وادی کیلاش کے لوگ اپنے قدرتی حسن، مخصوص ثقافت، نرالے دستور، رنگا رنگ تقریبات اور نہایت دلچسپ رسومات کی وجہ سے دنیا بھر میں مشہور ہیں۔ کیلاش لوگ خوشی کے ساتھ ساتھ غمی پر بھی اپنی مخصوص رسومات ادا کرتے ہیں اور خصوصی طور پر اخروٹ والی روٹی بناکر فوتگی والے گھر بھجواتے ہیں اور اسی طرح خوشی و غمی میں ایک دوسرے کا ہاتھ بٹھاتے ہیں۔ تفصیل کیلئے چترال سے باغی ٹی وی کے نمائندے گل حماد فاروقی کی رپورٹ
Author: ڈاکٹرغلام مصطفی بڈانی
بجلی،گیس اورپٹرول کی قیمتوں میں ہوشربااضافہ صنعتوں اور عوام کیلئے زہرقاتل ہے۔چیمبر آف کامرس
ڈیرہ غازیخان ۔ چیمبر آف کامرس اینڈ انڈسٹری ڈی جی خان کی ایگزیکٹو کمیٹی کا اجلاس ، نیپرا کے ذریعے بجلی کی قیمتوں میں ہوشربااضافے کومسترد کرتے ہوئے اسے صنعتوں اور عوام کیلئے زہرقاتل قرار دے دیا ،بجلی پٹرول اور LPGکی قیمتوں میں اضافہ فوری واپس لینے کا مطالبہ،چیمبر آف کامرس اینڈ انڈسٹری کے آفس کی قطعہ اراضی کے لئے ایک کمیٹی بنانے کا اعلان، ڈیر ہ غازیخان میں ایف بی آر کا آر ٹی او آفس اور کلکٹر کسٹم کا آفس فوری طور پر قائم کر نے کا اعلیٰ حکام سے مطالبہ۔
باغی ٹی وی رپورٹ تفصیلات کے مطابق چیمبر آف کامرس اینڈ انڈسٹری ڈیرہ غازیخان کی ایگزیکٹو کمیٹی کا ایک اجلاس صدر چیمبرڈاکٹر محمد شفیق خان کی زیرِصدارت منعقد ہوا جس میں سینئرنائب سردار شہباز علی خان نصوحہ ، نائب صدرسردار خلیل احمد خان علیانی سابق صدور خواجہ محمد یونس ،سردار ذوالفقار علی خان نصوحہ، سابق سینئر نائب صدور محمد لطیف خان پتافی ،شیخ محمد طارق اسماعیل قریشی ، شیخ محمد زاہد نظام ، سابق نائب صدر مرزا محمد ظفر اقبال ممبران ایگزیکٹوکمیٹی ،سینئر ممبران چیمبر، سیکریٹری جنرل چیمبر محمد مجاہدملک کے علاوہ دیگر ٹریڈرز ایسو سی ایشن کے نمائندگان اور مرکزی انجمن تاجران کے سٹی اور ضلعی عہدیدارن و صدور نے شرکت کی اجلاس میں گذشتہ روز حکومت کی طرف سے نیپرا کے ذریعے بجلی اورپٹرول کی قیمتوں میں ہوشربااضافے کو مسترد کرتے ہوئے اسے صنعتوں اور عوام کیلئے زہرقاتل قرار دیتے ہوئے قیمتوں میں اضافہ فوری واپس لینے کا مطالبہ کیا گیا،اجلاس میں ممبر ایگزیکٹو کمیٹی عبدالکریم خان کھوسہ نے خطاب کرتے ہوئے کہاکہ میرا چیمبر آف کامرس کی توسط سے حکومت پاکستان،وزیراعظم پاکستان اورFBRکے اعلیٰ حکام سے مطالبہ ہے کہ ڈیرہ غازیخان میں FBRاپنا RTOآفس قائم کرے جہاں FBRبڑی کمپنیوںاور بڑے اداروں کو درپیش مسائل حل کرے ان بڑے اداروں کے انکم ٹیکس کے گوشوارے ،ان کے ری فنڈ کے کیس دیگر اپیل کی سماعت اور فیصلے کرنے کیلئے فی الفور اپنا RTOآفس ڈیرہ غازیخان میں قائم کرے کیونکہ یہاں کی کاروباری برادری اور بڑی کمپنیوں اور اداروں کو ملتان جانا پڑتا ہے جس سے ان کا ایک تو وقت کا ضیا ع ہو تا ہے اور مزید کئی پریشانیوں کا سامنا کرناپڑتا ہے ڈیرہ غازیخان میںRTO قائم ہونے سے ہماری آمدنی کا ٹیکس جو ایف بی آر ملتان میں جمع ہوتا ہے اس کا شماربھی ڈیرہ غازیخان میں ہو گا اور اس سے جو سہولیات اور مراعات حاصل ہوں گی ان کا ریلیف بھی ڈیرہ غازیخان کے تاجروں اور بڑی کمپنیوں کوحاصل ہوگااس سے ان کو وقتی پریشانیوں سے نجات مل جائے گی اور اس سے علاقے کی عوام کو فائدہ حاصل ہوگا۔ نیز انہوں نے یہ بھی مطالبہ کیا ڈیرہ غازیخان کلکٹر کسٹم کا آفس بھی ڈیرہ غازیخان میں قائم کیا جائے کیونکہ ڈیرہ غازیخان بلوچستان کے بارڈر پر واقع ہے یہاں سے غیرملکی گاڑیو ں کا گزر اور دیگر مصنوعات کا بھی گز ر ہوتا ہے اگر یہاں کلکٹر آفس قائم کیا جائے اس ملک کی کسٹم آمدنی میں خاطر خواہ اضافہ ہواور لوگوں کو ملتان کی بجائے ڈیرہ غازیخان میں یہ سہولیات میسر آئیں گی اس پر چیمبر آف کامرس اینڈ انڈسٹری نے حکومت پاکستان ، وزیراعظم پاکستان اور ایف بی آر کے اعلیٰ حکام سے مطالبہ کیا کہ ڈیر ہ غازیخان میں ایف بی آر کا آر ٹی او آفس اور کلکٹر کسٹم کا آفس فوری طور پر قائم کیا جائے ۔