Author: عائشہ ذوالفقار

مہمان اللہ کی رحمت ہوتے ہیں گھر میں مہمان بعد میں آتا ہے جبکہ اللہ رب العزت اسکا رزق پہلے بھیج دیتے ہیں ایک زمانہ تھا جب لوگ گھرون میں مہمان آنے کی خوشیاں منایا کرتے تھے اور یہ عالم ہوا کرتا تھا کہ اگر مہمان کسی ایک گھر میں آتاتو پورا محلہ کے سارے گھرانے ایک ایک کر کے مہمان کی تواضع کے متمنی ہوتے اور جب مہمان کسی دوسرے گھرانے کی دعوت قبول کر لیتا تو اس گھر میں خوشی کی لہر دور جاتی اور کسی مصروفیت کی وجہ سے مہمان موذرت کر لیتا تو اس گھرانے کے افراد کوئی اچھا سا پکوان خود اس کے گھر پہنچا دیا کرتے کیا اچھا زمانہ اور لوگ ہوا کرتے تھے ماضی کے لوگ اپنی وضع داری کو مقدم رکھتے تھے مہمان کی اہمیت نبی پاک
صلی اللہ علیہ وآلہ وسلم کی اس حدیث سے واضح ہوتی ہے اللہ کے پیارے رسول صلی اللہ علیہ وآلہ وسلم نے فرمایا مہمان اپنا رزق لے کر آتا ہے اہل خانہ کے گناہ اپنے ساتھ لے کرجاتا ہے

ایک عورت آپ صلی اللہ علیہ وآلہ وسلم کے پاس آئی اور اپنے شوہر کی شکایت کی کہ وہ بہت زیادہ اپنے دوستوں کو گھر دعوت دیتا رہتا ہے اور وہ ان کی مہمانداری میں کھانے بنا بنا کے تھک جاتی ہے رسول پاک صلی اللہ علیہ وآلہ وسلم نے کوئی جواب نہیں دیا وہ عورت چلی گئی کچھ دیر بعد اس عورت کے شوہرکو بلوایا اور فرمایا ،”آج میں تمہارا مہمان ہوں ” وہ آدمی بہت خوش ہوا اور جا کر اپنی بیوی کو بتایا کہ اللہ کے رسول صلی اللہ علیہ وآلہ وسلم آج ہمارے مہمان ہیں ” اسک کی بیوی بے حد خوش ہو گئی اور محنت سے ہر چیز تیار کرنے میں لگ گئی اپنے معزز مہمان ہم سب کے آقا نبی کریم صلی اللہ علیہ وآلہ وسلم کے لئے اس پرتکلف اور زبردست دعوت کے بعد رسول صلی اللہ علیہ وآلہ وسلم نے اس آدمی سے کہا کہ ” اپنی بیوی سے کہنا اس دروازے کو دیکھتی رہے جس میں جاؤں گا ” تو اس کی بیوی نے ایسا ہی کیا اور دیکھتی رہی اس نے دیکھا کہ کس طرح رسول صلی اللہ علیہ وآلہ وسلم کے گھر سے نکلتے ہی آپ صلی اللہ علیہ وآلہ وسلم کے پیچھے بہت سے مہلک حشرات اور بچھو بھی گھر سے باہر نکل گئے وہ یہ عجیب و غریب منظر دیکھ کر بے ہوش ہو گئی جب وہ ہوش میں آنے کے بعد آپ صلی اللہ علیہ وآلہ وسلم کے پاس آئی تو آپ صلی اللہ علیہ وآلہ وسلم نے فرمایا جب تمہارے گھر سے مہمان جاتا ہے تو اپنے ساتھ ہر طرح کے خطرات مشکلات اور آزمائشیں اور مہلک جاندار گھر سے باہر لے جاتا ہے اور یہ اسی وجہ سے ہوتا ہے جب تو محنت سے اس کی خاطر و مدارت کرتی ہو جس گھر میں مہمان آتے جاتے ہیں اس گھر سے اللہ محبت کرتا ہے اور ایسے گھر پر اللہ کی رحمت اور بخشیش نازل ہوتی رہتی ہیں اللہ کے رسول صلی اللہ علیہ وآلہ وسلم نے فرمایا ” جب اللہ کسی کا بھلا چاہتے ہیں تو اسے انعام سے نوازتے ہیں پوچھا گیا اے اللہ کے رسول صلی اللہ علیہ وآلہ وسلم کس انعام سے آپ صلی اللہ علیہ وآلہ وسلم نے فرمایا مہمان اپنا نصیب لے کر آتا ہے اور جاتے ہوئے گھر والوں کے گناہ اپنے ساتھ لے کر جاتا ہے مہمان جنت کا راستہ ہے رسول پاک صلی اللہ علیہ وآلہ وسلم کا ارشاد ہے کہ جو اللہ اور روز آخرت پر ایمان رکھتا ہے وہ اپنے مہمان کے ساتھ بے لوث ہو حضرت فاطمہ رضی اللہ تعالی و عنہ نے فرمایا اگر تمہارے گھر میہں کوئی مہمان آئے اور وہ بھوکا چلا جائے تو گویا وہ کسی قبرستان میں آیا تھا حضرت موسی علیہ السلام نے اللہ سے پوچھا یے میرے مالک جب تو خوش ہوتا ہے تو کیا کام کرتا ہے اللہ نے عرض کیا "بارش برساتا ہوں” حضرت موسی نے دوبارہ عرض کیا جب تو اور زیادہ خوش ہو تو؟ اللہ پاک نے فرمایا ” تو میں بیٹیاں پیدا کرتا ہوں ” حضرت موسی نے پھر عرض کیا اے خالق و کائنات جب تو سب سے زیادہ خوش ہوتا ہے تو کیا کرتا ہے ؟ اللہ نے فرمایا پھر میں مہمان بھیجتا ہوں

