Baaghi TV

Author: عائشہ ذوالفقار

  • قومی کرکٹ ٹیم کے کپتان بابراعظم کا نام بھی نصاب میں شامل

    قومی کرکٹ ٹیم کے کپتان بابراعظم کا نام بھی نصاب میں شامل

    قومی کرکٹر سرفراز احمد کے بعد قومی کرکٹ ٹیم کے کپتان بابراعظم کا نام بھی نصاب میں شامل ہوگیا۔

    باغی ٹی وی :میڈیا رپورٹس کے مطابق قومی کرکٹ ٹیم کے کپتان بابراعظم کی کور ڈرائیو اب نویں جماعت کی فزکس کے نصاب میں شامل کردی گئی ہے جس کی نشاندہی سماجی رابطے کی ویب سائٹ ٹوئٹر پر شیراز حسن نامی جرنلسٹ نے کی ہے-

    سوانح حیات نصاب میں شامل ہونے پر سرفراز احمد کا ویڈیو پیغام

    طلبہ سے سوال کے طور پر پوچھا گیا ہے کہ اگر بابر اعظم 150 جے کی حرکی توانائی سے 120 گرام وزن والی گیند پر کور ڈرائیو کھیلیں گے تو گیند کس رفتار سے باؤنڈری لائن تک پہنچے گی؟

    واضح رہے کہ بابراعظم اپنی بیٹنگ اور کور ڈرائیو کی وجہ سے شہرت رکھتے ہیں جبکہ کئی نامور کرکٹرز بھی ان کے مداح ہیں، بابر کی تکنیک کے باعث انہیں اسٹیو استمھ، ویرات کوہلی اور دیگر کرکٹرز سے اوپر رکھا گیا ہے۔

    انگلش ٹیم کے سابق کپتان ناصر حسین، لنکن کرکٹر مہیلا جے وردھنے اور آسٹریلوی فاسٹ بولر بریٹ لی بھی بابراعظم کی کور ڈرائیو کی تعریف آئی سی سی ایونٹس کے دوران کمنٹری میں کرچکے ہیں۔

    انضمام الحق، محمد یوسف، ناصر حسین اور سنیل گواسکر سمیت دنیا کے نامور کمنٹیٹرز بھی اپنے تجزیوں کے دوران نوجوانوں کو بابر اعظم کی بیٹنگ کو دیکھ کر ان کی طرح کور ڈرائیو سیکھنے کے مشورے دیتے ہیں۔

    سینئر کھلاڑیوں کو نہ لیں تب تنقید،نوجوانوں کو موقع دو تب بھی لوگ باتیں بناتے ہیں،بابر اعظم

    قبل ازیں سابق ٹیسٹ کپتان سرفراز احمد کی سوانح حیات چوتھی جماعت کی نصابی کتاب میں شامل کی گئی تھی سرفراز احمد کی اہلیہ خوش بخت سرفراز نے سماجی رابطے کی ویب سائٹ ٹوئٹر پر چوتھی جماعت کی اردو کتاب میں چیمپئینز ٹرافی 2017 کی فاتح اور پاکستان کرکٹ ٹیم کے کپتان کی سوانح حیات پر مشتمل سبق والے صفحہ کی تصویر شئیر کی تھی-

    انہوں نے کہا تھا کہ پر جوش ہوں صرف یہ سوچ کر کہ میرے بچے اپنے دوستوں اور اساتذہ کے ساتھ اپنے والد کے بارے میں کب پڑھیں گے، انہوں نے کہا کہ الحمدللہ یہ لمحہ قابل فخر ہے۔

    جبکہ سرفراز احمد نے اپنے ویڈیو پیغام میں کہا تھا کہ حکومت سندھ کا شکریہ ادا کرنا چاہتا ہوں جنہوں نے مجھے نصاب میں شامل کیا یہ میرے لیے اور میری فیملی کے لیے بہت ہی اعزاز کی بات ہے بچوں کو یہی پیغام دینا چاہتا ہوں کہ خوب محنت کریں اور دنیا میں سبز ہلالی پرچم کو روشن کریں۔

    ایشیاکپ فائنل میں شکست ،شعیب اختر قومی ٹیم پر برس پڑے

  • پنجاب حکومت نے سندھ کے سیلاب متاثرین کا امدادی سامان ضبط کر لیا، شرجیل انعام میمن

    پنجاب حکومت نے سندھ کے سیلاب متاثرین کا امدادی سامان ضبط کر لیا، شرجیل انعام میمن

