Baaghi TV

Author: +9251

  • عمران خان نے آئی ایم ایف کے ساتھ ظالمانہ ڈیل کر کے ملک کو مشکل میں دھکیلا۔ مریم نواز شریف

    عمران خان نے آئی ایم ایف کے ساتھ ظالمانہ ڈیل کر کے ملک کو مشکل میں دھکیلا۔ مریم نواز شریف

    مسلم لیگ (نواز) کی چیف اۤرگنائز اور سینئر نائب صدر مریم نواز نے چیئرمین تحریک انصاف عمران خان پر تنقید کرتے ہوئے کہا ہے کہ آپ کا بڑا حوصلہ ہے کہ اپنی دی ہوئی مہنگائی پر تنقید کر رہے ہیں۔ مسلم لیگ کی سینئر نائب صدر مریم نواز نے مہنگائی سے متعلق ٹوئٹ کرنے پر چیئرمین تحریک انصاف عمران خان کو جواب دیا۔

    عمران خان نے بذریعہ ٹویٹ حکومت پر تنقید کی تھی کہ اسٹیٹ بینک آف پاکستان (ایس بی پی) نے آئی ایم ایف کے مطالبے پر شرح سود میں 3 فیصد اضافہ کیا، جس کےبعد ملک میں شرح سود 20 فیصد پر پہنچ گئی جبکہ انٹر بینک میں ڈالر کی قدر بھی 18روپے 97 پیسے بڑھ کر ریکارڈ 285 روپے 8 پیسے ہوگئی۔


    ٹوئٹر پر عمران خان کو جواب دیتے ہوئے مریم نواز نے ردعمل میں لکھا کہ آپ کا بڑا حوصلہ ہے کہ اپنی دی ہوئی مہنگائی پر تنقید کر رہے ہیں، آپ ان پر تنقید کر رہے ہیں جو آپ کی ظالمانہ پالیسیوں کو درست کرنے میں مصروف ہیں۔ مریم نواز نے لکھا کہ آپ کی لوٹ مار، نااہلی اور ظالمانہ ڈیل نے ملک کو یہ دن دکھائے، آپ نے آئی ایم ایف کے ساتھ ظالمانہ ڈیل کر کے پھر خلاف ورزی کی، آپ نے ملک کو معاشی بدحالی میں دھکیلا، اب سکون سے بیٹھیں ہیں۔
    مزید یہ بھی پڑھیں
    مودی نے عالمی اداروں کو دنیا کے بڑے چیلنجز کے حل میں ناکام قرار دے دیا
    پاکستان میں غربت بھارت کےمقابلے میں بظاہر نہیں نظر آتی،جاوید اختر
    مریم نواز کی جانب سے عدالتِ عظمیٰ کے ججز پر تنقید،چیف جسٹس کو خط ارسال
    زمان پارک سے عمران خان کے جاتے ہی سیکورٹی بیریئر ہٹانے کا کام شروع
    عمران خان جن کے کندھے پر بیٹھ کر آنا چاہ رہا وہ کندھے اب نہیں رہے. مریم نواز شریف
    راجن پور: این اے 193 میں ضمنی الیکشن کیلئے پولنگ کا وقت ختم
    یہ وہی بینچ ہے جس نے عمران خان کےخلاف فیصلہ دیا،پھرشورشرابہ کیوں؟پرویز الہٰی
    ہم کون سی صدی میں رہتے ہیں جہاں طاقتوروں نے نجی جیل بنائے ہوئے؟ شیری رحمان
    بچوں کو سکول چھوڑنے والی سرکاری گاڑی بارکھان سیکنڈل کے مرکزی ملزم کے بیٹے کی ملکیت
    شیخ رشید بتائیں،سسرال میں کوئی روتا ہے؟ حنیف عباسی
    عمران خان پر طنز کرتے ہوئے مریم کا کہنا تھا کہ ان تمام لوگوں کا شکریہ ادا کرنا نہ بھولیں جنہوں نے آپ کو چار سال تک چنا اور کھلایا، ساتھ ہی عدلیہ میں ان کے اثر و رسوخ کی باقیات کا بھی جن پر آپ اب انحصار کر رہے ہیں، اب ہم ایسا نہیں ہونے دیں گے۔