اجلاس میں چیمبر آف کامرس اینڈ انڈسٹری کے آفس کی قطعہ اراضی کے لئے صدر چیمبر ڈاکٹر محمد شفیق خان پتافی نے ایک کمیٹی بنانے کا اعلان کیایہ کمیٹی سردار ذوالفقار علی خان نصوحہ سابق صدر و چیئرمین سٹینڈنگ کمیٹیز کی قیادت میں باہمی مشاورت سے کام کرے گی اس کمیٹی کاکام چیمبر آفس کی بلڈنگ کی تعمیر کیلئے پرائیویٹ رقبہ کی شہر کے اندر یا شہرکے قریب ترین مقامات پر نشاندہی کرے گی اوراس کی قیمت کے بارے میں رپورٹ مرتب کرے گی جس کی روشنی میں ایگزیکٹو کمیٹی اپنی اگلی میٹنگ میں رقبہ کی خریداری کے لئے فیصلہ کرے گی اور آئندہ کا لائحہ عمل اختیار کرے گی اجلاس میں ڈیرہ غازیخان میں سمال انڈسٹریل اسٹیٹ کے قیام کے بارے میں غور کیا گیا ڈیرہ غازیخان میں چیمبر کی طرف سے ٹیکس فری انڈسٹریل زون اور انڈسٹریل اسٹیٹ قائم کرنے کے بارے میں حکومت سے مطالبہ کیا کیونکہ کو ئٹہ روڈپر حکومت پنجاب کا وسیع رقبہ موجود ہے اور پچھلے دور حکومت میں انڈسٹریل اسٹیٹ کے قیام کیلئے رقبہ ڈکلیئراور مختص کیاجاچکاتھا اس پر کام شروع کیا جائے حکومت وہاں انڈسٹری کے قیام کیلئے خصوصی مراعات اعلان کرے اور کم از کم دس سال کیلئے ٹیکس ہالیڈے کا علان کرے ۔اجلاس کے آخر میں چیمبر کی رکنیت کیلئے موصول ہونے والی نئی دس ممبر شپ درخواستوں کی منظور ی بھی دی گئی جوکہ چیمبر کے قواعد وضوابط کے مطابق ہر لحاظ سے مکمل تھیںاجلاس میں تاجروں اور صنعتکاروں کو درپیش دیگر مسائل پر بھی گفتگو کی گئی اور یکم جولائی سے کاروبارکی بندش کے اوقات کار کو ختم کرنے کا مطالبہ کیا گیا۔
جامعات میں نشہ آور اشیاء کی روک تھام کیلئے کام کرنا ہوگا۔گورنر پنجاب
ڈیرہ غازی خان۔گورنر پنجاب محمد بلیغ الرحمن نے کہا ہے کہ کسی معاشرے کی ترقی میں اعلی تعلیم کا کردار مسلمہ ہے، جامعات کو انڈسٹریز، کامرس، آئی ٹی اور ای مارکیٹنگ کی ذمہ داریوں کے احساس کو سمجھتے ہوئے عملی فیلڈ میں آنا ہوگا، تعلیم کو وقت کے تقاضوں کے مطابق ڈھالنا بہت ضروری ہے.وفاق اورپنجاب حکومت اعلی تعلیم کے فروغ کیلئے بھرپور وسائل فراہم کررہی ہے .فارغ التحصیل طلبہ و طالبات کو کامیابیاں سمیٹنے پر مبارکباد پیش کرتا ہوں،طلبہ کے چمکتے چہرے اس بات کے عکاس ہیں کہ وہ اپنی صلاحیتوں کو بروئے کار لاکر ملک و قوم کا نام روشن کرینگے۔
باغی ٹی وی۔ گورنر پنجاب محمد بلیغ الرحمن نے غازی یونیورسٹی ڈیرہ غازیخان کے پہلے کانووکیشن سے خطاب کرتے ہوئے کہاکہ ہماری زندگیوں میں والدین اور اساتذہ کا کردار بہت اہم ہے جن کا احسان اتارا نہیں جا سکتا،اعلی تعلیم میں بہترین صلاحیتیوں کو غازی یونیورسٹی بروئے کار لا رہی ہے، اساتذہ طلبہ کو مل جل کر کام کرنا سکھائیں کیونکہ دنیا میں اس کے بغیر ترقی ممکن نہیں ہے،طلبائوطالبات سافٹ ڈیجیٹل فیلڈز میں نام پیدا کریں، انہوں نے کہاکہ ہم سب ایک دوسرے کے محتاج ہیں،مل جل کر کام کرنے والی قومیں ہی دنیا میں عروج حاصل کرتی ہیں ، خوشی ہے کہ غازی یونیورسٹی اکیڈمک کیلنڈر بنانے والی پنجاب کی پہلی یونیورسٹی ہے، انہوں نے کہاکہ جدید علوم کے احیاء کے ساتھ جامعات میں نشہ آور اشیاء کی روک تھام کیلئے بھی کام کرنا ہوگا،طلبائوطالبات جو کام کریں اچھے طریقے سے کریں، ہمارا آنے والا دن گزرے دن سے بہتر ہونا چاہئے .وائس چانسلر غازی یونیورسٹی ڈیرہ غازیخان پروفیسر ڈاکٹر محمد طفیل نے استقبالیہ پیش کرتے ہوئے کہاکہ غازی یونیورسٹی کے کانووکیشن کا مقصد پاس آوٹ طلبائو طالبات کی حوصلہ افزائی کرنا ہے، یونیورسٹی میںطلبہ کو تعلیم حصول کے بعد درپیش چیلنجز سے نمٹنے کیلئے ای روزگار کی ٹریننگ بھی دی گئی ہے،جدید ٹیکنالوجی سے متعلقہ ڈپارٹمنٹس کا قیام میری اولین ترجیح رہی ہے،طلبہ وطالبات تعلیم حصول کے بعد ملک و قوم کی ترقی کیلئے صلاحیتیں بروئے کار لائیں.غازی یونیورسٹی کے پہلے کانووکیشن میں تین ہزار سے زائد طلبائو طالبات کو میڈلز اور ڈگریاں دی گئیں. قبل ازیںگورنر پنجاب محمد بلیغ الرحمن نے باقاعدہ کانووکیشن کے انعقاد کی اجازت دی اور یونیورسٹی کے پوزیشن ہولڈرطلبائو طالبات اور اساتذہ میں میڈلز تقسیم کیے۔