    سندھ کے وزیر اطلاعات شرجیل انعام میمن نے چونکا دینے والے انکشاف میں کہا ہے کہ سندھ پروونشل ڈیزاسٹر مینجمنٹ اتھارٹی (پی ڈی ایم اے) نے سندھ کے سیلاب سے متاثرہ افراد کے لیے پنجاب سے آٹا خریدا جو پنجاب حکومت نے ضبط کت لیا-

    باغی ٹی وی : سماجی رابطے کی ویب سائٹ ٹوئٹر پر وزیر اطلاعات سندھ شرجیل انعام میمن نے کہا کہ پی ٹی آئی کی پنجاب حکومت نے بدھ کو پنجاب بارڈر پر ان ٹرکوں کو ضبط کیا اور ایف آئی آر درج کرائی پاکستان تحریک انصاف بار بار تمام حدیں پار کر رہی ہے پہلے انہوں نے ایک جعلی مہم شروع کی اور اب وہ امدادی اشیاء روک رہے ہیں۔


    شرجیل میمن نے کہا کہ سندھ پی ڈی ایم اے نے مون سون 2022 کے دوران شدید بارشوں اور سیلاب کے پیش نظر سندھ کے مختلف اضلاع کے لیے 300,000 راشن بیگز خریدے یہ راشن بیگز 3,450 روپے فی راشن بیگ کے نرخوں پر خریدے گئے تھے جن میں تمام قابل اطلاق ٹیکس، پیکنگ بوریاں اور ٹرانسپورٹیشن چارجز شامل تھے۔

    راشن کے تھیلوں میں سنرج آٹا، گرم مسالہ، ماچس کا ڈبہ، چاول، دال چنا، ویجیٹبل آئل ، نمک، چینی، چائے، دودھ کا پاؤڈر اور لال مرچ شامل ہیں-

    اسپیشل پرائس کنٹرول مجسٹریٹ کے اختیارات کے ساتھ سید آباد نائب تحصیلدار جام عبدالستار نے ٹرک کو روک کر کھانے پینے کی اشیاء ضبط کر لیں۔ نائب تحصیلدار نے ایف آئی آر درج کرائی اور الزام لگایا کہ ٹرک آٹا جمع کر رہا تھا۔

    بلوچستان میں سیلاب کے باعث مزید 3 اموات،میڈیکل کیمپ نہ ہونے سے بچے مختلف امراض کا…

    سندھ کے سیلاب متاثرین تک جو آٹا پہنچنا تھا، وہ ضبط کر لیا گیا اور اب صادق آباد کی ضلعی انتظامیہ اسے سرکاری نرخوں پر فروخت کرے گی ایف آئی آر پنجاب پریوینشن ہورڈنگ ایکٹ 2022 کے تحت درج کی گئی۔

    شرجیل انعام میمن کی ٹوئٹ پر سینیٹر سحر کامران نے ردعمل دیتے ہوئے کہا کہ عمران نیازی اور پی ٹی آئی کا ایجنڈا اب پوری طرح بے نقاب ہو چکا ہے، یہ پاکستانی عوام کو نقصان پہنچانے کا کوئی موقع ہاتھ سے نہیں جانے دیں گے۔


    سحر کامران نے کہا کہ سیلاب زدہ لوگوں کو ریلیف سے محروم رکھنا، بین الاقوامی ڈونرز کو گمراہ کرنے کی مذموم مہم اور اب آٹے کی سپلائی روکنے کی سازش انتہائی خطرناک ہے۔

    ملک کے مختلف علاقوں میں بارش کا امکان

  • ملکہ الزبتھ کی میت لیجانے والے طیارے کی ٹریکنگ کا نیا ریکارڈ

    ملکہ الزبتھ کی میت لیجانے والے طیارے کی ٹریکنگ کا نیا ریکارڈ

    لندن: برطانیہ کی آنجہانی ملکہ الزبتھ دوم کی میت لے جانے والے رائل ائیر فورس کے خصوصی طیارے کی ٹریکنگ نے نیا ریکارڈ قائم کردیا۔

    باغی ٹی وی: غیرملکی میڈیا کے مطابق اسکاٹ لینڈ کے دارالحکومت ایڈن برگ سے ملکہ برطانیہ کی میت لندن لانے والے رائل ائیرفورس کے طیارے کی ایک گھنٹے اور 12 منٹ کی پرواز کو 50 لاکھ سے زائد افراد نے ٹریک کیا۔

