Author: عائشہ ذوالفقار

خطرناک کورونا وائرس کے پھیلاؤ کو روکنے کے لئے دنیا بھر کی طرح پاکستان میں بھی لاک ڈاؤن نافذ کیا گیا ہے حکومت نے عوام پر گھروں سے باہر نکلنے پر پابندی عائد کر رکھی ہے ایسے میں فنکاروں نے بھی خود کو گھروں تک محدود کر لیا ہے اور وہ قرنطینہ کے دوران سوشل میڈیا پر اپنے مداحوں کو بھی اپنی دلچسپ سرگرمیوں سے لطف اندوز کر رہے ہیں

باغی ٹی وی: سوشل میڈیا ویب سائٹ انسٹا گرام پر پاکستان کے معروف اداکار بلال قریشی کی ویڈیو وائرل ہو رہی ہے جس میں اداکار اور ان کا بیٹا سوہان برتن دھوتے دکھائی دے رہے ہیں
https://www.instagram.com/p/B-eFN2ylI_v/?igshid=1wuv0qcwtr4i4
اس ویڈیو میں بلال قریشی کہہ رہے ہیں جو کہتے ہیں گھر میں کوئی کام نہیں ہوتا لاک ڈاؤن کے دوران اب پتہ چل گیا ہے گھر کے کتنے چھوٹے چھوٹے کام ہوتے ہیں

واضح رہے کہ اس سے پہلے حمزہ علی عباسی اور ان کی اہلیہ نیمل خاور کی ویڈیو وائرل ہوئی تھی جس میں وہ ٹی وی کے لئے میز بناتے دکھائی دے رہے تھے جبکہ ایک ویڈیو میں مایا علی کورونا وائرس سے حفاظتی تدابیر کے پیش نظر ہورے گھر کی صفائی کرتی دکھائی دی تھیں

پاکستان کے معروف گلوکار نے کہنا ہے کہ مجھے ایک بات سمجھ نہیں آتی ہے کہ جب کوئی بھی فنکار ضرورت مند لوگوں کی مالی مدد کرتا ہے یا ان کے لیے کچھ بھی کرتا ہے تو ہمیشہ کیمرے کے سامنے ہی کیوں کرتا ہے

باغی ٹی وی : پوری دنیا میں جنگل میں آگ کی طرح ہھیلنے والے خطرناک کورونا وائرس کے پھیلاؤ کو روکنے کے لیے دنیا بھر کی طرح پاکستان میں بھی لاک ڈاؤن جاری ہےجس کی وجہ سے مزدور طبقہ افراد کو کافی مشکلات کا سامنا کرنا پڑ رہا ہے ایسے میں پاکستان شوبز انڈسڑی سے تعلق رکھنے والے متعدد فنکار اور دیگر صاحب استطاعت لوگ اور مخیر حضرات ان مستحق لوگوں کی مدد کرنے میں بڑھ چڑھ کر حصہ لے رہے ہیں اور تصاویر سوشل میڈیا پر شیئر کررہے ہیں

پاکستان شوبز انڈسٹری کے فنکاروں کی ان تصاویر کو دیکھتے ہوئے معروف گلوکار امانت علی نے انسٹاگرام پر ایک پوسٹ شیئر کی

امانت علی نے اپنی پوسٹ میں لکھا کہ مجھے ایک بات سمجھ نہیں آتی ہے کہ جب کوئی بھی فنکار ضرورت مند لوگوں کی مالی مدد کرتا ہے یا اُن کے لیے کچھ بھی کرتا ہے تو ہمیشہ کیمرے کے سامنے ہی کیوں کرتا ہے
https://www.instagram.com/p/B-aiQHzDbvA/?igshid=1cynwmhp6gy5d
امانت علی نے حضرت اما م علیؓ کا ایک قول شیئر کرتے ہوئے لکھا کسی کو خیرات دیتے ہوئی اُس کی آنکھوں میں بھی نہیں دیکھو

