفصیلات فراہم کرنے کے بعد نیب لاہور نے چوہدری مونس الہیٰ کے خلاف تحقیقات کا دائرہ وسیع کر دیا۔ مونس الہیٰ نے اسپین میں 40 کروڑ کی جائیدادیں، اثاثہ جات اور بارسلونا میں ٹیکسی سروس شروع کی۔

    ذرائع کے مطابق نیب لاہور کے خط پر اسپین حکام نے پرویز الہٰی خاندان کی جائیدادوں کی تفصیلات فراہم کر دیں۔ ذرائع کے مطابق مونس الہٰی نے کچھ عرصے کے دوران اسپین میں 40 کروڑ کی جائیدادیں اور اثاثہ جات خریدے۔ ذرائع نے دعویٰ کیا کہ ان جائیدادوں میں تین پارکنگ پلازہ، ایک اسٹوریج ہال، بارسلونا میں ہوٹل، ایک ملٹی اسٹوری پلازہ، کیناری جزیروں پر مختلف جائیدادیں، پھلوں کے باغ اور ایک ٹیکسی سروس شامل ہے۔

    ذرائع کے مطابق خط میں بتایا گیا کہ مونس الہٰی کے پاس اسپین کا رہائشی پرمٹ ہے، تمام سرمایہ کاری پرمٹ کی بنیاد پر کی جاتی ہے۔ بارسلونا میں 23 سی ڈی جوزف پلازہ اور کمرشل سنٹر میں اپارٹمنٹس مونس الہٰی کے زیر استعمال ہیں۔
    مزید یہ بھی پڑھیں؛
    انٹربینک میں ڈالر سستا ہوگیا
    ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
    سعیدہ امتیاز کے دوست اورقانونی مشیرنے اداکارہ کی موت کی تردید کردی
    جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا
    یورپی خلائی یونین کا نیا مشن مشتری اور اس کے تین بڑے چاندوں پر تحقیق کرے گا
    برطانوی وزیرداخلہ کا پاکستانیوں کو جنسی زیادتی کا مجرم کہنا حقیقت کے خلاف ہے،برٹش جج
    جماعت اسلامی سےمذاکرات،عمران خان کی ہدایات پر پی ٹی آئی کی تین رکنی کمیٹی قائم
    بھارتی مسلمان رکن اسمبلی کوبھائی سمیت پولیس حراست میں ٹی وی کیمروں کے سامنے گولیاں ماردی گئیں
    ذرائع کا مزید کہنا ہے کہ دسمبر 2022 سے مونس الہٰی انہی دو اپارٹمنٹس میں رہائش پذیر ہیں۔ انھوں نے بینک لیز پر 250 ٹیکسی گاڑیاں لے کر ٹیکسی سروس بھی شروع کی جبکہ ثاقب طاہر اور چوہدی امتیاز نامی دو افراد اسپین میں چوہدری فیملی کی جائیدادوں کے کیئر ٹیکر ہیں۔

  • نیوزی لینڈ ٹیم کی اسلام آباد آمد. ہائی الرٹ جاری

    نیوزی لینڈ ٹیم کی اسلام آباد آمد. ہائی الرٹ جاری

    نیوزی لینڈ ٹیم کی دارالحکومت آمد پراسپتالوں میں ہائی الرٹ رکھنے کا فیصلہ کیا گیا ہے۔ ضلعی انتظامیہ نے پمز اسپتال اور پولی کلینک کو ہدایات جاری کر دیں جب کہ پمز اور پولی کلینک مہمان ٹیم کے لئے دو دو ایمبولینس بھی فراہم کریں گے۔

    مراسلے میں کہا گیا کہ پولی کلینک کی دو ایمبولینس، دو ڈاکٹرز کی ٹیم قافلے کے ساتھ چلیں گی اور پمز کی دو ایمبولینس گاڑیاں دو ڈاکٹروں کے ساتھ سرینا ہوٹل میں تیار کھڑی رہیں گی۔ انتظامیہ نے ہدایت کی کہ پمز اور پولی کلینک میں دس دس کمرے، دو وی آئی پی رومز اور ڈاکٹروں کی تین تین ٹیمیں بھی تیار رکھی جائیں۔