    ملکہ الزبتھ کا انتہائی خفیہ خط جو 2085 میں کھولاجائے گا، کس کے نام ہے پیغام؟

    طیاروں کی پرواز کا ریکارڈ رکھنے والی ویب سائٹس کے مطابق 2 لاکھ 96 ہزار سے زائد افراد نے طیارے کو یو ٹیوب جبکہ تقریبا 48 لاکھ نے فلائٹ ٹریکنگ ویب سائٹس اور ایپ پر ملکہ الزبتھ دوم کی میت لے جانے والے طیارے کی ٹریکنگ کی۔

    خصوصی طیارے کے نارتھولٹ پر لینڈ کرنے کے بعد ملکہ الزبتھ کی میت کو بکنگھم پیلس پہنچا دیا گیا ہے کنگھم پیلس پہنچنے پر ملکہ کے بچوں اور پوتے پوتیوں نے تابوت کا استقبال کیا۔

    بکنگھم پیلس کے اطراف ہزاروں افراد ملکہ کے تابوت کو دیکھنے کے لیے جمع ہوئے۔ شہریوں نے تابوت پر پھول نچھاور کر کے ملکہ سے عقیدت کا اظہار کیا۔

    ملکہ الزبتھ دوم کے آخری دیدار کے لیے عوام کا جم غفیر اُمڈ آیا

    ملکہ کے تابوت والی گاڑی جہاں جہاں سےگزری اس کے اطراف ٹریفک رک گئی۔ ایڈنبرا ایئرپورٹ پر تابوت کو رائل رجمنٹ آف اسکاٹ لینڈ نے گارڈ آف آنر بھی پیش کیا۔

    ملکہ الزبتھ کے تابوت کو آج بکنگھم پیلس سے ویسٹ منسٹر ہال لے جایا جائے گا۔غیرملکی میڈیا کے مطابق ملکہ کے تابوت کا دیدار شام پانج بجے سے کیا جاسکے گا ۔ دیدار کیلئے لوگوں نے ابھی سے قطاریں لگانا شروع کردی ہیں، تابوت کو 4 روز تک یہیں رکھا جائے گا۔

    برطانیہ پر سب سے طویل عرصے تک حکمرانی کرنے والی ملکہ الزبتھ دوم چند روزقبل 96 برس کی عمر میں انتقال کرگئی تھیں ملکہ الزبتھ کی آخری رسومات 19 ستمبر کو دن گیارہ بجے ہوں گی جس کے دوران شرکا ونڈزر کاسل تک ایک جلوس کی شکل میں پیدل جائیں گے ملکہ کو ونڈزر میں کنگ جارج ششم میموریل چیپل میں سپرد خاک کیا جائے گا۔

    ملکہ الزبتھ کا تابوت بکنگھم پیلس پہنچ گیا

  • سی اے اے حکام کی کراچی ایئرپورٹ پر طیارے کا انجن اور پرزے غائب ہونے کی تردید

    سی اے اے حکام کی کراچی ایئرپورٹ پر طیارے کا انجن اور پرزے غائب ہونے کی تردید

    کراچی ایئرپورٹ پر طیارے کا انجن اور پرزے غائب ہونے کا انکشاف ہوا ہے تاہم سول ایوی ایشن حکام نے ان خبروں کو بے بنیاد اور من گھڑت قرار دے دیا ہے-

    باغی ٹی وی : ذرائع کے مطابق نجی فلائنگ اسکول کے ہینگر میں کھڑے طیاروں کے پرزے اور انجن غائب ہوئے، سول ایوی ایشن نے نجی فلائنگ اسکول کے ہینگر کو سیل کر رکھا ہے سی اے اے نے نجی کمپنی کے ایوی ایشن کو نادہندہ قرار دیا ہوا ہے، نادہندہ قرار دینے کے بعد سی اے اے نے طیارے تحویل میں لے کر ہنگر سیل کیا تھا۔

    مریم نواز کی پاسپورٹ واپسی کی درخواست قبال سماعت قرار، وفاقی حکومت و نیب کو نوٹس، جواب طلب

    ذرائع کا کہنا ہے کہ ہینگر سیل ہونے کے باوجود طیاروں سے کروڑوں روپے کے انجن اور پرزے غائب ہوئے جبکہ ہینگر میں کھڑے دو طیاروں کی پنکھڑیاں بھی غائب ہیں ہائی الرٹ سکیورٹی زون میں اس واقعے کی سول ایوی ایشن حکام نے ایف آئی آر تک درج نہیں کرائی۔
    https://twitter.com/official_pcaa/status/1569953926723543041?s=20&t=5v4Hy4CMG7dTxloBE8exMA
    جبکہ دوسری طرف سول ایوی ایشن حکام نے ہینگر میں کھڑے طیاروں کے پرزے غائب ہونے کی خبروں کی تردید کرتے ہوئے کہا ہے کہ کے کے ایوی ایشن کو 2018 میں نادہندہ قرار دے کر سیل کیا گیا اورجہاز تحویل میں لئے گئے، ضبط شدہ جہازوں کے پنکھے چوری ہونے کی خبریں من گھڑت ہیں۔