اُنہوں نے دُکھی انداز میں لکھا یہاں تو پوری دنیا کو دکھایا جاتا ہے

امانت علی کی اس پوسٹ پر معروف گلوکارہ نتاشہ بیگ نے کمنٹ کرتے ہوئے لکھا کہمیں دوسروں کے بارے میں نہیں جانتی لیکن مجھے لگتا ہے کہ معروف شخصیات کے لیے ایسا کرنا بہت ضروری ہے کیونکہ لوگ ان شخصیات کو فولو کرتے ہیں اور وہ اپنی پسندیدہ شخصیات کو ایسے کام کرتا دیکھ کر خود بھی ایسے نیک کام کرسکتے ہیں

پاکستان شوبز انڈسٹری سے تعلق رکھنے والی معروف اداکارہ سونیا حسین نے کورونا وائرس سے بچاؤ کے لیے انوکھےانداز میں ہاتھ دھونے کی ویڈیوسوشل میڈیا پر وائرل

باغی ٹی وی : معروف اداکارہ سونیا حسین نے سوشل میڈیا ویب سائٹ انسٹاگرام پر اپنی ایک ویڈیو شیئر کی جس میں وہ منفرد انداز میں کورونا وائرس سے بچنے کے لیے اپنے ہاتھ دھو رہی ہیں سونیا حسین کی جانب سے شیئر کی جانے والی ویڈیو میں پس منظر میں گانا سنائی دیتا ہے اور اس گانے پر اداکارہ ڈانس کرتی ہوئی اپنے ہاتھوں کو اچھی طرح سے پانی اور ہینڈ واش سے دھوتے ہوئے وہ دانت صاف کرنے والے برش کا بھی استعمال کر رہی ہیں
https://www.instagram.com/p/B-XADMmDuiu/?igshid=tp5g6e3wqsn1
اداکارہ نے اپنی اس پوسٹ کے کیپشن میں لکھا کہ میں نے یہ مشاہدہ کیا ہے کہ گھروں میں رہنا اور معاشرتی دوری اختیار کرنا کورونا وائرس کا پھیلا ؤ کم کرنے کی احتیاطی تدابیر میں سب سے بہترین ہے

سونیا حسین نے لکھا کہ ہمیں اپنے ہاتھوں کو پانی اورصابن سے اچھی طرح باقاعدگی سے دھونا ہے

سونیا حسین نے لکھا کہ دوستو میں جانتی ہوں کہ آپ سب پریشان ہیں لیکن انشاءاللہ یہ وقت بھی بہت جلد گزر جائے گا اور اس مشکل وقت میں ہم یہ کوشش کرسکتے ہیں کہ ہم زیادہ سے زیادہ جتنا ہو سکے مثبت رہیں

اداکارہ نے مزید لکھا کہ ہمیں چاہیے کہ ہم سب کے ساتھ اچھا سلوک کریں انہوں نے کہا کہ آئیے مضبوط بن کر اس وبا کا خاتمہ کرنے کے لیے نکلیں

اداکارہ نے یہ چیلنج اپنے دیگر فنکار دوستوں سمیع خان، عدنان صدیقی، علی سیٹھی اور اشنا شاہ کو بھی دیا

پاکستان شوبز انڈسٹری سے تعلق رکھنے والی معروف اداکارہ ارمینہ خان کی سوشل میڈیا پر ویڈیو پیغام کے ذریعےعوام سے گھر پر رہنے اور حفاظتی تدابیر اختیار کرنے کی اپیل

باغی ٹی وی : گذشتہ روز سماجی رابطے کی ویب سائٹ ٹویٹر پر پا کستان شوبز انڈسٹری سے تعلق رکھنے والی معروف اداکارہ ارمینہ خان نے ایک منٹ پانچ سیکنڈ دورانیے کی گھر رہیں محفوظ رہیں عنوان کی مختصر ویڈیو شئیر کی جس میں وہ کہتی نظر آرہی ہیں کہ کورونا نے ہم سب کو اپنی لپیٹ میں لے لیا ہے ہم سب کی زندگی ڈسٹرب ہو گئی ہے

