سرگودھا(نمائندہ باغی ٹی وی)سرگودھا خیام چوک میں واقع موبائل فرنچائز کمپنی کے دفتر میں ڈاکو دن دیہاڑے 5 لاکھ کی نقدی اور قیمتی اشیاء لوٹ کر فرار ہو گئے تفصیلات کے مطابق 3 افراد 125 موٹر سائیکل پر آئے اور فرنچائز میں موجود عملہ کو اسلحہ کے زور پر یر غمال بنا لیا ان سے نقدی اور موبائل فون چھین لیے خیام چوک مصروف ترین شاہراہ ہے اور وزیر اعلی کے
متوقع دورہ کے پیش نظر شہر میں سیکیورٹی ہائی الرٹ ہے مگر اس کے باوجود ڈاکو واردات کر جاتے ہیں جو پولیس کی کارکردگی پر سوالیہ نشان ہے
Author: +9251
سخت سیکیورٹی کے باوجود شہر میں دن دیہاڑے بڑا ڈاکہ
ڈی پی او سرگودھا نے بڑا اعلان کر دیا
( نمائندہ باغی ٹی وی )ہماری عبادت یہی ہے کہ تمام شہری بے خوف اور پرسکون ہو کر ماہ رمضان میں عبادت کر سکیں ۔
سرگودھا پولیس ماہ مقدس میں شہریوں کو سیکورٹی فراہم کرنے میں کوئی کسر اٹھا نہیں رکھے گی ۔
موجودہ ملکی حالات اور سیکورٹی خدشات کو مد نظر رکھتے ہوئے ڈسٹرکٹ پولیس افسر سرگودھا حسن مشتاق سکھیرا نے تراویح اور مساجد و امام بارگاہوں دیگر مذہبی عبادت گاہوں کی سیکورٹی نہ صرف خود چیک کی بلکہ ڈیوٹی پر ما مور افسران اور جوانوں کو خود بریفنگ بھی دی ۔
سرگودھا پولیس اپنے تمام تر دستیاب وسائل کو بروئے کار لاتے ہوئے عوام کی سیکورٹی کو ہر حال میں یقینی بناے گی
سرگودھا کے کسانوں نے کنو کی ایکسپورٹ کے حوالے سے بڑا فیصلہ کر لیا
(نمائندہ باغی ٹی وی)کنوگروورز ایسوسی ایشن سرگودھا کا اجلاس زیر صدارت چوہدری محمد حامد سلیم وڑائچ منعقد ہوا اجلاس میں سرگودھا کنو کی ایکسپورٹ کو بہتر بنانے کیلئے ایوان بالا تک رسائی اور اپنی آواز پہچانے کا فیصلہ کیا گیا اجلاس میں کنو کے ریٹ پر تفصیل سے بحث ہوئی ڈالر کی بڑھتی ہوئی قیمتوں کی وجہ سےروپے کی قدر میں بہت کمہ ہوئی اور زرعی ان پٹس ڈیزل اور کھاد بجلی کی بڑھتی ہوئی قیمتوں ۔ نہری پانی کی بندش کی وجہ سےٹیوب ویل چلانے سے ڈیزل کے اخراجات۔ لیبر کی مزدری کے بڑھتے ہوئے اخراجات کو مدنظر رکھتے یوئے سال2019/20 کنو کی فصل کا ریٹ مقرر کیا جائے اجلاس میں حامد سلیم۔ منیر حسین شیرازی۔ عابد ممتاز۔ ملک خیر محمد ٹوانہ۔ میاں عبدالحمید۔ میاں محمد خالد افضل۔ ملک عبدالغفور۔ احمد خان رانجھا۔ حاجی فیاض احمد گورایہ۔ رائو عبدالغفار اور دیگر نے شرکت کی
انتظامیہ کی غفلت بڑے خادثے کا انتظار
سرگودھا(نمائندہ باغی ٹی وی) سرگودھا کے علاقے اقبال کالونی میں کئ روز سے سیورج کے مین ہول اور کھڈے انتظامیہ کی غفلت کا منہ بولتا ثبوت ہیں سڑک کے دونوں اطراف یہ کھڈے کسی بھی وقت بڑے خادثے کا شکار بن سکتے ہیں یہاں سے گزرنا بھی محال ہے اہل علاقہ کا کہنا ہے کہ انتظامیہ کو متعدد دفعہ شکایت کرنے کے باوجود تا حال کوئی مرمت نہیں کی گئی نہ ہی کوئی ٹیم ابھی تک آئی ہے
مسلسل بے عزتی شدید ذہنی دباؤ، سکول انتظامیہ نے خاتون ٹیچر کی جان لے لی
ملتان: لارنس پبلک سکول حارث کمپس میں انگلش لینگویج ٹریننگ کورس کے دوران میڈم نرگس نے سٹاف اور شاگردوں کے سامنے ٹیچر عاصمہ کی بے عزتی کی اور شدید تنقید کا نشانہ بنایا. عاصمہ کا تعلق ملتان سے کچھ دور قصبہ مڑل سے تھا. عاصمہ گھر کی واحد کفیل تھیں. جس کی عمر بمشکل 18 سال تھی. عاصمہ کا والد مسجد میں اذان دیتا ہے جبکہ اس کا چھوٹا بھائی کالج میں زیر تعلیم ہے. گھر کا خرچ عاصمہ کی سات ہزار تنخواہ اور ٹیوشن فیس سے چلتا تھا.
