Baaghi TV

Author: عائشہ ذوالفقار

  • خالصتان ریفرنڈم: کینیڈا میں تاریخ رقم،آزاد خالصتان کا کیپیٹل شملہ ہونا چاہیے،سکھوں کا مطالبہ

    خالصتان ریفرنڈم: کینیڈا میں تاریخ رقم،آزاد خالصتان کا کیپیٹل شملہ ہونا چاہیے،سکھوں کا مطالبہ

    ٹورنٹو:کینیڈا میں خالصتان ریفرنڈم کے حوالے سے تاریخ رقم ، خالصتان ریفرنڈم میں ایک لاکھ 10 ہزار سکھوں نے ووٹ کاسٹ کیے۔

    باغی ٹی وی : ریفرنڈم میں غیرمعمولی تعداد میں سکھوں کی شرکت پر سکھ فارجسٹس نے اظہار تشکرکیا ہے ، ووٹ ڈالنے والے سکھوں نے مطالبہ کیا ہے کہ آزاد خالصتان کا کیپیٹل شملہ ہونا چاہیے۔

    بھارت کو بڑی سفارتی ناکامی کا سامنا،کینیڈا میں ریفرنڈم آج ہوگا

    واضح رہے ریفرنڈم میں حصہ لینے والے شرکا کا کہنا تھا کہ ریفرنڈم کے نتائج دنیا پر واضح کردیں گے کہ سکھ آزادی چاہتے ہیں، بھارتی پنجاب جلد ایک آزاد ملک کے طور پر دنیا کے نقشے پر ابھرے گا، بھارت طاقت کے ذریعے سکھوں کو آزادی کے حق سے محروم نہیں کرسکتا۔

    ووٹنگ کا آغاز خصوصی دعاؤں سے ہوا۔ ریفرنڈم میں ووٹ ڈالنے کے لیے خواتین اور بزرگوں کی بڑی تعداد قطار میں کھڑی تھی رائے دہندگان نے کہا تھا کہ ریفرنڈم کے نتائج سے یہ واضح ہو جائے گا کہ سکھ بھارت سے آزادی چاہتے ہیں۔

    ان کا کہنا تھا کہ بھارتی پنجاب کی ریاست میں دنیا کے نقشے پر ایک نیا ملک ظاہر ہو گا، ان کا کہنا تھا کہ بھارت سکھوں کو آزادی سے محروم نہیں کر سکتا۔

    سکھوں کیلئےعلیحدہ ملک "خالصتان” کے قیام پر کینیڈا میں ریفرنڈم،مہم کی حمایت میں ہزاروں گاڑیوں کی ریلی

    یاد رہے کہ بھارت کو بڑی سفاری ناکامی کا سامنا کرنا پڑا تھا جب بھارت کی خالصتان ریفرنڈم رکوانے کی ساری کوششیں بے کار گئیں اور ریفرنڈم کا آغاز ہوا کینیڈین حکومت کا کہنا تھا کہ خالصتان ریفرنڈم کو روکا نہیں جاسکتا، لوگوں کو آزادی اظہار کی اجازت ہے۔

    کینیڈین حکومت کی جانب سے کہا گیا تھا کہ خالصتان ریفرنڈم سکھوں کا قانونی و جمہوری حق ہے۔ کینیڈا میں قانون کے دائرے میں رہتے ہوئے ہر کوئی اپنا جمہوری حق استعمال کر سکتا ہے۔

    کینیڈا میں ریفرنڈم کے باعث سیاسی کشیدگی کے بعد مشتعل افراد نے ایک مندر میں توڑپھوڑ کی تھی جس پر بھارتی حکومت نے کینیڈا سے کارروائی کا مطالبہ کیا تھا۔

    امریکا اورطالبان کے درمیان دوحا معاہدے کے تحت قیدیوں کا تبادلہ

  • جاپان: طاقتور طوفان نانمادول کے باعث 90 لاکھ لوگ نقل مکانی پر مجبور

    جاپان: طاقتور طوفان نانمادول کے باعث 90 لاکھ لوگ نقل مکانی پر مجبور

    جاپان کے جنوب مغربی حصے کو طاقتور طوفان نانمادول کا سامنا ہے حکام نے 90 لاکھ لوگوں کو اپنے گھر خالی کرنے کے لیے کہا ہے-

    باغی ٹی وی : سپر طوفان نانماوول سے دو افراد ہلاک اور تقریباً 90 زخمی ہو گئے ہیں یہ اتوار کی صبح جاپان کے چار اہم جزائر کے سب سے جنوب میں واقع کیوشو سے ٹکرایا اور آنے والے دنوں میں سب سے بڑے جزیرے ہونشو تک پہنچنے والا ہے۔

    جاپان: طاقتور طوفان نانمادول آج ٹکرائے گا

    ہزراوں لوگوں نے اتوار کی رات ہنگامی پناہ گاہوں میں گزاری، اور تقریباً 350,000 گھروں کی بجلی منقطع ہے نقل و حمل اور کاروبار متاثر ہوگئے ہیں اور ملک بڑے پیمانے پر سیلاب اور لینڈ سلائیڈنگ کی لپیٹ میں ہے۔