If you know anyone suffering from any eye related illnesses/disorders pls refer them to .@GrahamLaytonT Trusts dedicated helpline 0800-44441 where they can receive expert advice from ophthalmologists. Thank you 🙏🏻 #COVIDー19 #covid pic.twitter.com/6Gpv1ymWVV

— Armeena ✨ (@ArmeenaRK) April 1, 2020

اداکارہ نے قوم سے گذارش کرتے ہوئے کہا کہ مہربانی کر کے آپ لوگ زیادہ گھروں میں رہیں تاکہ زادہ تر لوگ اس خطرناک جان لیوا بیماری سے محفوظ رہ سکیں

ارمینہ رانا خان نے کہا کہ ڈاکٹرز کا کہنا ہے آنکھوں کو ہاتھ لگانے سے یہ جان لیوا بیماری پھیل سکتی ہے تو میری آپ سے درخواست ہے کہ براہ مہربانی آنکھوں کو نہ چھوئیں تاہم اگر آپ جانتے ہیں کہ کوئی آنکھوں کی بیماری سے پریشان ہے تو ایل آر بی ٹی کی ہیلپ لائن پر رابطہ کر سکتے ہیں

انہوں نے بتایا کہ ایل آر بی ٹی ٹیلی میڈیسن کی خدمات سرانجام دے رہا ہے وہاں مشورہ کریں آپ جو ماہر ڈاکٹرز ملیں گے جن سےآپ اچھی ہدایات لے سکتے ہیں

اداکارہ نے کہا ہم سب مل کر پاکستان کو بچا سکتے ہیں کورونا سے ڈرنا نہیں لڑنا ہے

پاکستان شوبز انڈسٹری کے سینئر اداکار فرحان علی آغا نے سوشل میڈیا پر ایک ویڈیو پیغام میں کورونا کے خلاف کئے جانے والے اقدامات پرسندھ حکومت کی کاوشوں کو سراہا

باغی ٹی وی : پاکستان شوبز انڈسٹری کے سینئر اداکار فرحان علی آغا نے کورونا وائرس کے حوالے سے سندھ حکومت کے لئے جانے والے اقدامات کی تعریف کی اداکا ر نے سماجی رابطے کی ویب سائٹ ٹوئٹر پر 50 سیکنڈ کا ایک ویڈیو پیغام شیئر کیا جس میں فرحان علی آغا نے سندھ حکومت کو مبارکباد دیتے ہوئے کہا کہ حکومت کی کاوشوں اور لاک ڈاؤن کے بروقت فیصلے کی وجہ سے ہی ہم کورونا جیسے وبائی مرض کو کنٹرول کرنے میں کافی حد تک کامیاب رہے ہیں

Sind Govt. Efforts pic.twitter.com/aEfv6HG53W

— Farhan ally agha (@farhanallyagha) April 1, 2020

سینئیر اداکار نے اپنے ویڈیو میں پیغام خصوصی طور پر ساؤتھ کراچی کے ڈی سی ارشاد سودھر کی کاوشوں کو بھی سراہتے ہوئے کہا کہ ڈی سی ساؤتھ نے کورونا کے خلاف جنگ میں پیش پیش رہ کر لوگوں کے لئےاپنی خدمات انجام دیں اور اللہ ان کو کامیاب کرے

فرحان علی آغا نے کہا کہ اگر ایسی سول سروسز ہمارے پاس ہوں تو کوئی وجہ نہیں ہے ہم کسی بھی مشکل کو حل کر سکتے ہیں انہوں نے سندھ حکومت اور ڈی سی ساؤتھ ارشاد سودھر کو مبارکباد پیش کی

فرحان علی آغا نے عوام سے گھروں پر رہنے کی ہدایت کرتے ہوئے کہا کہ گھر رہیں محفوظ رہیں اور کہا کہ حکومتی اقدامات پر عمل کریں تاکہ ہم اس وبا سے جلد از جلد چھٹکارا حاصل کرلیں پاکستان زندہ باد