نیک اولاد نعمت عظمی ہے نیک اولاد اللہ رب العزت کی بہت بڑی نیک اولاد وہ نعمت کبرٰی ہے جس کا پانے کی خواہش کا اظہار قرآن پاک حضرت ابراہیم علیہ السلام کی دعا کی صورت میں موجود ہے ترجمہ ” اے اللہ مجھے نیک اولاد عطا فرما دے” اور کہیں حضرت زکریا علیہ السلام دعا کر رہے ہیں ترجمہ: اے میرے پروردگار مجھے اپنے پاس سے پاکیزہ اولاد عطا فرمائیے یقیناً آپ دعا کو سننے والے ہیں
نیک اولاد اللہ کی بہت بڑی نعمت ہے اوریہ نعمت حاصل کرنے کے لئے ضروری ہے کہ والدین اپنی اولاد کی پرورش اسلامی اصولوں کی روشنی میں کریں اور اسلامی تعلیمات کو ہر صورت میں ان کے لیے مشعل راہ بنائیں بچوں کی تربیت کے متعلق چند ضروری نکات آپ کی پیش خدمت ہیں

بچپن سے ہی بچے کے دل میں ایمان کی محبت اور ایمان کا بیج بو دینا چاہئے اور انھیں اس بات کی ترغیب دینی چاہئے کہ اللہ ہی ہمارا خالق و مالک اور مشکل کشا ہے وہ اکیلا ہے اس کا کوئی شریک نہیں اور اس کے سوا کوئی معبود نہیں وہی ہر چیز پر قادر ہے اس کے سوا کوئی نہیں جو ہمیں روزی دے اور ہماری پریشانیاں دور کرے