ڈیرہ غازیخان۔آئل ٹینکراورکنٹینرمیں ٹکر3افراد شدیدزخمی
ڈیرہ غازیخان۔آئل ٹینکراورکنٹینرمیں ٹکر3افراد شدیدزخمی،حادثہ انڈس ہائی وے ڈی جی سیمنٹ فیکٹری موڑ پر پیش آیا
باغی ٹی وی۔ڈیرہ غازیخان میں انڈس ہائی وے ڈی جی سیمنٹ فیکٹری موڑ پرتیز رفتار آئل ٹینکراورکنٹینر میں ٹکرہوئی ہے ،اس ٹکرکے نتیجے میں 3افراد شدید زخمی ہوگئے ،جہاں ریسکیو 1122نے فوری طور جائے حادثہ پرپہنچ کرابتدائی طبی امداد دی اور زخمیوں کو ڈیرہ غازیخان ٹیچنگ ہسپتال ٹراماسنٹر منتقل کر دیاہے ،ریسکیو ذرائع کاکہناہے کہ زخمیوں کی حالت بہتر ہے اوروہ خطرے سے باہر ہیں ،تاہم اس شدید حادثہ میں کوئی جانی نقصان نہیں ہوا۔
ضمنی انتخاباتPP288امیدواروں کوانتخابی نشان الاٹ
ضمنی انتخاباتPP288امیدواروں کوانتخابی نشان الاٹ
ڈیرہ غازیخان. ضمنی انتخاباتPP288امیدواروں کوانتخابی نشان الاٹ کردئے گئے،6امیدوارمیدان میں اترچکے ہیں، پی ٹی آئی اورن لیگ کے امیدواروں کے درمیان کانٹے دارمقابلہ ،تحریک لبیک پاکستان کے امیدوارسے ن لیگ کونقصان ہوگا۔
باغی ٹی وی ،تفصیلات کے مطابق ڈیرہ غازیخان کے صوبائی حلقہ PP288کے ایم پی اے سردارمحسن عطاء کھوسہ کے ڈی سیٹ ہونے کے بعداس حلقہ میں ہونے والے ضمنی انتخابات میں حصہ لینے والے امیدواروں کوالیکشن کمیشن نے انتخابی نشان الاٹ کردئے ہیں، PP288میں کل چھ امیدوار میدان میں اترے ہیں جن میں سے تین آزاد اورتین پارٹی ٹکٹس پرالیکشن میں حصہ لے رہے ہیں، آزادامیدواروں میںاشفاق احمدکو "بیل” اللہ ڈتہ کو "چمچ”اورعلی محمدکو”بکری "کانشان دیاگیاہے،پاکستان تحریک انصاف کے امیدوارسردارسیف الدین خان کھوسہ کو "بلا”،مسلم لیگ ن کے امیدوارسردارعبدالقادرخان کھوسہ کو”شیر”اورتحریک لبیک پاکستان کے امیدوارعرفان اللہ کو”کرین”کانشان دیاگیاہے،اس حلقہ دوسردارزادوں سردارسیف الدین کھوسہ جوکہ پاکستان تحریک انصاف کے امیدوار ہیں ،دوسرے سردارعبدالقادرکھوسہ مسلم لیگ ن کے امیدوار ہیں کے درمیان کانٹے دارمقابلہ متوقع ہے ،جہاں اس حلقہ پی ٹی آئی کاووٹ بنک ہے وہیں اس حلقہ مسلم لیگ ن کا شخصی ووٹ بھی زیادہ ہے ،اس کے علاوہ اس حلقہ میں ٹی ایل پی کاچھ سات ہزارووٹ کا بنک ہے اگرتحریک لبیک کاامیدوارعرفان اللہ میدان میں رہاتو اس کانقصان مسلم لیگ ن کے امیدوارسردارعبدالقادرکھوسہ کوپہنچے گا،دوسری طرف ذرائع کا کہناہے ٹی ایل پی کاامیدوار مسلم لیگ ن کے امیدوارسردارعبدالقادرکھوسہ کے حق میں دستبردار ہوجائے گاجس سے ن لیگ کے امیدوارکی پوزیشن کافی مستحکم ہوجائے گی۔
ٹیکس چورکون؟
تحریر:ڈاکٹرغلام مصطفی بڈانی
حکومت نے بڑی صنعتوں پر10 فیصد سپر ٹیکس عائد کرنے کااعلان کر دیا، وزیراعظم شہباز شریف کہتے ہیں مہنگائی کا طوفان ہے، جان لگائیں گے اوراسے کنٹرول کریں گے۔وزیراعظم کا کہنا تھا کہ بڑی صنعتوں پر 10 فیصد سپر ٹیکس(تخفیف غربت ٹیکس) لگارہے ہیں ان صنعتوں اسٹیل،سیمنٹ، شوگر، ٹیکسٹائل، آئل اینڈ گیس، آٹو انڈسٹری، ہوا بازی، فرٹیلائزر، بینکنگ، انرجی اینڈ ٹرمینل سیکٹر پرسپرٹیکس لگانے کا اعلان کیا گیا ہے۔ وزیراعظم نے کہا کہ سگریٹ پر بھی ٹیکس لگے گا، 2 ہزار ارب روپے ٹیکس غائب ہو جاتا ہے، یہ پہلا بجٹ ہے جس میں اکنامک وژن دیا ہے، مہنگائی کا طوفان ہے، جان لگائیں گے اسے کنٹرول کریں گے۔شہباز شریف نے ایک اور ٹیکس لگانے کا بتاتے ہوئے کہا کہ جو افراد سالانہ 15 کروڑ سے زائد کماتے ہیں ان کی آمدن پر1 فیصد تخفیف غربت ٹیکس لگایا جا رہا ہے، سالانہ 20 کروڑ سے زائد پر 2 فیصد، 25 کروڑ پر 3 فیصد، 30 کروڑ سے زائد پر 4 فیصد تخفیف غربت ٹیکس لگایا جارہا ہے۔ اس دوران وزیر اعظم شہباز شریف نے انکشاف کیا ہے کہ ملک بھر میں دو ہزار ارب روپے کی ٹیکس چوری ہوتی ہے۔ آئیے ذرا دیکھتے ہیں پاکستان کی اشرافیہ اورامیرلوگ کیسے ٹیکس چوری کرتا ہے؟
