Author: عائشہ ذوالفقار

اجزا:
چکن…… تین پاؤ ،کٹی ہوئی پیاز…….. 50 گرام ،ادرک لہسن پیسٹ ……..5 چمچ ، سرخ مرچ پاؤڈر……… 2 چائے کے چمچ ،نمک…..دو چائے کے چمچ، زعفران ……. چٹکی بھر ، کیوڑہ……….چند قطرے ،پیاز باریک کٹی براؤن کی ہوئی ……..50 گرام ،چاول ……ڈھائی کپ ، پانی ……..5کپ ،جائفل ……آدھا چائے کا چمچ ،لونگ ،بڑی اور چھوٹی الائچی سب آدھا آدھا چائے کا چمچ ،تیز پات….. 5 عدد،پیاز گرینڈ کیے ہوئے …….3 سے 4 کھانے کے چمچ ،تیل…….. ایک کپ

ترکیب:
چاولوں کو صاف کر کے 30 منٹ کے لیے بھگو دیں ایک پتیلی میں 4 کپ پانی ڈال کر چولہے پر رکھ دیں جب پانی میں ابال آنے لگے تو اسمیں چاول تیز پات چھوٹی اور بڑی الائچی جائفل اور لونگ ڈال دیں اور پکنے دیں جب چاول تین چوتھائی گل جائیں توچولہے سے اتار دیں پھر ایک پتیلی میں تیل ڈال کر گرم کریں اسمیں پیاز ڈال کر فرائی کریں جب ہلکی براؤن ہو جائے تو ادرک لہسن کا پیسٹ ملا کر مزید ایک منٹ بھونیں پھر چکن ڈال دیں اور 10 منٹ تک فرائی کریں اور نمک اور مرچ پاؤڈر اور ڈیڑھ کپ پانی شامل کر کے ڈھانپ دیں ہلکی آنچ پر پچیس منٹ پکائیں پھر پیاز کا پیسٹ شامل کر دیںاور مزید پکائیں یہاں تک کہ چکن گل جائے تو چولہے سے اتار لیں ایک پتیلی لیں اسمیں چاولوں اور چکن کی ایک باری باری تہہ لگایئں اور اوپرکیوڑہ اور زعفران چھڑک کرایک گیلے کپڑے سے ڈھانپ دیں اور ہلکی آنچ پر پندرہ منٹ کے لیے دم پر رکھیں دم پورا ہونے پر ڈش میں نکال لیں گولڈن فرائی کی ہوئی پیاز اور رائتے کے ساتھ پیش کریں-

اجزا:
کریلے آدھا کلو ،قیمہ ایک کلو،ہرا دھنیا تھوڑا سا ،نمک حسب ضرورت ،پسی لال مرچ آدھا چائے کا چمچ ،گرم مصالحہ ایک چوتھائی چمچ ،ثابت زیرہ آدھا چائے کا چمچ ،ثابت دھنیا آدھا چائے کا چمچ ،تیل حسب ضرورت ، دھاگہ

ترکیب :
کریلے کو درمیان سے کاٹ کر بیج نکال لیں پھر کریلوں کو نمک لگا کر ایک گھنٹے کے لیے رکھ لیں پھر پانی سے اچھی طرح دھو کر اچھی طرح نچوڑ لیں تا کہ کڑواہٹ دور جائے قیمے میں تمام مصالحہ جات شامل کر کے مکس کر لیں جب اچھی طرح مکس ہو جائے تو کٹے ہوئے کریلوں میں اچھی طرح بھر لیں اور دھاگے کی مدد سے دبا دبا کر اچھی طرح باندھ لیں تاکہ فرائی کرنے کے دوران قیمہ باہر نہ نکلے پھر کڑاہی میں تیل ڈال لیں تیل گرم ہو جائے تو کریلے تیل میں ڈال کر ہلکی آنچ پہ ڈیپ فرائی کریں جب قیمہ گل جائے تو نکال لیں اور کھانے کے لیے پیش کریں

اجزا:
ماش کی دال آدھاکلو ، ٹماٹر ایک پاؤ،باریک کٹی ادرک ایک ٹکڑا ،پیاز ایک عدد ،ہری مرچیں4 عدد ،لہسن کے جوئے 4 عدد ،مکھن 100 گرام ،کٹی لال مرچ ایک چائے کا چمچ ،قصوری میتھی ایک کھانے کا چمچ ،زیرہ دو چائے کے چپچ ،ہلدی آدپتیلیھا چائے کا چمچ ، نمک آدھا چائے کا چمچ ،تیل چار کھانے کے چمچ

