Author: ڈاکٹرغلام مصطفی بڈانی

باغی ٹی وی : ڈیرہ اسماعیل خان(نامہ نگار ) سی آر بی سی کینال کی بروقت بحالی، نالوں کی صفائی اور مرمت کیلئے سابق وفاقی وزیرسردارعلی امین خان گنڈہ پور کی کوششوں سے صوبائی حکومت کی جانب سے محکمہ ایری گیشن کو کروڑوں روپے کے فنڈز کی فراہمی کردی گئی،اس سلسلے میں ٹھیکیداروں سے ٹینڈرزلیے جارہے ہیں تاکہ سی آربی سی کینال کی بروقت بحالی ہواورزمینداروں کی مشکلات کا ازالہ کیاجاسکے۔تفصیلات کے مطابق سابق وفاقی وزیرسردارعلی امین خان گنڈہ پور کی کوششوں سے صوبائی حکومت نے سی آر بی سی کینال کی بروقت بحالی، نالوں کی صفائی اور مرمت کیلئے محکمہ ایری گیشن کو کروڑوں روپے کے فنڈز ریلیز کر دیے ہیں تاکہ نہر کی تعمیر ومرمت کے لیے جلد کام کاآغازکردیاجائے۔ اس سلسلے میں ٹھیکیداروں سے سی آر بی سی کینال کی بحالی، نالوں کی صفائی اور مرمت کیلئے ٹینڈرز لیے جارہے ہیں۔اس موقع پرسابق وفاقی وزیرسردارعلی امین خان گنڈہ پور نے کہاکہ سی آر بی سی کینال کی بروقت بحالی کیلئے متعلقہ محکمہ بروقت اقدامات اٹھائے اسی طرح نالوں کی صفائی اور مرمت بھی کی جائے تاکہ نہ صرف پانی کی روانی بحال رکھی جا سکے بلکہ زمینداروں کو تسلسل کے ساتھ پانی کی فراہمی کو بھی یقینی بنایا جا سکے۔انہوں نے کہا کہ سیلاب سے متاثرہ نہروں اور نالوں کی فوری مرمت کر کے مکمل فعال بنایا جائے کیونکہ جہاں سیلاب سے متاثرہ لوگوں کیلئے ریلیف اور امدادی سرگرمیاں کی گئی ہیں وہیں انفراسٹرکچر کی بحالی بھی ازحد ضروری ہے لہٰذا نہری نظام سی آر بی سی کینال کی بروقت بحالی، نالوں کی صفائی اور مرمت کیلئے کاوشیں تیز کی جائیں۔سابق وفاقی وزیرسردارعلی امین خان گنڈہ پو رنے کہاکہ سی آربی سی نہر کی بحالی،نالوں کی صفائی اورمرمت میں کرپشن اورکوتاہی برداشت نہیں کی جائے گی۔

باغی ٹی وی :ڈیرہ اسماعیل خان( نامہ نگار)میڈیکل سٹورکاملازم مالک کے پانچ لاکھ کا ٹیکہ لگاکر رفوچکرہوگیا،مالک کی رپورٹ پرتھانہ گومل یونیورسٹی پولیس نے مقدمہ درج کرکے ملزم کی تلاش شروع کر دی۔ تفصیلات کے مطابق تھانہ گومل یونیورسٹی میں داؤد الرحمن ولد خورالرحمن سکنہ نورنگ نے رپورٹ درج کرائی ہے کہ میں میڈیکل کے کاروبا رسے وابستہ ہوں۔ میراملزم نوید احمد ولد مسعود احمداعوان سکنہ عید گاہ کلاں میری میڈیسن کی رقم گاہکوں سے لے کر فرارہوگیا ہے۔ فروخت کی جانے والی میڈیسن کی رقم پانچ لاکھ روپے ہے۔ تھانہ گومل یونیورسٹی پولیس نے مدعی داؤدالرحمن کی رپورٹ پر ملزم نوید احمد کے خلاف دھوکہ دہی کا مقدمہ درج کرکے ملزم کی تلاش شروع کر دی ہے۔