پاکستان میںٹیکس چوری کرنے میں سرفہرست حکمران طبقہ ہے جوپاکستان میں 75سال سے اقتدارمیں ہیں جن میں جاگیردار، سرمایہ دار اور تاجر مسلم لیگ ن، پی پی پی، پاکستان تحریک انصاف، جمعیت علما ئے اسلام فضل الرحمان گروپ اور دوسری سیاسی جماعتوں کا حصہ ہیں۔ حکمران طبقے کے سیاست دانوں کی اکثریت کا تعلق جاگیردار اور سرمایہ دار گھرانوں سے ہے جوبہت معمولی ٹیکس دیتے ہیں،زراعت پرمعمولی سا ٹیکس ہے، چاروں صوبوں میں جمع ہونے والا یہ ٹیکس کچھ ارب روپے کا ہوتا ہے۔ اگر صحیح معنوں میں زرعی ٹیکس لگایا جائے تو 500 ارب روپے سے 600ارب روپے کاریونیوآسانی سے جمع کیاجاسکتا ہے،یہاں جائیداد کے ٹیکسوںمیں بھی بہت ہیرا پھیری کی جاتی ہے،یہ سیاست دان جوسرکاری ریکارڈ میں اپنے اثاثے طاہرکرتے ہیںان اثاثوں یاجائیدادوں کی مالیت بہت کم لکھواتے ہیں، اگر دس سال پہلے ایک پلاٹ کی قیمت دس لاکھ تھی اور اب اس کی مارکیٹ ویلیو چھ کروڑ ہوچکی ہے تو وہ اپنے اثاثوں میں وہی 10سال پرانی قیمت محکمہ مال کے ریونیوافسران لکھوالیں گے۔ مثال کے طورپروزیر اعلی پنجاب حمزہ شریف نے اپنے گیارہ مکانات کی قیمت صرف تیرہ کروڑ روپے بتائی ہے،حالانکہ یہ بات ہرکوئی جانتا ہے جائیداد یں جتنی پرانی ہوتی جائیں گی ان کی قیمتیں بھی بڑھ جائیں گے لیکن سیاستدانوں کی سرکاری ریکارڈ میں ظاہرکردہ اثاثوں کی قیمتیں وہی برقرار رہتی ہیں ۔
سوشل میڈیا پر مسلسل ان سیاستدانوں جن میں آصف علی زرداری، عمران خان، بلاول بھٹو زرداری، شہباز شریف اور حمزہ شریف سمیت کئی سیاست دانوں کے اثاثوں کی سرکاری اداروں کو دی جانے والی قیمتوں پر بہت تنقید کی جاتی رہی ہے، مثال کے طور عمران خان نے بنی گالہ کے گھر کی قیمت جبکہ شریف اور زرداری گھرانوں نے اپنی جائیدادوں کی قیمتیں اپنے اثاثوں میں مارکیٹ ویلیو سے بہت کم لکھی ہیں،سوشل میڈیا صارفین برملایہ کہتے رہے ان کے گھروں کی ظاہرکردہ قیمتوں سے ہم تین گنازیادہ رقم دینے کوتیارہیں ،یہ گھر ہمیں دئے جائیں۔ دوسری طرف ماہرین کاکہناہے کہ کہ اگر 1200سے زائد اراکین پارلیمنٹ اور صوبائی اسمبلیوں کے ارکان سے مارکیٹ کے مطابق ٹیکس وصول کیا جائے تو اربوں روپے حاصل کیا جا سکتے ہیں، اگر یہ ٹیکس پوری ایمانداری سے پورے ملک میں نافذ ہوجائے تو عام آدمی پر جی ایس ٹی لگانے کی ضرورت نہیں رہے گی۔اُدھرتاجروں کابھی کسی نہ کسی سیاسی جماعت سے ہی تعلق ہوتاہے،اسی سیاسی اثررسوخ اورطاقت کے بل بوتے پر یہ تاجر و مقامی صنعت کار انڈر انوائسنگ کے ذریعے ٹیکس چوری کرتے ہیں،مثال کے طورپر گارمینٹس اور دوسری صنعتوں سے وابستہ سرمایہ دار اگر ڈسٹربیوٹرز یا ہول سیل سپلائرز کو اپنی پراڈکٹ 50 کروڑ کی بیچتے ہیں تو انوائس میں 25کروڑ ظاہر کرتے ہیں اور ٹیکس پھر 25 کروڑ کے حساب سے دیتے ہیں۔ تاہم ایکسپورٹرکیلئے ایساکرنامشکل ہے،ماہرین کامانناہے کہ ہمارے ملک کے سرمایہ دارسیاستدانوں نے اپنی ہی کوئی کمپنی دوسرے ملک میں کھولی ہے، تو وہ منی لانڈرنگ کر سکتا ہے اور اوور انوائسنگ بھی کرتا ہے،جہاں وہ ڈالرز بھیجتے ہیں اور بعد میں ایکسپورٹ کے نام پر اس پیسے کو وہ وائٹ کر لیتے ہیں۔ایف بی آر کی ویب سائٹس سے ریکارڈدیکھاجائے تو وہاں پیشے میں کئی سیاست دانوں نے زراعت لکھا ہے اور ٹیکس صفر ہے۔ حالانکہ ان پر ٹیکس بھی بہت معمولی ہے وہ یہ تھوڑا ساٹیکس بھی ادا نہیں کرتے جب کہ ہمارے منتخب نمائندوں کی رہائش سے لے کر گاڑی تک سب ٹیکس فری ہے ،جوعوام کے دئے ہوئے ٹیکس کوشیرمادرسمجھ کرہڑپ کر رہے ہیں اور ہربارعوام سے ہی قربانی مانگی جاتی ہے ،دراصل ایوان اقتدار بیٹھے ہوئے یہ جاگیردار، سرمایہ دار اور تاجر مسلم لیگ ن، پی پی پی، پاکستان تحریک انصاف، جمعیت علما اسلام فضل الرحمان گروپ اور دوسری سیاسی جماعتوںسے تعلق رکھنے والے نام نہاد بڑے لیڈرجن سے پاکستان قوم کادکھ درد سہانہیں جارہااورجھوٹے ٹسوے بہارہے ہیں یہی مافیا ٹیکس چورہے ،عام پاکستانی بچے کی پیدائش سے لیکر میت کے کفن تک ٹیکس دیتا ہے پھر بھی عام پاکستانی پر الزام ہے یہ ٹیکس نہیں دیتے۔
ڈائریکٹراینٹی کرپشن ڈی جی خان برطرف،بزدارکے2بھائی دوبئی فرار
ڈائریکٹراینٹی کرپشن ڈی جی خان برطرف،بزدارکے2بھائی دوبئی فرار
باغی ٹی وی کی خصوصی رپورٹ :تفصیلات کے مطابق سرکاری زمین کی جعلی الاٹمنٹ کیس میں محکمہ انٹی کرپشن ڈی جی خان کی ملی بھگت سے گرفتاری سے بچ کرطاہر بزدار اور ایوب بزدار دبئی فرار ہو گئے، ڈی جی انٹی کرپشن پنجاب نے ڈائریکٹر اینٹی کرپشن ڈی بھی خان سید محمدعباس کو عہدے سے برطرف کردیا ،جعلی الاٹمنٹ کیس میں نامزد سابق چیف منسٹر عثمان بزدارکے بھائی طاہر بزدار اور ایوب بزدا رمحکمہ اینٹی کرپشن ڈی جی خان کے اہلکاروں کی ملی بھگت سے مبینہ طور پر دبئی فرار ہونے میں کامیاب ہو گئے۔ ڈی جی اینٹی کرپشن اسٹیبلشمنٹ رانا عبدالجبار نے طاہر بزدار اور ایوب بزدار کے دبئی فرار ہو جانے کا نوٹس لیتے ہوئے ڈائریکٹر انٹی کرپشن ڈیرہ غازی خان سیدمحمدعباس کو عہدے سے ہٹادیا۔مقامی اخبار کے مطابق ذرائع نے دعوی کیا ہے کہ دونوں بھائی بلوچستان کے راستے ایران اور پھر وہاں سے دبئی داخل ہونے میں کامیاب ہو گئے ہیں۔مقامی اخبار نے لکھا ہے کہ محکمہ انٹی کرپشن پنجاب لاہور دفتر میں اہم عہدے پر تعینات افسر نے نام ظاہر نہ کرنیکی شرط پر بیٹھ بتایا کہ ڈی جی اینٹی کرپشن اسٹیبلشمنٹ رانا عبدالجبار کو چیف منسٹر پنجاب حمزہ شہبازنے جعلی الاٹمنٹ کیس میں سابق چیف منسٹر عثمان بزدار، انکے بھائیوں و دیگر نامزدملزمان کی فی الفور گرفتاری کا حکم دیا تھا جس کیلئے ڈی جی اینٹی کرپشن اسٹیبلشمنٹ پنجاب نے سابق ڈائریکٹر اینٹی کرپشن ڈی جی خان شاہدمحبوب کی جگہ پولیس سروس آف پاکستان کے گریڈ 18 کے سیدمحمد عباس کو تعینات کیا گیا تھا اور انہیں بزدار بردران کی گرفتاری کا ٹاسک دیا تھا۔
20 جون کوڈائر یکٹر سید محمد عباس کو کانفیڈنشل رپورٹ دی گئی کہ جعلی الاٹمنٹ کیس میں نامزد ملزمان میں سے عثمان بزدار کے بھائی ڈی جی خان اور تونسہ میں اپنے گھروں میں موجود ہیں جن کی گرفتاری کرنے کے لیے سید محمدعباس نے چھاپہ مارٹیم تشکیل دی لیکن جعلی الاٹمنٹ کیس کے مدعی اسسٹنٹ کمشنرتونسہ کوٹیم کے ساتھ نہ رکھا اور اینٹی کرپشن ڈی جی خان کی ٹیم نے ریڈ کا ٹوپی ڈرامہ ر چایا اور بزدار برادران کے گھروںکے باہر سے ہی واپس چلی آئی جبکہ اینٹی کرپشن ٹیم کے پاس بزدار برادران کے گھروں کی تلاشی لینے کے وارنٹ موجود تھے۔ ذرائع کیمطابق سابق وزیر اعلی کے دو بھائی طاہر بزدار اور ایوب بزدار کے ملک سے فرار کی اطلاعات ہیں اورمحکمہ اینٹی کرپشن ڈی جی خان کے افسران اور اہلکاروں نے عثمان بزدار کے بھائیوں، مزارعوں اور علاقہ پٹواری و عملہ ریونیو جو بوگس الاٹمنٹ کیس کے نامزد ملزمان کی گرفتاری میں ناکامی اورملی بھگت سے طاہر بزدار اور ایوب بزدار کو دبئی فرار ہونے کا موقع فراہم کر دیا۔ ڈی جی انٹی کرپشن اسٹیبلشمنٹ پنجاب رانا عبدالجبار نے اسے بزدار برادران کی گرفتاری میں ناکامی اور دو بھائیوں کے مبینہ دبئی فرار کا ذمہ دار ڈائریکٹر انٹی کرپشن ڈی جی خان سید محمد عباس کو قرار دیتے ہوئے ان کوعہدے سے ہٹادیا ۔