بچوں کو کبھی بھی بددعا نہ دیں بسا اوقات والدین غصے میں آکر بچوں کو بددعائیں دینا شروع ہو جاتے ہیں ایسے بد دعائیں دینے سے بچے سرکش و نافرمان بن جاتے ہیں اور بعض اوقات کوئی قبولیت کی گھڑی بھی ہو سکتی ہے اس لئے بددعائیں دینے سے گریز کرتے ہوئے ان کی اصلاح کے لئے دعائیں کرنی چاہئے اور انھیں نرمی پیار اور شفقت سے سمجھانا چاہئے بعض والدین بچوں پر ضرورت سے زیادہ سختی کرتے ہیں اور ہر وقت ڈانٹ ڈپٹ کر کے ان کو اپنے کنٹرول میں کرنے کی کوشش کرتے ہیں ان کی چھوٹی چھوٹی غلطیوں پر انھیں بڑی سختی سے مارتے ہیں تربیت کے میدان میں یہ بہت بڑی غلطی ہے بچے تو والدین کے پیار و محبت اور شفقت و عنایت کے پیاسے ہوتے ہیں اس کے برعکس آپ کا یہ معمولی معمولی باتوں پر غصہ بچوں کو ڈھیٹ منہ پھٹ خود سر اور ضدی بنا دیتا ہے جس کا خمیازہ والدین کو بعد میں بھگتنا پڑتا ہے

بچوں کو ہمیشہ سچ بولنے کا عادی بنائیں مذاق میں بھی ان سے کبھی جھوٹ نہ بولیں اور نہ ہی ان سے جھوٹ بلوائیں جھوٹ سے بچوں پر برے اثرات مرتب ہوتے ہیں اور پھر اس طرح انھیں جھوٹ بولنے کی عادت بھی پڑ سکتی ہے ہمیشہ حلال کمائیں اور بچوں کو حلال رزق کھلائیں کیونکہ حرام کمائی کا بچوں پر برا اثر پڑتا ہے کبھی بھی بچوں کے سامنے غیر شرعی نا پسندیدہ اور منکر کام نہ کریں اس سے ان کی تربیت پر منفی اثر پرتا ہے مثلاً کسی کو برا بھلا کہنا کوسنا اور جھوٹ بولنا وغیرہ

والدین اپنے بچون کی نفسیات نہیں سمجھتے یہ بات بھی اولاد کی صحیح تربیت میں رکاوٹ کا باعث ہے بعض بچوں کو بہت جلدی غصہ آتا ہے بعض بچے معتدل ہوتے ہیں اور بعض بچے متحمل مزاج ہوتے ہیں اس لیے ان سب کے ساتھ ایک جیسا رویہ ان کی صحیح تربیت میں رکاوٹ کا باعث بنتا ہے ان کی نفسیات کو سمجھ کر ہی ان کی تربیت کی جا سکتی ہے والدین اور سرپرستوں کو چاہیے کہ اولاد کی تربیت و تعلیم پر خصوصی توجہ دیں بظاہر تو ایک دو بچوں کی تربیتکریں گے اصل میں اس سے آئندہ آنے والی کئی نسلیں سنور جائیں گی اور یہ سلسلہ بہت دور تک جائے گا

