Author: عائشہ ذوالفقار

اجزاء:
آم آدھا کلو
کریم آدھا پیکٹ
چینی پاؤ کپ یا حسب ذائقہ پیس لیں

ترکیب:
کریم کو کسی برتن میں ڈال کر فریج میں ٹھنڈا ہونے کے لیے رکھ دیں آم کو چھیل کر چھوٹے چھوٹے ٹکڑے کاٹ لیں جب کریم خوب ٹھنڈی ہو جائے تو الیکٹرک بیٹر سے اچھی طرح پھینٹ لیں جب کریم پھول جائے تو اس میں چینی ڈال کر مکس کر لیں پھر آم کے ٹکڑے ڈال کر ان کو کریم میں اچھی طرح مکس کرکے ٹھنڈا ہونے کے لیے فریج میں رکھ دیں بہت مزیدار مینگو کریم ڈیزرٹ تیار ہے ایک گھنٹے بعد فریج سے نکال کر خود بھی کھائیں دوسروں کو بھی سرو کریں

اجزاء:
سوجی آدھا کپ
چینی آدھا کپ
پانی 2 کپ
گھی آدھاکپ
آٹا پاؤ کپ
بیسن 1 چمچ
بادام کٹے 1 بڑا چمچ
پستہ 1 چمچ
کاجو 6 عدد

ترکیب:
چینی اور پانی کی چاشنی بنا کر سائیڈ پر رکھ لیں پھر کڑاہی میں گھی گرم کر کے اس میں سوجی بھونیں جب آدھی بھن جائے تو اس میں بیسن اور آٹا ڈال کر بھونیں جب خوشبو آنے لگے تو چینی اور پانی کی چاشنی شامل کر دیں چمچ مسلسل ہلاتے رہیں جب گھی اوپر آ جائے تو باؤل میں نکال کر اوپر پستہ بادام اور کاجو سجادیں مزیدار آٹے والا سوجی کا حلوہ تیار ہے

اجزاء:
دودھ 1 لیٹر
عرق گلاب 5 قطرے
چاول کا آٹا 100 گرام
چھوٹی الائچی 3 گرام سفوف
پستے 50 گرام
زعفران 1 گرام
نمک چٹکی بھر
بادام 5 عدد چھیل لیں

ترکیب:
دودھ کی آدھی مقدار میں چاول کا آٹا مکس کر لیں ایک دیگچی میں باقی دودھ ڈال کر ابال کر اس میں چاولوں کے آٹے والا دودھ ڈال ہلکی آنچ پر پکائیں اور چمچ ہلاتی رہیں جب آمیزہ گاڑھا ہو جائے تو اس میں نمک اور چینی ڈال کر 3 سے 4 منٹ پکائیں تاکہ چینی اچھی طرح حل ہو جائے پھر اسے چولہے سے اتار کرکسی باؤل میں ٹھنڈا ہو نے کے لیے رکھ دیں جب ٹھنڈا ہو جائے تو اس پر گلاب کا عرق اور الائچی کا سفوف ڈال دیں اور زعفران کٹے ہوئے پستے اور بادام سے سجا کر سرو کریں

اجزاء:
دودھ 1 لیٹر
چھوٹی الائچی 6 عدد
چاندی کے ورق 3 عدد
گھی آدھی پیالی
سوجی آدھا پاؤ
چینی آدھا کپ
بادام 2 کھانے کے چمچ گریاں
پستہ 2 کھانے کے چمچ

ترکیب:
پتیلی میں گھی ڈال کر گرم کریں اور اس میں الائچی کے دانے ڈال کر کڑکڑائیں پھر سوجی ڈال کر بھونیں جب اچھی طرح بھن کر بادامی رنگ کی ہو جائے تو اس میں دودھ اور چینی ڈال کر ہلکی آنچ پر پکائیں اور چمچ ہلاتی رہیں جب فرنی گاڑھی ہو جائے تو کسی ڈش میں ڈال کر فریج میں رکھ دیں جم جائے تو بادام اور پستے کی ہوائیاں چھڑک کر اور چاندی کے ورق لگا کر سرو کریں

