Author: عائشہ ذوالفقار

خیبرپختونخوا کے اساتذہ نے مطالبات کی منظوری کے بعد بنی گالہ میں چیئرمین پی ٹی آئی عمران خان کی رہائش گاہ کے باہر دھرنا ختم کردیا۔

باغی ٹی وی : صدر ینگ ٹیچرز ایسوسی ایشن خیبرپختونخوا نے کہا ہے کہ ہمارے تمام مطالبات مان لیے گئے ہیں، تمام اساتذہ کو مبارک ہو،دھرنا یہاں ختم کر دیتے ہیں۔

خیبرپختونخوا سے آئے ینگ ٹیچرز نے بنی گالہ میں اسد عمر کی گاڑی روک لی

واضح رہے کہ بنی گالہ میں تحریک انصاف کے چیئرمین عمران خان کی رہائشگاہ کے بعد اساتذہ نے دھرنا دیا ہوا ہے، ینگ ٹیچر ایسوسی ایشن کے جانب سے سابقہ وزیر اعظم عمران خان کے رہائشگاہ بنی گالہ کے باہر جاری دھرنے کا عمران خان سمیت کسی نے بھی نوٹس نہیں لیا،عمران خان کے جانب سے کیے گئے وعدوں کے باوجود خیبرپختونخوا کے ینگ ٹیچر اساتذہ کے مطالبات منظور نہیں کیے گئے

عمران خان بنی گالہ میں ٹک ٹاکرز سے ملے ہیں اور دیگر لوگوں سے بھی ملاقاتیں جاری ہیں تا ہم عمران خان احتجاج کرنے والے اساتذہ سے نہیں ملے اور نہ ہی کوئی رابطہ کیا ہے احتجاج کرنے والے اساتذہ کا مطالبہ ہے کہ صوبے کے 58 ہزار اساتذہ کو تاریخِ تقرری سے مستقل کیا جائے۔ تاریخ تقرری سے سنیارٹی اور سالانہ انکریمنٹ بھی دیا جائے اس سے پہلے اساتذہ نے بنی گالہ آنے والے پی ٹی آئی کے سینئر رہنما اسد عمر کی گاڑی روک لی تھی۔

پاکستان کوپولیوسے پاک ملک دیکھناچاہتے ہیں،سلمان رفیق

احتجاجی ینگ ٹیچرز نے پی ٹی آئی کے مرکزی رہنما سے مطالبہ کیا تھا کہ وہ ان کے مطالبات منظور کرانے میں تعاون کریں سابق وفاقی وزیر اسد عمر نے اس موقع پر گاڑی سے نکل کر اساتذہ سے بات چیت کی اور کہا کہ آپ کا پیغام چیئرمین تحریک انصاف تک پہنچا دیتا ہوں لیکن آپ کو اس طرح دیکھ کر تکلیف اور خوشی دونوں محسوس ہو رہی ہے۔

اسد عمر نے کہا کہ تکلیف اس بات کی ہے کہ اساتذہ کا رشتہ احترام کا ہے، ہم اور ہمارے بچے اساتذہ کے پڑھائے ہوئے ہیں، اساتذہ کو یہاں آکر نہیں بیٹھنا چاہیے تھاخوشی اس بات کی ہے کہ اپنے حق کے لیے احتجاج کرنا چاہیے اور وہ آپ کر رہے ہیں، اساتذہ منظم ہیں اور اپنا دو ٹوک مؤقف بھی اپنائے ہوئے ہیں۔

انہوں نے کہا کہ مجھے نہیں معلوم تھا کہ یہاں پر احتجاج چل رہا ہےمجھے یقین ہے کہ آپ کے جائز مطالبے پر عمران خان آپ کے ساتھ ہوں گے،بجٹ میں دیکھنا ہوگا کہ وہاں سے سپورٹ کر سکتے ہیں کہ نہیں، عمران خان انصاف کی بات پر آپ کے ساتھ ہوں گے-

یفا فٹبال ورلڈ کپ 2022 میں سیالکوٹ میں تیار ہونے والا فٹبال استعمال ہو گا

اسلام آباد: الیکشن کمیشن نے صوبائی و قومی حلقوں کے ضمنی انتخابات میں سیکیورٹی کے لیے فوج سے مدد طلب کرلی۔

