باغی ٹی وی بہاولنگر ( رپورٹ محمد عرفان) بہاولنگر میں نوجوان نسل کی رگوں میں زہر گھولنے والے منشیات فروشوں کے خلاف پولیس کا کریک ڈاؤن جاری ہے تھانہ بی ڈویژن پولیس نے کارروائی کرتے منشیات فروش خاتون کو گرفتار کر لیا.
تفصیلات کے مطابق بہاولنگر تھانہ سٹی بی ڈویژن پولیس کا منشیات فروشوں کے خلاف کریک ڈاؤن جاری ہے نوجوان نسل کی رگوں میں زہر گھولنے والی منشیات فروش خاتون کو دھر لیا ڈی ایس پی ندیم افضال نے ایس ایچ او کے ہمراہ پریس کانفرنس کرتے ہوئے کہا کہ منشیات فروش خاتون کے گھر سے کچی شراب کی بڑی کھیپ برآمد کرلی ہے خاتون اور اسکا شوہر بڑے پیمانے پر شراب فروخت کرتے تھے خاتون اور اسکا خاوند ریکارڈ یافتہ ہیں خاتون اور اسکا خاوند پھلے بھی متعدد بار منشیات فروشی میں گرفتار ہوکر چلان ہوچکے ہیں منشیات ایک لعنت ہے معاشرے کو اسے پاک کرنا پولیس کی اولین ترجیح ہے
Author: ڈاکٹرغلام مصطفی بڈانی
بہاولنگر میں نوجوان نسل کی رگوں میں زہر گھولنے والے منشیات فروشوں کے خلاف پولیس کا کریک ڈاؤن جاری
شیخوپورہ : سٹی پریس کلب کی جانب سے فوت شدہ مقامی صحافیوں کو ایصالِ ثواب کیلئے مقابلہ حسنِ نعت
باغی ٹی وی: شیخوپورہ تحصیل مریدکے (محمد طلال سے)سٹی پریس کلب مریدکے کے زیر اہتمام گورنمنٹ ہائیر سیکنڈری سکول مریدکے میں مقابلہ حسن نعت منعقد ہوا۔مریدکے کے نمایاں سرکاری و غیر سرکاری سکولوں سے طلبہ نے مقابلہ میں بھرپور شرکت کی۔ پہلی پوزیشن قلعہ مسیتا سکول کے علی حسن، دوسری پوزیشن جناح آئیڈیل اسکول کے آفاق احمد جبکہ تیسری پوزیشن فیض فاونڈیشن ہائی سکول کے عاشر عمران نے حاصل کی ہے۔ تقریب کا مقصد مریدکے کے فوت شدہ صحافیوں کی ارواح کو ایصال ثواب تھا۔ تقریب سے ایم پی اے چودھری خرم اعجاز چٹھہ، سی ای او ایجوکیشن شفقت حبیب، سجادہ نشین آستانہ عالیہ مونگنانوالہ شریف پیر سید اویس حسن، پرنسپل گورنمنٹ ہائیر سیکنڈری سکول مریدکے سر افتخار احمد، رہنما پاکستان پیپلز پارٹی چودھری صابر حسین بھلہ، رہنما پی ٹی آئی طارق ریحان نے خطاب کیا۔ سٹیج سیکرٹری کے فرائض رانا جعفر حسین کے ذمہ تھے۔ نام ور نعت خواں احمد علی دانش نے مقابلہ جات میں بطور جج اپنی ذمہ داریاں نبھائیں۔ آخر میں جیتنے والوں، نمایاں مہمانوں کو شیلڈز دی گئیں نیز ان کی دستار بندی کی گئی۔ مقررین نے سٹی پریس کلب کے عہدیداروں حمید جہلی، رانا جعفر حسین، میاں عمران الہی، ڈاکٹر قمر منیر، اللہ رکھا عامل، حافظ عطاءالمصطفٰی، باقر علی رانا کو اپنے مرحوم ساتھیوں کی روح کو ایصالِ ثواب کیلیے بابرکت تقریب کے انعقاد پر زبردست الفاظ میں خراج تحسین پیش کیا۔ اس موقع پر نمائندہ جنگ چودھری محمد یونس شاد مرحوم، شمس الحق بٹالوی مرحوم، سید سرور بخاری مرحوم، ڈاکٹر شریف اعوان مرحوم، وحید تبسم مرحوم، محمود الحسن کاظمی مرحوم، صادق ملک مرحوم، لیاقت علی بٹ مرحوم سمیت دیگر صحافیوں اور ان کی خدمات کا خصوصی طور پر تذکرہ کیا گیا۔