    نانمادول234 کلومیٹر فی گھنٹہ (145 میل فی گھنٹہ) کی رفتار سے بڑھ رہا ہے، اور کچھ علاقوں میں 24 گھنٹوں میں 400 ملی میٹر (16 انچ) بارش کی پیش گوئی کی گئی تھی۔

    بلٹ ٹرین ، فیری اور سینکڑوں پروازیں منسوخ کر دی گئی ہیں۔ بہت سی دکانیں اور دیگر کاروبار بند ہو چکے ہیں، اور کچھ املاک کی حفاظت کے لیے ریت کے تھیلے رکھے گئے ہیں طوفان اتوار کی صبح جاپان کے سب سے جنوبی جزیرے کیوشو کے جنوبی سرے پر واقع شہر کاگوشیما سے ٹکرایا کیوشو میں ایک ندی کا کنارہ ٹوٹ گیا-

    سرکاری نشریاتی ادارے این ایچ کے مطابق ایک شخص کار سمیر سیلابی ڈوب گیا ، اور دوسرا مٹی کے تودے میں دب کر ہلاک ہوا۔ ایک اور شخص لاپتہ ہے، اور 87 زخمی ہیں۔

    مقامی ویڈیو فوٹیج میں دکھایا گیا ہے کہ عمارتوں کی چھتیں اڑ گئی ہیں اور بل بورڈز گر گئے ہیں۔

    کولوراڈو میں دو طیارے میں فضا میں ٹکرانے سے 3 افراد ہلاک

    طوفان بدھ تک سمندر میں جانے سے پہلے مشرق کی طرف مڑ کر جاپان کے مرکزی جزیرے ہونشو کے اوپر سے گزرنے کی پیش گوئی کی گئی ہے۔ دارالحکومت ٹوکیو میں شدید بارش ہوئی ہے، سیلاب کی وجہ سے توزئی زیر زمین لائن معطل ہو گئی ہے۔

    جاپان کے ڈیزاسٹر انتباہی پیمانے پر سب سے زیادہ درجہ پانچ کا الرٹ کاگوشیما، میازاکی، اوئٹا، کماموٹو اور یاماگوچی علاقوں میں 500,000 سے زیادہ لوگوں کے لیے جاری کیا گیا ہے۔

    لیول فور الرٹ کے بعد کیوشو، شیکوکو اور چوگوکو علاقوں کے کچھ حصوں کو خالی کرنے کے لیے کل نو ملین لوگوں کو حکم دیا گیا ہے سمندری طوفان زیادہ آبادی والے علاقوں میں پھیلیں گے۔

    نانمادول کو یو ایس جوائنٹ ٹائفون وارننگ سینٹر (JTWC) نے ایک سپر ٹائفون کے طور پر درجہ بندی کیا ہے، یہ اصطلاح 240km/h (150mph) یا اس سے زیادہ کی ہوا کی مسلسل رفتار والے طوفانوں پر لاگو ہوتی ہے۔ یہ زمرہ چار یا پانچ سمندری طوفان کے برابر ہے۔

    جاپانی وزیر اعظم نے طوفان کے اثرات کی نگرانی کے لیے نیویارک کا دورہ موخر کر دیا ہے، جہاں وہ اقوام متحدہ کی جنرل اسمبلی میں تقریر کرنے والے ہیں۔

    امریکا اورطالبان کے درمیان دوحا معاہدے کے تحت قیدیوں کا تبادلہ

    سائنس دانوں نے اس سال ایک بہت ہی فعال سمندری طوفان کے موسم کی پیش گوئی کی ہے، جو لا نینا کے نام سے مشہور قدرتی رجحان سے متاثر ہے آب و ہوا کی تبدیلی کے نتیجے میں بحر اوقیانوس اور کیریبین میں سمندر کی سطح کے گرم درجہ حرارت کا بھی اثر ہو سکتا ہے موسمیاتی تبدیلی پر بین الحکومتی پینل (IPCC) نے کہا ہے کہ عالمی سطح پر شدید اشنکٹبندیی طوفانوں میں اضافہ ہونے کا امکان ہے۔

  • وفاق کی وزیراعلیٰ سندھ کومتاثرین کیلئےٹینٹس کی فوری فراہمی کی یقین دہانی

    وفاق کی وزیراعلیٰ سندھ کومتاثرین کیلئےٹینٹس کی فوری فراہمی کی یقین دہانی

    کراچی: وفاقی حکومت نے وزیراعلیٰ سندھ کو سیلاب متاثرین کے لئے ٹینٹس کی فراہمی فوری طور پر یقینی بنانے کی کوشش کی یقین دہائی کرائی ہے-