باغی ٹی وی :کراچی اور لاہور کے ضمنی انتخابات میں بد امنی اور پر تشدد واقعات کو پیش نظر رکھتے ہوئے پاک فوج کی خدمات طلب کی جا رہی ہیں سندھ میں بلدیاتی انتخابات کا مرحلہ 26 جون، پی کے 7 سوات میں ضمنی الیکشن 26 جون اور پنجاب کے 20 حلقوں میں ضمنی انتخابات 17 جولائی کو شیڈول ہیں سندھ میں بلدیاتی انتخابات کا دوسرا مرحلہ 24 جولائی اور این اے 245 کراچی میں 27 جولائی کو ضمنی انتخابات شیڈول ہیں۔

غیر قانونی ڈرائیونگ کرنے پر اب صرف چالان نہیں ہو گا،پوائنٹس بھی کٹیں گے

اس ضمن میں چیف الیکشن کمشنر سکندر سلطان راجہ نے آرمی چیف جنرل قمر جاوید باجوہ کو مراسلہ بھیج دیا، جس میں سندھ کے بلدیاتی انتخابات،پنجاب کے 20 حلقوں میں ضمنی انتخابات، این اے 245 کراچی کے ضمنی انتخابات، پی کے 7 سوات کے ضمنی انتخابات کے لیے سکیورٹی فراہم کرنے کی درخواست کی گئی ہے۔

چیف الیکشن کمشنر نے مراسلے میں گزشتہ انتخابات کے دوران پاک فوج کے تعاون کی تعریف کرتے ہوئے کہا کہ گزشتہ عام انتخابات سمیت ضمنی و بلدیاتی الیکشن میں انتہائی حساس ترین پولنگ اسٹیشنوں پر پاک فوج نے مثالی کردار ادا کیاحالیہ خیبر پختونخوا اور بلوچستان بلدیاتی انتخابات میں بھی پاک فوج نے سکیورٹی کی خدمات احسن طریقے سر انجام دیں امید ہے آئندہ انے والے ضمنی و بلدیاتی انتخابات میں بھی پاک فوج بہترین طریقے سے اپنی خدمات سر انجام دے گی۔

پوری امید ہے کہ ایک آدھ دن میں آئی ایم ایف پروگرام بحال ہو جائے گا،مفتاح اسماعیل

علاوہ ازیں چیف الیکشن کمشنر نے سندھ کے بلدیاتی انتخابات اور قومی اسمبلی کی نشست 245 کراچی کے ضمنی انتخابات کیلئے وزیراعلیٰ سندھ سے رینجرز و پاک فوج طلب کرنے کا مطالبہ کیا-

چیف الیکشن کمشنر نے مراد علی شاہ کوارسال کیےگئے مراسلے میں کہاہےکہ این اے 240 کے حالیہ ضمنی انتخابات میں بد امنی ، فائرنگ اور بلیٹ باکس چھینے جیسے واقعات پرفوری ایکشن کی ہدایت دی ہے پولنگ میں مداخلت اور بدامنی کے ذمہ داروں کے خلاف مثالی ایکشن لیا جائے اور اس سلسلے میں اگر ضرورت پڑے تو سندھ رینجرز اور پاک آرمی کی حساس پولنگ اسٹیشنز پر خدمات طلب کی جائیں اور ہدایت دی کہ سندھ میں ائندہ بلدیاتی انتخابات اور این اے 245 ضمنی انتخابات میں پر امن ماحول کے لیے ہر ممکن اقدامات اٹھائے جائیں، صوبائی حکومت ہر حال میں بلدیاتی انتخابات اور ضمنی انتخابات میں پر امن پولنگ کے انعقاد کو یقینی بنائے۔

پنجاب اسمبلی کا ایوان اقبال میں اجلاس جاری،بجٹ پر بحث،ارکان کی عدم دلچسپی

موٹروے پر غیر قانونی ڈرائیونگ کرنے پر نہ صرف چالان ہو گا بلکہ اب ڈرائیونگ لائسنس پر ڈی میرٹ پوائنٹس بھی ملیں گے۔

باغی ٹی وی : تفصیلات کے مطابق انسپکٹر جنرل نیشنل ہائی ویز اینڈ موٹروے پولیس خالد محمود نے کہا ہے کہ ڈرائیونگ لائسنس پر ڈی میرٹ پوائنٹس سسٹم نافذالعمل کر رہے ہیں،موٹروے پولیس اب ہر چالان پر ڈرائیونگ لائسنس پر پوائنٹس کاٹے گی۔

