لودھراں (نمائندہ باغی ٹی وی) رمضان بازار برائے نام سستے بازار ہیں جبکہ حقیقت برعکس ہے رمضان بازاروں میں ناقص اشیاء مہنگے داموں فروخت کی جا رہی ہیں صرف لیموں کی فی کلو قیمت 500 تک ہے جس میں رس بھی نہیں ہے باقی اشیاء بھی اسی طرح مہنگی فروخت کی جا رہی ہیں عوام کو اس طرح دھوکہ دینا بند کیا جانا چاہئیے رمضان بازاروں میں مہنگائی کا ایک طوفان دیکھنے کو مل رہا ہے جس کی وجہ سے وہاں عوام خریداری کے لئے بلکل نہیں جا رہی
Author: +9251
اسسٹنٹ کمشنر کی عمارت پہ لہراتا ہوا ہاکستانی پرچم
سرگودہا(نمائندہ باغی ٹی وی)اسسٹنٹ کمشنر سرگودہا کے دفتر کی عمارت پہ پاکستانی پرچم کی بوسیدہ حالت اسسٹنٹ کمشنر کے انتظامی امور کا منہ بولتا ثبوت ہے بظاہر اسسٹنٹ کمشنر وسیع تر اختیارات کا مالک ہوتا ہے اور عوام کی امیدوں کا مرکز اور محور ہوتا ہے مگر جہاں ملک کے پرچم کی خفاظت نہیں وہاں عوام کیا کرے گی یہی وہ پرچم وہ علم ہے جس کے لیے اس ملک کی عوام نے لاکھوں قربانیاں دیں جس کی خرمت کی خاطر ماؤں نے اپنی بیٹیوں کی عزتیں قربان کر دیں مگر ان ٹھنڈے کمروں میں بیٹھ کر نوکریاں کرنےوالوں کو شاید احساس نہیں.
ڈپٹی کمشنر شیخوپورہ نے رمضان بازاروں کا دورہ کیا
شیخوپورہ(نمائندہ باغی ٹی وی) ڈپٹی کمشنر شیخوپورہ سید طارق محمود بخاری کا ضلع بھر کی مختلف رمضان بازاروں کا دورہ، اشیا خوردو نوش کو چیک کیا اور اشیا کے معیار پر تسلی کا اظہار کیا.
اس موقع پر انہوں نے عوام الناس سے سوالات کر کے حکومتی اقدامات پر ان کی رائے بھی لی تاکہ اگر کہیں کوئی مسئلہ موجود ہوتو اسے دور کیا جا سکے
سابق بلدیاتی نمائندوں نے اگلے محاذ کی تیاری شروع کر دی
گجرات (نمائندہ باغی ٹی وی)بلدیاتی ادارے ٹوٹتے ہی عوامی نمائندگانمتحرک،نئے بلدیاتی نظام کے تحت الیکشن کیلئے جوڑتوڑشروع ہوگئے،متوقع امیدواروں نے اپنے اپنے علاقوں کے عوام سے رابطے بڑھالئے ہیں اور ابھی سے لوگوں کی خوشی ،غمی میں شرکت کرنا شروع کردی ہے ،جبکہ بعض امیدواروں نے ماہ رمضان کوغنیمت جانتے ہوئے باقاعدگی سے باجماعت نمازبھی پڑھنی شروع کردی ہے ،جبکہ عوام کاکہناہے کہ امیدواروں کی سابقہ کارکردگی کودیکھ کرحمائت کافیصلہ کیاجائے گا،پچھلادورضائع کرنے والوں کودوبارہ نہیں آزمائیں گے ،تاہم امیدوار سنجیدگی سے عوام کے پیچھے پڑے ہوئے ہیں آگے آگے دیکھئے ہوتا ہے کیا۔
کوئٹہ پولیس کی بڑھی کاروائی۔