    باغی ٹی وی : ذرائع کے مطابق وفاقی حکومت کی جانب سے یہ یقین دہانی وفاقی وزرا نے سید مراد علی شاہ سے وزیراعلیٰ ہاؤس میں ملاقات کے دوران کرائی۔

    حیدر آباد: سندھ گورنمنٹ کیجانب سے سیلاب زدگان کیلیے ٹینٹ سٹی کا قیام

    وزیراعظم میاں شہباز شریف کی ہدایت پروفاقی وزرا سید نوید قمر، فیصل سبزواری، طارق بشیر چیمہ اور وزیراعظم کے مشیر قمر الزماں کائرہ سمیت دیگر نے کراچی میں وزیراعلیٰ سندھ سے ملاقات کی جس میں سیلاب متاثرین کےلیےجاری امدادی سرگرمیوں اور ان کی بحالی کے اقدامات کے حوالے سے تبادلہ خیال کیا۔

    ملاقات میں وزیراعلیٰ سندھ سید مراد علی شاہ نے وفاقی وزرا کو دریائے سندھ کے رائٹ اور لفٹ بینک سے پانی کی نکاسی پر بریفنگ دی کہا کہ ابتد ا میں پانی نکا لنے کے حوالے سے پمپنگ اسٹیشنز پر بجلی کے مسائل تھے، وزیر اعظم کی مداخلت کے بعد یہ مسائل حل ہورہے ہیں اس وقت سیلاب متاثرین کے لیے ٹینٹس اور مچھر دانیوں کی فوری و اشد ضرورت ہے۔

    سندھ حکومت کو پانچ لاکھ ٹن گندم موصول،آٹے کی قیمتوں کے بحران کا خطرہ ٹل گیا

    سندھ میں ریلیف اینڈریسکیوآپریشن کے حوالے سے صوبائی وزیراطلاعات شرجیل میمن نے بتایا کہ بارشوں اورسیلاب سے 68 لاکھ 91 ہزار457 افراد بے گھر ہوئے ہیں سیلابی صورتحال سے ایک کروڑ8 لاکھ 2 ہزار 252 افراد متاثر ہوئے ہیں ،متاثرہ خاندانوں کی تعداد 20 لاکھ 17 ہزار579 ہے، سیلاب اور بارشوں کے واقعات میں 692 افراد جاں بحق ہوئے ہیں-

    شرجیل انعام میمن نے بتایا کہ،صوبہ بھر میں 2 لاکھ 46 ہزار 406 مویشی ہلاک ہوئے ہیں،مجموعی طور پر17 لاکھ 50 ہزار707 مکانات متاثر ہوئے ہیں،7 لاکھ 3 ہزار986 مکانات مکمل طورپرمنہدم ہو چکے ہیں،35لاکھ57ہزار711ایکٹراراضی پرکھڑی فصلیں تباہ ہوچکی ہیں ،دوسری جانب دریائے سندھ میں پانی کی سطح تیزی سے نیچی آ رہی ہے-

    چائے بنانے والےغیرملکی کمپنی کیطرف سیلاب زدگان میں 1 ٹن چائے تقسیم

  • عمران خان ہر رات کو کنسرٹ کرکے موسیقی کی محفلیں سجا رہے ہیں،فیصل کریم کنڈی

    عمران خان ہر رات کو کنسرٹ کرکے موسیقی کی محفلیں سجا رہے ہیں،فیصل کریم کنڈی

    وزیراعظم کے معاون خصوصی فیصل کریم کنڈی نے عمران خان کی تقریر پر ردعمل دیتے ہوئے شدید تنقید کی ہے-

    باغی ٹی وی : فیصل کریم کنڈی نے کہا کہ بارش اور سیلاب متاثرین کی دوبارہ بحالی کیلئے وزیراعظم میدان میں ہیں، سیلاب متاثرین کی بحالی کیلئے وزیر خارجہ اور وزیراعلیٰ سندھ بھی میدان میں ہیں-

    حسد کی آگ میں جلتے رہنا اب عمران خان کا مقدر ہے،مریم نواز

    فیصل کریم کنڈی کا کہنا تھا کہ عمران خان ہر رات کو کنسرٹ کرکے موسیقی کی محفلیں سجا رہے ہیں،عمران خان متاثرین کے نام پر ٹیلی تھون کرکے چندہ جمع کر رہے ہیں،اب تک انہوں نے متاثرین کو کوئی امداد پہنچائی نہ ہی خود جانے کی تکلیف کی ،عمران خان ہرروز 25کروڑ روپے خرچ کرکے کنسرٹ کرتے ہیں-

    ان حالات میں کون اپنا ملک چھوڑ کر بیرون ملک جاتا ہے، عمران خان

    قبل ازیں مسلم لیگ ن کی نائب صدر مریم نواز نے بھی چکوال جسلے میں عمران خان کی تقریر پر ردعمل دیتے کہا تھا کہ ہ فتنہ خان کی وزیرِ اعظم شہباز شریف کے بارے میں بےتکی باتیں پتہ دے رہی ہیں کہ شہباز شریف اور پاکستان کو جو سفارتی کامیابیاں اور عزت بیرونی دنیا سے ملی ہیں اس نے فارن فنڈڈ ایجنٹ کو تڑپا کے رکھ دیا ہیں ڈالر آخر حلال بھی تو کرنے ہیں!اسی حسد کی آگ میں جلتے رہنا اب اس کا مقدر ہے-