    بلوچستان میں سیلاب کے باعث مزید 3 اموات،میڈیکل کیمپ نہ ہونے سے بچے مختلف امراض کا…

    ترجمان سی اے اے نے وضاحت دیتے ہوئے کہا کہ تصویر سے ظاہر ہے 2018 میں بھی جہاز پر پنکھا نہیں تھا، گزشتہ شام جھوٹی خبر وائرل کی گئی اور خبر کے پیچھے ذاتی مفاد،مقاصد کار فرما ہیں غیر ذمہ دارانہ رپورٹنگ کے ذریعے معاملے کو غلط رنگ دینے کی کوششیں کی گئی، ہم غلط رپورٹنگ کے خلاف قانونی چارہ جوئی کا حق محفوظ رکھتے ہیں-

    کراچی: گزشتہ 24 گھنٹوں میں ڈینگی کے161،اسلام آباد میں128 کیسز رپورٹ

  • مریم نواز کی پاسپورٹ واپسی کی درخواست قبال سماعت قرار، وفاقی حکومت و نیب کو نوٹس، جواب طلب

    مریم نواز کی پاسپورٹ واپسی کی درخواست قبال سماعت قرار، وفاقی حکومت و نیب کو نوٹس، جواب طلب

    لاہور ہائیکورٹ کے فل بنچ نے مسلم لیگ ن کی نائب صدر مریم نواز کی پاسپورٹ واپسی کی درخواست قابل سماعت قرار دی –

    باغی ٹی وی : لاہور ہائیکورٹ میں مسلم لیگ ن کی نائب صدر مریم نواز کی پاسپورٹ واپسی کیلئے دائر درخواست پر چیف جسٹس لاہور ہائیکورٹ جسٹس امیر بھٹی کی سربراہی میں تین رکنی بینچ نے سماعت کی۔

    مریم نوازکی پاسپورٹ واپسی کی درخواست،لاہور ہائیکورٹ کا فل بینچ تشکیل

    مریم نواز کے وکیل امجد پرویز نے دلائل دیتے ہوئے کہا کہ چوہدری شوگر مل کی انکوائری 2018 میں شروع کی گئی ، نیب نے مریم نواز کو اسی کیس میں گرفتار کیا جبکہ لاہور ہائیکورٹ نے ضمانت منظور کی-

    وکیل امجد پرویز نے کہا کہ مریم نواز نے ضمانت کے لیے 7 کروڑ روپے اور پاسپورٹ عدالت عالیہ میں جمع کرایا ،ان پر سات کروڑروپے کا الزام تھا اور انہوں نے اتنی ہی رقم جمع کرائی ، مگر چار سال ہوگئے لیکن نیب نے ریفرنس دائر نہیں کیا۔

    پاک فوج کے خلاف سوشل میڈیا پر مہم چلانے والے مزید 3 ملزمان کو گرفتار

    امجد پرویز نے عدالت سے استدعا کی کہ مریم نواز کا پاسپورٹ واپس کیا جائے اور عدالت پاسپورٹ جمع کرنے کی شرط ختم کر دے، اسلام آباد ہائیکورٹ نے بھی بیرون ملک جانے پر کوئی قدغن نہیں لگائی۔

    چیف جسٹس نے ریمارکس دیئے کہ درخواست میں اٹھائے گئے سوالات غور طلب ہیں مخالف فریق کا موقف سننا لازمی ہے عدالت نے نیب ، وفاقی حکومت کو 27 ستمبر کیلئے نوٹس جاری کرتے ہوئے جواب طلب کرلیا اور سماعت ملتوی کردی۔

    بجلی کے بل یا قیامت کی نشانی

  • بل گیٹس نے غذائی بحران سے نمٹنے کیلئے ایک دلچسپ تجویز پیش کر دی

    بل گیٹس نے غذائی بحران سے نمٹنے کیلئے ایک دلچسپ تجویز پیش کر دی

    مائیکروسافٹ کے شریک بانی بل گیٹس نے دنیا کو نبرد آزما سب سے اہم مسئلے غذائی بحران سے نمٹنے کے لیے ایک دلچسپ تجویز پیش کی ہے۔

    باغی ٹی وی :عالمی خبر رساں ادارے کے مطابق بل گیٹس نے کہا ہے کہ صرف امداد سے غذائی بحران پر قابو نہیں پایا جا سکتا بلکہ جادوئی بیج کے ذریعے قابو پایا جا سکتا ہے۔