پوری امید ہے کہ ایک آدھ دن میں آئی ایم ایف پروگرام بحال ہو جائے گا،مفتاح اسماعیل

انہوں نے کہا کہ موٹروے پولیس نے 80 لاکھ سے زائد ڈرائیونگ لائسنس کا ڈیٹا محفوظ کر لیا ہے، 2 سال میں پوائنٹس 20 سے تجاوز پر لائسنس معطل کر دیا جائے گا سابق تمام چالانوں کا ریکارڈ شناختی کارڈ، موبائل نمبر یا لائسنس نمبر کی مدد سے حاصل کیے جا سکیں گے۔

انہوں نے کہا کہ موٹروے پولیس نے تمام لائسنسز کا ڈیٹا بیس سسٹم تیار کر لیاہے۔ ٹریفک قوانین کی پاسداری کرنا ہم سب کیلئے نہایت ضروری ہے۔

قبل ازیں موٹر وے پولیس کی جانب سے وارننگ دی گئی تھی کہ موٹر وے پر قوانین کی خلاف ورزی پر اب صرف چالان نہیں ہوگا بلکہ ایک خاص حد سے زیادہ قوانین کی خلاف ورزی پر ڈرائیورنگ لائسنس کینسل کر دیا جائے گا۔

اپنے ویڈیو پیغام میں آئی جی موٹر وے خالد محمود نے کہا تھا کہ ورلڈ ہیلتھ آرگنائزیشن کے مطابق سالانہ 30 ہزار اموات ٹریفک حادثات کی وجہ سے ہوتی ہیں ، ہم نے حادثات پر قابو پانے کیلئے چند اقدامات کئے ہیں امید ہے آپ ان پر عمل کریں گے ،ہم نے پوائنٹ سسٹم متعارف کیا ہے جو انٹرنیشنل ڈیسک پریکٹس کے مطابق ہے-

اسپیکرعمران خان کی پاکستان ٹوٹنے،فوج کے حوالے سے بات پرکارروائی کیلئے خط لکھیں،ایاز صادق

انہوں نے بتایا تھا کہ اس پوائنٹ سسٹم میں ہمارے پاس ملک بھر سے 80 لاکھ سےزائد ڈرائیونگ لائسنس کا ڈیٹا موجود ہے ، ہمارا ٹکٹ سسٹم اس پوائنٹ سسٹم سے منسلک ہو گیاہے ، اب موٹر وے پر کسی کا چالان ہو گا تو ڈرائیورنگ لائسنس پر پوائنٹس لگا دیے جائیں گے ، جب ایک خاص حد سے زیادہ پوائنٹس ہو جائیں گے تو لائسنس کینسل کردیا جائے گا۔

انسپکٹر جنرل موٹر وے خالد محمود نے کہا تھا کہ وہ تمام لوگ جو تیز ڈرائیونگ کرتے ہیں ان تمام گاڑیوں کو تعاقب کرکے روکا جائے گا اور بھاری جرمانے کئے جائیں گے پہلے گاڑیا ں ایگزٹ سے نکل جاتی تھیں مگراب ہم تمام ایگزٹ پر اپنے اہلکار کھڑے کریں گے اور ان تمام گاڑیوں کو روکیں گے جن کا چالان ہو چکا ہو وہ تمام گاڑیاں چالان کی ادائیگی تک موٹر وے سے باہر نہیں جا سکیں گی-

پنجاب اسمبلی کا ایوان اقبال میں اجلاس جاری،بجٹ پر بحث،ارکان کی عدم دلچسپی

انہوں نے کہا تھا کہ اس سلسلے میں ہم نے مختلف مقامات پر سپاٹرز کھڑے کر دیے ہیں جن کے پاس ایچ ڈی کیمرے موجود ہیں ، یہ کہیں سے بھی آپ کی تصویر لے سکیں گے جس سے یہ علم ہو سکے گا کہ آپ نے سیٹ بیلٹ باندھی ہے یا نہیں ، آپ موبائل استعمال کر رہے ہیں یا آپ سست رفتاری سے جا رہے ہیں ، تمام باتیں ثبوت کے ساتھ موجود ہوں گی ایگزیٹ سے قبل چالان ادا کریں گے تو ہی موٹر وے سے باہر جائیں گے-

