استنبول: اُردن کی سب سے بڑی مذہبی سیاسی جماعت اسلامک ایکشن فرنٹ نے ترکی کی طرف سے اسرائیلی صدرکے استقبال کی مذمت کرتے ہوئے صیہونی دشمن کے ساتھ ہر طرح کی معمول کی روش” کو مسترد کرنے پر زور دیا۔

باغی ٹی وی : اسلامک فرنٹ کے عہدیدارایمن ابوالرب نے بدھ کے روزایک تحریری پریس بیان میں کہا کہ ترکی میں صیہونی رہنماؤں کے استقبال میں خاص طور پرجارحیت اوردہشت گردی میں اضافے کے ساتھ ترکی میں اسرائیلی صدر کا استقبال ناقابل قبول ہے۔

ابو الرب نے ترک حکومت سے مطالبہ کیا کہ وہ قابض ریاست کے ساتھ  تعلقات معمول پرلانے کی کوششیں ترک کرے۔ ہم انقرہ کے اس اقدام کو مسترد کرتے ہیں۔ یہ کہ قابض ریاست کے ساتھ تعلقات کے قیام سے کسی عرب یا مسلمان ملک کا کوئی مفاد حاصل نہیں کیا جا سکتا۔

انہوں نے انقرہ سے بھی مطالبہ کیا کہ وہ ترک عوام اور عرب اور اسلامی ممالک کے لوگوں کے موقف سے ہم آہنگ رہے جو قابض ریاست کو ملک کے پہلے دشمن کے طور پر دیکھتے ہیں۔

فلسطینیوں کا قاتل اسرائیل کا صدر اسحاق ہرزوگ کا دورہ ترکی کے دوران استمبول میں رجب طیب اردوغان کےخلاف احتجاجی مظاہرے جاری مظاہرین نےفلسطینی عوام کےساتھ اظہارِ یکجہتی کرتےہوئے اسرائیلی صدر کےدورہ ترکی پر سخت مذمت کی پاکستانی میڈیا خاموش#Turkey #Israel #Erdogan #Palestine pic.twitter.com/1hz7XgMNOI

— 🇮🇷 ASIF🚩NAQVI🇵🇰 (@AsifNaqvi72) March 10, 2022

علاوہ ازیں فلسطینیوں کے قاتل اسرائیل کے صدر اسحاق ہرزوگ کا دور- ترکی کے دوران استمبول میں رجب طیب اردوغان کےخلاف احتجاجی مظاہرے جاری ہیں مظاہرین نےفلسطینی عوام کےساتھ اظہارِ یکجہتی کرتےہوئے اسرائیلی صدر کےدورہ ترکی پر سخت مذمت کی ہے-
https://twitter.com/IshaqMuhommad/status/1501812622068490243?s=20&t=jYbBRxAC6ByRD2hzSi6HNg
محمد اسحاق نامی صارف نے کہا کہ کسی بھی اسلامی ملک کی عوام اسرائیلیوں کو پسند نہیں کرتی چاہیے وہاں کے حکمران جتنا بھی ان کو گلے لگا لیں –

الجزیرہ کے صحافی کی جانب سے شئیر کی گئی ایک ویڈیو بھی سوشل میڈیا پر گردش کر رہی ہے جس میں ترک عوام اسرائیلی صدر کے دورے پہ لگائے گئے جھنڈے عوام اتار رہی ہیں اور فلسطینی جھنڈے لگا رہی ہیں-

یوکرین اور روس کا انخلا کیلئے 12 گھنٹوں کی جنگ بندی پر اتفاق

خیال رہے کہ بدھ کو صدر رجب طیب ایردوآن نے اپنے اسرائیلی ہم منصب اسحاق ہرزوگ کا استقبال کیا اور عبرانی میڈیا نے انقرہ کے صدارتی محل میں ہونے والے استقبال کو سفارتی پروٹوکول کے مطابق اعلیٰ ترین قرار دیا۔

بین الاقوامی میڈیا کے مطابق صدر ایردوان نے صدارتی محل آمد پر استقبال کیا معزز مہمان کو گارڈ آف آنر پیش کیا گیادونوں رہنماؤں میں ون ٹو ون ملاقات ہو گی اسرائیلی صدر کے دورے کو خاص اہمیت دی جا رہی ہے صدر ایردوان نے کہا کہ ترکی اسرائیل کے ساتھ خوشگوار اور مضبوط تعلقات چاہتا ہے-