    عمران نیازی کا لانگ مارچ،ٹھس مارچ ثابت ہو گا، ترجمان پی ڈی ایم

    واضح رہے کہ واضح رہے کہ چکوال میں جلسے سے خطاب کرتے ہوئے عمران خان کا کہنا تھا کہ شہبازشریف کی بےحسی دیکھیں، ان حالات میں وہ باہر دورےکر رہے ہیں، کونسا معرکہ مارنا ہے باہر جب ملک میں اتنا بڑا سیلاب آیا ہوا ہے، پیپلزپارٹی کے چیئرمین بلاول بھٹو بھی منہ اٹھا کرباہر چلےگئے، ان کو اس لیے مسلط کیا گیا کہ یہ ان کا حکم مانےگا۔

  • حسد کی آگ میں جلتے رہنا اب عمران خان کا مقدر ہے،مریم نواز

    حسد کی آگ میں جلتے رہنا اب عمران خان کا مقدر ہے،مریم نواز

    مسلم لیگ ن کی نائب صدر مریم نواز نے کہا ہے کہ شہبازشریف کو ملنے والی سفارتی کامیابیوں نےعمران خان کو تڑپا کر رکھ دیا ہے۔

    باغی ٹی وی : سماجی رابطے کی ویب سائٹ ٹوئٹر پر اپنی ٹوئٹ میں مریم نواز نے چکوال جلسے میں کئے گئے خطاب پر عمران خان کو منہ توڑ جواب دیا ہے انہوں نے کہا کہ فتنہ خان کی وزیرِ اعظم شہباز شریف کے بارے میں بےتکی باتیں پتہ دے رہی ہیں کہ شہباز شریف اور پاکستان کو جو سفارتی کامیابیاں اور عزت بیرونی دنیا سے ملی ہیں اس نے فارن فنڈڈ ایجنٹ کو تڑپا کے رکھ دیا ہیں ڈالر آخر حلال بھی تو کرنے ہیں!اسی حسد کی آگ میں جلتے رہنا اب اس کا مقدر ہے-

    کشوہ زہرہ کا ایم کیو ایم کے کارکنان کی گرفتاریوں اور بہیمانہ قتل پر شدید احتجاج


    ایک اور ٹوئٹ میں مریم نواز نے کہا کہ نوازشریف کو گرانے کی کوشش کرنے والے خود تاریخ کے کوڑے دان کا حصہ بن گئے۔ نوازشریف قائم رہا اور قائم رہے گا ،عوام اور نواز شریف کا رشتہ لازوال ہے۔

    ان حالات میں کون اپنا ملک چھوڑ کر بیرون ملک جاتا ہے، عمران خان


    مریم نواز کا کہنا تھا کہ نواز شریف کے مخالفین نے انکے خلاف ظلم و انتقام کی ہر حد پار کر لی، انھیں مٹانے کے لیے کوئی کسر نہیں چھوڑی مگرمخالفین کی اس سے بڑی سزا اور کیا ہو گی کہ وہ اپنی جیتی آنکھوں سے اُسی نواز شریف کو ایک بار پھر پاکستان کا سیاسی نقشہ ترتیب دیتے ہوئے دیکھ رہے ہیں۔

    واضح رہے کہ چکوال میں جلسے سے خطاب کرتے ہوئے عمران خان کا کہنا تھا کہ شہبازشریف کی بےحسی دیکھیں، ان حالات میں وہ باہر دورےکر رہے ہیں، کونسا معرکہ مارنا ہے باہر ؟ جب ملک میں اتنا بڑا سیلاب آیا ہوا ہے، پیپلزپارٹی کے چیئرمین بلاول بھٹو بھی منہ اٹھا کرباہر چلےگئے، ان کو اس لیے مسلط کیا گیا کہ یہ ان کا حکم مانےگا۔

    حیدر آباد: سندھ گورنمنٹ کیجانب سے سیلاب زدگان کیلیے ٹینٹ سٹی کا قیام

    عمران خان کا کہنا تھا کہ یہ باہر لے جایا گیا پیسا آدھا بھی واپس لائیں توپاکستان کوپیسا نہ مانگنا پڑے، روسی صدر پیوٹن کے سامنے شہباز شریف کی کانپیں ٹانگ رہی تھیں، کسی وزیراعظم کویہ باتیں نہیں کرتے دیکھا جو شہبازشریف نے اقوام متحدہ کے سیکرٹری جنرل سےکیں، شہباز شریف سیکرٹری جنرل سے پیسے مانگ رہے تھے۔