نیک اولاد اللہ تعا لٰی کی بہت بڑی نعمت ہے اسی لئے انبیاء اکرام علیھم السام کثرت سے نیک اولد ملنے کی دعائیں مانگا کرتے تھے اور یہی نیک اولاد مومنین کے کیے صدقہ جاریہ بنتی ہے کہ مرنے کے بعد بھی نیک اولاد کے سبب نیک اعمال کا سلسلہ منقطع نہیں ہوتا بلکہ جاری و ساری رہتا ہے جیسا کہ پیارے آقا صلی اللہ علیہ وآلہ وسلم نے فرمایا ” انسان جب دارالعمل سے دارالجزا کی طرف روانہ ہو جاتا ہے تو اس کے اعمال کا سلسلسہ منقطع ہو جاتا ہے لیکن تین چیزیں باقی رہتی ہیں ایک صدقہ جاریہ دوسرا وہ علم جس سے فائدہ حاصل ہو تیسری نیک اولاد جو اس کے لئے دعا کرے اس حدیث سے واضح ہوتا ہے کہ بعض نیکیاں ایسی ہیں کہ انسان کے مرنے کے بعد بھی ان نیکیوں کا اجر ملتا رہتا ہے لیکن اولاد سے یہ نعمت حاصل کرنے کے لئے والدین کو بھی کچھ ذمہ داریاں ادا کرنا ہوں گی اللہ پاک نے ہمیں اسلام جیسی عظیم نعمت سے نوازا ہے اس پر ہم اللہ کا جتنا شکر کریں کم ہے والدین کا فرض بنتا ہے کہ وہ اپنی اولاد کی پرورش اسلامی اصولوں کی روشنی میں کریں انھیں اس طرح سے جینا سکھائیں کہ اللہ اور اس کے رسول صلی اللہ علیہ وآلہ وسلم کی خوشنودی میں ہی ان کی خوشنودی ہو اور اوسلامی تعلیمات کو ہر لحاظ ہر صورت میں ان کے لئے مشعل راہ بنائیں کہ اس میں ہی ان کی نجات پوشیدہ ہے اور یہی راہ حق بھی ہے اولاد کا بچپن والدین کے ہاتھوں میں ہوتا ہے اسی لئے والدین اپنی بھر پور توجہ سے اپنے بچوں کا بچپن قرآن و حدیث
کی روشنی میں سنوار سکتے ہیں ان کا بچپن تہذیب و اخلاق کے سانچے میں ڈھال سکتے ہیں علم تو وہ ہے جو بچپن میں سیکھا اور بردباری تو وہ ہے جو بڑے ہو کر سیکھی انسان کے اچھے یا برے اخلاق کا بنیادی وقت ان کا بچپن ہی ہوتا ہے کیونکہ اللہ عزوجل کے پیارے رسول صلی اللہ علیہ وآلہ وسلم کا فرمان ہے ” ہر ایک بچہ فطرت پر پیدا ہوتا ہے پھر اس کے ماں باپ اسے یہودی بناتے ہیں ، نصرانی بناتے ہیں، مشرک بناتے ہیں اس حدیث سے یہ بات واضح ہو جاتی ہے کہ بچے تو فطرت اسلام پر پیدا ہوتے ہیں مگر ان کی تربیت والدین پر منحصر ہے اگر والدین نے اپنے بچوں کی تربیت اسلامی اصولوں کے مطابق قرآن و حدیث کی روشنی میں کی ہوگی تو ان کے بچے ان کے والدین کے لئے صدقہ جاریہ بنیں گے لیکن اس کے برعکس ان کی تربیت ٹھیک نہ ہوئی تو ان کی زندگی تو برباد ہو گی ہی ان کی آنے والی نسلوں کے بگڑنے کا خدشہ رہتا ہے

بے شمار تحقیقات سے ثابت ہے کہ ایک سال سے چھوٹے با لخصوص چھ ما سے چھوٹے بچے کو پیٹ کے بل لٹانے سے سوئیڈ کا رسک تقریبا 13 فیصد تک بڑھ جاتا ہے "سوئیڈ” دراصل ایک معروف میڈیکل اصلاح کا محفف ہے ( سڈن ان ایکسپلینڈ ڈیتھ) ایک سال سے چھوٹے بچے کی اچانک موت جس کی بظاہر کوئی وجہ نہ ہو اسے ” ایس آئی ڈی ایس” یعنی سڈن اینفینٹ ڈیتھ سینڈرم کہتے ہیں مغرب میں جب اس قسم کے واقعات زیادہ ہوئے تو اس کی وجوہات پر تحقیقات شروع کر دی گئیں جو آج تک جاری ہیں ان تحقیقات کے نتیجے میں بہت سے انکشاف سامنے آئے جن میں سے ایک ایس یو آئی ڈی ہے اس کی وجوہات میں سب سے اہم وجہ جس کے ناقابل تردید شواہد ملے وہ بچوں کو الٹا سلانا ہے جب اس پر آگاہی مہم بیک ٹو سلیپ چلائی گئی تو اس کے مثبت نتائج سامنے آئے بچوں کو الٹا سلانے کی وجہ سے موت کا رسک کیوں بڑھ جاتا ہے اس کی جو ممکنہ وجوہات تحقیقت کے دوران سامنے آئیں وہ یہ ہیں