اسرائیلی صدر اسحاق ہرزوگ کا دورہ ترکی یوکرین پر روسی حملے سے چند ہفتے قبل طے پایا تھا یہودی ریاست اور فلسطینی کاز کی حمایت کرنیوالے مسلم اکثریتی ملک ترکی کے درمیان سفارتی تعلقات ایک دہائی سے زائد عرصے سے خراب ہیں۔

بھارتی وزیر اعلیٰ گوبرکے بریف کیس کے ساتھ اسمبلی پہنچ گئے

ہرزوگ نے اپنی روانگی سے قبل ایک بیان میں کہا تھا کہ "ہم ہر چیز پر متفق نہیں ہوں گے حالیہ برسوں میں اسرائیل اور ترکی کے تعلقات یقیناً اتار چڑھاؤ کا شکار رہے ہیں لیکن ہم اپنے تعلقات کو دوبارہ قائم کرنے کی کوشش کریں گے۔” ہم اسے احتیاط سے استوار کریں گے۔

رپورٹس کے مطابق اس دو روزہ دورے کے ایجنڈے کے اہم امور میں یورپ کو گیس کی فروخت شامل ہونے کا امکان ہے جو یوکرائن کے تنازع کے دوران ایک فوری مسئلہ بن چکا ہے۔

واضح رہے کہ ترکی اور اسرائیل کے تعلقات نے اس وقت خرابی کا رخ اختیار کیا جب اسرائیل نے 2010 میں ترک بحری جہاز ماوی مروارا پر حملہ کر کے 10 شہریوں کو ہلاک کر دیا تھا۔ طیارہ امداد کے ساتھ غزہ میں اسرائیلی ناکہ بندی توڑنے کی کوشش کر رہا تھا۔

خیال رہے کہ 2007 کے بعد اسرائیلی رہنما کا ترکی کا یہ پہلا دورہ ہے جس میں دونوں ممالک کشیدہ تعلقات کو دوبارہ قائم کرنے کی کوشش کریں گے۔

اسرائیلی فورسزکی فائرنگ سے فلسطینی نوجوان شہید

روس سے تیل کی درآمد پر پابندی امریکی ایوان نمائندگان میں منظور ہوگئی-

باغی ٹی وی : امریکی میڈیا کے مطابق یوکرین کے حملے کے جواب میں روسی تیل اور توانائی کی مصنوعات کی درآمد پر پابندی کے لیے امریکی ایوان میں ووٹنگ ہوئی جس میں قانون سازوں نے بھاری اکثریت میں اس پابندی کے حق میں ووٹ دیئے-

قانون سازی جو 414 کے مقابلے میں 17 ووٹوں سے منظور ہوئی، اب حتمی فیصلے کے لیے سینیٹ میں پیش کی جائے گی۔ تاہم اس کی کوئی تاریخ نہیں بتائی گئی۔

سینٹ میں اکثریت پارٹی کے لیڈر کا کہنا ہے کہ وہ اس سلسلے میں پہلے امریکی صدر بائیڈن سے بات کرنا چاہتے ہیں۔

یہ اقدام امریکی صدر کی جانب سے روسی توانائی کی مصنوعات کی درآمد پر پابندی کے حکم پر دستخط کیے جانے کے ایک دن بعد ہی سامنے آیا ہے۔

بائیڈن کا کہنا تھا کہ انہوں نے یہ فیصلہ یورپی اتحادیوں کے ساتھ مشاورت سے کیا لیکن شاید یورپی ممالک روس کی توانائی کی درآمدات پر پابندی لگانے میں امریکہ کے ساتھ شامل ہونے کی پوزیشن میں نہیں ہیں اس پابندی کا مقصد روس پر دباؤ ڈالنا ہے تاکہ وہ یوکرین جنگ بند کرے۔

روس کی بچوں کے ہسپتال پر بمباری،17 افراد زخمی،یوکرین کا دعویٰ

وائٹ ہاوس سے جاری پیغام میں انہوں نے کہا تھا کہ ہم روس سے تیل اور گیس کی درآمد پر مکمل پابندی عائد کر رہے ہیں، جس کا مطلب روس کا تیل امریکی بندرگاہوں پر قبول نہیں کیا جائے گا ہمارے اس اقدام سے صدر پیوٹن کو ایک بڑا دھچکا لگے گا۔