    واضح رہے کہ پاکستان اور نیوزی لینڈ کے درمیان پانچ میچز پر مشتمل ٹی ٹوئنٹی سیریز جاری ہے میں قومی ٹیم کو 1-2 سے برتری حاصل ہے۔ سیریز کے ابتدائی تین میچز لاہور کے قذافی اسٹیڈیم میں کھیلے جا چکے ہیں اور بقیہ دو میچز 20 اپریل اور 24 اپریل کو پنڈی کرکٹ اسٹیڈیم میں ہوں گے۔ اس کے علاوہ دونوں ٹیموں کے درمیان 27 اپریل سے پانچ میچز کی ون ڈےانٹرنیشل سیریز بھی ہوگی جس کے ابتدائی دو میچز بھی راولپنڈی میں کھیلے جائیں گے۔

  • سوشل میڈیا پر بچوں کے ساتھ لی گئی تصاویر شیر کیں تو لوگوں نے کہا شرم کرو رمضان ہے

    سوشل میڈیا پر بچوں کے ساتھ لی گئی تصاویر شیر کیں تو لوگوں نے کہا شرم کرو رمضان ہے

    سینئر اداکارہ بشری انصاری نے اپنے حالیہ انٹرویو میں کہا ہے کہ لوگوں کا خیال ہوتا ہے کہ چونکہ ہم شوبز میں ہوتےہیں اسلئے ہم روزے نہیں رکھتے ہوں گے نماز نہیں‌پڑھتے ہوں گے، ایسا بالکل نہیں ہے آرٹسٹ لوگ بہت اچھے سے رمضان کو سلیبریٹ کرتے ہیں. ہمارے سیٹ پر بہت سارے لوگ روزہ رکھتےہیں ، سحری افطاری ہم سب مل کر کرتے ہیں . انہوں نے کہا کہ حال ہی میں ، میں اپنے بچوں کے ساتھ ایک مال میں گئی وہاں‌کچھ تصاویر لیں ، سوشل میڈیا پر لگا دیں ،لوگوں نے ان تصاویر پر تبصرے کچھ یوں کئے، شرم کرو رمضان ہے تمہیں شرم نہیں آتی

    ایسی تصاویر شئیر کرتے ہوئے. بشری نے کہا کہ نہایت ہی غلط بات ہے لوگوں کو جج کرنا ، صرف انکے لباس اور تصاویر کی وجہ سے . بھئی ہم اگر ناچتے گاتے ہیں ایکٹنگ کرتے ہیں تو اس کا مطلب یہ نہیں ہے کہ ہم روزے نہیں رکھتے یا ہم مسلمان نہیں ہیں. سچ تو یہ ہے کہ ہم شوبز کے لوگ گرمجوشی سے رمضان کا استقبال کرتے ہیں.اور سارا مہینہ اسکو مناتے ہیں ، روزے رکھتے ہیں نماز پڑھتے ہیں. بھئی ہم مسلمان ہیں اورہم اسلام کو فالو کرتے ہیں.

  • ارچنا گوتھم کے بھائی کی بابا صدیقی کی افطار پارٹی میں بےعزتی

    ارچنا گوتھم کے بھائی کی بابا صدیقی کی افطار پارٹی میں بےعزتی

    بگ باس 16 سے شہرت کی بلندیوں کو چھونے والی ارچنا گوتھم اور ان کے بھائی کی ایک وڈیو سوشل میڈیا پر وائرل ہو رہی ہے اس میں دیکھا جا سکتا ہے کہ ارچنا بابا صدیقی کی افطار پارٹی میں شریک ہونے کے لئے آئی ہیں اور ان کے ساتھ انکا بھائی ہے ، جیسے ہی وہ وینیو میں داخل ہونے لگتی ہیں تو سیکیورٹی ان کو روک لیتی ہے ، اور پوچھتی ہے کہ آپ کے ساتھ کون ہے جو اندر جا رہا ہے ، تو انہوں نے کہا کہ یہ میرا بھائی ہے اور میرے ساتھ ہے، سیکیورٹی کہتی ہے کہ بےشک آپ کا بھائی ہے لیکن ان کا دعوت نامہ ان کے پاس نہیں ہے لہذا یہ افطار پارٹی

    میں نہیں جا سکتا. ارچنا ریکویسٹ بھی کرتی ہیں لیکن ان کے بھائی کو اندر جانے کی اجازت نہیں ملتی، اور مجبورا ارچنا اپنے بھائی کو واپس بھیج دیتی ہیں. اس افطار پارٹی میں سلمان خان ، شہناز گل ، پریتی زنٹا سمیت کئی دیگر ستاروں نے شرکت کی . ارچنا کی اس وڈیو کو بنایا جا رہا ہے تنقید کا نشانہ اور کہا جا رہا ہے کہ جب دعوت نامہ ہی ایک کو ملا تو دوسرا کیسے افطار پارٹی میں شریک ہو سکتا تھا، ارچنا کو اپنے بھائی کو ساتھ نہیں لانا چاہیے تھا.