  • نادرا نے نئی سروس "اجازت آپ کی” متعارف کرا دی

    نادرا نے نئی سروس "اجازت آپ کی” متعارف کرا دی

    نادرا نے نئی سروس "اجازت آپ کی” متعارف کرا دی

    نیشنل ڈیٹا بیس اینڈ رجسٹریشن اتھارٹی شناختی کارڈ ہولڈرز کیلئے نئی سروس "اجازت آپ کی” متعارف کرا دی ہے۔ نادرا کے مطابق اس نئی سروس کے ذریعے ذاتی معلومات دینے یا نہ دینے کا مکمل اختیار اب شہریوں کے اپنے ہاتھ میں ہو گا جبکہ شناختی کارڈ کی تصدیق متعلقہ شہری کی رضامندی کے بعد کی جائے گی۔


    چیئرمین نادرا محمد طارق ملک نے اپنی ٹوئیٹ میں کہا کہ "خدمات فراہم کرنے والے ادارے بشمول بینک کسی بھی شہری کی ذاتی معلومات استعمال کرنے سے پہلے شہری سے پاس کوڈ کے ذریعے اجازت لیں گے۔ جبکہ اپنا زیر استعمال موبائل نمبر نادرا کے ساتھ رجسٹر کرائیں اور پاس کوڈ حاصل کریں۔ انہوں نے مزید لکھا کہ؛ رجسٹریشن کیلئے اپنا 13 ہندسوں کا شناختی کارڈ نمبر 8009 پر بھیجیں
    مزید یہ بھی پڑھیں
    مودی نے عالمی اداروں کو دنیا کے بڑے چیلنجز کے حل میں ناکام قرار دے دیا
    پاکستان میں غربت بھارت کےمقابلے میں بظاہر نہیں نظر آتی،جاوید اختر
    مریم نواز کی جانب سے عدالتِ عظمیٰ کے ججز پر تنقید،چیف جسٹس کو خط ارسال
    زمان پارک سے عمران خان کے جاتے ہی سیکورٹی بیریئر ہٹانے کا کام شروع
    عمران خان جن کے کندھے پر بیٹھ کر آنا چاہ رہا وہ کندھے اب نہیں رہے. مریم نواز شریف
    راجن پور: این اے 193 میں ضمنی الیکشن کیلئے پولنگ کا وقت ختم
    یہ وہی بینچ ہے جس نے عمران خان کےخلاف فیصلہ دیا،پھرشورشرابہ کیوں؟پرویز الہٰی
    ہم کون سی صدی میں رہتے ہیں جہاں طاقتوروں نے نجی جیل بنائے ہوئے؟ شیری رحمان
    بچوں کو سکول چھوڑنے والی سرکاری گاڑی بارکھان سیکنڈل کے مرکزی ملزم کے بیٹے کی ملکیت
    شیخ رشید بتائیں،سسرال میں کوئی روتا ہے؟ حنیف عباسی
    چیئرمین نادرا کا کہنا تھا کہ؛ ” نادرا کا شہریوں کی ذاتی معلومات کے یقینی تحفظ کی جانب انقلابی قدم ہم نے ‘اجازت آپ کی’ سروس متعارف کرا دی ہے لہذا شہریوں کی ذاتی معلومات دینے یا نہ دینے کا مکمل اختیار اب شہریوں کے اپنے ہاتھ میں ہے. ان کا مزید کہنا تھا کہ؛ "شناختی کارڈ کی تصدیق اب متعلقہ شہری کی رضامندی کے بعد کی جائے گی۔”