اجزاء:
میدہ آدھا کپ
چینی آدھا کپ پیس لیں
دودھ آدھا کھانے کا چمچ
بیکنگ پاؤڈر آدھا چائے کا چمچ
انڈے 2 عدد
مکھن آدھا کھانے کا چمچ پگھلا لیں
ونیلا ایسنس آدھا چائے کا چمچ یا کوئی بھی اپنی پسند کا فلیور لے لیں
کریم جام حسب پسند
یا
پائن ایپل یا تازہ آم حسب پسند
ترکیب:
انڈے توڑ کر زردی اور سفیدی الگ الگ کر لیں سفیدی میں ڈیڑھ کپ چائے کے چمچ چینی ڈال کر الیکٹرک بیٹر سے اتنا پھینٹیں کہ فوم بن جائے اب ایک دوسرے باؤل میں باقی بچی ہوئی چینی ڈال کر زردیاں ڈالیں اور مکس کریں پھر ایک کھانے کا چمچ دودھ اور ایسنس
ڈال کر الیکٹرک بیٹر سے مکس کریں میدہ اور بیکنگ پاؤڈر ایک ساتھ چھان کر چمچ سے زردیوں والے آمیزے میں ڈال کر مکس کر لیں ساتھ ہی سفیدی اور مکھن بھی ڈال کر کیک پین میں ڈال کر 200 ڈگری سینٹی گریڈ گرم کئے ہوئے اوون میں 15 منٹ کے کئے بیک کر لیں
اپنی پسند کے مطابق کریم جام یا پائن ایپل یا تازہ آم کے ساتھ سجا کر سرو کریں

اجزاء:
میدہ 6 اونس
چینی 8 اونس
میٹھا سوڈا 1 چائے کا چمچ
مالٹے کے چھلکے دو چائے کے چمچ
پانی 4 اونس
مکھن 4 اونس
اخروٹ ایک چوتھائی کپ
نمک آدھا چائے ولا چمچ
کشمش 2 کپ
ونیلا ایسنس چند قطرے
دہی آدھا کپ

ترکیب:
گول سانچے میں گھی لگا کر میدہ چھڑک دیں اور اس پر مزید مکھن لگا کر اخروٹ اور باداموں کی گریوں کے چھلکے اتار کر سانچے کے پیندے پر جما دیں ایک باؤل میں میدہ چینی آدھا کپ پانی نمک میٹھا سوڈا اور آدھا کپ دہی اور انڈے ڈال کر 3 منٹ تک پھینٹیں
اور اس میں کشمش اخروٹ اور شیرے میں پکا ہوا مالٹے کا چھلکا اور ونیلا ایسنس ڈال کر مکس کر لیں اب اس آمیزے کو سانچے میں دال کر 350 فارن ہائٹ پر یا 180 ڈگری سینٹی گریڈ پر پہلے سے گرم اوون میں درمیانے شیلف پر رکھ کر 30 منٹ تک بیک کریں کوئی باریک سا تنکا ڈال کر چیک کریں اگر تنکا صاف نکلے تو کیک تیار ہے سانچے میں ہی ٹھنڈا ہونے کے لئے رکھیں اور سانچے میں ہی کاٹنے کے لئے نشان لگائیں مزیدار کیک تیار ہے

اجزاء:
پائن ایپل 1 ٹن
بسکٹ 8 عدد چورا کئے ہوئے
دودھ 4 کپ
زردہ رنگ چھوٹا چمچ آدھا
کاسٹرشوگر 2 کپ
کریم 400 گرام
کارن فلور 4 کھانے کے چمچ
پائن ایپل ایسنس 2 چائے کے چمچ