    انہوں نےکہا کہ شہباز شریف نے بیان حلفی دیا تھا کہ نوازشریف واپس آئیں گے، نواز شریف کی بیٹی نے زندگی میں ایک گھنٹہ کام نہیں کیا، مریم نے جھوٹ بولنے میں پی ایچ ڈی کی ہوئی ہے، مریم نواز شہزادی بنی ہوئی ہیں ان کو میرٹ کا پتا ہی نہیں، چوہدری نثار ن لیگ سے الگ ہی اس لیے ہوئےکہ کہاں چوہدری نثار اور کہاں مریم نواز، پیپلزپارٹی میں بھی میرٹ ہوتا تو چیئرمین اعتزاز احسن ہوتے بلاول نہیں-

    ان حالات میں کون اپنا ملک چھوڑ کر بیرون ملک جاتا ہے، عمران خان

  • اچھا کریں یا برا باتیں ہمیشہ ہوتی ہیں،پاک انگلینڈ سیریز میں فارم واپس لانے کی کوشش کروں گا،بابر اعظم

    اچھا کریں یا برا باتیں ہمیشہ ہوتی ہیں،پاک انگلینڈ سیریز میں فارم واپس لانے کی کوشش کروں گا،بابر اعظم

    کراچی: پاکستان کرکٹ ٹیم کے کپتان بابر اعظم نے کہا ہے کہ اچھا کریں یا برا باتیں ہمیشہ ہوتی ہیں، ہم نے اسی بیٹنگ سے 200 بھی کیا اور اتنا ہی ہدف حاصل بھی کیا-

    باغی ٹی وی : نیشنل اسٹیڈیم کراچی میں پریس کانفرنس میں قومی ٹیم کےکپتان نےکہا کہ انگلینڈ کی ٹیم کافی عرصے بعد پاکستان آئی ہے ساری ٹیم کافی پُرجوش ہے انگلش ٹیم کے خلاف ٹی ٹوئنٹی سیریز بہت اہم ہوگی اور اچھے مقابلے دیکھنے میں آئیں گے 7 میچز کی سیریز ہے جبکہ عالمی کپ کے لیے تیاریوں میں مدد ملے گی۔

    پاکستان، انگلینڈ ٹی ٹوئنٹی سیریز کا پہلا میچ کل ہو گا، ٹرافی کی رونمائی

    انہوں نے کہا کہ پچھلے2 سال سےہماری اوپننگ جوڑی کافی کامیاب رہی ہے لیکن ہرمیچ میں صورتحال مختلف ہوتی ہےہماری اوپننگ جوڑی سے پاکستان کو کافی فتوحات بھی ملی ہیں پاورپلےکااچھا استمعال کرتےرہے ہیں اور محمد رضوان کے ساتھ مل کر ذمہ داری نبھانے کی کوشش کروں گا، اپنے اوپر ہونے والی باتوں کو نہیں سنتا البتہ تسلیم کرتا ہوں کہ ایشیا کپ میں ڈاٹ بال زیادہ ہوئیں۔

    قومی کرکٹ ٹیم کے کپتان نے کہا کہ ہرشل گبز سے میری کوئی ایسی بات نہیں ہوئی، اپنی پرفارمنس کی ٹینشن تھی لیکن مڈل آرڈر کی کارکردگی کی خوشی تھی، اچھا کریں یا برا باتیں ہمیشہ ہوتی ہیں، ہم نے اسی بیٹنگ سے 200 بھی کیا اور اتنا ہی ہدف حاصل بھی کیا ہمیشہ اچھے کی امید رکھنی چاہیے،سیریز میں فارم واپس لانے کی کوشش کروں گا-

    بابراعظم نے کہا کہ نوجوان فاسٹ بولر شاہین شاہ آفریدی کی سیریز میں کمی محسوس ہوگی، ان کی فٹنس بتدریج بحال ہو رہی ہے اور امید ہے کہ وہ عالمی کپ کے لیے دستیاب ہوں گے۔


    بابراعظم کا کہنا تھا کہ سیلاب زدگان سے بہت ہمدردی ہے، متاثرین پریشانی سے گزر رہے ہیں اور پوری قوم ان کے ساتھ ہے، پاکستان کی مشکل گھڑی میں دنیا مدد کرتی ہے، بیرون ملک پاکستانی بھی اپنا کردار ادا کرتے ہیں، میری درخواست ہے کہ لوگ میچ دیکھنے آئیں۔

    میرے اباواجداد پاکستان سے ہیں:لیکن انگلینڈ ٹیم کی قیادت میرے لئےاعزاز ہے::معین علی

  • پاکستان، انگلینڈ ٹی ٹوئنٹی سیریز کا پہلا میچ کل ہو گا، ٹرافی کی رونمائی

    پاکستان، انگلینڈ ٹی ٹوئنٹی سیریز کا پہلا میچ کل ہو گا، ٹرافی کی رونمائی

    کراچی: پاکستان اور انگلینڈ کی کرکٹ ٹیمیں پہلے ٹی ٹوئنٹی انٹرنیشنل میچ میں کل نیشنل اسٹیڈیم میں آمنے سامنے ہوں گے۔

