Author: ڈاکٹرغلام مصطفی بڈانی

باغی ٹی وی – پیرمحل (وقاص شریف )سندھیلیانوالی ڈکیتی کے ملزم گرفتار، لوٹی گئی رقم واپس کروائی جائے، پی ایم اے کے اجلاس میں ڈاکٹروں کا مطالبہ
تفصیلات کے مطابق: سندھیلیانوالی پاکستان میڈیکل ایسوسی ایشن کا اجلاس پیرمحل کے ہوٹل میں منعقد ہوا، جسمیں سندھیلیانوالی، پیرمحل، کمالیہ، ٹوبہ ٹیک سنگھ کے ڈاکٹروں نے شرکت کی، پریس کانفرنس کرتے ہوئے ڈاکٹر غلام مصطفی چوہدری نے مطالبہ کیا، میرے گھر میں ڈاکوؤں نے اہل خانہ کو یرغمال بنا کر 45 لاکھ مالیت سے زید نقدی اور زیورات لوٹ لئیے تھے، پولیس نے 6 ڈاکو گرفتار کر لئیے ہیں، اور دو ابھی تک مفرور ہیں،پولیس گرفتار ڈاکوؤں سے رقم اور زیورات برآمد نہیں کروا سکی ہے، جسکے بعد پولیس کی کارگردگی اور تحقیقات پر سوالات جنم لے رہے ہیں، دو ڈاکو مفرور ہیں، پولیس تاحال انکو گرفتار کرنے میں ناکام ہے، ہم آئی جی پنجاب سے لوٹی گئی رقم ڈاکوؤں سے برآمد کروانے کا مطالبہ کرتے ہیں ،تحصیل صدر ڈاکٹر رمضان چوہدری نے کہا ڈاکٹر عدم تحفظ کا شکار ہیں، ڈکیتی کے دوران لوٹا گیا مال اگر پولیس برآمد نہیں کروا سکتی، تو ہم ضلع لیول پر ہڑتال اور احتجاج کا حق محفوظ رکھتے ہیں، اور تمام ضلع کے ڈاکٹروں نے اظہار یکجہتی کیا ہے، وزیر اعلیٰ پنجاب، آئی جی پنجاب آر پی او فیصل آباد، ڈی پی او ٹوبہ ٹیک سنگھ سندھیلیانوالی کی تاریخ کی سب سے بڑی ڈکیتی میں لوٹے گئے پیسے اور زیورات فوری طور پر برآمد کروا کے ڈاکوؤں کو نشان عبرت بنایا جائے

پیرمحل – سند یلیا نوالی میں روٹی، نان اور سموسے، پکوڑے شاہی غریب کی پہنچ سے دور ہوگئے ، قیمتیں آ سمان پرجا پہنچیں
باغی ٹی وی -پیر محل ( وقاص شریف کی رپورٹ)پیرمحل سند یلیا نوالی میں روٹی نان اور سموسے پکوڑے شاہی خوراک بن گئے ۔۔ قیمتیں آ سمانوں پر چڑھ گئیں ۔ روٹی نان سموسے پکوڑے جو کہ خالصتاً غریب پرور ڈشیں مانی جاتی تھیں ان دنوں ان کی قیمتیں آ سمان پر اور کوالٹی زمین پر آ چکی ہے ۔۔ حکومت پنجاب کی پالیسی کے بر عکس سند یلیا نوالی میں 90/ فیصد تندوروں پر 60 سے 70 گرام روٹی 10 روپے میں فروخت ہو رہی ہے نان جس کی سرکاری قیمت 10 روپے ہے بڑے دھڑلے سے 20 روپے میں فروخت ہو رہا ہے اور اُس کی کوالٹی اور وزن بھی معیار کے مطابق نہیں ہے ۔۔ پکوڑے جس کو کوئی مڑ کے نہیں دیکھتا اس کی قیمت 600 روپے فی کلو ہو چکی ہے اور سموسہ جس کی لاگت بمشکل 10 سے 12 روپے کے درمیان ہے پورے 30 روپے میں فروخت کیا جا رہا ہے ،سند یلیا نوالی اس وقت مہنگائی کے اعتبار سے دوسرا دوبئی بن چکا ہے پھل سبزی کے ریٹ پہنچ سے باہر ہو چکے ہیں،دکاندار کے بتائے گئے ریٹ سرکاری لسٹ سے کوسوں آ گے ہوتے ہیں گاہک احتجاج کرے تو دکاندار بدتمیزی اوپر سے کرتا ہے ۔۔ کوئی چیک اینڈ بیلنس نہیں ہے ۔۔ انتظامیہ کے کبھی کبھار کے دورے اس نظام کو ٹھیک کرنے میں بُری طرح ناکام نظر آ تے ہیں مطلب یہاں غریبوں کا کوئی پرسان حال نہیں ہے

-باغی ٹی وی – بہاولنگر (نامہ نگار) بہاولنگر کی تحصیل چشتیاں میں ڈاکو بے لگام لاکھوں روپے کا مال و زر لوٹ لیا گیا شہر بھر میں جرائم پیشہ افراد کی بھر مار،وار داتیں معمول بن گئیں شہری لٹنے پر مجبو ر پولیس بے بس عوام سراپا ء احتجاج، تفصیلات کے مطابق چشتیا ں کی محبوب کالونی زرعی اجناس کا کاروبار کرنے والے تاجر محمد منیر کے ہاں دن دہاڑے ڈکیتی ڈاکو موٹر سائیکل پر آئے اور دیدہ دلیری کے ساتھ اسلحہ کے زور پر چھ لاکھ روپے نقدی لے کر فرار ھو گئے ، کال کرنے پر پولیس حسب معمول روائیتی طریقہ سے پہنچی اور کارروائی شروع کی دن دیہاڑے ڈکیتی کی واردات پولیس کی کارکردگی پر سوالیہ نشان ہے گذشتہ ہفتہ میں چوری اور ڈکیتی کی وارداتوں میں اضافہ ہوا ہے اور روزانہ کی بنیاد پرچوری ڈکیتیوں کا سلسلہ جاری ہے گذشتہ دنوں سبزی منڈی روڈ پرڈکیتی کی وارداتوں میں ڈاکوؤں نے اسلحہ کے زور پر ایک گھر میں داخل ہوکر اہل خانہ کو یرغمال بناکے تین لاکھ روپے مالیت کا مال مسروقہ موبائل اور نقدی لے اڑے جس پر متاثرین کا کہنا تھا کہ پولیس حسب روائیت کارروائی کرکے چلتی بنی، شہریوں کا کہنا ہے کہ اس مہنگائی کے دور میں شہر بھر میں کاروباری نظام غیر محفوظ ہونے سے ہمارے کاروبار کے ساتھ ساتھ زندگیا ں بھی غیر محفوظ ہیں بڑھتی ہوئی وارداتوں کے باعث مقامی انجمن تاجران کا بھی کو ئی عملی کردار بھی سامنے نہیں آیا ہے . بڑھتی ہوئی ان وارداتوں کی وجہ سے عوام میں خوف و ہراس پھیل گیا عوام نے حکومت وقت سے اپیل ہے کہ ہمارے مال و جانوں کی حفاظت کی جائے اور ایماندار و فرض شناس ایس ایچ او تعینات کرکے پولیس گشت کے نظام کو مؤثر بنایا جائے اور عوام کی حفاطت کو بھی یقینی بنایا جائے ناکہ صرف کاغذی کارروائیوں تک محدود رکھا جائے۔