Author: عائشہ ذوالفقار

اجزاء:
خشک خوبانی آدھا کلو
پانی 1 کلو
چینی آدھا کلو
لیموں کا رس 4 چائے کے چمچ

ترکیب:
خشک خوبانیوں کو گرم پانی میں تین چار گھنٹوں کے لئے بھگو کر رکھ دیں پھر ان کو چھیل کر بیج نکال دیں پھر اس میں ایک کلو پانی ڈال کر پکنے کے لئے چولہے پر رکھ دیں اور پکنے دیں جب خوبانیاں گل جایئں تو آنچ ہلکی کر کے لکڑی کے چمچ سے دبا کر پیس لیں پھر اس میں چینی اور لیمن جوس ڈال کر پکنے دیں جب چینی کا پانی خشک ہو جائے اور جام گاڑھا ہو جائے تو چولہے سے اتار لیں ٹھنڈا ہو نے پر شیشے کی صاف بوتلوں میں بھر کر محفوظ کر لیں

اجزاء:
کاغذی مالٹے آدھی درجن
چینی پھل کے وزن کے برابر

ترکیب:
کاغذی مالٹوں کو چاروں طرف سے کانٹے سے اچھی طرح گود کر کسی برتن میں پانی ڈال کر اس میں تین چار دنوں کے لئے بھگو کر رکھ دیں راوزانہ دن میں دو بار پانی تبدیل کر تے رہیں تین چار دن بعد ان کو خاصے پانی میں ہلکی آنچ پر پکا لیں کہ ما لٹے اچھی طرح نرم ہو جائے پھر مالٹوں کو نکال کر ٹھنڈے پانی میں ڈال کر رات بھر کے لئے رکھ دیں اگلے دن ہر مالٹے کے چھ حصے کر کے بیج نکال دیں پھر پھل کا وزن کر کے وزن کے برابر چینی لے لیں پھر مالٹے اور چینی مکس کر کے کسی پتیلی میں ڈال کر ہلکی آنچ پر پکنے کے لئے رکھ دیں پکنے دیں یہاں تک کہ قوام گاڑھا ہو جائے جب قوام گاڑھا ہو جائے تو چولہے سے اتار کر ٹھنڈا ہونے کے لئے رکھ دیں ٹھنڈا ہو جائے تو مرتبان یا شیشے کی بوتلوں میں محفوظ کر لیں نہایت عمدہ اور صحت و توانائی سے بھر پور مالٹے کا جام تیار ہے

اجزاء:
انناس 3 پاؤ
چینی ڈیڑھ پاؤ
لیموں کا رس 1 چائے کا چمچ

ترکیب:
انناس چھیل کر باریک کاٹ لیں پھر ان باریک کٹی ہوئی قاشوں میں چینی مکس کر کے رات بھر کے لئے فریج میں رکھ دیں اگلے دن کسی پتیلی میں دال کر ہلکی آنچ پر پکنے کے لئے رکھ دیں جب گاڑھا ہونے لگے تو لیموں کا رس شامل کر دیں اور جب جیم گاڑھا ہو جائے تو چولہے سے اتار دیں اور ٹھنڈا ہونے کے لئے رکھ دیں ٹھنڈا ہو جائے تو صاف شیشے کی بوتلوں میں بھر کر محفوظ کر لیں

اجزاء:
جیلی 50 گرام
پائن ایپل 70 گرام
کریم 35 ملی لیٹر

ترکیب:
پانی کو ابال لیں جب پانی ابل جائے تو اس کے اندر جیلی شامل کر کے کچھ دیر پکائیں اس دوران چمچ ہلاتے رہیں پھر ایک بڑے برتن میں نکال کر اسے ٹھنڈا ہونے کے لئے رکھ دیں جتنا سرو کرنا ہو اس میں پائن ایپل اور کریم بھر دیں مزیدار جیلی موس تیار ہے

اجزاء:
سیب آلو بخارا آڑو خوبانی تمام پھل ملا کر2 کلو
چینی 2 کلو
گھی 20 گرام

ترکیب:
تمام پھلوں کو دھو لیں سیب کو چھیل کر کاٹ لیں آلو بخارا اور آڑو بھی چھیل لیں کسی کانچ کے برتن میں ڈال کر چینی ملا کر رات بھر کے لئے فریج میں رکھ دیں دوسرے دن ایک دیگچی میں ڈال کر پکا لیں اور مسلسل چمچ ہلاتی رہیں جب بتمام پھل گل جائیں تو اور گاڑھے مکسچر کی شکل اختیار کر لیں تو چولہے سے اتار کر گھی ڈال کر اچھی طرح سے مکس کر لیں تاکہ اوپر آنے والا جھاگ ختم ہو جائے گرم گرم جیم شیشے کی صاف بوتل میں ڈال دیں مزیدار اور ذائقے سے بھر پور جیم تیار ہے