الٹا سونے والا بچہ اپنا ہی نکالا ہوا سانس اندر کھینچتا ہے جس سے خون میں کاربن ڈائی آکسائیڈ کا لیول بڑھ جاتا ہے ناک اور گلے کے دبنے کا امکان زیادہ ہوتا ہے جس سے سانس اچانک رک سکتا ہے پیٹ کے بل سونے والے بچے میں فشار خون اچانک گرنے اور دل کی دھڑکن کو کنٹرول کرنے والے میگنیزم کے فیل ہونے کے امکانات زیادہ ہوتے ہیں بچہ اپنے جسم کی حرارت کو فضا میں منتقل نہیں کر پاتا اور بہت زیادہ گرم ہو جاتا ہے گرم مرطوب ممالک میں یہ وجہ اہم ہے کوئی بھی سپیشلسٹ یا عام ڈاکٹر بھی بچے کو الٹآ سلانے کا مشورہ کبھی نہیں دے سکتا اگر کوئی ایسا کرتا ہے تو اس کا یہ مشورہ بہت ہی جہالت اور مجرمانہ لیول کا ہے البتہ جاگتے میں بچے کو کچھ دیر الٹا لٹانا کافی مفید ہوتا ہے اس سے ہاضمے کے مسئلے میں کافی فائدہ ہوتا ہے اور بچے کی جسمانی نشوونما بھی بہتر ہوتی ہے

اجزاء:
دودھ 1کلو
انڈے 4 عدد
لیموں 4 عدد
ڈبل کریم 2 کپ
چینی 6 کھانے کے چمچ
کارن فلور 4 کھانے کے چمچ

ترکیب:
ایک دیگچی می‌دودھ ڈال کر گرم کریں جب ابال آ جائے تو اس میں کارن فلور ڈال کر اتنا پکائیں کہ گاڑھا ہو جائے انڈے کی زردیاں الگ کر کے پھینٹ کر ڈالیں اور اچھی طرح مکس کریں جب قدرے ٹھنڈا ہو جائے تو لیموں کا رس بیج نکال کر گودے سمیت ڈال دیں اور اچھی طرح مکس کر کے چینی ڈال کر ہلائیں پھر انڈے کی سفیدیاں اور ڈبل کریم ڈال کر پھینٹ لیں اور ٹھنڈا ہونے کے لئے رکھ دیں اس دوران ہر پندرہ منٹ بعد پھینٹیں پھر اس آمیزے کو سانچے میں ڈال کر جمالیں مزیدار لیمن آئس کریم تیار ہے

اجزاء:
بریڈ سلائس 12 عدد
گرم دودھ 1 کھانے کا چمچ
بادام 1 کھانے کا چمچ
پستے 1 کھانے کا چمچ
فریش کریم 1 پیکٹ
چینی 150 گرام
کھویا آدھا کپ
دودھ ڈھائی کپ
کیوڑہ ایک کھانے کا چمچ
زعفران آدھا چائے کا چمچ
گھی 2 چمچ

ترکیب:
بریڈ کے چار ٹکڑے کر کے گھی میں انھیں گولڈن ہونے تک فرائی کر لیں اور ایک ٹرے میں رکھ دیں زعفران اور چینی کو ایک کپ دودھ میں مکس کر کے فرائی کی ہوئی بریڈ پر ڈالیں باقی دودھ میں کھویا اور فریش کریم ڈال کر اچھی طرح بلینڈ کریں اور بریڈ پر ڈال کر 15 منٹ چھوڑ دیں اس کے بعد کٹے بادام پستے اور کیوڑہ ڈال کر پہلے سے گرم اوون میں 180 سینٹی ڈگری گریڈ پر پندرہ منٹ تک بیک کرلیں مزیدار بادامی شاہی ٹکڑے تیار ہیں

