Author: ڈاکٹرغلام مصطفی بڈانی

لاہور میں ایک ڈکیتی کے الزام میں گرفتار شیخوپورہ کے رہائشی 19 سالہ ملزم نے پولیس اور میڈیا کو دیے گئے بیان میں کہا کہ وہ میٹرک پاس ہے اور پولیس میں بھرتی ہوکر ڈاکوؤں کے خلاف کارروائی کرنا چاہتا تھا۔
باغی ٹی وی : لاہور (ویب ڈیسک)پنجاب پولیس نے ڈکیتی میں ملوث ایک ایسے ملزم کو گرفتار کیا ہے جس کا کہنا ہے کہ اس نے پولیس فورس میں بھرتی ہونے کے لیے آٹھ لاکھ روپے کا ڈاکہ ڈالا، تاہم پولیس کے مطابق اس بیان کی کوئی اہمیت نہیں،پولیس کے مطابق لاہور کے علاقے غالب مارکیٹ میں شیخوپورہ کے ایک تین رکنی گینگ نے ایک کمپنی کے دفتر میں کچھ دن پہلے اسلحے کے زور پر ڈکیتی کی، جس میں ملوث دو افراد کو گرفتار کیا گیا۔ان میں سے ایک نے دوران تفتیش بیان دیا کہ وہ پنجاب پولیس میں کانسٹیبل بھرتی ہونا چاہتا تھا تاہم اسے معلوم ہوا کہ اس کے لیے تین لاکھ روپے لگیں گے تو اس نے پیسے حاصل کرنے کے لیے دوستوں کے ساتھ مل کر ڈکیٹی کی.
شیخوپورہ کے رہائشی 19 سالہ مہران طارق نامی ملزم نے پولیس اور میڈیا کو دیے گئے بیان میں کہا کہ وہ میٹرک پاس ہے اور پولیس میں بھرتی ہوکر ڈاکوؤں کے خلاف کارروائی کرنا چاہتا تھا۔ملزم کے بقول پولیس میں بھرتی ہونے کی خواہش لے کر وہ ایک مقامی اکیڈمی میں تیاری کے لیے گیا جہاں اسے معلوم ہوا کہ کانسٹیبل بھرتی ہونے کے لیے تین لاکھ روپے لگتے ہیں۔جب یہ بات اس نے اپنے والد کو بتائی، جو محنت مزدوری کرتے ہیں، تو انہوں نے بیٹے کے لیے ایک لاکھ روپے کا بندوبست کردیا مگر دو لاکھ کی مزید ضرورت تھی۔
مہران کے بقول ان کے قریبی دوست مقدس اور کاشف نے انہیں مشورہ دیا کہ پیسے حاصل کرنے کا ایک ہی راستہ ہے کہ وہ ان کے ساتھ مل کر ڈکیٹی کریں جس سے وہ دو لاکھ فوری حاصل کرسکتے ہیں۔لہذا تینوں دوستوں نے منصوبہ بنایا اور لاہور آگئے جہاں انہوں نے چند دن پہلے غالب مارکیٹ میں کھانے کی اشیا کی فراہمی کرنے والی ایک کمپنی کے دفتر میں رات کے وقت ڈکیتی کی۔پولیس کے مطابق ملزمان دوران ڈکیتی آٹھ لاکھ روپے نقدی اور دیگر سامان لے کر فرار ہونے میں کامیاب ہوگئے تھے، تاہم نے پولیس ان میں سے ایک، مقدس کو گرفتار کر لیا تھا۔پولیس کا کہنا تھا کہ ملزمان نے واردات میں ملوث ہونے کا اقبال جرم بھی کر لیا اور ان سے پیسے اور اسلحہ بھی برآمد ہوا ہے تو انہیں قانون کے مطابق سزا ملے گی۔