    امریکی عدالت نے بہن کی بھائی سے شادی کی اجازت دیدی؟

    بل گیٹس کے مطابق غذائی بحران کی بنیادی وجوہات یوکرین میں جاری جنگ، موسمیاتی تبدیلی اور وبائی امراض کو قرار دیتے ہوئے کہا کہ امداد کے بجائے ٹیکنالوجی پر انحصار کرنا ہوگا۔

    افریقی ممالک میں زراعت کو بہتر بنانے کے لیے2008ء سے اب تک 131 ملین ڈالرز خرچ کردینے والی بل گیٹس کی این جی او ’’ بل اینڈ میلنڈا گیٹس فاؤنڈیشن‘‘ نے غذائی بحران سے نمٹنے کے لیے ’جادوئی بیج‘ تیار کرنے کا عندیہ دیا ہے جسے فصلوں کو موسمیاتی تبدیلیوں اور زرعی کیڑوں کے خلاف مزاحمت کرنے کے لیے تیار کیا جائے گا۔

    بل اینڈ میلنڈا گیٹس فاؤنڈیشن کی جانب سے تازہ ترین سالانہ رپورٹ میں گیٹس کا کہنا ہے کہ بھوک کا عالمی بحران اتنا بڑا ہے کہ خوراک کی امداد اس مسئلے کو پوری طرح حل نہیں کر سکتی جس چیز کی بھی ضرورت ہے، وہ کاشتکاری کی ٹیکنالوجی میں اختراعات ہیں جو بحران کو دور کرنے میں مدد کر سکتی ہیں۔

    پاکستان کو ایف 16 طیاروں کے پرزے فروخت کرنے سے متعلق کانگریس کو آگاہ کردیا ہے،نیڈ پرائس

    جادوئی بیج کی تجویز پر بل گیٹس کو تنقید کا سامنا ہے ناقدین کا کہنا ہے کہ جادوئی بیج کی تیاری میں کئی برس لگ جاتے ہیں اس لیے یہ لانگ ٹرم حکمت عملی تو ہوسکتی ہے لیکن فوری طور پر غذائی بحران پر قابو پانے کے لیے کارگر نہیں۔

    ماہرین کا کہنا ہے کہ بل گیٹس کی تجویز ماحول کے تحفظ کے لیے کی گئی عالمی کوششوں کے خلاف ہے کیوںکہ ایسے بیجوں سے پیداوار حاصل کرنے کے لیے عام طور پر کیڑے مار ادویات اور فوسل فیول پر مبنی کھاد استعمال کرنا پڑتی ہے۔

    ملکہ الزبتھ کی طرف سے عمرے کا دعویٰ کرنے والا شخص گرفتار

  • کم سن طالب علم کے اپنی ٹیچر کو منانے کی ویڈیو وائرل،صارفین کے دلچسپ تبصرے

    کم سن طالب علم کے اپنی ٹیچر کو منانے کی ویڈیو وائرل،صارفین کے دلچسپ تبصرے

    پرائمری اسکول کے ایک کم سن طالب علم کے اپنی ٹیچر کو منانے اور غلطی کو نہ دہرانے کے وعدے کی سوشل میڈیا پر وائرل ہو رہی ہے-

    باغی ٹی وی : ویڈیو میں دیکھا جا سکتا ہے کہ معصوم طالب علم کرسی پر بیٹھی بظاہر ناراض نظر آتی اپنی ٹیچر کو منا رہا ہے اور ٹیچر بار بار ناراضگی کا اظہار کرتے ہوئے کہتی ہیں کہ تم ہر بار وعدہ کرتے ہوئے اور پھر کلاس میں وہی کرنے لگتے ہو اب میں تم سے بات نہیں کروں گی۔
    https://twitter.com/Gulzar_sahab/status/1569327422000230400?s=20&t=jgRH98cmFY656xLG1NzA3A
    ویڈیو میں دیکھا جا سکتا ہے کہ ٹیچر کے اس طرح کہنے پر بچہ مزید پریشان ہو جاتا ہے اور وہ خفا ٹیچر کو منانے کی کوششیں اور تیز کردیتا ہےکبھی غلطی نہ دہرانے کی یقین دہانی کراتا ہے تو کبھی ان کے کندھوں پر اپنے ہاتھ رکھ کر چہرہ قریب لاتا ہے اور معافی مانگتا ہے وہ ایک موقع پر پیار بھی کرلیتا ہے۔