ترکیب:
پائن ایپل کے سلائسز کو توڑ چھوٹے ٹکڑے کر لیں ایک دیگچی میں دودھ ڈال کر اس میں کاسٹر شوگر اور کارن فلور مکس کر کے گاڑھا ہونے تک پکائیں اس دوران چمچ مسلسل ہلاتی رہیں تا کہ پُھٹکیاں نہ بنیں گاڑھا ہو جائے تو اتار کر ٹھنڈا کر لیں پھر اس میں پائن ایپل ایسنس اور زردہ رنگ شامل کر کے مکس کر لیں پھر کریم شامل کر کے اچھی طرح مکس کریں اب اس میں پائن ایپل سلائس شامل کر کے مکس کر لیں شیشے کے باؤل میں ڈال کر اوپر بسکٹوں کا چُورا ڈال کر فریج میں رکھ دیں پائن ایپل سویٹ ڈش تیار ہے

اجزاء:
مربہ فروٹ مکس 2 کلو
چینی 2 کلو
روح کیوڑہ 50 گرام
سبز الائچی 10 عدد

ترکیب:
فروٹ مکس میں آم آلوچہ آلو بخارا سیب خوبانی آڑو اور ناشپاتی شامل ہیں اس کے علاوہ دیگر پھل بھی استعمال کئے جا سکتے ہیں ان پھلوں کا مربہ بنانے کے لیے عام طور پر ایک ہی طریقہ استعمال کیا جاتا ہے مربہ تیار کرنے کے لئے ہمیشہ عمدہ قوسم کے پھل کا انتحاب کرنا چاہئے پھلوں کو پانی میں ڈال کر اچھی طرح سے اس قدر ابال لیں کہ پھل نرم نہ ہونے پائیں پھر دو کلو پانی میں دو کلو چینی ڈال کر چاشنی تیار کر لیں جب چاشنی تیار ہو جائے تو اس میں پھل ڈال کر اس قدر پکائیں کہ پھل گل جائیں اور چاشنی چڑھنے نہ پائے اب اس میں روح کیوڑہ اور الائچی ڈال کر چولہے سے اتار لیں اور ٹھنڈا ہونے کے لئے رکھ دیں جب ٹھنڈا ہو جائے تو مرتبان میں ڈال کر محفوظ کر لیں مزیدار اور صحت بخش مربہ مکس فروٹ تیار ہے

اجزاء:
بیسن آدھا کلو
گھی آدھا کلو
ناریل 2 کپ کدو کش کر لیں
چینی 1 پاؤ
پستہ 1 چمچ
چاندی کا ورق 1 عدد

ترکیب:
کڑاہی می تیل ڈال کر اس میں بیسن کو اچھی طرح بھونیں پھر چینی ڈال کر بھونیں جب چینی پانی چھوڑنے لگے تو کڑاہی چولہے سے اتار کر اس میں ناریل شامل کر کے اچھی طرح مکس کر لیں کسی ڈش میں گھی لگا کر آمیزہ ڈش میں پھیلا دیں اور چاندی کے ورق اور پستے سے سجا دیں جب جم کر سخت ہو جائے اس کے ٹکڑے کر لیں مزیدار بیسن کی برفی تیار ہے

اجزاء:
میدہ 2 کپ
کوکو پاوڈر ڈیڑھ چمچ
انڈے 2 عدد
چینی آدھا کپ
آئسنگ شوگر 1 چمچ
کریم آدھا کپ
بیکنگ پاؤڈر آدھا چائے کا چمچ

ترکیب:
انڈوں اور چینی کو اتنا پھینٹیں کہ جب وہ پھول جائیں تو میدہ اور بیکنگ پاؤڈر شامل کر کے آہستہ آہستہ مکس کریں پھر پانی اور چند قطرے لیمن جوس شامل کریں پین میں آئل لگا کر مکسچر ڈال کر پھیلا دیں گرم اوون میں 350 ڈگری پر دس منٹ تک بیک کریں کریم کو پھینٹ لیں جب پھول جائے تو آئسنگ شوگر اور کوکو پاوڈر شامل کر کے مزید پھینٹیں اور کیک پر کریم کو اچھی طرح پھیلا دیں اس کو آہستہ آہستہ رول کرتے جائیں یہاں تک کہ پورا رول ہوجائے کسی پیکٹ میں ڈال کر تھوڑی دیر کے لیئے فریزر میں رکھ دیں جب سرو کرنا ہو اس کے سلائس کاٹ لیں چاہیں تو پائن ایپل جوس بھی چھڑک لیں