Author: ڈاکٹرغلام مصطفی بڈانی

پیرمحل : سندیلیانوالی میں نامعلوم چور دو موٹر سائیکل لے اڑے مقدمات درج ۔
باغی ٹی وی (وقاص شریف نامہ نگار) تفصیلات کے مطابق: موٹر سائیکل چوری کی پہلی واردات بستی بہار شاہ کے رہائشی سکندرعلی کے ساتھ ہوئی جو امام بارگاہ بستی باقر آباد مجلس سننے کے لیے آیا اور اپنی موٹرسائیکل امام بارگاہ کے باہر کھڑی کی جب وہ مجلس سن کر واپس آیا تو موٹرسائیکل غائب تھی اُس نے ذاتی طور پر موٹر سائیکل کی جانچ پڑتال شروع کی تو اسے مجاہد اور تصور عباس جو کہ مقامی افراد ہیں نے بتایا کہ انہوں نے علمدار ولد زوار حسین کو موٹر سائیکل لے جاتے ہوئے دیکھا ہے جس پر سکندر علی نے علمدار سے رابطہ کیا جس نے بڑی مشکل سے موٹرسائیکل چوری کرنا تسلیم کیا اور واپس کرنے کا بھی وعدہ کیا مگر بار بار رابطہ کرنے پر بھی اس نے موٹر سائیکل واپس نہ کی جس پر سکندر علی نے تھانہ اروتی کو درخواست دے دی اور ملزم کو نامزد کر کے مقدمہ درج کرا دیا ۔۔ دوسری واردات میں موضع نواب بھوتی کے رہائشی غلام شبیر نے تھانہ اروتی کو درخواست گزاری کہ اُس کا بیٹا معمول کے مطابق صبح سویرے اپنے سکول ایور گرین سند یلیا نوالی گیا اور موٹر سائیکل مخصوص جگہ کھڑی کی جب بریک کے وقت اُس نے موٹر سائیکل چیک کیا تو وہ غائب تھا ۔ تمام تر کوشش کے باوجود موٹر سائیکل کہیں نہ ملا اس طرح وہ ایک لاکھ روپے کی مالیت کی موٹر سائیکل سے محروم ہو گیا نامعلوم چور وہ موٹر سائیکل اٹھانے میں بھی کامیاب ہو گئے تھانہ اروتی نے مقدمہ درج کر لیا ۔۔ واضح رہے کہ گزشتہ چند ہفتوں سے تھانہ اروتی کے ایریا میں موٹر سائیکل غائب کرنا بائیں ہاتھ کا کھیل بن چکا ہے ۔ نامعلوم ملزمان پلک جھپکتے ہی موٹر سائیکل نہ صرف اٹھا لیتے ہیں بلکہ ایسا غائب کرتے ہیں کہ انسانی آنکھ اُسے ڈھونڈ نہیں پاتی ۔ بد قسمتی سے ہماری پولیس بھی اس گینگ کو پکڑنے میں مسلسل ناکام رہی ہے

سیالکوٹ پولیس کے تشدد سے زیر حراست بشیر مسیح کا قتل قابل مزمت ہے،2022 میں سیالکوٹ پولیس کے تشدد سے دوسری موت کا واقعہ انسانیت سوز ہے۔بابر سلہری مرکزی صدر
باغی ٹی وی (عدیل اشرف کی رپورٹ ) تفصیلات کیمطابق انسانی حقوق کی عالمی تنظیم یوتھ اسمبلی فار ہیومن رائٹس کے مر کزی صدر بابر سلہری نے میڈیا کو جاری کردہ بیان میں بتایا ہے کے بشیر مسیح کا قتل حد سے زیادہ تشدد کی وجہ سے ہوا ہے۔ 2022 میں یہ سیالکوٹ پولیس کا دوسرا قتل ہے۔ D.P.O حسن اقبال کے دور میں تھانہ مراد پور میں غریب خاتون شہناز بی بی کو دوران تفتیش قتل کر دیا گیا جس کے تین چھوٹے بچے تھے اور اٗس کے خاندان کو اتنا ڈرایا گیا کے وہ علاقہ چھوڑ کر انڈر گرونڈ ہو نے پر مجبور ہو گے۔ یاد رہے پولیس حراست میں قتل صرف غریب ملزمان کا ہی ہوتا ہے جو رشوت دینے کی مالی حثیت نہیں رکھتے ہیں۔ انہوں نے بتایا کے مرکزی آفس کی طرف سے چیف منسٹر اور I.G پنجاب سے انصاف کا مطالبہ کیا ہے۔YAHR لیگل ڈیپارٹمنٹ ان دونوں کیسزز کو ہائی کورٹ میں چیلنج کرے گا انکوئری افسران سمیت ڈاکٹرز کو بھی نوٹس جاری کیے جائیں گے۔ مگر جب قتل ہونے والے افراد کے لواحقین کو ڈرا دھما کا کر صلح لکھی جاتی ہے تو انسانیت دم توڑ دیتی ہے۔ انصاف کا یہ دوہرا نظام مذہیب اسلام آئین پاکستان اور نظام عدل کی توہین ہے۔