    بچے کو اتنا لاڈ کرتا دیکھ کر ٹیچر کا دل پگھل جاتا ہے اور وہ بچے سے غلطی نہ دہرانے کا وعدہ لے کر اسے معاف کردیتی ہیں اور بچہ انھیں پیار کرتا ہے جس کے بعد ٹیچرایک بار پھر غلطی نہ دہرانے کا وعدہ لیتے ہوئے بچے کو پیار کرتی ہے-


    اکثر صارفین نے بچے اور ٹیچر کے درمیان مضبوط جذباتی رشتے کی تعریف کی تاہم کچھ صارفین اپنے زمانہ طالب علمی میں ایسی ٹیچرز میسر نہ آنے پر آہیں بھرتے نظر آئے جبکہ بعض صارفین کا کہنا تھا کہ اگر مرد ٹیچر اپنی طالبعلم کے ساتھ اس طرح بی ہیو کرتا تو ویڈیو پر ایک مختلف ردعمل دیکھنے کو ملتا اساتذہ کے لیے یہ ایک مختلف قسم کی سنسنی ہے۔
    https://twitter.com/SoniAnkitK95949/status/1569385417971044353?s=20&t=jgRH98cmFY656xLG1NzA3A
    https://twitter.com/CaugusteC/status/1569765354448236544?s=20&t=jgRH98cmFY656xLG1NzA3A
    جس پر ایک صارف نے کہا کہ میں ایک لڑکا ہوں اور مجھے اس سے قطعی طور پر کوئی مسئلہ نہیں ہےلڑکیوں کے ساتھ ایسا کرنے والے مرد اساتذہ بدتمیز ہیں لیکن دوسری طرف یہ مسئلہ نہیں ہے حقیقت یہ ہے کہ جب میں چھوٹا تھا تو اس طرح کے اساتذہ کہاں تھے؟


    بعض صارفین نے ٹیچر کے اس عمل کو سراہا کہا کہ آپ کو ایک بہت بڑا سلام اور بہت زیادہ احترام محترمہ ایک استاد کا ایسا ہی ہونا چاہیئے بہت قریب آنے والا، پیار کرنے والا، نرم دل، بہت زیادہ صبر کے ساتھ ، بچے اس کے ساتھ بہت آرام سے رہیں۔


    ایک صارف نے کہا کہ بدقسمتی سے ہم نے اسے پیشہ ورانہ مقابلے کے نام پر کھو دیا، امید ہے کہ کچھ دن ہم سب اس طرح کی انسان دوستی اور پیار بھری تعلیم کی طرف لوٹیں گے۔

  • ملکہ الزبتھ کا تابوت بکنگھم پیلس پہنچ گیا

    ملکہ الزبتھ کا تابوت بکنگھم پیلس پہنچ گیا

    آنجہانی ملکہ الزبتھ کا تابوت بکنگھم پیلس پہنچ گیا آج ویسٹ منسٹر لے جایا جائے گا جہاں ملکہ کے تابوت کا دیدار کیا جاسکے گا-

    باغی ٹی وی :”روئٹرز” کے مطابق ملکہ کے تابوت کو خصوصی طیارے میں ایڈنبرا سے لندن لایا گیا پھر بکنگھم پیلس پہنچا دیا گیا بکنگھم پیلس پہنچنے پر ملکہ کے بچوں اور پوتے پوتیوں نے تابوت کا استقبال کیا۔

    ملکہ الزبتھ دوم کے آخری دیدار کے لیے عوام کا جم غفیر اُمڈ آیا

    بکنگھم پیلس کے اطراف ہزاروں افراد ملکہ کے تابوت کو دیکھنے کے لیے جمع ہوئے۔ شہریوں نے تابوت پر پھول نچھاور کر کے ملکہ سے عقیدت کا اظہار کیا۔

    ملکہ کے تابوت والی گاڑی جہاں جہاں سےگزری اس کے اطراف ٹریفک رک گئی۔ ایڈنبرا ایئرپورٹ پر تابوت کو رائل رجمنٹ آف اسکاٹ لینڈ نے گارڈ آف آنر بھی پیش کیا۔

    محل کے ایک ترجمان نے بتایا کہ کنگ چارلس، جو گزشتہ ہفتے اپنی والدہ کی موت پربادشاہت کی کرسی پر براجمان ہوئے نے، اپنے تین بہن بھائیوں، دو بیٹوں ولیم اور ہیری اور شاہی خاندان کے دیگر سینئر ارکان کے ساتھ تابوت وصول کیا-