ترکیب:
پہلے ماش کی دال میں ہلدی ڈال کراور دال ابالیں اور گلنے پر چولہے سے اتار لیں پتیلی میں تیل گرم کر کے پیاز ہلکی گلابی کریں اور اسمیں تمام مصالحے شامل کر کے بھون لیں اور بھوننے کے بعد اس میں ابلی ہوئی دال ڈال کر اچھی طرح مکس کریں اور 5 منٹ بعد چولہے سے اتار لیں مکھن گرم کر کے اسمیں لہسن کے جوئے فرائی کریں اور زیرہ ڈال کر دال پر تڑکا لگا لیں اور سبز دھنیا اور سبز مرچ گارنش کر کے دال کے اوپر ڈال دیں اور گرم گرم چپاتی کے ساتھ پیش کریں-

میرے ایک جاننے والے مخلص ہیں‘ میں جب بھی ان سے ملاقات کرتا ہوں، وہ دور سے ہی مسکراتے ہیں‘ جیب میں ہاتھ ڈالتے ہیں ایک سبز چھوٹی الائچی میری ہتھیلی پر رکھ کر خوب جی بھر کر مصافحہ اور معانقہ کرتے ہیں اور بعض اوقات تو ایسا کرتے ہیں کہ الائچی نکالتے ہیں اور کہتے ہیں کہ منہ کھولو اور منہ میں الائچی ڈال دیتے ہیں‘خوش ہوتے ہیں‘ اعلیٰ درجہ کے مہمان نواز‘ مخلص‘ ملن سار‘ مرنجاں مرنج ہیں۔ ان کی ساری صفات بہت اچھی لیکن یہ صفت کہ وہ الائچی ہر آنے والے کو ضرور کھلاتے ہیں اور ان کی جیب میں الائچی لازم موجود ہوتی ہے۔ ایک بار میں نے ان سے سوال کیا کہ آپ ہروقت اپنے پاس الائچی کیوں رکھتے ہیں؟

کہنے لگے: ہوا یہ کہ میں مصر گیا اور قاہرہ ایئرپورٹ پر بیٹھا ہوا تھا‘ ایک ہوٹل مینجمنٹ سے ہمارا پیکیج طے تھا کہ انہوں نے مجھے لینے آنا تھا اور ٹیکسی آنے میں دیر ہوئی‘ میرے ساتھ ایک مصری آکر بیٹھا اور بیٹھتے ہی اس نے مجھے چھوٹی الائچی دی‘ مسکرایا‘ سلام کیا‘ ہاتھ ملایا اور بہت خوش ہوا۔ میں نے اس سے پوچھا کہ آپ نے مجھے چھوٹی الائچی کیوں دی؟ تو اس نے مجھے اپنی مصری عربی میں بہت اعتماد سے بتایا چھوٹی الائچی منہ کو خوشبودار رکھتی ہے‘ مسوڑھوں کی بیماری قریب نہیں آنے دیتی جس کے منہ میں چھوٹی الائچی ہوتی ہے‘ اس کے دانتوں میں اگر خون آتا ہو‘ مسوڑھے گل گئے ہوں‘ منہ میں پرانے چھالے ہوں اور زخم ہوں‘ وہ ختم ہوجاتے ہیں حتیٰ کہ کہنے لگے: مجھے سگریٹ نوشی کی وجہ سے ایک دفعہ ڈاکٹر نے بُری خبر سنائی کہ تیرے منہ کے اندر کینسر کی علامات پیدا ہورہی ہیں‘ فوراً سگریٹ چھوڑ دو اور زبان کا کچھ حصہ سرجری سے کٹوا دو میں خوفزدہ ہوگیا۔

میں نے سگریٹ فوراً چھوڑ دیا نامعلوم مجھے دل میں کیا خیال آیا میں نے بہترین الائچیاں لیں اور وہ فوقتاً فوقتاً دن میں منہ میں ڈالتا‘ چوستا چباتا رہتا کچھ ہی ماہ میں نے یہ عمل کیا‘ مجھے منہ میں تکلیف کا احساس ختم ہوگیا اور میں یہ تک بھول گیا کہ مجھے کوئی تکلیف ہے بلکہ میں اپنے آپ کو سوفیصد صحت مند محسوس کرنے لگا۔

