Author: عائشہ ذوالفقار

سبز چائے کیلوریز جلانے میں مدد دیتی ہے اسکا مشروب ذائقے میں اچھا اور صحت کے لئے انتہائی مفید ہے سبز چائےکا ذائقہ لیموں اور شہد کے ساتھ دوبالا ہو جاتا ہے سبز چائے ڈائٹ کرنے والوں کے لئے بہت مفید ہے ویسے تو اس کے بہت سے فوائد سامنے آتے رہتے ہیں تاہم ایک تحقیق کے مطابق سبز چائے کے استعمال سے کینسر سے بچاؤ بھی ممکن ہے یہ معدہ بڑی آنت جگر نرخرا چھاتی اور پھپھڑوں کے کینسر سے بچاتی ہے تحقیق میں سبز چائے کے فوائد پر خاصا زور دیا گیا-

سبز چائے خون میں پھٹکیاں بننے کے عمل کو روکتی ہے کو لیسٹرول لیول کم کرتی ہے خون کو پتلا کرتی ہے جس وجہ سے دل کی بیماریوں اور فالج کے خطرات کم ہو جاتے ہیں الزائمر اور بلڈ پریشر سمیت بہت سی بیماریوں سے بچاؤ کے لیے مفید ہے بیماریوں کے خلاف قوت مدافعت کے نظام کی نشوونما کرتی ہے جسکی وجہ سے گٹھیا کا مرض پیدا نہیں ہوتا- سبز چائے فوڈ پوائزننگ اور دانتوں میں پلاک کا سبب بننے والے بیکٹیریا کے خلاف بھی مزاحمت کرتی ہے-

آج کل جامن کا سیزن ہے اس پھل کو چھوٹے بڑے سب ہی شوق سے کھاتے ہیں -جامن ایک مشہور عام درخت ہے یہ پاکستان کے علاوہ انڈیا نیپال سری لنکا میں بھی پایا جاتا ہے جامن کا درخت 1911 میں فلوریڈا سے امریکہ میں متعارف کروایا گیا تھا اسکو بنگالی میں کالا جامن اور سندھ میں جموں کہا جاتا ہے گرمیوں کے موسم میں پھل لگتا ہے برسات کا موسم شروع ہوتے ساتھ ہی جامن بھی مارکیٹ میں فروخت ہونے لگتے ہیں اسکا ذائقہ شیریں وار مزاج سرد خشک ہے اسکا رنگ سیاہ ہے اسکے طبی لحاظ سے بھی بہت سے فائدے ہیں اسکی گٹھلیاں شوگر کے مریضوں کے لئےانتہائی مفید ہیں شوگر کے مریض اگر آم کھا لیں تو اس کے بعد جامن کھا لینے سے شوگر لیول اعتدال پر رکھا جا سکتا ہے جامن کیروٹین فولاد فولک ایسڈ کیلشئیم پوٹاشیم میگنیشیم فاسفورس اور سوڈیم کے حصول کا بہت اچھا ذریعہ ہے اس میں اینٹی آکسیڈنٹ ا ور وٹامن سی کافی مقدار میں پائے جاتے ہیں ہیموگلوبن کی مقدار بڑھاتا ہےیہ خون اور گرمی کے نقائص کو دور کرتا ہے جامن خوراک کو ہضم کرتا ہے اور بھوک لگاتا ہے بڑھی ہوئی تلی کے لئے بہت مفید ہے یہ خون صاف کرنے اور دل کی بیماریوں سے بچاؤ کا قدرتی ذریعہ ہے جگر اور معدہ کو طاقت دیتا ہے جامن کی گٹھلیاں پیس کر پانی یا دودھ کے ساتھ روزانہ تین ماشہ کھانے سے ذیا بیطس کا خاتمہ ہو جاتا ہے-