  • ڈالر کے بعد سونے کی قیمت میں 9 ہزار روپے کا اضافہ

    ڈالر کے بعد سونے کی قیمت میں 9 ہزار روپے کا اضافہ

    ڈالر کے بعد سونے کی قیمت میں 9 ہزار روپے کا اضافہ

    بین الاقوامی مارکیٹ میں سونے میں ایک ڈالر کی کمی جب کہ پاکستان میں سونے کی فی تولہ قیمت میں 9 ہزار 400 روپے کا ہوشربا اضافہ ہوگیا۔ خبر رساں ادارے کے مطابق بین الاقوامی مارکیٹ میں سونے کی فی اونس قیمت میں ایک ڈالر کی کمی ہوئی، اور عالمی مارکیٹ میں فی اونس سونے کی قیمت 1836 ڈالر کی سطح پر آگئی۔

    دوسری جانب پاکستان میں جمعرات کے روز سونے کی فی تولہ اور دس گرام قیمت میں بالترتیب 9 ہزار 400 روپے اور 8 ہزار 58 روپے کا غیر معمولی اضافہ ہوگیا۔
    مزید یہ بھی پڑھیں؛
    مودی نے عالمی اداروں کو دنیا کے بڑے چیلنجز کے حل میں ناکام قرار دے دیا
    پاکستان میں غربت بھارت کےمقابلے میں بظاہر نہیں نظر آتی،جاوید اختر

    مریم نواز کی جانب سے عدالتِ عظمیٰ کے ججز پر تنقید،چیف جسٹس کو خط ارسال
    زمان پارک سے عمران خان کے جاتے ہی سیکورٹی بیریئر ہٹانے کا کام شروع
    عمران خان جن کے کندھے پر بیٹھ کر آنا چاہ رہا وہ کندھے اب نہیں رہے. مریم نواز شریف
    راجن پور: این اے 193 میں ضمنی الیکشن کیلئے پولنگ کا وقت ختم
    یہ وہی بینچ ہے جس نے عمران خان کےخلاف فیصلہ دیا،پھرشورشرابہ کیوں؟پرویز الہٰی
    ہم کون سی صدی میں رہتے ہیں جہاں طاقتوروں نے نجی جیل بنائے ہوئے؟ شیری رحمان
    بچوں کو سکول چھوڑنے والی سرکاری گاڑی بارکھان سیکنڈل کے مرکزی ملزم کے بیٹے کی ملکیت
    شیخ رشید بتائیں،سسرال میں کوئی روتا ہے؟ حنیف عباسی
    قیمتوں میں اضافے کے نتیجے میں کراچی، حیدرآباد، ملتان، لاہور، راولپنڈی، اسلام آباد، کوئٹہ اور پشاور کی صرافہ مارکیٹوں میں سونے کی فی تولہ قیمت بڑھ کر 2 لاکھ 6 ہزار 500 روپے ہوگئی، جب کہ دس گرام سونے کی قیمت اضافے کے بعد ایک لاکھ 77 ہزار 40 روپے کی سطح پر پہنچ گئی۔

  • صدیوں پرانے اہرام مصر: سائنسدانوں کی توجہ کا مرکز

    صدیوں پرانے اہرام مصر: سائنسدانوں کی توجہ کا مرکز

    صدیوں پرانے اہرام مصر: سائنسدانوں کی توجہ کا مرکز

    صدیوں پرانے اہرام مصر عرصے سے لوگوں اور سائنسدانوں کی توجہ کا مرکز بنے ہوئے ہیں۔ نجی ٹی وی کے مطابق ہزاروں سال پرانے اہرام مصر کے بارے میں ابھی بھی بہت کچھ معلوم نہیں ہوسکا ہے اور اس کو جاننے کے لیے مسلسل تحقیقی کام ہوتا رہتا ہے۔ جبکہ گیزہ کا عظیم ہرم عرصے سے لوگوں کی آنکھوں کے سامنے ہے اور دہائیوں سے ماہرین اس کے اندر کھوج کرتے رہے ہیں۔