ننکانہ : ربیع الاول ہم سب کے لیے عقیدت و احترام،برکتوں اور خوشیوں کا مہینہ ہے-امجد علی
باغی ٹی وی ننکانہ صاحب (احسان اللہ ایاز)حضوررحمت اللعالمینﷺ کا یوم ولادت سرکاری محکمہ جات،علمائے کرام اور عوام کے لیے مشترکہ خوشیوں اور سعادتوں کا امین ہے،ماہ ربیع الاول ہم سب کے لیے عقیدت و احترام،برکتوں اور خوشیوںکا مہینہ ہے،آپﷺ کی سیرت طیبہ عالم انسانیت کے لیے مشعل راہ ہے، اللہ ہمیں اس پر چلنے کی ہمت عطا فرمائے۔ایڈیشنل ڈپٹی کمشنر فنانس و پلاننگ رانا امجد علی نے ان خیالات کا اظہار ڈپٹی کمشنر آفس کمیٹی روم میں جشن عید میلاد النبی ﷺکے حوالے سے انتظامات کا جائزہ لینے کے لیے منعقدہ اجلاس کی صدارت کرتے ہوئے کیا۔مذہبی سکالر علامہ محب النبی طاہراورسید سلیمان گیلانی کی قیادت میں ضلع بھر سے ممبران امن کمیٹی نے اجلاس میں شرکت کی۔اے ڈی سی فنانس وپلاننگ رانا امجد عل نے کہا کہ حضور ﷺ کی مبارک زندگی ایک مکمل عملی نمونہ ہے جس پر عمل پیرا ہو کر دنیا اور آخرت دونوں میں کامیابی حاصل ہوتی ہے۔انہوں نے تمام متعلقہ محکمہ جات کے افسران کو ہدایت جاری کرتے ہوئے کہا کہ جشن میلاد النبیﷺ کے لیے بہترین انتظامات کرنے میں کوئی کسر نہ چھوڑی جائے،عیدمیلاد النبیﷺ کے لیے سیکورٹی،صفائی ستھرائی اور ٹریفک وغیرہ کے لیے نہایت اعلی انتظامات کیے جائیں۔اس موقع پر مذہبی سکالر علامہ محب النبی طاہر نے کہا کہ ضلع ننکانہ کی تاریخ صدیوں سے مختلف مذاہب و مسالک کے درمیان اخوت ویگانگت ،باہمی تعاون اور ہم آہنگی کی عکاس ہے،عید میلادالنبیﷺ کی خوشیوں میں مسلمان بھائیوں کے ساتھ سکھ ،عیسائی ودیگر مذاہب کے پیروکار بھی نہایت عقیدت و احترام سے حصہ لیتے ہیں
شرقپور ضمنی انتخابات حلقہ پی پی139 پاکستان تحریک انصاف فائنل راؤنڈ کے لیے تیار
باغی ٹی وی: شیخوپورہ تحصیل شرقپور شریف(محمد طلال سے)ضمنی انتخابات حلقہ پی پی 139 پاکستان تحریک انصاف سیاسی معرکے کے فائنل راؤنڈ کے لیے مکمل طور پر تیار اور حلقہ کی عوام میں سیاسی بیداری کو اجاگر کرنے کی طرف تیزی سے گامزن چوہدری شرافت ورک، چوہدری ریاض ورک،چوہدری یوسف ورک، چوہدری خورشید ورک اور چوہدری شرجیل ورک کے زیر انتظام قلعہ صاحب سنگھ میں شاندار سیاسی کارنر میٹنگ کا اہتمام کیا گیا جس میں پاکستان تحریک انصاف کے نامزد امیدوار صاحبزادہ میاں محمد ابوبکر شرقپوری صاحب،جناب صاحبزادہ میاں جلیل احمد شرقپوری صاحب (سابق