رواں ہفتے کی گئی کارروائی میں تحصیل تونسہ کے موضع چونی میں 900 کنال سرکاری زمین کی بوگس الاٹمنٹ کے مقدمے میں نامزد سابق وزیراعلی عثمان بزدار کے گھرانے کے ملزم بھائیوں کی گرفتاری کیلئے محکمہ انٹی کرپشن ڈیرہ غازی خان ریجن کی ایک خصوصی ٹیم نے اسسٹنٹ ڈائریکٹر انٹی کرپشن اطہر کانجو کی قیادت میں پولیس کی بھاری نفری کیساتھ ڈیرہ غازی خان اور تونسہ میں بنے بزدار ہائوس پر چھاپے مارے گئے۔ علاقے میں کھلے عام گھومتے اور خفیہ رپورٹس کے بعد مارے گئے چھاپے کے باوجود اینٹی کرپشن ٹیم کو کوئی نہ ملااور وہ گھروں کے باہر سے ویڈیو بنا کرواپس لوٹ آ ئے اور حکام کو رپورٹ بھجوادی کہ کوئی ملزم نہیں ملا۔ واضح رہے کہ چھاپہ مار ٹیم کے تمام ممبران عثمان بزدار کے دور حکومت میں ان کے بھائیوں کی مبینہ منظوری کے بعد ہی اینٹی کرپشن ڈیرہ غازی خان میں تعینات ہوئے تھے یا پھر انکی رضا مندی سے وہاں تعیناتی جاری رکھ کر مال بنانے میں لگے ہوئے تھے۔ مذکورہ مقدمے میں نامزد سابق چیف منسٹر عثمان بزدار نے گزشتہ دنوں لاہور ہائیکورٹ کے ملتان بنچ سے 30 روز کی حفاظتی ضمانت لے رکھی ہے تا کہ وہ گرفتاری کے خطرے سے بچ کرسپیشل اینٹی کرپشن کورٹ ڈیرہ غازی خان سے عبوری ضمانت کراسکیں کیونکہ انکوخطرہ تھا کہ اینٹی کرپشن مقامی پولیس کی مدد سے انہیں اینٹی کرپشن عدالت تک پہنچنے سے پہلے ہی گرفتار نہ کرلے تا ہم شنید ہے کہ سابق چیف منسٹر سردار عثمان بزدار حفاظتی ضمانت کے باوجود سپیشل اینٹی کرپشن کورٹ جاکر عبوری ضمانت کی درخواست دینے بارے تذبذب کا شکار ہیں کیونکہ ان کو خدشہ ہے ایسانہ ہو کہ جج اینٹی کرپشن کورٹ ڈی جی خان انکی عبوری ضمانت کی درخواست مسترد کر دے اوروہ گرفتارہوجائیں۔محکمہ اینٹی کرپشن ڈیرہ غازی خان نے شہری بشیر چوہان کی درخواست پر سابق چیف منسٹر، انکے بھائیوں سمیت متعدد افراد پر موضع چونی تحصیل تونسہ میں جعلسازی سے 900 کنال اراضی ہتھیانے کیخلاف مقدمے کا اندراج کیا تھا۔ اس حوالے سے مقامی اخبارات میں عثمان بزدار دور میں منظم نیٹ ورک بنا کر اربوں کی کرپشن اور بے ضابطگیوں کے حوالے سے تفصیلات شائع ہوتی رہیں جن پر وزیراعلی پنجاب حمزہ شہباز نے نوٹس لیتے ہوئے نئے ڈی جی اینٹی کرپشن رانا عبدالجبارکوفوری سابق دور کے سکینڈلز کی تحقیقات کی ہدایت دی تھی۔ ڈی جی اینٹی کرپشن پنجاب نے 2 ہفتے قبل ڈیرہ غازیخان اور تونسہ شریف کا اعلی سطح ٹیم کیساتھ دورہ کر کے بزدار دور کے میگا پروکیٹس میں لوٹ مار کا خود مشاہدہ کیا جس میں اربوں روپے کھائے گئے جبکہ اس حوالے سے اینٹی کرپشن ڈیرہ میں لگائے گئے سابق وزیراعلی کے اپنے بندوںنے شہریوں کی جانب سے کرپشن کی مسلسل نشاندہی کوچھپائے رکھا۔
وفاقی اور صوبائی حکومتیں بدل گئیں ،بی ایم پی ڈان کوکوئی تبدیل نہ کرسکا۔لغاری سرداربھی اس کا کچھ نہ بگاڑسکے
وفاقی اور صوبائی حکومتیں بدل گئیں ،بی ایم پی ڈان کوکوئی تبدیل نہ کرسکا۔لغاری سرداربھی اس کا کچھ نہ بگاڑسکے
بی ایم پی میں لائن آفیسر کی سرپرستی میں منشیات فروشوں کا نیٹ ورک قائم،منشیات فروشوں کوکھلی چھٹی،بارڈر ملٹری پولیس کی تمام چیک پوسٹیں کراس کرکے آنے والامنشیات سمگلر گرفتار ،13 کلو گرام چرس برآمد،مقدمہ درج
باغی ٹی وی کی خصوصی رپورٹ، تفصیلات کے مطابق وفاقی اور پنجاب کی بزدارحکومت تبدیل ہوگئی لیکن بزدارسرکارکاخاص بارڈرملٹری پولیس ڈیرہ غازیخان میں تعینات لائن آفیسرنجیب قیصرانی جوکہ کسی ڈان سے کم نہیں ہے عرصہ چارسال سے پوری بی ایم پی پرقابض ہے اور سیاہ سفید کامالک ہے ،ذرایع کاکہناہے کہ لاکھوں روپے لیکر بین الصوبائی چیک پوسٹوں اور تھانوں پر دفعدار(ایس ایچ او )اورعام سوار(کانسٹیبل) تعینات کئے جاتے ہیں،بھاری رقوم کے بدلے سمگلروں کوکھلی چھٹی دی گئی ہے وہ جوچاہیں بلاروک ٹوک جہاں چاہیں لے جاسکتے ہیں