کوئٹہ پولیس کی کاروائی گاڑیاں چوری کرنے والے بین الصوبائی گروہ کے تین ارکان کو گرفتار کرلیا گیا کوئٹہ شہر کے مختلف تھانوں کی حدود سے چوری شدہ تین گاڑیاں برآمد ہوئی ہیں تفصیلات کے مطابق ایس پی سریاب ڈویژن محمد بلوچ کی خصوصی ہدایات اور ایس ڈی پی او شالکوٹ سرکل زین عاصم کی زیر نگرانی میں ایس ایچ او شالکوٹ تھانہ خلیل احمد بگٹی اور ایس ایچ او نیو سریاب تھانہ مختیار احمد موسیٰ خیل نے دیگر پولیس پارٹی کے ہمراہ کلی زیرین خان سبی روڈ کوئٹہ میں کامیاب کاروائی کرتے ھوئے گاڑیاں چوری کرنے والے گروہ کے تین ارکان کو گرفتار کرلیا جن میں عبدالروف ولد سورہ خان بھٹو سکنہ بروری روڈ کوئٹہ ارشد ولد عبدالمالک شاہوانی سکنہ مستونگ ظفرعلی ولد محمدبخش قوم بلیدی سکنہ حب شامل ہیں ملزمان سے برآمد ھونے والی گاڑیاں جن میں ٹیوٹا ڈبل ڈور پک اپ سرکاری سیٹلائٹ ٹاؤن تھانہ کی حدود سے چوری شدہ ھے جس کی دوسری گاڑی وٹز کار سفید رنگ سول لائن تھانے کی حدود سے چوری شدہ ھے تیسری گاڑی ایکس کرولا انڈسٹریل تھانے کی حدود سے چوری شدہ ھے گرفتارملزمان کے خلاف مقدمہ درج کیاگیاہے۔
وزیراعلیٰ بلوچستان جام کمال خان نے ہدایت کر دی۔
کوئٹہ:- وزیراعلیٰ بلوچستان جام کمال خان نے رمضان المبارک میں کوئٹہ سمیت صوبہ بھر میں سیکیورٹی کے موثر انتظامات کے ساتھ ساتھ ٹریفک کے نظام کی بہتری اور عوام الناس کو ارزاں نرخوں پر اشیائے خوردونوش کی فراہمی یقینی بنانے کی ہدایت کی ہے، رمضان المبارک میں سیکیورٹی اقدامات، ٹریفک کے انتظامات اور رمضان بازاروں سے متعلق امور کے جائزہ اجلاس کے دوران وزیراعلیٰ نے کوئٹہ میں پانچ مقامات پر لگائے گئے رمضان بازاروں میں ضلعی انتظامیہ کے زیرانتظام فیئر پرائس شاپس کے انعقاد کی منظوری دیتے ہوئے ہدایت کی کہ عوام کو پھل، سبزیاں، آٹا اور دیگر اشیائے خوردونوش کی ارزاں نرخوں پرفراہمی ک لئے ضلعی انتظامیہ اور پرائس کنٹرول کمیٹیاں فعال اور متحرک رہیں، عبادت گاہوں، بازاروں اور عوامی مقامات کی فول پرول سیکیورٹی کے لئے سی سی ٹی وی کیمروں کی تنصیب کے ساتھ ساتھ دیگر اقدامات کئے جائیں اور تمام سیکیورٹی ادارے الرٹ رہتے ہوئے عوام کی جان ومال کے تحفظ کو یقینی بنائیں اور مربوط اینٹیلیجنس سسٹم قائم کرتے ہوئے معلومات کا تبادلہ بھی کریں، وزیراعلیٰ نے رمضان المبارک کے دوران عمومی جرائم کی روک تھام کی ہدایت بھی کی، وزیراعلیٰ نے ٹریفک کے نظام کی بہتری کا پلان بنانے اور اس پر فوری طور پر عملدرآمد کے آغاز کی ہدایت کی۔ وزیراعلیٰ نے قیمتوں میں استحکام برقرار رکھنے کے لئے انتظامی افسران اور مجسٹریٹس کو باقاعدگی کے ساتھ اشیاء خورونوش کے نرخوں پر نظر رکھنے اور اس کی خلاف ورزی کرنے والے دکانداروں، ملاوٹ اور ذخیرہ اندوزی کے مرتکب عناصر کے خلاف سخت کارروائی کی ہدایت بھی کی، انہوں نے کہا کہ حکومت کی رٹ نظر آئے گی تو عوام کو ریلیف ملے گا لہٰذا میٹروپولیٹن کارپوریشن اور ضلعی انتظامیہ ہر مقام پر اپنی موجودگی یقینی بنائیں، خاص طور پر میٹروپولیٹن کارپوریشن اپنا دائرہ کار کو سریاب اور گردونواح کے دیگر علاقوں تک وسعت دے کر صفائی کے نظام سمیت دیگر شہری سہولتیں فراہم کرے اور مزید سستے بازاروں کا انعقاد کیا جائے جن سے زیادہ سے زیادہ عوام مستفید ہوسکیں۔ وزیراعلیٰ نے کوئٹہ شہر میں مستقل بنیادوں پر ماڈل بازاروں کے قیام کا جائزہ لینے کی ہدایت بھی کی۔ اس موقع پر ڈی آئی جی کوئٹہ کی جانب سے اجلاس کو سیکیوریٹی انتظامات اور ٹریفک پلان کے بارے میں بریفنگ دی گئی جبکہ کمشنر کوئٹہ ڈویژن اور ایڈمنسٹریٹر میٹروپولیٹن کارپوریشن نے سستے بازاروں کے انعقاد کے حوالے سے تفصیلات سے آگاہ کر دیا ہے اجلاس میں ایڈیشنل چیف سیکریٹری منصوبہ بندی وترقیات، سیکریٹری خزانہ، ایس ایس پی ٹریفک، ڈپٹی کمشنر کوئٹہ اور دیگر متعلقہ حکام نے شرکت کی۔
لڑکیوں کو تنگ کرنے والے اوباش انجام تک کیسے پہنچے؟
گجرات(نمائیندہ باغی ٹی وی) تھانہ شاہین کے علاقہ میں کالج جاتی ہوئی لڑکیوں کو تنگ کرنے،حراساں کرنے اور دھمکیا ں دینے والے تین اوباش ملزمان گرفتار۔
نازیبا سر گرمیوں میں ملوث آوارہ ملزمان کے خلاف سخت ایکشن لیا جائے،ڈی پی او گجرات سید علی محسن نے تمام SDPO,sکو ہدایت جاری کر دیں تفصیلات کے مطابق ڈی پی او گجرات سید علی محسن نے عوامی شکایت پر تمام ڈی ایس پیز کو خصوصی ہدایات جاری کی کہ کالج اور یونیورسٹی آنے جانے والی لڑکیوں کو تنگ اور حراساں کرنے والے اوباش اور آواہ لڑکوں کو فوری گرفتار کر کے ان کے خلاف مقدمات درج کئے جائیں تاکہ آ ئندہ کوئی آوارہ ملزم اس طرح کی نازیبا حرکت کی جرات نہ کر سکے۔ ان احکامات پر عمل کرتے ہوئے ڈی ایس پی سٹی رضا حسین اعوان کی زیر نگرانی ایس ایچ او تھانہ شاہین رائے فیاض احمد نے ایکشن لیتے ہوئے پولیس ٹیم کے ہمراہ لڑکیوں کو حراساں کرنے والے تین رکنی اوباش اور آوارہ لڑکوں کا گروہ جن میں 1۔ فلک شیر سکنہ ملہو کھوکھر 2۔ امیر حمزہ سکنہ ملہو کھوکھر 3۔ عمر فاروق سکنہ لدھا سدھا شامل ہیں کو گرفتار کرلیااور ان کے خلاف دفعہ 506/25D،ٹیلی گراف کے تحت مقدمات درج کرکے مزید تفتیش شروع کر دی۔ڈی پی او گجرات سید علی محسن نے کہا ہے کہ لوگوں کی جان و مال اور عزت آبرو کی حفاظت میری اولین ترجیح ہے اور ایسے شر پسند عناصر کے ساتھ آہنی ہاتھوں سے نمٹا جائے گا.پٹرول پمپوں پرپٹرول کی قمیت میں ہیر پھیر