اجزاء:
چکن بون لیس 500 گرام
رول پٹی 12 عدد
آئل 3 کھانے کے چمچ
سرکہ ڈیڑھ کھانے کا چمچ
پیاز 25 گرام
ادرک لہسن پیسٹ آدھا کھانے کا چمچ
بند گوبھی 50 گرام
شملہ مرچ 25 گرام
گاجر 50 گرام
سویا ساس 2 کھانے کے چمچ
نمک حسب ذائقہ
سفید پسی مرچ 1 چائے کا چمچ
کالی پسی مرچ 1 چائے کا چمچ
چینی ڈیڑھ کھانے کا چمچ
اوریگانو پاؤڈر آدھا چائے کا چمچ
انڈا 1 عدد
ہرا دھنیا 5 گرام چوپ
ہری پیاز 5 گرام

ترکیب:
پین میں آئل ڈٍال کر گرم کریں اس میں ادرک لہسن کا پیسٹ اور چکن ڈال کر 5 منٹ پکائیں پھر اس میں پیاز بند گوبھی شملہ مرچ گاجر نمک سویا ساس سرکہ کالی مرچ سفید مرچ چینی ڈال کر 5 منٹ تک پکائیں پھر ہرا دھنیا اوریگانو پاؤڈر اور ہری پیاز ڈال دیں 2منٹ پکاکر چولہے سے اتار دیں رول کا مصالحہ تیار ہے اب رول پٹی کو ڈبل کر کے اس کے اندر مصالحہ بھر لیں اور انڈے کے سفیدی سے رول پٹی کو بند کر لیں اس طرح تمام رول بنا لیں کڑاہی می‌آئل گرم کریں اور اس میں ڈال کر درمیانی آنچ پر ڈیپ فرائی کر لیں جب گولڈن براؤن ہو جائیں تو نکال کر کیچپ کے ساتھ سرو کریں

اجزاء:
چکن بون لیس 1 پاؤ
پودینہ آدھا کپ باریک کاٹ لیں
نمک حسب ذائقہ
پیاز 1 عدد باریک کاٹ لیں
لیموں 2 عدد
ہری مرچیں 1 عدد
کالی مرچ آدھا چائے کا چمچ
کٹی لال مرچ آدھا کھانے کا چمچ
ادرک لہسن کا پیسٹ آدھا چائے کا چمچ
سفید زیرہ 1 چائے کا چمچ بھون کر پیس لیں
تیل 1 کھانے کا چمچ
میدہ ایک کپ
تیل پاؤ پیالی میدہ گوندھنے کے لئے
آٹا آدھی پیالی
نمک حسب ذائقہ میدہ میں ڈالنے کے لیے
املی کا گاڑھا رس آدھی پیالی
پسی سونٹھ آدھا کھانے کا چمچ
زیرہ آدھا کھا نے کا چمچ بھون اور پیس لیں چٹنی کے لیے
کٹی لال مرچ آدھا کھانے کا چمچ چٹنی کے لئے

ترکیب:
ایک کڑاہی میں تیل گرم کر کے اس میں چکن لہسن ادرک کا پیسٹ اور نمک ڈال کر پانی خشک ہونے تک پکنے دیں جب پانی خشک ہو جائے تو اس میں لال مرچ پسی سفید زیرہ لیموں کا رس کٹی کالی مرچ ہری مرچ اور پودینہ شامل کر کے ہلکا سا بھون کر اتار لیں پراٹھوں کے لئے آٹا میدہ تیل اور حسب ذائقہ نمک ملا کر گوندھ لیں پھر پیڑے بنا کر ایک ایک کر کے بیل لیں پھر آئل لگا کر پراٹھے کے لیے پیڑے بنا لیں اب انھیں دوبارہ بیل کر توے پر ڈال دیں اور سینک کر اچھی طرح دونوں طرف تیل لگا دیں جب براؤن ہو جائے تو اتار لیں املی کی چٹنی کے لئے املی کا گاڑھا رس چھان کر اس میں پسی سونٹھ زیرہ اور کٹی لال مرچ ڈال کر مکس کریں اور 5 منٹ پکا لیں پھر پراٹھے کے درمیان چکن رکھ کر املی کی چٹنی ڈال دیں اور پیاز رکھ کر رول بنا لیں اسی طرح سارے رول تیار کرلیں مزیدار روسٹڈ چکن پراٹھا رول تیار ہیں