    اب مصر کے محکمہ آثار قدیمہ کی جانب سے گیزہ کے عظیم ہرم میں ایک حیرت انگیز دریافت کا اعلان کیا گیا ہے۔ حکام کے مطابق ہرم کے مرکزی داخلی راستے کے پیچھے چھپی 9 میٹر طویل راہداری کو دریافت کیا گیا ہے۔ مصری حکام نے بتایا کہ اس دریافت سے گیزہ کے عظیم ہرم کے بارے میں مزید جاننے کا راستہ کھل جائے گا۔

    یہ دریافت Scan Pyramids نامی سائنسی پراجیکٹ کے دوران ہوئی جس کے لیے 2015 سے جدید ٹیکنالوجی کو استعمال کرکے ہرم کے اندرونی حصوں کی جانچ پڑتال کی جا رہی ہے۔ جبکہ مصری حکام نے بتایا کہ یہ نامکمل راہداری ممکنہ طور پر مرکزی داخلی راستے پر ہرم کے اسٹرکچر کے وزن کا دباؤ کم کرنے کے لیے تعمیر ہوئی یا یہ کسی ایسے چیمبر کی جانب جاتی ہوگی جو اب تک دریافت نہیں ہوسکا۔

    خیال رہے کہ گیزہ کا عظیم ہرم زمانہ قدیم کے 7 عجائبات میں شامل واحد عجوبہ ہے جو اب بھی دنیا میں موجود ہے اور اسے نئے 7 عجائبات عالم کا حصہ بھی بنایا گیا ہے۔ اسے 2560 قبل میسح میں فرعون خوفو کے عہد میں تعمیر کیا گیا تھا۔

  • سی پرائم کی "نور”نے کانز میلہ لوٹ لیا

    سی پرائم کی "نور”نے کانز میلہ لوٹ لیا

    پاکستان کی فلم انڈسٹری نے2023 میں بھی عالمی سطح پر نمایاں مقام حاصل کرنے کا سلسلہ جاری رکھا ہے . عمر عادل کی ڈائریکشن میں میں بننے والی فلم نورکو کانز ورلڈ فلم فیسیٹول کے آن لائن ایڈیشن میں جنوری کی بہترین ہیلتھ فلم کا ایوارڈ دیا گیا ہے. یہ فلم او ٹی ٹی پلیت فارم پر موجود ہے. کمزور نظر والوں کو کم تر سمجھنے کے موضوع پر یہ کہانی فرح عثمان نے لکھی ہے اور اس میں ثروت گیلانی، عمر رانا، تنیشہ شمیم، مزنا وقاص اور تسنیم انصاری نے اہم کردار ادا کئے ہیں۔ 17منٹ کی اس مختصر فلم میں ایک بچے نے مرکزی کردار ادا کیاہے اور دل کو چھونے والے بیانیے کو دنیا کے سامنے پیش کیا گیا ہے جس میں ثقافتی توہمات اور رواجوں کے جال میں پھنسے کئی لوگ، خاص طور پر بچے، جو اپنی کمزوری اور معصومیت کی بناء پر خاموشی سے اس کا شکار ہوجاتے ہیں۔ سی

    پرائم کی ایگزیکٹیو پروڈیوسر سیمیں نوید کہتی ہیں کہ پاکستان میں 4 ملین سے زیادہ بچے اسکول نہیں جاتے،مجھے پختہ یقین ہے کہ ایسے مواد کو دکھانا اور پروڈیوس کرنا، جو ہمارے ناظرین کو ایک حقیقی پیغام دے سکیں، نہایت اہم ہے۔یہ ایسا موضوع ہے جس کے بارے میں کوئی بات نہیں کرتا ہرماہ کے جیتنے والوں کو سالانہ مقابلے میں شامل کیا جائے گا جس میں ان کو نہ صرف شاندار خصوصی میٹل کے مجسمہ جیت سکتے ہیں بلکہ ان کی فلم کودنیا کے سینما کے مرکز کانز کے اسکرین پر دکھائے جانے کا موقع ملے گا۔