آئی جی موٹر ویز کا کہنا تھا کہ اس سلسلے میں ہم نے کچھ گاڑیوں پر ویری ایبل میسج سائن سسٹم لگا دیاہے جبکہ مزید پر لگایا جا رہا ہے اس میں بیک سکرین پر آپ کی گاڑی کا نمبر آئے گا اور آپ کو بتایا جائے گا کہ آپ اوور سپیڈنگ کر رہے ہیں یا غلط لائن میں جا رہے ہیں ، گاڑی سائیڈ پر لگائیں آپ کا چالان کرنا ہے ، بہت جلد سسٹم پوری طرح نافذ ہو جائے گا۔

یہ اقدام نیشنل ہائی ویز اینڈ موٹروے پولیس کی شروع کردہ ‘#NoMore’ مہم کا ایک حصہ ہے، جس کے تحت ٹیکنالوجی کا استعمال کرتے ہوئے جیسا کہ جدید آلات سے لیس سپاٹرز،جدید سپیڈ چیکنگ کیمروں، ڈرونز، باڈی وارن کیمروں کا نظام متعارف کرایا گیا ہے، جس کے ذریعے موٹرویز اور ہائی ویز پر قوانین کی خلاف ورزیوں کو موثر انداز میں کنٹرول کیا جا سکتا ہے۔ ڈ ی میرٹ پوائنٹ سسٹم کو نافذ کرنے کا مقصد نیشنل ہائی ویز اینڈ موٹروے پولیس کے قوانین کے یکساں اور موثر نفاذ کے طریقہ کار کو بین الاقوامی معیار کے مطابق کرنا ہے تاکہ ہماری قومی شاہراہوں اور موٹر ویز پر ٹریفک قوانین کی خلاف ورزیوں پر قابو پایا جا سکے اور حادثات کی شرح میں نمایا ں کمی لائی جا سکے۔

اسلام آباد: وفاقی وزیر خزانہ مفتاح اسماعیل نے دعویٰ کیا ہے کہ عالمی مالیاتی فنڈ (آئی ایم ایف) کا پروگرام ایک آدھ دن میں بحال ہوجائے گا۔

باغی ٹی وی :صحافیوں سے غیر رسمی گفتگو کرتے ہوئے مفتاح اسماعیل نے کہا کہ مجھے آئی ایم ایف پروگرام کی بحالی کی پوری امید ہے، اگر صاحب ثروت لوگ ہیں تو ان پر ٹیکس لگے گا غریب طبقے کو ریلیف دیا جائے گا، آئی ایم ایف پروگرام کا تنخواہ بڑھانے سے کوئی تعلق نہیں ہےسالانہ 12 لاکھ روپے تک آمدن پر ٹیکس استثنیٰ برقرار رہے گا۔

چند روز قبل اپنے بیان میں مفتاح اسماعیل نے کہا تھا کہ خواہش ہے ملک میں کسی کو بھی 2 ہزار وظیفے کی ضرورت نہ پڑے۔

انہوں نے کہا کہ مشکل وقت میں بجٹ پیش کیا گیا کیونکہ ماضی میں اتنا معاشی مشکل نہیں دیکھا جتنا آج دیکھ رہا ہوں۔ ایک ہزار 100 ارب روپے بجلی کی مد سبسڈی دی گئی اور 500 ارب روپے کا سرکلر ڈیٹ دیا۔ 16 روپے فی یونٹ حکومت دے رہی ہے لیکن یہ بھی عوام کے ہی پیسے ہیں۔

پاکستان کوپولیوسے پاک ملک دیکھناچاہتے ہیں،سلمان رفیق

انہوں ںے کہا کہ رواں مالی سال شعبہ گیس میں 400 ارب روپے کی سبسڈی دی گئی اور 30، 35 روپے بجلی کا یونٹ بنا رہے ہیں لیکن اگر باقی ممالک میں سستی گیس مل رہی ہے تو ہم مہنگی نہیں دے سکتے۔ ملک میں 200 ملین ڈالر کی گیس کا پتہ ہی نہیں کہاں گئی۔

وزیر خزانہ نے کہا کہ ملکی انتظامی امور ٹھیک کرنا ضروری ہے ورنہ یہ ملک چلانا مشکل ہے۔ 2 اعشاریہ 4 ارب کی گیس ہم ہوا میں اڑا دیتے ہیں۔ پاکستان باوقار اور نیوکلیئر پاور ملک ہے، اس لیے ہمیں معیشت سنبھالنا ہو گی۔