پاکستان شوبز انڈسٹری کی معروف اداکارہ حرا مانی کا کہنا ہے کہ میں نے راشن کے ساتھ تصا ویر دکھاوے اور اپنا نام بنانے کے لئے نہیں بنائی ہیں انشاءاللہ اب کوئی تصویر نہیں بنے گی

باغی ٹی وی : گذ شتہ روز پاکستان شوبز انڈسٹری کی معروف اداکارہ حرا مانی نے سماجی رابطے کی ویب سائٹ پر ایک تصویر شیئر کی جس میں حرا مانی اپنے شوہر مانی کے ساتھ مستحق لوگوں میں تقسیم کرنے والے راشن بیگز کے پاس کھڑی ہیں

حرا مانی نے یہ تصویر شیئر کرتے ہوئے لکھا کہ انشاءاللہ راشن تقسیم کرتے وقت کوئی تصویر نہیں بنے گی
https://twitter.com/HiraMani_HM/status/1245269713120305156?s=19
اداکارہ نے راشن کے ساتھ شیئر کی جانے والی اپنی تصویر کے حوالے سے وضاحت دیتے ہوئے لکھا کہ میں نے یہ تصویر دکھاوے کے لئے اور اپنا نام بنانے کے لئے نہیں بنائی

حرا مانی نے لکھا کہ میں نے یہ تصویر اس لیے بنائی ہے تاکہ آپ بھی اس نیک کام میں لگ جائیں اورحق داروں اور مستحق لوگوں کی مدد کریں

اداکارہ نے ہیش ٹیگ SavePoorSaveHumanity بھی استعمال کیا

واضح رہے اس سے پہلے اداکارہ نے راشن کے ساتھ اپنی کچھ تصاویر انسٹاگرام پر بھی شیئر کی تھیں اور انہوں نے مداحوں سے بھی اپیل کی تھی کہ وہ بھی اگر چاہیں تو ان کی ٹیم میں شامل ہو کر اس کارخیر میں اپنی استطاعت کے مطابق حصہ ڈ ال سکتے ہیں
https://www.instagram.com/p/B-W_B0Xl1vh/?utm_source=ig_embed
انہوں اپنی اس پوسٹ کی وضا حت کرتے ہوئے کہا تھا کہ یہ سب میں نے دکھاوے کیلئے نہیں کر رہی میری کیا اوقات میں بس یہ تصویریں لگا کر آپ لوگوں کو بتا رہی ہوں کہ آپ سب بھی میرے ساتھ مل کر اس کا حصہ بنیں یا پھر اپنی استطاعت کے مطابق آپ خود سے جو بھی کر سکتے ہیں کریں براہ مہربانی اس مشکل کی گھڑی میں مستحق لوگوں کی مدد کریں

پاکستانی معروف گلوکار و اداکار علی ظفرنے صاحب استطاعت لوگوں سے اپیل کی کہ یہ وقت دل کھولنے کا ہے آگے بڑھ کر اس مشکل وقت میں مستحق لوگوں کی مدد کریں

باغی ٹی وی : نجی ٹی وی چینل سماء ٹی وی کے ایک شو میں دیئے گئے ایک نٹر ویو میں علی ظفر کا کہنا تھا کہ میں صاحب استطاعت لوگوں سے اپیل کرتا ہوں کہ وہ آگے بڑھیں اور اس مشکل وقت میں غریب لوگوں کی مدد کریں یہ وقت دل کھولنے کا ہے
https://twitter.com/nadeemmalik/status/1245027762064306178?s=19
علی ظفر نے کہا کہ ہم لوگوں تک راشن پہنچا رہے ہئیں جس میں آٹا دودھ گھی چینی چاول وغیرہ شامل ہیں انہوں نے کہا کہ سب لوگوں کو خیال کرنا چاہیئے کہ ہمارا ہمسایہ بھوکا نہ رہے