خیال رہے کہ روسی صدر ولادی میر پیوٹن نے خبردار کیا تھا کہ اگر روس کے تیل اور گیس پر پابندی عائد کی گئی تو عالمی مارکیٹ میں خام تیل کی قیمت 300 ڈالر فی بیرل تک پہنچ جائے گی۔

دوسری جانب امریکی انٹیلی جینس نے رپورٹ میں انکشاف کیا تھا کہ روس پرامریکہ کی طرف سے پابندیاں روسی صدر ولادیمیر پیوٹن کو غضبناک کرسکتی ہیں ، جس کا مطلب روسی صدر کچھ بھی کرسکتےہیں‌-

امریکہ نے روس کے خلاف اقتصادی جنگ کا اعلان کیا ہے،ترجمان پیوٹن

امریکی ’سی آئی اے‘ کے ڈائریکٹر ولیم برنز نے روسی صدر ولادیمیر پیوٹن کو "برہم اور مایوس” قرار دیتے ہوئے کہا تھا کہ وہ "اپنی طاقت کو دوگنا کریں گے اور شہری ہلاکتوں کی پرواہ کیے بغیر یوکرین کی فوج کو کچلنے کی کوشش کریں گے وہ اور سی آئی اے کے تجزیہ کار نہیں جانتے تھے کہ پیوٹن یوکرین کے دارالحکومت کیف پر قبضہ کرنے اور صدر ولادیمیر زیلنسکی کی حکومت کی جگہ ماسکو کی کٹھ پتلی قیادت کو کس طرح حاصل کر سکتے ہیں۔

پوتن غُصےمیں آگئے توتباہی مچادیں گے:امریکی انٹیلی جنس رپورٹ

کیف: یوکرین اور روس نے شہریوں کے انخلا کے لیے 12 گھنٹوں کی جنگ بندی پر اتفاق کرلیا۔

باغی ٹی وی : تفصیلات کےمطابق یوکرین اورروس نے یوکرین کے 6 شہروں میں 12 گھنٹوں کی جنگ بندی پر اتفاق کرلیا ہے تاکہ شہریوں کےانخلا کی اجازت دی جاسکے سومی، شمال مشرقی یوکرین میں میئر نے کہا ہے کہ لوگ ذاتی کاروں اور بسوں کے ذریعے شہر چھوڑنے میں کامیاب ہوگئے ہیں اینر ہوڈر کے میئر نے کہا کہ زیادہ تر خواتین اور بچوں کے قافلے وہاں سے نکلنے میں کامیاب ہوگئے ہیں۔

روس کی بچوں کے ہسپتال پر بمباری،17 افراد زخمی،یوکرین کا دعویٰ

دوسری جانب یوکرین اور روس کے وزرائے خارجہ نے جمعرات کو ترکی میں مذاکرات کے لیے ملاقات پر اتفاق کرلیا ہے یہ حملہ شروع ہونے کے بعد پہلی بار ہوا ہے اس ملاقات کی تجویز ترکی کے وزیر خارجہ نے دی تھی۔

یو این ایچ سی آر کے ہائی کمشنر فلیپو گرینڈی نے کہا ہے ترجیح یہ ہے کہ سرحدوں پر موجود پناہ گزینوں کی مدد کی جائے، بجائے اس بات پر کے کہ وہ ممالک کے درمیان کیسے تقسیم ہوں گے-

پولینڈ کی یوکرین کو مگ 29 لڑاکا طیارے کی پیشکش،اس طرح تو روس کسی کو بھی نہیں چھوڑے گا:امریکہ

گرینڈی نے مزید کہا یوکرین پر روس کے حملے شروع ہونے کے بعد وہاں سے نکلنے والے پناہ گزینوں کی تعداد غالباً 2.1 سے لے کر 2.2 ملین تک پہنچ چکی ہے۔

واضح رہے کہ روسی فوج نے یوکرین کے مشرقی شہر ماریوپول میں بمباری کی ہے جس کی زد میں میٹرنٹی اسپتال بھی آیا۔ بمباری کے نتیجے میں معصوم بچے ملبے تلے دبے ہوئے ہیں جب کہ 3 ہزار سے زائد بچے بغیر خوراک اور ادویات متاثرہ علاقوں میں محصور ہوکر رہ گئے ہیں۔

