Author: ڈاکٹرغلام مصطفی بڈانی

باغی ٹی وی :ٹھٹہ ( نامہ نگار راجہ قریشی )ضلع بھر میں منشیات کا کاروبار عروج پر پہنچ گیا،گلیوں سے لیکر دکانوں پربلاروک ٹوک سر عام منشیات کی فروخت جاری
تفصیل کے مطابق ٹھٹہ ضلع بھر میں منشیات بیچنے کا کاروبار عروج پر پہنچ چکا ہے گلیوں سے لیکر دکانوں پر سرعام منشیات بیچی جارہی ہے کوٸی پوچھنے اور روکنے والا نہیں اس منشیات گھٹکہ ماوا انڈین پڑی سفینا سر عام چلنے کی وجہ سے کینسر کی بیماری عام ہوگئی ہے کتنے اس جہان سے رخصت ہو گئے ہیں کتنے اسپتالوں میں بستر مرگ پر بیمار پڑے ہیں کتنوں کے بھائی بچھڑ گئے کتنی ماؤں کے بیٹے اور کتنی عورتوں کے سہاگ اجڑگئے ہیں لیکن کسی کے خلاف کوئی قانونی کارروائی نہیں ہوتی اگر کارروائی ہوتی ہے تو ایف آئی آر تک درج نہیں کیجاتی منشیات بیچنے والے امیر ترین ہورہے ہیں، ٹھٹہ ضلع میں چرس، آئس، ہیروئن، گھٹکہ، ماوا، دیسی شراب ٹھرو، اور بھی منشیات کھلے عام فروخت ہو رہی ہے منشیات بیچنے والے امیر ترین اور استعمال کرنے والے اس دنیا سے رخصت ہو گئے ہیں یا غریب ہو کر چوری ڈکیتی کی وارداتوں میں ملوث ہو رہے ہیں علاقہ مکینوں نے کئی بار احتجاج کیا لیکن کوٸی بھی کارروائی عمل میں نہیں لائی جا سکی علاقہ مکینوں نے میڈیا کے نمائندوں سے گفتگو کرتے ہوئے کہا ہے کہ منشیات فروشوں کو جلد از جلد گرفتار کر کے انہیں کیفر کردار تک پہنچایا جائے اور نوجوان نسل کو بچایا جاسکے اور انہوں نے چیف جسٹس سپریم کورٹ، چیف جسٹس ہائیکورٹ، آئی جی سندھ، ڈی آئی جی حیدرآباد، ایس ایس پی ٹھٹہ اور دیگر بالا افسران سے پرزور مطالبہ کرتے ہوئے کہا ہے کہ خدارا منشیات جیسی لعنت کو ضلع بھر سے ختم کیا جائے۔

باغی ٹی وی : ٹھٹھہ (راجہ قریشی نامہ نگار) سیلاب زدگان کے کیمپ سے عوام نے چور کو پکڑ کر پولیس کے حوالے کردیا،
تفصیل کے مطابق سیلاب سے متاثرہ کیمپ والوں نے رات چار بجے چور کو پکڑ کر پولیس کے حوالے کردیا،چور اس سے پہلے بھی امدادی کیمپ سے چوری کرتے ہوئے پکڑاگیا، چور کا کہناتھا کہ ماکلی پولیس میری اپنی ہے مجھے جب بھی پکڑتی ہے چائے پلا کر چھوڑ دیتی ہے ،چور سے کئی موبائل فون اور کافی رقم برآمد ہوئی ، سیلاب متاثرین نے پولیس سے مطالبہ کیا ہے خدا را چند ٹکوں کے عوض ان معاشرتی ناسوروں کو نہ چھوڑ دیں بلکہ انہیں قرار واقعی سزا دلوائیں.

باغی ٹی وی : ٹھٹھہ ( راجہ قریشی نامہ نگار) شیخ عبدالمجید سندھی کالونی ماڈل ٹاؤن چانڈیو ولیج میں کئی دنوں سے پانی بند، مکین سخت پریشان،اس موقعہ پر علاقے میں اہم میٹنگ ہوئی جس میں تمام معززین مختلف کمیونٹی کے لوگوں کی بڑی تعداد میں شرکت کی اور انہوں نے کہا کہ ماڈل ٹاؤن آبادی کو ہر وقت بنیادی سہولتوں سے محروم رکھا جاتا ھے جب کہ پانی پمپنگ اسٹیشن بالکل قریب ھےاس کے باوجود بھی نظرانداز کیاجاتاھے جو پبلک ہیلتھ کی جانب سے 14 انچ کا نیا پائپ لگایا جارا ھے پوری دھابیجی کے لیئے کنیکشن لگایا جاراھے اور من پسند لوگوں کو پانی دیا جارا ھے جبکہ صرف ماڈل ٹاؤن کے لیئے پانی کی کوئی سہولت نہیں ھے آخر ایسا کیوں، اگر پانی پر سیاست ھے تو یزید نے بھی کربلا میں پانی بند کرکے سیاست کی تھی ،ہم ماڈل ٹاؤن کے مکین پانی پر سیاست نہیں کرنے دینگے اور اہل علاقہ نے ایم پی اے جام اویس گھرام جوکھیوسے اپیل کی ہے کہ ہمیں نئےکنیکشن سے پینے کا صاف پانی دیاجاۓ اور ورنہ عوام احتجاج کریں گے .

باغی ٹی وی ، روجھان ( ضامن حسین بکھر،نامہ نگار)باغی ٹی وی روجھان کے سیلاب متاثرین کی آواز بن گیا،سیلاب زدہ علاقوں فصلات و مکانات جانی، مالی نقصانات کا سروے کرنے کے مطالبے والی خبر پر اعلی حکام نے نوٹس لیتے ہوئے مورخہ 10 اکتوبر کو تحصیل روجھان میں رودکوہی کی سیلابی ریلوں کے باعث سیلاب زدہ علاقوں میں ہونے والے نقصانات کے سروے کا حکم جاری کر دیا ہے، سروے ٹیمیں روجھان کے سیلاب سے متاثرہ علاقوں میں زیر آب آنے والے مواضعات کی جملہ بسیتوں کا سروے کریں گے سروے ٹیم میں پاک آرمی کے جوان تحصیلدار، حلقہ پٹواریان ، گرداورز، محکمہ بلڈنگز ،ایری گیشن، لائیو سٹاک اور یونین کونسل کے سیکرٹریز سروے ٹیم کا حصہ ہونگے کمشنر ڈیرہ غازی خان لیاقت علی چٹھہ کی تاکید اور ڈپٹی کمشنر راجن پور عارف رحیم کی ہدایت پر سروے کا عمل جاری کرنے اور اصل متاثرین سیلاب کی شفاف طریقے سے سروے کا عمل یقینی بنانے کی بھی ہدایات دی گئیں ہیں ۔سروے کا حکم صادر کرنے پر تحصیل روجھان کے سیلاب متاثرہ مواضعات کے سیلاب متاثرین نے اعلی حکام وزیراعظم پاکستان میاں شہباز شریف، وزیراعلیٰ پنجاب ،کمشنر ڈیرہ غازی خان، ڈپٹی کمشنر راجن پور کا شکریہ ادا کیا ۔