اجزاء:
چکن بون لیس 1 پاؤ کیوبز
پیاز چھوٹی 1عدد باریک کاٹ لیں
کھیرا 1 عدد کاٹ لیں
کالی مرچ آدھا چائے کا چمچ
گرم مصالحہ 1چٹکی
سفید زیرہ آدھا چائے کا چمچ
اجینوموتو پاؤ چمچ
سویا ساس آدھا کھانے کا چمچ
سرکہ ایک کھانے کا چمچ
مکھن ایک کھانے کا چمچ
نمک حسب ضرورت
ادرک لہسن پیسٹ آدھا کھانے کا چمچ
لیموں آدھا
پراٹھے 3عدد

ترکیب:
چکن کو سرکہ آدھا چمچ سرکہ نمک اور سویا ساس اور لیموں کا رس لگا کر رات بھر فریج میں رکھ دیں پین میں مکھن گرم کر کے ادرک لہسن پیسٹ اس میں ہلکا سا فرائی کریں 2 منٹ بعد اس میں چکن کالی مرچ اجینوموتو سفید زیرہ گرم مصالحہ شامل کر کے بھونیں پیاز اور کھیرا بقیہ کھیرے میں ڈال کر علیحدہ رکھ لیں پراٹھوں کو توے پر تل لیں پھر اس میں چکن کا آمیزہ پیاز اور کھیرا رکھ کر رول کر لیں گرم گرم پراٹھا رول تیار ہے کیچپ کے ساتھ سرو کریں

اجزاء:
چکن قیمہ 1 کپ
آلو 1 پاؤ
میدہ پاؤ کپ
پیاز درمیانی 1 عدد کاٹ لیں
سرخ مرچ آدھا چائے کا چمچ
کلونجی آدھا چائے کا چمچ
مکھن 1 کھانے کا چمچ
ہری مرچ 3 عدد
ہرا دھنیا 1 کھانے کا چمچ
مشروم 3 عدد
انڈے 4 عدد 2 بوائل لر لیں
تیل 1 کپ
بریڈ کرمز حسب ضرورت
چیڈر چیز حسب ضرورت کدو کش کر لیں

ترکیب:
ایک برتن میں تیل گرم کریں اس میں پیاز فرائی کریں جب پیاز براؤن ہو جائیں تو اسمیں چکن قیمہ چٹکی کلونجی نمک ہری مرچ اور مشروم شامل کر کے اسے پکائیں کہ چکن گل جائے جب چکن گل جائے تو اسے ٹھنڈا کرنے کے لئے رکھ دیں آلو ابال کر کے میش کر لیں اس میں چٹکی کلونجی میدہ سرخ مرچ نمک مکھن ہرا دھنیا اور ایک انڈا ڈال کر مکس کریں آلوؤں کے سارے آمیزے کو خشک میدہ لگاتے ہوئے ہاتھ سے گول یا چوکور شکل میں چپٹا کر لیں اور اس میں چکن قیمے کا آمیزہ چیز اور ابلے انڈے کے سلائس رکھ دیں ان کو سوئس رول کی طرح لپیٹ لیں پھر گول سلائس کاٹ لیں ایک انڈا پھینٹ لیں رول کو انڈے اور بریڈ کرمز میں رول کر کے 15 منٹ فریج میں رکھ دیں بعد میں تیل میں درمیانی آنچ میں فرائی کر لیں جب گولڈن براؤن ہو جائیں تو چٹنی کیچپ کے ساتھ سرو کریں کوٹنگ کے بعد اوون میں بھی بیک کر سکتے ہیں