MPA)سعید احمد ورک (سابق MPA)، چوہدری ظریف احمد کھرل،چوہدری خلیق احمد کھرل، حافظ غضنفر ورک،اشفاق ورک،چوہدری اظہر حسین چھٹہ، بابا ارشد چھٹہ، رانا گوگا کو مدعو کیا گیا اہلیان علاقہ کی جانب سے رہنماؤں اور مہمانوں کا پرتپاک استقبال کیا اہلیان علاقہ نے ووٹ کی طاقت سے علاقے میں رائج بوسیدہ سیاسی بساط کو پلٹنے کا عزم دہراتے ہوئے کہا کہ وہ صاحبزادہ میاں محمد ابوبکر شرقپوری صاحب کی قیادت میں علاقے کی فلاح وبہبود ترقی اور اپنی نسلوں کی خوشحالی اور موجودہ حکومت سے نجات حاصل کر کے رہیں گے حلقہ پی پی 139 میں امپورٹڈ نمائندہ نے چار دفعہ علاقے کا مینڈیٹ چوری کرنے اور میگا پراجیکٹس کو ہائی جیک کرنے کے سوا کچھ نہیں کیاجو اس بات کا واضح ثبوت ہے کہ مخالف حریف شرقپور شریف کی عوام کے ساتھ مخلص نہیں ہے
حضور پاک کی حیات طیبہ ہر مکتبہ فکر کے شخص کے لیے مشعل راہ ہے۔ ڈاکٹر اللہ بخش گلشن
باغی ٹی وی : ڈیرہ غازی خان ( نامہ نگار) حضور پاک ﷺ کی حیات طیبہ ہر مکتبہ فکر کے شخص کے لیے مشعل راہ ہے۔ ڈاکٹر اللہ بخش گلشن ، رجسٹرار غازی یونیورسٹی
غازی یونیورسٹی ڈیرہ غازی خان میں بسلسلہ "عشرہ شان رحمت العالمین” قرآت اینڈ نعت کلب، نظامت امور طلباء کے زیر انتظام رجسٹرار یونیورسٹی ڈاکٹر اللہ بخش گلشن کی زیر صدارت گذشتہ روز مقابلہ حسن و قرآت و نعت منعقد ہوا اس مبارک محفل میں طلباء و طالبات کی کثیر تعداد نے شرکت کی۔ان مقابلہ جات میں غازی یونیورسٹی کے مختلف شعبہ جات کے سٹوڈنٹس کے ساتھ ساتھ غازی یونیورسٹی کے الحاق شدہ اداروں کے طلباء و طالبات نے بھی مقابلوں میں بھرپور حصہ لیا۔ نظامت کے فرائض ڈاکٹر طاہرہ بتول قیصرانی صاحبہ نے ادا کیئے
ڈاکٹر محمد ایاز اسلامک اسٹڈیزو دیگر نے منصف کے فرائض سر انجام دیئے۔
اس موقع پر پوزیشن لینے والے طلباء وطالبات میں انعامات و اسناد تقسیم کی گئیں۔ قرآت میں پہلی دوسری اور تیسری پوزیشن حاصل کرنے والوں میں بالترتیب عارف رشید ،جان محمد اور آسیہ اسلم شامل ہیں۔،رجسٹرار غازی یونیورسٹی ڈاکٹر اللہ بخش گلشن نے موضوع کی مناسبت سے اپنے خیالات کا اظہار کیا، پروگرام کے آخر میں ناظم امور طلباء ڈاکٹر محمد ابراہیم نے تمام حاضرین اور شرکاء کا شکریہ ادا کیا جو اس بابرکت محفل میں شریک ہوئے۔
خانقاہ ڈوگراں میں 10سالہ بچے کی نعش برآمد،مقدمہ درج