تحصیل آفس پیرمحل میں ایجنٹوں اور ٹاؤٹ مافیا کا راج ، عوام جائز کام کے لیے بھی ذلیل خوار
باغی ٹی وی :پیرمحل (وقاص شریف نامہ نگار)تفصیلات کے مطابق: تحصیل آفس پیرمحل میں ایجنٹوں اور ٹاؤٹ مافیا کا راج عوام جائز کام کے لیے بھی ذلیل خوار
تحصیل آفس کا ہر کام ایجنٹوں اور ٹاؤٹ مافیا کے ذریعے ہونے لگا، تحصیل آفس میں رجسٹری کے دوران تحصیلدار کا ایک پرسنٹ الگ اور ماتحت عملے کی پرسنٹییج الگ دینا پڑتی ہے سرعام کرپشن عروج پرہے ، رجسٹری کروانے پر رجسٹری محرر کے الگ ریٹ، تصاویر بنانے کے الگ ریٹ ، کلرک کے الگ ریٹ، اردلی اور خاکروب کی مبارکباد کے الگ ریٹ مقرر ہیں ،میڈیا نے سرعام کرپشن کے ثبوت حاصل کر لیے ،تحصیل آفس میں رجسٹری کے نام پر کرپشن کو ایجنٹوں اور ٹاؤٹ مافیا نے تحصیلدار سمیت ماتحت عملے کی فیس کا نام دے رکھا ہے،نئے آنے والے ڈپٹی کمشنر محمد ارشد اور اسسٹنٹ کمشنر پیرمحل عرفان مارٹن سے نوٹس لینے کا مطالبہ

باغی ٹی وی: شیخوپورہ (محمد طلال سے) شیخوپورہ فاروق آبادسچا سودا فاروق آباد میں تیز رفتار موٹر سائیکل آئل ٹینکر کے ساتھ ٹکرا گئی۔ حادثے میں 1 طالبہ اور 1 طالبعلم جاں بحق سمیت 2 سکول کے بچے زخمی ہو گئے۔ ریسکیو 1122شیخوپورہ کی امدادی ٹیم نے موقع پر پہنچ کر زخمی بچوں کو طبی امداد کے بعد ہسپتال منتقل کردیا جبکہ جاں بحق بچوں کی لاشوں کو پولیس کے حوالے کردیا۔

باغی ٹی وی : چونیاں ( نامہ نگار )برادرز شوگر ملز چونیاں کے بقایاجات کے لیے کسانوں کی امید کی کرنیں ختم ہونے لگی،کچھ کسانوں کو رقم مل گئی باقی کسان اے سی چونیاں کے دفتر کے چکر لگا لگا کر تھک گئے شگر ملز نے کسانوں کو گنے کی قیمت تاحال ادا نہ کی، غریب کسان سخت پریشان،تفصیلات کے مطابق تحصیل چونیاں میں واقع برادرز شوگر ملز چونیاں نے سال 2014,2015 میں کسانوں سے خریدے گئے گنے کی قیمت ادا نہیں کی جس کے باعث کسان سخت پریشان ہیں ،کسانوں نے گزشتہ سال سپریم کورٹ میں رقم کے حصول کیلئے کیس دائر کیا تھا جس پر اگست 2021 میں عدالت نے حکم جاری کیا تھا کہ کسانوں کو رقم چینی کی فروخت سے ہونے والی رقم سے کی جائے کسانوں کی مسلسل کوششوں سے اپریل 2022 میں سابقہ اے سی چونیاں رضوان الحق پوری نے کسانوں کو کچھ رقم دلوائی تاہم حکومت بدلتے ہی پھر سے کسانوں کو رقم نہیں دی جا رہی جس کے باعث کسان سخت پریشان ہیں۔ عبدالغفور تبسم، چوہدری عبدالستار ساجد، سردار ظہور احمد، پرویز اقبال و دیگر کسانوں نے وزیراعظم پاکستان و وزیر اعلیٰ پنجاب سے رقم کی ادائیگی کروانے کا مطالبہ کیا ہے۔