امریکہ نے روس کے خلاف اقتصادی جنگ کا اعلان کیا ہے،ترجمان پیوٹن

رائے پور: سی ایم بھوپیش بگھیل گائے کے گوبر سے بنے بریف کیس میں بجٹ لے کر اسمبلی پہنچے۔

باغی ٹی وی: بھارتی میڈیا کے مطابق چھتیس گڑھ کے وزیر اعلی بھوپیش بگھیل نے گزشتہ روز اسمبلی میں ریاستی بجٹ پیش کیا سی ایم بگھیل کے پاس ریاستی وزارت خزانہ کا چارج بھی ہے بجٹ پیش کرنے کے لیے جاتے ہوئے بگھیل ایک ‘خصوصی بریف کیس’ لے کر پہنچے دراصل وہ جس بریف کیس کے ساتھ پہنچے تھے وہ گائے کے گوبر سے بنا تھا۔

انسانی جسم میں سور کا دل ٹرانسپلانٹ کرانے والا شہری چل بسا

بجٹ کے لیے وزیر اعلیٰ کی جانب سے استعمال ہونے والا بریف کیس گائے کے گوبر سے بنایا گیا ہے، جسے خواتین کے سیلف ہیلپ گروپ نے تیار کیا ہے اس تھیلے میں ‘گومے بستے لکشمی’ لکھا ہوا ہے۔

بتادیں کہ اس کے ساتھ ہی چھتیس گڑھ ملک کی پہلی ریاست بن گئی ہے جس نے دیوی لکشمی کی علامت کے طور پر گائے کے گوبر سے بنے بریف کیس کا استعمال کیا ہے۔

غور طلب ہے کہ پچھلے ایک سال میں چھتیس گڑھ میں گائے کے گوبر سے کئی طرح کی مصنوعات تیار کی گئی ہیں اس کے ساتھ ریاست کی خواتین کو خود کفیل بنانے کی سمت میں ایک بڑا قدم بتایا جا رہا ہے۔

اب حکومت ہند بھی اس اسکیم پر کام کر رہی ہے بجٹ پیش کرتے ہوئے وزیراعلیٰ نے سرکاری ملازمین کے لیے پرانی پنشن اسکیم کی بحالی کی تجویز دی۔

اس کے ساتھ ہی چھتیس گڑھ ایمپلائمنٹ مشن میں ہنر مندی کے فروغ کے پروگراموں کے ساتھ تال میل میں روزگار پیدا کرنے کے امکانات پر کام کرنے کے لیے دو کروڑ روپے تجویز کیے گئے ہیں۔

راجیوگاندھی کے قتل میں ملوث مجرم 32 سال بعد ضمانت پر رہا

بھارت میں حجاب تنازعے کی آڑ میں اقلیتوں کے خلاف مہم شدت اختیار کرتی جا رہی ہے، ریاست کرناٹکا کے ضلع شیوموگا میں حجاب کے معاملے پر کشیدگی برقرار ہے حالانکہ کرناٹک ہائی کورٹ کی فل بینچ نے حجاب کیس کا فیصلہ محفوظ کرلیا ہے لیکن اس پر تناو اور ٹکرؤو جاری ہے یہاں تک کہ رواں ماہ کے شروع میں کرناٹک میں مسلمان طالبات کا سر ڈھکنے پر بھی تنازعہ ہوگیا تھا-

باغی ٹی وی : تفصیلات کے مطابق کرناٹک کے ضلع شیوموگا کے ایک کالج میں بدھ کے روز معاملہ اس وقت شدید طول پکڑ گیا جب حجاب کے موضوع پر بحث کے دوران ایک واٹس ایپ اسٹڈی گروپ میں ایک خاتون طالبہ نے پاکستانی جھنڈے کی تصویر پوسٹ کر دی۔

یوکرین میں 2500 سے زائد بھارتی طلباء کو بچانے والا پاکستانی

پاکستانی جھنڈے کی تصویر پوسٹ کرنے پر ہندو طلباء کی جانب سے طالبہ کے خلاف بغاوت کا مقدمہ درج کرنے اور اسے کالج سے نکالنے کا مطالبہ بھی کیا جا رہا ہے۔

