Author: +9251

لودھراں( نمائندہ باغی ٹی وی) میں پنجاب پولیس لودھراں کی طرف سے فلیگ مارچ کیا گیا

فلیگ مارچ سے قبل ڈی پی او لودھراں ملک جمیل ظفر نے ملکی سالمیت کے لئے دعا کروائی اور میڈیا سے گفتگو کرتے ہوئے کہا کہ لودھراں پنجاب پولیس کے پاس جتنے وسائل ہیں ان کو بروئے کار لا کر ہم عوام کے جان و مال اور ضلع میں امن و سالمیت کو یقینی بنائیں گے ضلع بھر میں امن کی صورتحال کو برقرار رکھنا ہماری پہلی ترجیح ہے

فلیگ مارچ میں پنجاب پولیس ، ایلیٹ فورس ، ٹریفک پولیس ، سی ٹی ڈی اور ریسکیو 1122 نے حصہ لیا

لودھراں(نمائندہ باغی ٹی وی) میں بھی دیگر شہروں کی طرح مسافر ٹرانسپورٹر کے ہاتھوں پریشان ہو رہے ہیں بسوں اور ویگنوں والے ڈبل کرایہ وصول کر رہے ہیں اور یہ بات کہہ رہے ہیں کہ پٹرولیم مصنوعات میں اضافے کی وجہ سے کرایے بڑھ گئے ہیں جبکہ پنجاب حکومت کی طرف سے ابھی تک کرایوں کا شیڈول جاری کرکے مسافر خانوں لاری اڈوں وغیرہ پر آویزاں نہیں کیا گیا جس سے مسافروں میں پریشانی کی لہر دوڑ گئی ہے مسافروں نے نمائندہ باغی ٹی وی سے گفتگو کرتے ہوئے کہا ہے کہ شہباز شریف جب وزیراعلی پنجاب تھے کم از کم مسافروں کو سہولیات تو میسر تھیں کہ موجودہ حکومت اتنا بھی نہیں کر سکتی کہ کرایوں کا شیڈول جاری کر دے

پنجاب حکومت محکمہ ٹرانسپورٹ اتھارٹی ان واقعات کا فوری نوٹس لے اور ترجیحی بنیادوں پر اقدامات کرے عید آنے والی ہے گھروں سے دور دوسروں شہروں میں مزدوری کرنے والوں نے گھروں کو آنا ہے۔

شیخوپورہ(نمائندہ باغی ٹی وی) ڈپٹی کمشنر شیخوپورہ سید طارق محمود بخاری فروٹ منڈی میں اپنی زیرنگرانی بولی کروا رہے ہیں.

اس موقع پر انہوں نے مختلف سبزیوں اور پھلوں کی قیمتوں کو چیک کیا اور مختلف سبزیوں کے معیار کو بھی جانچا

لودھراں(نمائندہ باغی ٹی وی) میں عشر و زکوۃ کمیٹیاں بنانے کا کام تیزی سے جاری ہے پنجاب بیت المال کی طرف سے مستحق افراد کی امداد کے لئے عید سے پہلے پہلے رقم جاری کرنے کا فیصلہ کیا گیا ہے ۔ کمیٹیوں کو ہدایت کی گئی ہے کہ وہ مستحق افراد کو ترجیح دیں اور ان کی لسٹیں جلدی تیار کریں

لودھراں(نمائندہ باغی ٹی وی) لودھراں شہر اور اس کے مضافات میں بڑے جانوروں کا فریزر شدہ گوشت فروخت ہو رہا ہے اگر گاہک اس پر اعتراض کرے تو آگے سے جواب ملتا ہے کہ انتظامیہ کی طرف سے اجازت ہے کہ گوشت فریزر کر سکتے ہیں کئی کئی دن کا باسی اور برف کی طرح ٹھنڈا ناقص گوشت فروخت ہو رہا ہے جبکہ متعلقہ احکام اس کا کوئی نوٹس نہیں لے رہے