باغی ٹی وی :ڈیرہ اسماعیل خان(نامہ نگار)زنانہ ہسپتال میں ڈاکٹرزنرسزوعملہ جلادبن گئے، زنانہ ہسپتال میں علاج کی غرض سے لائی جانے والی خواتین سے جانوروں جیساسلوک ہونے لگا،ہسپتال کاعملہ مریضوں کے تیمارداروں سے بداخلاقی سے پیش آنے لگا اور انتہائی ہتک آمیزرویہ اختیارکیاجانے لگاہے،گائنی وارڈ ویرانی کامنظرپیش کررہاہے،زنانہ ہسپتال میں ڈاکٹرزونرسزکی نااہلی کی وجہ سے نرسری میں نولومودبچوں کی دیکھ بھال اوربروقت علاج نہ ہونے کی وجہ سے ناخوشگوارواقعات روزکامعمول بن گئے جبکہ صفائی کی صورتحال انتہائی ابترہوچکی ہے، زنانہ ہسپتال میں جابجاگندگی کے ڈھیر پڑے ہیں جنہیں ٹھکانے لگانے والاکوئی نہیں ہے اورہرطرف گندگی ہی گندگی پھیلی ہوئی ہے جس کی وجہ سے ہرطرف بدبوپھیل چکی ہے اورمختلف قسم کی بیماریاں پھیل رہی ہیں،زنانہ ہسپتال انتظامیہ بے حسی کا شکارہے اورخواتین شفایاب ہونے کی بجائے مزید بیماریوں کاشکارہورہی ہیں۔ ڈیرہ کے عوامی سماجی حلقوں نے سابق وفاقی وزیرسردارعلی امین خان گنڈہ پور اورڈپٹی کمشنر ڈیرہ نصراللہ خان سے زنانہ ہسپتال انتظامیہ سے عملے کی کارکردگی بہتربنانے کامطالبہ کیاہے۔تفصیلات کے مطابق زنانہ ہسپتال میں آوے کاآوابگڑاہواہے اورسب اپنی من مانیوں میں مصروف ہیں۔ زنانہ ہسپتال میں ڈاکٹرزنرسزوعملہ جلادبن گئے۔ زنانہ ہسپتال میں علاج کی غرض سے لائی جانے والی خواتین مریضوں سے جانوروں جیساسلوک کیاجانے لگاہے۔زنانہ ہسپتال کاعملہ مریضوں کے تیمارداروں سے بداخلاقی سے پیش آنے لگاہے اور ان سے انتہائی ہتک آمیزرویہ اختیارکیاجانے لگاہے۔مریضوں کو مفت سرکاری ادویات فراہم نہیں کی جاتی ہیں۔زنانہ ہسپتال میں ڈاکٹرزونرسزکی نااہلی کی وجہ سے نرسری میں نولومودبچوں کی دیکھ بھال اوربروقت علاج نہ ہونے کی وجہ سے ناخوشگوارواقعات روزکامعمول بن گئے۔زنانہ ہسپتال میں صفائی کی صورتحال انتہائی ابترہوچکی ہے اور ہسپتال میں جابجاگندگی کے ڈھیر پڑے ہیں جنہیں ٹھکانے لگانے والاکوئی نہیں ہے۔صفائی نہ ہونے کی وجہ سے ہرطرف بدبوپھیل چکی ہے اورمختلف قسم کی بیماریاں پھیل رہی ہیں۔زنانہ ہسپتال کے ڈاکٹرز،نرسز اورعملہ بے حسی کاشکارہوگئے ہیں اورانہیں مریضوں کی تکلیف کاکوئی احساس نہیں ہے۔زنانہ ہسپتال میں خواتین شفایاب ہونے کی بجائے مزید بیماریوں کاشکارہورہی ہیں۔ ڈیرہ کے عوامی سماجی حلقوں نے سابق وفاقی وزیرسردارعلی امین خان گنڈہ پور اورڈپٹی کمشنر ڈیرہ نصراللہ خان سے زنانہ ہسپتال انتظامیہ کی بے حسی اورلاپرواہی پر بازپرس کرنے اورکاروائی کا مطالبہ کیا ہے۔انہوں نے کہاکہ ڈاکٹرز،نرسز وعملے کو مریضوں اوران کے تیمارداروں سے اخلاق سے پیش آنے،بروقت علاج کرنے کاپابندبنایاجائے۔