    دونوں ٹیموں کے درمیان سیریز کا پہلا میچ کل منگل 20 ستمبر کو نیشنل اسٹیڈیم کراچی میں کھیلا جائےگا۔ میچ شام ساڑھے 7 بجے شروع ہوگا۔ پہلے میچ کی گیٹ منی پی سی بی نے سیلاب ذدگان کی امداد میں دینے کا اعلان کیا ہے، سیریز کی تیاریاں مکمل ہوچکی ہیں اور آج ٹرافی کی رونمائی بھی کردی گئی ہے۔


    کراچی کے نیشنل اسٹیڈیم میں دونوں ٹیموں کے کپتانوں نے ٹرافی کی رونمائی کی، بابراعظم اور جوز بٹلر نے ٹرافی کے ساتھ تصاویر بھی بنوائیں۔

    انگلینڈ ٹیم کے کپتان جوز بٹلر انجری کی وجہ سے کراچی میں ہونے والے میچز میں شرکت نہیں کرسکیں گے، اس دوران کپتانی کے فراض معین علی انجام دیں گے کپتان معین علی کا کہنا ہے کہ شاید بٹلر آخری دو میچز کیلئے ٹیم کو دستیاب ہوں گے۔


    کراچی ٹریفک پولیس نے شائقین کرکٹ کی گاڑیوں کی پارکنگ اورشہریوں کیلئے متبادل راستوں کا خصوصی ٹریفک پلان مرتب کیا ہے کراچی شہر کے مختلف علاقوں سے نیشنل اسٹیڈیم آنے والے شائقین جن کےپاس میچ کے ٹکٹ ہوں گےان کےلیے ایکسپو سینٹر میں پارکنگ کے انتظامات کیے گئے ہیں۔ پارکنگ کرنے کیلئے اصل شناختی کارڈ اور میچ کا ٹکٹ دکھانا لازمی ہوگا۔

    لیاقت آباد سےبراستہ حسن اسکوائر فلائی اوورنیشنل اسٹیڈیم روڈ کسی بھی قسم کی ٹریفک کوجانےکی اجازت نہیں ہوگی۔تمام ٹریفک یونیو رسٹی روڈ کا راستہ اختیار کرکے اپنی منزل کی جانب جا سکے گا۔ یونیورسٹی روڈ سے ایکسپو ٹرننگ کی جانب اسٹیڈیم روڈ عام پبلک کو جانے کی اجازت نہیں ہوگی۔ اس کے علاوہ اسٹیڈیم روڈ سے جانب حسن اسکوائر ٹریفک معمول کے مطابق چلتی رہے گی۔

    سہراب گوٹھ سے جانب نیپا، لیاقت آباد نمبر 10 سے جانب حسن اسکوائر ، پی پی چورنگی سے جانب یونیورسٹی روڈ ، کارساز سے اسٹیڈیم روڈ، ملینیم تا نیو ٹاؤن، اسٹیڈیم سگنل تا حسن اسکوائر ہر قسم کی ہیوی ٹریفک کا داخلہ ممنوع ہوگا۔

    کراچی ٹریفک پولیس کی جانب سے عوام الناس سے گذارش کی گئی ہے کہ زحمت و پریشانی سے بچنے کےلئے قانون نافذ کرنے والے اداروں اور ٹریفک پولیس سے تعاون کریں۔

    واضح رہے کہ 7 ٹی ٹوئنٹی میچز کی سیریز کے چار میچز کراچی اور تین لاہور میں ہوں گے انگلینڈ کی ٹیم 17 سال بعد پاکستان کا دورہ کر رہی ہے۔

    انگلینڈ اور پاکستان کے درمیان اب تک کل 21 ٹی ٹوئنٹی میچز کھیلے گئے ہیں جن میں سے 13 میں انگلینڈ نے کامیابی حاصل کی ہے جبکہ گرین شرٹس صرف 6 میچز جیت سکی ہے اور ایک میچ بے نتیجہ رہا 2015 شارجہ میں ہونے والا میچ انگلینڈ نے ٹائی ہونے کے بعد سپر اوور پر جیتا تھا۔

  • سندھ حکومت کو پانچ لاکھ ٹن گندم موصول،آٹے کی قیمتوں کے بحران کا خطرہ ٹل گیا

    سندھ حکومت کو پانچ لاکھ ٹن گندم موصول،آٹے کی قیمتوں کے بحران کا خطرہ ٹل گیا

    سندھ حکومت کو پاسکو سے پانچ لاکھ ٹن گندم موصول ہونے اور فلور ملوں کو یکم اکتوبر سے گندم کے کوٹا کے اجراء کے باعث آٹے کی قیمتوں کے بحران کا خطرہ ٹل گیا۔