  • 7 بلین ڈالر کے قرض؛ پاکستان ڈیفالٹ ہونے کے خطرے سے دوچار

    7 بلین ڈالر کے قرض؛ پاکستان ڈیفالٹ ہونے کے خطرے سے دوچار

    7 بلین ڈالر کے قرضے کی وجہ سے پاکستان ڈیفالٹ کے خطرے سے دوچار ہیں

    بلوم برگ کے مطابق بانڈ ہولڈرز پاکستان کی طرف سے ممکنہ ڈیفالٹ ہونے کے خطرے سے خوف زدہ ہیں کیونکہ بحران زدہ ملک کو کئی ارب ڈالر کے قرضوں کی ادائیگی کا سامنا ہے، جسے وہ بین الاقوامی مالیاتی فنڈ یا دو طرفہ قرض دہندگان کے رول اوور کے بغیر پورا کرنے کے لیے جدوجہد کرے رہا ہے.

    بلوم برگ نے مزید لکھا کہ ملک کے ڈالر بانڈز جمعرات کو نومبر کے بعد اپنی کم ترین سطح پر آگئے ہیں جبکہ فِچ ریٹنگز کے مطابق سرمایہ کاروں نے آنے والے مہینوں میں 7 بلین ڈالر کی واپسی کی اپنی صلاحیت کا وزن کیا، بشمول مارچ میں واجب الادا 2 بلین ڈالر، چینی قرضے بھی شامل ہیں.

    عالمی ادارے نے مزید کہا کہ موڈی کی انوسٹرز سروسز کی جانب سے اس ہفتے پاکستان کو مزید گھٹا کر ردی میں ڈال دیا گیا ہے کیونکہ ملک کو بدترین معاشی بحران کا سامنا ہے جیسے کہ پاکستان میں زرمبادلہ کے ذخائر گر رہے ہیں اور افراط زر ریکارڈ بلندیوں کو چھو رہا ہے۔ پاکستان میں حکام ڈیفالٹ کو روکنے کے لیے آئی ایم ایف سے بیل آؤٹ قرضے پر اعتماد کر رہے جو کہ ابھی تک مبہم ہے۔

    سنگاپور میں ولیم بلیئر انویسٹمنٹ کے فنڈ مینیجر جونی چین جنہوں نے حال ہی میں پاکستانی قرضوں میں کمی کے بارے کہا: "ہم پہلے سے ہی خطرات کا انتظام کر رہے ہیں کہ اگر ایسا ہوتا ہے تو ہم زیادہ متاثر نہیں ہوتے۔

    جبکہ بلوم برگ نے کہا کہ پاکستان کے اگلے سال اپریل میں واجب الادا 8.25 فیصد بانڈ مسلسل تیسرے دن ڈالر پر 0.8 سینٹ کم ہوکر 51.1 سینٹ پر بتائے گئے۔ موڈیز نے بدھ کے روز ایک نوٹ میں کہا کہ جون کو ختم ہونے والے مالی سال کے لیے ملک کی بیرونی مالیاتی ضروریات کا تخمینہ تقریباً 11 بلین ڈالر ہے جس میں 7 بلین ڈالر کے بیرونی قرضوں کی ادائیگی بھی شامل ہے۔

    دریں اثناء وزیر خزانہ اسحاق ڈار نے کہا ہے کہ پاکستان کو فروری میں چائنہ ڈویلپمنٹ بینک سے 700 ملین ڈالر کا قرضہ ملا ہے۔ جبکہ وزیر اعظم لی کیچیانگ نے آئی ایم ایف کے سربراہ کو بتایا کہ چین "تعمیری طریقے سے” بہت زیادہ مقروض ممالک کی مدد کے لیے کثیر الجہتی کوششوں میں حصہ لینے کے لیے تیار ہے.