    ملکہ الزبتھ کی طرف سے عمرے کا دعویٰ کرنے والا شخص گرفتار

    ملکہ الزبتھ کے تابوت کو آج بکنگھم پیلس سے ویسٹ منسٹر ہال لے جایا جائے گا۔غیرملکی میڈیا کے مطابق ملکہ کے تابوت کا دیدار شام پانج بجے سے کیا جاسکے گا ۔ دیدار کیلئے لوگوں نے ابھی سے قطاریں لگانا شروع کردی ہیں، تابوت کو 4 روز تک یہیں رکھا جائے گا۔

    ملکہ الزبتھ کی آخری رسومات 19 ستمبر کو دن گیارہ بجے ہوں گی جس کے دوران شرکا ونڈزر کاسل تک ایک جلوس کی شکل میں پیدل جائیں گے ملکہ کو ونڈزر میں کنگ جارج ششم میموریل چیپل میں سپرد خاک کیا جائے گا۔

    ملکہ الزبتھ کا انتہائی خفیہ خط جو 2085 میں کھولاجائے گا، کس کے نام ہے پیغام؟

  • تیز چلنا مختلف امراض اور موت کا خطرہ کم کرتا ہے، تحقیق

    تیز چلنا مختلف امراض اور موت کا خطرہ کم کرتا ہے، تحقیق

    ایک نئی تحقیق کے مطابق عمر بڑھنے کے ساتھ اچھی صحت کو یقینی بنانا چاہتے ہیں تو دن بھر میں چند ہزار قدم چلنا عادت بنالیں۔

    باغی ٹی وی : یونیورسٹی آف سڈنی اور یونیورسٹی آف سدرن ڈنمارک کے محققین کے مطابق دن بھر میں 10 ہزار قدم چلنا مختلف امراض اور موت کا خطرہ کم کرتا ہےتحقیق میں یہ بھی دریافت کیا گیا کہ تیزرفتاری سے چلنا صحت کے لیے بہت زیادہ بہتر ہوتا ہے۔

    اداسی محسوس ہو تو دریا یا نہر پر چلے جانا مزاج کو بہتر کر سکتا ہے،تحقیق

    تحقیق کے دوران 2013 سے 2015 کے دوران 78 ہزار سے زیادہ برطانوی شہریوں کی مانیٹرنگ وئیر ایبل ٹریکرز کے ذریعے کی گئی اور سات سال بعد ان کی صحت کے نتائج سے اس کا موازنہ کیا،اس تحقیق کے نتائج جرنل جاما انٹرنل میڈیسین اور جاما نیورولوجی میں شائع ہوئے۔

    ڈاکٹر میتھیو احمدی، جو اس مقالے کے مرکزی مصنف اور یونیورسٹی آف سڈنی کے ریسرچ فیلو ہیں، نے کہا کہ اس تحقیق سے پتا چلا ہے کہ روزانہ 10 ہزار قدم چلنے سے دماغی تنزلی کا خطرہ 50 فیصد جبکہ دل کی شریانوں کے امراض اور کینسر کا خطرہ 30 سے 40 فیصد تک کم ہوجاتا ہے۔

    تیز رفتاری سے چلنا ڈیمنشیا، دل کی بیماری، کینسر اور موت سمیت تمام نتائج کے مزید فوائد سے وابستہ تھا تحقیق میں یہ بھی دریافت کیا گیا کہ دن بھر میں 38 سو قدم چلنے سے بھی دماغی تنزلی کا خطرہ 25 فیصد تک کم ہوجاتا ہے۔

    تحقیق میں یہ بھی پتا چلا کہ ہر 2,000 قدموں پر قبل از وقت موت کا خطرہ 8 سے 11 فیصد تک کم ہو جاتا ہے ، جو کہ ایک دن میں تقریباً 10،000 قدموں تک ہے۔

    گاڑیوں کا دھواں مردوں سے زیادہ خواتین کی صحت کو متاثر کر سکتا ہے،محققین

    محققین نے کہا کہ جب دل کی دھڑکن کی رفتار بڑھتی ہے اور خون زیادہ تیزی سے شریانوں میں بہتا ہے تو اس سے شریانوں کی صحت بھی بہتر ہوتی ہے۔ خون کا اضافی بہاؤ پورے جسم، دماغ اور مسلز سمیت دیگر اعضا کے لیے فائدہ مند ثابت ہوتا ہے کینسر اور جسمانی ورم کے درمیان تعلق موجود ہے اور ورزش ورم کو کم کرنے کا بہترین ذریعہ ہے۔

    2019 میں شائع ہونے والی تحقیق کے مطابق، آپ کی صحت کو بہتر بنانے کے لیے روزانہ 10,000 قدم چلنے کا خیال اصل میں ایک جاپانی کمپنی کی مارکیٹنگ حکمت عملی کے حصے کے طور پر پیش کیا گیا تھا۔