پیاز ایک ایسی سبزی ہے جسکے بغیر ہر کھانا نامکمل ہے پیاز کا استعمال سلاد اور سالن دونوں میں کیا جاتا ہے اور دونوں صورتوں میں ہی اسکا ذائقہ منفرد اور لذیذ ہوتا ہے پیاز کھانے کی لذت بڑھانے کے ساتھ ساتھ صحت کے لیے بھی انتہائی مفید ہے پیاز کھانا سنت نبوی بھی ہے طبی ماہرین کے مطابق پیاز میں سلفر وافر مقدار میں پایا جاتا ہے جوکہ خون کو پتلا رکھتا ہے پیاز کھانے سے بلڈ پریشر کنٹرول رہنے کے ساتھ ساتھ اس کے مسلسل استعمال سے کولیسٹرول بھی قابو میں رہتا ہے پیاز دل کی بیماریوں اور کینسر جیسے موذی مرض سے بچاتا ہے اسکو روزانہ خوراک کا حصہ بنانے سے ذیا بیطس سے محفوظ رہا جا سکتا ہے اور یہ کئی موسمی انفیکشنز سے بھی بچاتاہے کچی پیاز دمہ کے مریضوں کے لئے بھی انتہائی مفید ہےپیاز گرمی میں لو سے بھی بچاتی ہے اس میں فاسفورس اور فولاد پائے جاتے ہیں جو کہ صحت کے لئے مفید ہیں-پیاز کو کاٹ کر گھر میں رکھنے سے زکام اور فلو سے بچا جا سکتا ہے

آپ کا جسم ٹھنڈا رہے گا:
موسم گرما میں گرمی کی شدت کم کرنے کے لیے پیاز کافی مشہور ہیں کیونکہ اس میں ٹھنڈک کی خصوصیات موجود ہیں۔ اس میں مستحکم تیل ہوتا ہے جو جسم کے درجہ حرارت کو متوازن بنانے میں مدد کرتا ہے۔ گرمیوں میں ، پیاز کو سلاد کے طور پر کچا کھایا جاسکتا ہے۔ ذائقہ بڑھانے کے لئے کچی پیاز پر کچھ نچوڑ لیں جیسے لیمو اور چاٹ مسالہ وغیرہ، اس کے علاوہ پیاز کھانے سے ہمارے جسم کو وٹامن سی بھی کثرت سے ملتا ہے۔

ذیابیطس کے مریضوں کیلئے مفید:
ذیابیطس کے مریضوں کو بھی اپنی غذا میں پیاز شامل کرنا چاہیے۔ پیاز کا گلیسیمک انڈیکس 10 سے کم ہے جو ذیابیطس کے مریضوں کے لیے اچھا ہوتا ہے۔ اس میں بہت کم کاربس اور کثیر مقدار میں فائبر ہوتا ہے۔ یہ خصوصیات مل کر ذیابیطس کے مریضوں کے لیے پیاز کو ایک بہترین سبزی بناتی ہیں۔

آنت کی صحت کے لئے مفید:
پیاز میں فائبر اور پری بائیوٹک کی اچھی مقدار اسے آنت کی صحت کے لیے بھی فائدہ مند بناتی ہے۔ پیاز کی مدد سے ہمارا نظام ہاضمہ بھی بہتر طریقے سے کام کرتا ہے-

چہرے پر غیر ضروری بال حسن کی کشش کو ماند کرتے ہیں لہذٰا خواتین انہیں ختم کرنے کے لئے طرح طرح کی تراکیب استعمال کرتی ہیں خواتین کے چہرے کی جلد چونکہ نازک ہوتی ہے اسی لئے طرح طرح کی تراکیب استعمال کرنے سے جلد متاثر ہو جاتی ہے ذیل میں چہرے کے فالتو بال ختم کرنے کے لئے کچھ ٹوٹکے دئیے گئے ہیں جن کے استعمال سے چہرے کے غیر ضروری بال بھی ختم ہو جائیں گےاور جلد بھی متاثر نہیں ہوگی

چہرے سے فالتو بالوں کو ختم کرنے کے لئے بیسن کو پانی میں گھول کر چہرے پر لگایئں جب بیسن ہلکا خشک ہو جائے تو ہاتھوں سے رگڑ کر اتار لیں چند ایک بار یہ عمل

کرنے سے بال جڑوں سے اکھڑ جایئں گے-

پانی میں نمک ڈال کر مکس کر لیں اور اس مکسچر میں سوتی کپڑے کو بھگو کر چہرے پر مل لیں تقریبا ایک ہفتے کے استعمال سے چہرے سے بال ختم ہو جایئں گے-