گلوکار نے کہا تھا کہ میرے تک جو اطلاع پہنچی ہے اس کے مطابق اس ٹائم اتنے زیادہ غالباً چھ کروڑ بے روزگار لوگ ہیں جو اس صورتحال یا لاک ڈاؤن یا سوفٹ کرفیو کی صورتحال میں و گھر میں بیٹھ جائیں گے انہیں کھانا دینا پڑے اور اب یہ وہ ٹائم ہے جس کو اللہ کا ٹیسٹ سمجھ لیں

علی ظفر نے کہا کہ جو باعث حیثیت لوگ ہیں وہ دل کھول کر عطیات دیں لوگوں کے لئے کھانا پہنچانا مشکل کام ہے لیکن ہم پاکستانی بہت جذباتی قوم ہیں ہم جو بھی کام کرتے ہیں بڑے جذبے اور جوش سے کرتے ہیں ہم اس مسئلے کو اپنا جذبہ بنا لیں ہم سب کو مل کر ایک کوشش کرنی چاہیئے ایک کوآرڈینیٹک سائینٹیفیک طریقے سے جہاں پر تمام ادارے سول سوسائٹی پروائیویٹ سیکٹرز ہماری مساجد علماء آپ سب ہم سب لوگ این جی اوز اور پاک فوج مل کر یہ عہد کر لیں کہ یہ کام کرنا ہے تو یہ یقیناً ممکن ہو سکتا ہے

پاکستان شوبز انڈسٹری کی معروف اداکارہ عائزہ خان کا خطرناک کورونا وائرس کے حوالے سے سوشل میڈیا پر حفاظتی اقدامات پر آگاہی دیتے ہوئے کہنا ہے کہ ہاتھوں کی حفاظت پاکستان کی حفاظت

باغی ٹی وی : پاکستان شوبز انڈسٹری کی معروف اداکارہ عائزہ خان نے سوشل میڈیا پر اپنی ایک ویڈیو شئیر کی جس میں اداکارہ کورونا کے بارے میں آ گاہی کا پیغام دیتی نظر آرہی ہیں اداکارہ نے نے ویڈیو میں کہا کہ آپ نے اکثر مجھے لائف بوائے کو پروموٹ کرتے دیکھا ہے پر آج میں کہوں گی کہ آپ کے پاس جو بھی صابن ہے اُسے استعمال کریں کیونکہ صابن سے ہاتھ دھونا کورونا وائرس کو پھیلنے سے روک سکتا ہے کیونکہ ہاتھوں کی حفاظت پورے پاکستان کی حفاظت
https://www.instagram.com/p/B-bmmWFBhUR/?igshid=9o5qh2mggria

خیال رہے کہ اس سے پہلے بھی عائزہ خان نے پاکستان سمیت دنیا بھر میں پھیلے مہلک کورونا وائرس کے خطرے کے پیش نظر دعا کرتے ہوئے کہا تھا کہ اللہ سے شفا اورمعافی مانگتے رہیں انشااللہ ہمیں کوئی بھی چیز نقصان نہیں پہنچائے گی سماجی رابطے کی ویب سائٹ ٹویٹر پر اداکارہ نے لکھا کہ پاکستان سمیت دنیا بھر کے لوگوں کے لیے کوروناوائرس سے محفوظ رہنے کی دعا کرتے ہوئے کہا ہمارے پاکستان پر اور اس پوری دنیا پر اپنا رحم کر میرے اللہ

واضح رہے کہ عائزہ خان ڈارمہ سیریل مہر پوش میں مہر کا مرکزی کردار ادا کر رہی ہیں جبکہ ان کے ہمراہ ان کے شوہر دانش تیمور شاہ جہان کے مرکزی کردار میں نظر آئیں گے ڈرامہ رواں ہرہفتے 3 اپریل یعنی جمعے سے ہر رات 8 نجے جیو انٹر ٹینمنٹ پر نشر کیا جائے گا