    باغی ٹی وی:ذرائع کے مطابق جوڑیا بازار کراچی کی تھوک مارکیٹ میں پیر کو فی کلو گرام ڈھائی نمبر آٹا 106 روپے، فائن آٹا 114 روپے اور چکی کا آٹا 110 روپے میں دستیاب رہا تاہم خوردہ سطح پر ڈھائی نمبر آٹا 120 روپے، فائن آٹا 125 روپے اور چکی کا آٹا 125 تا 130 روپے فی کلوگرام کے حساب سے فروخت کیا جارہا ہے۔

    طاہر اشرفی کو پنجاب حکومت نے اہم عہدے سے ہٹا دیا

    فلور ملز ایسوسی ایشن کے چئیرمین چوہدری عامر نےنجی ٹی وی کو بتایا کہ سندھ میں گندم کے موجودہ ذخائر مقامی ضرورت کے لیے کافی ہیں، محکمہ خوراک سندھ کے پاس پہلے ہی گندم کی 90 لاکھ بوریاں موجود ہیں اور حال ہی میں پاسکو نے بھی حکومت سندھ کو مزید 5 لاکھ ٹن فراہم کی ہے حکومت کی جانب سے گندم درآمد کرنے کی اجازت دینے کی اطلاعات بھی زیرگردش ہیں لہذا اب آٹا کی قیمتوں میں اضافے کی کوئی گنجائش نہیں ہے۔

    دوسری جانب وزارت فوڈ سیکیورٹی کا کہنا ہے کہ ملک میں گندم کے وافر ذخائر موجود ہیں-

    نیشنل فلڈ ریسپانس کوآرڈینیشن سنٹر کے اجلاس میں وزارت فوڈ سیکیورٹی کےترجمان نے اجلاس کے دوران تفصیلی بریفنگ دیتے ہوئے کہا کہ وفاق اور صوبوں میں گندم مطلوبہ مقدار میں موجود ہے قومی طلب کےمطابق گندم کے ذخائر موجود ہیں، گندم کی فراہمی اور ترسیل کو ہر صورت ممکن بنایا جائے گا۔

    چائے بنانے والےغیرملکی کمپنی کیطرف سیلاب زدگان میں 1 ٹن چائے تقسیم

    ترجمان کا کہنا تھا کہ گندم اور دیگر اشیائے خوردونوش کا 6 ماہ کے استعمال کے لیے وافر ذخیرہ موجود ہے اور کسی قسم کی قلت کا کوئی خطرہ نہیں ہے تاہم موجودہ اسٹاک پچھلے سالوں کی مقدار سے زیادہ ہے۔

    ترجمان نے بتایا کہ بعض کارٹیل صرف اپنے مفادات کے لیے گندم کی قلت کا جھوٹا تاثر پیدا کر رہے ہیں اس معاملے کے حقائق یہ ہیں کہ گندم کا 153 دن کا ذخیرہ دستیاب ہے اور 30.5 ملین ٹن گندم کی سالانہ قومی طلب کو یقینی بنانے کے لیے خریداری کے منصوبے جاری ہیں۔

    شیخوپورہ – روٹی 100گرام 8 روپے اورنان 120گرام 15 روپے ،زیادہ نرخ اور کم وزن…

  • میانمار: فوجی ہیلی کاپٹروں کی اسکول پر فائرنگ سے 6 بچے ہلاک اور 17 زخمی

    میانمار: فوجی ہیلی کاپٹروں کی اسکول پر فائرنگ سے 6 بچے ہلاک اور 17 زخمی

    میانمار میں فوجی ہیلی کاپٹروں کی اسکول پر فائرنگ سے 6 بچے ہلاک اور 17 زخمی ہوگئے۔

    باغی ٹی وی : برطانوی میڈیا کے مطابق اسکول پر فائرنگ کا واقعہ گزشتہ جمعےکو سیگنگ ریجن کے ایک گاؤں میں پیش آیا میانمار کے فوجی ہیلی کاپٹروں نے ایک اسکول کو نشانہ بنایا جس کے نتیجے میں 6 بچے ہلاک اور17 زخمی ہوئے۔

    خبر ایجنسی کو مقامی افراد نے بتایا کہ ہیلی کاپٹروں کی فائرنگ سےکچھ بچے موقع پر ہی چل بسے تھے۔

    تاجکستان اور کرغیزستان میں گھمسان کی جنگ،24 ہلاکتیں:جنگ بندی بھی کام نہ آئی

    دوسری جانب میانمارکی فوج نےدعویٰ کیا ہےکہ باغی فورسز پرحملوں کے لیےاسکول کی عمارت اورمقامی افراد کو ڈھال کے لیے استعمال کر رہے تھے، ہیلی کاپٹر علاقے میں تلاشی کے لیے گئے تھے کہ نیچےسےان پرفائرنگ کی گئی جس کے بعد ردعمل میں جوابی کارروائی کی گئی جس میں چند افراد مارے گئے۔