ہندو طلباء نے منگل کو شیوموگا کے سہیادری سائنس کالج کے احاطے میں اس معاملے پر احتجاج بھی کیا مظاہرین نے یہ بھی الزام لگایا کہ کالج انتظامیہ نے اس بارے میں ابھی تک کوئی قدم نہیں اٹھایا۔

بجرنگ دل کے کارکن ہرشا کے قتل کے بعد گزشتہ ماہ سے شیواموگا میں شدید کشیدگی پائی جاتی ہے اس قتل کے بعد بڑے پیمانے پر مسلمانوں کے خلاف پُر تشدد واقعات دیکھنے میں آیےاور کئی دن تک کرفیو نافذ رہا کرفیو ہٹائے جانے کے بعد شیو موگا میں بی جے پی کے کارندوں پر بھی حملہ ہوا جس سے ایک بار پھر صورتحال کشیدہ ہوگئی ہے۔

قبل ازیں 6 مارچ کو منگلورو کے رکن اسمبلی یو ٹی قادر نے دکشن کنڑا کے ڈپٹی کمشنر سے حجاب تنازعہ کی اعلیٰ سطحی تحقیقات کرنے کا مطالبہ کیا تھا جو جمعہ کو منگلورو کے کار اسٹریٹ پر ڈاکٹر پی دیانند پائی، پی ستیش پائی گورنمنٹ فرسٹ گریڈ کالج کے طلبا کے درمیان جھگڑے کی وجہ بنا۔

انتہا پسند ہندوؤں کا دو مسلمان نوجوانوں پر تشدد،خنزیر کا گوشت کھلانے کی کوشش

منگلورو کے رکن اسمبلی یو ٹی قادر نے کہا تھا کہ تحقیقات سے یہ سچائی باہر آنی چاہیے کہ طلباء کو کون مشتعل کررہا ہے کالج کے پرنسپل کو اُن طلباء کے خلاف کارروائی کرنی چاہیے جنہوں نے کالج میں باحجاب طالبات سے جھگڑا کیا۔ طلباء کو جھگڑا کرنے نہیں بلکہ تعلیم حاصل کرنے کالج آنا چاہیے۔ قواعد و ضوابط سے متعلق تمام مسائل پر طلباء کو نہیں بلکہ کالج پرنسل اور انتظامیہ کوتبادلہ خیال کرکے فیصلہ کرنا چاہیے۔ حجاب تنازعہ پر طلباء کے جھگڑے پر ضلع انتظامیہ کیوں خاموش رہا؟ ہم چاہتے ہیں کہ طلباء کالجوں اور اسکولوں میں یکجہتی برقرار رکھیں۔“ عوام میں خوف اور نفرت پیدا کرنے والوں کے خلاف ضلع انتظامیہ اور پولیس کو سخت کارروائی کرنی چاہیے۔

چھٹی کے دن اسکول کے بچوں کے ساتھ تصویر،مودی سوشل میڈیا پر مذاق بن گئے

یاد رہے کہ حجاب پر عبوری پابندی کے سبب مسلم طالبات کو انتظامیہ نے حجاب کے بجائے ڈوپٹے سے سر ڈھکنے کی اجازت دیدی تھی مگر کار اسٹریٹ پر واقع دیانند پائی اور ستیش پائی گورنمنٹ کالجوں میں مسلم طالبات اپنے سر ڈھک کر امتحانات کے لئے حاضر ہونے پر بی جے پی کی طلبہ تنظیم اے بی وی پی سے وابستہ طالب علموں نے ان مسلم طالبات کے خلاف جو ہنگامہ کھڑا کیا تھا اس کے نتیجہ میں بدامنی پیدا ہونے کے امکانات محسوس کرتے ہوئے ان کالجوں میں غیرمعینہ مدت کے لئے چھٹی کا اعلان کیا گیا ۔

یوکرین جنگ: روس کی خاموش حمایت پربورس جانسن سے بھارت کی مالی امداد روکنے کا مطالبہ

بھارتی میڈیا کا کہنا تھا کہ اڈپی ضلع سے شروع ہونے والے حجاب تنازعہ کو اس کالج کے پرنسپل نے حکمت کے ساتھ سنبھالا تھا اور مسلم طالبات کو اپنے سر ڈھک کر کالج میں حاضر ہونے اور لائبریری میں بیٹھ کر اپنی پڑھائی جاری رکھنے کی اجازت دی تھی ۔