اجزاء:
امرود آدھا کلو
چینی آدھا کلو
لیموں آدھا

ترکیب:
امرود اچھی طرح دھو کر باریک کاٹ لیں ان کٹے ہوئے امرودوں کو پانی میں دو گھنٹوں کے لئے بھگو دیں پھر ابال لیں اس میں لیموں کا عرق اور چینی ڈال کر دوبارہ ابال لیں جب امرود لیس چھوڑ دے اور جیلی کی طرح نظر آنے لگے تو چولہا بند کر کے نیچے اتار لیں اس جیلی کو اسٹرلائیڈز جار یا مرتبان میں ڈال کر محفوظ کر لیں مزیدار اور لذیذ جیلی تیار ہے

اجزاء:
امرود آدھا کلو
چینی ڈیڑھ پاؤ
لیموں 2 عدد
پانی ڈھائی پیالیاں
سبز الائچی 3 عدد

ترکیب:
امرود دھو کر ان میں سے بیج نکال لیں اور باریک باریک کاٹ لیں پھر کسی سٹیل کی پتیلی میں پانی ڈال کر اس میں امرود کے ٹکڑے ڈال کر چولہے پر پکنے کے لئے رکھ دیں جب امرود گل جائیں تو آنچ ہلکی کر کے لکڑی کے چمچ سے دبا کر پیس لیں پھر اس میں چینی سبز الائچی اور لیموں کا رس ڈال کر پکائیں چینی کا پانی خشک ہو جائے جیم گاڑھا جائے تو چولہے سے اتار لیں ٹھنڈا ہو نے پر جار یا شیشے کی بوتل میں بھر محفوظ کر لیں بہت ہی نفیس ترین اور عمدہ امرود کا جام تیار ہے

اجزاء:
کچے آم 1 کلو
چینی 1 کلو
پانی ڈیڑھ کلو
سرخ میٹھا رنگ آدھا چائے کا چمچ

ترکیب:
آموخ کو اچھی طرح دھو کر چھیل لیں اور اس میں سے گٹھلیاں نکال کر باریک باریک قاشیں کاٹ لیں پھر پانی میں سرخ رنگ حل کر کے اس میں قاشیں ڈال کر چولہے پر پکنے کے لئے رکھ دیں جب آم گل جائیں تو آگ ہلکی کر کے لکڑی کے چمچ دے دبا کر پیس لیں جب پانی تھوڑا سا رہ جائے تو چینی ڈال دیں جب چینی کا پانی خشک ہو جائے اور جیم گاڑھا ہو جائے تو اتار کر ٹھنڈا ہونے کے لئے رکھ دیں جب ٹھنڈا ہو جائے تو شیشے کی صاف بوتلوں یا جار میں بھر لیں نہایت عمدہ اور نہایت لذیذ اور نفیس ترین آم کا جام تیار ہے

اجزاء:
سیب 1کلو
چینی 1 کلو
سبز الائچی 6 عدد
سرخ میٹھا رنگ آدھا چائے کا چمچ
ٹاٹری آدھا چائے کا چمچ
پانی 1 کلو
نمک حسب ضرورت

ترکیب:
ایک برتن میں پانی ڈال کو اس میں تھوڑا سا نمک مکس کر لیں سیب کو چھیل کو ٹکڑے کر کے اس پانی میں ڈال دیں کیونکہ اس طرح نمک ملے پانی میں سیب ڈالنے سے سیب کا رنگ براؤن نہیں ہو گا پھر سٹیل کی پتیلی میں ایک کلو پانی ڈال کر اس میں سرخ رنگ مکس کر کے نمکین پانی سے سیب کے ٹکڑے نکال کر اس سرخ پانی میں ڈال دیں اور چولہے پر پکنے کے لئے رکھ دیں جب سیب گل جائیں تو آنچ ہلکی کر کے لکڑی کے چمچ سے دبا کر باریک کر لیں اور اس میں چینی ٹاٹری اور سبز الائچی کے دانے ڈال دیں جب چینی کا پانی خشک ہو کر جام گاڑھا ہو جائے تو چولہے سے اتار کر ٹھنڈا ہونے کے لئے رکھ دیں ٹھنڈا ہونے پر جار یا شیشیے کی صاف بوتکوں میں بھر کر محفوظ کر لیں بہت عمدہ اور لذت سے بھر پور سیب کا جام تیار ہے

اجزاء:
بیر پکے ہوئے 1کلو
چینی 1 کلو
کیوڑہ چند قطرے

ترکیب:
بیر یکساں سائز کے اور پوری طرح پکے ہوئے ہوں اچھی طرح دھو لیں پھر دو کلو پانی کو ابال کر بہر اس میں بھگو دیں تاکہ نرم ہو جائیں لیکن زیادہ گلنے نہ دیں پھر کانٹے سے اچھی طرح گود لیں پھر چینی کا شیرہ بنا کر اس میں بیر ڈال دیں ایک ہفتے بعد بیر نکال کر دھوپ میں خشک ہونے کے لئے رکھ دیں 3 یا 4 دن تک بیر کا مربہ خشک ہو کر تیار ہو جائے گا لیکن اس دوران کیڑوں مکوڑوں سے بچانے کی تمام حفاظتی اقدامات ضرور کریں