    چین میں کورونا بس قرنطینہ سینٹر جاتے ہوئے حادثے کا شکار، 27 مریض ہلاک،20 زخمی

    دوسری جانب کرغیزستان اور تاجکستان کی سرحد پر جھڑپوں میں مجموعی طور پر 24 افراد مارے گئے جب کہ 80 سے زیادہ زخمی ہیں۔ ہلاک اور زخمی ہونے والوں میں شہری بھی شامل ہیں۔کرغیزستان نے الزام عائد کیا ہے تاجکستان کی فوج نے صوبے بادکند میں راکٹ برسائے جس کی وجہ سے ایک لاکھ سے زائد رہائشیوں کو محفوظ مقام پر منتقل ہونا پڑا۔

    روس کا ایک بار پھر یوکرین کے جوہری پلانٹ پر حملہ

    دوسری جانب تاجکستان کا دعوی ہے کہ کرغیزستان کی فوجوں نے سرحد پر اپنی پوزیشن تبدیل کیں اور ہماری سرزمین پر دیہاتیوں پر گولیاں برسائی تھیں۔ خیال رہے کہ دونوں ممالک میں روسی فوج کے اڈے بھی ہیں جس کے باعث روس نے دونوں ممالک کو جنگ بندی پر متفق کیا تھا۔

  • امریکا اورطالبان کے درمیان دوحا معاہدے کے تحت قیدیوں کا تبادلہ

    امریکا اورطالبان کے درمیان دوحا معاہدے کے تحت قیدیوں کا تبادلہ

    کابل : امریکا اور طالبان کے درمیان دوحامعاہدے کے تحت قیدیوں کا تبادلہ ہوا ہے۔

    باغی ٹی وی : عالمی خبر رساں ادارے کے مطابق امریکی جیل میں قید سینئر طالبان رہنما حاجی بشیر نور زئی ایک معاہدے کے تحت رہا ہوکر کابل پہنچ گئے جن کے بدلے میں طالبان حکومت نے بھی امریکی انجینیئر کو آزاد کردیا۔

    طالبان حکومت کے وزارت خارجہ کے ترجمان کی جانب سے جاری بیان میں تصدیق کی گئی ہے کہ 2005 سے گرفتار رہنما بشیر نور زئی کابل پہنچ گئے جن کے بدلے میں امریکی انجینئر مارک فریرچس کو رہا کیا گیا ہے۔


    قائم مقام وزیر خارجہ امیر خان متقی نے کابل ائیرپورٹ پر امریکی شہری مارک فریچس کو امریکی اہلکاروں کے حوالے کیا جبکہ امریکی اہلکاروں نے طالبان رہنما حاجی بشیر نورزئی کو طالبان کے حوالے کیا-


    وزیر خارجہ مولوی امیر خان متقی نے کہا کہ حاجی بشر کی رہائی افغان امریکا تعلقات میں ایک نئے باب کا اضافہ ہے۔ ان کی رہائی سے واضح ہوگیا مسائل کا واحد حل مذاکرات کی میز ہے۔اگر دونوں ممالک ایک دوسرے کے مفاد کا خیال رکھیں تو دونوں کے درمیان بہتر تعلقات کے قیام میں کوئی رکاوٹ نہیں۔


    امریکی سول انجینیئر مارک فریرچس افغانستان میں بطور کنٹریکٹر خدمات انجام دے رہے تھے اور طالبان نے انھیں 31 جنوری 2020 کو حراست میں لیا تھا۔ جس کے بعد طالبان نے انجینیئر کے بدلے بشیر نور زئی کی رہائی کا مطالبہ کیا تھا۔

    اس حوالے سے افغانستان کی سرکاری خبر رساں ایجنسی کا کہنا ہےکہ حاجی بشیر نورزئی طالبان کے سینیئر رہنما تھے منشیات اسمگلنگ کے الزام میں 17 سال سے امریکی جیل میں قید تھے۔


    2005 میں وہ دبئی سے نیویارک گئے تھے تاکہ امریکا اور طالبان کے درمیان امن مذاکرات شروع کرسکیں تاہم تمام تر اخلاقی معیارات کو نظر انداز کرتے ہوئے انہیں گرفتار کرلیا گیا اور عمر قید کی سز اسنادی گئی۔

    واضح رہے کہ بشیر نور زئی گوانتا نامو بے جیل میں قید نہیں تھے بلکہ ایک امریکی جیل میں عمر قید کی سزا کاٹ رہے تھے۔ انھیں 50 ملین ڈالر مالیت کی ہیروئن امریکا اسمگل کرنے کے الزام میں حراست میں لیا گیا تھا۔

    طالبان رہنما کے وکلاء نے عدالت میں ان الزامات کو جھوٹا قرار دیتے ہوئے کہا تھا کہ ان کے مؤکل کو بے بنیاد کیس میں پھنسایا گیا ہے کیوں کہ امریکی پولیس کے پاس ان کی گرفتاری کا ٹھوس جواز نہیں تھا۔