حجابی طالبات کی ساتھی ہِبا شیخ کا کہنا تھا کہ پرنسپل نے انہیں باضابطہ حجاب کے بجائے ایک عام سے کپڑے سے سر ڈھانک کر امتحان ہال میں حاضر ہونے کی اجازت دی تھی ۔ مگر 4 مارچ کو جب وہ سب امتحان ہال میں جا کر بیٹھ گئیں تو اے بی وی پی سے تعلق رکھنے والے چار پانچ طالب علموں نے وہاں پہنچ کر تکرار شروع کی اور امتحان ہال سے باہر نکل جانے کو کہا ۔ اس سے بحث و مباحثہ اور زبانی تکرار شروع ہوگئی ۔ پھر کالج کے گیٹ پر متعلقہ لڑکوں اور مسلم طالبات کے درمیان زبانی جھڑپ ہوگئی جس کے بعد ماحول کشیدہ ہوگیا ۔ مگر پولیس نے موقع پر پہنچ کر حالات کو قابو میں کر لیا اس کے بعد مسلم طالبات نے مذکورہ طالب علموں کے خلاف بندر روڈ پولیس اسٹیشن میں باقاعدہ شکایت درج کروائی ۔

تاہم حالات کی حساسیت کو دیکھتے ہوئے ضلع ڈُپٹی کمشنر نے کالج کو غیر معینہ مدت کے لئے بند کرنے اور امتحانات کو ملتوی کرنے کے احکام جاری کر دیئے تھے-

فلسطین میں بھارتی سفیر اپنے دفتر میں مردہ حالت میں پائے گئے

انسانی جسم میں سور کے دل کی کامیاب پیوندکاری کا مریض دو ماہ بعد ہی چل بسا-

باغی ٹی وی : امریکا میں ڈاکٹرز نے دو ماہ پہلے 57 سالہ مریض کی ٹرانسپلانٹ کر کے جان بچائی تھی تاہم مریض دو ماہ بعد ہی انتقال کر گیا ہے اسپتال کے حکام کی جانب سے وہ موت کی وجہ کے بارے میں مزید کوئی تبصرہ نہیں کر سکتے، کیونکہ اس کے معالجین نے ابھی مکمل معائنہ کرنا ہے۔

امریکا: میڈیکل سائنس کی دنیا میں پاکستانی ڈاکٹر کا شاندار کارنامہ،انسان میں خنزیر کا دل لگا دیا

جس کے بعد نتائج کو میڈیکل جریدے میں شائع کیا جائے گا ابھی یہ بھی واضح نہیں کہ آیا اس کے جسم نے سور کے عضو کو مسترد کر دیا تھا اسپتال کے ترجمان نے کہا کہ اس کی موت کے وقت کوئی واضح وجہ معلوم نہیں ہو سکی تھی۔

ٹرانسپلانٹ کرنے والے سرجن ڈاکٹر بارٹلی گریفتھ نے کہا کہ مسٹر بینیٹ کے مر جانے سے پورا عملہ افسردہ ہے وہ ایک بہادر شخص تھا جس نے آخری دم تک مقابلہ کیا۔

یاد رہے یہ شاندار کارنامہ پاکستانی ڈاکٹر منصور نے انجام دیا تھا، ڈاکڑوں کی ٹیم نے جنیتیاتی طور پر تبدیل شدہ سور کے دل کو 57 سالہ شخص میں کامیابی سے ٹرانسپلانٹ کیا تا، جس کے بعد ڈیوڈ بینیٹ دنیا کے پہلے انسان بن گئے تھے جنہیں کسی جانور کا دل لگایا گیا ہو۔

محکمہ صحت کا انوکھا کارنامہ۔ ڈاکٹر حامد بٹ سروسز ہسپتال سے برطرف۔ ایم ایس کی ویڈیو لیک۔۔

دل کی پیوندکاری میں اہم کردار ادا کرنے والے پاکستانی ڈاکٹڑ منصور محی الدین کے مطابق سرجری سے قبل سور کے ڈی این اے میں تین جینز حزف کر کے چھ انسانی جینز شامل کیے گئے تھے، جو دل کو قبول کرنے کا سبب بنے تھے مریض کو کئی سنگین بیماریوں کا سامنا تھا جس کے باعث انسانی دل کی پیوند کاری ممکن نہیں تھی۔