عرق گلاب میں ایک چمچہ پھٹکری اور میدہ ملا کر لیپ بنا کر چہرے پر لگا لیں خشک ہونے پر ہاتھوں سے مل کر صاف کر لیں ایک مہینہ یہ عمل کرنے سے سارے بال کمزور ہو کر جھڑ جایئں گے-

پسینہ تقریبا جسم کے تمام حصوں سے نکلتاہے اور خشک ہو جاتا ہے جسم کے کچھ حصے ایسے ہوتے ہیں جہاں پسینہ جلدی خشک نہیں ہوتا مثلا گردن ،بغلیں اور پوشیدہ اعضاء وغیرہ میں خاص طور پر گرمیوں میں ان حصوں سے پسینہ آسانی سے خشک نہیں ہوتا کیونکہ یہ حصے زیادہ تر کپڑوں میں ڈھکے رہتے ہیں اس لئے جسم سے پسینے کی بدبو آنے لگتی ہے اس بو کو دور کرنے کے لئے

نہاتے وقت پانی میں ڈیٹول یا کیوڑہ ملا لیں (ایک یا دو چمچ) یا ہڑیر پیس کر اس سے مالش کر کے نہائیں-

معدنی پھٹکری ایک فائدہ مند چیز ہے، جو کپڑوں پر نشان بھی نہیں چھوڑتی اور بے بو ہوتی ہے۔ یہ جراثیم کش خصوصیات رکھتی ہے جو پسینے کے غدود کو سکیڑنے میں مدد دیتی ہے اور اس سے بو غائب ہوجاتی ہے۔ اسے استعمال کرنے کے لیے پانی میں بھگوئیں اور بغلوں پر پھیرلیں۔

نہاتے وقت صابن یا لیکوئیڈ باڈی واش سے جلد کو اچھی طرح سے صاف کریں اور کسی وجہ سے نہا نہیں سکتے تو احتیاط سے بغلوں کو ہینڈ واش سے صاف کرلیں۔ ایسا کرنے سے وہ جراثیم مر جائیں گے جو اس بو کا باعث بنتے ہیں۔

بیکنگ سوڈا بھی اس حوالے سے فائدہ مند ہوتا ہے، صبح کو اسے ہلکی نم جلد پر لگائیں اور اضافی سفوف کو صاف کردیں۔ اگر دن بھر میں سورج کی روشنی کے نیچے کافی کام کرنا ہے تو ایک اور نسخہ آزمایا جاسکتا ہے، جس سے پسینے میں کمی لانے میں مدد ملتی ہے۔ 2 چائے کے چمچ بیکنگ پاﺅڈر، ایک چائے کا چمچ نمک، ایک چائے کا چمچ چینی اور ایک لیٹر پانی کو مکس کرلیں۔ صبح کے وقت اس کا ایک کپ پی لیں، اگر ایک ساتھ پینا مشکل لگے تو دن بھر میں تھوڑی تھوڑی مقدار میں پی لیں۔

جامن کے پتوں کو پانی میں ابال کر ٹھنڈا ہونے کے لئے رکھ لیں جب پانی ٹھنڈا ہو جائے تو اسے جسم پر مل لیں 5 منٹ کے بعد صاف پانی سے نہا لیں پسینے کی بدبو نیہں آئے گی-

ہائیڈروجن پر آکسائیڈ یہ ایک جراثیم کش محلول ہوتا ہے جو جراثیموں کے خلاف لڑتا ہے اور دن بھر ناگوار بو سے بچانے میں مدد دیتا ہے۔ ایک چائے کا چمچ ہائیڈروجن پرو آکسائیڈ کو آدھا کپ پانی میں ملائیں اور اس مکسچر کو صبح کے وقت بغلوں کو صاف کرنے کے لیے استعمال کریں۔

نہانے کے بعد جسم کو تولیئے سے اچھی طرح سے خشک کریں ایسے کپڑے پہنیں جو پسینے کو جلدی جذب کر سکیں-