باغی ٹی وی پنڈی بھٹیاں(شاھدکھرل) ایس ڈی او واپڈا سب ڈویژن سید عامر شاہ کی کرپشن کے چرچے عام کسان اتحاد کا واپڈا آفس کے باہر احتجاج تفصیلات کے مطابق بجلی کے بل اوپر سے ایس ڈی او سید عامر شاہ نے غریب عوام کی چیخیں نکلوا دیں،کسانوں کا حکومت کے بعد ایس ڈی او کی جانب سے زرعی موٹر کنکشن پر اضافی 10 ہزار اور گھریلو کنکشن پر 3ہزار سی پی 52 کے تحت ڈالے جانے پرواپڈا آفس کے باہر احتجاج کیا زرعی کنکشن 3200 سو ہیں اور گھریلو کنکشن 40 ہزار اگر اس جگا ٹیکس کو جمع کیا جائے تو کڑوروں روپے اکٹھا ہوتا ہے ایس ڈی او نے اضافی یونٹ اور سی پی 52 کے ٹیکس ڈال کر ظلم اور نا انصافی کی انتہا کر دی ہے کسانوں کا کہنا ہے یہ ٹیکس کس قانون کے تحت ڈالے جارہے ہیں بجلی کی بلوں میں صرف شدہ یونٹ کا بل کم اور ٹیکسز دوگنا زیادہ ڈال کر آتے ہیں جو بل ہزاروں روپے میں آتا تھا وہ بل اب لاکھوں میں آرہا ہے اب ہم میں سکت ہی نہیں رہی ہم بل ادا کر سکیں گورنمنٹ کی طرف سے سنگل فیز گھریلو میٹر تبدیل کرنےکی فیس 2250 ہے ایس ڈی سائن کرنے کے 1500 الگ لیتا ہے اور زرعی میٹر کی کاسٹ 9 ہزار ہے اس پر بھی ایس ڈی او کا جگا ٹیکس 3500 سو تک ہے کسانوں نے وزیر پانی و بجلی وزیراعظم سے دردمندانہ اپیل کی ہے کہ وہ اپنے فیصلوں پر نظر ثانی کریں اور ہمیں ایس ڈی او واپڈا سب ڈویژن کے ظالمانہ جگا ٹیکس سے نجات دلائی جائے

باغی ٹی وی : چونیاں(عدیل اشرف سے) تھانہ سٹی فرنٹ ڈیسک مورنگ شفٹ والا عملہ نے سائلین سے بدتمیزی و بد اخلاقی معمول بنا لی،شہری محمد منشاء ایف آئی آر کی کاپی لینے گیا تو فی میل کمپیوٹر اپریٹر نے انتظار کے بعد بد تمیزی کرتے ہوئے دفتر سے باہر نکلوا دیا،ایک گھنٹہ انتظار کروانے کے بعد کہا کہ پرنٹر کے کاغذات ختم ہیں شام کو آنا، متاثرہ شخص کا آر پی او شیخوپورہ ریجن اور ڈی پی او قصور سے اصلاح واحوال کا مطالبہ تفصیلات کے مطابق شہری محمد منشاء جو کہ ڈکیتی کے مقدمہ کا تھانہ سٹی میں مدعی ہے ایف آئی آر کے حصول کے لئیے فرانٹ ڈیسک پر گیا تو وہاں ڈیوٹی پر موجود فی میل نے بدتمیزی کرتے ہوئے اسے دفتر سے باہر نکلوا دیا ایک گھنٹہ انتظار کرنے کا بولا شہری ایک گھنٹہ انتظار کرنے کے بعد جب دوبارہ گیا تو فی میل کمپیوٹر اپریٹر نے بدتمیزی اور بد اخلاقی کرتے ہوئے کہا کہا کہ پرنٹر کے کاغزات ختم ہیں شام کو آنا شہری محمد منشاء کا کہنا ہے کہ فی میل کمپیوٹر اپریٹر کا سائلین سے رویہ انتہائی بدتمیزی والا ہوتا ہے اور دوران ڈیوٹی موبائل پر مصروف رہتی ہے۔ موٹر سائیکل چوری، ڈکیتی اور لڑائی جھگڑے اور دیگر مدعیوں کی فرنٹ ڈیسک پر درخواستیں کی وصول نہیں کرتیں کہ پہلے ایس ایچ او کا فون کراؤ، مدعی مقدمہ 513/22 محمد منشاء و دیگر شہریوں نے آر پی او شیخوپورہ ریجن اور ڈی پی او قصور صہیب اشرف سے فوری اصلاح و احوال کا مطالبہ کیا ہے