،دوسری طرف ذرائع کایہ کہنا ہے کہ سابق وزیراعلیٰ سردارعثمان بزدار کا بھائی جوکہ بی ایم پی تمن بزدار کارسالدار ہے جب عثمان بزدار وزیراعلیٰ بناایک دن بھی ڈیوٹی نہیں کی ،لائن آفیسرنجیب قیصرانی اس کافرنٹ مین ہے ،حکومت تبدیل ہونے کے باوجود یہ شخص جوڑتوڑکاماہر اوراتنابااثرہے کہ اسے بی ایم لائن آفیسرکی سیٹ پکی کی ہوئی ہے ،ذرائع کہناہے کہ اس شاطر شخص نے اپنے خاص بندے کے ذریعے صوبائی وزیرخزانہ ووزیربلدیات سرداراویس احمد لغاری کوبھی رام کرلیا۔یہ شخص بی ایم پی کمانڈنٹ پر بھی بھاری ہے جواختیارات ہونے کے باوجود اس شخص کاتبادلہ نہیں کرسکتا ،منشیات سمگلروں سے اس کے مراسم اتنے مضبوط ہیںجس کی مثال گزشتہ روزپیٹرولنگ پوسٹ تونمی موڑ کی کارروائی ہے جنہوںنے بلوچستان سے پنجاب منشیات سمگلنگ کی کوشش ناکام بناتے ہوئے بین الصوبائی منشیات سمگلرعبدالستارکی کارکے خفیہ خانوں سے 13 کلو گرام چرس برآمدکے ملزم کوگرفتارکرلیا۔حالانکہ یہی کابی ایم پی کے چارتھانے اورتین چیک پوسٹیں کراس کرکے پنجاب پولیس کی حدود میں پکڑی گئی۔منشیات سمگلنگ کایہ سلسہ بلاروک ٹوک کئی سالوں سے جاری ہے،ذرائع کاکہناہے گذشتہ کئی سالوں سے کھرفورٹ منرومیں سابق ایس ایچ اوبواٹہ نصراللہ لغاری اورسابق ایس ایچ اواقبال لغاری، عبدالغفور بجرانی ،مظہرقائمانی او رامان اللہ علیانی کے ذریعے چیک پوسٹوں سے پکڑی جانے والی منشیات بیچی جاتی ہیں، سخی سرور میں بی ایم پی اہلکار پرویز کلوئی جو کہ لائن آفیسر نجیب قیصرانی کا دست راست سمجھا جاتا ہے منشیات بیچتاہے جبکہ تونسہ میں منشیات کی سپلائی سرکاری ڈالے پر لائن آفیسرخودلے کرجاتارہاہے جہاں ذوالفقار عرف زلفا قیصرانی جوکہ اشتہاری ملزم قادرا قیصرانی کاکزن ہے ،قادراقیصرانی ریکارڈ یافتہ کرائمنل ہے اس کی ملاقات اسی لائن آفیسر نے سابق بی ایم پی کمانڈنٹ اورموجودہ ڈپٹی سیکرٹری بلدیات حمزہ سالک سے کرائی تھی،ماضی قریب میں لائن آفیسر اسی اشتہاری قادراقیصرانی سے بی ایم پی تھانوں کی خفیہ مانیٹرنگ کرتاہے۔اسی طرح گزشتہ سال تھانہ بوٹہ میں ایس ایچ اونصراللہ لغاری کی تعیناتی کے دوران ایک ٹرک نمبری 7987Kسے چیک پوسٹ بواٹہ پر 89 کلو چرس کی برآمدگی شو کی گئی تھی جبکہ اس کے مقدمہ نمبر 21/21کے ملزمان کو لاکھوں روپے رشوت لیکر موقع پر چھوڑ دیا گیاتھا اسی ٹرک میں موجود ساٹھ کلو چرس اپنے تھانہ کھر اور تھانہ فورٹ منرو کی حدود میں منشیات فروشوں کو پہنچائی جا رہی تھی جس کی اطلاع اس وقت کے کمانڈنٹ بارڈر ملٹری پولیس حمزہ سالک کو مل گئی تو اس اطلاع پر بی ایم پی کمانڈنٹ نے فوری نوٹس لیااورسرکل آفیسر کریم نواز خان لغاری کوفوری کارروائی حکم دیا، چھٹی پر ہونے کے باوجود سرکل آفیسر کریم نواز خان لغاری نے ایس ایچ او تھانہ کھر امیر حمزہ لغاری کے ساتھ مل کر چھاپہ مار کر ساٹھ کلو چرس مزید برآمد کر لی تھی جس پر اس وقت کے کمانڈنٹ بارڈر ملٹری پولیس حمزہ سالک نے ایس ایچ او تھانہ بواٹہ نصر اللہ لغاری کو لائن حاضر کر دیا تھا بعد ازاں وہی منشیات اسی مقدمہ کی ضمنی میں ڈال دی گئیں،
لائن آفیسر نجیب قیصرانی کی پشت پناہی سابق وزیراعلیٰ عثمان بزدارکابھائی بی ایم پی رسالدار عمربزدارکررہاتھا اس وجہ سے اس وقت کے کمانڈنٹ بارڈر ملٹری پولیس حمزہ سالک کو اس کے محکمانہ کارروائی سے روک دیاگیا،جس کے خلاف آج تک کوئی کارروئی نہ ہوسکی نجیب قیصرانی آج بھی بی ایم پی لائن آفیسرکی کرسی پربراجمان ہے وفاقی اورصوبائی حکومتوں کی تبدیلی بھی اس کاکچھ نہ بگاڑسکی۔
چترال .پیغام پاکستان پروگرام کے زیر اہتمام جامعہ چترال میں ایک روزہ نیشنل یوتھ کانفرنس
چترال (گل حمادفاروقی کی رپورٹ)پیغام پاکستان پروگرام کے زیر اہتمام جامعہ چترال میں ایک روزہ نیشنل یوتھ کانفرنس منعقد ہوئی اور ٹاون ہال میں وکلاء اور عوامی نمائندوں کیلئے بھی کانفرنس منعقد ہوئی جس میں ماہرین نے نوجوان اور عوام پر زور دیا کہ آپس کی احتلافات کو بھلا کر ایک قوم ہوکر اسلام کے اس عظیم قلعہ کی حفاظت کرے۔