باغی ٹی وی :(علی رضا رانجھا)تھانہ خانقاہ ڈوگراں میں کم سن 10سالہ بچے زین علی کی نعش برآمد، مقدمہ درج، تفصیلات کے مطابق گاؤں مانگٹ علاقہ تھانہ خانقاہ ڈوگراں کی رہائشی خاتون مسماہ نصرت بی بی نے تھانہ میں تحریری درخواست دی کہ نامعلوم افراد نے نامعلوم وجوہات پر میرے کم سن بچے زین علی کو قتل کر کے میرے گھر کی عقب سائیڈ جھاڑیوں میں پھینک کر فرار ہوگئے ہیں ڈسٹرکٹ پولیس آفیسر شیخوپورہ فیصل مختار نے واقعہ کا نوٹس لیتے ہوئے فوری مقدمہ درج کروایا اورنامعلوم ملزمان کو ٹریس کرکے گرفتار کرنے کیلئے پولیس ٹیمیں تشکیل دیں، جائے وقوعہ پر پولیس اور فرانزک سائنس کی ٹیموں نے پہنچ کر ڈیڈ باڈی کو قبضہ میں لے کر شواہد اکٹھے کرنے شروع کر دئیے، ڈسٹرکٹ پولیس آفیسر شیخوپورہ فیصل مختار نے اہل خانہ سے گہرے دکھ کا اظہارکیا اور اس بات کی یقین دہانی کروائی کہ ملزمان کو جلد از جلد ٹریس کرنے کے لئے تمام تر وسائل کو بروئے کار لاکر گرفتار کیا جائے گا اور مقدمہ کو حقائق کی روشنی میں یکسو کر کے انصاف دلایا جائے گا۔
چونیاں: آئی جی پنجاب فیصل شاہکار نے نئے تعمیر ہونے والے تھانہ سٹی و صدر کا افتتاح کر دیا۔
باغی ٹی وی: چونیاں(نامہ نگار) آئی جی پنجاب فیصل شاہکار نے نئے تعمیر ہونے والے تھانہ سٹی و صدر کا افتتاح کر دیا۔ اس موقع پر آر پی او ڈاکٹر انعام وحید، ڈی پی او قصور اور محکمہ بلڈنگ کے افسران نے نئے تعمیر ہونے والے تھانہ سٹی کے متعلق آئی جی پنجاب کو بریفنگ دی اور یاد گار شہداء پر فاتحہ خوانی کی۔ تفصیلات کے مطابق آئی جی پنجاب فیصل شاہکار نے نئے تعمیر ہونے والے تھانہ سٹی و صدر تحصیل چونیاں کا افتتاح کر دیا۔ آئی جی پنجاب نے افتتاح کے بعد شہداء کی فیملی سے ملاقات کی اور خطاب کرتے ہوئے کہا کہ تھانہ سٹی و صدر میں سائلین کی آمد زیادہ ہوتی ہے۔ اس لیے دور جدید کے تقاضوں کو مد نظر رکھتے ہوئے نئی بلڈنگ کا قیام ازحد ضروری تھا۔ تھانے آنے والے شہریوں کو اچھی سہولیات فراہم کرنا بھی ضروری ہے۔ موجودہ حکومت کے ویژن کے مطابق تھانہ جات کی نئی عمارتیں تعمیر کی جارہی ہیں تاکہ اپنے مسائل کےلیے تھانہ آنے والے سائلین کو اچھا اور صاف ستھرا ماحول دیا جا سکے۔ مزید اس کے ذریعہ سے پولیس افسران و ملازمان کو اچھا دفتر اور اچھی رہائش ملے گی۔ جس سے وہ اپنی پیشہ ورانہ ذمہ داریاں احسن طریقے سے سرانجام دے سکیں گے ۔ آئی جی پنجاب نے مزید کہا کہ تھانے بدمعاشوں کیلئے سخت مقام ہیں ۔ جبکہ شرفاء کیلئے یہ دار الامن ثابت ہوں گے۔ آئی جی پنجاب نے آر پی او شیخوپورہ ریجن ڈاکٹر انعام وحید، ڈی پی او قصور صہیب اشرف اور متعلقہ افسران کے ہمراہ نئے تعمیر شدہ تھانہ کا تفصیلی معائنہ کیا۔ یادگار شہداء پر فاتحہ خوانی کی اور پھولوں کے گلدستے رکھے، فرنٹ ڈیسک ،میس, حوالات ،ایس ایچ او آفس،محرر آفس، بیرکس، آئی اوز آفس کی کوالٹی چیک کی اور تھانہ کی صفائی ستھرائی کا خیال رکھنے کے متعلق احکامات بھی جاری کیٸے۔
کندھ کوٹ : واپڈا کی نجکاری کے خلاف واپڈا ہائیڈرو یونین کی جانب سے وفاقی حکومت کے خلاف احتجاجی مظاہرہ