  • پارلیمنٹ کے اختیار پر قدغن کی کوشش کی تو مزاحمت کریں گے. حکمراں اتحاد

    پارلیمنٹ کے اختیار پر قدغن کی کوشش کی تو مزاحمت کریں گے. حکمراں اتحاد

    حکمراں اتحاد پاکستان ڈیموکریٹک موومنٹ ( پی ڈی ایم ) نے پارلیمنٹ کی خود مختاری برقرار رکھنے اور پارلیمنٹ کے اختیار پر قدغن کی کوشش کرنے پر مزاحمت کا فیصلہ کیا ہے۔ جبکہ وزیراعظم ہاؤس میں ہونے والے حکومتی اتحادیوں کے اجلاس کی اندرونی کہانی سامنے آگئی، اجلاس میں چیئرمین پیپلزپارٹی اور وزیر خارجہ بلاول بھٹو زرداری نے اپوزیشن سے مذاکرات پر اصرار کیا۔ جبکہ ایم کیوایم، بی این پی، خالد مگسی، چوہدری سالک، محسن داوڑ و دیگر نے مذاکرات کے حوالے سے بلاول بھٹو کے مؤقف کی تائید کی۔

    بلاول بھٹو زرداری کا کہنا تھا کہ بات چیت کے دروازے بند کرلینا ہمارے اصولوں کے خلاف ہے، بلکہ یہ غیرجمہوری اور غیرسیاسی بھی ہے، ڈائیلاگ کا راستہ اختیار کرکے ملک کو بحران سے نکالا جائے۔ ذرائع کے مطابق اپوزیشن سے مذاکرات کے معاملے پر جے یو آئی نے بلاول بھٹو کے مؤقف کی مخالفت کردی، جے یو آئی نے مؤقف اپنایا کہ عمران خان کوئی سیاسی قوت نہیں، اس لئے ہم پی ٹی آئی سے ڈائیلاگ کی مخالفت کرتے ہیں۔

    جے یو آئی نے اپوزیشن سے مذاکرات سے انکار کی وجہ بتاتے ہوئے کہا کہ ڈائیلاگ کے عمل کے مخالف نہیں تاہم عمران خان جھوٹ بولتے ہیں۔ اتحادی اجلاس میں موجود شاہ زین بگٹی نے کہا کہ چیئرمین تحریک انصاف عمران خان بھروسے کے لائق نہیں۔ اتحادی جماعتوں کے اجلاس سے خطاب میں وزیراعظم نے کہا کہ پارلیمنٹ اور عدالت کے معاملات پچھلے ایک ہفتے سے چل رہے ہیں جس پر دنیا حیران و پریشان ہے، یہ آج تک کبھی ہوا کہ ایک قانون جس نے ابھی حتمی شکل اختیار نہیں کی قانون اپنی اصل صورت میں نہیں آیا اور اس کو عدالت عظمیٰ کا ایک تین ممبر کا بینچ کہہ دے کر ہم اس پر حکم امتناع دے رہے ہیں۔ صدر کو کہہ رہے ہیں کہ دستخط کریں یا نہ کریں یہ نافذ العمل نہیں ہوگا۔ دنیا میں کبھی اس طرح کی بات نہیں ہوئی۔

    شہباز شریف کا کہنا تھا کہ آج بار کونسلز ہماری محبت میں نہیں بلکہ قانون کی عملداری اور نظام عدل کو بچانے کےلئے انصاف کے خلاف فیصلے کے کھڑی ہوگئیں۔ انھوں نے کہا کہ اتحادی حکومت کا ایک سال بحرانوں کا اور چیلنجز کا مقابلہ کرتے گزرا، ہم اکھٹے اور یکسوئی کے ساتھ آگے بڑھ رہے ہیں۔ سیاسی مخالفین پی ڈی ایم اتحاد کے بارے میں ہر جگہ اور گلی کوچے میں کہتے تھے چند دن کی بات پھر اندھیری رات ہے۔