ٹرانسپلانٹ پر ایک کروڑ 75 لاکھ پاکستانی روپے لاگت آئی۔ ڈاکٹر منصور کے مطابق چند مہینوں کے سور کا دل حجم میں بالغ انسان کے دل کے برابر آ جاتا ہے اور اس کی ساخت انسانی دل سے کافی حد تک ملتی جلتی ہے۔

اس سے قبل انسان میں بندروں کے دل ٹرانسپلانٹ کرنے کے تجربے کئے گئے جو کامیاب نہیں ہو سکے-

یوکرین میں 2500 سے زائد بھارتی طلباء کو بچانے والا پاکستانی

ٹوکیو: جاپانی سائنسدان آج کل ایک چھوٹی سی ممی پر تحقیق کررہے ہیں جس کے بارے میں مشہور ہے کہ یہ ’جل پری دیوی‘ کی ممی ہے جس کی پوجا کرنے والوں کو صحت، تندرستی اور لمبی عمر حاصل ہوتی ہے۔

باغی ٹی وی: اس ممی کا دھڑ مچھلی کا اور سر انسان جیسا ہے جبکہ اس کی مجموعی لمبائی صرف 30 سینٹی میٹر (ایک فٹ سے بھی کم) ہے یہ پچھلے 40 سال سے آساکوچی پریفیکچر کے اینجوئن مندر میں بحفاظت رکھی ہے۔

مشہور جاپانی اخبار ’آساہی شمبون‘ کے مطابق، یہ پراسرار ممی مختلف لوگوں سے ہوتی ہوئی، نامعلوم ذرائع سے اس مندر تک پہنچی ہے جو لکڑی کے ایک ڈبے میں بند تھی۔

ڈبے میں اس کے ساتھ ایک تحریر بھی موجود تھی جس میں لکھا تھا کہ یہ جل پری ممی مبینہ طور پر 1736 سے 1741 کے دوران ایک مچھیرے کے جال میں پھنس گئی تھی جو صوبہ توسہ (موجودہ کوچی پریفیکچر) کے سمندر میں مچھلیاں پکڑ رہا تھا۔

جاپان کے بعض علاقوں میں آج بھی عجیب الخلقت دیوی دیوتاؤں کی پوجا ہوتی ہے جن میں مچھلی کے دھڑ اور انسان نما سر والی ’جل پریاں‘ بھی شامل ہیں۔

کوراشیکی یونیورسٹی آف سائنس اینڈ آرٹس کے ماہرین نے اس مندر کے پجاری سے طویل مذاکرات کے بعد، بالآخر فروری میں یہ پراسرار ممی وہاں سے نکلوائی اور سی ٹی اسکین کیا تاکہ اس کی اندرونی تفصیلات معلوم ہوسکیں۔

اگرچہ اب تک اس تحقیق کا حتمی نتیجہ سامنے نہیں آیا ہے لیکن ابتدائی اندازوں سے معلوم ہوا ہے کہ جل پری کی یہ ممی کسی مچھلی کے دھڑ کو غالباً ایک نوزائیدہ بچے یا بندر کے بالائی جسمانی حصے کے ساتھ ملا کر بنائی گئی تھی۔

جل پری دیوی کے بارے میں جاپان کی قدیم دیومالائی کہانیوں میں ایک واقعہ یہ بھی لکھا ہے کہ ’جل پری دیوی‘ کو کھانے والی ایک عورت اگلے 800 سال تک زندہ رہی۔

اینجوئن مندر کے بڑے پجاری کا کہنا ہے کہ ویسے تو لوگوں کی بڑی تعداد صحت اور لمبی عمر کےلیے جل پری دیوی کی ممی کا دیدار کرنے وہاں آتی ہے لیکن کورونا وبا شروع ہونے کے بعد یہاں آنے والوں کی تعداد میں خاصا اضافہ ہوا اور لاک ڈاؤن کے باوجود، ہزاروں لوگ اس مندر میں آئے اور وبا کے خاتمے کےلیے جل پری دیوی سے منتیں مانگیں۔