باغی ٹی وی : کندھ کوٹ (نامہ نگار) واپڈا کی نجکاری کے خلاف واپڈا ہائیڈرو یونین کی جانب سے وفاقی حکومت کے خلاف احتجاجی مظاہرہ
تفصیلات کے مطابق کندھ کوٹ میں واپڈا کی نجکاری کے خلاف واپڈا ہائیڈرو یونین کی جانب سے واپڈا آفیس کے آگے وفاقی حکومت کے خلاف ہاتھوں میں بینر اٹھا کر احتجاجی مظاہرہ کیا،مظاہرین نے واپڈا کی نجکاری کے خلاف شدید شدید نعرے بازی کی۔ اس موقع پر واپڈا ہائیڈرو یونین کے رہنما اصغر علی بجارانی۔ بابو یونس ملک۔ فقیر سکندر علی باجکانی۔ نور اللہ سومرو۔ غلام محمد باجکانی۔ اور دیگر میڈیا سے گفتگو کرتے ہوئے انہوں نے کہا کہ وفاقی حکومت جو واپڈا کی نجکاری پر اتر آئے ہے حکومت کو پورے پاکستان کے ملازمین نجکاری نہیں ہونے دے گی۔ پیلے بھی ہم نے جدوجھد کی ہے ابھی کر رہے ہیں ہمارے مطالبے واپڈا ملازمین کا کوٹہ بحال کیا جائے اور ریٹائر ہونے والے ملازمین کے بیٹوں کو نوکریاں دی جائیں۔ سٹاف شاٹیج کو ختم کیا جائے، لائن سٹاف کے ساتھ حادثات ہوتے ہیں، گاڑیاں دی جائے زیادہ بل کی وجہ عوام اور ملازمین میں کشیدگی ہو جاتی ہے مظاہرین نے مطالبہ کیا کہ بجلی سستی کی جائے اگر ہمارے مطالبات تسلیم نہیں کیے گئے تو واپڈا ہائیڈرو یونین کی جانب سے اسلام آباد کی طرف لانگ مارچ کیا جائے گا۔
ننکانہ صاحب: ضلعی پولیس کی ماہ ستمبر کی کارکردگی رپورٹ جاری، 4 خطرناک ڈکیت گینگز گرفتار ، لاکھوں روپے کامال مسروقہ برآمد
باغی ٹی وی ننکانہ صاحب (احسان اللہ ایاز) ڈی پی او سید خالد ہمدانی کی ہدایت پر ضلعی پولیس ننکانہ صاحب کی ماہ ستمبر کی کارکردگی رپورٹ جاری کر دی گئی۔ تفصیلات کے مطابق ضلعی پولیس نے ماہ ستمبر میں 4 خطرناک ڈکیت گینگز گرفتار کیے۔ ملزمان سے 8 لاکھ 65 ہزار روپے کا مسروقہ مال اور نقدی برآمد کی گئی۔ مختلف کاروائیوں کے دوران قتل، ڈکیتی و چوری سمیت مختلف مقدمات میں مطلوب 90 مجرمان اشتہاری گرفتار کیے۔ 103عدالتی مفروران اور 24 سابقہ ریکارڈ یافتگان گرفتار کیے۔ چوری اور ڈکیتی کے مختلف مقدمات میں ملزمان سے 13 لاکھ 91 ہزار 680 روپے سے زائد مالیت کی نقدی اور مال ریکور کیا گیا۔ مزید کاروائیوں میں ناجائز اسلحہ قبضہ میں رکھنے، ہوائی فائرنگ اور اسلحہ کی نمائش کرنے پر 82 مقدمات درج کیے اور ملزمان سے 64 پسٹل، 5 کلاشنکوف، 7 رائفل، 7 بندوقیں اور 616 گولیاں اور کارتوس برآمد کیے۔ منشیات و شراب فروشی کے خلاف کریک ڈاون میں 61 مقدمات درج کیے اور ملزمان سے 23 کلو سے زائد چرس اور 573 لیٹر شراب برآمد کی۔ ڈسٹرکٹ پولیس ننکانہ صاحب نے پتنگ بازی ایکٹ کی خلاف ورزی پر 7 مقدمات درج کر کے 5 پتنگ بازوں اور 3 دوکانداروں کو گرفتار کیا۔ ملزمان کے قبضہ سے 443 پتنگیں برآمد کیں۔ دریں اثناء مزید کاروائیوں کے دوران کرایہ داری ایکٹ کی خلاف ورزی پر 5 جبکہ ساونڈ سسٹم ایکٹ کی خلاف ورزی پر 1 مقدمہ درج کیا۔ پکار 15 پر بوگس اور جھوٹی کال کرنے والوں کے خلاف 8 مقدمات درج کیے۔ ننکانہ صاحب پولیس نے خدمت مراکز پر آنے والے 1246 شہریوں کو سہولیات فراہم کیں جبکہ ٹریفک پولیس ننکانہ نے 576 شہریوں کو ڈرائیونگ لائسنس جاری کیے۔ ڈی پی او سید خالد ہمدانی کا کہنا ہے کہ ضلعی پولیس عوامی جان و مال کے تحفظ اور سماجی خدمت کو یقینی بنانے میں دن رات مصروف عمل ہے۔جرائم پیشہ عناصر کی بیخ کنی اولین ترجیح ہے
شیخوپورہ : یوٹیلیٹی سٹوروں پر آٹا ،گھی ،چینی غائب ،بازار میں دکانوں پر سستے داموں فروخت کا انکشاف
باغی ٹی وی شیخوپورہ تحصیل مریدکے(محمد طلال سے) یوٹیلیٹی سٹوروں پر آٹا گھی چینی غائب دکانوں پر سستے داموں فروخت کا انکشاف عوام پنجاب سرکار کی طرف سے سستی خوردونوش اشیاء خریدنے سے محروم شہریوں کا وزیراعلی پنجاب سے نوٹس کا مطالبہ تفصیلات کیمطابق قادری بازار راوی ریان بنگلہ پلی روڈ پنڈ مریدکے کی سرکاری یوٹیلیٹی سٹوروں پر آٹا گھی چینی اکثر غائب رہتا ہے دیہاتی و بازاری دکانوں میں سرکاری ٹیگ شدہ بیگ اتار کر آٹا گھی چینی سستے داموں فروخت کرنے کا انکشاف ہوا ہے دیگر اشیاء مارکیٹ سے مہنگے داموں ملتی ہیں عوام سرکار کی طرف سے دی گئی سبسٹدی سے محروم ہو گئی کوئی پوچھنے والا نہیں ہے آئے دن آٹا چینی گھی کا غائب ہونا اور دیہاتی و بازاری دکانوں میں فروخت ہونا لمحہ فکریہ ہے اور دوسری طرف بازاروں میں سبزیاں دالیں گھی آٹا چینی چکن بیف مٹن خوردونوش کی اشیاء زائد ریٹوں پر فروخت ہو رہیں ہیں مہنگائی نے عوام کی کمر توڑ دی ہے پرائس کنٹرول کمیٹیاں و تحصیل انتظامیہ منافع خوروں کو لگام ڈالنے میں ناکام ہو گئی ہیں شہر بھر سمیت نارووال چوک شیخوپورہ چوک روڈز کے دونوں اطراف تجاوزات قابضین نے قبضے کر رکھے ہیں ایک کھوکھا و ہوٹل فروٹ فروش ریڑھی بان سے روزانہ انتظامیہ مبینہ طور پر ہزاروں روپے اور ماہانہ لاکھوں وصول کرتے ہیں منی پٹرول پمپوں کی بھرمار ایل پی جی گیس کی ری فلنگ شہر بھر میں جگہ جگہ گندگی کے ڈھیر بغیر نقشہ منظوری کے غیر قانونی گھر پلازوں کی تعمیرات کر لی گئی ہیں پٹوارخانوں میں پرائیویٹ منشیوں کی اجارہ داری مریدکے میں لاقانونیت کے ڈیرے چھائے ہیں شہریوں نے لوکل گورنمنٹ کے افسران تحصیل اور بلدیہ کی موجودہ انتظامیہ کی لاقانونیت پر وزیراعظم پاکستان وزیراعلیٰ پنجاب چیف سیکرٹری پنجاب سیکرٹری بلدیات سے فوری مذکورہ بے ضابطگیوں پر کاروائیاں کرنے کا مطالبہ کیا ہے