دوسری جانب سلیم مانڈوی والا کی سینیٹ کی قائمہ کمیٹی خزانہ کا زیر صدارت اجلاس ہوا .کمیٹی اجلاس میں وزیر خزانہ مفتاح اسماعیل اور سابق وزیر خزانہ شوکت ترین آمنے سامنے آئے دونوں کے درمیان دلچسپ مکالمہ بھی ہوا-

اجلاس میں وزیر خزانہ مفتاح اسماعیل نے کہا کہ فارما سیوٹیکل کے ریفنڈ آئندہ 4 روز سے ادا کرنے شروع کر دیں گے، 4دنوں میں ریفنڈ کی سلسلہ شروع نہ ہو سکا تو آئندہ 2ماہ میں پیسے کلئیر کر دیں گے،گزشتہ مالی سال14 سے15 کلو گرام سونا قانونی طریقے سے پاکستان آیا-

انہوں نے بتایا کہ 80ٹن سونا ملک میں اسمگلنگ کے ذریعے آ رہا ہے، ایسے جیولرزبھی ہیں جن کی یومیہ کروڑ روپے سے زائد کی آمدن ہوتی ہے،جب دکاندار سے پوچھا تو کہا روزانہ چار ہزار کی سیل ہوتی ہے-

ملک بھر کےمندر وں اور گورودواروں کی اصل حالت میں بحالی کا فیصلہ

وزیرخزانہ مفتاح اسماعیل نے بتایا کہ خالی پلاٹ پر تعمیرات شروع کر دی جائیں تو کوئی ٹیکس نہیں لیں گے آپ پہلی اینٹ لگا دیں ٹیکس ختم کر دیا جائے گا،قبضہ ملنے اور تعمیرات شروع نہ کرنے پر ٹیکس لاگو ہوگا۔

وزیر خزانہ نے خالی پلاٹ مخصوص مدت تک رکھنے کی اجازت دینے کی تجویز سے اتفاق کیا اور کہا کہ کمپنیاں سالانہ 30 کروڑ منافع پر 2 فیصد ٹیکس ادا کریں گی۔

سینیٹ کمیٹی نے سفارش کی کہ 30 کروڑ پر ٹیکس کی بجائے 30 کروڑ سے زائد آمدن پر ٹیکس عائد کیا جائے اس پر مفتاح اسماعیل نے کہا کہ بات تو ٹھیک ہے مگر کیا کریں پیسوں کی بہت ضرورت ہے۔

اس پر سابق وزیر خزانہ شوکت ترین بولے کہ بات میں وزن ہے مفتاح صاحب کوئی اور جیب کاٹ لیں مفتاح اسماعیل نے جواب دیا بالکل ابھی تو اور بھی جیبیں کاٹنی ہیں۔

خیبرپختونخوا سے آئے ینگ ٹیچرز نے بنی گالہ میں اسد عمر کی گاڑی روک لی

اجلاس میں سابق وزیر خزانہ شوکت ترین نے کہا کہ ملک میں مہنگائی کی شرح 28 فیصد تک پہنچ چکی ہے،گریجوئیٹی اور پراویڈنٹ فنڈ پر ٹیکس نہ لگایا جائے،مہنگائی بہت جلد 35 فیصد ہو جائے گی،اوسط مہنگائی جلد نیچے نہیں آئے گی،ادویات سازی کرنے والی فیکٹری ہی جوس بنا رہی ہے،ادویات ساز میک اپ کا سامان بنارہے ہیں اور سیلز ٹیکس نہیں دیتے، اگر انہیں 17 کی بجائے کم سیلز ٹیکس لگائیں گے تو یہ ادا ہی نہیں کریں گے-

اعظم نذیر تارڑ نے کہا کہ پوری قوم کو فیٹف کی پیشرفت پر مبارکباد پیش کرتے ہیں یہ کسی ایک شخص کی نہیں مشترکہ کامیابی ہے ،کچھ چیزوں میں قومی مفاد کو ترجیح دینی چاہیے،ہم نے آئین سے متصادم اشیاء پر اعتراض کیاتھا،اس پرپوری قوم کو کریڈیٹ دیتے ہیں ،یہ کسی ادارے ،افسر یا جماعت کا کریڈٹ نہیں-