    یونیورسٹی آف ساؤتھ آسٹریلیا کے رویے سے متعلق وبائی امراض کے محقق پروفیسر ٹِم اولڈز نے کہا کہ لوگوں کی اکثریت کے لیے وہ جتنی زیادہ ورزش کریں گے اتنا ہی بہتر ہوگا-

    محققین نے کہا کہ معمولات زندگی میں 10 ہزار قدم چلنا عادت بنانا زیادہ مشکل ہدف نہیں بس اس ہدف پر توجہ مرکوز کرتے ہوئے معتدل آغاز کریں اور قدموں کی تعداد کو بتدریج بڑھاتے چلے جائیں۔

    دنیا کی پہلی اسپورٹس کارہوا میں پرواز کرنے کے لیے تیار

  • پاکستان کو ایف 16 طیاروں کے پرزے فروخت کرنے سے متعلق کانگریس کو آگاہ کردیا ہے،نیڈ پرائس

    پاکستان کو ایف 16 طیاروں کے پرزے فروخت کرنے سے متعلق کانگریس کو آگاہ کردیا ہے،نیڈ پرائس

    واشنگٹن: ترجمان امریکی محکمہ خارجہ نیڈ پرائس نے کہا ہے کہ پاکستان کو ایف 16 طیاروں کے پرزے فروخت کرنے سے متعلق کانگریس کو آگاہ کردیا ہے-

    باغی ٹی وی : نیڈ پرائس نے میڈیا بریفنگ میں ایف 16 طیاروں پر بات کرتے ہوئے کہا کہ پاکستان کو ایف 16 طیاروں کے پرزے فروخت کرنے سے متعلق کانگریس کو آگاہ کردیا ہے۔ اس فیصلے سے دہشت گردوں کے خلاف کارروائیوں میں مدد ملے گی۔

    امریکا نے پاکستان کو ایف 16 طیاروں کے سامان اورآلات فروخت کرنےکی منظوری دیدی

    انہوں نے کہا کہ پاکستان کئی شعبوں میں امریکا کا اہم اتحادی ہے جبکہ ان کا مزید کہنا تھا کہ ہم پاکستان میں میڈیا اور سول سوسائٹی پر پابندیوں پر تشویش کا اظہار کرتے ہیں۔

    پاکستان میں سیلاب کی تباہ کاریوں پر امریکی محکمہ خارجہ کے ترجمان کا کہنا تھا کہ پاکستان میں سیلاب سے جانی و مالی نقصان پر افسوس ہے اور اس مشکل کی گھڑی میں پاکستانی عوام کے ساتھ ہیں۔

    واضح رہےگزشتہ ہفتےامریکا نے پاکستان کو ایف 16 طیاروں کی مرمت کیلئےسامان اورآلات فروخت کرنےکی منظوری دے دی تھی امریکی محکمہ خارجہ نے 45 کروڑ ڈالر کے معاہدے کی منظوری دی، پینٹاگون کے مطابق اصل ٹھیکیدار امریی کمپنی لاک ہیڈ مارٹن کارپوریشن ہو گی-

    امریکہ اپنے ہی بنائے ہوئے ایف 35 میں چین کے بنے ہوئے پرزے سے خائف

    پینٹاگون نے بیان میں کہا تھا کہ امریکی ڈیفنس سیکیورٹی کوآپریشن ایجنسی نے کانگریس کو نئی غیر ملکی فوجی فروخت کے بارے میں مطلع کر دیا مجوزہ فروخت امریکہ کی خارجہ پالیسی اور قومی سلامتی کے مقاصد کی حمایت کرے گی۔ پاکستان کو آلات کی فروخت سے خطے میں بنیادی فوجی توازن نہیں بدلے گا۔

    امریکی حکومت نے پاکستان ایئرفورس کے F-16 پروگرام کوبرقراررکھنے کےلیےغیر ملکی فوجی فروخت کے مجوزہ کیس سے کانگریس کو مطلع کر دیا ہے۔ اسٹیٹ ڈپارٹمنٹ کے ترجمان نے کہا کہ پاکستان انسداد دہشت گردی کا ایک اہم پارٹنر ہے، اور دیرینہ پالیسی کے حصے کے طور پر، امریکہ امریکی نژاد پلیٹ فارمز کے لیے لائف سائیکل مینٹیننس اور پائیداری کے پیکیج فراہم کرتا ہے۔

    بحرانِ یمن کا کوئی فوجی حل نہیں: سلامتی کونسل