حکومت کی جانب سے پٹرول کی قیمتیں بڑھانے کے باعث عام شہری پہلے ہی پریشان تھا،رہی سہی کسر پٹرول پمپ مالکان نے پوری کردی،شہر کے اکثر پٹرول پمپس پر پٹرول 110 روپے فی لیٹر فروخت ہونے لگا.تفصیلات کیمطابق حکومت کی جانب سے پٹرول کی قیمتوں میں اضافے کے بعد پٹرول کی فی لیٹر قیمت 108 روپے مقرر کی گئی تھی مگر شہر کے بیشتر پٹرول پمپ مالکان دھڑلے سے فی لیٹر پٹرول کے 110 روپے وصول کررہے ہیں اور شہریوں سے روزانہ لاکھوں روپے غیرقانونی طور پر وصول کیے جارہے ہیں،دوسری جانب شہر کے گنجان آباد علاقوں میں موجود پٹرول پمپوں کی جانب سے زائد رقم وصول کرنے کے باوجود بھی ضلعی انتظامیہ نے کوئی کاروائی کرنا گوارا نہ کیا،فی لیٹر پٹرول کی زائد قیمت وصول کرنے پر نہ تو کسی پٹرول پمپ کو سیل کیاگیا اور نہ ہی کوئی نوٹس دیاگیا،،شہریوں نے ڈپٹی کمشنر مظفرگڑھ ڈاکٹر احتشام انور سے مطالبہ کیا ہے کہ من مانے ریٹ پر پٹرول کی فروخت کا سلسلہ بند کرایا جائے اور زائد رقم وصول کرنے والے پٹرول پمپوں کو سیل کیاجائے.
گجرات: 1 نائب قاصد اور 3 یوسی سیکرٹری معطل
گجرات(نمائندہ باغی ٹی وی)رمضان بازار جلالپور جٹاں میں ڈیوٹی سے غیر حاضر ہونیوالے تین یونین کونسلز کے سیکرٹریز اور ایک نائب قاصد کو معطل کرکے انکوائری لگا دی گئی ۔ تفصیلات کے مطابق ڈپٹی کمشنر ڈاکٹر خرم شہزاد نے چیف آ فیسر بلدیہ جلا لپور جٹاں اور پرائس مجسٹریٹ مرزا مشرف بیگ کی تحریری رپورٹ پر سیکرٹری یونین کونسل سوک کلاں محمد ساجد افضل ، سیکرٹری یونین کونسل اخلاص گڑھ سکندر زمان، سیکرٹری یونین کونسل عالم گڑھ محمد بلال اور نائب قاصدیونین کونسل منڈھالہ شفقت علی کو رمضان بازار جلا لپور جٹاں میں ڈیوٹی سے غیر حاضر ہونے پر معطل کرتے ہوئے اے ڈی سی آ ر رانی حفضہ کنول کو انکوائری کے احکامارت جاری کر دیئے۔
گجرات کے مہنگے رمضان بازار، عوام پریشان
گجرات(نمائندہ باغی ٹی)گجرات شہر میں ضلعی انتظامیہ کی طرف سے لگائے گئے چار رمضان بازار جن میں شاجہانگیر روڈ ،ریلوے روڈ، ماڈل بازار، ظہور الٰہی سٹیڈیم شامل ہیں ان رمضان بازاروں میں اشیاء خوردونوش کی چیزیں باہر سے اندر مہنگی فروخت کی جارہی ہیں لوگوں کو رمضان بازار میں ریلیف ملنے کی بجائے مہنگے داموں چیزیں فروخت کی جارہی ہیں ہر دکاندار کا اپنا اپنا ریٹ ہے رمضان بازار کے اندر اشیاء خوردونوش کی سستے داموں فروخت ہو تی نظر تو نہیں آ رہی مگر خریداروں کا کہنا ہے اگر رمضان بازار میں ہی چیزیں مہنگی ملیں تو اس بہتر ہے ہم باہر سے ہی خرید لیں ان کو چاہے کہ رمضان بازار لگانے کی بجائے عام لوگوں کو ریلیف بھی ملنا چاہیے کیونکہ شہر گجرات میں دکاندار وں نے اپنے اپنے من پسند ریٹ لگائے ہوئے ہیں