کیف:یوکرین کا الزام ہے کہ روس نے بچوں کے ہسپتال پر حملہ کیا ہے-

باغی ٹی وی : برطانوی کے مطابق یوکرین نے روس پر الزام لگایا ہے کہ اس نے بندرگاہی شہر ماریوپول میں بچوں کے اسپتال اور زچگی کے وارڈ پر بمباری کی ہے جس سے 17 افراد زخمی ہوئے ہیں کئی بچے ملبے تلے دب چکے ہیں، جن کا جنگ سے کوئی لینا دینا نہیں تھا جبکہ 3 ہزار سے زائد بچے بغیر خوراک اور ادویات متاثرہ علاقے میں محصور ہوکر رہ گئے ہیں۔

یوکرینی صدر ولادیمیر زیلنسکی نے ٹوئٹر پر ایک ویڈیو پوسٹ کی ہے جس میں اسپتال کی بری طرح سے تباہ شدہ عمارت کو دکھایا گیا ہے جبکہ انہوں نے ویڈیو شیئر کرتے ہوئے لکھا ہے کہ یہ ‘ظلم’ ہے۔

حملےسے کچھ گھنٹے قبل یوکرینی وزیر خارجہ نے خبردار کیا تھا کہ شہر میں 3000 بچے خوراک یا ادویات تک رسائی سے محروم ہیں۔

امریکہ بھی روس یوکرین جنگ میں کودنے کے قریب:روس سخت جواب دینےکے لیے تیار

جبکہ روس کے مطابق انہوں نے گزشتہ روز ہی ماریوپول اور دیگر محصور علاقوں سے ہزاروں شہریوں کو محفوظ طریقے سے نکلنے کے لیے سیز فائر کیا تھا، لیکن ماریوپول کی سٹی کونسل نے کہا کہ اسپتال کو کئی بار فضائی حملے کا نشانہ بنایا گیا ہے جو تباہ کن ہے۔

رپورٹ میں بتایا گیا ہے کہ ماریوپول کمپلیکس کو سلسلہ وار دھماکوں سے نشانہ بنایا گیا، جس سے کھڑکیوں کے شیشے اُڑ گئے اور ایک عمارت کے سامنے کا بڑا حصہ اکھڑ گیا۔ جبکہ زمین ایک میل دور تک لرز گئی۔

دھماکے والی فوٹیج میں بھی دکھایا گیا ہے کہ پولیس اور سپاہی متاثرین کو نکالنے کے لیے جائے وقوعہ پر پہنچ رہے ہیں، جس میں دیگر خواتین سمیت حاملہ خاتون کو بھی اسٹریچر پر لے جایا جارہا ہے۔

یوکرین میں 2500 سے زائد بھارتی طلباء کو بچانے والا پاکستانی

یوکرین کے صدر ولادیمیر زیلنسکی نے بھی ٹویٹر پر مبینہ حملے کی فوٹیج شیئر کی، جس میں عمارت کو تباہ حال دیکھا جا سکتا ہے۔ صدر نے لکھا کہ دنیا کب تک دہشت گردی کو نظر انداز کرتی رہے گی؟ ابھی آسمان بند کرو! قتل و غارت بند کرو! آپ کے پاس طاقت ہے لیکن ایسا لگتا ہے کہ آپ انسانیت کھو رہے ہیں۔

تاہم روئٹرز نے کریملن کے ترجمان سے رابطہ کیا، جس نے اس حملے کی تردید کی اور کہا کہ روسی افواج شہری اہداف کو نشانہ نہیں بنا رہی۔

Mariupol. Direct strike of Russian troops at the maternity hospital. People, children are under the wreckage. Atrocity! How much longer will the world be an accomplice ignoring terror? Close the sky right now! Stop the killings! You have power but you seem to be losing humanity. pic.twitter.com/FoaNdbKH5k

— Volodymyr Zelenskyy / Володимир Зеленський (@ZelenskyyUa) March 9, 2022

راجیوگاندھی کے قتل میں ملوث مجرم 32 سال بعد ضمانت پر رہا

دوسری جانب روسی افواج نے مقبوضہ شہر خرسون سے 400 سے زائد افراد کو گرفتار بھی کرلیا ہے۔ عالمی ریسکیو تنظیم ریڈ کراس نے ماریوپول شہر کے حالات کو قیامت خیز قرار دیتے ہوئے کہا ہے کہ بندرگاہ سے متصل شہر میں گزشتہ 9 روز سے پانی اور بجلی منقطع ہے۔