ایک دفعہ راہ گزرتے ہوئے میں اس ڈاکٹر کے پاس پھر چلا گیا اس نے چیک کیا اور چیک کرتے ہی حیرت سے مجھے دیکھ کر خاموش بیٹھا‘ پھر بولا: میری گزشتہ تشخیص کے مطابق آپ کے منہ میں کینسر کی جڑیں پیدا ہوچکی تھیں اور کینسر کے اثرات بڑھ رہے تھے لیکن اس وقت نہ کوئی کینسر ہے اور نہ کینسر کی علامات ہیں‘ آپ نے کہاں سے علاج کروایا اور کیسے علاج کیا۔ مجھے فوراً اس کی بات سمجھ آگئی اور میرا دل سوفیصد چھوٹی الائچی کی طرف متوجہ اور منتقل ہوگیا۔ میں نے اس سے کہا کہ میں چند ماہ سے مسلسل چھوٹی الائچی استعمال کررہا ہوں‘ بس جیب میں رکھتا ہوں اور چھوٹی الائچی چوستا رہتا ہوں‘ چباتا رہتا ہوں‘ اس نے میری بات سنی ان سنی کردی۔

وہ فوراً اپنے کمپیوٹر کی طرف متوجہ ہوااور کچھ دیر کمپیوٹر پر جھکا‘ کچھ دیکھتا رہا‘ اس کے بعد اس نے میری طرف دیکھا اور مسکراتی نظروں سے بولا: آپ تو سائنس دان نکلے‘ یہ ٹوٹکہ آپ نے کیسے ڈھونڈ نکالا ۔میں نے پوچھا مثلاً کیسے؟ کہنے لگا: میں نے فوراًانٹر نیٹ کا سہارا لیا اور الائچی پر جو اس دقت دنیا میں جتنی بھی ریسرچ ہوئی تھی ہر تحقیق پر سرسری نظر ڈالتے ڈالتے آگے چلتا گیا‘ ایک جگہ میں جاکر رک گیا لکھا ہوا ہے کہ الائچی منہ کے کینسر کا علاج‘ ناک اور زبان کے کینسر کا علاج ہے۔ الائچی دماغ کو روشن‘ نظر کو تیز یادداشت کو مضبوط کرتی ہے اور الائچی استعمال کرنے والا فرد کبھی ڈھلتا اور بوڑھا نہیں ہوتا۔

وہ ڈاکٹر بول رہا تھا اور میں حیرت سے اس کو تک رہا تھا اور کہنے لگا: مزید اس کے فوائد یہ ہیں کہ جوشخص الائچی استعمال کرے گا اس کی نسلوں میں بیٹے زیادہ ہونگے اور اس کو معدہ اور بواسیر کی بیماری سے ہمیشہ حفاظت رہے گی‘ وہ مصری بول رہا تھا اور میں سن رہا تھا۔ الائچی ساری عمر دیکھی اور الائچی کو ساری عمر قریب سے پرکھا لیکن اس انداز سے الائچی کو دیکھنا میرے لیے ایک حیرت کی بات تھی۔ بس میں انتظار میں تھا شاید وہ مصری بھی کسی کے انتظار میں تھا۔
یہ تھوڑی سی بات ہوئی، میری گاڑی مجھے لینے آگئی میں نے ان کا شکریہ ادا کیا‘ چل دیااس دن کے بعدمیں ہروقت منہ میں الائچی رکھتا ہوں پھر خیال آیا جس چیز کو اپنے لیے پسند کرتا ہوں کسی دوسرے کے لیے کیوں نہ پسند کروں‘ لہٰذا میں نے اسے دوسروں کیلئے پسند کرنا بھی شروع کردیا اور جب سے میں نے لوگوں کو الائچی دینا شروع کی ہے میرے دوست بڑھ گئے اور لوگ اس کے فوائد بہت بتارہے ہیں ایک صاحب کو دائمی نزلہ اورکیرا تھا کہنے لگے میرا دائمی نزلہ ختم ہوگیا۔ ایک صاحب اپنی یاداداشت بالکل کھو چکے تھے وہ سارا دن منہ میں الائچی رکھ کر اپنے کام کاج کرتے رہتے تھے اب عالم یہ ہے کہ انہیں بچپن کی بھولی ہوئی باتیں بھی یاد آرہی ہیں اور وہ خود کہتے ہیں الائچی نے مجھے نئی زندگی دی‘ نئی صحت دی‘ نئی تندرستی دی اور میں الائچی استعمال کرکے ایک نہایت کامل اور صحت مند زندگی گزار رہا ہوں۔