لارنس پبلک سکول پی ٹی آئی کے ایم پی اے خالد جاوید وڑائچ کی ملکیت ہے جو پیٹی آئی جنوبی پنجاب کے نائب صدر بھی ہیں. میڈم نرگس متعدد مواقع پر عاصمہ کو تنقید کا نشانہ بناتی تھی. اب کی بار میڈم نرگس نے عاصمہ کو نوکری سے نکالنے کی دھمکی دی. نوکری بچانے کے لئے عاصمہ کو سٹاف اور شاگردوں کے سامنے بے عزت کیا گیا جس کے دوران عاصمہ چکرا کر گر گئی اور سر میں شدید چوٹ لگی.
سکول کی عزت بچانے کے لئے سکول انتظامیہ نے ایمبولنس بلانے کی بجائے خالد جاوید ایم پی اے پی ٹی آئی کی کار استعمال کرنے کا سوچا جبکہ خالد جواید وڑائچ نے اپنی کار میں عاصمہ کے لے جانے سے انکار کر دیا. لہذا عاصمہ کا رکشہ کے ذریعہ نشتر ہسپتال منتقل کیا گیا جہاں ابتدائی طبی امداد وقت پر نہ ملنے سے عاصمہ کی موت واقع ہو گئی.
خالد جاوید وڑائچ اور سکول انتظامیہ کی ایماء پر ہسپتال نے خاتونٹیچر کی لاش ورثاء کے حوالے کرنے سے انکار کر دیا. ورثاء کو بعد اذاں لاش تب دی گئی جب خالد جاوید وڑائچ، سکول انتظامیہ نے ورثاء سے قانونی چارہ جوئی نہ کرنے پر دستخط کرائے.
عوام نے لارنس پبلک سکول کی ویب سائٹ اور سوشل میڈیا پیجز پر مذمتی بیان دینا شروع کر دیے. سکول انتظامیہ کے فون نمبرز مسلسل بند ہیں.
قانون نافذ کرنے والے اداروں اور وزارت تعلیم کی طرف سے تاحال کسی قسم کے اقدام کی اطلاع موصول نہیں ہوئی.
چلڈرن ہسپتال میں بستروں کی کمی، ڈاکٹر معصوم بچوں کو زمین پر لٹا کر علاج کرنے لگے
جنوبی پنجاب کے سب سے بڑے چلڈرن ہسپتال ملتان میں سہولیات کا فقدان وارڈز میں بستر نہ ہونے کی وجہ سے والدین سخت گرمی میں اپنے بچوں کو زمین پر لٹانے پر مجبور ہو گئے.جنوبی پنجاب کے واحد چلدڑن ہسپتال ملتان میں سہولیات کا فقدان شدت اختیار کر گیا ہے ہسپتال میں ڈاکٹروں کی کمی اور وارڈز میں بسترے موجود نہیں ہیں ۔مریض بچوں کے والدین کے لیے ہسپتال میں بیٹھنے کی جگہ تک موجود نہیں ہے۔ ہسپتال میں مختلف وارڈز میں بسترے نہ ہونے کہ وجہ سے والدین بچوں کو زمین پر لٹانے پر مجبور ہیں۔ مریض بچوں کے والدین کا کہنا ہے کہ حکومت نے وعدہ کیا تھا کہ ہسپتالوں کی حالت ٹھیک کر دیں گے مگرچلڈرن ہسپتال ملتان میں کوئی بھی سہولت موجود نہیں ہے وزیر اعلی پنجاب عثمان بزدار سے اپیل ہے کہ وہ معاملہ کا نوٹس لیں اور چلڈرن اسپتال میں تمام سہولیات مہیا کی جائیں ۔
پولیس جرائم پر قابو پانے کی بجائے سبزی منڈیوں میں معیار اور ریٹ کی چیکنگ پر لگ گئی
