اداکارہ عائشہ عمر کا بھارتی گانے ’’منی بدنام ہوئی‘‘ پر ڈانس سوشل میڈیا پر وائرل ہورہا ہے۔
باغی ٹی وی : عائشہ عمر کی ایک ویڈیو سوشل میڈیا پر وائرل ہورہی ہے جس میں وہ اپنے دوست کی شادی میں بھارت کے مقبول گانے ’’منی بدنام ہوئی ڈارلنگ تیرے لیے‘‘ پر ڈانس کرتی ہوئی نظر آرہی ہیں۔
ایک سوشل میڈیا پیج پر جہاں عائشہ عمر کے ڈانس کی ویڈیو شیئر کی گئی ہے اس ویڈیو پر عائشہ عمر نے تبصرہ کرتے ہوئے لکھا کہ انہیں یہ ڈانس کرتے ہوئے بہت مزہ آیا حالانکہ وہ مصروفیت کی وجہ سے ڈانس کی زیادہ پریکٹس نہیں کرسکی تھیں۔
عائشہ عمر نے یہ بھی بتایا کہ ڈانس کے دوران ایک کانچ کی چوڑی ٹوٹ کر ان کے پیر میں چبھ گئی تھی لیکن اس کے باوجود انہوں نے ڈانس مکمل کیا۔
تاہم جہاں عائشہ عمر کے ڈانس کو پسند کیا جارہا ہے وہیں بہت سارے لوگ سوشل میڈیا پر ان کے لباس کی وجہ سے انہیں شرم کا احساس دلاتے ہوئے ان پر تنقید بھی کررہے ہیں۔
صارفین نے کہا کہ ان جیسی جب رمضان میں کسی شو میں آتی ہیں تو لگتا ہے ان سے بڑا نیک کوئی نہیں ہے اس دنیا میں۔ رمضان کے بعد اپنی اصلیت ظاہر کرتی ہیں بہت سارے لوگوں نے عائشہ عمر کو بے شرم کہتے ہوئے کہا کہ عائشہ بہت بری لگ رہی ہیں جبکہ ایک خاتون نے لکھا تھا کہ’ یہ شادی کی تقریب میں ڈانس کرنے کے کتنے پیسے لیتی ہیں؟‘
دوسری جانب عائشہ عمر نے ان کی اس وائرل ڈانس ویڈیو پر نامناسب تبصرہ کرنے والی خاتون کو جواب دیتے ہوئےکہا کہ وہ بھی دوسرے انسانوں کی طرح ایک عام زندگی گزارتی ہیں اور اپنے دوستوں اور رشتہ داروں کے ساتھ ڈانس کرنے کا حق رکھتی ہیں۔
عائشہ عمر نے لکھا کہ وہ یوں عام شادیوں پر ڈانس نہیں کرتیں۔ صرف دوستوں اور رشتہ داروں کی شادیوں میں ڈانس کرتی ہیں، اور یہ ان کے قریبی دوستوں کی شادی تھی اور یہ ڈانس انہوں نے تفریح کے لیے کیا، پیسے کے لیے نہیں‘۔
انہوں نے مزید لکھا کہ’وہ اس کے لیے پیسے نہیں لیتیں، ہم اداکار بھی آپ سب کی طرح عام زندگی گزارتے ہیں اور ہم بھی آپ لوگوں کی طرح دوستوں اور رشتہ داروں کی شادیوں پر ڈانس بھی کرتے ہیں ، ہم اپنے کام کے شیڈول کے ساتھ ڈانس کی ریہرسل کرنے کے لیے وقت نکال سکتے ہیں‘۔
آخر میں اداکارہ نے بتایا کہ’ دوستوں کے ساتھ ڈانس کرنا ان کی روح کی غذا ہے‘۔