    وزیراعظم نے کہا کہ اتحادی حکومت میں اختلاف رائے بھی ہوتا ہے، مختلف معاملات پر مل کر مشاورت کرتے ہیں، ایک دوسرے کی بات سنتے ہیں، کبھی دوسرے کی مات مان لی جاتی ہے اور کبھی اپنی بات منوئی جاتی ہے، یہی جمہوریت کا حسن ہے مل کر فیصلہ کرتے ہیں کسی پر فیصلہ مسلط نہیں کرتے۔ انھوں نے کہا کہ آئی ایم ایف کا معاملہ آخری مرحلے پر ہے، آخری شرط بھی پوری کردی، ہمیں چیلنجز اور مشکلات کا سامنا ہے، ہم ملک کی کشتی کو کنارے پر لگائیں گے، آنے والے وقت میں مشکلات میں کمی آ جائے گی۔

  • شادی کرنے والوں کو زارا نور کا مشورہ

    شادی کرنے والوں کو زارا نور کا مشورہ

    معروف اداکارہ زارا نور عباس نے اپنے حالیہ انٹرویو میں کہا ہے کہ شادی ایک خوبصورت رشتہ ہے اور اس رشتے میں وہ بندھے جو ذمہ داریاں نبھانا چاہتا ہے ، بچے چاہتا ہے ، زندگی کو خوبصورت بنانا چاہتا ہے ، زارا نے یہ بھی کہا کہ ذمہ داریاں نبھانا شادی میں بہت اہم ہوتا ہے ، شادی کرکے بھی ذمہ داریوں سے بھاگنا اپنے جیون ساتھی کو وقت نہ دینا مناسب بات نہیں ہے. ایک دوسرے کے ساتھ وقت گزارنا ، گھر کی چیزیں لانا گروسری کرنا ، ایک دوسرے کے ساتھ خوشی غمی بانٹنا ہی شادی کا اصل مقصد ہے. زارا نور عباس نے کہا

    کہ میرا اور میرے شوہر اسد کا آپس میں بہت اچھا تعلق ہے ، ہم ایک دوسرے کو سمجھتے ہیں ، اور ایک دوسرے کو سمجھنا ہی شادی کے رشتے کی سب سے بڑی خوبصورتی ہے. یاد رہے کہ زارا نور عباس کی اسد صدیقی کے ساتھ دوسری شادی ہے جبکہ اسد صدیقی کی بھی زارا نور عباس کے ساتھ دوسری شادی ہے . تاہم دونوں ایک دوسرے کے ساتھ کافی خوش ہیں. زارا نہ صرف اچھی اداکارہ ہیں بلکہ بہترین رقاصہ بھی ہیں.

  • شہریار منور ڈرامائی وڈیو کے بعد آپ کے پراجیکٹ کو کھڑکی توڑ ریسپانس نہیں ملنے والا مشی خان

    شہریار منور ڈرامائی وڈیو کے بعد آپ کے پراجیکٹ کو کھڑکی توڑ ریسپانس نہیں ملنے والا مشی خان

    اداکاری کو خیرباد کہہ دینے والی مشی خان نے شہریار منور کی اس وڈیو پر کمنٹ کیا ہے جس میں وہ ڈائریکٹر سہیل جاوید کے ساتھ نہ صرف بدتمیزی کررہے ہیں بلکہ سکرپٹ بھی اٹھا کر پھینک رہے ہیں. مشی خان نے کہا ہے کہ آپ نے ڈرامہ کرنا ہے کسی اور چیز کو لیکر کر لیں یہ تماشے تو نہ کریں، آپ لوگ پڑھے لکھے ہیں ، رول ماڈل ہیں یہ چیزیں آپ کو سوٹ نہیں کرتیں. جعلی وڈیو بنا کر وائرل کرنے کے بعد آپ کو کیا لگتا ہے کہ آپ دونو‌ں جو پراجیکٹ کررہے ہیں وہ کھڑکی توڑ رش لے گا. خدا کے لئے ایسا مت کریں جو آپ نے اس وڈیو میں کیا ہے. مشی نے کہا کہ شہریار منور نے اب وڈیو پیغام میں کہا ہے کہ یہ وڈیو ہم نے لوگوں کا ریسپانس دیکھنے کےلئے بنائی تھی

    ، لوگ منفی وڈیوز کو پرموٹ کرتےہیں تو ایسا بالکل نہیں انسٹاگرام فیڈ میں اگر بار بار چیزیں آئیں گی تو لوگ دیکھیں اور کمنٹ کریں گے ، لوگوں کو قصور وار ٹھہرانے کی بجائے آپ لوگ ڈیسنٹ حرکتیں کریں. مشی خان نے کہا کہ وڈیو دیکھتے ہی مجھے پتہ چل گیا تھا کہ یہ ڈرامہ وڈیو ہے کیونکہ تربور اور کھانے پینے کی چیزوں کو اس میں زیادہ فوکس کیا جا رہا تھا.