قارئین ! یہ واقعہ جو میں نے آپ کو ابھی سنایا یہ صرف ایک نہیں ہماری طب میں اور سائنس کی دنیا میں الائچی کے کمالات اور الائچی کی تاثیر بہت زیادہ ہے اور الائچی سے صحت و زندگی کا انوکھا راز ملتا ہے۔ ہم کبھی بھی تنہا الائچی استعمال نہیں کررہے بنیادی طور پر الائچی ایک بہت بڑی طاقت‘ قوت‘ وٹامن اے سے زیڈ تک کا خزانہ ہے۔ لاعلاج بیماریوں کیلئے مستقل علاج ہے۔

یہ اس دور کی بات ہے جب ہم کالج پڑھتے تھے ہمارے ایک پروفیسر صرف چھوٹی الائچی کی اتنی باریک پسائی کرتے کہ ململ کے باریک کپڑے سے نکالتے اور آدھے چنے کے برابر اس کی پڑیا ہر لاعلاج مریض کو دیتے تھے۔ ان کے تجربہ کے مطابق ہمیشہ چھلکا سمیت الائچی پیستا ہوں اور ہرلاعلاج مریض کو یہی پڑیا دیتا ہوں۔ کسی کو دن میں ایک بار کسی کو دن میں تین سےچار بار کھانے کیلئے کہتا ہوں۔

آپ چاہے کوئی بھی بیماری کا علاج کررہے آپ نہیں چھوڑنا چاہتے تو کوئی حرج نہیں لیکن اس صحت مند زندگی کو پانے کیلئے یہ بہترین علاج اور بہترین تندرستی کا راز آپ ہر گز نہ بھولیں اور اس تندرستی کے راز کو پانا آپ کو اتنا تندرست اور صحت مند کردے گا اور آپ گمان و خیال اور سوچ سے بالا تر اپنی صحت اور زندگی پائیں گے۔
یہ تحریر سوشل میڈیا سے لی گئی ہے

اجزا:
چکن:ایک کلو؛ دہی:ایک کپ ؛ درمیانی سائز ٹماٹر 3 عدد ؛ پیاز:2عدد ؛ ہرا دھنیا : حسب ضرورت ؛ لہسن :3 جوئے ؛ سبز مرچ : 2عدد ؛ادرک: ایک چھوٹا ٹکڑا ؛ ایک چائے کا چمچ آدھ کٹی مرچ ؛ ایک چائے کا چمچ زیرہ ؛ایک چائے کا چمچ سوکھا دھنیا ؛آدھا چائے کا چمچ ہلدی ؛ ایک چائے کا چمچ لال پسی ہوئی مرچ ؛نمک حسب ذائقہ

ترکیب:
پیاز کو ایک کپ دہی کو ساتھ گرائنڈ کر لیں پھر آدھا کپ آئل کراہی میں ڈال کر گرم کریں اس گرم آئل میں چکن ڈال کر 10 منٹ تک فرائی کریں پھر دو عدد کٹے ٹماٹر اس میں شامل کر کے دم پر رکھ دیں ٹماٹر کا دم ختم ہونے پر اسمیں کٹا ہوا لہسن ادرک شامل کر یں اسکے ساتھ ہی باقی تمام مصالحہ جات بھی شامل کر دیں پھر اسکو 5 سے 7 منٹ تک بھون لیں اور اسمیں پیاز اور دہی کا پیسٹ شامل کر دیں اور درمیانی آنچ پر پکنے دیں پانے خشک ہو جانے کے بعد کڑاہی تیار ہے اسکے بعد سبز دھنیا اور سبز مرچ کے ساتھ گارنش کر کے تندور کی روٹی رائتے اور سلاد کے ساتھ پیش کریں