  • رنبیر کپور نے فواد خان کی تعریفوں کے پل باندھ دئیے

    رنبیر کپور نے فواد خان کی تعریفوں کے پل باندھ دئیے

    بالی وڈ اداکار رنبیر کپور نے حال ہی میں ایک بیان دیا ہے اس میں انہوں نے کہا ہے کہ میں پاکستان سے بہت سارے آرٹسٹوں کو جانتا ہوں جو بہت اچھا کام کرتے ہیں. میں فوادخان کو بھی جانتا ہوں ان کے ساتھ کام کیا ہے ، میرا ان کے ساتھ کام کرنے کا تجربہ بہت اچھا ہے ، فوادخان ایک بہت ہی اچھا پرفارمر ہے. پاکستان میں بہت سارے باصلاحیت فنکار ہیں جنہوں نے بھارت میں آکر کام کیا، جن میں‌راحت فتح علیخان اور عاطف اسلم کا نام قابل زکر ہے. ان دونوں کے گیتوں کی وجہ سے بھارتی سینما اور فلموں کوبہت زیادہ فائدہ پہنچا. رنبیر کپور نے کہا کہ میں نے

    چند دن پہلے جو بیان دیا تھا اسکو غلط طریقے سے پیش کیا گیا ہے. میں کسی قسم کی کنٹرورشل سٹیٹمینٹ نہیں‌دینا چاہتا . فن کی کوئی سرحد نہیں‌ہوتی اور سب فنکاروں کو مل کر کام کرنا چاہیے. پاکستان اور بھارت دونوں جگہ پر بہترین فنکار ہیں. یاد رہے کہ رنبیر کپور نے چند دن پہلے کہا تھاکہ میں‌پاکستانی فلموں میں کام کرنا چاہوں گا ، پاکستانی فنکار بہت اچھا کام کرتے ہیں اس کے بعد انہوں نے بیان دیا کہ فن کی سرحد نہیں ہوتی میں مانتا ہوں لیکن ملک سے بڑی کوئی سرحد نہیں‌ہوتی .

  • حریم شاہ کو طلاق نہیں‌دوں گا بلال

    حریم شاہ کو طلاق نہیں‌دوں گا بلال

    حریم شاہ کی چند پرائیویٹ وڈیوز جب سے وائرل ہوئی ہیں ہر طرف حریم شاہ کے حوالے سے گفتگو ہورہی ہے. ان وڈیوز پر صفائی دینے کےلئے حریم شاہ کے شوہر بلال بھی آ گئے ہیں میدان میں. انہوں نے ایک وڈیو پیغام جاری کرتے ہوئے کہا ہےکہ حریم شاہ کی جو وڈیوز وائرل ہوئی ہیں اس میں میں ان کے ساتھ ہوں اور ہماری پرائیویٹ وڈیوز کو لیک کرنا نہایت ہی شرمناک عمل ہے میں اس عمل کی سخت ترین الفاظوں میں مذمت کرتا ہوں. انہوں نے یہ بھی کہا کہ میں کہا کرتا تھا حریم سے کہ اپنی دوستوں ٔپر اتنا اعتبار نہ کرو، مجھے سب سے زیادہ دکھ یہ ہے کہ

    عورتوں نے ہی عورت کو بدنام کیا ہے. مجھے بہت زیادہ میسجز آرہے ہیں اور کہا جا رہا ہے کہ میں حریم کو طلاق دیدوں تو میں سب کو بتا دوں کہ میں حریم کو طلاق نہیں دوں گا چاہے کچھ بھی ہوجائے ، میں لعنت بھیجتا ہوں ایسے مردوں‌پر جو مشکل وقت میں عورتوں کا ساتھ چھوڑ دیتے ہیں ، میں اس مشکل وقت میں حریم شاہ کے ساتھ کھڑا ہوں اور کھڑا رہوں گا اور طلاق کا مشورہ دینے والوں پر بھی لعنت بھیجتا ہوں. یاد رہے کہ حریم شاہ کی نازیبا وڈیوز وائرل ہونے کے بعد وہ خود اور ان کے شوہر بلال سوشل میڈیا پر صفائیاں دے رہے ہیں.