مظفرگڑھ میں سکیورٹی کی ابتر صورتحال اور آئے روز چوری ڈکیتی کی وارداتوں پر شہریوں کا کوئی پرسان حال نہیں ہے ۔اس حوالے تاجر برادری اور شہری کئی بار احتجاج بھی کرچکے ہیں۔مظفرگڑھ پولیس سے شہر میں جرائم پر قابو تو نہ پاسکی لیکن شہریوں کو معیاری اور سستی سبزیاں پھل دلوانے کے لئے ضرور میدان میں آگئی ہے۔اس حوالے سےڈی ایس پی سٹی سرکل ناصر نواز نے علی الصبح سبزی منڈی مظفرگڑھ کا دورہ کیا۔ ڈی ایس پی نے سبزی منڈی میں فروٹس اور سبزیوں کی کوالٹی اور ان کے ریٹس چیک کرتے ہوئے سبزی منڈی اورمارکیٹس کے ریٹس کا موازنہ کیا۔ڈی ایس پی نے آڑھتیان کو کم سے کم ریٹس میں بہترین کوالٹی کی اشیاء کی فراہمی کو یقینی بنانے کیلئے اقدامات کرنے کی ہدایت کی۔ ڈی ایس پی کا کہنا تھا کہ پنجاب حکومت کے وژن کے مطابق رمضان المبارک میں عوام تک بہترین کوالٹی کی اشیاء اور سبزیاں و فروٹس سستے ریٹس میں پہنچانے کیلئے تمام تر اقدامات کئے جا رہے ہیں۔اس دوران موصوف اپنے محکمہ کی کارکردگی اور کام کے حوالے بات کرنا بھول گئے۔
ملتان موت کی وجہ قتل یا خودکشی
ملتان (نمائندہ باغی ٹی وی) بستی ملوک تھانہ بستی ملوک کے علاقہ وزیرآباد میں فائرنگ ایک شخص موقع پر ہلاک جبکہ دو شدید زخمی ہو گئے ملزم موقع سے فرار اطلاع پر تھانہ بستی ملوک پولیس موقع پر پہنچ گئی ہلاک ہونے والے شخص کی شناخت محمد عمران ولد محمد رمضان قوم بھٹی سکنہ وزیر آباد سے ہوئی ہے جبکہ اس کا ایک بھائی محمد سجاد فائر لگنے سے زخمی ہوا ہے۔دوسرا زخمی بلال ولد عبدالرشید قوم سیال سکنہ گردیزی موڈ ہے ملزم سجاد عرف ٹیپا ولد شاکر قوم آرائیں فائرنگ کرنے والا اپنے گھر میں مردہ پایا گیا ہے جس کو گولی لگی ہے اس نے خودکشی کی ہے یا قتل کر دیا گیا ہے ابھی تک معلوم نہیں ہو سکا
زخمیوں کوریسکیو1122 نے نشتر ہسپتال مننتقل کر دیا گیا ہے۔لڑائی کی وجہ پرانی دشمنی بتائی جاتی ہے پولیس مصروف تفتیش ہے
لودھراں 2 معصوم بچے جاں بحق
لودھراں (نمائندہ باغی ٹی وی) دنیاپور اڈا ذخیرہ نواحی گاؤں 237 ڈبلیو بی میں گزشتہ شب آنے والی تیز آندھی کے باعث مکان کی چھت کر گئی جس میں سوئے ہوئے 2 چھوٹے بچے موقع پر جان کی بازی ہار گئے
ریسکیو 1122 کی ٹیم نے موقع پر پہنچ کر مکان کا ملبہ اٹھا کر لاشیں نکالی اور ورثاء کے حوالے کی
لودھراں بارش سے سیوریج کا نظام معطل
لودھراں (نمائندہ باغی ٹی وی) دنیاپور گزشتہ رات ہونے والی بارش سے سیوریج کا نظام معطل ہو گیا بارش کے پانی کے نکاس کا نظام نہ ہونے کی وجہ سے دنیاپور کی مارکیٹ میں پانی دکانوں میں داخل ہو گیا دکانداروں نے اپنی مدد آپ کے تحت ساری رات بارش کا پانی نکالنے رہے
تحصیل میونسپل اتھارٹی دنیاپور کو چاہئے بارش کے پانی کے نکاس کے لئے فوری اقدامات کرے