پیغام پاکستان پروگرام کے تحت جامعہ چترال میں ایک روزہ نیشنل یوتھ کانفرنس منعقد ہوا۔ تقریب کی صدارت جامعہ چترال کے وائس چانسلر ڈاکٹر ظاہر شاہ نے کی۔ ایک روزہ نیشنل یوتھ کانفرنس میں طلباء و طالبات نے کثیر تعداد میں شرکت کی۔
اس موقع پر ہزارہ اور پشاور یونیورسٹی سے آئے ہوئے پروفیسرز صاحبان اظہار حیال کیا۔ مقررین نے نوجوانوں پر زور دیا کہ وہ سب مل کر وطن عزیز کی تعیر و ترقی کیلئے کام کرے اور آپس کی رنجشیں اور نفرتیں حتم کرے۔
اسی طرح کا ایک روزہ کانفرنس ٹاؤن ہال میں وکلاء اور عوامی نمائندوں کیلئے منعقد کیا گیا۔ اس کانفرنس کا بنیادی مقصد ملک میں امن و امان اور آپس میں پیار و محبت کی فضاء کو فروغ دینا ہے تاکہ ہم آپس میں لڑ کر امت مسلمہ کی اس عظیم قلعے کو کمزور نہ ہونے دے۔ تقریب سے ڈاکٹر مھیمن، ڈاکٹر عبد الرحمان خلیل، محمد اسرار مدنی،محمد کاشف ارشاد اور پروفیسر ڈاکٹر ظاہر شاہ نے اظہار حیال کیا۔ اس تقریب میں کثیر تعداد میں لوگوں نے شرکت کی جبکہ محفل کو معروف سماجی کارکن اور شاعر عنایت اللہ اسیر کے پر ترنم نظم نے چار چاند لگادیا۔
بزدار کی رہائشگاہ پر اینٹی کرپشن کے چھاپے
بزدار کی رہائشگاہ پر اینٹی کرپشن کے چھاپے
ڈیرہ غازی خان(ڈاکٹر غلام مصطفیٰ بڈانی سے)سابق وزیر اعلیٰ پنجاب سردار عثمان بزدار اور انکے بھائیوں پر جعلی سازی کے درج مقدمات کا معاملہ،سابق وزیر اعلیٰ پنجاب سردار عثمان بزدار کے بھائی اور رشتہ داروں کی گرفتاری کے لیے اینٹی کرپشن ڈی جی خان نے چھاپے مارے ہیں
اینٹی کرپشن ڈیرہ غازی خان کی خصوصی ٹیم نے سابق وزیر اعلیٰ پنجاب ہاؤس ڈیرہ اور تونسہ میں چھاپے مارے ۔اینٹی کرپشن کی ٹیم نے پولیس کی بھاری نفری کے ہمراہ ڈیرہ غازی خان اور تونسہ میں سابق وزیر اعلیٰ پنجاب سردار عثمان بزدار کے گھروں میں ریڈ کئے ،اینٹی کرپشن ڈیرہ غازی خان کی خصوصی ٹیم نے سابق وزیر اعلیٰ پنجاب سردار عثمان بزدار کے بھائیوں اور رشتہ داروں کی گرفتاری کے لئے چھاپے مار رہی ہے ۔تاہم ابھی تک کسی گرفتاری کی تصدیق نہیں ہوسکی،
سابق وزیر اعلیٰ پنجاب سردار عثمان بزدار نے لاہور ہائیکورٹ بہاولپور بنچ سے عبوری ضمانت کرا رکھی ہے ۔
عثمان بزدار کی درخواست ضمانت پر فیصلہ آ گیا
سابق وزیر اعلیٰ پنجاب عثمان بزدار کے خلاف سرکاری اراضی اپنے نام کروانے پر اینٹی کرپشن میں مقدمات درج کرلیے گئے ہیں جن میں اُن کے بھائیوں کو بھی نامزد کیا گیا ہے۔ ڈپٹی کمشنر ڈیرہ غازی خان کی انکوائری رپورٹ کی بنیاد پر عثمان بزدار کے خلاف مقدمات درج کئے گئے ہیں۔مقدمات میں سرکاری زمین کو جعلسازی سے اپنے نام منتقل کروانے کی دفعات شامل ہیں جبکہ متن میں لکھا گیا ہے کہ سردار عثمان بزدار نے 900 کنال سرکاری زمین کی الاٹمنٹ کے بارے میں جعلی لیٹر تیار کروایا اور 1986 میں منتقلی ظاہر کر کے زمین ہتھیا لی۔ عثمان بزدار اور بھائیوں پر الزام ہے کہ انہوں نے تونسہ میں کروڑوں روپے مالیت کی 900 کنال سرکاری زمین جعلی طور پر اپنے نام منتقل کروائی۔ ملزمان کے خلاف تھانہ اینٹی کرپشن ڈی جی خان میں مقدمات درج کر کے تفتیش کا آغاز کر دیا گیا ہے۔
نیب نے سابق خاتون اول کی دوست کے حوالے سے وضاحت کردی
عثمان بزدار نے سیمنٹ فیکٹری کے 16 لائسنس بیچے،مفتاح اسماعیل کا دعویٰ
بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل
بشریٰ بی بی کی قریبی دوست فرح نے خاموشی توڑ دی
سائیں بزدار کا کمال،پہاڑ میں سرکاری خرچ پر 14 ایکڑ رقبے پر زیتون کا باغ لگوا لیا
عثمان بزدار کے گرد بھی گھیرا تنگ،ایک گرفتاری بھی ہو گئی
عثمان بزدار کے آبائی علاقے کے لوگ پانی کی بوند بوند کو ترس گئے