  • میری فرینڈز نے میری وڈیوز لیک کی ہیں حریم شاہ

    میری فرینڈز نے میری وڈیوز لیک کی ہیں حریم شاہ

    حریم شاہ گزشتہ دو دن سے سوشل میڈیا پر ٹرینڈ کررہی ہیں، ان کی کچھ پرائیویٹ وڈیوز وائرل ہو رہی ہیں جس کے بعد وہ ایک بار پھر سوشل میڈیا پر ڈسکس ہو رہی ہیں. حریم شاہ کی وڈیوز منظر عام پر آنے کے بعد وہ بھی ہو گئی ہیں مجبور اس پر صفائی دینے کےلئے. حریم شاہ نے کہا ہے کہ میری پرائیویٹ وڈیوز میری سہیلوں نے وائرل کی ہیں میں اپنی سہیلیوں پر اعتبار کرتی تھی اور مجھے اسی چیز کی سزا ملی ہے. میں ان پر اتنا اعتبار کرتی تھی کہ اپنا موبائل ان کو پکڑا دیتی تھی ، اپنی کوئی بھی چیز ان سے چھپاتی نہیں تھیں، وہ میرےگھر پر آکر رہتی تھیں ، میرے

    ساتھ ان کا اٹھنا بیٹھنا تھا. میری اور میرے شوہر کی پرائیویٹ وڈیوز کا وائرل ہونا یقینا میرے لئے شرمندگی کا باعث ہیں. میں اپنی غلطی کو مانتی ہوں کہ میں نے اندھا دھند اپنی سہیلیوں‌پر اعتبار کیا. میں سب سے یہی کہوں گی کہ دوستی میں کسی پر بھی اتنا اعتبار نہ کریں کہ کل کو وہ آپکے ساتھ دشمنی کرے توآپکو بالکل ہی زیرو کر دے. میری وڈیوز کو وائرل کرنے کا مقصد ہی یہی تھا کہ مجھے لوگوں کی نظروں میں گندا کیا جائے. لیکن میرے لوگ مجھے جانتے ہیں لہذا وہ ایسی وڈیوز کو پر توجہ نہیں دیں گے.

  • انوپم کھیر کو ملا کشمیر فائلز پر ایوارڈ

    انوپم کھیر کو ملا کشمیر فائلز پر ایوارڈ

    انوپم کھیر جو کہ بالی وڈ کے بہترین اداکار مانے جاتے ہیں ان کی فلم دا کشمیر فائلز گزشتہ برس سپر ہٹ ہوئی اس نے بھارت میں کافی اچھا بزنس کیا. اس فلم کو دادا صاحب فلم فیسٹیول میں بہترین فلم قرار دیدیا گیا ہے اور ایوارڈ‌ سے بھی نوازا گیا ہے. اس فلم کےلئے انوپم کھیر سب سے زیادہ ورسٹائل اداکار کا ایوارڈ جیتنے میں بھی کامیاب ہو گئے ہیں. فلم کو وویک اگنی ہوتری نے ڈائریکٹ کیا ہے ، اگنی ہوتری نے اس فلم کو ایوارڈ‌ملنے کے بعد خوشی کا اظہار کیا اور کہا کہ میں یہ ایوارڈ ان تمام لوگوں کے نام کرتا ہوں جنہیں‌دہشت گردی نے متاثر کیا. اس موقع پر انوپم کھیر نے کہا کہ مجھے بہت خوشی ہے کہ میری فلم کو ایوارڈ ملا اور میرے کام کو بہت زیادہ سراہا گیا. انوپم کھیر

    نے کہا کہ میری کوشش ہوتی ہے کہ میں اپنے مداحوں کے لئے ایسا پراجیکٹ کروں جو روٹین سے ہٹ کرہو ، اور میری خوش قسمتی ہے کہ ہر بار میں اس میں کامیاب بھی ہوجاتا ہوں. انہوں نے کہا کہ میں سال ہا سال سے بالی وڈ کی خدمت کررہا ہوں اور میں مرتے دم تک کرتا رہوں گا. میرے مداح جب تک چاہیں گے تب تک میں کام کرتا رہوں گا.